رواية نوائب شام الفصل الثالث عشر 13 بقلم الكاتبة ايلول
من شفتك شفت روحي بلا مرايه ولگيتك تشبه البيه وحيد وحزنك ولايه .
134
""""""""""""""""""""
شــام :: فزيت ملتفته بشهگة على سدت الباب القوية فتحت عيني بخوف ورجعت ليورا ايدي على گلبي واني اشوف هجــام ورا الباب مستند على الحايط مكتف أيديه وعيونه حمررر دم تخوف نظرتهن
471
رجعت ليورا بخطوات سريعه ومرتبكة نظربت بحافة الچرباية مد ايده على الباب طك القفل مرتين روحـــي راحت ارجف كمت خفت من عنده ، رجع باوعلي دنكت اريد اشرد من كدامه وهو تقدم احس خطوتين وصار يمي شهكت بخوف مرتبكة طحت مستنده بالجرباية على حافتها صرت كعدت وهو واكف گدامي نصيت نظري والزم ايد بأيد اهدي رجفتهن .
127
مد ايده على فكي رفع وجهي غمضت عيني ما اريد اشوف عيونة وهن هيج ولا اريد احس بخوف واني اشوف شكله متغير ساده اسناني بقوة وفكي يرجف بأيده بروده ورهبة قوة لزمته الوجهي عصرت عيوني بوجع رأسًا رخت أيده وحجه بصوت مبحوح
65
- ليش اجيتي هنا ؟
552
واني على حالي مغمضة وحرف ما يطلع من عندي دخت انسطرت اريد بس اشرد من يمه فتحت من سحب ايده من فكي كعد بصفي بلعت ريك لمحت عيونه ورجعت دنكت مد ايده الوجهي روحـــي راحت رجفة لزمتني وهو يتحسس خدي براحة أيده الدافية وخر شعري خلاه ورا أذني وتلمسها بلعت ريك اريد بس افك عيني ما اكدر لزم وجهي بأثنين أيدية فتحت اباوع لوجهه گال
193
- بدون جذب شــام ؟
138
رجفت شفتي وعيوني مدمعه احجي واغص بالكلمة
2
- عفيه خلي اروح بعد ما اجي والله
135
هز راسه لا وعيونه فاتحهن على وسعهن من يصيرن حمر ووجهه عبالك يتغير يخوفني غمضت حيل اعصر عيوني هز راسي ويحجي من بين اسنانة
39
- فكي عينج لا تسدينهن وانتِ بأيدي .
614
فتحت نزلت دمعتي الجنت كوه لازمتها بسرعة رفع أيده مسحها وخله اصبعة على حلكي يسويلي
51
- اششش لا تبجين
111
- بس خلي اروح حباب
37
هز راسه لا ويباوع لعيوني خاف ارجع ابجي
2
- ليش اجيتي هنا ؟
26
- ادور ، هيج ادور عليك ؟
يحجي ويحرك ايده من اذني لوجهي الركبتي غمضت اميله راسي وروحي رايحه نسطرت وكل تركيزي بأيده الاخذت روحـــي ينصي صوته ويحجي بخفوت
635
- شــام
35
- همم
118
اميله راسي على أيده ومغمضه مدري شجاي يصير بيه
376
- فكيني عينج كتلج
165
فتحت عيني كوه ذبلانه كلي وهو عاكد حاجبه يباوع لعيوني ويسأل
115
- عندج سؤال ؟ ديربالج تجذبين !
103
بلعت ريك مرتبكة مخبله ارجع اسأل مخبلة هزيت راسي لا سحب شعري الجان لامه بأيده ليورا برخاوه
89
- لا تجذبين !
15
- اي
19
عاف شعري باوعت بعيونه افرك بأيدي بس اريد اركز وتروح من عندي الرجفة والسطره همست صوتي رايح
- ليش ، احم ليش تكلي فكي عينج وباوعيلي ليش الا اباوع لعيونك يله تحاجيني ؟
322
احجي مرتبكة مدري شلون اجت ببالي وسألت اي شي المهم ما اجيب موضوع ملاك بطلت حتى ما اريد اعرفها منو رفع ايده مسح حواجبي يعدلهن گال
88
- مقتنع ، اليحجي وما يعاين بعيونك كل حچية چذب
347
- ها
3
- اي ، وعيونج حلوه احب تعاينلي .
2.6K
بلعت ريك وزفرت نفس بقوة أبتسم نصيت ميته خجل وخوف اطكطك بأصبعي جمدت وفكيت عيني على وسعها واني احس بنفسه قريب علي بين اذني ورگبتي بدون ما أتحرك روحـــي راحت وخر شعري من رگبتي لزمها بأيده غمضت راح اتخربط بس اريد حيل يشيل رجليه واشرد من يمه ما جاي اكدر نفسه بأذني وشاربة دغدغ بشرتي همس
606
- أكبر چذابة انتِ شــام .
1.1K
واني ما هامني السمعته ما كدرت أفتح عيني دايخة ومسلوب حيلي اريد بس ارجع لفراشي وأنام
448
- شــام ؟
76
هزني من كتفي
- همم
87
- اصحي شبيج
1.9K
ما كدرت ارد ولا اريد أفتح عيوني حسيت بيه لزمني من اكتافي كومني من مكاني يحجي
- تصيعين روحج بلا ما تحسين انتِ .
1K
امشي بإيده واني مغمضة لا نايمه ولا صاحيه ولا ادري شجاي أسوي بروحي غطاني سحبت الغطا الوجهي شميته ريحته هاي غطاه وفراشة وأيده الدافية تمسح على خدي وصوته يهمس بهدوء
285
- أشفتي بيه وضعتي بأيدي شعاجبج مني ورايحه روحج بكضتي الج اشو مخبل صعب وكلشي مو زين بيه شبيج ضايعه يمي شنو الشفتي بهجام .
2.9K
واني اسحب بالغطا اكثر اريد اغرك بريحته الحد ما تترس ريتي لفاني زين ويحجي همس
316
- نامي بدون خوف انا يمج حققي ثاني أمنية ولا تفزين خايفة .
