رواية عودة عاشق الفصل السادس عشر 16 بقلم منة الله الجزار
اهلا بكم في مدونة مكتبة حواء نقرأ لكم ونكتب من اجلكم
﷽
ـــــ
عند كمال
بلال.. كمال إنت متأكد من اللي إنت عاوز تعمله ده؟
كمال بشر.. طبعاً.
بلال.. تمام أنا هاخد الملف وأنقله على الفلاشة عشان العرض بكرة.
كمال.. بلال عاوزك تفتكر حاجة إنت اللي هتظهر بكرة مكاني تمام مش عاوز حد يشك في حاجة.
بلال.. ربنا يستر.
مشي بلال وفضل كمال لوحده.. وسند ضهره على الكرسي وحط رجل على رجل وبص قدامه بشرود.
ـــــ
عند مايا.
كانت لسه بتبص على الفون بس لسه مقفول والقلق كان هيخلص عليها.
مايا.. قامت قاعدة على السرير.. ها يا أستاذة مايا هتفضلي تفكري فيه كتير إنتي وراكي يوم طويل بكرة ولازم تبقي جاهزة هو تلاقيه مخمود دلوقتي ومش حاسس أصلاً وإنتي قاعدة هنا القلق بياكل فيكي وبعدين على رأي حسناء مراد ميتخافش عليه يتخاف منه.. فنامي أحسن.
مايا حطت الفون على الكومودينو ونامت بس من القلق معرفتش تنام.. يا ربي هو أنا كنت خلفته ونسيته هو ده كمان طيب يطمني عليه وبعدين يروح يعمل اللي هو عاوزه أبو برودك يا مراد.
وأخذت المخدة وحطتها على دماغها بصويت.. انخمدي بقى.
ـــــ
عند مراد
أمر رجالته إنهم يفرغوا كل الأسلحة معاهم فيه. مراد فعلاً غربلهم كان واقف وفي النص البلد كان في جثث كتيرة أوي والدم معبي المكان والناس مكتومة مش قادرين يعملوا حاجة كانوا بيشوفوا ولادهم ورجالتهم قدامهم.. بس هما اللي غلطوا ولازم يتعاقبوا.
مراد بزعيق.. ده عقاب اللي اتجرأ على أبوي واللي اتجرأ برضو إنه ينسي ويعمل كديه أي حد هيغلط لازم يتعاقب وأني اللي هعقبه بنفسي ده مجرد تحذير ليكم فاهمين.. أيام مراد العزايزي لو كنتم نسيتوها فأني مستعد أفكركم بيها تاني إنتوا فاهمين.
كان الرعب ملي المكان والأطفال الصغيرين خايفين أوي والحريم برضو.. اليوم ده هيفضل في ذاكرة كل حد فيهم.
أخد رجالته ومشي وساب الناس تجري على ولادهم ورجالتهم وينوحوا عليهم محدش يقدر يغلطهم هما اللي غلطوا الأول.
وصل البيت.
وطلع على أوضة أمه يتطمن عليها لقاها لسه نايمة والمحلول اتشال من إيديها باس راسها.. وحياتك عندي لأدفعهم واحد التمن.
قام وخرج وراح أوضته دخل وبص عليها وافتكر أيامه فيها وضحكه مع أخوه وحضنه لأخته كان شايف ده كله قدامه وهو واقف.
أخد نفس بحزن.. ودخل الحمام غير هدومه وطلع مسك فونه لقاه فاصل... أووف هو ده وقتك؟ قام جاب الشاحن وحطه في الفون وفتحه لقى مكالمات كتيرة من رقم ورسالة على الواتساب ابتسم ورن عليها وهو ساند ضهره على السرير.....
مايا أول ما سمعت صوت الرنة فاطت ومسكت الفون ومكنتش مصدقة إنه هو اللي بيرن فتحت عليه وانفتحت فيه بغضب.. كنت فين يا ض طول اليوم قلقتني عليك إيه الباشا كان عنده مشاغل كتيرة أوي كدا عشان كدا مبتردش عليا وقافل تليفونك يروح أمك.
ضحك مراد عليها... هه هه هه ده كله ليا أنا هه كنتي قلقانة عليا يا وردتي.
مايا اتوترت.. ولعنت نفسها في سرها.. غبية.. عادي أنا بس قلقت على البشرية منك.
ضحك تاني... هه ليه بخوف أنا صح؟
مايا بتوتر.. لا بتخوفهم هما مش أنا.
مراد.. وما بتخافيش مني يا وردتي ليه؟
مايا.. عشان إنت بتخوف الناس الضعيفة بتتغذى على الخوف أما أنا مش ضعيفة.
مراد.. إنتي شريرة يا وردتي هه.
مايا في سرها.. وحشتني صوت ضحكتك يا ابن اللذينة
.. أيون منكم نستفيد.
مراد بضحك ولا كأنه كان عامل بحر من الدم من شوية .. أنا شرير وحلو ما تنسيش هه.
مايا.. ني ومغرور.
مراد بضحك.. إنتي لسه فيكي الحركة دي يا بت؟
مايا.. بت ما بتك ما اسميش بت اسمي مايا ميم ألف ياء ألف مايا.
مراد.. مايا صالحة للشرب ولا غير صالحة هه.
