رواية ندبات الملا بابل الفصل الثالث عشر 13 بقلم زينب جعفر

روايــــة ندبات الملا بابل

بقلمي زينب جعفر♥🌿

صلوا على محمد وال محمد

"قراءة ممتعه"

10

​⊱━━━━⊰✾⊱━━━━⊰

اشواق:: شمرني الفراشه خانڪني...

11

رفعت راسي اباوعله والغواش بعيوني بس ارمش بهدوء احاول استوعب الأشوفه كبالي موسجيل.. الوجه وجه ارقـب !!

24

رجعت همست منگطع النفس مني

اشواق:: ارقب ليش تخنكن...

17

ماكملت كلامي زاد قبضته عليه يخزرني فتحت عيوني مختنكه ومتأذيه بقيت اكول بصوت مخنوك

اشواق:: عيفني.. وخرر... اختنكت ارقب

19

مرةة ثواني وعبالك ساعات ألي حسيت عيوني راح يطلعن من مكانهن منزرك وجهي فتحت حلكي احاول اتنفس جسمي يرافس

1

كلت بصوت مبحوح

اشواق:: راح اموت..

ماوخر عني زيد قبضته هوه همس بصوت غضب ونتر..

سجيل:: اني سجيل !

27

رمشت راجعلي واقعي اباوعله اتغيرت ملامحه وصرت اشوفه سجيل نزلت دمعتي على ايده الخانكني بيها كلت بكوه..

اشواق::مـلا .

17

استسلمت روحي وقلت حركتي عايفه ايده على ركبتي منغمضه عيني وضـــلام احتلاني "

17

ماحسيت على روحي كعدت فاتحه عيوني على كيف راجعه انفاسي باوعت المكان انا بي بعدني بفراشه هوه كدامي يرفس بلميز متكسر كل الغراض العليه

3

زمن دك الباب خايفه وهوه يصيح ضارب الكنتور قبضته كاسره الخشب..

سجيل:: لوعتيني.... لوعتيني ياغاليه

41

بقيت فاتحه عيوني بخوف متذكره وما أرمش ابداً

هوه كعد بلكاع مخلي ايده على وجه وشهـك حيل

سجيل:: رديتيلي لوعه سنين "

50

زمن:: يمه الله يخليك فج الباب حبيبي شمالك

6

كمت وجسمي يرجف انظاري متوجه علي حس عليه وخر ايده من وجه عيونه حمر جــمره حاله متبهذل وشعره متخربط نازل على وجه

زمن:: ابـــني !!! سجيل احلفك بيها تفج الباب گلبي انتَ لاتلچمني عليك

25

هوه كام يمشي ناحيتي خازرني قابض ايده دماراته واضحه بكصته رجعت اليوره خايفه نازله دموعي وشهكت بصوت عالي

زمن:: عززه شووومه هنايه... دكت الباب اقوى تصيح.. سجيل فججج الباب لاتسويلهاا شي

14

باوعت ناحية الباب ورجعت انظاري علي ارعش حيل متخربطه انفاسي صار كبالي كلت بتوسل

اشواق:: والله موبوعي والله

19

ضربت زمن الباب اقوى منهاره

زمن:: لاتفقدد سجيل احلفك بأبووووك، ولك سجيل !

12

اندحست بزاويه الحايط هوه يتقرب ودنك صار وجهي گبال وجه حسيت موتي على ايده

اشواق:: ابوس ايدك لاتسويلي شي

سحبني حيل من مقدمة ملابسي لافه بيده قوي وجارني علي انضربت بصدره اشهك عطت

اشواق:: زمن الحكيلي

9

زمن:: ولك يييمه هدددهااا

كال بصوت خشن والغصه محتله زردومه

سجيل:: عاينيلي

24

ماباوعتله رايح صوتي جر فكي حيل اله بجيت

اشواق:: عليك الحسين عيفني

1

سجيل:: لچمتي روحي

17

اشواق:: مادري من كلت هيج والله سجيل

سجيل:: بحضني وضلوعي تلمچ .. وبالچ يسرح لغيري؟

48

اشواق:: افهمني الله يخليك ماشفتك انت استغربت صدكن ...

قبل لا اكمل رفسني على الحايط اتنفست بكوه

هوه كام لازم راسه

زمن:: سجيل ... جوووزز منهااا ابني

5

وجهه انظاره عليه كال وهوه يلهث

سجيل:: انثبري بره يلا

35

اشواق:: سجيل

صاح قوي مفززني

سجيل:برررررررررره !!

16

كمت بكوه رجليه مايحملني مشى سريع يمي جارني من ملابسي شامرني ناحية الباب

سجيل:: يشهد عليه العباس اكضچ وأمردنچ بيديه هسه برررره

5

فتحت القفل طالعه لكيت كبالي زمن دموعها نازلات الخدودها وايديها ترعش

زمن:: ها يمه

1

شمرت روحي الحضنها ابجي حيل هيه طبگت الباب واخذتني الغرفتها محتاره بيه خلتني اتمدد واني جسمي يرعش حيل لزمتني

زمن:: كافي يمه كافي هدي گلبي بطلي رجيف

اشواق:: راد يموتني خاله

زمن:: اموتنه الچ كافي يلا گلبي كضي اشربي ماي

12

اخذت شاربه شابگه مخدتها اتنهدت وطبگت باب غرفتها رجعتلي خلت راسي بحضنها تمسح عليه

زمن:: نامي

اشواق:: والله موبقصدي كلت

زمن:: ماعارف شني صار بس نامي عمري

طبگت حواجبي منتبه من عصبيته وانهيارها هيه كاموا يحجون جنوبي كله ! فكرت بيني وبين روحي متذكره... موكالتله ابني؟ "

16

يمكن لأن ربيته.. همه أصلاً جنوبيين، بقت هل افكار بالي منين اجت وشمعنى هيه ربته.. هيه تحجي جنوبي وبابلي بس هسه جنوبي كله من انهارت

9

رفعت راسي اباوعلها هيه ابتسمتلي

اشواق:: انتِ تحجين جنوبي

7

زمن:: من گبل تعارفين

اشواق:: لا ماجنتي تحجين هيج ابد حتى سجيل بعدين من عرفت هوه جنوبي من اعياد وعنده كلمات جنوبيه كتله صار عادي يحجي جنوبي

3

زمن:: سألتيه على طفولته؟

رجعت راسي بحضنها

اشواق:: لا.. انتي هم مثله تخبطين جنوبي ولهجتنه بس كبل شوي حجيتي كله جنوبي

زمن::نامي لادوخين روحج بهاي سوالف عمري

شبگت ايدها موخره المخده

اشواق:: راسي يأذيني

زمن:: شبي راسج عمري تردين انطيج حبايه اني عندي

4

اشواق:: لا.. اريد سجيل

11

زمن:: ياسجيل حبيبتي ماتشوفينه طالعه روحه

اشواق:: كليله يجيني

زمن:: ياا شومه حتى يموتنه اثنينه ها هههههه

11

باوعتلها مبتسمه هيه بهتت ملامحها صافنه بوجهي

اشواق:: هوه كلالج تصيحيلي شومه

زمن:: ليش وجهج هيج

3

اشواق:: شبيه

زمن:: مختنكه؟

اشواق:اي هوه خنكني

11

تغيرت ملامحها ضايجه بقت تمسح على شعري واني عبالك موبوعي بس اريده يقره عليه اجت عيني على جهه شفت خيال سود غمضت عيوني خايفه زايده بقبضتي عليه

زمن:: بيج شي شومه

هزيت راسي لا باقيه مغمضه مرةة بنص ساعه يلا غفيت حسيت عليها توخرني مخليه راسي على المخده وراحت تريد تطلع همست

اشواق:: زمن

اندارت بسرعه فازه مبتسمه بتصنع

زمن:ها كعدتج اعذريني

اشواق:: وين رايحه

زمن:: السجيل اشوفه

هزيت راسي راجعه نايمه وهيه طلعت فزيت الليل على احد ينفخ بأذني كمت خايفه خليت ايديه على اذني

اشواق:: روحوا مني عيفوووني

11

نزلت من الجربايه بسرعه طالعه لكيت زمن نايمه بلهول والأضويه مطفيه.. درت وجهي لكيت خيال اسود رجعت اليوره بخوف

اشواق:: اصيح عليكم الملا ها

27

باوعت ادوره لكيت باب غرفته مردود فتحته على كيفي اشوف خفيف من ضوه المحطوط بمكان الكرويته والحمامات اما باقي البيت اضويته كلها مطفيه حتى غرفته..

