رواية نوائب شام الفصل الرابع عشر 14 بقلم الكاتبة ايلول
شلونك بالتراب
شلون گاضيها ؟
هيچ بصورتك
ظليت احاچيها
المفروض الورد
يندفن بالبستان
شجابك للگبور
شعرفك بيها ؟
430
""""""""""""""""""""
رويــده:: ماتت روحـــي بنفس المكان بس فاتحه عيني لا كدرت اكوم ولا اصرخ والمح افاطم رگضت بكل حيلها حضنت رسول وگبت هي ويا وهزني صوت شــام وصرختها وهي تحاول تطفيهم بأديها وبشالها
333
ما احس بروحي من اركض واجر بالبطانية حضنتهم ثنينهم وشام وياي وصوت افاطم التصرخ بس رسول أختفى صوته وافاطم تدفع بالبطانية من رسول تباوع لوجهه وتصرخ صرخت دايره وجهي اكوم واعثر اركض الباب البيت وارجع عليها واصرخ بس اريد اعرف شنو الاسوي وهي كامت بحيلها شالته بحضنها وتركض وشام وراها وردت عثرت كعدت حاضنته لصدرها المحترك فاتحه عينها بصدمة وجهه دم لا تعرف شنو تسوي ولا احنا النعرف
270
اجو بيت عمو حيدر يركضون وافاطم حاضنته لگلبها وبس فاتحة عينها مجتبى يريد يجره من ايدها وهي ما تنطيه وشام بصفحه تلطم وافاطم تباوع لوجهه رسول مجلبه بيه وتصيح
99
- رويــده رويــده تعالي رويــده اخويه اخويه ولج رويــده اخويه اخويه .
422
ركضتلها ابجي اريد اشيله من ايدها ما تقبل بس اريد اصعدها بالسيارة واصعد وياها والمح هجــام طلع لا يا الله مو وكته لا سحبت شــام من أيدها اتوسل تنتبهه
23
- هجــام اركضي هجــام لا يشوف
66
شــام:: كمت اركض واتلفت روحـــي رايحه وابجي هجــام واكف بباب الصالة يباوع باستغراب مخلي ايده من الشمس وكفت گدامه وامسح بدموعي واشهك غمض عيونه قوي وحجه بتعب
18
- شبيه ؟
18
ضميت وجهي بأيدي غاصة وسجود من وراه تحجي بصوت ناصي ويرجف
7
سجود :: احترك خطيه واخته ما كدرت تطفيه
952
وبمجرد حجت صرخت مصدومة واني اشوف هجــام طاح على اركبة ولازم رأسه قوي وسجود توصف رسول وحركة وهجام عبالك يحارب بعقله اسحب بأيده اريد بس يكوم وياي وسجود تزيد تملخت من القهر روحـــي راحت
246
عبرت هجــام وباثنين ايدي اضرب بوجهه سجود اصيح بحركة وابجي
54
- اسكتي اسكتي اسكتي
نقذه...
دفعتني مصدومة وتباوع لهجام لطمت على حلكي
-اششش أسكتي انتِ الحركتي انتِ
72
خزرتني وعيونها على هجــام تتمناه ما موجود مسحت دموعي وسحبت هجــام من ايده دفعني رجعت سحبته وكف مچلب بالحايط ما قابل ألزمه مشه وسجود من وراه سحبتني من ايدي بنتر عود سكته بس اني روحـــي رايحه ومنفعلا صيحت بوجهه ودفعتها رجعت عليَ بسرعة ضربتني راشدي حسيت اسناني تحركن من مكانهن بعدني ما رافعه وجهي وخلت ايديها برگبتي تخنگني
95
اجر بأيدها بس اريد افك روحـــي واسحب النفس گـــلبي راح يوكف وهي تسد بحلكي ثواني ونشالت من شعرها لبعيد ، كعدت على حيلي اكح واجر نفس واباوع لهجام شلون يضربها وهي تغطي بوجهه تحمي نفسها ماعافها الحد ما انتبهه الصوت منسه وبچيها
410
رجع ليورا بخطوات ما متوازنه يريد اي شي يستند عليه وكفت بسرعة الزمه چلب بيه ويباوع السجود بحقد رفع أيده يحذرها مختنكك ماكدر يحجي سحبته وهو أيده على كتفي صعدته الدرج ساكت تمدد بفراشة رأسًا غمض عيونه سحبت الغطا عليه لزم بإيدي
يسأل
25
- مات ؟
84
بلعت ريك محتاره مسحت على شعره احجي بهدوء
11
- ما ادري يا رب يلحكون عليه
20
- شلون احترك؟
18
- احنا نباوعله يلعب بالساحة گدامنا وبس درنا وجهنه منه اجه يركض ومشتعل كله من رجليه الراسه
80
- سجود حركته .
578
يحجي ومغمض عينه صوته رايح وايدي بين اصابعة مسدت على شعره ساكته تحرك باعد راسه سحبت ايدي وايدي الثانية بين اصابعة حجه بوجع مختنگ
50
- اكره هذا البيت شــام اكرهه .