1.2K
غمضت اخذني النعاس ولا عبالك جنت نايمه ، احس بدفو وإحساس يخبل ولا مره نمت هيج براحة فتحت عيني بخفوت بدون تركيز تمعصرت افرك بعيوني الحد ما ركزت وتذكرت بقيت مبحلكة بالسكف مصدومة
395
اشم ريحة نرگيلة التفتت للشباك فازه لكيته كاعد على الكرسي يباوعلي والنرگيلة گدامه وبدون تشيرت مثل كل مره ساند عكس ايده على حافة الكرسي ومخليها جوه حنكه كعدت على حيلي بفزه إلف بالغطا عليَ اباوعله وارجع ادنك وهو على نفس النظرة جمرة النركيلة راح تخلص وما ساحب منها بس لازم القامچي بأيده وعيونة مافارگني
621
كمت اعدل بالصدرية من امس مانازعتها مشيت خطوة ورجعت بسرعة عدلت المخده مالته والفراش وامسح بأيدي والمح شعره من شعري بالمخده شلتها فشلانه وامسح واعدل مرتبكة وكفت عدل اباوع للفراش واباوعله وانصي بسرعة.
112
- اريد ريوك گولي لرويده .
200
هزيت راسي اي ورحت بخطوات تركض وصلت للباب صاح
- حجاب .
1.3K
التفتت اباوع الغرفتة ما بيها حجاب الي طلعت من يمه دخلت للمخزن بدلت وصليت ورحت لرويده ركض كتلها
34
- هجــام يريد ريوگ
10
التفتت باوعتلي ورجعت للطباخ گالت بابتسامة
- شعندج بفراشة شــام ؟
906
باوعتلي مبتسمه دنكت خجلانة ومرتبكة گالت
3
- حاسه بيج ، وخايفة عليج أتمنى اكلج لا تتورطين اسحبي نفسج وابتعدي ، ومن جهه ثانية أتمنى تتورطين وتساعدينه يطلع من الهوا بيه
332
سكتت واجه رسول أخو افاطم لرويده يدلعها شحلاته گالها
137
- رودي اريد بيض سلك حاجي أفاطم متقبل
784
رويــده :: دنكت كرصت خدوده الينكرطن
9
- هو بكيف أفاطم شنو ، روح بدل هسه اسويلك وراك مدرسة
55
هز راسه مكيف وركض يبدل باوعت الشام
3
- شمشم يله روحـــي بدلي يله عيني وين الشطاره الخبصتينا بيها شو متساهله كلش راح اطيح حظج
203
ضحكت وركضت فوك تبدل دخلت سجود تسمم يومنا بكلامها ولازم أتجاهل مثل كل مره وافاطم خطيه وياي ما تخليني اشتغل وحدي المونسني خوف سجود منها التفتت عليها من طلعت سجود
26
- أفاطم عوفيها تولي اخاف عليج منها والله
20
- فنها ورب الكون ادفنها دفن لعد تمد ايدها واسكت غير اكسرها
537
ابتسمت اهز براسي وهي تصنف وتضحك گالت
- چنها جاموسة
633
سكتتها وصعدت الريوك لهجام ضايعة علومة طلعوا كلهم للدوام اتصلت على غــزل مطنشة ما ترد قلقتني أتصلت على حيــادر مرتين وجاوبني
85
- احم ، آهلًا آهلًا رويــده
49
- هلا بيك شلونك ، ولو ازعجتك بس عفيه ضل بالي غــزل ما ترد
7
- ها مو اخذت تليفونها منها حتى ما تلتهي امتحاناتها صعبات
112
- ها ؟
2
حيــادر :: سديت التليفون منها اباوع الغزل والرجلها غمضت عيني اتذكر اصعب موقف مر علي اخذ روحـــي وشكو حيل بيه
197
من دخلت للبيت ادورها وما لكيتها ورجفت روحـــي من سمعت مي الحمام مفتوح توقعت ايه اجتها ودخلت تسبحها ردت اعوفهن واطلع بس گـــلبي ما مرتاح ليش ما جاي اسمع ضحكتها كل مره اذا اجت يمها ايه ضحكة غــزل تترس البيت ليش هاليوم البيت خالي من صوتها .
51
تقربت الباب الحمام دكيته
1
- غــزل ؟
1
وماكو اي صوت دكيت مره ومرتين نشف ريگي
- يابه غــزل بس حاجيني
59
دفرت الباب مره ومرتين حيلي نهد من نفتح الباب واشوفها متكومة بالگاع رجلها ملوية الماي فوگها والحمام كله دم ركضت اجر بالمنشفة الفها وهي فاقده
868
ما ادري شلون لبستها وشلون أخذتها للمستشفى بيا حيل وبيا تعب
فتحوا رجلها من جديد وشگ براسها شكده دخلت يمها للغرفة بعدها نايمه عدلت الشال على شعرها وكعدت يمها مطحون طحن
بعدج صغيره وينج وين هالوجع ، عضيت اصبعي ندم وانا اباوع لوجهه المعصور ريت بكلبي كل وجع جسمج غزالتي ريت بكلبي وجعج .
1.6K
غــزل :: كل ما يفك البنج احس بوجع بس لا اكدر اتحرك ولا افك عيني حسيت بأيد تمسح وجهي وراها بوسة بخدي حسبالي ايه واستبعدت توقعتي من حسيت بشارب على خدي وركبتي وأيدي
اريد بس افتح عيني واشوف منو سمعت صوته وهو يحجي حيــادر هذا
343
تعبـــت بس أريد اكعد رجعت نمت وكعدت شايطة روحـــي من الوجع ابجي واصرخ وهو مخبوص بيه
- هسه ينطونج مسكن هسه اصبري
10
- راح اموووت
43
مسح وجهي ميت قهر يدير وجه من اصيح لو يطلع ويرجع محتار انطتني الممرضة مسكن شوية وخف كلشي ورجعت نعست بس مقاومة ما اريد انام كاعد بالكرسي كدامي يباوعلي واتذكر بوسته وهمساته واكذب روحـــي واكول حلم همست
35
- حيــادر
16
سحب الكرسي تقرب يمي عدل الشال على شعري
- يمج كولي
14
رفعت أيدي اشرت على رگبتي وابعد بالشال اباوع لعيونه وكوه احجي تعبانه والمسكن احس ثگل حتى لساني
36
- انتَ بستني منا ؟
343
فتح عينه مصدوم بلع ريك يباوع لعيوني ساكت
2
- مو عيب عليك
466
هز راسه لا
15
- ما بايسج غــزل عيب عليج هالحجي .