مديت راسي مزغره عيوني انتبه ماكو احد بلغرفه اتحركت ادخل وكمزت لازمه رجليه حاسه بكزاز

اشواق:: بس لادخلت كزازه

2

حسيت بحركه باوعت على ناحية التلفزيون بزاويه الغرفه لكيته متمدد وتاچي ظهره على الميز مقدم وحده من رجله ناحية صدره مخلي عليها ايده

اشواق:: ملا

6

ماباوعلي ولاتحرك دخلت راده الباب رحت يمه كاعده

اشواق:: دا اشوفهم اقره عليه حتى يرحون

4

بقى الوضعيته اتربعت بكعدتي مخليه ايديه على وجهي ابجي كلت بقهر..

اشواق:: انتظر يوم يوم تجي وهيچ تعاملني

5

وخرت ايديه لكيته يباوعلي يبلع ريكه أشرلي ادنه يمه اجيت هوه سحبني من شعري حيل ناحيته خفت اباوعله

سجيل:: اششش

23

اشواق:: تريد تكتلني؟

5

بقى صافن بعيوني واتنهد بحسره شمرني حيل الصدره، راسي صار على ركبته هوه قدم رجلي اثنينهن ناحية صدره وطابگهن

اشواق:: حصرتني وخر

21

سجيل:: موتردين اقره عليج

4

رفعت راسي اباوعله هوه نزل راسه هز راسه شنو ابتسمت ابوس شواربه وخر وجه مغمض عيونه

سجيل:: بابا كافي موبعقلج انتِ

20

اشواق:: ابوسك

6

سجيل:: تره ماقره عليج

3

اشواق:: ليش

سجيل:: كاض روحج جني شني

مافهمته هوه استغفر رجعت جاره وجه اعض بحنجه كزبر جسمه موخرني

سجيل:: يا يابـه

44

اشواق:: شبيك

سجيل:: انثبري هنايه

رجعت شابگته مبتسمه هوه يهز بأيده

اشواق:: انتَ حلو حيل

15

سجيل:: أعياد مسودنتچ فرد نوب

20

دخل ايده الملابسي يدور باوعلي خازرني

سجيل:: وين العلك؟

20

بقيت مفهيه بوجه هوه يدور لزمت ايده

اشواق:: كافي

2

سجيل:: اعاينلج متسودنه ولچ العلك وينه

5

شبگته اكثر رافعه راسي اباوعله ميل راسه طابگ حواجبه

سجيل:: أحچي !

اشواق:: ملاتي

48

رخت ملامحه

سجيل:: هــا؟

9

اشرتله الشفايفي ما استوعب بلبدايه شوية وفتح عيونه على حيلهن مفتهم

سجيل:: عيب لچ

65

اشواق:: غير رجلي

15

سجيل::لمي أخلاقچ ادبسز

25

اشواق:: بس وحده حباب

18

سجيل:: طاكتج بسحر بت الچلب ومسودنتچ كضبي روحچ مني ترا بلايه سحر اتسودن وياچ

28

اشواق:: اقره عليه

شالني من ايديه بقيت ارافس

اشواق:: عيييفني

سجيل:: سحر لو سكرانه ولچ

18

اشواق:: كلت الهم راح اصيح الملا عليكم حتى يخافون

سجيل:: هوه أنتِ ماچاي أگضچ نوب جنانوچ

12

برطمت بزعل

اشواق:: ماعندي

دفعني متمدده وراح يوخر بلكزاز كلت وانا افرك بعيوني

اشواق:: ملاتي ديربالك من الكزاز

21

دار وجه بسرعه منصدم

سجيل:: جوزي من سوالفج نامي

1

انطيته بوسه بلهوى هوه رجع يشيل بلكزاز

سجيل:: بت الچلب باجر اذا ما افطمهاا من سوالفها المچعمره ما اطلع اني سجيل

21

اشواق:: عليمن تحجي

سجيل:: صخام السوتلج هل نگاسه وسودنتچ

1

اشواق:: هسه شنو

سجيل:: شني

اشواق:: ابوس

39

دار كل جسمه عليه باوعتله بدوخه كام ويحجي بعصبيه عرگان

سجيل:: وحگ شيبة ابويه انوم البيدي بصماخچ كافي شومه موطلابه هاي

23

اشواق:: اووووفف

8

استغفر ذاب الكزاز من ايده منكت زين واجاني شايلني رفست خازرته

اشواق:: وين موديني

سجيل:: اسسس

مشاني نزلت راسي اباوع الرجليه من رفعات ما الوح الكاع درت وجهي اليوره كلت برود وشعري نازل على عيوني

اشواق:: وين ماخذني ملا

سجيل:: الجهنم

اشواق:: اووففف

21

سجيل:: بت وتحجين هيچ

9

ماجاوبته لازمه راسي

اشواق:: ظهري يأذيني

4

سجيل:: چا ظهرج هوه اليعورچ تكضين راسچ عليش

13

طلعني بطرمه مخليني باوعتله خازرته

اشواق:: لاتعوفني هنا

راد يدخل جوه ركضت اخرمشه لزم ايديه اثنينهن لاويهن عطت متأذيه

سجيل:: بطلي سوادين غير سحر هذا اعوچ نفس صاحبته

2

اشواق:: عليه؟

سجيل:: لاا على أعياد الميلاد امشي المچان الحطيتچ بي

25

بجيت امسح على وجهي احس روحي راح تطلع كعدت بلكاع متمدده هوه دخل طول عليه واني الخيال كل شوي اشوفه عدلت كعدتي امسح على عيوني

اشواق:: ولوو مني ولو ماريد اشوفكم

1

انضربت بلحايط وانفخ على وجهي عطت حيل لازمه راسي انفتح الباب طالعه زمن شافتني وشهكت

زمن:: يمه ليش هنايه انتِ

3

باوعتلها مرتخيه ملامحي هيه رادت تجي يمي مشيت سريع ناحيتها ضاربتها

زمن:: ياا ولچ شومه شمالچ

10

خنكتها ملخه شعرها

اشواق:: تردين تسجنين ارقب حبيبي هاا

47

حسيت جسمي جاي يحترك غمضت عيوني اعيط طلع سجيل بسرعه خزرني وصيح

سجيل:: شووومه

6

رفسني قوي ضاربني راشدي وكعت بلكاع على راسي باوعتله لكيته لازم زمن بخوف

سجيل:: حبيبه گلبي شني سوتلج

22

زمن:: لايمه لاطكها موبوعيها تره

3

بقت تباوعلي واني بس دموعي ينزلن على خدي درت وجهي لكيت الخيال واكف قدمت رجليه ناحية صدري ضامه وجهي اشهك

سجيل:: فوتي جوه الغرفتج

هيه راحت هوه اجه يمي مدنك يمسح على شعري وخرت راسي باقيه ضامه وجهي

سجيل:: شومه

10

اشواق:: عيفني

جراني شايلني خزرته اضرب بي قوي

اشواق:: كتلك عوووفني ماتفتهم

سجيل:: اي يلا نفوت

اشواق:: ماريدك ضربتني نفس ابويه انتَ

7

سجيل:: موعيب طكينها

اشواق:: واضربك الك هم وخرر لا اذبحك

2

ضحك ورفعني اكثر مدخلني بقيت اضرب بي هوه كح لزمته اخنك بي دخلني للغرفه باقي شايلني بس باوعلي مبتسم

