رواية نوائب شام الفصل الخامس عشر 15 بقلم الكاتبة ايلول
واكـلچ
يابعد حيلي
وازاني العطش وانخاچ اضحكيلي
""""""""""""""""""""""
87
شــام :: دفعني. ليورا قوي ويتأكد من قفل الباب مثل الخبل رجعت على باب الكنتور ابجي ولازمه أيدي ورويده تدك على الباب وتحاجيه بس تريد تطلعني من يمه صرخ حيل وضرب الباب قوي صرخت فازة ورويده سكتت
79
وهو تخبل يفتر بالغرفة يدفر ويصيح حشكت روحـــي بالزاوية ابجي وايدي على اذني وهو يفتر ويصيح
9
- اسمي على ايدج اسمي ايدج اسمي على ايدج
252
وكف يدفر بباب الكنتور رجعت رويــده تصيح عليه وهو من يسمعها يتخبل بالزايد صحت عليها واني ابجي
9
- روحـــي رويــده روحـــي
16
- ولج شــام بس افتحي الباب تعالي
4
- ما اجي روحـــي ما يأذيني
126
باوعلي بخزر عاكد حاجبة وعيونه حمر دم مسحت دموعي
14
- ليش هيج تسوي شبيك ؟
60
ابتعد من يمي افتر بالغرفة نص المرايه الموجودة ضربها بأيده والدم نفض اباوعله وفاتحه عيني على وسعها دنك للگاع شال قطعة من المرايه واجه عليَ كعد بمستواي جر ايدي صيحت واسحب بأيدي منه
112
- وخري اسمي من ايدج وخري اسمي
123
- لااا عفيه لااا
19
رفع ايده البيها الكزازه سد حلكي وخازرني
14
- صوتج صوتج
41
شهكت اكتم بنفسي ودموعي تنزل نزل ايده من حلكي ورجع سحب ايدي البيها وشم ايده ترجف ومتروسه دم رفع الكزازه صيحت خايفه واسحل بأيدي وهو فاقد ماحاس ، روحـــي راحت من جرح ايدي فوك الوشم بحركات سريعه يزلغ الوشم عضيت ايدي كاتمة صريخي واحس بالكزازه تگطع بگلبي مو بأيدي
603
هدئ على غفلة يباوع الايدي وأيده والدم سحلت ايدي من عنده ابجي شايطة روحـــي من الوجع كام من يمي واني بس دموعي تنزل ايدي تنزف والوجع يدك بگلبي كعد بالزاوية بين الحايط والچرباية ضم راسه بين ايدي ينود يروح منا ويجي منا صوت رويــده تهمس بالباب
25
- حاجيني شــام بس حاجيني گلبي وكف
39
زحفت للباب اشهك بس لمحني وكف خازرني جر المفتاح اخذة ورجع المكانة سندت ظهري على الباب ابجي واحجي همس
23
- رويــده
- ها شــام ها
4
- شبيه عفيه شبيه ليش هيج والله الصبح شحلاته
- اي كل وقت انطيه ولا مفوته حباية
1
سكتت شوية وگالت
- وين مخليته ؟ شــام احد غيرج يندل مكان العلاج؟
40
- ابد ولا عايفته حتى من اروح للامتحان اخذة وياي بصدري ضامته متأكدة والله محد وصل اله .
93
- وين هجــام شكاعد يسوي
- كاعد ، عفيه رويــده يخوف
10
حجيتها وبجيت اباوعله رفع راسه خزرني عيونه حمر غمضت عيني بخوف
14
- شــام تگدرين تقنعينه تنطينه حبايتين
699
وبمجرد نطقت رغم تهمس بصوت ناصي كام على حيله سحلني باعدني من الباب وضرب الباب قوي بأيده يصيح على رويــده الاختفت صوتها أختفى راحت رجعت زحف للزاوية بصف الكنتور وهو رجع يفتر بالغرفة بخبال الحد ما لمحته تمدد وسحب حديدة من جوه الجرباية وجر الساطور شهكت بخوف التفت باوعلي ورجع دفعهن جوه الجرباية
267
يبس الدم على ايدي لافتها بالردن والوجع ماخذ روحـــي شفته هادئ وساكت طلعت العلاج وكمت بخطوات ترجف اخذت ماي من الثلاجة وكعدت يمه صوتي منتهي وكوه احجي
69
- هجــام تشرب علاج ؟
70
كعد على حيله جر العلاج من ايدي وراح للشباك فتحها وشمر العلاج كله فتح الشباك حيل ورجع ركعها بقوة مره ومرتين وثلاثة الحد ما نكسر الجام كعد بصفها حاضن روحه ومغمض
1.6K
اباوع للغرفة بيبان الكنتور فد باب باقي صاحي البقية متكسره
بقيت كاعده بمكاني واباوعله تمدد بصف الحايط ايده على الرسوم واني اراقب ساكته ومنظرة وهو يجرح بأيدي ما يروح من بالي
40
الغرفة صارت ثلج من البروده وهو بصف الشباك متمدد وما مهتم الا اني بقيت ارجف سحبت الغطاء لفيت روحـــي بيه واني كاعده باوعلي ورجع باوع للحايط بطرف اصبعة يمشي على خطوط الرسمات بهدوء
20
تعبـــت والشهكه ما تروح من بلعومي تمددت لامه روحـــي مثل الطفل وعيني عليه نزلن دموعي من جديد لازمه بأيدي هو بنفسه جان يگول أسببلج اذيه وانا الما اقتنعت انا الراهنت ما يگدر
160
- لا تبجين
138
فتحت عيني اباوعله وآني متمدده وهو عيونه بالحايط ما يباوعلي رجع كرر
- لا تبجين
39
سكتت وهو كل شوية يعيد الكلمة ويدك باصابعة على الحايط الحد ما تعبـــت وغفيت .
