رواية ندبات الملا بابل الفصل الرابع عشر 14 بقلم زينب جعفر

روايـــــــة ندبات الملا بابل 🐺

بقلمي زينب جعفر♥🌿

3

سووا تصويت وعلقوا بين فقره وفقره لطـفاً

صلوا على محمد وال محمد

"قراءة ممتعه"

1

​⊱━━━━⊰✾⊱━━━━⊰

خلدان:: سجيـــل !!

8

وگعت من ايديه القماش كلت بخوف

اشواق:: شـــنو .. شبي؟

4

خلدان:: مخابر على زمن كايللها يريد يشوفج من يجي

78

اشواق:: ليش شبي صايرله شي؟ وين جان صارله شهرين

خلدان:: دلبسي عبايتج خلي نروح يلا بعد جدج

2

هزيت راسي اي ركضت لابسه عبايتي ورحنه بقيت الطريق كله گلبي يدك سريع مامطمنه اتنهدت مغمضه عيوني ادعيله

لحد ماجدي وكف السياره نزلت بسرعه رحت السير من السيم طالع من زرف الباب جريته منفتح لكيت بوجهي زمن شافتني وابتسمت رحتلها شابگتها

زمن::عساچ بخير؟

6

اشواق:: الحمدلله، شبي الملا ليش هيچ اتأخر

زمن:: ما اعارف بس راح البيت صويحبه گبل لايجي هنايه

اشواق:: ايي ليش

خلدان:: كافي صفرتي وجه المره كامت تحجي جنوبي

8

اشواق:: هيه جنوبيه

خلدان:: زمن

22

زمن:: لاموجنوبيه اني حبيبتي

بقيت صافنه مامستوعبه ولامفتهمه باوعت الجدي مثل اليخزرها عافنه وراح

32

اني كعدت علىٰ الكرويته بلهول مبقيه الباب المطل علىٰ الطرمه مفتوح مرةة بساعه ونص واحنه كاعدين على اعصابنه

اشواق:: خاله حبيبتي كليلي شنوصاير والله گلبي دا يأذيني

زمن:: وضعي من وضعچ ماعارف عنه شي

اشواق:: زين كليلي علىٰ سجيل ليش هيچ كومه اسرار اله

2

زمن:: ماكو شي عمري

15

اشواق:: شلون ماكو شي خاله

رادت تحجي وأنفتح الباب اليطل على الشارع اندارينه اثنينه سريــع

2

دخل بزي دوامه مدمر ترابه وشعره مخربط، لاف أيده بچفيه ملطخه بالـدم ! مفتوح دكمتين وطالع جرحه البصدره .. مشى ناحيتنه وهوه يعرچ

اشواق:: ملا

38

رفع عينه الحمـر چمره من سمع همستي بقى واكف بمكانه وزمن ماتحركت بس مصدومه من حاله !!

ركضت اله شابگته حيل ابجي دافنه راسي برگبته

سجيل:: شومه .. غاليتي

55

وخرت من حضنه اباوع العيونه كلت بغصه

اشواق:: ليش هيچ صاير بيك

ابتسم تك خد، مد ايده المتربه ناحية خدي متلمسها

سجيل:: عايني مابيه شر

اشواق:: هوه اني اكول هيچ الحالتك

4

ضحك رجعت شابگته فلت ايدي عاض شفته الجوانيه يأشرلي الزمـن.. وخرت شابكه ايديه اليوره

سجيل:: حبيبه شلونچ

9

زمن:: يمه رجليه ماچاي يشيلني ليش هيچ وين چنت

3

باوعلي مبتسم وكال

سجيل:: لعبت طوبه

41

ضحكت وزمن ضربته اجتي بقت تبوس بي وتبجي هوه يبوس بأيديناتها ويهدأ بيها

سجيل:: عايني مابيه شر ولاعله حبيبه لاتبجين رجعتلج

12

اخذته تمشي على كيف واني لحگتهم هوه دخل للغرفه متمدد على الجربايه وزمن شهكت

زمن:: هاي شنيهاي البصدرك

سجيل:: تعورت غدروني ولد الچلاب

زمن:: يايمه شومه عايني

صرت گباله اباوع خايفه هوه غمض عيونه بكوه متنفس وكال مبتسم

سجيل:: حبيبه لاتخرعينها عايني وجها مصفر

14

زمن:: احجي الظهير يشيلك ياخذك دار الشفاء

10

سجيل:: لاحبيبه بس اريدن أتچفا لايضل بالچ عليه طاح حملي هسه.. ميل راسه يباوعلي.. وشومه راح داريني

24

استغربت مزغره عيوني هوه ضحك لازم ناحية صدره

زمن:: اذا احتاجيت شي احجيلي يمه حبيبي فدوه اروحلك

سجيل:: لانامي شومه راح داريني زين حنينه هيه

28

هيه هزت راسها وطلعت خزرته واگفه گباله

اشواق:: اريد اروح البيتنه شداريك شهل كلام

18

سجيل:: لوصدك تردين ترحين چان ما أچيتي واتعنيتي

2

اشواق:: مادري شي بهل سوالف

2

سجيل:: هسه شني رايد منچ

اشواق:: موتكللها راح داريني باوع كلك تراب ودم

سجيل:: داويني غاليتي

اشواق:: ماريد تلعب روحي من الدم

سجيل:: اخخ سوده بشاربي

اشواق:: تره مبين متأذي ليش مسوي روحك كلشي مابيك

4

سجيل:: أذه الغريب مايعور .. بس أذه الولف اخخ يا أذاه يلچم الگلب وسنين يضل حار يچويچ

29

باوعلي بنضرات ماعرفت افسرها انطيته ظهري كاعده بطرف الچربايه

سجيل:: هم بربوك أنتِ

108

درت كل جسمي اباوعله بصدمه

اشواق:: شنوو !