سجيل:: ااا.. تموتيني؟

11

اشواق:: وادفنك مو اني تضربني

خلاني بلكاع ركضت ناحية الباب لزمني من بطني

يهز براسه لا

سجيل:: ججؤ جؤ كافي اكعدي بمچانچ

اشواق:: الله ياخذك حقيرر اكرهك

سجيل:: موگبل شويه تردين بوسه

7

تفلت علي هوه مسح وجه متنهد رجعت اضرب بي خلاني بقبضته شاد عليه قوي مثبتني باوعت للغرفه احس ضلام محتل بعيوني اشوف خفيف هوه همس بأذني

سجيل:: أسكطهم الچ

20

رفسته براسي ضحك شامرني على الجربايه قفل الباب وراح الكنتوره فتح الخانه ثانيه بيها كتب وكال

سجيل:: خوش مسحت الكاعيه ها؟

حجيت بصوت خشن وعبالك احد يتحكم بيه ابد موصوتي

اشواق:: ييجي يوم واموتك ادمرك سجيل اوديك يم المخابيل نفس ماوديت ذاك تذكره مو

47

اندار خازرني حيل متغيره ملامحه زحفت اليوره ابجي

اشواق:: والله اسفه

11

سجيل:: سهله يا أعياد

11

راح طلع بره الغرفه لزمت شعري املخ بي مگطعته بيدي هوه دخل متوضي اخذ كتاب ولزمني قوي داحسني بحضنه

اشواق:: وخرر

سجيل:: لو ساحرتج اعياد من چنتي مسويه روحچ ولد مو احسن ها ههههههه يتعدل الصوت ويصدكونچ

24

اشواق:: عيفني راح اذبحك

بكل برود بده يقره غمضت عيوني جسمي محترك حرك اريد اتخلص من قبضته ماكو بقيت ارافس واعيط بصوت عالي

اشواق:: اخخخخخ.. ماااما.. سجيل

بقى يقره عضيت الساني حيل ابجي

اشواق:: كااافي لاتقره !!!

7

مرةة فوك ربع ساعه وهوه بس يقره بلكتاب رفست الكتاب برجلي رجع لازمه حاط رجله فوك رجليه اثنينهن رفعت روحي اريد اتخلص من قبضته

اشواق:: كتلك كااااافي خبيث كواد انعل ابوك لابو الجابك عليه.. اذا ماعفتني اكتلك انت وحنوووون

44

ضم ضحكته مكمل يقره شهكت متغورگه عيون بدموع كلت بغصه

اشواق:: جسمي يحرركني كافي.. دا تموتني حرام عليك

9

بقيت اغلط علي واسب لحد ماهدء جسمي مغمضه عيوني واكعه بين ايده... كعدت على لمساته

اشواق:: ملا

سجيل:: شيبتيني

2

احس جسمي متكسر وألم بداخلي قوي بس نفسيتي مرتاحه كمت بكوه دايخه

سجيل:: نامي

2

باوعتله متذكره كلشي من اول ماصحتله ارقب لحد ماوكعت بحضنه..

اشواق:: انا ضربت زمن

3

سجيل:: جنيج وكح تعبني

6

اشواق:: انتَ ضربتني..

1

باوعت للميز متكسر والكنتور صاير على شكل دائره متكسره

اشواق:: صار هيج من ورايه

مسح على وجهي انملت عيوني بدموع كمت اباوع الروحي بلمرايه وجهي شاحب ابيض حيل وعيوني حواليهن ازرك وخدي احمر طبع اثر ايده

4

نزلت عيني على ركبتي مخرمشه ومتزلغ جلدي نزلت دمعتي بهدوء هوه كام

سجيل:: ماكدرت اكض اعصابي اسف

2

باوعتله وعيوني ماشوف بيها زين احس ثگل براسي

اشواق:: اني اسفه

2

سجيل:: ها؟

اشواق:: ماجان لازم اجي هنا.. خربطت البيت

سجيل:: لاتمسلتين ردي نامي

دورت على عبايتي لكيتها بلكاع مشموره وعليها كزاز ناعم اخذتها لابستها

اشواق:: رجعني الأهلي

سجيل:: عايني روحج تعبانه گلبي ردي نامي هنايه وصبح اخذج

اشواق:: لا، اسوي اشياء موبوعي.. رفعت راسي اباوعله كلت بغصه.. وانتَ تضربني

12

سجيل:: تعارفين شني حجيتيلي

اشواق:: ادري بس انت ماتفهمت وضعي

9

صفن بوجهي مضيك عيونه.. اتنهدت مرجعه انظاري للمرايه لازمه ركبتي باجيه ردت اروح وجراني

سجيل:: شومه انتِ سويتي سالفه مچفيه وأحمدي ربج كضيت روحي بلگوات

اشواق:: هوه ماتباوع دا اكلك رجعني الأهلي؟

بقى يخزر بيه طابگ حواجبه كلت بكسره

اشواق:: بكيفك راح اخلي سياره ترجعني

عفته وركضت طالعه مشى وراي يصيح

سجيل:: أتسودنتي حيل... شوووومه !!

طلعت بره اباوع الشارع مضلم مابي بشر هوه جراني بسرعه يعت بيه

سجيل:: لاتذبحيني بهاذن سوالفچ أستنچني

اشواق:: تريد تموتني بيدك وترتاح لو شنو؟

سجيل:: شني اموتنچ گلبي

اشواق:: ترجعني الأهلي لو احد يوصلني

بقى يباوعلي ضايج هزيت براسي ها هوه راح جوه جايب السويج واجه فاتحلي باب السياره صعدت وطبگه راح صعد وساق سريع

سجيل:: ماريدنچ تزعلين مني شومه

5

اشواق:: خانكني باوع ركبتي شمسوي بيها

1

فتحتله العبايه خزرني مد ايده سادها بسرعه

سجيل:: بشارع احنه شمالچ

اشواق:: ياهوه اكو

سجيل:: كافي شومه موتي گلبي والعباس موتي گلبي

4

اشواق:: واني ردت تموت روحي

سجيل:: هسه دخل يطلع الصبح وعيونچ اروحن البت الچلب افطمهاا من هاي سوالف

اشواق:: شعليه بيها اني عليك ليش هيج سويت بيه

شخط السياره موكفها على جها دار كل جسمه عليه

سجيل:: تعارفين شني مريه تحجي اسم واحد ثاني

1

اشواق:: موتدري بيه مصخميني

7

سجيل:: ما اكدرن اكضب روحي بهاي سالفه شومه حرگتيني من حجيتي بلسانچ اسم النثيه

6

اشواق:: وذا ذكرت اسمه !!

6

ضغط على الستيرن كاز على سنونه كال بنتر

سجيل:: كافي

اشواق:: احنه مابينه شي عجيب شنو هاي سويت بيه يعني شلون اگابل اهلي هسه وجهي عبالك وحده ميته طلعوها من الگبر ودخلوها الأهلها يصفكون بنتكم رجعت عاشت

2

سجيل:: حجيتلج ضلي يمي

اشواق:: اي حتى خبالات اعياد ترجعلي وانت تتخبل علي وتكتلني موو

1

سجيل:: السانچ

اشواق:: شنوهاي الغيره سجيل !

سجيل:: مررتي شني تردين اصفگلچ؟؟ ٠

اشواق:: احنه مومتزوجين حقيقي شبيك

سجيل:: وذا !!