207
سكتت اباوع لوجهه المعصور وكلبي وروحي كله يم رسول وافاطم سكت هجــام سحبت أيدي وطلعت من غرفتة من سمعت صوت عمو حسين يبجي بالصالة كعدت على بايات الدرج اباوعله وابجي وهو يصيح يا رسول يابويه يا فطيمه يا بويه وسجود تصبر بيه ولا كأنُ مسوية شي تكله
242
- الله يرحمه شد حيلك ما تعودنه عليك هيج ضعيف
1.1K
سديت حلكي ابجي من استوعبت رسول مات باوعت سجود ليفوك نزلت مختنكة واصيح
81
- عمو عمو والله هي الحركت ابنك هي الهددت أفاطم وراها بدقايق احترك رسول
35
ابجي واحجي منفعله حسبالي راح يصدكني وهو سوا العكس كام بكل حقارة يضربني بأيده البيها السبحة يضرب بقوة ويصيح
49
- شتردن منها انتِ وهالجلبه رويــده لو ما حقارتجن ما احترك
227
فاتحه عيني بصدمة حتى ما دافعت عن نفسي سحلني كرار من ايد ابوه شالني من صدر دشداشتي الغرفة رويــده دفعني قوي خازرني ويحجي من بين اسنانه
30
- حطيلها هدوم وغراض بسرعة خلي اوديهن الها
44
درت للغرفة بصدمة امسح دموعي ويرجعن ينزلن وهو التليفون بأيده ويصيح وينتر رجع علي خازرني انطاني التليفون اختنكت كوه احجي
1
- الو
واجاني صوت رويــده تبجي
- شــام
اختنكت تبجي صوتها رايح گالت
9
- خليلي ملابس الافاطم وتليفوني وديربالج على هجــام حبابه
15
- ما تجين ؟
8
- أفاطم فوگ الحرك انجلطت ، شــام ادعيلها راح تموت ورا رسول .
1.4K
شهكت ايدي على گـــلبي نطيت الاغراض الكرار واخذهن واجو الجوارين العمو وبيت عمو حيدر هم الراحوا يدفنون رسول الي اصلاً ماجابوا للبيت ولا شفناه واي شخص يسأل شلون احترك سجود تكلهم
103
- اخته تشاقه وياه وگب
873
بقيت بالمطبخ أغسل واسوي چاي احس حيل بعد مابيه ورجلي صارن خيوط حتى هجــام ما صعدت ولا شفته ولا فتحتلي كتاب رغم باجر امتحاني ، همه ما سووا فاتحة مجرد استخلاف چاي وماي وجكاير وناس تجي تسلم وتروح
66
عبرت ال١٢ واكو ناس بعدها ما رايحه نظفت المطبخ اباوع للكليجة ودموعي تنزل يا روحـــي انتَ بقت بنفسك يا عمــري درت وجهي صعدت فوك رغم صوت سجود التصيح عليَ بس تعبـــت اريد أبقى وحدي اريد ابجي بدون ما امسح دمعتي كل ما تنزل
357
غسلت ودخلت لفراشي شكد فترة قصيرة الاجوا بيها أفاطم ورسول وشكد اخذ من گـــلبي ضحكته سوالفه تحشيشه ضميت وجهي بالفراش ابجي بدون صوت طفل يا ربي طفل شنو شاف من حياته وتنتهي هيج ، أفاطم شلون راح تعيش بدونه شلون راح تگدر
204
مسحت دموعي من نفتح باب المخزن حسيت عليه كعد بصف راسي ومد أيده الشعري يمسد عليه مسح دموعي ساكت بجيت بصوت مختنگة حيل
60
- تعالي هناك
21
مسحت دموعي ووخرت ايده من شعري
1
- أريد أبقى وحدي خليني هنا
6
- تعالي أبقى هناك وحدج
38
حجاها وسحبني من ايدي موكفني سحبني وراه الغرفتة درنفيس بالباب وبراغي باوعت مسوي قفل الباب درت عيني اله لابس هاينك اسود وقمصله الجلد مسحت دموعي اباوعله بتساؤل
301
- وين رايح هجــام ؟
10
ما اهتم شال الأغراض من الباب ضمهم واجه علي لزمني من اكتافي مرجعني للچرباية كعدت على طرفها اباوعله ما فاهمه فتح الثلاجة طلع منها بطل ماي. اخذته من ايده شربت بس اريد افهم وين يريد يوصل وين يريد يروح فتح نستله دفعت ايده
16
- ما اشتهي ، وين رايح ؟
2
- اكلي
19
حجاها بدون ما يباوعلي اكلت منها شويه وهي بأيده كمت غسلت ورجعت سحبني للفراش
5
- هجــام شكو
3
- نامي
87
نومني غصب وغطاني كعدت اريد احاجي رجع دفعني للفراش
3
- بس خلي احاجيك
10
- نامي هسه شبيج
49
- وين رايح
1
- لرويده
17
- تدخل مستشفى ؟
1
- اي نامي يله راح اقفل عليج الباب من برا
99
بلعت ريك خايفه باوعت بعيونه
3
- ليش ؟
3
- حتى ترتاحين تعبتي
153
حجاها وكام طلع ، المفتاح جديد بأيده قفل الباب وحرك المقبض يتأكد من قفله وراح ، رجعت أتذكر سوالف رسول وابجي الحد ما غفيت فترة وحسيت بلمسات على وجهي هادئة حيل تخللت بفروة راسي بين خصلات شعري وبوسة دافية على خدي همسة بصوت