2

وكع راسه يضحك حيل

اشواق:: گبرر هاي عود انتَ ملا وتكول هيج

9

سجيل:: والله ماحبن أحچي هيچي

3

اشواق:: خرب حظي ماتحب وتكول الي والله يالله

سجيل:: غصبتيني بابا

اشواق:: شسويت

سجيل:: گبل شوية شابگتني نايمه بضلوعي وهسه تحجيلي تلعب روحچ

5

اشواق:: صدك تلعب روحي بس لأن جنت خايفه عليك حضنتك بسرعه وها ماطخيت صدرك

سجيل:: غير مردتي جرحي فوگ ماهوه ممرود الجلد

6

اشواق:: اييع

ضحك باوعتله مخلي باطن ايده على كصته

اشواق:: رجعني للبيت

سجيل:: ماعاينتي چاي أعرچ

اشواق:: لعد شلون ابقى هنا هسه

11

هز راسه اي طبگت حواجبي ضايجه وهوه فرحان بعصبيتي اتنهدت متمدده على جهه هوه رفع راسه

سجيل:: عليش متچيه بهل مچان

اشواق:: لعد وين أولي

كال بتلاعب ضام ضحكته

سجيل:: أيدي ماتلمچ شني؟

29

اشواق:: راح اكتلك فوك ما انتَ مكتول

19

ضربني علىٰ راسي خازرني

اشواق:: مواضيع ذني بطلهن ابني

12

سجيل:: السانچ كضي

ماحجيت هوه عدل كعدته وغمض عيونه متأذي

سجيل:: عايني رجلج شني يريدن غير مره أنتِ

اشواق:: شتريد

سجيل:: گلبي موچر

4

اشواق:: اكو كلمات ماكاعد افتهمها

6

دار وجه متنهد بتعب

سجيل:: احسن

اشواق:: ارجع احجي نفسي.. ملا

سجيل:: شيبته

اشواق:: بدل ملابسك

سجيل:: عايني بحيلي

3

اشواق:: شنو

سجيل:: مابيه حيل گلبي

سكتت افكر هوه باوعلي يمسح بيده السليمه على شاربه

اشواق:: اصيح زمن تبدلك

10

سجيل:: حرام تشوفني

4

اشواق:: ليش حرام موهيه ربتك شايفتك وانتَ صغير

رفع حاجبه وكال مأكد

سجيل:: صغير !

اشواق:: مو رحت الصديقك ليش مابدلك هوه

سجيل:: موش اكو ملابس غاد

اشواق:: انتَ تريدني احبك لو شنو؟

10

سجيل:: شعليها سالفه تبديله بلحب

اشواق:: لاتصير حباب

سجيل:: على حجيج سرسحي ترديني؟

اشواق:: لااا صير مؤدب واعرف حدود كل واحد بينه موجنت مسحوره استهترت. انت استغليت الفرصه

15

سجيل:: ياهوه حجه أستغليتچ؟

ماجاوبته هوه مسح على عيونه بتعب

سجيل:: لوصدك أريدن استغلچ ماهديتج من ردتيني

اشواق:: شوكت ردتك؟

9

سجيل:: شومه تعارفين زين شنو أحجي.. وهمن چان هديتچ ولاقريت عليچ ولابقيتچ بحضني بأصعب أيامچ

9

باوعتله بطرف عيني ماكايله كلمه

سجيل:: ولاضليت وياچ للفجر وتعارفين عدي دوام وشغلي موسهل وهنايه لابسلف بعيد يرادله طريق ساعات وسهر غاد

اشواق:: اي خوش فهمت

7

سجيل:: وسالفه النثيه الجبتي بلسانچ وچمرتيني صرت ما أشوف الچدامي بس اكسر

6

صفنت احس الساني انربط

سجيل:: ولارديتچ الهلج بصباحيات الله وهسه اني احجيلچ تعبان وأنتِ تعاينين الوضعي شلون صعب ماچاي ابين الچ ومبتسم الوجهج

30

كام بكوه معدل كعدته وكمل كلامه

سجيل:: وأنتِ تحجيلي لعبانه روحچ مني

37

تچه ايده الرأسية الجربايه وكام يمشي على كيفه متخربطه أنفاسه راح الكنتوره مطلعله دشداشه ذبيت عبايتي وكمت بسرعه جارتها منه اندارلي طابگ حواجبه

سجيل:: دني أيدچ وجيبيها

اشواق:: ولو دا تعيرني بس راح اساعدك

4

سجيل:: ما اعايرج بس تحجين استغليتني

اشواق:: ليش عصبت هيچ عادي مجرد كلام كلته

سجيل:: شومه، جيبيها

خليت دشداشه وره ظهري هوه صار گبالي كلش خازرني انا انطخيت بخشبه كنتوره

اشواق:: اساعدك

3

سجيل:: ماريدن مساعدتج جيبي

4

اشواق:: ماتكدر

سجيل:: طبني مرض جيبي

اشواق:: عود تريد تسبح؟

سجيل:: الملحه موحلوه شومه

7

اشواق:: موزين على جرحك

نتر بيه

سجيل:: كافي

اشواق:: امسح جرحك بوصله مبلله حتى مايجي على جرح لأن موزين والله

سجيل:: حتى ماكدرن وتضحكين ها؟

اشواق:: موهيچ والله

سجيل:: ماحبن احد يحجيلي اساعدك ومانها عليه كل عمري گضيته وحدي ما احتاچن أحد !

باوعتله وجه منطعن بلعصبيه هزيت راسي لازمه خده اهدأ بي

اشواق:: بس اني مرتك

15

سجيل:: وحجيج گبل شوية چنه السم

17

اشواق:: موقصدي اسفه والله هذا هوه ملا لامانه عليك ولاشي كافي

بقى صافن بعيوني وعيونه تچدح نار ميلت راسي كلت بأبتسامه خافيه ارتباكي منه

اشواق:: ها تقبل امسحلك؟

شمر روحه بحضني شابگني مخلي راسه برگبتي كزبر جسمي من شواربه تچكچكني ضغطت على ايدي.. هوه همس بقلة حيل

سجيل:: اعضامي مهدوده

46

اشواق:: هسه امسحلك ترتاح وتنام متفقين؟

هز راسه وخر لزمته أسانده وخر ايده

سجيل:: اكدرن أرجع المچاني

ماحجيت خليت دشداشته على جهه طلعت لكيت زمن كاعده على الكرويته تبجي شافتني وكامت

زمن:: نام؟

اشواق:: راح امسحله جسمه بلمي حتى يرتاح لأن مبين ضايج من ترابه

زمن:: اي هسه اترسلچ الطشت

راحت مطلعه من الحمام طشت فتحت المي استغفرت ضايجه

زمن:: بارد

ترست نصه وطلعت دله مخليه بيها من المي وحطته على نار تحمي صارت تخلي بطشت طلعت خاولي جديد وصابونه وديتول ولفاف اخذتهن رحت انگل بيهن لكيته ذاب ملابسه شافني وهز ايده