16
رويــده :: مغالب ويا المصايب اكضي حياتي اذا جنت حايرة باثنين صاروا أربعة صعدت سألت شــام على علاج هجــام گالت شمره من الشباك نزلت ركض طلعت للساحة شلت الحبوب اخذتهن ورجعت الغرفتي أفاطم نايمه فاصلة وما تدري بشي
573
طلعت العلاج الضامته مستحيل اكون غلطانة فتحتهن واقارن بينهن نفس الشي ما متغير ليش هيج تغيرت تصرفاته واني ماصدكت صار زين مسحت دموعي وطلعت نظرات سجود الي واسئلتها على هجــام ثبتتلي الها ايد بالموضوع
89
- شسويتي ؟
2
سألتها وتقربت ضحكت وهي تكول
- كل ما يتخبل تدورين الصوج بيه؟ ليش ما تعترفين اخوج مسودن ما يصحى
45
- بدلتي علاجه ؟ اكيد عدتي نفس اللعبه شلون كدرتي تضحكين على شــام شلون ؟
24
- ههههههه ضاحكة عليج قابل تصعب عليَ شــام ؟
361
فقدت بجيت وضربتها اريد املخها كل ما اعبر مرحله ترجعني النقطة الصفر ملختها ونشاليت من شعري اباوع الابوي خسارة بيه هالكلمة ضربني متخبل شلون أمد ايدي عليها ومثل كل مره اتحمل الضرب وصوتي ما يطلع في سبيل هجــام ما يسمع دفعني للغرفة حيل فزت أفاطم تباوعلي بعيون مورمه مسحت وجهي ارجف اخذت حبوب جديدة وصعدت كعدت بباب غرفتة يا روحـــي انتَ يا اكثر بشر متعبني .
53
- شــام
همست صوتي رايح وفززتني ضربة الباب وهو يصيح
4
- نززلي
15
- هجــام حبيبي بس خلي احاجيك تعبتني بالقرآن تعبتني
41
بجيت عاجزة نهد حيلي كافي تعبـــت فتح الباب وكفت اباوعله وأمسح بدموعي
11
- ليش تبجين ؟
37
باوعت الداخل الغرفة شــام لافة روحها وكاعده على جهه عيونها حمر مديت ايدي الزم وجهه
11
- شبيك يا روحي مو عبرنا مراحله سوه ليش هسه تطردني من يمك
5
دفع أيدي ودخل للغرفة كعد على جهه وغطة راسه بإيده عفته واجيت كعدت كدام شــام احجي بصوت ناصي
-شــام العلاج متغير
11
فكت عينها بصدمة وهي تحلف
- ابد والله محد لزمه غيري متأكدة
5
-سجود اعترفت بالسانها كالت اني كدرتلج ما تصعب عليَ شــام تذكري حبابه تذكري بس حتى أتأكد مغيره علاجه
8
-شوفي هي بس مره وحده صادفت وجود العلاج وسجود نفس المكان بس بقيت اباوع بوجهه والعلاج عفته بالصينية على الدرج وسجود كدامي بالصاله لحظة ما غفلت عنها
47
ضربت ايد بأيد والتفتت اباوع لهجام يباوعلي بخزر وبس لمحني طلعت العلاج وكف سحبني من ايدي دفعني برا الغرفة وسد الباب احس گـــلبي من القهر شيب منين اتلكاها من يا جهه كعدت بالكاع بصف الباب
29
-شــام
-يمج اسمعج
5
- وينه ؟
-فات للحمام
-افتحيلي الباب
-المفتاح عنده .
4
-شــام اخوي يأذيج فاقد مايدري بشي حاليًا
13
-كص ايدي رويــده
124
حجتها وبجت تملخت من القهر ما ادري شنو الاسوي مديتلها حباية من جوه الباب
3
-شــام اذا كدرتي تقنعينه يشرب العلاج
48
اخذتها من ايدي ونزلت دخلت للغرفة ما لكيت افاطم دك گـــلبي بخوف طلعت ادور وارجف لكيتها كاعده بالمطبخ بايدها خاشوكة وكدامها طاسه عجين كليجه هذا كعدت يمها ايدي على كتفها
158
-افاطم شتسوين ؟
وكفت شالت العجين عافته على جهه وتدور بالكاونتر طلعت راشي. وحبة حلوة وجوز أيديها ملفوفات ومن تلزم شي وتضغط عليهن اباوعلها دم يصبن سحبتها من ايدها دفعتني وباوعتلي خازرتني
111
-أفاطم شكاعد تسوين اتأخر الوكت تعالي ننام
1
هزت راسها لا رجعت كعدت والاغراض گدامها لبست كفوف وفتحت العجين شالت راشي بخاشوكة خلته بداخل العجينه ولفتها گـــلبي تگطع امسح دموعي وترجع تنزل خلتهن بالجهاز وانتظرت الحد ما كملن طلعتهن بصحن كعدت على جهه لامه رجليها الصدرها والصحن بأيدها ترجف شالت كليجة وحدة عضتها وشفايفة يرجفن باوعتلي وصوتها رايح كوه تحجي
84
-طيبة بس رسول ما اكلها
1.3K
بجيت وتقربت احضنها الا هي دمعه ما نزلت من عينها كومتها روحـــي محتركة عليها تمددت وراساً غمضت عيونها درت على صوت التليفون
8
- ها غــزل
-رويــده اريد اجي
15
-وين
-يمج شنو عايفتني هنا مشموره چلب اني؟
150
-غــزل شوفي صار بالشهر يوميه انصگع صگعه واركض وما ملحكة نطمي بمكانج واسكتي اني ما مصدكة على الله عايفينج وسجود ماتنبش وراج شبيج بعد شبيييج
36
-والله بس اكمل امتحانات اجي
10
- خوش تعالي والعباس اذا ما اخليج تشتغلين وتتحملين سجود اني مو بت امي تعالي تعالي هلا بيج
55
بجت تتشكى واني روحـــي صايره بخشمي نوب كعدت تحجي على الجامعة ولازم ابقى اسمعها حتى ما تنقهر واسأل واستفسر
- اممم وطلع عبد علي صديق حيــادر ؟
114
-اي طلع هو مأمنه عليَ مأمنه يعني كايله ديربالك عليها
29
-ها
12
- وعلي ، بس شنو رويــده هذا اسلام لزكه يضوجني ومن سألني عليه حيــادر جذبت كتله ماعرفه خفت وهو عصب وضل يصيح علي ويكلي .. ااا هيج ما يكلي شي بس عصب
138
غــزل :: سكتت مرتبكه لو ما منتبهه حاجيه كلشي سديته منها بس أبقى احجي وياها راح اسولف كلشي بدون ما احس على نفسي سحبت الملزمة اراجع ندك باب الغرفة ونفتح بهدوء دخل حيــادر مبتسم بأيدة كلاص حليب عفت الملزمه ضحكت اجه يمي
13
- يله بابا اشربي حليب ونامي
91
- ههههه لا تگلي بابا ما احب بس هجــام يگولها الي .
