رواية عرين الصياد الفصل الرابع عشر 14 بقلم شذرة العدوان

ليال: راح تساعدني لو لا

مو جاي احجيي وياك تساعدني لو اشوف غيرك +

غمزلي بخبث گال ليش عندج احد ثقه

ليال: تفكيرك قذر مثل تصرفاتك

--هسع انتي جايه تريدين اساعدج لو جاي تغازليني

ليال: شنو اغازلك مخبل انته يكون بعلمك اني جيتك عبن ادري انته اكثر واحد تكرهني بهاذ المهجوم

--اي والله اموت منج عبالك جاتله ابوي وهو اصلاً عايش هههه اي كملي شلون تريدين اساعدج بشنهو

ليال: اريد انهزم اطلع من هاذ الجحيم

--يمه الگواة يمه صدگ ذيبة حماد

ليال: هسع فضني

-- شسوي من گاضبج روحي نهزمي

ليال: والجلاب

--شبيهم

ليال: اذا نبحو عليه انكشف اريدك بس تلهيهم مجرد اطلع من الباب ينتهي دورك ومعليك بيه

ها شگلت تساعدني انهزم وتخلص مني

………………………

بقلمي شذرة العدوان

امل:گايده ليال ومن دكتور نطلع وعلى دكتور نفوت ومحد ساعدنه بشي بيهم الي گال ما اعرف بحالتها مو ختصاصي وبيهم الي لا ذمه ولا ضمير وصفنه علاج

لغير حالة المهم يمشي علاجه

عماد تمرض تعبت نفسيته وداخ كل شويه يگعد قسنه الضغط طلع هابط عنده راح ماجد جابله لبن وحط بي ملح گاله اگعد هين اني وامل نوديها

عماد حت حيل ما ظل بي يحجي

من حلات روحه مدد گدام المحل الا گلوله تعال فوت جوه

رحنه اني وماجد گايده ليال بكل قوتي اخاف تفلت من ايدي نوبتين نهزمت ولزمانها

اخذها ماجد مني گادها وهاي تبجي رجعوني عالبيت رجعوني وتعاند ما تفعل تمشي

امل:ماجد وين نروح هسع بس فهمني تره والله تعبت

ماجد:وين نروح يعني نلگط جما غير نشوفنه دكتور زمال شي

امل:هاذ خامس دكتور يا ماجد وكلشي ما ستفادينه وانته مجاي تنطي مجال للوادم تحجي گبل ايدك والمكاون والضرب

ماجد:امل تمشين لو اخليج هين والله

يمكن تعبالين متونس والله مال الزمكم ازوعكم العافيه بنيه مثل الورده تذبل گدامكم وانتو مثل الزمايل فاكين حلوگكم

امل:شنسوي يا ماجد فهمني اني الوح بنفسي وحدي عماتي وهاجر لازمات عده وفاتن ما اجت غير نوبة وحده وعباره عن هيكل عضمي يمشي وديالا جسد بدون روح وكلشي متعرف(الناقله روعه الطائي)

حميد تعبانه نفسيته وخلصها قلق وخوف من بيت العلوان وعماد يلوح بنفسه عالمزرعة والعمال وكل الشغل وگع براسه وحده

ماجد:خايبه لا تحجيني عالشغل والمزرعة والعمال

اگوم هسع املص بنص الشارع شنو الأهم الخسات والبتيتات الزارعيهن لو هاي البنية الي ضاعت ومجاي نگف على سايتها انعلبو الشغل الي شتغلتو امشي امل بدون حس روحي صايره بخشمي

امل:انته شبيك متعصب انطي مجال للحجي وامشي على كيفك والله تعبت اركض وراك ما ظل بيه حيل

تجاهلني ولا صد وكل خطوه يخطيها يوصل بيها نص الشارع واركض وراه مجاي الحگ بي گلبي يم ابني بلكت ديالا سوتله ممه ،،،

ديالا:وگفت متعصبه والطم وسنان لازم اديه نفضتهن

منه وضربته على صدره وحجيت من بين سنوني گتله حامد ما تفوتله وهسع اروح احجي لحميد كلشييي

سنان: اشش صوتج وروح اهلج لا تحجين اني مو خايف على حامد يطبه طوب يولي عساه بالمرض وعذاب الدنيا گبل الأخرةان شاء الله هسع يجيني علمه جاتلينه