لزمت راسي متأذيه هوه اتنهد طلع بطل مي مامتروس كله

سجيل:: كضي

اشواق:: ماريد

سجيل:: يفيدج مي زمزم

اخذته شاربه منه اباوعله هوه داير وجه عاگد حواجبه متعصب هزيت ايدي شامره البطل رجعت متچيه على الكشن وهوه كمل سياقه

اشواق:: نزلي جامه

1

نزلها وكل شوي ينفخ ضايج

اشواق:: دكافي

سجيل:: شني

اشواق:: جنك الجني مالتي كلساع نافخ

25

سجيل:: دعايني السااانج اكو مريه تحاجي زلمتها هيچ

6

اشواق:: راح اتخبل ملا كافي

3

سجيل:: كضبي السانچ مو جاهل وتصيحين علي

سكتت بينما وصلت طلع النهار دخل للأفرع باوعتله كلت واني مچتفه ايديه

اشواق:: عود خبصتهم ملا اريده يجيني

سجيل:: گبعت الدوام لجل أجازتي وجيتج ركض

اشواق:: لاتجذب اتأخرت عليه

سجيل:: نزولي موش بذن الأيام بس غير حجولي ترديني وجبت ركابي يمچ

اشواق:: منو كالك

سجيل:: عمچ ظهير

بقيت محتاره هوه مخلي ايده على حنجه حس عليه مانزلت دار وجه باوعلي

سجيل:: ها

اشواق:: ها

7

سجيل:: ماتردين الهلچ شني

اشواق:: ردت تموتني

جر ايديه اثنينهن مدنك بايسهن حيل ارتبكت مغمضه عيوني وخر وضحك مهتزه أچتافه

سجيل:: شني ولچ هاويتني وماعارف

4

اشواق:: هاويه شنو

3

سجيل:: امشي الهلج يلا غاليتي

1

نزلت ادك بلباب باوعت بطرف عيني لكيته بعده واكف شويه ونزل من سيارته انداريت اباوعله من فوك اليجوه هز راسه

سجيل:: شمالچ

اشواق:: المن نازل شيب ابوي

11

ضحك حيل ردت اضحك تذكرت ودرت وجهي زافره نفسي

سجيل:: غاليتي تحجي نفسي

2

اشواق:: قابل بس ابوك مشيب

سجيل:: اسلم على الجوه

اشواق:: هسه بهل صباحيات نوب كاتل بنتهم وجاي شهل صلافه

23

سجيل:: ماطاكج

اشواق::افتح العبايه؟؟

عض شفته يباوع للفرع اذا اكو احد اجه بسرعه يمي طابگها دفعته ضايجه

اشواق:: مافاتحتها ارتاااح

سجيل:: والعباس أموتنچ

اشواق:: شحدك اشك حلكك

19

فتح عيونه على حيلهن صار كبالي رجعت منضربه بلباب

اشواق:: شعبالك لعد

سجيل:: چا وعيونچ رادلچ تربية من جديد

اشواق:: روح ربي روحك بالأول

سجيل:: مريتي كااافي السانچ ترا اگطمه الچ مو جاهل اني

2

اشواق:: مريتك شنو شهل استهتار تره الي اسم

4

اتقربلي اكثر وجه محمر من عصبيه

سجيل:: وشيباتچ اطگچ هنايه

3

اشواق:: اولاً ماعندي شيب ثانياً احترم نفسك تره اطلكك والحمزه اطلكك وها تره صح بيت جدي حتى بلحجاب انام بس من صرت ولد ذبيت حجابي هسه ماعندي مانع افتحح العبايه

11

طبگها قوي واني ارافس

اشواق:: حفتح العبااايه اني تكلي اضربج ولك

2

سجيل:: وحگ شيبة ابويه يامرر...

6

سكتنه اثنينه من أنفتح باب الجيران يباوعولنه اتحمحمت هوه بقى لازم عبايتي وطابگها خزرته

اشواق:: كافي وخر عيب

:: شنوهاي عمي ماتستحون من صباحيات بهاي سوالف

35

سجيل::اعذرنه عمي اعذرنه

هز ايده ودخل ساد بابه سجيل اندارلي ضام ضحكته كوه اني ماتحملت وضحكت

اشواق:: لاتضحكني انجب

8

رجع ملامحه طبيعيه

سجيل:: السااااااانج

رجعت دكيت بابنه هوه مد ايده يدك قوي

اشواق:: راح تفزز المنطقه

سجيل:: يلا عادي

انفتح الباب لكيتها بيبيتي بكوه تفتح بعيونها مخليه حجاب على راسها شمر شلون ماجان خزرها معدله

سجيل:: حجابج

7

عذيه:: ها ولك شو ماتسأل عليه

4

سجيل:: ماتعاينين هايه

باوعتلي وفركت عيونها مستوعبه

عذيه:: هاي شنيهاي وجهج خايبه

1

اشواق:: اريدانام

دفعتني مدخلتني جوه وبقت تحجي ويه سجيل ذبيت عبايتي صاعده هوه انرفعت عينه يباوعلي لحد ماصرت ماكدر اشوفه دخلت الغرفتي لكيت فيحاء نايمه شمرت روحي بسرعه متنهده مكمله نومتي براحه..

كمت الصبح لكيت فيحاء تمشط بشعرها

اشواق:: صباح الخير

فيحاء:: شبي وجهج

2

اشواق:: اختنكت

فيحاء:: ليش شكو؟

اشواق:: سوالف اهواي

فيحاء:: خوش تسولفين مثل الناس

اشواق: ايا ادبسز.. الملا قره عليه

1

فيحاء:: هههههه

كمت شامره عليها المخده

اشواق:: المن هل ضحك

فيحاء:: خلي ناخذه السوزان وابوج بلكت يعدلهم

13

اشواق:: مادري شيقره عليه

فيحاء:: انتي شبيج بس كليلي شلون صار بيج هيج

اشواق:: كتلج اعياد قرت

فيحاء:: بس قرت وشنو

اشواق:: مادري شقرت ولاتحجين الاحد

فيحاء:: ما احجي والله شبيج

اشواق:: بوكتها هم چكتني بأبره

فيحاء:: شنو هاي؟

3

اشواق:: اندري منها صرت موزينه وهوه خلالي علك بس بلحمام واني اتقيأ وكع

فيحاء:: معقوله سحر؟

اشواق:: اكيد موكتلج هيه جني وتطلع بليل ماصدكتيني

فيحاء:: شنوسالفه يمعوده طنطل قابل بس يمكن صدك تشتغل بسحر

اشواق:: باع الفهاوه هاي كله بيه وتكول يمكن

3

فيحاء:: الملا شلون درى؟

اشواق:: اول مادخت عرف وقره عليه وبوكتها صرت زينه بس بقى راسي يأذيني شوي.. فيحاء تحسينه يدري بكل سوالفها

2

فيحاء:: ليش ماتخليني اكوللهم ياخذونج شيخ لو يشوفولج علاج

اشواق:: الملا كال يحلها ويفطمها

فيحاء:: ههههههه شهل كلمات

اشواق:: اندري مرات يكول كلام جنوبي عادي بنسبه الي بس انا اصفن احب كلامه

5

باوعتلها لكيتها ساكته ومبتسمه

اشواق:: لاعبالج حبيته اصلا دا اتذكر مواضيع سويتهن وياه البارحه تلعب روحي

فيحاء:: عززه شسويتي؟

6

اشواق:: يبو عليج كافي

فيحاء::من دخلتي ماشفتي منو نايم بلهول؟

اشواق:: لا غير جدي

فيحاء:: جدج من ليل طلع البيته

اشواق:: اكيد بيبيتي شردته

فيحاء:: لا

عگدت حواجبي مستغربه ميلت راسي

اشواق:: لعد شنو؟

فيحاء:: جنى اجتنه

31

اشواق:: ياهيه جنى؟

سحبتني من ايدي تنزلني وكفت

اشواق:: امي لاتشوف وجهي هيج خو عشير ماراح يكعد

فيحاء:: بعدهم نايمين شبيج

باوعت للساعه صحيح بعد وكت نزلت وياها رايحين للهول فتحت الباب على كيف مديت راسي لكيتها نايمه على القنفه وجها متضرر كله جروح

اشواق:: ياهيه؟.. صفنت متذكره وكلت بصوت عالي منصدمه.. اليحبها عشير !!