قريب
207
- شومه
1.3K
اسمع صوته بس مابيه حيل افتح عيني ابتعد وراها ورجعت نمت ومن فزيت بخرعة ادور عليه لكيته متمدد بصف الچرباية بدون افراش بدون غطا وبدون تشيرت لام نفسه مثل الطفل ونايم كمت بهدوء الغطاء بإيدي خليته عليه ونفتح باب الغرفة على كيف باوعت رويــده
17
عيونها حمر ومورمه بمجرد شفتها رجعت ابجي حضنتني وفز هجــام على صوتنا
6
- شلونها أفاطم ؟
- شلونها شــام شلونها فاصله دمعه ما ذبت يكشطون الحرك ما تنطي اي رد فعل منتهيه
191
- ليش عفتيها واجيتي
- هسه راح ارجع هذا علاج هجــام وروحي امتحني عفيه شــام ترا گـــلبي صار هلكده
35
حجتها وعبرتني كعدت كدام هجــام تريد فلوس حسب وانطاها گالتله
27
- بأيد حيــادر راح ادزهن
1
- شنو رويــده غــزل هنا ؟
34
- لا بس حجيت وياها ماتت من البجي البارحه الليل كله تبجي وهسه حيــادر اجه ادزلها مصرف بأيده
206
سكتت ورويده تعصر علاج هجــام بأيدي نزلت وهو صعد نام على الچرباية اخذت العلاج وطلعت صليت ولزمت الكتاب كوه كدرت اراجع نزلت سويتله ريوك وسجود تتأمر سوي هيج سوي هيج اشتغل ساكته ماعندي طاقة ارد عليها بعد الحركت طفل كلشي تسوي
148
صعدت ريوك لهجام هستوه طالع من الحمام خليته گدامه وحضرت الحبايه وكلاص الماي خليتهن ودرت اريد انزل لزم ايدي باوعت لوجهه
4
- اكلتي ؟
82
هزيت راسي لا سحب مخده خلاها بصف الصينية وسحبني الها
10
- كعدي اكلي عندج أمتحان مو
147
سكتت كعدت احس مابيه حيل الاي شي حتى اكل ما بيه حيل اكل وانتبهت حتى هو ياكل علمود العلاج اخذ علاجه ونزلت الأغراض عفت سجود بس دارت وجهه صعدت ركض بدلت ونزلت كتابي بأيدي وزهراء هم مبدله تريد تروح للامتحان وسجود نجنت تكرص بزندي وتصيح
19
-وادم تجينه وين موليه ياهو اليشتغل
79
دفعت ايدها واحجي بنتر مثلها بدون ما ارفع صوتي
- انتِ ، اني عندي امتحانات معلي
19
دفعتني للمطبخ قوي وتهدد تصيح العمو حسين اباوع زهراء من وراها تضحك وراحت للخط من دك هورن نزلن دموعي ساكته وهي تجيب مواعين وتكوم على السنگ اباوعلهن وابجي امتحاني راح يروح هو بدون شي اني لو ادخل وزاري لو لا لان من الاول فايتتني امتحانات وكومه غياب عندي اجت بصفي متشمته
40
- يله يله اغسلي الشغل زين الج
82
اريد ارد عليها وندك الباب دخلن نسوان بيت عمو حيدر كعدن بالمطبخ واني واكفه على السنك بملابس المدرسة اغسل بالاستكاين ودموعي تصب كالت زوجة عمو حيدر
3
- شني شــام تردين للمدرسة ؟
21
سجود :: شفتي البطرانة احنه بيا حال وهيه تريد تروح للمدرسة والناس التجي والنسوان
43
درت عليها ابجي واحجي بحركة
- اذا هيج ليش خليتي زهراء تروح ليش ما كتيلها هيه هم تعوف امتحاناتها وتكعد
20
سجود :: شني زهراء تشتغل ضلت لو راحت هيه ما تشتغل عليمن بعد
43
هي تحجي وزوجة عمو حيدر تحجي وتخبلن شلون ارد عليهن يردن هن يرزلن واني اسكت كون ما كدرت كل ما يحجن شي أرده بس لو دموعي يبطلن ينزلن التفتت على صوت زوجة مجتبى وهي تگول
25
- شلونك هجــام
155
التفتت عليه مسحت ايدي من الماي ورفعتهن امسح دموعي مبدل وسويج السيارة بأيده سلمن علي الكاعدات وما اهتم ما رد عليهن عافهن واجه يمي وكف گدامي وحجه بصوت واضح
47
- كملي لبس خلي اوصلج للمدرسة
287
سجود :: هجــام مو وادم راح تجينه ، خلها انا بعدين اروح اخذلها اجازه ويأجلون امتحاناتها
97
هجــام :: يله شــام خمس دقايق وتعالي .
271
مسحت دموعي مبتسمه ركضت فوك لبست حذائي وجواريبي جبت اقلامي ونزلت لكيته كاعد على الدرج وسجود تخزر بيَ وتنتر نتر
وكفت گدامه مد أيده لزم ايدي سحبني وراه يطلع من بآب المطبخ واسمع زوجة عمي حيدر تصيح يا يا شوف شلون
3.8K
ما اهتميت طلعت وياه صعدت رأسًا فتحت الكتاب أراجع وصلني للمدرسة درت اباوعله قبل لا انزل مبتسمه وفرحانة
7
- شكرًا هجــام .