ديالا:عجل هدني اروح احجي لحميد هدني

ابويه صار جوه التراب ومهره ومحمد راحو اخواني من وراه ليلهم ما ينامونه وليال تخبلت خسرنه كلشي سنان صرنه يتيمات الأب والأخت وراح اخونه الفقير الي ما شاف بحياته سعاده رملو مرته ويتمو ابنه

هدنيي سنان والله اصرخ والم الناس عليك

اريد احجي لحميد يروح يكتله ويرتاح

سنان:كبري عقلج ديالا وروح ابوج واگعدي افهمج زين والله تعبان وما بيه حيل اذا تحبين ابوج اگعدي احجيلج

ديالا: مستحيل اسكت والله احجي لحميد كلشي

سنان:ديالا اگفي تره الصياد يكتل اخوانج والله

ديالا:لا تهذي سنان لا تهذي الزلمه اجه وسلم نفسه لعماد گاله اخذ ثارك مني ليش تجذب سنان گول خايف على حامد النذل الي دمرنه وحط اهلي جوه التراااب

سنان:انعلبو حااامد اگلج يطبه طوب اني خايف عليج ما اتحمل اشوفهم ياخذونج اموت والله

ديالا:جنت مبتعده عنه وگفت متصنمه من گلامه رجعت وگفت گدامه كتفت اديني گتله وليش بالله تموت اذا اخذوني

بلل شفايفه ويدحگ بحزن گال احبج ديالا

جنت ضام هالحب بگلبي وگلت ما اعترف ابد يكفيني اشوفج گبالي بس من الصياد داس على رگبتي ختنگت گطعت النفس گمت اشوف الموت تندمت اني راح اموت بدون ما اعترفلج غمضت عيوني گطعت الأمل بالحياة وال

ديالا: ما خليته يكمل گلامه ضربته راشدي بكل قوتي لزم خده وظل صافن صكيت على سنوني گتله مثل حب حااامد لمهره مووو انعلبوكم لابو الحب مااالكمم

رفعت اصبعي بحركة التهديد

يا ويلك سنان اذا اشوف جهرتك انوب يا ويلك اني جنت معتبرتك اخويه شنهي حب شنهي خرابيط اني ما عرفت معنى هالكلمة الا من ماتت مهره وخلي ابالك

راح اسكت لسبب واحد وهو اني ما اريد اخسر اخواني الي ما ظل عدنه غيرهم

بسبب ابن عمك الجايف النذل +

مشيت من يمه واني افح من العصبية

الله لا يوفقكم دمرتو عوائل ثنين طشرتونه

تلاگيت ويا استاذ صائب ،،

صائب:ها ديالا اشو ماكو احد شگد ناديت

ديالا:بلعت ريگي گتله جنت يمم

قاطع كلامي وگال هااا سنان شلونك الحمد لله على سلامتك تعذرني ردت اجي اشوفك وما تهيالي

ديالا:صديت ورايه شفت سنان واگف الضاهر لحگني

اعصابي صارت نار كتمت الغيض بداخلي

تسالم هو واستاذ صائب وطبطب على جتفه گال تعال اگعد احجيلي شصار وياك والله ايست منك

حضن سنان من ضهره وراح گعدو عالبلوك يحجون

صائب:ديالا بلا زحمة سوينه جاي ويجيبي مي

رحت حطيت القوري عالطباخ ودخان العصبيه احسه يطلع من خشمي اخذت طاسة المي ورحت عليهم

اول ما وصلت لگيت سنان امبلش بالحديث

سنان:اخذوني منا جتل كسروني بالبدي تكسر من وصلنه بيتهم نزلوني وشدو عيوني ويسحلون بيه

مشينه قريب من بيتهم ونزلوني جوه شالو الشماغ عن عيوني

اول ما فتحت عيوني حسيت نفسي بالجحيم (الناقله روعه الطائي)