1.1K
غمضت اريد انام ورجعت فتحت متاكده من العشته وخاف انام خاف آنسه
6
- بس اني حسيت جا منو باسني
42
- غــزل نامي تعبتي
3
- لا اوكف انتَ مو ، خاف الدكتور
730
مسح وجهه واني ارطن حجاية تنفهم وحجاية لا هز راسه اي
- انا بستج انا نامي يله
299
حيــادر:: غمضت عيونها مبتسمه رخت أعصابي كلها ليش ابتسمت من عرفت انا بشنو جاي تأملني وبشنو جاي أأملها أتعبها هيج حيل اتعبها
181
رجعت صحت وانا يمها منتظر زوجة عمي تجي كعدتها عدل واجه الدكتور شافها يحاجيها لان هامله نفسها وهي ساكته بس طلع الدكتور كمت سديت المغذي بعد ما خلص وصوتها يهزني هز من تحاجيني بهدوء
42
- حيــادر
18
غزل :: احاجي وهو ما يلتفت ولا يباوعلي وجهه معصب
5
- حيــادر مو احاجيك
10
بقى ما مهتملي يعدل بالادوية والفايل مالتي
- أستاذ !
36
طبك الفايل والتفت يباوعلي بعصبية اجه يمي يحجي بحركة
- ليش دخلتي للحمام وحدج ؟
89
- ردت أسبح
-وحدج ؟ وحدج تسبحين وحدج ؟ انتِ ليش هيج تعاندين ليش تهملين وتستهانين بصحتج شنو الحصلتي هسه من عادوا العمليه ها ؟
82
- ما ادري توقعت اكدر
- ليش ما انتظرتيني
12
- وإذا انتظرتك قابل تسبحني اني بنيه ترا
227
- اي اسبحج مو فد مشكلة بس بطلي عناد بطلي
734
فتحت عيني بصدمة وهو اعصاب حيل ما رديت سكتت كعد على الكرسي مقابيلي يمسح بوجهه
3
- وين تليفوني
2
رفع عينه باوعلي بخزر رفعت اكتافي
1
- اريد اخابر رويــده تجي يمي
5
- عوفي رويــده بهمها انا يمج شسوين بيها
4
- اريدها شنو
1
- غــزل رويــده محتاره بالعدها لا تزيدينها عليها انا يمج
30
حجه بهدوء يباوعلي بنظرات ما منتبهتلها قبل دنكت ساكته لحد ما اجت زوجة عمه بقت يمي هي الثاني يوم بالليل يله طلعوني وهو كل شوي شايلني ومنزلني وصلني لفراشي وزوجة عمه ويانا تحجي گالت
12
- يمه ليش تدخلين الحمام وحدج هذا زوجج وحاجيه يدخلج
375
باوعتلها وباوعتله عبالك جنت مجذبة هالشي وجاي يثبتونه فرك عيونه وگالها
10
- عمه واليرحم والديج
38
سكتت هي واستأذنت راحت طلع شوي واني تمددت افكر بيه شهكت وكعدت فازه من تذكرت طيحتي بالحمام عريانة ، دخل حيــادر بأيده صينية وبيها صحن شوربة وكف من شاف فتحة عيني بصدمة هز راسه شكو واجه كعد بصفي على طرف الچرباية خليت ايدي على حلكي واباوعله
423
- شبيج غــزل ؟
13
لميت الغطا على جسمي اباوعله وأتمنى من اسأل يگول لا مو اني
- حيــادر منو طلعني من الحمام
112
وراساً جاوب وهو يباوع بعيوني
- غير انا لعد منو
371
رفعت ايدي اسد بعيوني واريد الطم وهو عاكد حاجبه ويحجي بحيرة
30
- شكو شبيج شكو
9
نزلت ايدي اباوعله بخجل
- شفتني بلايا ملابس عيب والله عيب
580
سكت بلع ريك عبالك جان ناسي واني الذكرته گال
- ما شفت شي
73
- طفيت الضوء ؟
89
- لا
8
- جا شلون ما شفت والله عيب
129
- غــزل اني حيلي نهد من ادك الباب وما تحاجيني انتهيت متت كدام الباب اريد اكسره ما كدر ومن دخلت وشفتج واكعة والدم بالحمام روحـــي راحت بس لفيتج وطلعتج للغرفة البسج لا ركزت ولا شفت انا مو نذل وانتبه الجسمج واكعد اباوعله بهيج موقف .