42
بقى ساكت نزلت ركض دخلت للأمتحان قريت الأسئلة الضحكة شكت حلكي من شفتها كلها اعرفلها طرت من الفرح واحجي بداخلي ((وَإِذ يَمكُرُ بِكَ الَّذينَ كَفَروا لِيُثبِتوكَ أَو يَقتُلوكَ أَو يُخرِجوكَ وَيَمكُرونَ وَيَمكُرُ اللَّـهُ وَاللَّـهُ خَيرُ الماكِرينَ)،
الحمدلله يا ربي الحمدلله
481
كملت امتحان سلمت الورقة وطلعت كلت اكعد بسيارة الخط واصدم زهراء ما أريد أشوفها هنا وكفت بالباب واكلب يالكتاب أتأكد من اجوبتي وابتسم فرحانة التفتت فازه على صوته حجه ولزمني من ايدي يمشيني وياه
71
- جاوبتي ؟
23
-ههه فززتني كلش جاوبت كلش ماعندي ولا خطأ بس نقطة وحده
98
- عفيه
15
- شنو انتَ رحت ورجعت ؟
1
- لا منتظرج .
412
سكتت امشي وياه واباوع الايدي المعصورة بأيده مبتسمه وهو يسحبني ويمشي بهمه صعدت بصفه حرك السيارة واني عيوني عليه
اباوعله ومبتسمه باوعلي ورجع باوع للطريق عاكد حاجبة وعلى شفته ابتسامة ماكدر يضمها اكثر ابتسم وبينت اسنانة ضحكت واحجي بكلبي اضحك اضحك شكو تضمها گال
310
- شبيج ؟
27
- ليش انتظرتني ؟
5
- حتى اخذج لرويده وافاطم
20
- صددك ؟ رايحيلهن
8
هز راسه اي مديت أيدي بسرعة لزمت أيده بحماس ومبتسمه باوع الايدي شلون عاصره ايده ورجع باوع للطريق گال
38
- همزين عقدنا جا دخلتج جهنم من اوسع باب .
1.3K
سحبت ايدي من عنده اباوع للطريق باوعت الملابسي ورجعت
حجيت
1
- هجــام اروح بملابس مدرسة ؟
1
- عادي
9
- عيب
213
- لا مو عيب
54
سكتت الحد ما وصلنا للمستشفى بقى بالسيارة وأتصل على رويــده سلمت عليها ودخلت وياها اسأل عى افاطم گالت
- مو زينه تدرين الهسه ما تقبل تحجي
72
دخلت وياها من بعيد شفتها ايديها ملفوفات وصدرها من رگبتها ألحد اكتافها كله محترك ما طولت ورجعت ويا هجــام مختنگة رجعنا للبيت وسجود متحلفه بيه تجاهلتها وحتى من تحجي ما أرد عليها ردت بس اكمل شغلي واصعد أدرس وهي بكل مره تحاول تشغلني بحيث مايبقى وقت ادرس بيه وعادي ما اهتم حافظة كلشي احتاج بس اراجع
145
وكفت اسوي عشا الهجام دخلت سجود للمطبخ تصيح
- مطرت امشي لمي الهدوم
50
التفتت عليها مبتسمه
- لميتهم
87
خزرتني وراحت شوية ورجعت كالت
- انطي هجــام علاجه لا يتخبل علينه
123
- عنده علاجه هو جاي ياخذ
139
هم سكتت محتاره وراحت على باب المطبخ فتحته صار ثلج على گد ما بارده باوعتلي تبتسم بحقارة كملت العشا اخذته وصعدت دخلت للغرفة اسمع صوت ماي الحمام مفتوح عفت الاكل وتلفتت بالغرفة صوت الرعد والمطر وبصف الشباك النرگيلة مشتغلة وريحتها بالنعناع تسطر تقربت الباب الحمام ورجعت
610
للشباك فتحته اباوع للمطر والنركيلة جمرتها حمره تضوي وريحتها تسطر هيج كون اجرلي منها نفس
831
لعب براسي الشيطان وغرتني باوعت على باب الحمام وصوت الماي بعده مفتوح
209
جريت القامجي وجريت ردن دشداشتي مسحتها وخليتها بحلكي بعدني ما جاره نفس ونفتح باب الحمام شمرتها بسرعة اباوع عليه رفع حواجبة بأستغرب
445
المنشفة على زنوده البروده تكص الخشم وهو ولا هامه لا يرجف لا صخام
102
اجه عليَ رجعت ليوره وهو يباوع الرجلي ويرجع العيني
8
ابتسامته المنحوسة اليبيعها بفلوس مرسومة على حلكة تقرب حيل وگـــــال
96
- تردين تجرين نفس ؟
162
تلعثمت متوتره ورديت انكر :: لا
14
-كتلج لا تنكرين ولا تجذبين؟
29
- اي ردت اشوف شتحس من تدخن .
52
- احس بنار
62
- جا شنو الجابرك تدخن
2
- النار مو من التدخين
20
- هــــا جا منين؟
23
- النار الاحس بيها منج اذا على النركيله سهله اعوفنها وادخن شفايفج بمچانها.
