رواية عودة عاشق الفصل الرابع عشر 14 بقلم منة الله الجزار
اهلا بكم في مدونة مكتبة حواء نقرأ لكم ونكتب من اجلكم
﷽
ـــــ
مايا روحت البيت وقعدت بحيرة لقت البيت فاضي عليها لوحدها افتكرت مايا بنت مراد.
واتصلت بسرعة على الاستقبال عندها.. والبنت ردت.
البنت.. ألو.
مايا.. ياسمين في بنت كانت مع مراد العزايزي في مكتبي امبارح متعرفيش راحت فين؟
ياسمين.. أيون في واحد من رجالة مراد باشا جه خدها امبارح ومشي.. حتى سألته قالي مراد باشا اللي بعتني أخدها.
مايا.. تمام.. وقفلت معاها.
مايا فضلت تبص على الرسالة ومفيش رد ولا هو حتى شافها فضلت قلقانة.. يا ترى حصل إيه طيب أنا معرفش حد من رجالته حتى كنت سألتهم عليه ورنت عليه فونه مغلق وده زاد قلقها أكتر.
حاولت تشغل نفسها بأي حاجة تعملها تجهز لبكرة بس برضو القلق كان مسيطر عليها وكل شوية تدخل تشوف رد ولا لا... يا زفت طمني عليك
عقلها.. وبعدين إيه يا مايا معقولة خايفة عليه بعد اللي عمله فيكي معقولة لسه بتحبيه.
قلبها.. أنا عمري ما حبيت غيره ولا شوفت راجل تاني غيره حتى بصفاته السلبية لسه بحبه أوي حتى لما كان مسافر كنت كل يوم أفتح صورنا سوا وأفتكر أيامنا مع بعض مراد أكتر إنسان أنا حبيته في حياتي لا هو أول حب في حياتي كلها إحنا اتعرفنا على بعض صحيح في شات تصميم ومراد طول عمره شاطر في التصميم والكل يشهد بده كنت بحب جنونه وإن أفكاره مطرقعة.
مايا ابتسمت وافتكرت.
ـــــفلاش
في شات الرغي بتاع التصميم على الواتس
مراد بغرور.. تصميمي أحسن من أي حد هنا 
.
. مايا ببرود.. متتغرش كتير.
مرام بنت معاهم في الشات.. بصراحة تصميم مراد بروفيت.
مايا ببرود.. على إيه يعني بطلوا تطبيل ليه .
. مراد بضحكة سخرية.. تطبيل ادخلي شوفي تصميمي وبعدين تعالي يا اتكلمي قال تطبيل قال إنتي متعرفيش مين مراد.
مرام بضحك.. مش بطبل يا مايا بس بقول الحقيقة شغله مطرقع يعني كل حاجة جديدة هتلاقيها عنده وبس هه صح يا مرادي.
مايا بسخرية.. واضح إنك ما بتطبليش ليه.
مرام.. إنتي لسه مبتدأة يا مايا يعني متعرفيش وبعدين إنتي متعرفيش مراد يبقى مين يا مايا بجد.
مايا بسخرية.. يا مامي يا مامي خوفت منه شوفتي بترعش إزاي منه.
مراد بسخرية.. فعلاً لازم تخافي مني يا مياه.. أما قوليلي يا مايا إنتي مايه حنفية ولا مايه صالحة للشرب ههههههههه.
مايا بغيظ.. ني ني ني بجد مستفز لما يجي اللي هيصحح لينا هنشوف شطارتك وإنت تصميمك بيترفض.. أبقى وريني غرورك هيوديك لفين.
مراد بثقة.. هيوديني في مكان عالي أوي يا مايا.
مايا.. هنشوف.
ميان اللي بتصح ليهم.. إيه كمية الرغي دي كلها في إيه؟
مرام بضيق.. أصل الست مايا جاية وفاردة جناحتها علينا وبتقول مفيش زيي في المجال.
ميان..بجدية.. فعلاً ده شات احترافي يعني كل اللي هنا محترفين يا مرام وبعدين إنتي سايبة المشاريع اللي وراكي وبترغي هنا إنتي ناسية إن عندك مشروع قديم غير المشروع اللي هيتصح دلوقتي.. اتفضلي وريني شغلك.. يلا ابعتوا شغلكم.
مايا بعتت شغلها وميان قيمته وإن في مجرد تعديل صغير.
مراد بعت الإيموشن ده... في الشات.
في الشات. مايا اتغاظت.. طيب حضرتك بدل ما تبعت إيموشنات وريها شغلك ونشوف.
ميان.. مايا عيب تكلمي المصح كدا.
مايا بعدم فهم.. مصح.
ميان بجدية.. أيون مراد بيصحح هنا معايا.. وليه فريقه اللي إنتي واحدة منهم.
مايا بغيظ.. بس أنا بحبك وعاوزة أبقى معاكي مش عاوزة أكون معاه هو.