524
دنكت ساكته وفشلانة تقرب يوكلني كلمه ما حجه بعد بس أعصاب رفع كلينكس مسح حلكي باوعلي ابتسمت ما ابتسم اخذ الصينية وطلع شوية ورجع بأيده عصير شربت ساكته اخذ الكلاص
60
- انتَ زعلت ؟
4
- لا
1
- ما تحاجيني شو ؟
5
التفت باوعلي أبتسم مد أيده كرص خدي
24
- اذا ما احاجي غزوله احاجي منو
195
ضحكت كتله
- اسفه اني صح مرات الح بس ما ادري عبالي شفتني بالحمام واستحيت ما قصدي انتَ مو خوش رجال انتَ خوش رجال ادري بس هيج اني استحيت يعني خجلت
183
ضحك طك الابره سحبها بالسرنجة وبعده مبتسم يحجي وتقرب فتح الكانولا خله الابره بيها على كيف يضغط شوية ويتركها يمسح على الوريد گال
29
- صدكي ما باوعت ولا انتبهت الحد ما اخذتج للمستشفى
32
ابتسمت احجي واكرر
- عفيه عفيه كلش حباب انتَ .... شنووو الحد ما اخذتني ؟
289
ضحك وهو مدنك يكمل الابره گال
- اي هناك هم غيرت ملابسج شفت وركزت
582
- لا تجذب
- مو عيب عليج
143
- لا عيب عليك
73
- سألتي وجاوبتج قابل اجذب عليج
5
- جذاب ما تسويها ما تباوعلي
1
تقرب الزندي وهو مبتسم دك عليه بخفة گال
- الدليل عندج شامه هنا چبيرة يم أثر القاح
825
فتحت عيني حيل دفعت ايده بزعل آلم بملابس على جسمي
- عيب عليك
96
ضحك گال
- اتشاقة اتشاقة هاي الشامة اتذكرها من وانتِ طفلة
124
- ما اصدكك بعد
22
بقى يضحك ويشاقيني يهتم بالاكل ويدخلني للحمام الغربي وبالليل حتى لو يروح ينام كل ساعتين يجي واني من الوجع الوب ما اكدر انام الحد يوم من الايام اجه للغرفة اعصاب وروحه بخشمة گال
4
- خطار جايين يطمنون عليج
91
- منو ؟
6
باوعلي بخزر ساكت رتب الغرفة طفه الاضوية وانطاني ملابس بس يخليهم بايدي واني البس اكدر ، رجع شغل الضوء باوعلي وراح جاب شال لفه على شعري لزمت ايده
30
- حيــادر
باوع بعيني
- منو اجه ما اعرف احد هنا ؟
سحب أيده وحجه بنتر
- طالبة وامها وياج بالكليه
281
عكدت حاجبي مستغربة شوية ودخلت بنيه وياها امها وبأيدهم سلات الفواكة والحلويات المرتبه تقربوا سلموا وباوسوني واني ولا اعرفهم وكل شوية اكول هسه يطلعون مشتبهين شكد عيب وياخذون سلاتهم ويرحون غير اجلب بيهن
725
دخل حيــادر بأيده ضيافة قدملهم ورحب بيهن وطلع گالت البنيه
12
- شلونج غــزل شلون صرتي
8
اتاكدت ما غلطانين وجايين عليَ
- الحمدلله زينه ، بس العفو ما عرفتكم ما اتذكر شايفتج بالجامعة
1
ابتسمت امها گالت
1
- اهل زميلج أسلام احنا بس ما كلنا حتى ما نسببلج احراج ويا اهلج ، ضل باله عليج .
380
كعدت عدل مصدومة وكلبي يدك حيل اباوع للباب بخوف اجت البنيه كعدت يمي وشغلت تلفونها طلعت فيديو وهي تگلي باوعي
باوعت للتليفون اسلام مصور نفسه فيديو رجعت اباوع للباب خايفة من حيــادر ما ادري ليش واسمع بس صوت اسلام وهو يسأل ويتحمدلي بالسلامة بقوا شوية وراحوا .
181
دخل حيــادر للغرفة يباوعلي بشك واني من الارتباك احس مبين علي كلشي رغم ما مسوية اي شي داومت وراها بالكرسي وحركتي حيل ثگيله هذا كله ورويده كل يوم تتصل واجذب عليها بوجود ايه رغم ايه نقطعت بعد ما بينت لا اتصلت ولا داومت .
56
اجت براء صديقتي تركض دنكت حضنتني
- ما تسألين
- حتى رقمج مو عندي صديقات لمت هتليه احنا
155
- هههههه
دفعتني للكافتيريا براء حبابه تختلف عن البقية بالطريق وصاحت
21
- يااا جنطتي وين
11
درت عليها تلفتت تدور ورجعت للقاعة تركض بقيت بمكاني منتظرتها اباوع لطريقها والتفتت على صوت خشن يحجي ويگلب باوراق بإيده
8
- السلام عليكم خوية
69
التفتت عليه اسمر والنظارات الشمسية لابسها والجكارة بحلكه ويگلب بملازم رديت السلام گال
260
- اكضبي هاي الج
673
عافهن على رجلي واشر على مكان بصف الكافتيريا گال
- حسبت اخوج انا دحكي هنايا اكعد كل يوم يو احتاجيتي شي بس اسالي وين عبد علي يوصلوج لين يمي وتأمرين
1.5K
- عفوًا بس اني ما محتاجة شي وانت منين تعرفني
7
نزع النظارات باوعلي طفه الجكاره گال
- امانة ابوية امانة انتِ
775
ودك گـــلبي حيل من توقعت هجــام موصية رأسًا سألت
- تعرف هجــام ؟
10
-هجــام منو ؟
3
- منين تعرفني انتَ ؟
1
- هسع انتِ عليش هلجثر تسألين احسبيني اخوج وجدج رحمه الله
760
شلت الملازم انطيهن اله خفت اسلام الدازه ادفع الملازم وهو يدفعهن طاحن بالگاع دنك شالهن ينكث بيهن ويحجي بغضب وشكل اكضبي ما اكضبي ويريد يخليهن على رجلي واني ادفعه ما احس الا وحده دفعت ايده والملازم خازرته وتحجي بعصبية
77
براء :: خير خير شعندك
376
فتح عينه خازرها ويتلفت يباوع منا ومنا وبراء بعصبية تخزر بيه گالها
22
- دحكي جنج فصعونه لو عدتي هالحركة وكطيتي ايدي هيج الا اكسر ايدج امشي ولي منا لا تحشرين روحج بالمايخصج
988
اجت براء دفعت الكرسي مبتعدين من يمه وهو يخوزر بيها دخلنا للكافتريا اباوعلها محتركة حرك ضحكت
3
- شبيج ؟
- شيريد هذا يعرفج شنو
12
- لا والله اول مره اشوفة وجلب اخوج ما اخوج منين لمنين يگول أمانه يمي انتِ منو مأمني يمه احس خفت خاف هذا اسلام يسويله لعبه
44
- والقران هسه الزم اسلام واخزيه بالكليه الا اكعده بفضيحه وانومه بفضيحه ما يفك ياخه عنج
102
ضحكت اباوعلها عجبني خوفها وحركت دمها عليَ حسيت اخيراً صارت عندي صديقة شوية ولمحت عبد علي باخر طاولة بالكافتيريا كاعد وحده وگدامة ملازم ولابتوب يخطط ويكتب أشرت البراء باوعتله ورجعت باوعتلي گالت