80
باوعلي مبتسم نظرته تحرجني شربت الحليب اخذه من أيدي وهو يسأل
195
- كملتي دراسه
3
- لا والله صعب بعدني
3
هز راسه موافق گال
- هسه اجيج وندرس سوا
14
راح وده الكلاص ورجع باوعلي وباوع للچرباية يسأل
- اكعد يمج عادي ؟
31
سحبت رجلي الزينه
- اكعد عادي مو عيب
190
ضحك كعد يمي على الجرباية سحب الملزمه يأشر ويشرح عيني ويا أيده مدري بشنو يغسلها تلمع ومن يلزم بيها القلم تصير تخبل كتب على الورقة ورفع راسه خله القلم ورا اذنه
462
باوعت بعيونه أساسًا ما اسمع شنو يحجي لون عيونه يصير طوخ بالليل ما ادري ليش باوعت لحواجبه لرموشة للحيته وأبتسمت باوعت لشفايفة
346
- غــزل انتِ وياي ؟
215
باوعت لعيونه مرتبكه بلعت ريك هزيت راسي اي باوعلي باستغراب سحبت الغطاء علي زين گال
1
- شنو بردانه؟
19
هزيت راسي اي مد ايده يعدلي الغطاء ويرفعه على اكتافي طخت ايده بصدري فتحت عيني بصدمة وهو رأسًا إبتعد تحمحم مدنك
168
- اسف
21
- عيب عليك .
1.1K
سكت واني سكتت رجع يكتب على الورقة وكل شوية يرفع عينه يباوعلي طلع غسل وجهه ورجع حاولت اركز وياه بس اريد افهم عندي أمتحان باجر
16
- فهمتي ؟
3
هزيت راسي اي سألني بكم موضوع جاوبته وبقيت اغفي تعبـــت اريد انام وهو عيونه علي مبتسم
5
- نعستي؟
- اي
- نامي واكعدج الصبح ويا الصلاة تراجعين
9
- حيــادر
16
رفع عينه باوعلي بلعت ريك غمضت ورجعت فتحت اباوعله ابتسم يهز راسه شكو
3
- اسلام طالب وياي
32
اختفت ابتسامته وكام وكف يريد يروح لزمت أيده بسرعة
2
- بعد ما اجذب عليك والله
5
- غــزل سدي الموضوع
2
- اني معلي هو مجلب شافني شخصية وجلبلي
752
- القهرني نكرتي ترا اعرف كلشي انا وسألتج ردت اشوف تحجين الصدك لو تجذبين
8
- خفت من عندك والله
1
التفت علي حرك اصابعه ولزم ايدي هو واكف واني متمدده بالجرباية باوع لوجهي عاض شفته
18
- تحبينه ؟
96
هزيت راسي لا
- والله لا احبه ولا اباوعله غير اذا يعرف هجــام يدفنه دفن.