حجرة جبيره تخوف يا صائب وبارده ثلج مليانه صناديگ خشب وغراض ما فتهمت منهن شي

جتفو اديه وربطو الحبل بالشباك الي عباره عن طاگه ما تفوت حت البزون

يتحاجون بينهم شنسوي بي هسع

گالو تتنظر ابو النشمي يجي

عافوني وطلعو

اسمع لجتهم والصياح والرمي موت عالكيف

تفقدت المكان واستوعبت اني بسرداب

قريب من بيتهم

مرت ساعات واني على حطتي

اشكال الحجي يحجون وما فهمت غير

واحد يگول ندفنه وذاك يگول اذا ما اخذ بثاره ما يندفن

شويه ويجفت عليه الصياد ااخ يا صائب شوفني الويل

كل ضربه يضربني افقد الوعي ومن اصحه يرجع انوب ويريدني اعترف يگلي احجي منهو جتال اخوي

حجيتله الي اعرفه

من شافني ما مني امل بالضرب

سحلني وطلعني بره شدو عيوني

وداني البيتهم فتح عيوني گال تشوف هاذ البيت دحگ علي زين

اني عيوني گوه افتحها ومجاي اركز من كد البشر الي يمهم ما شفت بحياتي هيج

گال هاذ البيت انطكيا

شتريد بالدنيا انطيك سيارات فلوس بيوت

بس گلي منهمه هذول

گتله والله ما اعرفه

ضربني بوكس فقدت وما صحيت لليل ،،

ديالا:رجعت جبت الجاي وجعني گلبي

من الحجي الي سمعته انطيتهم الجاي اخذو وكمل سنان الحجي

سنان:ما خلو شي ما سوو بيه انواع التعذيب

ما يفعل يصدگ اني ما اعرف شي يگلي هالگد الشخص مهم بحيث تخاطر بحياتك علموده

سحلني وطلعني بره گالي تشوف هذيج الفرس البيضا

هزيتله راسي اي

گال هاي الفرس اصيلة مشعل ظل شهر يلاوح بصاحبها تا يشتريها لحرمته مهره ويهديها الها گبل ما تفوت البيت وهسع مشعل وحرمته وييين جوه التراب گالهااا بصوت عالي شگ اذني

رجعني عالسرداب الي بس شوفته ترعب بي شغلات تشيب الراس

داس على رگبتي برجله گطعت النفس اديت الشهادة

ديالا:من سمعت مشعل مشتري فرس لمهره ختنگت گمت ابجي عجل شگد جان مكيف بيها

صائب:وجعني گلبي عليك يا سنان هاي الحمد لله على سلامتك والمهم خلصت منها

سنان:ما خلصت يا صائب ولا اخلص ابد

صائب:ليش

سنان:رغم اني تحملت التعذيب وحجيتله الحقيقه

واطلق سراحي واجه اعتذر من امي وحب راسها بس جذاب ما صدگ شي وشاك بينه بس مجاي يجمع الخيوط

صائب:ما فتهمت شلون يعني

سنان :جابني الطريق كله يسألني على بيت الملا منو يجيهم منو يعرفهم وعدهم عداوة ويا احد

ما خله شي ما سأله حجيتله كلشي اعرفه

بعدين حط ايده على جتفي گال اي وحجيلي عنك عندك عمام گرايب شغلك عملك

نبش حياتي نبش

حسيت من كلامه يريد يصل لخيط يعرف بي ليش الجتال اختار بيتي من دون البيوت كلها هاذ الشي الي مجاي يستوعبه

اول ما دخلنه بيتنا عيونه تتنقل على كل مكان

وصلنه باب الصالة گال هاذ بابكم الرئيسي مو

گتله اي لزم الباب ويدحگ علي

لزم جتفي گال اخذلي طريق اسلم على امك

صحت على خواتي فاتو بالحجره

طب ويدحگ على بيتنا يتفقد كل شبر

سلم على امي گال امشي سنان نصعد عالصطح صعدنه وگام يدحگ وگف بمكان گال من هين صار الرمي

حدرنه جوه وجان يروح طبطب على جتفي وگال هيه تبيين

صائب:خله يگول الي يگوله ويفكر الي يفكره مزال حامد طلع بريئ انته لا تهتم محد يحاجيك

ديالا:سنان يدحگ عليه بطرف عينه ويعصر بگلاص الجاي خايف مني لا احجي بلل شفايفه گال اني اترخص مشه وهو يبوگ نظرات عليه

ظليت لازمه صينيه الجاي واضغط عليها بأصابعي

سرحت بتفكيري يربي شلون بيه احجي لو اسكت

اذا سكتت دم اهلي يظل بالگاع حگهم يضيع وذا حجيت ما اگدر اضمن شيصير اخاف صدگ يهجمون علينه يكتلون حميد وعماد وياخذونه