57
- منين هذا لهجته مختلفه شلون يحجي ويخزر
99
- ما ادري يمكن من الغربية هيج يحجون بس حلو حجيه
722
دارت براء باوعتله مره الثانية ورجعت باوعت للطاولة من نزل گدامي عصير طبيعي وبطل ماي كدامها باوعنا للولد ثنينا لان ما طالبين گال
36
- دزوها الكم
33
رأسًا باوعت العبد علي رفع عينه باوعلنا وهز راسه حتى يگول اي انا الدزيتهن براء شالت بطل المي وراحت لطاولته بعصبية خلت كدامه ورجعت يابه خزرها خزره اني من يمي ماعت روحـــي وهي رجعت وايدها ترجف تنافخ كعدت منطيته ظهرها طك البطل شربة يباوعلها واشرلي على العصير اشربي ومن خوفي من خزرته البراء شربت العصير ساكته
612
رجعنا كملنا محاضرتين وطلعنا كعدنا بالحديقة ندرس ونسولف التفتنا على أسلام من كعد يمنا سديت الملزمة أبين انزعاجي گال
13
- شدعوه هاكد شوفتي تغثج
127
- اخي ممكن تبتعد كلش جاي تحرجني اني جاي ادرس مو اللعب
3
- ما مسوي شي انا ما ماخذ من وقتج حتى ليش هيج كارهتني
40
اريد احجي وصار بطل ماي گدامي ونفس الصوت الخشن
30
- تفضلي ابوية
411
رفعت عيني اشوف عبد علي اخذت البطل من أيده نزع النظارات ووكف اسلام سلم عليه كانُ يعرفه من زمان بس عبد علي سلم بثگل
21
عبد :: خير شعندك ويا بت عمي ؟
522
اسلام :: بت عمك ؟
31
- أحسبها هيج
58
غــزل :: ساكته وهم واحد خازر الثاني ترخص إسلام وراح وعبد علي يوزع خزرات بس عافني وكام يخزر ببراء الي بس تنافخ من يجي يمنا كملنا ورجعت للبيت حيــادر ضايج طول الوكت بالليل من كعدنا ندرس يجي يمي هو بالغرفة مد ايده سد الملزمه سحبها من ايدي كام جاب العلاج واجه يخلي حبايه حبايه بحلكي مبتسم
115
- اعرف اشرب جا
83
- يعجبني انا اشربج شلون لعد؟
212
ضحكت اني هم مسح حلكي وباوع بعيوني
- منو اسلام غــزل ؟
97
فتحت عيني وكلبي دك حيل وهو ملامحه رأسًا تحولت عصبية
- احاجيج ؟
18
- دنكت هزيت راسي :: ما اعرف أحد بهالاسم
155
وبس نطقت تخبل
- شلون تجذبين احجي كلشي ولا تجذبين كليلي منو وشعنده وياج وشيريد والاجو يزورونج المره الفاتت اهله مو احجي غــزل ما اسوي شي
72
بجيت ضغط عليَ كلشي اختنكت وطبعي من اخاف انكر لزم فكي حيل عيونه دم واعصاب صاح بحركة
43
- ردي من احاجيج لا تسكتين
40
دفعت أيده حيل اصيح
-معليك معليك مني شنو انت اخوي تحاسبني
44
ضرب الطبله يصيح بحركة
- مو اخوج زوجج زوجج بينا عقد
322
تخبلت ارجف وابجي
- مو زوجي شنو زوجي فك العقد فكه يله
469
سكت يباوعلي بعصبية واني ابجي بلع ريك فرك وجهه وكام من يمي طلع تمددت ابجي مقهوره من صياحه عليَ سحبت التليفون خابرت رويــده تخبلت من سمعت صوتي وسديت السالفة بمشتاقتلج
13
رويــده :: خاف مو زينه وجاي تجذبين عليَ
-لا بس مشتاقتلكم وهاي هيه
رويــده :: حجيت وياها شوية وسدته ما مطمنه عفت التليفون بدلت ورجعت لفراشي اباوع الافاطم ورسول نايمين بچرباية غــزل مقابيلي افاطم هاكد تخاف على رسول بحيث حاضنته بكل حيلها شوية ورجع دك تليفوني سحبته استغربت رقم غريب جاوبت بصوت ناصي خاف يفزون
141
- الو
74
وماكو اي رد انتظرت انتظرت وماكو محد يرد سديته وعفته بمكانه دقايق ورجع دك سحبته نفس الرقم رديت
90
- الو ، الو منو ، طاحظ هيج تربية شكو تزعجون العالم اذا ما تحجون
610
وهم ماكو اي رد سمعت صوت جداحة مرتين اشتغلت سكتت اركز بس صوت النفس عفت الخط مفتوح دقايق مركزة هيج رصيدهم زايد يتصلون وما يحجون دعوفوا الا اخلص رصيدكم درت على صوت رسول
127
- رودي
106
- يا عيونها
70
فتحتله ايدي اباوعله وسويت كتم بدون ما اسد الخط شمرته يم راسي واجه رسول الحضني غطيته وياي
3
- ليش بعدك كاعد
3
- ما نعسان
- همم خاف جوعان
1
- لا ، هذا منو يخابرج
37
- واحد طايح حظ بلا تربية رصيده زايد
50
- ليش ترديت على غريب ؟
210
ابتسمت وكرصت خدوده
- فدوه لليحاسب شنو ما تقبل ارد على غريب
29
- لا ما اقبل مره الثانية من يتصل انطيني احاجي اني ارزله
1.3K
- فدوه فدوووه لليرزل لك شنو عود انت طويل وتحاسبنا وهيج ها
11
- غير اخوجن اخاف عليجن
1.1K
هو يحجي واني ودي اكله واكرص بخدوده الا خليته يصيح التوبه يريد يشرد يرجع الافاطم واني مجلبه بيه ينكرط هاكد حلو شكل وسوالف يخبل باسني بخدي حييل وهو يضحك
43
- شوكت اشوف غــزل
238
-من تخلص امتحانات تجي هنا
حضنته قوي
- يله نام يله
نمت وهو بحضني وفزينا ثلاثتنا على صوت هجــام وضربة للدرج بالساطور كعدت عدل وافاطم رفعت ايدها تسويلي مخبل سكتت رجعت رسول للفراش غطيته وكمت توضيت لمحت هجــام كاعد بمقدمة الدرج فوك ويضرب محجر الدرج بالساطور عفته دخلت صليت سحبت التليفون وانصدم المكالمة بعدها مفتوحه واني ما مسوية كتم بالعكس فاتحه مكبر الصوت شهكت مصدومة وايدي على حلكي سديت الخط
531
أفاطم:: شبيج شنو معجب سري
25
- لا واحد يمكن مخلي هواي رصيد بالغلط ومحتار شلون يخلصه
82
- زين عفيه هذا اخوج راسه ما يوجعه شكد يدك
147
دنكت ساكته طلعت من الغرفة اباوع لهجام وكف على حيله شــام واكفه وراه راح الغرفته وهي تباوعلي
11
شــام :: أشرتلي رويــده لا تنزلين درت اريد أرجع للمخزن فتح باب غرفتة واشرلي تعالي دك گـــلبي بخوف رحت وراه للغرفة فتحت الباب اباوعله التفت باوع الايدي وحجه
62
- كتبج
88
- ها ؟
5
- جيبيهن !