سجيل:: جايبه الدنيه كلها وياچ شني

اشواق:: اشش

رحت جبت الطشت على كيف امشي هوه ضحك خليته بلكاع ساده الباب وقافلته

سجيل:: المن فجي

19

اشواق:: معليك، ها تره موبلاش

9

سجيل:: مصلحچيه الغاليه

ضحكت فتحت كنتوري طلعت خاولي مالتي والبقچه فاتحتها

سجيل:: زين مني ماخذيت كل ملابسج ها

4

اشواق::كم وحده هناك.. كلهن هنا جايبهن

سجيل:: اعارف تضلين هنايه زوود

19

شكيت نصها صايره جبيره أشرتله يجي يكعد اتنهد واجه كعد جبت الطشت يمه منگعه الخاولي وبديت امسح على ظهره

اشواق:: ملاتي

36

رفع حاجبه يباوعلي منصدم

سجيل:: رد ألچ الجني شني

10

اشواق:: ههههه لاصدك ملاتي

8

سجيل:: شكو

اشواق:: زمن جنوبيه؟

سجيل:: حلو سالفه بيها اسأله .. اي جنوبيه

اشواق::قبل شويه كالت موجنوبيه

سجيل:: ليش صار؟

اشواق:: اني سألتها

ماحجه غمض عيونه مرتاح رجعت نگعتها باوعت مزغره عيوني

اشواق:: هاي شنو الأثار بظهرك

21

سجيل:: اشش

سكتت مكمله مسحت رجله اثنينهن هوه كال

سجيل:: شلون صرتي؟

اشواق:: زينه

سجيل:: لعبت بأعياد وجنانيها لعب

اشواق:: شسويت ماكلتلي

سجيل:: صارت چنها فاره

9

اشواق:: هيه فكت السحر مني

سجيل:: اي بس موسحر

اشواق:: لعد شنو؟

سجيل:: چانت تريدن تسوي بت الچلب بس ماكدرت

20

اشواق:: ليش ماگدرت

سجيل:: سالفه يحتاجلها قربان

60

اشواق:: ها؟

فتح عيونه منتبه الكلامه

سجيل:: بس لاعبه بقرينچ

17

اشواق:: شنو يعني قربان؟

سجيل:: سوالف ماتعارفين بيها غاليتي

اشواق:: مادا افتهم شنو لاعبه بقريني

سجيل:: هوه أساس السحر يتعاملون ويه القرين وبت الچلب سوتچ تشوفينهم جنانوه بس من قريت عليج صاروا بس خيال اسود

اشواق:: القربان شنو؟

4

سجيل:: نذر للشيطان

12

اشواق:: هم مافهمت

سجيل:: من كثر سحورتها شيطان رايد نذر يلا يسويلها بعد

26

اشواق:: شيريد مثلاً؟

ماحجه اني فركت جسمه بصابون مامتقربه من جرحه رجعت ماسحه جسمه بلمي

اشواق:: ماراح تكلي

سجيل:: ماريدنچ تعارفين هيچ سوالف تعبانه

جبت خاولي ثاني انشف جسمه وجهي صار گبال وجه

اشواق:: حباب بس كلي شنو تنطي

سجيل::هوه قربان.. تذبح طفل او انسان اله

86

وكع خاولي من ايده فاتحه عيوني على حيلهن ناغزني گلبي هوه لزم ايدي

سجيل:: ماتسويلج شي اذبحها گبل لاتذبح احد

اشواق:: هيچ حقارتها توصل

سجيل:: لابابا وين كاعدين ماتسوي اكو قانون وشرطه

اشواق:: لا ملا يعني.. سكتت نازله دموعي

سجيل:: كافي يابه ماتسويلج شي

اشواق:: عساها بنار جهنم

18

سجيل:: چا طبعا بنار شحسبالج الها مجال تفوت الفردوس؟

6

اشواق:: كون حوبتي تطلع بيها

سجيل:: همه جنانوه راح يديرون عليها

اشواق:: شلون يعني

سجيل:: اذا ماسوت قربان يصيرون ضدها

40

ماحجيت مسحت جرحه بديتول غمض متأذي

اتقربت انفخ على جرحه شويه وباوعتله لكيته صافن بوجهي مبتسم تك خد مبينه غمازته

15

مديت ايديه لافه طرف شاربه رافعته فوك ضحك حيل مهتزه أچتافه

سجيل:: سوده بشاربي

9

اشواق:: ليش

سجيل:: جيبي ملابسي

اشواق:: لا صبر

رحت ادور بلكنتور هوه ضام غراضي وملابسي البقيه بيها

سجيل:: شني تردين؟

اشواق:: بودره والمسك مالتي

سجيل:: خذيتهن ويه شغلاتج الغاد بيتكم

اشواق:: عندي اكثر من وحده ابني

11

دورت ولكيت بودره قديمه والعود كعدت يمه

اشواق:: لكيت العود كلش طيبه ريحته.. خلي اخليلك بودره

سجيل:: رجال شكبرني يابودره

15

ماستمعتله رشيت الظهره هوه يهز بأيده ومسحت خليت كل جسمه ومسحت ركبته بلعود واماكن النبض

سجيل:: طيبه ريحته

9

اشواق:: موكتلك

سجيل:: شامها بيچ

13

ابتسمت وانطيته ملابسه منداره هوه لبسهن

اشواق:: كملت

2

سجيل:: اي عايني

انداريتله مبتسمه اخذت مشط مشطتله

سجيل:: اني احبن ريحه الغاد حطيلي منه

اشواق:: قوي عطره ماحبه

سجيل:: مال زياره ولچ

اشواق:: قوي عطره هذا اطيب

سجيل:: حطيلي منه شومه بركه هذا

2

لزمته أسانده هوه ضحك اتمدد بجربايه رحت جبت العطر يصير عبالك زيت لونه احمر طوخ مسحت الدشداشته شوي غمض عيونه مستنشق

سجيل:: يخبل

اشواق:: العود

سجيل:: اثنينهن لاتزعلين غاليتي

1

غطيته فاتحه دكمتين من دشداشته مطلعه جرحه ملفوف

اشواق:: خلي يجيك هوى

سجيل:: احجي الزمن تغسل چفيتي

هزيت راسي هوه اتنهد براحه

اشواق:: تحس نفسك خفيف ها

4

سجيل:: ههههههه والله ألچ حچايات .. بس اي مرتاح رحمه الله والديج تعبتچ

5

شكيت من وصله جهه ناشفه ولفيتها على ايده المنجرحه وشديتها رحت مرجعه الغراض كل احد بمكانهن وطلعت يم زمن لكيتها بطرمه ترشرش الزرع