صافنه بزماني لحد ما جرني استاذ صائب من عكسي +

صاب: ديالاااا صار شگد انادي ما تسمعين بشنو سرحانه شبيج

ديالا: بللت شفايفي گتله اسفه ما سمعتك

صائب: روحي نامي ورتاحي

ديالا: ان شاء الله هسع اروح

استاذ صائب تخوصر گال امنيتي اعرف ماجد وين وله

ديالا: ماجد راح ويا عماد وامل ودو ليال

اشو هاذ عگد حواجبه وشد على شفايفه

ما حجه شي وراح

امل:رجعنه شايلين همومنه

عماد تنزل دموعه ويصد بصفحه يمسحها(الناقله روعه الطائي)

وماجد غبر السيارة بالدخان واعصابه نار

ياريت ما رحنه تعذبنه عذاب ليال لعبت بينه طوبة بعد ما نگدرلها گامت تصيح وتلطم وتكفر استغفر الله

وهي بحياتها ما كفرت ولا تعرف الكفر شنو

نحاول نسد اثمها تعضنه وتشيل روحها ترگعها

الا ماجد لازمها بكل قوته عماد تعب ادينه معد نگدر نشيلها

الطريق كله ابجي عليها

شلون هيج صار بيها يربي رحمتك ساعدنه

طول الطريق تبجي وتگول اكرهكم دفنتو ابويه ومهره وهمه عايشين ،،

ديالا: حيل تأخرو اشو

وهاذ ابن عماد فرفح من البجي

شلته وطلعت بره اتمشى بلكت يسكت حميد مدري وين راح

اندگ باب السياج گلت منو

اجاني صوتها الناعم

هاي اني نضال

فتحت الباب سلمت ابتسمت بوستني حضنتني وشالت ابن عماد

نضال: شلونج ديالا شخبارج

ديالا: هزيت راسي بحزن زينه انتي شلونج نظال اهلج شلونهم

نضال: والله بخير الحمد لله اليوم اجينه اني وامي والله يا دوب سلمت على خاله شكحه ورافده واجيتكم ركض اشوفكم

ديالا: تسلمين هلا بيج

تلفتت حواليها گالت شو ماكو احد

ديالا: والله راحو يودون ليال للدكتور

نضال: يبو هاي بعدها مريضه

ديالا: اي والله بعدها

نضال: الله يشافيها يارب

ديالا: امين

نضال: عجل ماجد وينه گالو يمكم

ديالا: اي جان يمنه راح ويه عماد وامل ودو ليال

نضال: هاا خوش امت راحو

ديالا: والله من الضهر وهاي راح يأذن المغرب وهمه ماكو بعدنه نحجي وجان نسمع السياره بره

ابتسمت نضال گالت ابن الحلال عد ذكره هذول اجو

طلعنه وصدگ اجو

حدرو ليال دايخه وعماد دايخ هاي شصاير بيهم الكل تعبان فات ماجد گايد عماد وامل گايده ليال

ماجد اول ما شاف نضال عگد الحواجب

امل: مرت ايام وليال نفس الوضع

التحق ماجد وصانه عليها انطانه رقم گال اي شي يصير تتصلون بهاذ الرقم وراح يبلغوني واجي

اجينه بالليل انام ومثل العاده نجيب ليال يمنه

عماد: امل ناوشيني الحبل

امل: هم اليوم راح تربطها

عماد: شسوي غفلت عنها نوبه وحده لگيتها واصله الفلكه شسوي فهميني

امل: خلينه نوديها على سيد

عماد: لا حول الله امل عوفي هالحجي ذيج بنت حجي ابراهيم خبلوها الدجالين تريدين اودي ليال تا فوگ خبالها تخبل انوب

امل: هاذ مو مثلهم اتصلت فاتن وگالت جيبوها اني اوديها حجي حسين ما يفعل يخليها تجي

عماد: ما اوديها وكافي تسولفين ناوشيني الحبل

امل: انطيته الحبل وگلبي معصور يوميه يربطها برجله وكل ما تفز يفز وياهه ااخ

ديالا: استلمت الشهادة

دراجاتي تحجي معاناتي وين نص السنه كله تسعينات وين هاي اكثر درجه 40

حضنتها وبجيت شگد توسلت استاذ صائب يخليني ما امتحن واتفشل ادري بنفسي ارسب لا قريت ولا ركزت مسحت دموعي بخيبة امل