17

جرتني وكامت تلطم

فيحاء:: شهرررتينه

اشواق:: شجابها

فيحاء:: تعاي للمطبخ

رحت وراها جبتلي مي وكعدت

فيحاء:: تريد تزوج عشير

5

اشواق:: نعم؟؟

فيحاء:: متعاركه ويه اهلها واجتنه

20

اشواق:: شدلاها بينه

فيحاء:: بيت حجيه ام مسلام تندله راحت وخلته هوه يجيبها

اشواق:: صدك تحجي هاي؟

فيحاء:: ماتشوفيها مزوركه البنيه علمود اخوج

3

اشواق:: صدك جذب اخوي صغير وينه وين الزواج

فيحاء:: لاهوه ماشاءالله مبين اكبر من عمره

فتحت حلكي منصدمه

فيحاء:: شجاج

اشواق:: قابله؟

فيحاء:: لج خطيه البنيه منضربه واجتنه علموده

اشواق:: غلط فيحاء يبقون اهلها

7

فيحاء:: غير تكعد

اشواق:: ابوي طردنه وكرهته

فيحاء:: من يضربنه وتكرهينه

اشواق:: بس ماطلعت من البيت شنيهاي

5

فيحاء:: شنيهاي؟

اشواق:: مايصير نتحمل مسوؤليتها خطيه اخوي غير يكعد ويتأدب

فيحاء:: راح تصيرين نفس اعياد وسوزان

اشواق:: لا ايع يمعوده بس اهلها يردونها

فيحاء:: تكول صيحت وكتلهم مارجع لهل بيت

19

اشواق:: هاي لوبوكتها كايله هيج الابوج يركعني ركعه

فيحاء:: باعي

هزيت راسي هيه اخذت المي مالتي تشرب منه

فيحاء:: خلي اخوي يحلها

اشواق:: اي احنه ماندخل بس شلون اعاملها

فيحاء:: صيري حبابه وياها كلش نفس ماتعاملين.. سكتت تفكر شويه وكالت.. رجلج

1

اشواق:: منيلي رجل

فيحاء:: شبيج سجيل

اشواق:: هههههههه والله يالله

فيحاء:: شكو

اشواق:: لاهذا هوه يمي

فيحاء:: شعجب كعدتي من وكت

اشواق:: شبعت نوم هناك

فيحاء:: كومي ننضف لعد

باوعتلها بطرف عيني وهيه جرتني غصب ننضف جبت المكناسه وهيه ترش مي وصابون

اشواق:: ذبي هنا

فيحاء:: اشواق

باوعتلها واني متبلله حالي متبهذل بكوه اتنفس

اشواق:: ها

فيحاء:: البارحه تصيحين علينه شو اليوم مابيج شي

2

اشواق:: درشي واسكتي

""""""

غنى:: ليالي شبيجج

24

ليالي:: اهوو اختي ترا تعبتيني ياهوه ينضف هيج وكت

غنى:: حبيبتي اتعلمي تردين عمتج تكول عليج كلام محلو

ليالي:: خلي تكول شعليه بيها

13

غنى::لعد عينيني شويه يلا ياعيني نضفي هنا هم فدوه الوجهج حبابه ليالي

ليالي:: اي اصبغي

ضحكت اذبلها مي وهيه لافه شعرها طويل كبايه عود وصايره شطولها ضميت ضحكتي هيه اندارت

ليالي:: شبيج

غنى:: شعرج ماشاءالله

ليالي: منيله شعرج اطول

غنى:: شيلي الطبله ونضفي جواها موشلون ماجان يلا حبيبتي

2

نفخت ضايجه اني شمرت الصونده ساده الحنفيه جريتها موخرتها وكمت انشف بلمي اشيل بطاسه واخلي بسطل

غنى:: باعي الوصخ

ليالي:: موصخ هذا باوعيله ابيض من كاعيه مالتنه موشي

غنى:: اتعذب عذاب من كاعنه متحفر تحفر نوب كل ماغسل يرجع يطلع فتافيت

ليالي:: هاي مي نشفي

لبست ربطه فاتحه الباب المطل على الشارع انداريت اشيل السطل

غنى:: يارزاق عينني يايمه شثگله

شمرته شمره وحده على الشارع بدون ماشوف اتنهدت مخليته بلكاع لازمه ظهري

غنى:: اتكسرت يايمه

ارقب:: شنوووهاي !!

110

بقيت منطيته ظهري خايفه اباوع ليالي فاتحه عيني

ليالي:: صوت زلمه

ركضت على زاويه ضاغطه قوي على ملابسي أشرلها تطلع

ليالي:: شكو... وين ربطتي

كلت بهمس منفعله

غنى:: على الكرويته، ولچ بسرعه

كامت دور مخليه ربطتها وطلعت

ليالي:: ها خويه

ارقب:: صدك ناس ماتستحي

12

ليالي:: والله بلغلط ياخويه اعذرنه اعذرنه اسفين

3

ارقب:: هسه شلون ارجع هيج

4

ليالي:: انطيك من ملابس ابويه؟

6

مديت راسي اباوع من زاوية الباب ماشوفه زين درت وجهي هوه بقى ساكت

ليالي:: ها لعد شسوي والله ماندري بيك

ارقب:: ياهيه غنى؟

14

ليالي:: هايه

عضيت اصبعي اخزرها هيه مافتهمتني

ارقب:: صيحيها

همست واني ألولي بطرف ربطتي بخوف

غنى:: كوليله انتِ غنى

ليالي:: شنو!

ارقب:: صدك تحجين؟

ليالي:: لاموعليك .. اني غنى شنو تريد خويه

ارقب:: لا اله الا الله مخابيل شنو

ليالي:: احترم نفسك

ارقب:: هسه هاي سوايه ولچ !

ليالي:: كلي شنو تريد

ارقب:: صديقتج تكول هاي الج

2

طلع من جيبه علاكه صغيرونه ملفوفه انطاها الها وهيه شمرتها علي

ليالي:: اتشكرنه منها

ارقب:: مره لخ من تذبون وصخكم باوعوا زين دربكم

ليالي:: خويه روح احسن

7

كفايه:: شكو شصاير ياهوه انت ولك

5

سمعته يستغفر واختفى صوته طلعت بسرعه لكيته كاعد بسياره يمسح على روحه

ليالي:: اكلك

3

وخرت بسرعه اني هوه كال

ارقب:: خير؟

4

ليالي:: اكو مال كاعيه على شعرك وخر

23

صاح وعمتي فزت لازكه روحها بلحايط

ارقب:: لا اله الا الله.. اللهم صبرك

13

شخط السياره وراح اني طلعتلها

غنى:: غير تكليله ياصديقه دازتها

ليالي:: اليسمعج عندج عشيره من صديقات اكو غيرهن سها ورند وحده منهن تطلع دازتها

3

كفايه:: ولجن ياهوه هذا ماتستحن انتن والله عيب عليجن هسه رايحه الابوجن واكله مدخلات الزلمه الغريب للبيت

12

ليالي:: اهوو دباعي الأسطوانه الراح تسويها

غنى:: عمه والله فاهمه غلط

عافتنه وراحت للمحل ابويه لزمت راسي منقهره

غنى:: جان لازم اشوف

ليالي:: شعليج ربج كاتب تصير بوجه بدال شارع هههههه

غنى:: راح ننكتل وهاي تضحك

ليالي:: نكول البابا عود خليها تردح بوحدها هاي

رجعت ماخذه المكناسه اني بقيت واكفه

ليالي:: غنى

وجهت انظاري عليها هيه أشرتلي اجي وياها انضف

غنى:: اي جايه

دنكت اكمل تنشيف اشيل بلمي

ليالي::مارتاحيتله وجه متزلغ عبالك احد كاتله

16

غنى:: ماشفته

ليالي:: ليش ماطلعتي وخليتيني اجذب موتكليلي جذب حرام

غنى:: جذبه بيضه هاي هوه موجاي يتزوجني وجذبنه

6

ليالي:: بس صدك، حلو هوه تحسينه ضابط شواربه ثخان

13

غنى:: عيب هل نظره ادبسز حرام

ليالي:: هسه شكلت اني

غنى:: كملي تنضيف

""""""