اشواق:: لاترشهن اهواي مي يموتن

زمن:: چاي افكر غفلت

2

رجعن الاسئله باله بس حسيت مو وكتها سكتت ساده الحنفيه

زمن:: لا اريدن اغسل الطرمه

اشواق:: باوعي الغيوم راح تمطر حرامات تعبين روحج

زمن:: سجيل نام؟

اشواق:: اي اتمدد مرتاح

جرت وجهي بايستني فرحانه

زمن:: فدوه الگلبج لوتعارفين كثر أحَبنچ

13

ماحجيت ماعارفه شلون اجاوبها هيه كرصت خدي ودخلت كعدت على صبابه السمنت منداره للزرعات متلمستهن صار المغرب واني كاعده وحدي دخلت للمطبخ لكيتها تطبخ

اشواق:: شنو تسوين

زمن:: محروگ اصبعه

84

هزيت راسي وصبيتلي مي دخلت الغرفتي لكيته بعده متمدد ومطفي الگلوب مبقى بس الأصفر

اشواق:: نايم كاعد

2

جر البطانيه مغمض عينه

سجيل:: نايم

6

اشواق::كوم اتعشى

سجيل:: شني العشى؟

اشواق:: محروك اصبعه

سجيل:: لاشني أنتِ هنايه حاجيها تضمه راح اخابر ابوجاسم يسويلنه صينيه كباب

اشواق:: اذا انا يمكم اكل من بره

عدل كعدته متچي راسه على رأسيه الجربايه أشرلي على التلفون الأرضي

سجيل:: دني يمي

اشواق:: ملا عادي شايفني غنيه واكل بس من بره

سجيل:: جيبي التلفون غاليتي

اشواق:: عادي احبه بيبيتي تسوي النه مرات.. وزين منك گصبناك بلمهر

14

سجيل:: هههههههه لاموهل كثر هوه

اشواق:: وكت حصار هسه اكو ناس حتى ماعندها موز تاكله وانتَ دفعت هلكد مهري

3

سجيل::فدوه ألچ

23

ابتسمت ممجاوبه كعدت يمه على طارف

اشواق:: مال راتبك مهري لو ضامهن؟

سجيل:: اسألتج اهوايه گلب گلبي

2

اشواق:: لاصدك

سجيل:: ضامهن چنت

اشواق:: المن

كام وكرص خدي

سجيل:: مهرچ

اشواق:: تضحك عليه كول الصدك

سجيل:: جنت رايدهن اشتري بيت وهم زوود يفيدني

ماحجيت بقيت اباوعله هوه منزل راسه ناحيتي همس

سجيل::يلا امشينه

كمت وياه لكيت زمن صابه بلهول بلكاعيه فارشه وصله كعدنه مديت ايدي اكل باوعت لكيت انظاره عليه طيف ابتسامه على شفايفه

اشواق:: احبها هل أكله

1

سجيل:: عافيات

بقينه ناكل وزمن عينها على سجيل كل شوي تحجيله اذا جرحه ياذي وهوه يهدأ بيها بكلامه

زمن:: شومه اليوم تضلين مو

كلت ولگمه بحلكي

اشواق:: لا اريد ارجع البيتنه

زمن:: ليش مومشتاقيلج

اشواق:: انتِ تشتاقيلي اصدك هوه لا

5

زمن:: ههههه لاسجيل يحبنچ يمه

11

سجيل:: لوتحجين منا للصبح مايفيد

اشواق:: عشير يسأل عليك

سجيل:: الأيام چنت موجود بيها مايجيني لاهوه ولامسلام.. شلونه؟

اشواق:: ضايج وحابس روحه يقره كتب دينيه

سجيل:: عليش ضايج؟

اشواق:: يحب وحده ومادا تصير من نصيبه

زمن:: ليش خو خطبوها

اشواق:: بيبيتي وامي كالن بس هوه عشير مايقبل يروحن

زمن:: هههههه چا شون يريدها

اشواق:: يكول مايقبلون بيه

سجيل:: غير يخطبها يلا يعارف يردونه لا

اشواق:: يكول شايفينه ويكرهونه حتى راحلهم بوحده عود ها زمن موتكولين البيبي ماتدري

زمن:: لاماشايفتها

اشواق:: اي رايح بوحده بس كايللهم اجيب اهلي نتقدملها بس همه ماقابلين يردونها الواحد عود حالته الماديه احسن من اخويه

19

زمن:: عشير بعده صغير

اشواق:: عكب باجر عيد ميلاده كل مره يخبصنه هل مره ماكو ولاجايب سيره بس حاشر روحه بغرفته وماما تكول بليل تسمعه يقره قصائد

4

سجيل:: خوش زلمه

3

اشواق:: خايفين علي احنه ياخوش زلمه

9

سجيل:: وادم غيره من ماتعاين ماصار التريده يفعلون سوالف كثر

زمن:: اي اسم الله علىٰ اخوج بس اكو اهواي يرحون الطريق موزين واكو يذبحون روحهم

اشواق:: شنو سالفه

سجيل:: غير حب

1

اشواق:: يوكل يشرب الحب ماعدنه هيج مواضيع نتخطى بسرعه احنه

31

صار گبالي ميل راسه مزغر عيونه

سجيل:: ماحابه؟

19

اشواق:: لا مادري شنو شعور الحب اصلاً

4

زمن:: هوه الواحد يفج عيونه علىٰ حب ابو وامه

اشواق:: اني ماحب ابويه الأشخاص الوحيدين الحبيتهم بحياتي اهلي.. الي همه امي واخواني واختي

سجيل:: بعد؟

17

اشواق:: بيبيتي هم ههههه نسيتها

زمن:: بيت جدج؟

اشواق:: اعزهم

سكتوا اني دنكت اكل شويه وباوعتلهم لكيت سجيل يباوع الجرح ايده وزمن رافعه ايديها تقره سورة الفاتحه

نكتت ايدي وكمت اغسل طلعت انشف ايدي بلخاولي علىٰ الكرويته أجت عيني على الطشت بلحمام رحت اخذته وترست نصه مي وجبت صابونه جبتهم السجيل ضحك

سجيل:: شنيهاي ولچ

اشواق:: غسل

10

زمن:: لا چا هيچ ماراح افكر بسجيل ههههه

ابتسمت باوعتله أشرله يغسل هوه اجه يمي يغسل واني لازمتله الطشت أشرلي علىٰ صابونه انطيتها اله غسل وهمس بصوت ناصي يم أذني