4
- ليش كلتي فك العقد وبعدين شنو فك العقد خيط هو وصله مشدوده وافكه شلج بهالحجي
326
- ههههه مو اني من اعصب مدري شحجي لا تاخذ بحجيي
12
أبتسم عصر اصابعي قوي بين أصابعه
8
- نامي خلي اروح اذا أبقى يمج اخرب الاول والتالي
355
- ليش ؟ ضوجتك ؟
12
ثنه ركبه وكعد بالكاع رفع ايده حضن خدي نفسه قريب علي رمشت متوتره
11
- غــزل انا داتعب يمج
235
- والله كلت الرويده بس اكمل امتحانات اجي يمكم ادري تعبتك هواي حقك
572
غمض قوي شهكت فاكه عيني كلها من خله شفته على كصتي يبوسني وبقى ثابت ما متحرك باسني ورجع باسني. بشوغة همس
585
- لا لا ما ترحين ما قصدي هيج معليج انا اقبل اتعبلج أقبل
150
ابتعد يمسح على وجهي متوتر ايده ترجف وكف اتلفت يأشر على الباب
- نامي راح اروح انا
11
هزيت راسي اي راح للباب ويرجع يلتفت يباوعلي غمضت عيني واحس بشفتة ودفوها بعدها على كصتي گـــلبي يدك بصورة غريبة ما جنت أعرف افسرها ولا انطيها مسميات
254
ثاني يوم عبالك مزاعلني تعامل وياي ببرود من اول ما وصلنا للجامعة اجه عبد علي اخذني للقسم وهم حالته مو تمام ضايج امتحنه وطلعنا للكافيتريا كعدنا اني وبراء نراجع اجوبتنا وفجأة تخلت كيكة كدامي وبيها شمعه التفتت الكل يصفك ويغني اباوع باستغراب منحرجة من العيون رفعت راسي على صوت أسلام
200
- عيد ميلاد سعيد
123
ايه :: هاي منو كبرت فديتك اني
441
ابتسمتلها منحرجة ومتوتره سحبوا الكراسي وكعدوا هي واسلام وبعد بنات ثنين وولد ثنين اصدقاء أسلام
أسلام :: كصي الكيكة
27
ايه :: انتَ شايف كيك يگص كيك
167
اسلام :: بهاي حقج جيبي انا اكصها بمكانها
126
غــزل :: صخنت بس ادور بعيوني وهم يحجون ويضحكون كصصوا الكيكة خله أسلام بشوكة ورفع أيده مبتسم يريد يوكلني هزيت راسي لا ، يا الله كلها تباوع راح اموت وهو باقي ورفع الشوكة ويقربها الي متت بدمي عيوني احس دمعن من الاحراج
63
على غفلة نسحبت الشوكة من أيده باوعت عبد علي قربها الي واشر اكليها اكلتها ومسحت حلكي أسلام رأسًا تغيرت ملامحه للغضب وعبد سحب كرسي كعد بصف براء گالهم
394
- ما كلتوا نشارك وياكم
36
اسلام :: ماكو داعي تشارك
64
- لا ليش بما انُ الموضوع يخص غــزل معناها اكو داعي
37
أسلام:: على كلاً غزوله هاي هديتج أتمنى تعجبج
89
سحب بوكس من جوا الطاولة وقدمة باوعت العبد خازرني واسلام ماد ايده. واني ضايعه ما عارفه اتصرف شلون افشلة كدام الكل وما اخذها وشلون اخذها ، مديت ايدي بتردد سحبتها خليتها كدامي وايه هم قدمت هدية كالت
10
- اذا ما عجبتج مرجوعة .
7
حجتها وضحكت والولد محمد صديق اسلام بوكس صغير واضح بداخلها قلم وبنيه بصف ايه سجى هم جايبة ورد همست
76
-شكرًا
1
اسلام :: اي عبد انتَ شنو هديتك بما انُ غزوله كلش تهمك
16
عبد :: لو أعرف بعيد ميلادها اقدملها هدية بسيطة وبدون ما احرجها گدام الجامعة كلها !
246
ضحك أسلام باستهزاء وايه كالت
- افتحيهن تحمست
2
محمد :: لا يابه احراجات انا هديتي قلم
283
هم يحجون وكل شوية تتخلى علاكه كدامي من طلاب قاعتي رغم مايحبوني ولا عندي مواقف وياهم بس الظاهر هذا تأثير أسلام لحت ايه وإسلام الا تفتحينهن وبكل مره الكه عبد علي خازرنا واذا حاجوا براء يتخبل ويضل ينتر عليهم ومايخليها ترد رأسًا هو يجاوب
401
فتحت هدية ايه جان عطر ماركه اول ما فتحته كلهم صاحوا واووو بس اني اباوع ساكته كلمة شكرًا ماعرفت اگولها كالها أسلام
58
- ذواقة
ايه :: اووو من زمان الذوق يمي وينتهي
198
ابتسمت ساكته ومحمد سحب هدية أسلام من گدامي فتحها وهو يحجي
محمد:: انا فضولي تجاهه هالهدية وبس
75
دنكت ساكته بعد خفت حتى اباوع لعبد علي لان ضل ينافخ صاحت ايه
7
- يااا عيني شنو من هديه هاي
رفعت راسي اباوع وهي تگلب بأسوار ذهب وعليه مخطوط اسمي بالانگليزي عيون إسلام عليَ ومبتسم همست
188
- لا عفيه ما اكدر اتقبل هيج هديه
13
- ليش لان من عندي حالي حال الطلاب غزوله
24
عبد علي :: غــزل ركز غــزل اسمها غـ ا ز ا ل مو غزوله
462
ايه :: معليك معليك تتقبلها مو بكيفها نطمي لج
120
- ايه سكتي ، أسلام شكرًا الك بس ماكدر اتقبل هيج هديه ثمينه هجــام ما يقبل والله
37
- يابه قابل أثمن منج شسالفه اسوار هو
31
حجوا كلهم رجعتها ايه للعلبة وخلتها گدامي كامت براء وهي تكلهم اجه الخط شالت الأغراض هي وطلعنا من الكافتيريا تغلط على ايه
21