وگمت انفض باللحاف تا انضده عالبوفية

عزلت الحجره وطلعت اساعد امل بالشغل تكرب ليل ونهار وحدها

شديت شعري وگمت اكنس

كلشي اگدر اشتغل تعلمت بس الخبز والعجين والطبخ ما اعرف وامل ما تعلمني تگول خليهن عليه

امل: ديالا طلعيلي ملابس ليال اريد اسبحها

ديالا: اي هسع ذبيت المكناسه ورحت

فتحت كنتورها ملابسها مليوصة ااخ جانت طول الوكت ترتب بيهن وتعزل وذا ذبانه تلمس قميصها تغسله وتشره بالشمس وتلزم عود تگف يمه

ااخ يا ليال شجاج تخبلتي وعفتيني وحدي

اخذتلها الفستان النيلي الي جابته فاتن ولبسته ليال بعرس غازي بلكت الله تذكر شي +

امل: حطيت ليال بالحمام وگمت اسبحها

سطلين مي تا يكفن شعرها يتعبني بالغسل والمشط مرات اگول اگصه تا يخف عليه وارجع اگول لا هيه حيل تحب شعرها وتحب نفسها ما صخيت

نشفتها وبدلتلها طلعت عروس

طلعت بره گعدنه عالحصيره وگمت امشطلها

وهيه نوب تهدئ نوب تعيط وتگوم تكفر وتغلط

بس ابد ما اضربها ولا اعصب منها احسها بنتي

مشطتلها وما جذلته انتظره ينشف تا متصير بي ريحه ويگع

قفلت كل البيبان وخليتها تلعب بالفي

اشتغل وگلبي يمها

بلشت اطبخ غده العمال

ااخ يا مهره شگد جنتي شايله حمل هالبيت ومحد حاس بيج ومقدر تعبج

عماد قفل عياده محمد الله يرحمه

وزاد عدد العمال بالگاع وخله عليهم مسؤل يشرف عليهم ويوديلهم غده ويهتم ويشوف الشغل

بس ابد مو مثل مجان عمي الدرويش الله يرحمه

هسع العمال دوم يشكون وما مرتاحين

حميد من يجي يساعد بشي قليل

ويمل وحارجنه نبيع الگاع

يگول شلنه بيها بعد ما راحو ابويه ومهره ،،

ديالا: ادحگ على ليال مرات تصفن تروح بغير عالم مرات تحجي ويه نفسها وتعصب من كلشي

رحت وديتلها مي مگدر اگللها هاج تدفره تحب العناد

خليته گدامها ثنين ركبي ادحگ عليها

طلعت حلوه بالفستان والشعر محلول

شايله طبشورة وتكتب عالحصيره

وتحجي ويه نفسها

همس ما اسمعها شنو تحجي انعصر گلبي عفتها ورحت ابدل مي للفرس مال مهره

طلعت من الباب وما سديته خليت وراه طابوگه

رحت يم الفرس

بدلت ميها من شافتني گامت تصهل

لزمت راسها گلت هم انتي مشتاگه لمهره صديقتج

منو گال الحيوان ما عنده حساس خلي يجي يشوف الفرس مال مهره من يوم الي ماتت واكلها مو مثل قبل وحت من نطلعها برا تظل حزينه وما تلعب

صارت هادئه احسها تبجي وتسألني مهره وين كل ما شافتني اجيت عليها

بوستها ورجعت شفت الباب مفتوح

تجاهلت سديته ورحت عالمطبخ

حطيت خبز العمال بالعلاگه

ورتبت ويه امل

امل: روحي اسبحي اني اكمل كلشي

ديالا: شلت طرف خبزه اكلته گلتلها هسع نكمل واروح اگلج عماد وافق نودي ليال لبغداد

امل: لا والله اشو بالبداية وافق بعدين غير رائيه

مدري شجاه بلكت من يجي ماجد يقنعه

ديالا: واستاذ صائب

امل: هم ما يفعل من سمع بيها سيد تخبل يمكن هوه الي خرب عماد ندخل على الله

ديالا: نحجي بحالة ليال وندگ باب المطبخ فتحته طلع استاذ صائب سلم عليه ومسح على راسي