سجيل:: حسبالي همن تسبحيني

20

رخت ملامحي اباوعله ضام ضحكته درت وجهي الزمن ماتباوعلنه عينها علىٰ الشباك

زمن:: چنها راح تمطر

اشواق:: ملا عيب

نكت ايده راجع اليوره اخذت الطشت وكمت اسمعه تحمحم يكح

زمن:: كض هاك مي حبيبي ابني

سجيل:: حبيبه بس لاشاره ملابس بره

زمن:: اي والله بس لاتنگعن هسه

اشواق:: اني راح اجيبهن

4

رادت تكوم ماخليتها رجعت الطشت مغسله وطلعت بطرمه اجيب بلملابس وعيني على السماء لايصير رعيد بقت اخر قطعه ملابس وصار رعيد قوي ركضت داخله

7

لكيته متچي مخلي ايده على راسه ويضحك عليه

اشواق::ليش تضحك

سجيل:: غيري ملابسچ لاتستبردين

خليت الملابس على الكرويته وطبگت الباب قافلته مسحت علىٰ ركبتي

اشواق:: دا تمطر قوي

سجيل:: اخخ ياشيبتك يابويه

2

اشواق:: ليش

سجيل:: اليوم وادم راح تنام بين ايديه

20

اشواق:: خاف ضربوك هم على راسك

6

سجيل:: ههههههههه ليش ولچ

5

اشواق:: مستهتر وسرسحي اني اتخبلت من جنانوه اعياد واستهترت موتكلي لمي اخلاقچ

13

سجيل:: لأن موبعقلچ چنتي گلبي وحاجيلج گبل الواحد موبرضاته ماسويله شي

اشواق:: وهسه شنو

سجيل:: هسه بعقلچ تعارفين شني احجيلج وذا صار شي برضاتج

شلت ملابس زمن رحت ناحية غرفتها وكلت

اشواق:: لاهم موبرضاااتي ملا

ضحك ضحكه طويله، فتحت الباب على زمن لكيتها تحط دهن الأيدها شافتني وابتسمت

زمن:: تعبتج گلبي

2

اشواق:: لا گلبيي

3

خليت ملابسها على جربايه وطلعت ساده الباب وراي شفت سجيل ماكو وماخذ ملابسه خطفت نظره للغرفه لكيتها كاعد بلكاع وفاتح كنتوره يسفطهن

اشواق:: عائله بس يكولون گلبي وماگلبي

رفع راسه سامع همسي

سجيل:: ها گلب گلبي

32

اشواق:: ها

3

سجيل:: نامي

اشواق:: اريد اغسل المواعين

سجيل:: ملابسچ مبلله غاليتي غيريها وروحي

اشواق:: هم راح اتبلل

سجيل:: لاتلحين وتعاي هنايه

1

ماجاوبته رحت للمطبخ اغسل بلمواعين خلصتهن بسرعه نشفت ايديه بملابسي وترستلي بطل مي رجعت للغرفه لكيته كاعد بمكانه ضايج

اشواق:: كملت شبيك

ماجاوبني سند روحه بخشب الكنتور وكام اني سديت الباب رحت لازمه ايده

سجيل:: ادني غاد هديني

اشواق:: مافهمك ابني

3

سجيل:: روحي هناك عوفيني

اشواق:: هههههه شبيك افتهمك تره

سجيل:: احجيلج بلغات وخري

اشواق:: لاتزعل

سجيل:: زعل عايفه ألچ

اشواق:: ترا اطلعلك وجهي الثاني شنوهاي تتدلع عليه

7

سجيل:: شدلع ولچ

8

خزرني وخرت ايدي ضايجه

اشواق:: روح انتَ

3

رجع للجربايه متمدد منطيني ظهره

اشواق:: ابقى مندار اريد ابدل

ماحجه متنهد غمض عيونه طلعتلي دشداشه حمره بيها خرز ابيض واسود كبار لبستها رحت للمرايه امشط شعري انتبهت طولان صاير الا شوي ويوصل الچتفي دورت بجرارات على گيتره هوه كال

سجيل:: موزين

اشواق:: شنو؟

سجيل:: تعاينين للمرايه بليل

51

اشواق:: لاتحاجيني ولا احاجيك

سجيل:: وزعلانه فوگ سوايتها

اشواق:: شمسويه؟

سجيل:: ياهوه هداني وراح ضليت احجي وحدي

1

اشواق:: بس موالهدرجه تثگل وجهك عليه

سجيل:: ما احترمتيني

اشواق:: انت ستوك هم توخر بيه هم ما احترمتني

دنكت لكيت گيتره مال فلوس اخذتها شادتها بشعري مسويته ذيل حصان سديت الجراره وفرشتلي بلكاع يم جرارة الجربايه اتمددت انام هوه حس عليه اتحرك نايم ناحيتي

سجيل:: نامي علىٰ الچربايه

9

اشواق:: معليك بيه

بقيت مغمضه منطيته ظهري مد ايده كارص خدي كزبرت موخره ضايجه

اشواق:: شجاك

سجيل:: ذيل حصانج بكثر اصبعي الصغير

13

اشواق:: لاخوش ملا يعيب

6

سجيل:: هههههههههههه

اشواق:: وخر ايدك

بقى ايده على شعري

سجيل:: لاحلو احبن الشعر الطويل

12

اشواق:: شعري مگرطف منيله طويل

غمضت عيوني صار هدوء الشويه وسحبني من ملابسي بيد وحده رافعني من المخده

كلت بفزع

اشواق:: شكو؟

11

دنك بايس شعري وخرت خزرته

اشواق:: مخبل شنو طيرتلي گلبي

7

سجيل:: وين طار بواشنطن

18

اشواق:: راح اخنكك

سجيل:: تعاي هنايه نامي بچربايه

اشواق:: ماريد

سجيل:: اني راح انامن بفراشي

اشواق:: راح اركع راسي بلحايط

3

سجيل:: ليش ولچ

اشواق:: نام بچربايتك عوفني انام مو وكت حنيه نعسانه والله

4

سجيل:: نامي يمي چا

اشواق:: لاصدك ضاربينك براسك

2

ضحك واني هزيت ايدي جاره البطانيه على راسي مغطيته ونايمه اول ماغفيت حسيت بلمسات فتحت عيوني على كيف لكيته شايلني مخليني على الجربايه مزغر عيونه متأذي

سجيل:: مردتي ايدي

7

انداريت للجهه ثانيه نايمه هوه غطاني.. للصبح فزيت من نومي افرك بعيوني لكيته مخليني بجربايه ونايم بفراشه ايده راجعه نازفه دم لاف عليها چفيته

بلعت ريكي مبتسمه اباوع الوجه

اشواق:: رجولي زايد

103

"""""""