11
رجعت للمخزن ركض جبت كتبي واجيت لكيته فارشلي بنفس المكان ودي أبقى دائمًا بغرفتة بس بارده حيل أبقى ارجف رغم الغطاء راح يم الشباك باوعت الايده بيها وشم جديد رأسًا رفعت ايدي اباوع الاسمه تحسست الوشم حرف حرف
35
- تمسحينه ؟
83
التفتت عليه ضميت ايدي بحضني اباوعله اجه يمي كعد سحبها من حضني مشه إصبعه عليه
- حتى لو مسحتيه بعد محد يگدر يحاجيج لان مرتي
411
دنكت احجي مرتبكة
- ما أريد امسحه
19
- ليش ؟
29
سكتت گـــلبي يدك حيل غمضت عيني بقوة مسلوبة روحـــي من دنك وباس الوشم مبتسم ذبلت روحـــي بأيده ابتعد
678
- فد غبية
833
يحجي واني ما اباوعله منتهيه إبتعد ودخلت رويــده بأيدها صينية الريوك مبتسمه باوعتلها مرتبكة واباوعله هو هم مبتسم بمكر خلت الريوك گدامة وتباوعلي سحب أيدها باسهاوهي حضنت وجهه بين ايديها
132
- مزاجك حلو اليوم
30
- اكو من يحلي بعيونه
1.5K
- ها ؟
5
حجتها ودارت عينها باوعتلي دنكت گـــلبي يرجف ووجهي احس راح ينفجر من نظراتهم كالت رويــده
13
- تعالي تريكي شــام
12
وراساً رديت باستعجال
2
- تريكت اني
405
ضحك هجــام بصوت عالي ورويده فكت عينها كلها تباوعله بصدمة مبتسمه وعيونها مدمعه تقربت حضنته والضحكة شاكه حلكها رغم ما حجيت شي بس لان يدري ما متريكه ولان مرتبكه هيج رديت ضحك
534
كعدت رويــده يمه ما عافته وجبرتني اكعد وياهم كوه اكل ورويده بس تريده يرجع يضحك كل شوية ودغتني برجلي تريد احجي واني اريد بس اشرد گـــلبي يدك حيل اخذ كل تفكيري وسكن بنص روحـــي هجــام ، كامت رويــده اخذت الصينية وطلعت وهو دخل غسل ورجع غسلت اني ومن طلعت لكيت رويــده يمه نطته علاجه كعدت يم كتبي ادرس واحس بنظراتة عليَ روحـــي تروح ساعة افرح ساعة اخاف رفعت عيني شفته يباوعلي دنكت بسرعة
227
- تعالي شــام
111
وكفت مرتبكة تقدمت كدامه وبقيت اباوعله مدلي ايده رفعت ايدي نطيتها اله سحبني ناحيته وبايده الثانية دك على الچرباية بالنص گال
93
- اريد انام
485
بلعت ريك ساكته سحبني قوي صعدت على الچرباية ما فاهمه شي عدل المخده ودفعني من كتفي بهدوء نومني وجهي مقابيلة يباوع لعيوني رجفت من غطاني وياه بنفس الغطا غمضت گال
507
- مو هسه كعدتي راح ترجعين تنامين ؟
141
واني مغمضة هزيت راسي لا
- فكي عينج خليني اعاينلهن لمن اغفى وردي ادرسي
1.3K
فتحت عيوني اباوعله وجهه قريب من وجهي مد ايده تحسس حاجبي روحـــي تروح وغصب عني اغمض رأسًا يسوي
69
- جج لا تغمضين عفيه عاينيلي
824
فتحت ركزت بعيونه أتحدى نفسي وهو بطرف اصبعه يتلمس رموشي بهدوء ويهمس بصوت ذايب
406
- اي هيج عفيه
412
خليت أيدي جوه خدي واباوعله مشه ايده على خدي ورجع رفعها سحب الشال من شعري وخره ورجع الشعري يجيبه على وجهي ويرجعه ورا اذني الحد ما لزم إذني مبتسم
180
- هاكدوتها أذنج وبارده ثلجه
631
رجفت روحـــي شنو اليخلي عيوني مفتوحه بعد بس غمضت سحب ايده يحجي
8
- لا لا لاتغمضين
330
فتحت اباوعله عيوني ذبلانه كوه فاتحهن وهو على وجهه شبح ابتسامة ساعه يعصب من يحاجيني واني بس ساكته دفعت أيده من وجهي استحقرت نفسي لان اتأثر بحركته خله ايده جوه خده بينا مسافة يباوع لعيوني واباوع لعيونه ذبلن عيونه كل شوية يغمض ويرجع يباوعلي
270
بلعت ريك من غمض تجرأت رفعت ايدي الترجف خليتها على أثر يم حاجبه رأسًا لزمها بقوة شهكت موجوعه رخت أيده خازرني ماقابل
112
- شتردين ؟
127
- هيج مو انتَ هم لزمت وجهي ؟
100
رخت ملامحه يباوعلي بتأمل
- تردين تسوين مثلي
128
هزيت راسي اي اباوع لعيونه گال
16
- كل لمسه مقابلها لمسه
775
حجاها ورجع أيدي الحاجبه باوع بعيني وكمل كلامه
- متفقين ؟
3
- على شنو ؟
2
- شكد ما تكضيني اكضج شي مقابل شي
826
سكتت اباوع للجرح من الحادث مشيت اصابعي عليه
- بعده يوجعك ؟
29
هز راسه لا باوعت الصدرة وشم خط وبيه مثل الخياط على العظم خليت ايدي عليه ومشيتها بهدوء