7.1K
فتحت عيني على وسعهن مصدومة واردد الكلام بعقلي وهو مبتسم دنك شال القامچي مسحه ومده الي
40
- جربي لا تخلينها بنفسج
242
هزيت راسي لا ودنكت الزم بردن الدشداشة كمت ارجف حسيت بيه بصفي كلش وصوت النرگيله انسحب منها نفس قوي بس رفعت عيني اريد اشوفة نفخ الدخان بوجهي تنفست وكحيت اختنكت شمر القامجي يصيح
230
- الله الله
237
كعدت على الكرسي اكح وايدي على صدري وهو مبتسم مدنك عليَ ويبعد الدخان بأيده الحد ما خف الدخان وركز بعيوني خله ايد منا وايد منا حاوطني بينهم واني كاعده بالكرسي مبتسم گال
81
- دخان بوجهج خنگج ادا تجرين نفس تموتين
160
- ما اموت
80
رفع حاجبه يضحك ابتسمت شكد افرح من اكون سبب بضحكته هز راسه يحجي
28
- انتِ شجاي تسوين بيه ؟
116
- شمسوية ؟
8
-شيطانة
32
- ملاك اني
2.1K
حجيتها بقصد ملاك ضد الشيطان بس فتحة عيونه وتغير ملامحه اخذت روحـــي وراساً انتبهت سديت حلكي بقوة وهو أبتعد ساكت كعد بالزاوية بصف الچرباية شعره يقطر ماي وبس صافن بالفراغ. بقيت بمكاني خايفه ومحتارة هيج طلعت من عندي هالكلمة مو بقصد
164
كمت من مكاني بخطوات ترجف كعدت يمه اباوعله وهو عيونه بالفراغ رفعت نفسي على اركبي سحبت المنشفة من رگبته خليتها على شعره ايدي ترجف ومتوتره بعدت المنشفة شويه شويه رجع راسه ليورا يباوعلي
23
- أسفة هجــام
44
حجيت ودنكت انشف رگبته هم رفعت عيني لعيونه يراقبني ساكت قربه يخربط كل ذرة مرتبه بيه
26
- شــام ميخالف سؤال
197
هزيت راسي اي سحب المنشفة من ايدي وخرها كعد عدل ولزم ايدي بين ايديه يحرك ابهامه على ظهر ايدي توترت اريد اركز بكلامه بس حركته ماخذه كل تركيزي گال
26
- حاس بروحي مستغلج رغم انتِ السبب وانتِ هم حاسه هيج مو ؟
661
بلعت ريك اباوع لعيونه گـــلبي حسيت زادت دكاته تحسر وكمل كلامه
3
- ليش ماشيه وراي ليش مأمنه بيه وثاقة هيج شتعرفين بله طلعت استغلج
136
دنكت احجي بگلبي هو منو الازم يأنبه ضميره اني لو انت اني الاستغليت چلبت بيك ودخلتك سوالف حتى تحميني
21
- شــام انتِ اجيتي يمي بس لان تدورين حمايه وانا مشيتج بدرب غلط مو "غايتي ولا ببالي مدري شلون اخذتي الباقي من عقلي "
447
خوفتج ابتعدت وبعدتج بس تصيحيلي بكل مره القربج خفت عليج من خبالي خفت تتأذين بسببي ولگيت روحـــي انتبهلج حتى وانا بنوبة جنون
423
جان محد يهمني ومن اجيتي صرت اخاف اصيح وتفزين ماشبعانه نوم اخاف اصيح وتنشغلين عن دراستج تتذكرين من سألتيني شنو أمنياتك وكتلج ما يتحققن وراها صارت
297
"امنيتي احقق امنياتج"
2.9K
بس ارجع واكلج كلشي تعيشينه وياي غلط وتندمين علي ابقى احميج وتبقين مرتي ومحد يندك بيج الحد ما تكملين دراسة وتعتمدين على نفسج اعوفج وتختارين أنسان عاقل يناسبج ما تنظلمين ويا مجنــون ما تمشين بطريق طويل وانتِ خايفة .
410
- ما اخاف من الطريق الطويل وانتَ وياي ، بدومك اخاف
335
رفع وجهه يباوعلي مصدوم دنكت اكل بشفتي عصر ايدي قوي بين ايديه
9
- شــام مجنــون وأخاف عليج من عندي ليش ما تختارين نفسج ؟
178
برطمت واني مدنكه شفتي ترجف ودموعي نزلن مد ايده يرفع وجهي دفعته وامسح بدموعي
28
- تريد تعوفني انتَ ؟
219
هز راسه لا وسحبني قوي الحضنه هو كاعد واني صرت مثل المتمدده راسي على صدره بجيت وهو يمسد على شعري ويحجي
458
- ليش هالبجي انا من خوفي عليج ردتج تبتعدين
110
- ما ارريد
16
- واذا اذيتج شــام واذا اذيتج
92
- ما تگدر
49
ضحك ويحضن قوي سكتنا فترة ايده صارت جريئة على ظهري دفعتها وكعدت مدنكه احس وجهي جمر تطلع منه گال
549
- بس اكمل آخر علاجاتي ناوي اخذكم انتِ ورويده ابيع هالبيت ونروح البغداد يم جامعة غــزل
226
-نتزوج ؟
1.9K
سألت بدون تفكير وراساً تندمت من نظرتة تمنيت اختفي من گدامه اذوب انصهر اي شي ولا أبقى گاعده كدامه گال
180
- إي نتزوج اذا بقيتي وما قررتي تنسحبين
294
-هجــام اني ما عليَ بالعشته قبلي
161
أبتسم واني مدري شصاير بحالي ساعة اجيبها منا ساعة اوديها منا سحبت الصينية گدامه اكلنا سوا مبتسمين ثنينا أريد احجي الرويده كلشي تمنيت بس أشوفها واحجيلها شوكت ترجع
88
اخذت المواعين ونزلت بعد استحيت ارجع يمه للغرفة رحت للمخزن شوية واجه هو انطاني التليفون
3
- ها رويــده
31
رويــده :: كمت من يم افاطم طلعت للمر احاجيها