رند:: بابا وره الغده خلي نروح للبستان

4

اعياد:: دخل نتريك بالأول والله بطرانه أنتِ بس تردين تفترين

22

حوريه:: شسالفه اعياد شكالت البنيه

خلدان:: مانروح اسكتوا

رند:: لايابه ليش

خلدان:: العصر اريد اروح بيت عشير

رشيد:: موتروح بليل

خلدان:: عشير يروح الدوامه فا ابقى يمهم

رند:: يابه ماطول عاجبني اروح للبستان ماطره البارحه وثامر يكول طالع زرع جديد اريد اشوفه حباب

خلدان:: خلي واحد من اخوانج ياخذونج

رند:: ظهير وزاهر بدوام ورشيد يكعد ويه العمال يبنون بس ميسر

اعياد:: ميسر مايروح خلي يبقى يرتاح

4

خلدان:: صدك شنو هل طابوك يابناء

رشيد:: يابه اريد اشتريلي سياره وعلى صفحه يبنولي هيج

خلدان:: گن شنو؟

رشيد:: لا مو گن بس مكان صغير اخلي بي سيارتي

خلدان:: وليش ماتخليها بلباب

2

رشيد:: هوسه يابه بس عربانتك والحمار كافي

خلدان:: صدك حوريه كولي الهيثم يوكل الحمار

11

رند:: يابه خلي اخذ البنات ونروح

خلدان:: اخذي من ولد اخوانج ثامر هيثم حميد ارقب اي واحد منهم

اعياد:: ارقب ماصدكته يجي من الدوام اتكسر تكسر هنااك بلحدود كله من ابن ظهير عسى حوبتي ياربي ماتتعداه وتركض وراه ركض

54

خلدان:: لايطول السانج لچ تره انوم البيض براسج شهل الاحترام العندج

10

اعياد:: رند عوفي ابني واصلاً تلكين البستان كله طيانه شعندج رايحه

ضجت نغزت غرام

رند:: غرام جاوبيها.. غررررام

6

فزت تباوعلي

غرام:: ها

رند:: شنو جنتي نايمه

غرام:: لاصفنت شكو

4

رند:: جاوبي اعياد حجت عليه

غرام:: شكالت؟؟

رند:: اهوو اسكتي كلشي ماكو ارجعي الصفنتج

غرام:: متجاوبيها انتِ

رند:: ماعندي السان

غرام::موهذا لوطلعينه بس عليه

رند:: بشبش.. سويت حركه البوسه اكثر من مره

غرام:: ادري بزون كدامج

رند:: ليش صافنه ها بس لاعاشگه

خزرتني اخذت من الخضره ودحستها بحلكي

خلدان::شنو طلي

30

غرام:: تحب الخضره رند

صباح:: ثامر شلون صار حرك ايدك

ثامر:: من زمان طاب بس بقى اثر

صباح:: تكدر اليوم تاخذنه للبستان؟

اعياد:: دباع الجبيره هسه ويامن احجي اني

25

خلدان:: ويه الحيطان انطيناج مجال كومي الغرفتج يلا

24

بقت تخوزر بينه وكامت دردم بصوت ناصي صعدت الغرفتها

رشيد:: هسه تكول الميسر

خلدان:: اشك حلكه اذا فتحه شنوهاي انطيتكم مجال

4

رشيد:: احنه شعلينه يابه

خلدان:: اكل انتَ موعليك

غرام:: ليش جايبين خضره

رند:: محسن يحب ويه لفه الجبن خضره

7

غرام:: هوه شبي منخلس جان بس يكمز

15

رند:: تلكينه متزاعل ويه ثمره

ثمره:: مازعلانه وياه

6

رند:: ها ولج تسنطين موعيب

ثمره:: عمه اريد عسل

خلدان:: وين النه فلوس بت الكلب

7

رند:: تردين مربه

ثمره:: وينها

رند:: اليوم نروح للبستان ناخذ كم فاكهه واخلي غرام تسويها الج مربه ها شتكولين

ثمره:: اي بس اني مامزعله محسن

2

اتقربت شاورتها

رند:: لعد كليلي شبي وماكول الأحد

ثمره:: اعياد اخذته الغرفتها ومادري من اجه هيج

92

رند:: مارحتي وياهم؟

ثمره:: ردت اروح بس ماقبلت وخزرتني حتى ضربتني هنا

شوفتني ايدها صاير شخط من طول للطول مال اظافر طبگت حواجبي اباوع الأيدين اعياد

رند:: بس اعياد ماعندها اظافر طوال تصلي هيه

26

جريت غرام حاجيتلها هيه خافت

غرام:: بس لاكلام اشواق صحيح

رند:: ياكلام؟

غرام:: نسرين سامعتها تكول الفيحاء اعياد تنگلب جني

رند:: هههههه يمعوده بس هيه موراحه وصدك بيها خباثه

غرام:: وشويه سحوره

رند:: لاكافي عيب تبقى زوجة اخونه

سكتت هيه رجعت اشاورها مبتسمه

رند:: من يوم عزوز كتل الولد علمودج وانتِ تصفنين شنو تذكرين المشهد؟

9

غرام:: ادبسز ولج لايسمعنه ابوج اخوانج اشش

رند:: سكتت

كاموا اني بقيت اكل واجت اعياد

اعياد:: كومي شيلي الاكل

رند:: بعدني دا اكل

اعياد:: شلون يعني نبقي البيت وصخ نريد ننضف راح يصير الظهر خلصتيها اريد بستان وما بستان وما أكلتي ويانه الله اكبر عليج

9

رند:: هسه اخلص واشيل المواعين

اعياد:: بسرعه

غرام:: شو تصيحين علىٰ اختي انتِ؟؟

2

اعياد:: شنو ولج محامي مالتها

غرام:: كافي طلعتيها من ماعوونها احترمي نفسج وأوزني كلامج مره جبيره انتِ

بسرعه هجمت تريد تكتل غرام اجه ابويه دفعها عايط عليها

خلدان:: والحسين ماتستحين ادبسز

1

اعياد:: مره شكبرني هاي تصيح عليه !!

ميسر:: شكو؟

اعياد:: ابوك يدفع بيه وهاي رافعه صوتها عليه شعلوه وذيج اكلها كافي خلي نشيل المواعين ماكو شلون تردوني انضف وانتوا هيج والله ياعمي ماتوقعتها منك

ميسر:: ابوي صدك تحجي شنو دافعها موعيب عليك

18

خلدان:: تاكل خره وماترفع صوتك عليه فاهم

6

ميسر:: اعياد اصعدي فوك للغرفه

عافتنه وطلعت هوه راح وراها ابويه خزره كام يصيح

خلدان:: لك تنطيني ظهرك وتولي ابن الچلب ادحس النعالات بحلكه اليفتحه ويه بناتي فااهم اني الكم

14

رند:: كافي يابه اعصابك

خلدان:: معليكم بيه غرام خابري على امج خلي تجيب المنوه وبنات يجن هنا

غرام:: خاف ماتقب ...