غرام:: كعدت الصبح لكيت بس ابويه نايم بلهول رحت اكعده فز

1

غرام:: اسم الله يابه

خلدان:: شكو ولج

غرام:: ليش مانايم بغرفتك

خلدان:: ادري بيت الخلفوج نايم شعليج بيه

16

غرام:: غير علمودك

خلدان:: امشي روحي من وجهي

باوعت النسرين تأشرلي اجي رحت مبتسمه لكيتهن كلهن موجودات ماعدا اعياد وسمر ونبأ

غرام:: صباح الخير

حوريه:: قصدج ظهر الخير

غرام:: شبيكم گالبين وجوهكم عليه

صباح:: دجاجه من الليل كتلج طلعيها هسه دباوعيلها شلون جامده

4

غرام:: نسيت والله.. نبأ وباقيات وين

حجت وهيه اتقطع بلخضره

نسرين:: نبأ وسمر وأعياد راحن للبستان

11

غرام:: ليش

5

نسرين:: الولد هم راحوا ابو بشير يريدهم يزرعون

غرام:: عاد النه حصه

حوريه:: طبعا لعد شلون

نسرين:: رند ماكعدت

غرام:: لا

صباح:: دشوف الحظ

كعدت بلكاع يم نسرين هيه طلعت من الخضره حلزون

نسرين:: غراموو باوعي

غرام:: اييع وخري مني

نسرين:: ماراح ياكلج ست نمله

غرام:: وصخ ذبي

قربته يمها بايسته درت وجهي غامتها وهيه تضحك

نسرين:: والله لطيف... سبحان الله كل مازاهر هوه اليجيب خضره لازم يطلع يا حلزون يا هاي المنقطه اسود واحمر

19

حوريه:: دعسوقه

8

غرام:: ديريبالج لايطلعلج نوب صرصر

6

نسرين:: لاذني حشرات يصيرن بلخضره عادي

صباح:: وين الخرده خليتها.. ها غرام كومي كعدي هيثم

غرام:: ماراح وياهم

صباح:: لا بعده نايم اصلا كعدي خلي يجيب النه ملح التمن شلون اسوي

غرام:: كل عقلج طابخه تمن گبل دجاج

صباح:: دكومي هسه شعليج بطبخ انتِ

كمت صاعده اكعد بي مايكعد حط المخده على راسه

هيثم:: دعوفينيي

غرام:: انجب لك اكو احد يحاجي عمته هيج... يلا دنيا ظهر حتى توكل بطاتك

هيثم:: اخخخ ذكرتيني

61

غرام:: شنو؟

هيثم:: عوفيني انام

غميته ورحت نزلت رجعت الفلوس

غرام:: حوريه ابنج مايقبل يولي

صباح:: دحاجي

حوريه:: شبيدي علي ياعيني صاير نحس هوه اليوم اخلي ابو يرزله بس يرجع

صباح:: هسه شلون.. غرام كعدي ابوج

5

غرام:: ماشفتي انتِ شلون مطنكر ويصيح

نسرين:: هوه عمي موجان يبات هناك

غرام:: ههههههه خاف امي طردته

2

نسرين:: ما استغرب من عذيه

صباح:: حبابه غرام

غرام:: عود اني اروح؟

صباح:: اي شبيج

غرام:: تردين ميسر يكسر خشمي همات؟

صباح:: بسرعه مايجون هسه همه العصر هيج كالولي

غرام:: لايمعوده اخاف

نسرين:: من العوعو

28

باوعتلها لكيتها تتغمز خزرتها

صباح:: جلابه راحت هسه بس بسبعه صبح هيج تلكيهن مناك بچوله يفترن

حوريه:: هسه اشوف هيثم الجلب

2

صباح:: بكيفجن بعد

بقيت كاعده حوريه غسلت ايديها وراحت تكعده اجتنه فايره من العصبيه

حوريه:: والله اخلي ابو يأدبه

6

صباح::جذابه گلبج ركيك موهاي اني كل ماكول على سمر ابوها يرزلها ماكدر واسكت

حوريه:: لاخيه موحاله صارله شكد خمول صايرله الولد بس هوه صوج ابو ماياخذه وياه كل ماهاي اخذ ثامر وحميد يلزك روحه ويه اخو الا هذا مايندمج وياهم

4

نسرين:: غرام روحي

ضربتها هيه ضحكت

نسرين:: هسه الخضره المن ثامرتها

صباح:: عززه ولج موكلهاا بس بقندوس كتلج

10

نسرين:: ياا صدك

صباح:: يبووو بهل يوم غرام كومي جيبيلي ملح

كمت ضايجه ونسرين رجعت تضحك وتتغمزلي انتبهت الصباح خازرتها رجعت ملامحها طبيعيه

نسرين:: شمدريني

عفتهم وطلعت لبست عبايتي رحت يم ابويه اكعده

غرام:: يابه راح اروح اجيب ملح

بس أشرلي بيده اروح وضال مغمض استغربت طلعت بره لكيت بابهم مسدود

غرام:: صلاة على محمد اول مره اشوف بابهم مسدود

10

رحت بسرعه وسمعت صوتها

ساره:: غرااام

3

غرام:: شجابها هاي.. انداريتلها مبتسمه.. ها عيني

ساره:: وين رايحه

غرام:: اجيب ملح

ساره:: يلا اجي وياج

اتمشينه رحت اشتريت برجعه هيه شهكت

غرام:: شكو يمعوده

ساره:: هاي شنو الورد

2

جرتني البيت جيرانه مخلي سيم على جهه من بيته وزارع

غرام:: خوش والله كبرن زرعاتهم

ساره:: حلوه هاي الورده

اجت عيني على ورده صفره ابتسمت

غرام:: ححلوه حيل.. ياريت عمي ابو بشير يزرع ورد هيج

13

سمعت حمحمه بصوت خشن انداريت لكيته واكف قريب علينه يتمشى خطفلي نظره سريعه وطلع گبل اني درت وجهي ماشيه سريع

ساره:: وين؟؟

5

غرام:: تأخرت لايجون اخواني

ساره:: خوش معه السلامه

غرام:: الله وياج حبيبتي

راحت اني بقيت اتمشى لازمه عبايتي زين خايفه منه رفعت راسي للشمس

غرام:: البارحه مطر ورعيد وهسه انحرگت سبحانك ياربي

:: ماجنت ادري اكو حلو بلمنطقه

13

انداريت وشفته ولد شعره مكوش وثخين نازل على كصته وضعيف حيل واسمر ماجاوبته مكمله طريقي ركض سريع صاير كبالي

:: گمرايه مواحجي وياج

19

غرام:: ابن القندره بكد امك اني شتمسلت

16

:: عادي اصيحلج ماما

14

غرام:: روح عيني روح

:: صدك اني عينج

غرام:: مخبل لو شنو چلب دوخرر

عبد العزيز:: لك نعاااال

34

فزيت باوعت للولد

غرام:: روح لاتنكتل بلخيزرانه منه

:: خلي يشوفنه عضلاته البطل مالج

8

اجاه بسرعه سحله ضاربه راشدي

عبدالعزيز:: شتريد منهاا

6

:: لك شلون تضربني !!

11

غرام:: عبد العزيز ماسوالي شي بس سألني منين الملح جبته.. عوفه

باوعله عبد العزيز وكام يفشر استغفرت ردت اروح والولد كاله

:: عوفني ادور حلوات

19

هوه فتح عيونه كور ايده وضربه على بطنه عطت جايه يمه

عبدالعزيز::صوتج

غرام:: عوفه جاهل تره

رجع يضرب بي الولد خاف من ماكدرله راد يشرد وسحبه من ملابسه شاك فانيلته نصين وضربه على خشمه الولد گبل نزف

غرام:: لك لاااا

13

خنكه وايد ثانيه يضرب بخشمه اكثر من مره وكع الدم على سنونه درت وجهي لعبانه روحي

غرام:: كاافي شهل لعباان نفس

عبدالعزيز:: بعدك ماتعرف اني منوو كلب تتحارش بيهاا عيونك الباوعتلها اخليهن يصيرن حول

14

غرام:: دعوفه للرجال حرام عليك موهيج

4

رفسه ونام فوكاه خانگه دم طاح بشارع واهل المنطقه التمت بقيت ارجف ودموعي على خدي الناس سحبته بلگوات من رجال المدد بلكاع ويحاجونه يهدون بي

نكت ايده باوعلي بطرف عينه متوجه ناحيتي.. واحد صاح

:: عمي واحد يخلي بيته لايشوفونه الشرطه

4

هوه ولامهتم يتقدم يمي لحد ماصار گبالي طلع من جيبه ورده نزلت عيني لكيته يرجف وايده ملطخه بدم بكوه لازمها باوعت الوجه هوه ابتســم وهمس

عبدالعزيز::شفتچ تباوعيلها باقيه بنفسج فا بگتها علمودچ ..