- براء ايه حبابه لا تحجين عليها
67
- ترا تلح ضوجتني وبعدين اني شعليه هذا ابو دحكي بس يخزر ويصيح عليَ شكو
196
- يغار عليج
51
خزرتني ضايجة وصلتني المكتب أستاذ حيــادر ماجان موجود عافت الأغراض على القنفة وراحت لان خطها اجه حركت الكرسي تقربت للمكتب والتفتت على فتحة الباب دخلت رند مبتسمه
24
- هلو غــزل
- هلا بيج
- أستاذ حيــادر وين
26
رفعت اكتافي ما ادري وهي دخلت تقربت طلعت سفرطاس خلته على المكتب گالت
95
- هذا اكل اله اني راح أروح
47
حجت وطلعت واني دخنت مدري شبيه هاكد اضوج منها رغم حبابه وما مسمعتني كلمة ولا مضوجتني بشي شوية ودخل حيــادر باوع للهداية بصدمة
38
- شنو هاي ؟
بلعت ريك متوتره. وساكته كعد على الكرسي ويباوعلي بشك
4
- اا مو طلع اليوم عيد ميلادي واني ما ادري
140
- اي ؟
1
- اي والطالبات طلعوا جايبيلي كيكة وهداية
- الطالبات ؟
31
هزيت راسي اي واني مدنكه تحسر وسكت يگلب بالاوراق وين بله انتبه للاكل گال
4
- هاي شنو
- عيني هاي رند جابته الك
4
ابتسم وفتحه
7
- فدوه الگلبها
527
فتحت عيني خازرته وهو ما مهتم يفتح بالسفرطاس ما منتبهلي گـــلبي نحمس حمس
65
- على شنو فدوه لگلبها اكل تره هو مو شي مهم
55
- اي مو كتلها امس مشتهي اكل بيت مليت من اكل المطاعم خطيه اليوم جابته
3
- اي اكل مو مهم هو واذا جابت عليمن الا تكول فدوه الگلبها مو فدوه الگلبها واذا جابت هو اكل جا نمونه
359
ضحك حيل بس اني بعد شويه وابجي
6
- شبيج غــزل
20
- ما بيه شي خلي نرجع للبيت تعبـــت
6
- بس اكمل هالاوراق ونروح
1
بقيت بمكاني وهو كمل شغل طلعنا للبيت بالطريق وكف كال هسه اجي شوية ورجع يركض يعبر من السيارات بأيده بوكي بيها وردتين حمر وورده لون ازرك وياها ككو كيندر خلاها بحضني شميت الورده مبتسمه
207
- ولو واصلاتج هداية ثمينه وهاي ابسطهن مو ؟
39
- اثمن شي هاي احب الورد واحب الككو
162
مد ايده مبتسم كرص خدي والضحكه شكت حلكي أبقى استذكر اللمسه ومبتسمه طول الطريق وصلنا للبيت اني دخلت ابدل ومن طلعت لكيته صاب الاكل الجابته رند رجعت للغرفة وكتله ما اريد تضوجني كلش اضوج منها نوب بالليل زادها عليَ من جابها يمي حتى تونسني وما اضوج منها واليقهر اللبنيه حيل حبابه اكرهه روحـــي لان ضايجة منها .
210
شــام :: كل ما الزم ايدي واتذكر شلون ثاقة ما يأذيني وأذاني ابجي شفته متمدد هادئ كمت بخوف كعدت يمه احجي وصوتي يرجف
53
- هجــام عفيه بس اشرب هالحباية
14
دفع ايدي حيل طفرت الحباية من ايدي دفعني يصيح بوجع
- وخري منا وخرري لا تجين يمي
25
- افتح الباب خلي اطلع
7
- لاااااااا
196
بجيت اباوعله غمض حيل ويضرب راسة بجف ايده كمت من يمه رجعت للزاوية رجع تمدد ورفع رجليه على الشباك غمضت متمدده وارجف بدون فراش مجرد لافة روحـــي بالغطا فتحت عيني فازة
على صوت حديدة صغيرة مخليها بين اصابع رجلي ويضربها بحديد الشباك سكتت عادي الصوت ناصي رجعت غمضت بلكي انام شوية شوية الصوت يبدي ياكل بگلبي كد ما تكرر أكثر من ساعة وهو ما بطل
62
سديت اذني ابجي تعبـــت يدك بگلبي راح يخبلني صيحت
3
- كافي كااافي اذيتني
29
وهو ما مهتم يضرب حديد بحديد وبس فاتح عينه لا تعب ولا مل سديت اذاني وابجي بقهر
3
- راهنت عليك حتى ويا روحـــي ما توقعت تگدر تأذيني بس أذيتني
399
وكف غمضت احس الصوت بعده يتردد بعقلي دقايق ورجع يدك تملخت عقلي راح ينفجر مدري شلون كدرت اغفى ودموعي على خدي فزيت على لمسه دافية تمسح على ايدي وصوته
24
- شــام
92
فزيت بخرعة كعدت رجعت ليورا وسحبت ايدي منه بخوف باوعلي باستغراب ويباوع الايدي مد أيده راد يلزمها رجعت ليورا اكثر بلع ريك ورفع عيونه يباوع لعيوني
18
- هاي انا هيج سويت بأيدج ؟
700
نزلن دموعي هزيت راسي اي دنك عصر راسه بين ايدي قوي كام افتر بحركة محتار ورجع كعد على اركبه مقابيلي
10
- مديلي ايدج اشوفها
33
بقيت ضامه ايدي خايفة منه مسح وجهه بحيرة ورجع باوعلي
- ليش بقيتي يمي ؟
14
- انتَ ما خليتني اروح
5
- أذيتج ؟
36
بجيت واهز براسي اي شهك بوجع يجر نفس
3
- اطلعي روحـــي لا تجين يمي شــام لا تجين يمي
30
- ليش هيج تسوي هجــام مو امس أحنا نضحك ونسولف ليش تغيرت ليش بسرعة تنسه كلشي ؟
43
باوعلي ساكت يعكد حواجبة عبالك راح يتحول غمض حيل وحجه
5
- روحـــي وبعد لا تجين يمي انا أذيه الج والروحي .