قاطعها زايده عصبيته

خلدان:: اذا ماقبلت كليلي ادري شلون اشك حلكها واسكتها

10

دخل الغرفته يدردم اني شلت المواعين خايفه دخلت للمطبخ لكيت البنات خايفات

نسرين:: ليش عمي هيج ضايج

رند:: اعياد وميسر ضوجوا

حوريه:: اعياد صايره موشلون ماجان تغث

1

نسرين:: هسه هيه يمچ حتى تحجين عليها؟

15

حوريه:: ليش ذني موخواتي هم بس تصيح عليهن گاضيتها وابنها لادزه ولاهاي مخليته ملك بس اني جهالي يفترون ثامر روح حميد تعال وحتى هيثم كل شوي دازينه خو محسن شكدوده يروح كلساع يشتريلها

نسرين:: تعايرينه انتِ لأن ندز بجهالج

18

حوريه:: موهيج خيتي بس ابنها لازم تحركه حتى احتياجاتها جهالي يجيبولها

نسرين:: ابنها موخطيه بشغل ماتشوفينه انتِ يجي تعبان ومن وره سجيل انقل للحدود شغله صار اخطر المره نفسيتها تعبانه غير ابنها وتخاف علي يعني ارقب مقصر وياجن من هنا مايجيب غراض الكم

43

صباح:: على كيفج نسرين شكالت حوريه

نسرين:: مصختنها وياها شكالت اعياد وشسوت اعياد مره خطيه نفسيتها تعبانه ومحد مقدر هل شي

49

رند:: كافي بنات سدن الموضوع

كلهن دارن وجهن ضايجات مكملات شغل البيت اني طلعت لكيت ثامر بوجهي ابتسم يجعص بخدودي

رند:: اهوو وخر

1

ثامر:: عمتي الحلوه

رند:: ميانتك الزفره طلعها ويه غرام مواني

ثامر:: موتردين ترحين للبستان

رند:: اءء تاخذني؟

2

ثامر:: اي وره الغده ماعندي شي انتِ وامي هم اخذها تغير جو

حضنته هوه يضحك

ثامر:: اجعص خدودج الحلوه

5

رند:: انجب وخر خلي اروح اصلي

ثامر:: بعده مامأذن دايقره

رند:: اي اقره قرأن بينما يأذن

ثامر:: صديقتج معلمتج على الدين اهوايه

12

رند:: غناوي ورده مال الله تخبل

4

ابتسم اني رديتها اله رحت بره متوضيه بلمغسله ودخلت للغرفه لكيت غرام كاعده علىٰ الجربايه مچتفه وصافنه

رند:: ماتكليلي شبيج

باوعتلي اني لبست چادري لزمت القرأن

غرام:: اخاف

رند:: من شنو؟

غرام:: احبه

16

رند:: لاتزوجينه ويكتلج؟ هههههه

غرام:: لاموهيج بس هوه مبين جبير

رند:: موكلش حلو هوه غير الصدك

غرام:: بس اخر عركه صارت من صار قريب انتبهت اول مره ركبته وتجاعيد اله

14

رند:: يعني شكد يطلع اربعيني خمسيني؟ انتي ثلاثينيه

14

غرام:: بربج اخذلي واحد اكبر مني بعشرين سنه

6

رند:: وذا

غرام:: كم شهر ويموت وأصير ارمله

7

رند:: اسم الله عليج بس يجوز تموتين گبله شمدريج بيوم الانسان

15

غرام:: رند شكبره شلون اموت قبله

3

رند:: شعليها الأعمار هوه كل واحد يومه مكتوب يم ربج.. وهاي اذا اخوج ميسر قبل تاخذينه

غرام:: هم صدك

رند:: اممم تردينه؟

غرام:: لاموهيج شسوي بي استغفرالله

رفرفرت بحواجبي اضحك

رند:: مبينه حبيبتي

غرام:: انجبي لج ماحب سوالف استحي ومادري شنو اكعدي

رند:: هوه جبير بس موكلش يعني الرجال اله عضلات لو بلخمسين منيلهة

13

غرام:: موعضلات هوه طويل وبنية جسمه ضخمه

رند:: هسه شعليج بلعمر

غرام:: تخيلي يطلع ستيني

8

رند:: عادي

غرام:: شنو العادي

رند:: عليمن مدوخه روحج لاتفكرين بي وهذا هوه

غرام:: اني مامخليه بالي سالفة زواج بس هوه لازكلي وين ماروح الكاه بوجهي

رند:: اذن التهيت وياج عود كلت اقره قرأن

هيه كامت تتوضى واني صليت للظهر وره الغده كملنه شغلنه رحنه انا والبنات نسرين بقت يم اعياد.. اخذنه ثامر للبستان

20

ثامر:: بوجهكم للبيوت مال گصب ديربالكم كاعيه اكثريتها رطبه وطين

رحنه ناحية البيوت وحوريه فلتت رجلها بطين جريناها وهيه حاصرتها البجيه

رند:: يلا فدوه الي

حوريه:: لومأجلتها اوف منج

دخلنه بيت الگصب غرام طلعت كتاب القصص دور القصه انا عيني على البستان

رند:: ثمره خطيه مشتهيه مربه راح اگطفلها شوية من الفواكه واجيكم

صباح:: ديربالج لاتغطسين بطين هم وين نطلعج

غرام:: شنو رأيجن احجيلجن الرجال الغطس بطين ومات هناك ومحد يدري بي

5

رند:: انجبي موهسه

نبأ:: وين اكو رجال يموت من طين

غرام:: طين بقى يسحبه لحد ماغطس كل جسمه و وجه واختنك ومات

45

رند:: اهووو سكتوها

صباح:: حرگتي علينه القصه كلها دوريلج غير وحده

رجعت ادور اني طلعت اتمشى بكوه وحذائي ادمر بطيانه اتعلگت بشجره اگطف تفاح

رند:: يمكن ماكو تين

6

حسيت بخيال باوعت بسرعه وشفته رجال واكف لابس شفقه مدوره بيها خيط لون بني على ركبته ولابس قميص بني وبنطرون اسود