- شــام عفيه باجر حضري ملابس ودزيهم بايد هجــام
7
-ان شاءالله شخبار أفاطم
4
-نفس الوضع اليقهرني ابوي ولا اجه ولا سأل عليها
97
سكتت شــام متحسره سديت التليفون منها ورجعت اباوع الافاطم على المغذي باقية شكد حاولت احاجيها ابد ما تنطق فززتني صوت رسالة من غــزل فتحتها كاتبة
1
- هواي دازه مصرف شسوي بيه
24
-خاف تحتاجين ادوية شي
عزل :: بس اكمل امتحانات اجي
186
كتبت الرسالة ودزيتها الرويده التفتت على الباب من دخل حيــادر قفلت التليفون وغطيت راسي من اخر موقف صار استغفر وطلع من الغرفة ، ثاني يوم داومنا براء ما مداومة بقيت وحدي اسلام يضايقني بوجوده يضغط علي هواي داخل القاعة وينقهر حيل من اتجاهل كل تصرفاتة. انطونه الاوراق وانصدم بدرجاتي كلهن على الحافة اختنكت اباوعلهن ودموعي تنزل
208
طلعت من القاعة بالكرسي المتحرك شايطة روحـــي والطلاب كدامي بس اريد يوخرون لمحني عبد علي من بعيد بقيت بمكاني وهو اجه ايده تهف والجكارة بين اصابعة وصل يمي ويباوع وراي گال
92
- هاي الفصعونه وينها
563
- ما مداومه
3
-شبلاج تبجين
144
شلت الاوراق نطيتهن اله اخذهن يگلب بيهن واني امسح بدموعي گال
5
- طبعًا مخلصاتها كاعدات بالنادي وتاكلن طول الدوام لا محاضرات لا شي شلون تفهمن
263
- اني والله ماعايفه ولا محاضرة بس غير رجلي يوميه مكسورة
9
- هسه سهله يابه سهله اني انطيكم ملازم تدرسون عليها
52
- عفيه بس وصلني القسم أستاذ حيادر
6
صفن حك حواجبه وهز راسه موافق دفع الكرسي واني احجي على الدكاترة وشرحهم اول مره اخذ هيج درجات مصدومة اول مره اطلع كسولي دك باب غرفة أستاذ حيادر وفتحه اول ما رفع وجهه حيادر ابتسم ووكف افتر طلع من المكتب مرحب وعبد علي هم عافني وتقدم يسلم محاضن سلامهم واني صافنة عاكده حاجبي كلشي ما فاهمه
103
التفت حيــادر گاله عبد
2
عبد علي :: هاي الكسولي مالتك
270
حيــادر:: لاا عاد هنا ونخرب ما اسمحلك
43
- هههههه وصلتلك الامانة ارد انا عدي أمتحان
133
- حبيبي عبد تسلم
24
سلم عليه وراح باوعت الحيادر اخذ الكرسي وصلني كدام المكتب وافتر كعد بمكاني متجاهلني
1
- هاي طلع صديقك يعني
13
هز راسه اي بقيت ساكته اباوعله باستغراب والتفتنا ثنينا على فتحة الباب دخلت بنيه تموت من الجمال وكف حيــادر سلم عليها ويعرفها علي اشر عليها وگالي
103
- غــزل هاي رند بنت ابن عمي
426
سكتت وهي كعدت تسولف وياه حتى ما سألني ليش بجيتي ليش اجيتي عفته وطلعت اول ما عبرت القسم صار إسلام بوجهي اجه ركض دفع الكرسي يحجي
25
- محضرج مفاجأة
109
- اسلام
2
- فدوه الج اسلام
231
- عفيه جاي تخنگني شنو هالتصرفات بس عوفني وخر
46
احجي وهو ولا مهتم اخذني للقسم والمحها كاعده وتضحك نتبهتلي عيوني دمعن حيل مشتاقتلها ايه صحت وهي اجت بسرعة دنكت تحضني
142
-ووين رحتي ليش هيج ايه ليش
كعدنا سوا واسلام راح كالت
- لا تعاتبين ما تدرين شصار وياي
4
- احجي شكد إتصلت وراسلت كله مغلق
تلفتت تباوع بالكافتيريا وتقدمت قريب علي گالت
- اهلي ما قبلوا ينطوني الحبيبي گالوا نجوم السماء اقربلك تمرضت شفت الموت تالي سافرنه اني وعمتي وخابرته اجه تزوجنا بالسر
418
شهكت ايدي على حلكي
- عززاا ايه صدك تحجين تتزوجين بالسر مخبله انتِ
31
-درووحي على اساس انتِ ما متزوجة بالسر
261
جملة من حجتها حسيتها ضربتني على راسي دك گـــلبي حيل وهي تحجي وتشرح عن حبيبها ختمت كلامها بالسؤال وهي تگول
2
- شلونه ابو المثاليات
40
دنكت ورجعت اباوعلها
- زين بالمكتب كاعد ويا بنيه من اقاربهم
ضحكت تركص بحاجبها
- شنو ست غــزل تغارين ؟
41
- ايه شبيج ليش هيج تحاجيني مو عيب
57
-ههههههاي اكلج هذا اسلام بعده وراج مشلع كاشي خطيه الظاهر صدك يحبج
53
- يولي والله اذا عرف هجــام يحفر ويدفن بنص الجامعة
57
- ولج لعد اذا عرف بيج متزوجة حيــادر شيسوي يدفنكم سوا ؟
165
حجتها بضحك رجفت ايدي بخوف واني افكر بكلامها تلفتت خايفة كلامها شوش عقلي وخربطني گالت
- عجبني تمسك اسلام بيج انطي وجهه غــزل ونفصلي من حيــادر لا من شاف ولا من عرف
573
سكتت حركت الكرسي مبتعده بدون ما احجي هي استغربت بالبداية بعدين لمحتها تحجي ويا إسلام من شوكت ما اعرف وهي جانت تضوج من عنده
197