96

اترددت هوه هز راسه منتظرني اخذتها منه وركضت جوه البيتنه قبل لا أسد الباب عيني اجت علي لكيت عيونه تلمع فرحان

18

رديتله الأبتسامه وگلبي ينبض سريع.. طبگت بابنه

غرام:: مخبل

5

دخلت جوه ضامه الورده جوه عبايتي لكيت صباح كاعده على اعصابها

صباح:: اتأخرتي

حوريه:: صوت هوسه بره؟

غرام:: عركه خفت من صار مجال وخرت

حوريه:: ياا سهله هيثم والله اكول الابو، غرام بس لاصارلج شي

غرام:: لا هاكم الملح

اخذته واني رحت الغرفتي ذبيت عبايتي وكعدت يم الشباك اباوع للشارع غرفتنه صح مو فوك بس ابوي خلى الخريطه البيت تنبني غرفتنه بناحية شارع الوراني على الفرع البصفنه

اتذكرت عبد العزيز من وكف هنا

غرام:: شدراه شباكي يطل مناك..اني شكو ابتسمتله هل مخبل شيخلصني بعد

هزيت ايدي نزلت عيني اباوع للورده دمرتني من الدم

غرام:: هههههه ايع

رند:: هممم

كمزت لكيتها صافنه بوجهي وشعرها مكوش مبتسمه

غرام:: شوكت كعدتي ادبسزز

10

رند:: تحجيلي كلشي هسه لو ازعل

9

غرام:: اسمعي تكمله القصه عيني

رند:: يمممه متحمسه النهاية القصه تتوقعين شنو نهايتها؟

21

غرام:: مادري شايفه التحجي قصص ماتدري شنو نهاية هل روايه

6

رند:: اني اكول جهال

9

غرام:: شنو؟

اشرتلي عود لازمه طفل ومسويه صوتها ينوص

رند:: بيدكم جهال ويصيحولي خاله

15

ضربتها ضايجه وهيه ضحكت

رند:: يلا كوليلي

2

"""""

اشواق:: كعدنه كلنا على الغده وجنى بس منزله راسها

منوه:: اكلي حبيبتي لاتستحين

فيحاء:: كلنا مثل اهلج

ابتسمت اني انطيها خاشوكه وصبينالها لبن انفتح الباب مديت راسي اشوف لكيته عشير وجدي

عشير:: احم

4

اشواق:: ادخلوا

خلدان:: ها جدي شلونج شلون صرتي

جنى:: الحمدلله

6

عشير:: فيحاء صبيلي

فيحاء:: خويه هذا اكل

عشير:: لا اني وجدي راح ناكل بلمطبخ

خلدان:: شنووو

15

عذيه:: اي فكه

خلدان:: تشمرني للمطبخ ليش

عشير:: لعد هنا ناكل شنو؟

عذيه:: غير جدك محسوب ويانه

19

خلدان:: يامرررره

راد يهجم جنى فزت تباوعلهم بيبيتي تعض بشفايفها

منوه:: موهنا موهنا

7

عافنه راح وره عشير وداير وجه على بيبيتي يسب بيها هيه غمته باوعت الجنى لكتها صافنه عليها

عذيه:: اكلي انتِ موتينه بس تستحين دكلي

8

فيحاء:: بيبي

اشواق:: صدك فاقد شلونه

منوه:: شبي وجهج

اشواق:: زينه انا كوليلي على فاقد

عذيه:: صدك المن لابسه حجاب من خشمي لايشوفج

19

اشواق:: يبوو راح اكوم من الغده

منوه:: اكعدي عمري اكلي.. زين حتى ماشاءالله سمنان

اشواق:: شعجب توقعت موتينه جوع

منوه:: هوه صح سمنان بس ملابسه مدمره ومتوصخه اني اخذته سبحته وبدلتله وصيت نديمه علي

9

عذيه:: لاخوش توصين هل ****

16

منوه:: عمه شنو سالفه حرام

عذيه:: والله تغلين گلبي بطيبتج اول مره اضوج من احد فقير

24

سكتنه وامي تتنهد صافنه أشرتلها تاكل

جنى:: خاله منوه

منوه:: ها عمري، هاي وجهج هسه نخلص واكول العشير يجيبلج عصاره مال جروح

جنى:: خاله

عذيه:: خايبه منوه تريد تحجي وياج

منوه:: كولي بنوتي

عكدت حواجبي غيرانه اشرب بلبن

جنى:: اني اريد عشير على سنه الله ورسوله

167

كحيت واكع لبن على الاكل بيبيتي ضربتني قوي على ظهري

عذيه:: جلبه راح غدانه

27

فيحاء:: مي مي

بقيت اكح متمدده وامي صافنه على جنى ماكايله كلمه

عذيه:: طاح حضج راح تموتين حفيدتي ولچ اكو وحده تخطب زلمه وين صايره هاي كلشي بلمگلوب عند منوه

32

منوه:: خرب حظي

فيحاء صارت بوجهي رافعه راسي تشربني مني واني احس اختنكت بزايد ذابه المي من حلكي

عذيه:: اهوووو لعبتها النفسنه

20

اشواق:: حموووت

6

جنى ماتحملت ردة فعلنه كامت تبجي وتشهك

منوه:: لاماما عادي دائما تصير

23

عذيه:: شتصير ولج وين اكو مريه تخطب الوليد

8

زادت بلبجي اجانه عشير يركض وجدي وراه بحلكه الگمه بكوه يحجي

خلدان:: شكووو شكو

24

عذيه:: مبروك خطبو حفيدك

65

خلدان:: شنووو !!

5

راحلها عشير خايف

عشير:: شجاج كليلي حبيبتي

20

عذيه::ولك شنو حبيبتك كدامنه

18

جنى:: ماراح يخلونه نتزوج

36

عشير:: لانتزوج

خلدان:: اني ماماشيه عندي هل سالفه كومي بعد جدج ارجعج الأهلج شنو مخليج يمنه مزهريه

4

عذيه:: هاي ثاني مره اوكف ويه حجيك

13

فيحاء:: اشواااق اختنكت

6

ركضوا كلهم عليه واني بس اهفي الروحي واكح.. صار ليل وصوتهم على بصياح

خلدان:: غلط جدو شبيك البنيه ترجع الاهلها كافي مجامله

3

عذيه:: ثالث مره اوكف ويه حجيك خلدان كمل

46

نفخ روحه وكعد رافع حاجبه

خلدان:: مايصير هل كلام مايصير

5

منوه:: ابني رجعها الله يرضى عليك

عشير:: ادري غلط بس يمه احبها

باوعتلها هيه خاتله وراه وتشهك

منوه:: بس اكبر بعد واخذها الك

عشير:: همه يردون يزوجونها

8

منوه:: لعد من اليوم اخطبها الك

عذيه:: شهل حجي منوه

منوه:: لعد شسوي

عشير:: مايردوني

خلدان:: ليش مايردونك؟

سكت متنهد باوعلها هيه كالت بين دموعها

جنى:: صح كلامهم عشير رجعني

40

ماقبل بقوا يحجون عليه ويقنعونه هوه كعد لازم راسه بكوه يتنفس

عشير:: تتروح من ايديه يمه تروح

عذيه:: اشك حلكهم رجعها لايكولون للشرطه

دخل للهول وهيه راحت وراه تقنعه شويه وسمعنه صوت شي انكسر

عذيه:: ابنج حيكسرنه

منوه:: يحبها من هوه صغير عمه

رخت ملامحها متنهده بقينه على اعصابنه كاعدين لحد ماطلع وجه مايتفسر احمر قابض ايده هيه لبست حاجبها وراحت