33
- حسبالي ما تگدر تأذيني
91
سكت يباوع الايدي طلعتها من حضني مديتها اله اراويه جر نفس بحسرة وخله ايده على كصته ورجع نزلها يباوع الأيدي بحيره مد ايده ترجف راد يلزمها ورجع سحبها
16
- روحـــي شــام روحـــي
5
حجه وكام فتح الباب وكفت بحيره طلعت من يمه سد الباب بوجهي وصعدت رويــده تركض
2
- رويــده حاجاني وانصدم من عرف بروحه مسوي هيج بأيدي
مديتلها ايدي شهكت أيدها على حلكها والتفتنا ثنينا فازات على اصوات الأغاني العاليه دخلنا للمخزن ورويده تعقم بالجرح ودموعها على خدها
113
- شلون هسه رويــده ؟
- الله كريم ، أرجع انطي العلاج ما استسلم !
8
- بس شلون غيرته سجود ما غفلت من عيني
9
- ما ادري شــام بس المتأكده من عنده مغيرته مستحيل هجــام يرجع للصفر بدون سبب لو ما هي الها آيد بالموضوع وروح امي مرات احس شي بداخلي يگلي وهي نايمه خلي السجينه بگلبها واخلصي
58
- رويــده امج شلون ماتت
9
- من القهر تمرضت يوميه يم دكتور تعبـــت حيل الحد ما بقت تدعي على نفسها تموت وما تتعلعل بالمستشفيات وماتت
40
- الله يرحمها وهجام شسوا ؟
1
تحسرت بقهر
- لا تردين حاله تخبل حابس روحه وبس يبجي عليها اشهر بقى يله طلع من الاكتئاب.
36
حجتها وطلعت كالت احاول انطي اكل وعلاج وفعلًا شفتها دخلت الغرفتة وبأيدها صينية اكل طلعت ملابس بدلت وطخت براسي الشال الي لافه بيه بتوت امي الذهب ماكو رجعت نفشت الملابس كلهن ادور بخبال اموت الا اسوارات امي كلبت المخزن كله وما لكيتهن تخبلت انشال وانركع افتر مثل المخبلة واشيل بالاغراض واشمر
139
واحس هيج صارت صورة سجود وهي تبوكهن كدام عيني نزلت أركض لكيتها بالمطبخ دفعتها وجريت سجينة من الجرارة متخبله رافعه عليها السجينة واصيح
8
- وين اسوارات اامي وين وديتيهن والله اموتج
24
وهي تدفع بأيدي وارجع عليها نجرت السجينة من ايدي مد ايده بحقد ضربني راشدي وهي تتشكى وتصيح
7
- ها حسين من اكلك بت اخوك ما تنگدر
23
- نجبيييي نجبيييي
2
صيحت ورجع عمو ضربني صارت رويــده بوجهي اجت تركض بجيت احجي
1
- رويــده اسوارات امي ما كو
3
وعمو من سمع بيها ذهب تخبل ويباوع لسجود بشك وهي نجنت تصيح وتنتر ودخل هو يدور بغرفتها وهي تصيح
33
- دام شكيت بيه دور الغرف كلها.
وهو يصيح
23
- ذهب هذا جا وين راح
57
كعدت على بايات الدرج ابجي وكرار يصيح على ابوه شلون يدور بغرفتة گالهم
1
- ذهب هذا ذهب
539
يدور وسجود وياه تدور وتغلط عليَ دور بغرفة زهراء وهي تخبلت تبجي وتضم روحها بحضن امها تصيح
- اني ابوك اني ؟ ؟
134
وكف من كمل الغرف صاحت عليه سجود
- ما تدور غرفة رويــده ؟
203
فتحت الباب وتصيح دخل يدور وافاطم نايمه على الجرباية مد ايده سحلها من ملابسها ركضتلها رويــده كومتها من ايدها خلتها بظهرها دفر الكنتور برجليه يصيح
5
- افتحي بله افتحي
1
ورويده فتحت الكنتور گلبه وگلب جوا الفراشات راد يطلع صاحت عليه سجود
- دور عدل دور حتى الچرابي مو بس احنه نفشت غرفنه نفش
199
ورجع عمو للغرفة يدور ويدردم وين راح الذهب ويحجي ويحجي والمح طلع الشال من جوا چرباية غــزل التنام عليها افاطم فتحه وطلع الاسوارات افاطم فتحت عيونها بصدمة ودارت تباوعلي تأشر على نفسها وتحجي
24
- مو اني شــام اني ما ابوك
36
سجود :: هههاي طلع حاميها حراميها
91
وافز على صوت راشدي قوي عمو ضرب أفاطم صيحت وركضتلها واكفين بوجهه اني ورويده وهي فاقده بس تهمس ما ابوك اني ما ابوك
11
رويــده :: مو افاطم الماخذتهن
حسين :: اي انا حطيتهن جوه فراشها هم تبوكن وهم تردن تبلن ام كرار شني من مله انتن
202
شــام :: مديت ايدي اريد اسحبهن من ايده رجع ليورا فتحهن اخذ ثنين منهن وبكل حيله ضربني بالبقن على راسي وهو يصيح
4
- ها راح تموتين عليهن
78
- جيبهن كلهن مالات امي هذن
6
- نجبي نجبي سدي حلكج اكلج وشربج ومدرستج كلهن ببلاش
130
لطمت على وجهي اصيح واجر بيهن من أيده دفعني حيل حاجته رويــده رادت ما قبل اخذهن وطلع تخبلت صعدت فوك ابجي محروكه حرك من القهر اجت رويــده يمي تصبر حجت بقهر
8
- شــام والله ترا لا اني الماخذتهن ولا افاطم
3