452
- شنو معنى هذا الوشم
78
غمض عيونه قوي وزفر نفس همس
26
- بدون معنى
59
باوعت الصدرة جهة گلبه اكثر وشم بارز رسم دائرة وينزل منها خط طويل رجلين وايدين رسمه نرمز بيها للإنسان كزبر جسمه بس خليت ايدي عليها سحب ايدي طبگها وباوعلي عيونه حمر
96
- مو كافي ؟ صار عليج هواي
380
سكتت اباوعله وهو ايد كامش بيها ايدية وايد الثانية قربها الوجهي وتلمس شفتي بأصابعه تشنجت ضايعة بأيده
158
- هجــام
16
سحب ايده يهمس بتعب
3
- عفتج عفتج
251
كمت اريد انزل ما قبل خازرني رجعت لمكاني وهو يباوعلي يغفي گام وعيونه على شفايفي وساعة لعيوني الحد ما غفه نزلت من يمه لميت كتبي گـــلبي يوجعني ودموعي بعيني لان طحت هيج طيحه
طول عمــري اكرهه الولد شنو يختلف عنهم وطيحني نعصرت عصر جمعت الكتب وكمت سمعته يهمس بصوت ناصي
309
تقربت يمه يعصر عيونه بوجع ويجلب بالغطه حيل يهمس اريد بس افهم كلامه ماكو وهو عبالك يعارك الحد ما هدء ويهمس بخفوت
13
-بابا ملوكه
850
وراها سكت ونفكت عكدت حاجبه طلعت من غرفتة دموعي على خدي مختنگة من افكر حابته هيج وما اعرف هو شنو مشاعره تجاهي وشنو حياته وشنو الخافيه حسيت روحـــي نشمرت بتهلكه
صارت رويــده بوجهي صاعده الدرج هستوها عفتها وفتت للمخزن لميت روحـــي وكعدت ابجي دخلت وراي مصدومة
32
- شبيج شــام شسوالج ها حاجيني شبيج ؟
51
كعدت يمي تريد بس احجي واني بس دموع اريد اسكت ماكو سحبتني الصدرها بجيت بحركة ضامه وجهي واحجي بخنك
- ما ادري والله مو بيدي رويــده والله مو بيدي لكيت روحـــي أحبه
903
وخرتني من حضنها تمسح بدموعي
2
- انسه الخوه لو فكر يإذيج
695
بجيت من جديد واحجي بخنك
- متأذيه والله متأذيه اني حتى ما اعرف شنو الجاي اعيشه احس حابه مجهول طايحه بعشك انسان ما اعرف غير اسمه وشكله رويــده تستوعبين اني شمسويه بنفسي
70
- شــام اني من الاول ردت احجيلج كلشي بس شفتج تجفصين وخفت يزل السانج گدام هجــام
63
درت وجهي منها ابجي وهي بس تريد اسكت سحبتني على رجليها تمددت ودموعي على خدي نار بكلبي گالت
2
- شنو تردين تعرفين
2
هزيت راسي ما اريد شي
-بس خايفة حيل خايفة رويــده
4
-من شنو حاجيني
-يمكن ما يحبني
50
-اول مره اشوف اخوي بهالحال شــام شالج جوه مخدته تنامين بالمخزن الف مره يروح ويرجع عليج الف مره باس الوشم بأيدج ضايعه علومه بطاريج ضايعه علوومه شتحجين انتِ ؟
772
نگلبت اباوع لعيونه مبتسمه ودموعي تنزل
2
- عليج الله ؟
96
- وروح امي روحـــي تأكدي من شالج جوه المخده مالته
174
- رويــده اني هم بايكه من عنده شي
314
عكدت حاجبها مبتسمه كعدت على حيلي سحبت من بين ملابسي فالينه داخليه ضحكت رويــده
1.4K
- شكد فهاوه
104
ضحكت رجعتها المكانها ورجعت باوعت لرويده مبتسمه خجلانة كالت
2
- تبقين تدرسين لو تجين يمنا اني وافاطم اليوم سجود راحت البيت عمو حيدر للعصر يله تجي مرتاحين
72
- صارلي واهس أدرس شوية واجي
1
غمزت وطلعت بس لمحتها نزلت رحت الغرفة هجــام ركض دخلت وهو نايم وكفت يمه اباوع لوجهه مبتسمه وفززني صوته وهو مغمض يحجي
60
- ليش هيج تعاينين
298
- فززتني
2
أيدي على گلبي فتح عينه مبتسم يباوعلي
- انتِ فززتيني شبيج تردين شي
83
ابتسمت اهز براسي لا
- بس اجيت اشوفك
9
- تشوفيني ؟
32
- اي
- افتحي الشباك احتريت
366
رحت للشباك افتحه وهو وخر الغطاء من عنده ورجع غمض
- شحلو سوالفج شــام
665
يحجي وهو مغمض الابتسامة شكت حلكي اريد أطير
93
- روحـــي ادرسي
61
طلعت من يمه طايره طايرة نزلت يم البنات نصنف ونضحك بس احنا ومتونسين حيل وافاطم تموت ضحك ورسول من يقلد عليها شلون تعارك يفحطنه يطفر على ظهر رويــده ويصيح
63
- هاي افاطم تطفر على ظهر الجاموس هيج
364
يقصد ظهر سجود. ورويده تركض وراه بالعوده وتكله
6