عذيه::خلي اجي وياكم مايصير وحدكم

11

راحت لبست عبايتها ومشت وياهم هيه وجدي بقينه بس احنه اني طلعت الغرفتي متمدده بفراشي

اشواق:: احسني زينه.. راسي مادا يوجعني

فيحاء:: اخوج يكسر الخاطر والله

4

اشواق:: فيحاء

بقت تفتر بلغرفه بالها مويمي شويه وطلعت بقيت وحدي تچيت راسي على الحايط

اشواق:: الملا هسه شيسوي.. شعليه بي

7

غمضت عيوني ماخذه نفس قوي

اشواق:: شگد حلو هيچ هدوء

كمزت على صوت حصوايه فتحت عيوني خايفه

اشواق:: معقوله ماصرت زينه.. بس لا أجوني جنانوه

15

ماتحركت خايفه رجع صوت مره لخ كمت سريع اريد اطلع وسمعت صوته

سجيل:: غاليتي كاعده؟

27

انرسمت على شفايفي الأبتسامه سرعان مارجعت ملامحي طبيعي رحت فاتحه الشباك لكيته متچي على سيارته مچتف ومبتسم

اشواق:: المن جاي

7

اختفت ابتسامته متغيره ملامحه خازرني

اشواق:: شجاك

سجيل:: فوووتي جوه ولچ

دخلت راسي بسرعه جاره من جنطتي حجاب ورجعت طالعتله

اشواق:: هيچ

سجيل:: اكو وادم يمچ؟

اشواق:: لا

سجيل:: لاتفجين الباب اريدن اصعدلچ

اشواق:: يااا شعندك

سجيل:: اعاينلچ اخر مرة

27

اشواق:: حتموت ومادري؟

سجيل:: يلا غاليتي

اشواق:: شلون تطلعلي مافهمت

سجيل:: لاتعاينين

هزيت راسي رحت قافله باب الغرفه ورجعت ماده راسي على كيف لكيته بكوه يريد يصعد من حدايد ضحكت بصوت عالي رفع راسه خازرني

سجيل:: فوتي

4

اشواق:: هاي عود انتَ ملا

7

سجيل:: چا الملا مايشوف مريته

7

گلبت عيوني هوه صعد مدلي ايده من شباك

سجيل:: جريني

اشواق:: ملا صدك تحجي مايكفيك

سجيل:: جرينيي

جريته وعلك على نص بطنه اتمددت اضحك حيل هوه لزم ظهره متأذي

سجيل:: انعل الباااالي ولچ ظهري

17

اشواق:: صدك متأذي؟

5

سجيل:: چا أشاقه وياچ

رجعت ادفع بي مايندفع

اشواق:: ياا بس لاعلگت متت

16

سجيل:: راح اگلب خلقتچ

3

اشواق:: مملا انتَ مايلوگلك شقاوچيه ابداً ابني

2

يريد يوخر ماكو دفعته حيل وكع بلكاع مديت راسي اباوعله اضحك

اشواق:: ملا بس لاصارلك شي

16

لكيته متمدد بلكاع لازم ظهره يون من الألم

اختفت ابتسامتي لبست عبايتي ونزلت على كيفي طلعت وخليت الباب مردود

اشواق:: ملا

6

سجيل:: مردتي ضلوعي گبل لا اروحن الدوامي

9

اشواق:: شعليه اني كوم

سجيل:: ماچاي اكدر ولچ

خليت ايديه علي اشيله

اشواق:: كووووم

سجيل:: صوتج ولج صوتج.. لاطك صرتج هديني

6

اشواق:: راح تبقى هيج متمدد

تچه ايده على سيارته كام بكوه وغمض عيونه صاح متأذي

اشواق:: يلا عادي

سجيل:: هوه شني العادي ماتعاينين اتكسرت

اشواق:: كل عقلك تدخل منا شباكي صغير تره

3

سجيل:: شني عارافاني من هنايه چنه چبير

2

اشواق:: عدنه لبن اجيبلك

عض شفته جوانيه كاعد على الكشن

سجيل:: اخخ من طرايتچ

6

اشواق:: شنو

سجيل:: تعاي هنايه

أشرلي اتقرب هزيت راسي

اشواق:: وليش؟

سجيل:: غير اشوفج گبل لا أولي

اشواق:: وليش تشوفني

سجيل:: اخافن بدوامي هم تضلين الملا موش يمي واردين سجيل

اشواق:: ماكول هيج اني جذاب

دار وجه متنهد

اشواق:: صرت احسن

سجيل:: يعورني بس يلا فدوه ألچ، شلون صرتي؟

اشواق:: زينه

سجيل:: طيحتلج حضها

اشواق:: اعياد؟

سجيل:: هيه وجنانوه مالاتها ركضتهم حافيين

4

ضحكت حيل هوه ابتسم تك خد

اشواق:: تره عادي تدخل البيتنه يعني يحسبوك همه رجلي

سجيل:: لاعيب من اختج

اشواق:: عادي.. انتضرني هسه اجي

طبگ حواجبه مستغرب اني دخلت جوه صابتله لبن ردت اطلع واندارت امي شايفتني

منوه:: وين رايحه؟

اشواق:: اكو جلب خطيه عطشان راح اشربه هذا

98

منوه:: وين شفتي

اشواق:: من شباك.. هسه ادخل

منوه:: بسرعه دنيا ليل حبيبتي

طلعت لكيته يمسح على ظهره اجيت يمه منطيته لبن

سجيل:: المن؟

3

اشواق:: الشيب ابوي

8

سجيل:: ههههههههه

اخذه مني يشرب وعيونه عليه وخر الكلاص منه ضحكت على شواربه

اشواق:: امسح شواربك ادمرت

طلع چفيته مسح وكام بكوه صاير گبالي مخلي الكلاص بيدي

اشواق:: شفتني هسه

سجيل:: كضي

مافهمته نزلت عيني وشفت بيده محبس شذرته ذهبيه على شكل فراشه

اشواق:: يجنن هاي الي

14

سجيل:: لاالشيب ابوي

رفعت عيني اباوعله مبتسمه لكيته مزغر عيونه صافن بوجهي اخذته منه لابسته رفعت حواجبي وكلت

اشواق:: تسلم، رومانسي الملا

20

سجيل:: تستاهلين ماي عيني

7

ماحجيت سكتنه شويه وطفت ضلمة المنطقه صاير هدوء محد بيها بس احنه

سجيل:: ضلينه وحدنه

باوعت البيوت جيران

اشواق:: الناس هسه نايم ...

قبل لا أكمل كلامي اتقرب بايس عيني غمضت متكزبر جسمي حاسه برعشه طول يلا وخر باوعتله بالعه ريكي.. غمض عيونه بايس عيني الثانيه لافحتني انفاسه الحاره

سجيل:: هل مره راح اتأخر بدوامي خوش

44

بقيت مغمضه احاول اسيطر على روحي بس هزيت براسي اي.. ابتسم كارص خدي

سجيل:: راح اروحن شيبة گلبي

باوعتله ممجاوبه هوه صعد بسيارته لوحلي بيده كلت بفهاوه

اشواق:: الله وياك

أشرلي ادخل رحت جوه ماده راسي هوه ساق السياره رايح اني طبگت الباب صافنه حاسه بشعور غريب

باوعت الأيديه يرجفن حيل خليتهن ناحية گلبي

اشواق:: شجاني

15

مرةة الأيام والأشهــــر وماكو خبر عن الملا !!..

87

بيوم جنت كاعده بيدي قماش وابره وخيط دا اتعلم الخياطه وانفتح باب غرفتي سريع باوعت فازه

اشواق:: شكو

خلدان:: جدي كومي بسرعه لبسي عبايتج

11

بهتت ملامحي لاچمني گلبي ميلت راسي

اشواق:: شنو صاير؟

خلدان:: سجيـــل ...!

106

قبل لايكلي شنو بي بس نطق اسمه وكعت قطعة القماشه من ايديه... "

يتبع...