- شتحجين انتِ رويــده شتحجين شنو شايفتني مصدكة لعبة سجود هيج اني غبيه وما افهم هي المخليتهن بالغرفة
62
سكتت تمسد على شعري واني دموعي عشرة عشرة شكد عاركت على هالاسوارات وهسه أخذهن بسهوله من ايدي باوعت لرويده
3
-شلونه هجــام ؟
2
-اكل وقنعته نطيته علاج شــام كاص ايده نفس جروح ايدج بالضبط گـــلبي راح من شفتهن
379
كعدت عدل ايدي على حلكي
- ليش ؟
3
رفعت اكتافها ما ادري دنكت وحجت بتعب
1
-گال لا تخلينها تجي يمي ما اريد اشوفها
1
-هذا شبيه شسويتله
6
بجيت مختنكه هي عايزه
- ليش كرهني ؟
15
-ما يكرهج والله ما يكرهج بس أذاج
1
- ما يدري وعاذرته اني
42
-هو ما راح يعذر نفسه
11
دنكت ابجي مختنكه التمن علي كلهن ناقصها هجــام وكملت هسه
بقيت بالمخزن ابجي الحد التعب نمت على وكت لان ادري بهجام شوية ويبدي الضرب والصياح وبمجرد نفتح باب المخزن ولمحت خياله عرفته غمضت قوي ما التفتت منطيه ظهري للباب نسد الباب وراه
52
حسيت علي كعد بصفي سحب أيدي بهدوء رفع الردن غمضت حيل من حسيت شفايفة على الجرح بهدوء باسهن ورجعها الحضني صوت شي تخله يم راسي وطلع مديت ايدي اتلمس شنو اليم راسي لزمت اسوارات
2K
كمت بسرعة شغلت الضوء واباوعلهن گـــلبي راح طلعت البقيه خليتهن سوا الضحكة شكت حلكي جابهم الي يمكن رويــده حجتله
ماخلاني مقهوره يا روحـــي انت يا روحـــي حضنت الاسوارات الگلبي
572
ضميتهن وكمت احاجيه لو اسمع منه وأبتعد ؟ افتريت بحيره رحت الغرفتة اطكطك باصابعي فتحت الباب بهدوء الكزاز والهوسه بعدها مثل ما هي مديت راسي ادوره ونفتح باب الحمام طلع وبس لمحني باوعلي بخزر وأشر بأيده روحـــي ما هتميت دخلت وسديت الباب وراي نشف شعره بالمنشفة باوعت على الشباك الهوا يدخل ثلج وهو بدون تشيرت وهسه طالع من الحمام همست
38
- راح تتمرض
1
- اطلعي برا
74
- انتَ شبيك وياي ليش تغيرت ؟
6
كعد على حافة الچرباية منطيني ظهره افتريت صرت گدامي رفع راسه يباوعلي
1
- لا تدخلين غرفتي بعد
35
- وكلامك قبل يومين ؟
8
- كلام مجنــون ماينوخذ بيه .
36
- اني اخذت بيه
9
- لج أذيتج جرحت ايدج بلا ما احس شوكت تفهمين وتبتعدين
39
- انتَ كلتها بدون ما تحس وعاذرتك .
69
دنك عصر راسه قوي ووكف وياي طول بطول بلعت ريك خايفه گال
1
- لو اموت ما اعذر روحـــي واشوف تصرفي عادي مثلج بأيدي كصصت ايدج .
25
- ما متقصد
1
ضحك ورفع راسه ليفوك عيونه مدمعه يتقدم خطوة وارجع خطوة
5
-مستغلج انا
70
- لا ولا مره استغليتني
16
- باول فرصة عقدت عليج بس حتى استغلج
54
- هجــام لا تحجي هيج وتحاول تكرهني بيك لا تحاول اعرفك شنو مستحيل اهتم الهذا كلامك
78
غمض قوي ينتفص مد ايدة لزمي من زندي بقوة
54
- غشيتج بالحجي الحلو بس حتى أتلمس جسمج
758
هزيت راسي لا ودموعي تنزل وهو بظهر ايده تلمس رگبتي وصدري ورجع لزم زندي قوي
- لو تموت ما اصدك بهالحجي ولا اهتمله
67
- ردتج بفراشي
324
- ما تفكر بيه بهالطريقة
16
- فكرت ، كل همي اجيبج لفراشي كلشي حجيته وياج حتى تجين يمي واستغلج
141
- حسبالك راح اكرهك من تحجي هيج حسبالك راح اخاف واروح ؟
57
هز راسه اااي ااي
10
- اي تخافين خافي من عندي خافي ولا تعاينين بعيوني
41
- مو تحب عيوني تعاين لعيونك
87
غمض حيل هزني قوي ودفعني على الفراش لحظة وحسيته فوكي لازمني من فكي ووجهه برگبتي يحجي بأذني
220
- استغلج انا استغلج ابتعدي احمي روحج مني وانا احميج منهم .
176
شهكت ابجي واحجي مجلبه بأيده
2
- ما تستغلني تحاول تخوفني .
43
وبس نطقت حسيت رگبتي بين شفايفه شهكت ابجي مجلبه بيه سد حلكي بأيده ويبوس برگبتي بلمسات قاسية
1.7K
للحظة اختنكت متذكره كل مرات التحرش العشتهن فقدت أضربه وافك بنفسي أبتعد رأسًا نزل من الجرباية كعد على جهه يباوعلي عيونه مدمعه لميت نفسي ابجي واغلط فقدت
84
- حيوان مثلك مثلهم حيوان كلكم نفس الشي
348
- لا تجين الغرفتي بعد .
13
- ما اجي اي ما اجي بس حرامات ثقيت بيك
176
نزلت من الجرباية ابجي فاقدة والم بالملابس عليَ واغلط عليه هستوني طلعت من الباب والتفتت على صوته من گال
96
- شــام
21
درت اباوعله وابجي واكف لازم الباب باوع بعيوني بدون ما يرمش سد الباب بهدوء وهو يهمس
2
- ما استاهلج انا أذيتج .