امل: هلا صائب تفضل

صائب: هلا بيج

امل: الباب مقفول شلون فتحته

صائب: ادري تقفلونه گمزت من فوگ شسوي

تالي عمري اگمز بيبان ههه

امل: يربي شنسوي ما الله يهداكم ونودي ليال على سيد والله ماجد يحمد منه يگول شگد عالم تجي

صائب: هاذ ماجد لحاله يهذي

ما أمن بشغلة سياد وغيرها ليال ما بيها غير صدمه ومع الأيام تتشفى ان شاء الله

امل :صار شهرين يا صائب شهرين والبنت حالتها بالنازل قابل نظل رابطينها بحبل طول عمرنه

صائب : امل اترجاج اتركي هالحجي

عجل ليال وين

امل : بره تلعب عالحصيرة

صائب :ما شفت احد بره

امل :امبلا توني مشطتلها وظلت گاعده

شو امشي ديالا شوفيها

ديالا : طلعت بره ادورلها ماكو بهتت فريت البيت نوبتين وماكو فتت جوه دورت حجرة امي صعدت عالصطح وماكو حدرت ركض انادي امل وصائب

گلتلهم ليال ماكو

صائب :امل البنيه وين اني شوصيتج عماد شوصاج

امل :صائب والله اسأل ديالا توها اهين

طلعنه ركض اندور ادحگ البيبان كلها مقفله

منين طلعت يربي

نقسمنه كل واحد راح بمكان يدور صائب راح عالمگرة

وامل عالفلكه

واني ادور يم الجيران

امل : اركض وابجي وين رحتي ليال اوف منج تخسين بنيتي وين رحتي

وصلت الفلكة وادور واسأل العمال الي فاتو محد شافها

رحت عالمزرعة واسأل عمالنه گالو ما شفناها

گمت اعصر بأديني والطم يمه وين ولت البنيه شنو راح اگول لعماد افتر بمكاني مدري شسوي

رجعت عالبيت تلاگيت ويا صائب

گال هااا امل لگيتيها

امل : ماكو عالفلكة گلت راح تلگاها بالمگبره

صفگ بأيده وعااط ماكو بالمگبره مااكو

وين ندورلها هسع

امشي نرجع عالبيت بلكت نلگاها خاتله بمكان البيبان مو مقفله شلووون طلعت شلوون

ديالا : الطم على راسي وابجي

وين رحتي ليال ادور البيت كله نبشته نبش

ماكو ملحه وذابت

دگ التلفون ورحت جاوبت

الو

ماجد : الو ديالااا شلونكم

ديالا : حطيت ايدي على اثمي اكتم صوتي

ماجد : ديالا شبيج تبجين احجيي ليال بيها شي احجيي

ديالا : ماجد ليال ماكو انهزمت

ماجد : ووووين نهزمت ديالااا شجاي تحجين لخاطر الله شنو من بشر انتوو

ديالا : ما گدرت اتحمل صياحه فوگ همي سديته بوجهه اتصل وما رديت طلعت ادور وانادي لياااال وينج تخسين كافي تعذبين بينه كافي ثنيت على ركبي واصرخ

امل : نركض اني وصائب نسأل وندور

انهد حيلنه اضرب على صدري واتخيل شغلات تصير بيها

اسد اثمي واستغفر ربي

وادعي يارب تحفظها

ما خلينه مكان وما رحناله وماكو

صائب :امل ارجعي عالبيت اني رايح لعماد اخبره امشيي

امل : امشي عالبيت وادعي ربي كون تطلعلي هسع يارب داعيتك

وصلت البيت شفت ديالا گاعده ولازمه راسها والعيون دم

فزت بوجهي گالت هاااا ما لگيتو ليال احجي امل

امل : حضنتها گلت هسع صائب يلگاها راح ينادي عماد هاذ التلفون يدگ

ديالا : عوفي هاذ ماجد ما اعرف شحجي استلمني عبالك اني بيدي تعبتني ليال يا امل تعبتني