مايا..بغيظ.. يا أبو برودك ولاا هاجي أضربك.
مراد.. بابتسامة.. تعالي واللي يرجع يبقى عيل وأنا مش هطلعك من هنا نهائي.
مايا.. ليه هتخطفني؟
مراد.. بحب.. أيون هخطفك وأخبيكي جوه حضني ومش هطلعك منه أبداً.
مايا وشها احمر من الكسوف.. ما بدخلش مكان دخلته واحدة قبلي.
مراد فهم كلامها.. هي فعلاً دخلته بس من غير إحساس بس أنا معاكي هبقى أنا وإحساسي وكل حاجة هتبقى إنتي يا مايا.
مايا بكسرة.. إنت عشت معاها وبقت جزء منك كسرتني ومشيت يا مراد.
مراد بندم.. سامحيني مايا أنا مقدرش أعيش من غيرك أنا من غيرك ولا حاجة أقولك على حاجة أنا لما عشت مع إنجي كانت إنتي اللي معايا بجد يا مايا مش هي أختك ردوا ليا بإيه بكسرة برضو أختك خانتني يا مايا.
مايا بصدمة.. خيانة.
مراد بحزن ووجع.. أه وفي أوضة نومي يا مايا حطي نفسك مكاني لو جيتي ولقيتي جوزك حتى لو مش بتحبيه وبيخونك وبيكسرك مع حد تاني وفي أوضة نومك هتعملي إيه؟
مايا.. ده أنا أخلص عليه.. بس إنت معاك بنوتك دي تنسيك الدنيا واللي فيها حتى اللي عملته إنجي.
مراد.. أنا كل ما أبص في وشها أفتكر إنجي واللي عملته فيا كرهت البنت.
مايا بصدمة.. لا دي ملهاش ذنب في اللي حصل بينك وبين إنجي ما تاخدهاش بذنب حد تاني هي مظلومة برضو طفلة صغنونة مراد عاوزة أطلب منك طلب ممكن.
مراد.. ممكن.
مايا.. ممكن تجيب البنت تعيش معايا هنا أنا وماما أو على الأقل تونسني لأني لوحدي عاوزة حد يكون موجود معايا بعمل ليا حس في البيت بدل ما أنا خايفة كدا.
مراد.. أمال فين الخدم البيت فاضي.
مايا.. الكل نام وأنا قاعدة زهقانة زي قرد قطع كدا.
مراد... هه حاضر هبعتهالك ليكي بكرة إن شاء الله.
مايا بتوتر.. هو إنت مش جاي بكرة؟
مراد بحزن.. لا أمي هنا تعبانة وعندي شوية مشاكل في البلد وغير إن أبوي متصاب فمحدش في البيت غيري.
مايا.. بخوف.. إزاي اتصاب طيب هو كويس ولا إيه؟
مراد.. هو في العناية.
مايا.. ربنا يقومه بالسلامة ليكم.
مراد.. يا رب يا وردتي.. مين هيكون المنافس بتاعك بكرة؟
مايا.. معرفش أسماء كتير بس اللي عرفته في شركة الماجد وفي شركة البحيري.. دول أقوى شركتين في المنافسة خايفة أوي يا مراد.
مراد.. ما تخافيش إنتي قدها وبعدين بتوع مين دول؟
مايا.. واحد اسمه كمال البحيري والتاني اسمه ضياء ماجد.
مراد باستغراب.. كمال البحيري كمال البحيري ده ميت أصلاً.. إزاي الشركة دي مدمرة من سنتين وكانت بتاعت ابن واحد اسمه ناجي البحيري بس الراجل وابنه ماتوا في حادثة قبل سنتين.
مايا.. إزاي وإنت جبت المعلومات دي إزاي؟
مراد.. فاكرة أيام الحادثة اللي حصلت بيني وبين كايا في نفس اليوم لما روحنا بيه المستشفى كانت في حادثة كبيرة وكان في ست قاعدة وبتعيط والكل كانوا عمالين يهدوا فيها فسأل في إيه؟ حكوا ليا إن ابنها وجوزها الاتنين كانوا في حادثة واحدة والعربية اتقلبت بيهم ونسبة الوفاة 100% لأن العربية اتقلبت من مكان عالي.
مايا بحزن.. ربنا يرحمهم يا رب يمكن حد تاني بنفس الاسم.
مراد.. ممكن.. المهم دلوقتي قومي نامي ومتشغليش نفسك بحاجة عشان بكرة وابقي طمنيني.
مايا.. أوك تصبح على خير 
مراد.. وإنتي من أهله يا وردتي.
قفلت ومايا قلبها ارتاح لما سمعت صوته ناموا الاتنين.
ـــــ
الصبح
كانوا في المنافسة والكل باين عليه التوتر والتصميم اللي بتتعرض كانت كل تصميم أقوى من اللي قبله.
حسناء كانت بتطمن مايا هي ومازن.
جه دور شركة البحيري لعرض التصميم وكمال بانت أنيابه والصدمة وقعت على الكل وويتبع.
يا ترى مايا هتعمل إيه في المصيبة دي ومين ده هل كمال نجا من الموت ولا إيه ولا مراد ليه يد في الحادثة؟
السابع عشر من هنا