256
حجاها وسد الباب رجعت للمخزن ابجي رغم ادري كل السواه حتى يبعدني لان مقهور من نفسه مقهور لان اذاني. دقايق وگب صوت التكسير والصياح وراها الاغاني والضرب للصبح نزلت يم رويــده اساعدها تعبـــت كد ما تشتغل وافاطم بعدها فاصلة مو ويانا مجرد نايمه وكوه كوه تاكل شوية وترجع تنام. عمو حسين من كعد بس يخزر الحد ما اجه يمي وحجه بهمس
47
- يرد للشماعيه وكتها محد يخلصج من ايدي .
حجاها وراح طلع هو وكرار ورويده ضحكت كالت
62
- نزل البارحه والساطور بأيده گاله هسه تجيب الاسوارات مالت امها وابوي يرجف كام انطاهن اله بدون ما يحجي ولا حرف
881
سكتت مدنكه وهي تسأل شصاير التفتنا ثلاثتنا على صوت التليفون من شفتها غــزل جاوبتها
- ها غــزل
- ها رويــده شلونج
- اني شــام مو رويــده شلونج
- زينه اكلج شــام عفيه شلون اعرف اني مسويه شي غلط وشلون اعرف غلط جبير لو صغير ؟
143
- شنو ما فهمت ، قيسي بفيته .
838
- ههههههه شكد تافهه جنج اني
303
رويــده:: عوع شلون ثنين تجيبن الجالي ، غــزل شمسوية تدورين قياسات الاغلاطج صايره هاا ، سالمين .
61
- هسه كليلي شلون اعرف
2
- احجيلي واني اكلج غلط لو لا .
3
غــزل :: سكتت استوعب احجي لو لا وهن منتظرات صوت افاطم سمعته گالت بهدوء
1
- اذا خفتي تحجين الاحد غلط .
406
سكتت ورويده تلح تريد تعرف شنو الصار ما حجيت سديته منها ودرت اباوع للطلاب متحلفة ببراء صايرة تمتحن وترجع ركض تخليني وحدي شوية وكعدت ايه يمي وباول حديثها لازم يجي أسم إسلام
37
- ايه اني اول ما راسلني حضرته عندي اخو ما يفهم بحب وعلاقات يذبحني ويذبحه واصلًا اني ما احبه ماحب شخصيته ولا سوالفه
17
- دروحي على اساس كلش خايفه من هجــام لو تخافين منه ما تتزوجين حيــادر بدون علمهم
368
باوعتلها ساكته دك گـــلبي حيل
- ايه عيب عليج ما متزوجه حيــادر اني بس سوينه عقد حتى مو حرام نبقى سوا وكله منج انتِ عفتي البيت
11
- اي اي والعقد شنو عيني هو زواج
12
- لا مو زواج ايه لا تحجين هيج يضل گـــلبي يوجعني والله ترا اكول الهجام
1
ضحكت حيل وصفگت ايد بأيد تحجي باستهزاء
1
- وهجام شيسوي يصفگلج؟
103
- اي ما يحجي من يعرف ليش سوينه عقد
- ههههه دروحي بابا روحـــي حتى يدفنج انتِ وابو المثاليات
101
-اني حاسه السويته غلط كل ساعة اريد احجي الأهلي
-ثوله ضحك عليج احلف علي عقد لاهامه حلال ولا حرام بس عجبتيه طفله صغيرة وجاهله وفاهيه ههههه صدك تحجين غــزل شلون نغشيتي لج تعلميني بحيادر وسوالفه .
669
تحجي واحس كل كلمه تنزل بلوكه على راسي وفرت عقلي فر بكلامها ومثل الثوله بقيت افكر واتذكر افعال حيــادر واطبقة ويا كلامها اجه اخذني من قسمي مستغرب واني حتى من يشيلني من الكرسي صرت ادفع بإيده وافكر بكلام ايه بس بدلت واجه يريد نتغدا حجيت بدون ما اباوعله
35
- حيــادر فك العقد ما اريده
57
رفعت عيني اباوعله رجع الخاشوكة للصحن لم شفته الداخل حلكه
يحجي من بين اسنانه
- ليش شعندج ؟
5
-ما عندي شي بس تندمت
فتح عينه بصدمه كام وكف اعصاب صار شرب ماي ورجع باوعلي يأشر بعصبية ويحجي
8
- احجي احجي شعندج سولفي
29
-ما عندددي شي ما عندي بس ما اريد العقد بعد
اجه عليَ فر الكرسي وجر كرسي ثاني كعد مقابيلي بعصبيه يتصرف
2
- ويا منو كاعده اليوم منو لاعب بعقلي
70
-محد لاعب بعقلي انتَ ضحكت عليَ وخليتني اتزوجك بدون علم اهلي خليتني اجذب على هجــام
59
فتح عينه بعصبيه وكف متخبل ويصيح
- انا ضحكت عليج ؟
5
بجيت عاجزه وهو تخبل حركت الكرسي من يمه رجعت للغرفة واسمع صوته وعصبيته نزلت للچرباية مختنگة كله من عندي اني حماره ليش ما حجيت الهجام من الاول ثوله ثوووله سحبت التليفون خلي احجيله كلشي وخلي يجي ويضربني ميخالف إتصلت عليه وابجي مختنگة مرتين يله جاوب
122
- الو
14
-الو هجــام
12
-شبيج ليش تبجين ؟
60
-هجــام اريد اكلك شي ....
6.7K
يتبع 🦋