- ياهي الجاموس اوكفلي وطلعنا للساحة الصغيرة المسيجة لعبنا ويا رسول نركض وراه ويركض ورانا شكد ضحكنا بيومها متونسين حيل وكف وهو يگلها
86
- فطم تعبـــت فطم
42
كعد على حيله وهي طار گلبها اجت يمه ورويده ركضت جابتله ماي شرب وافاطم روحها رايحه گالها
4
- لو تسويلي كليجه اصير زين
1K
افاطم :: كوم ولك كوم ملعون وكفت گـــلبي
22
ركض منها وختل بظهر رويــده يضحك ويصيح
- اخواتي رفعت راسي سولي كليجة ام الراشي
1.3K
- ولك وين اكو كليجه ام الراشي ابن الدبس دانعل والديك اليوم
245
وركضت وراه افاطم ركض يختل بينا ميت ضحك راح لرويده يضحك
2
- ولج رودي احميني باجر اصير دكتور ربع ما انطيج من راتبي
504
رويــده :: رفعت العوده أواجهه افاطم ونتعارك بالعود مثل السيوف ورسول يصيح
20
- سلمت يداك ايها الفارس اقضي عليها
318
افاطم :: اليوم اقضي عليها وعلى الخلفوك اوكفلي ولك رسيول الخاين اوكف
105
شــام :: شال عوده خلاها بأيدي ويحجي بالفصحه
2
- ماذا ينقصك ايها الفارس بغلاً ام سيفًا هيا حارب
778
شمرنه العود نضحك حضنته افاطم تبوس بيه وتعضه گالها
4
- وعلي مشتهي كليجه رودي سون الاخوجن كليجه وبس اصير دكتور اشبعجن اكل مطاعم ماخليجن تطبخن
371
رويــده:: تعالن نسوي كليجه ما اخليها بنفسك حبيبي
89
دخلنا للمطبخ نحضر اني وشام وافاطم وهو گدامنا بالساحة يلعب يخبل يا الله يخبل فاتحين باب المطبخ ونباوعله يباوعلي ويصيح
72
- رودي كليجه ام الراشي
68
افاطم :: هذا وين شايف كليجه ام الراشي
29
شــام :: يجوز فاهم خطأ
2
رويــده :: الا اسويله ام الراشي احشيلة براشي ونشوف
65
كملنا العجين وكعدنا نجهز الحشوة اجت سجود وجهالها باوعت بخزر ماعاجبها حسن ومنسه عندهم سيارات يلعبون بيهن گدام رسول وهو يبتسم ويلعب بالعصا ما مهتم صاحت زهراء
118
- راح ادرس من تكملين جيبيلي صحن وعصير للغرفة
162
سكتت مبتسم وبدينا نكصص الكليجه دخلت سجود للمطبخ گالت
- عليمن تنظيف البيت اليوم ؟
9
أفاطم:: عليَ !
- ليش عايفة غرفة زهراء ؟
6
- غرفتها خليها هي تنظفها مو خايسه هاي شــام كاعده بمخزن وهو يخبل من النظافة
177
دنكت سجود تريد تضرب افاطم وهي رأسًا جرت السجينه ووكفت تهدد
24
افاطم:: حاولي تمدين ايدج اذا ما نومت هالسجينة بگلبج اني مو بت امي
221
- اعلمج على هاي وكفتج بوجهي الا اكسر ايديج شايفه هالمسودن الفوك اذا ماخليت حالج اردء من حاله اني مو سجود
120
رويــده :: سبحان الله المسودن وافاطم مرجفينجن
244
خزرتنه وطلعت التفتت الرسول يباوع الافاطم بخوف بالباب واكف صاحت علي
3
- العب حبيبي العب هسه تكمل كليجتك ام الراشي
83
رويــده :: أفاطم عوفيها تولي لا تردين عليها
- ما اسكتلها من شنو خايفة وأسكت
2
شــام :: اي رويــده خليها تحجي وتخاف منها احسن
رويــده :: والله اخاف عليجن منها اني الاعرفها شنو من بشر
18
ضحكت أفاطم ما مهتمه تسوي اشكال كليجة الرسول وشام تسوي بشكل مرتب غمزتلها دنكت مبتسمه ورسول بالعصا مسويها سيارة يركض وكل ما يفوت من يم الباب يسوي
34
- ديد ديد ام الررراشي اريد
548
ويحرث رجليه بالارض عود يفحط علينا ويروح يركض سويتله كليجة ام الراشي واجت سجود يمنا للمطبخ ورجعت طلعت لصاله ونوب شفناها يم جهالها بالساحة ضحكت افاطم گالت
15
- والله كمت اخاف بس ما اتنازللها الجاموسة
2
نضحك خنك دخلوا منسه وحسين ركض غسلوا ويحجون
6
- رويــده خلصي ودرسينه
5
هزيت راسي موافقة دخلوا للبيت كالت شــام
2
- الج گلب وتدرسينهم لو اني حرف ما اقريهم
5
افاطم :: اي والله امهم الجاموسة ما تدرسهم
1
رويــده :: ولج اسكتي لا تسمعج خرب نوب من تحجين هيج ماكدر الزم حلكي لازم اضحك
9
وهي عوجت حلكها وتقلد على شكل سجود خربتنه ضحك والتفتنا ثلاثتنا فازين على صرخة رسول ثواني ثواني واشوفة يركض بالساحة مفرفح عبارة عن نار واجه وبس رجلية مبينه نار وتركض ويصرخ بكل صوته .
4.7K
يتبع ..🦋