امل : استهدي بالله هسع يلگوها وبعد ما اسمع لصائب وعماد اخذها لبغداد بنفسي

ديالا : فاتت امل جوه وظليت بالطرمه اندب حظي منين اتلگاها الهي

حاطه راسي بين رجليه وابجي

اندگ الباب قويي

فزيت شفت رجال متلثم واگف بالباب ولازم ليال من ايدها

رحت ركض عليها وانادي امل اطلعي هاي ليال رجعت

وصلت يمه گال هاي البنيه للكم

گتله اي عمي هاي اختي

سلمنياها وحط ايده على عيونه

گتله تسلم عمي وين لگيتها

گال بالمگبره شفتها

سألتها شتسوين هين ما جاوبت جبتها افتر عالبيوت اسأل وگالولي هاي بنتكم

تشكرته وراح

حضنت ليال

وسحبتها افوتها جوه وهيه تفالت تگول هدينييي

وخريي عوذا منكم

ضربتها عاطت بيه امل اجت ركض واخذتها حضنتها

وتشم بيها

امل : رحت جاوبت ماجد الي صاير بركان من نار احسه يريد يطلع من التلفون عليه

يلومني ويصيح

احجي بگلبي ااخ يا ماجد سألتك هاذ اهتمامك مو مال حنيه ولله انته عاشگ ونكرت وهاذ انته فضحت نفسك من تگول امحيكم اموتكم اذا صارلها شي

والله لو تأذن عماد ما ينطيكياها

تحسرت عليهم بگلبي شجابج على ليال انته وين وهيه وين

ماجد مستمر يغلط ويحجي اجاني صوت ديالا گالت امل اطلعي ليال اجت

گتله ماجد هاي ليال اجت لگيناها سديته وطلعت ركض

اول ما طلعت شفت ديالا ضربت ليال

حضنتها يبعد روحي وين رحتي ادحگ فستانها كله تراب وشعرها منفش وين جنتي احجي

ساكته ما جاوبتني بس تحك بشعرها

ديالا : الرجال گال شفتها بالمگبره

امل : اي رجال

ديالا : والله ما اعرفه رجال يطلع بطول ماجد جان متلثم وملابسه تلعب النفس كلها تراب عبالك شاحوذ حت عيونه ما شفتهم

امل :يبو يهالعثره اسمعي ديالا ديري بالج تگولين لصائب وعماد ليال جابها رجال غريب

ديالا : ليش

امل :بدون ليش هسه من يجون نگللهم جانت خاتله بالحمام سمعتيي ديالاا

ديالا : هزيت راسي بــ أي وامل اخذت ليال ركض وفاتت عالحجره وسدت الباب هاي شبيها

امل : اوف يربي اني شلون بيه راح يموتني القهر

من سمعت رجال غريب جايب ليال وشفت حالتها كلها تراب وشعرها منفش الف حسبه اجت ابالي ليال حلوه اي واحد يشوفها يظل صافن اخذتها جوه

تا اكشف عليها ما تفعل تخليني اشوفها الا گلتلها ذبانه طبت بهدومج گامت تصيح وجان انزع ملابسها

واتفحص جسمها وگوه خلتني اكشف عليها لزمت گلبي وگعدت الحمد لله والشكر سلامات

الله يوفقه هاذ الرجال كأن من يكن

والله لو اخويه ابن امي يلگه وحده مثل ليال ما يرجعها لبيتها

بس هاذ مبين ابن حمايل

اخذتها بدلتلها ومشطت شعرها وجذلته

گعدتها بالهول گلتلها من تطلعين اخلي البزون والجلب ياكلنج گامت تبجي گلبي عصرني عليها بس ميخالف خليها تخاف ولا يصيرلها شي من تطلع

اجه عماد فاحط ويلطم اول ما شفتهم هوه وصائب رحت ركض ابرد گلوبهم گلتلهم لگينه ليال جانت خاتله بالحمام

عماد بساع سجد بالگاع واستاذ صائب رفع راسه للسماء وگال الحمد لله

گعدو بالطرمه تعبانين من القلق والركض

عماد : صائب دابرني شسوي تعبت

صائب : لو عندي حل بدون ما انصحك اني اروح اسوي

امل : خليتهم يتناقشون ويدورون حل رغم حالة ليال معروفه من هذيانها بالليل واحلامها المرعبه والطير الي براسها يخليها تركض ما تندل بروحها