الحد نهاية الدوام انتبهت رند جايه ويا حيــادر واشو هذا گبل صعدني ليورا وهي كدام يمه ومدري شبيه هاكد ضجت ماكدرت اغطي ملامح الضوجة رأسًا بين علي باوعلي بالمراية يسأل خزرته ودرت وجهي وصلنه البنيه ورجعنا للبيت نمت بدون غدا الحد ما إتصلت براء
131
- شتردين ما احجي وياج
3
- ولج عوفي الزعل عوفي اسمعي منو خابرني
7
- منو
-عبد علي يمه
209
- جذب عززا منين جاب رقمج
4
- ما ادري يگلي دحكي فصعون بعد لا تغيبين ام الصفارة ، بربج اني شوكت ماخذة صفر
1K
- هاا اا مو اني نطيته الاوراق مالاتي ومالاتج وصدك انتِ عندج صفر
89
- طاحظج غــزل
65
- ههههههه شعرفني راح يخابرج يتشمت
20
حجينه شوية ونضحك سولفتلها على حيــادر واعيب عليه شلون صعدني ليورا ورند ليگدام بس سديت التليفون فتح الباب مبتسم درت وجهي بزعل
106
- حضرة الزعلان عدنا مراجعة لازم نروح للدكتور
186
- حضرة الدكتور ما اريد اروح وياك
31
ضحك واجه علي مد ايده يكرص خشمي چلبت بيها اصيح
11
- لا لا خشمي بيه حباية
280
عافه يضحك بدلت وطلعنا كملنا من الدكتور وافترينا بالسياره نسيت الزعل اسولف واضحك والكاه يباوعلي بتأمل نظرة جنت أتأملها واحبها وابتسم من اصفن بعيونه رأسًا يدير وجهه يضحك وگال
32
-كرهت عيوني لان بس هن يعجبنج
108
- ههههه لونهن حلو
32
رجع باوعل ايده على الستيرن مبتسم ويباوعلي
5
- لو عيوني سود تباوعيلي هيج بنفس النظرة هاي
118
سكتت مرتبكة ورفعت اكتافي ما ادري ضحك وسكت الحد الغروب كلش رجعنا للبيت طول فترة الامتحانات عبد علي ماعايفنا ياخذ ريست من دراسته ويجي يدرسنا اني وبراء الي بس تتناگر وياه واحنا من نكعد يمه نحجي نفس لهجته تعودنا عليه صرت احسه هجــام وهو من اتشكر منه يگلي
81
- اخيتي انتِ .
117
ويباوع البراء ينتظرها تتشكر منه وهي ابد ولا يمها من يروح يله تكول
25
- فدوه للدحكي والهسع والچثير فدوه الربك جثير فدوه
1.4K
- هههههه خزيتينا والقران لو يسمعج فصيحه
13
عبد علي :: سمعت .
2.2K
التفتنا ثنينا فازين وهو الضحكة شاكة حلكه دنك على الطارلة اخذ تليفونه يباوع البراء عاض شفته وهي وجهه صار احمر دم من الخجل بس راح من يمنا بقت تلطم
223
ايه واسلام دائماً اشوفهم كاعدين سوا ايه نفسها السوالفها حلوه ورغم الأخطاء العدها تنحب بس تغثني من تقنعني باسلام وتضوج من أبقى رافضة ومصره .
193
شــام :: ومن بعد اشهر تعب صرت كل ما انام الضحكة على وجهي بسبب هجــام بقالي امتحانين واخلص ورويده بعدها نايمه مستشفى بافاطم وعمو حسين متخبل يگلها طلعيها وخلي تموت يطبها مرض
140
سجود :: خلها خلها اخوها ومات حقها تتسودن
238
فتحت عيني مصدومة بيها صبيت الچاي اخذته العمو حسين وكرار للديوان ورجعت للمطبخ ركض اسوي ريوك الهجام حضرت الصينية بخلك طويل وترتيب خليت علبة العلاج وكلاص الماي هم بالصينيه
159
شلتها اريد اصعد صاحت سجود وهي كاعده بالصالة
26
- انطيني ليمونه من الثلاجة
305
باوعتلها وباوعت للصينية بأيدي
- خلي اودي الصينية واجيج
48
- لااا هسه
126
استغفرت ربي عفت الصينية على بايات الدرج ونزلت للثلاجة عيوني على سجود اخاف لان العلاج بالصينية وهي عيونه علي مبتسمه كالت
397
- راويني كون زينه
8
طلعت ليمونه واني اباوعله حالفة ما ادير وجهي منها ولا لحظة اخاف ، اسحب ليمون واراويها خلصت السله كلها يله كالت اي هاي نطيتها اله ورجعت للصينية ركض أخذتها وصعدت
577
فتحت الباب على كيف اباوع بالغرفة ماكو اول ما دخلت ونسد الباب حسيت بأيده حضنت خصري من ورا ضحكت ورخت ايدي لزم الصينية وياي وابتعد يضحك وهو يگول
815
- مو اني ادري كلبج رهيف لمسه تذوبين وتغدين تراب
553
دنكت اضحك كعدت يمه نتريك سوا گال
- هاليومين تجي رويــده يطلعونهن
- يا الله
9
- تخلصين من عندي لا ريوك ولا علاج
24
- لا عادي أبقى اني اسويلك ريوك وانطيك علاج
15
ابتسم يشرب چاي ضحكته تجنن
17
- ليش مخليته بالصينية اليوم ليش ماضامته بمكانه هسه يبرد
904
يحجي ويباوع الصدري لميت الدشداشة عدل
173
- هجــام أبقى حباب لا تصير سخيف
153
ضحك يهز بأيده
3
- شمسوي لج هي نظرة وبالحلال
278
- اي اي على اساس انت يوكف يمك حلال وحرام
12
- يوكف لان اخاف عليج من الحرام
28
- هجاااام شيل عيونك
275
- هاا هاا
4
رفع عيونه باوع لعيوني غمض وصاح
8
- دخيل الله وين اعاين چا عيــونج عيــونج ياخذن ذرة العقل الباقية بيه
426
- خلي ياخذنها
8
- اصير مجنــون مره وحده.