ميان.. للأسف يا مايا أنا الجزء الأول بس اللي بستلمه الباقي مراد هو اللي بيستلمه والفوتوشوب.
مراد بجدية.. وأنا ما بحبش العوج في الشغل ماشي يعني اللي مش هتشتغل هفلترها.
الكل بدأ يبعت شغله والتصميم بتتصح لحد ما التصحيح خلص وكانت مايا في نقطة هي ضعيفة فيها ومبتظبطش معاها.
مراد بجدية.. مايا الشغل ده مينفعش لازم تدربي عليه كتير وتسمعي الدرس أكتر من مرة.
مايا كانت خلاص تعبت ومعدتش قادرة عيونها وجعوها.. ممكن أشوفها بعدين لأني بجد فرهدت ومعنتش قادرة غير كدا عندي امتحان بكرة.
ميان.. بعد إذنك يا مراد.. تمام خلاص روحي ارتاحي وبعدين ما تخلصي ممكن تعرفيني وتصحي عادي.
مرام بغيظ.. اشمعنى هي المرة اللي فاتت كنتي هتفلتريني.. ده مش عدل
مراد بهدوء.. فعلاً مش عدل مايا روحي شوفي الدرس ونفذي وبعدين روحي ارتاحي.
مايا بصدمة.. بقولك عندي امتحانات بكرة تقولي الدرس ده أنا لو حصل حاجة أبويا هينفخني.
ابتسم مراد وبعت.. على إنك نافعة يعني أهو انفعي في حاجة من دول بدل ما يبقى ماتنفعيش في الاتنين.
مايا بغيظ.. صح معاك حق وقامت عاملة مغادرة للشات.. مش عاوزة أصمم أنا هروح أذاكر أشوف اللي ورايا بدل ما أبويا ينفخني.
ميان بغضب.. شوفتي عملتي إيه مراد مرام اعتذرت مني في دروس كتير وبقيت أشيلهم عنها بس البنت بتقول عندها امتحانات بكرة يعني حرام وبعدين مايا أبوها فعلاً مش هيرضى بمجموع قليل والكلية اللي هي فيها بجد صعبة كانت أختي فيها ونفس القسم حرام بجد يا مراد.
مراد ببرود.. هي اللي خرجت براحتها أنا هعمل ليها إيه يعني.
نانسي.. أنا هدخل ليها برايفت وأرجعها.
نانسي راحت لمايا.. وبعتت.. مايا أنا نانسي اللي معاكي في شات التصميم..
مايا ردت.. أهلاً يا نانسي.
نانسي.. مايا ارجعي مش تخلي مرام تفوز عليكي مرام منغاظة منك من وقت ما دخلتي أصلاً وكلنا شايفين كدا.
مايا.. أنا ما يهمنيش مرام أو غيرها أنا بس كنت عاوزة شوية احترام وإني ما أذنبتش يعني لما قولت هنفذ بعد الإمتحانات أنا مقولتش مش هنفذ بس مش راجعة الشات ده.
نانسي.. يا بنتي فكري وأهم حاجة دلوقتي امتحاناتك بتوفيق.
مايا.. شكراً.
ومايا سابت الفون وراحت تذاكر.
بعد شهر امتحانات طويل عريض
مايا كانت خلصت امتحانات وأبوها أخدهم وراحوا يغيروا جو بره مصر.
كانت الدروس شغالة عادي والتصحيح.
ميان.. جماعة حد بيكلم مايا فيكم اطمنوا عملت إيه البت مفيش عنها خبر من شهر.
مرام بغيظ.. وحضرتك شاغلة نفسك بيها ليه مش هي خرجت من هنا ملناش دعوة بيها بقا.
نانسي بغضب.. ما هي خرجت بسببك يا ست مرام ولا ناسية.
مرام.. بغضب.. وإنتي محموقة عليها أوي كدا ليه يا نانسي؟
ريم.. عشان هي اتظلمت بجد الكل هنا بيعتذر عادي لما بيكون عنده ظروف وبينفذش بس هي كان أول اعتذار ليها و الكل وقف ضدها وده مش عدل.
غادة.. أيون مش عدل لازم مايا ترجع وتعتذري منها قدامنا وبعدين ده كان أول درس ليها وكانت بتتكلم معانا مكنتش تعرف إن مراد هو اللي بيصحح معانا وبعدين ما هو كمان كان موجود يعني وكان بيضحك عادي على كلامها معرفش إنتي ليه كدا بجد اسلكي.
مرام بغضب.. يعني إيه اسلكي دي يا ست غادة.
غادة.. يعني كلنا عارفين إنك كنتي غيرانة منها عشان هي الوحيدة اللي مراد طول في الكلام معاها مش زي ما بيعمل معانا مش بيهزر ولا بيكلم معانا وكمان هي كانت بتصح وكلنا بنغلط الغيرة كانت باينة أوي يا مرام.