مر سبوع وهاي الخوفه مال ختفاء ليال ظلت بيه

نزل ماجد من اول ما طب البيت وعاط بيه بدون سلام ويتحلف بديالا عبن سدت التلفون بوجه

لزمته من عكسه گتله كافي يا زلمه انتبه لروحك تراك مفضوح وعيونك وافعالك تحجي گبل اللسانك

تجاهلني وراح

على حجرة ليال لحگته

جانت گاعده بصف الكنتور وصافنه

حضنها وگام يشم بيها

تخبلت سديت الباب خفت احد يجي لزمته من عكسه واحجي علي شجاي تسوي ماجد كل عقلك انته هاي عود انته الجبير وخر عنها ماجد حرام عليك

تجاهلني وظل حاضنها ويبجي بعبره يگهد دموعه صب گال وخري عني امل وخري

احبها تعرفين شنو احبها متربعه بگلبي مگدر اتنفس بلاها

گتله ما تحبها ماجد ما تحبهاا

عبنهاا حلوه بس لاگت بعينك حالها حال غيرها من الحلوات الي عندك كلها تدري بيك شتسوي بغداد

جاوبني بدون ما يصد عليه

گال والله والله من يوم الي حبيت ليال

صرت اشوف النسوان كلها اخويه حت مو اختي

صحيح مثل ما تفضلتي اني احب الجمال والحلوات

بس بحياتي ما عشگت وحده

ليال تختلف يا امل اخذت عگلي خلتني اضيع بزماني

گعدت يمه وحجيت بهدوء بلكت يقتنع

گتله ماجد شجاي تسوي بروحك حت لو ليال مخبله لا سامح الله تره ما ينطوها الك اني جسيت نبض عماد ومجرد كلمة تخبل

گال مستحيل ازوج ليال اذا ما اطيب وتدرس وتكبر

لو يجيني ابن ملك ما انطيها

النسوان مو گحط يا ابن خالي

وانته ما شاء الله عليك اي وحده تشوفك تعشگك

مسح دموعه وصد عليه گال امل خلي ابالج شغله اني الي مصبرني اريدها اطيب والا قسم بالله اخذها لوما عماد يكف لو يكف الرئيس بنفسه

وارجع اگلج ما اريد وحده غيرها

رجع حضن ليال ويگللها بنيتي شسويتي بيه

وهاي متجاهلته ولا جنها تشوفه وتحك وتثاوب تغفي دفن راسها بين ضلوعه ويبجي بحياتي ما شفت ماجد ابو النسوان بهيج وضع

واضح العشگ بعيونه وتصرفاته

امنيتي اخليهم واطلع بس مگدر اخون عماد وهو مأمني عليها

فتحت الباب وگمت انادي عمه صبره تعاي هاذ ماجد

ماجد وگف على طوله گال ااامل شجاي تسوين

گتله هاي الطريقه الوحيده تا تطلع سامحني ماجد اترجاك اطلع عوفها اذا هيه نصيبك لو تصير حرب تظل الك

اطلع يالله سحبته من ايده وطلعته

راح ودموعه صب ما يگدر يكتمها

لزمت گلبي ربي دخيلك الي جره لمهره لا تخلي يمر ليال دخيلك ربي

ديالا : ثاني يوم نفس الوضع

شديت شعري وطلعت اكنس وامل تصيح عليه الف شعري بالملفع تا مايصير بي تراب

واني مثل كل مره اسوي نفسي طرشه وما اسمع

اندگ الباب دحگت ورايه خاف ليال تلحگني وتنهزم

اشوه ماكو رحت فتحت الباب

تفاجأت الشيخة خزامي مرت الشيخ علوان

وابنها الصياد سلمت بوستني الشيخة

مديت ايدي اسلم عالصياد حط ايده على صدره گال وعليكم السلام

لزمت ايدي الشيخة وگالت الصياد ما يصافح النسوان بنيتي

ديالا : تفشلت گلت تفضلو

سأل الصياد اكو رجال بالبيت

گتله لا والله حميد بالمزرعة

وعماد بالحداده

هز راسه بقبول وگال للشيخة

يمه فوتي انتي واني اروح يم عماد

فاتت الشيخة وهيه حاضنه ضهري وتسأل علينه شخبارنه واني ما عندي بس سالفة زينين الحمد لله

من شفتهم ارتبكت شجابهم

يتبع………… .