15
- صير هم أحبك
2.2K
أختفت ضحكته تحسر دنكت خجلانة واطكطك باصابعي همس
21
- عيديها بله
264
بقيت ساكته بعد لو اموت ما احجيها استحيت حسيت علي بصفي رفع وجهي من حنكي
28
- عيديها شــام
60
دنكت راحت روحـــي سحت من الخجل هسه لو ما گايل عيديها ومخليني احجيها من وحدي ما استحي هيج صارت ايده على خدي غمضت
54
- شــام
8
- همم
- خل اسمعها بعد
56
- هجــام حباب والله استحي هيج ما تطلع الحجاية اغص بيها
30
- هههههه يله براحتج ، بس هاي ثاني اجمل كلمة أسمعها
370
ابتسمت اباوع لوجهه واختفت ابتسامتي افكر شنو ممكن تكون اول كلمة ورغم كل الفضول النزرع داخلي سكتت وما سألت شربته علاج ونزلت كام ينزل يكعد على الدرج من اني اشتغل راعبهم محد يحاجيني يبقى كاعد على الدرج وهم حتى صوت عالي ماكو
636
اخر امتحان رجعت أركض صعدت الغرفتة اريد اكله مجاوبة مثل كل مره فتحت الباب ووكفت مصدومة لمحت جهاز الوشم بأيده ووجهه تعبان دخلت وسديت الباب كعدت كدامه اباوع للوشم الجديد الداكه سحبت أيده نترها قوي من ايدي وباوعلي بعيون حمر دم
594
- شبيك هجــام
39
- ما بيه شي روحـــي
114
كمت مستغربة بدلت ونزلت ركض سويتله ريوك يمكن لان جاي اخربط بعلاجة ما انطي الا ارجع من الدوام كوه قنعته اكل شوية ونطيته العلاج
304
نزلت غسلت المواعين وفزيت مفزوعة على صوت التكسر صعدت أركض فتحت باب غرفتة وركضت بس اريد الزمه وهو بكل حيله يكسر بالأغراض ويصيح بوجع بس لزمته دفعني قوي ويصيح
83
- منو گالج تجين فوك منووو گالج منو سمحلج ها منوووو
291
كعد على حيله واني طايحة بالگاع يسحب بأيدي بنتر ويصيح بغضب واسمع صوت رويــده دخلت بملابسها بعدها وربحة المستشفى بيها ركضت وكف على حيله عبالك طفل ولكه امه وهي بكل حيله لمته بحضنهه فاتحه عيونها بصدمة ضم وجه بحجابها يحجي
25
- لحد يجي فوك رويــده لحد يجي فوك
32
- اي يا روح رويــده اي محد يجي محد هجــام باوعلي شبيك ها شبيك
5
رفعت وجهه تحاجي هادئ وراها دفع أيدها خازرها يصيح
- اطلعي برا
15
- هجــام اني رويــده
6
- اطلعييي براا
18
بجيت اصيح
- شبيك بس گلي شبيك
11
اجت رويــده بسرعه تسكتني وكفتني واني لازمه ايدي نجرحت بالكزاز سحبتني نريد نطلع من الغرفة صيح
7
- اوكفي اوكفي
14
وكفت اباوعله وهو عيونه على ايدي تقرب بسرعة سحب ايدي يباوع للوشم عاكد حاجبه ورويده تبلعم عصر ايدي قوي فوك الوشم
20
- اسمي ؟
76
- اي شبيك هجــام اني شــام
9
رويــده :: اسكتي شــام
1
- رويــده انتِ ما تعرفين شنو الحجينا وشنو الصار عوفيني احجي
، هجــام نسيت ليش وشمت اسمك بأيدي ؟ مو كلت صرتي تخصيني
27
- تخصيني ؟
26
- اي وعقدنا ليش نسييييت ليش
23
ضربتني رويــده تريد اسكت بس اني ما جنت فاهمه حالته عبالي مجرد نسه ومن اذكره يرجع طبيعي عصر ايدي قوي وسحبني عليه
123
- ابقي
124
رويــده :: لااا هجــام
101
دفع رويــده قوي برا الغرفة سد الباب بوجهه واني بإيده .
2.1K
يتبع .🦋