10

صفنت بس ارمش باقيه متعلگه وبيدي تفاحات

رند:: يمه شنوهاي

14

دار وجه بسرعه

:: اسف خويه مادري بيكم هنا

11

رند:: صدقه المحمد

73

سمعني اني انتبهت الروحي نازله شابگه تفاحاتي وركضت ناحية البيت سمعت صوت ضحكته ابتسمت ودخلت طابگه الباب

صباح:: شبيچ تلهثين

10

رند:: ابو بشير عنده ولد

9

حوريه:: لعد بشير ياهوه يحضي

14

رند:: لا غير بشير

نبأ:: لاماعنده بس بنيه وهذا هوه

غرام:: ليش شفتي؟

رند:: ها لا اسأل اتذكرتهم اخر شي موجانوا صغار

حوريه:: لاكبر هسه شاب صار

غرام:: خيولي حقير

رند:: ليش

غرام:: موزين عاف ابو واخذ اخته راحوا للبصره علمود امهم طلكها

رند:: ها اي صحيح تذكرت

كعدت افكر بيني وبين روحي اكول

رند:: يمكن مو هوه.. لعد هذا منو؟

17

"""""""

اشواق:: مرة الأيام والأسابيع واني يم سجيل هوه يروح للدوام وينزل واني مارجعت الأهلي وبيوم وهوه صارله كم يوم نازل من دوامه متحسنه رجله صار يمشي عليها بدون مايعرج وباقي جروحه اتحسنت شويه بس تأذي اذا اتحرك حيل..

سجيل:: شني تسوين؟

ماجاوبته باقيه متمدده وارسم اجه يمي مدنك يشوف

اشواق:: انتهاك خصوصيه هاي ملا

شاف رسمتي زغر عيونه أشر باصبعه

سجيل:: ياهمه الراسمتهم

اشواق:: اني وياك

10

سجيل:: لتجذبين

اشواق:: والله شبيك

باوعتله هوه نزل راسه ابتسم طخ خشمه بخشمي

سجيل:: ليش ترسمينه

9

اشواق:: مادري مابالي شي ارسمه خليها ذكره

10

باس خدي بسرعه حاسه بشواربه مبللات كمت كاشه روحي امسح خازرته

سجيل::ماحبن الذكريات

7

اشواق:: ليش بستني موتدري ماحب شواربك تبزبزني نوب مبللات

7

نشف شعره المبلل بلخاولي يضحك

سجيل:: وانتِ ماتعارفين اكرهه الذكريات؟

اشواق:: تردها الي عود

شمر الخاولي عليه

سجيل:: هيچ شي

وخرت الخاولي متنرفزه هوه لبس دشداشته وكف كدام المرايه يرش عطر

اشواق:: اخنكك ملا

سجيل:: وين العود

اشواق:: بخانتي مال كنتور .. وين رايح

طلعه وحط الركبته يمسح

سجيل:: شغل

سكتت هوه باوعلي هاز راسه شنو

اشواق:: شو فرحان

سجيل:: حرام شني

اشواق:: لافرحان كلش وين رايح كلي

24

سجيل:: اخخ تغار الغاليه

7

اشواق:: لو اموت ما اغار عليك

7

سجيل:: چا ما أحجيلچ

طلع بره الغرفه شمرت الورقه لاحكته

اشواق:: كلي لاتعصبني

سجيل:: كل مره من اطلعن ماتحجين شبيچ هسه

اشواق:: لأن تكلي وين تروح

سجيل:: موحجيتلچ شغل؟

جريت ايده اعت بي

اشواق:: مـــلا !

ابتسم تك خد طالعه غمازته

سجيل:: شيبته

اشواق:: كلي تره اتخبل عليك

2

سجيل:: اكو مجلس حسيني اروحله

اشواق:: هسه!!

سجيل:: اي؟

اشواق:: شنو ليش ماكو استشهاد هسه

سجيل:: يردون يتعلمون يقرون

اشواق:: ديربالك لايشوفونك تقره مجالس

15

كرص خدي وراح لابس شحاطته السوده وطلع ركضت الكنتوره فاتحته وشفت شماغه

اشواق:: عباله مانتبه الشماغ يلبسه يلا يروح

5

ضغطت على الباب ضايجه ردت اطبگه واجت عيني علىٰ دفتر مندحس بين ملابسه اوراقه لون جوزي طلعته علي خيط مشدود ورده

10

بقيت متردده بس قررت افتح الدفتر وخرت الخيط منه وسديت باب غرفتي قافلته كعدت بلكاع فتحت اول أوراقه مكتوب بخط اسود واضح وبي ميلان

:: ورد

23

حسيت گلبي نغزني من الخوف وخرته على الورقه الوراه فارغات گلبته لحد مالكيت مكتوب بنفس الخط

:: شريان وأنجرح شنو دوه اليطيبه؟

23

مكتوب بنص بكتابه اكبر

:: الماعنده عقل گلبه اطيب من الصاحيين !

9

مرسوم بطرف الورقه برصاص وبشخابيط بيهن الرسمه شخص كاعد ولازم راسه مكتوب يم الرسمه بخط صغير

:: اني الملچوم بين هله .. اني الغريب صار بين ولفه"

31

اندك الباب فزيت ساده الدفتر مرجعه الخيط علي شادته شلون ماجان وشمرته طابگه الكنتور

زمن:: شومه كاعده؟

فتحتلها الباب شافتني خايفه

زمن:: شبيچ يمه

اشواق:: مابيه بس محتره هنا وغفيت شوي

زمن:: مشتهيه من اكله اليوم حتى اسويها الج

اشواق:: أي اكله من ايدج تخبل زمزم

زمن:: فدوه الگلبج چا راح اسوي مرگه بتيته

4

اشواق:: اي طيبه

زمن:: اتأخر غدانه اليوم صار العصر وبعدنه

مديت ايدي الركبتي امسح العرك سمعت طبگه باب

اشواق:: اكو احد؟

زمن:: سجيل أنگطعت شحاطته همزين بعده بدايه طريقه غيرها وراح

1

هزيت راسي هيه راحت للمطبخ اني ركضت طلعتلي عبايه وصحت

اشواق:: راح اغسل الطرمه وارشرش الباب شوي

زمن:: لايمه ديريبالج سجيل مايقبل طلعين

اشواق:: لا راح اللبس عبايه وبس امد ايدي ارش بصونده

زمن:: خوش گلبي

لبست عبايتي وطلعت بسرعه لكيته ماكو ركضت سريع النهاية الفرع شفته يتمشى رحت وراه هوه وكف ختلت

سجيل:: عمي محمد شلونك شخبارك

39

محمد:: ياهلا وكل الهلا بلمعدل من شفتك صرت بخير ياغالي

سجيل حط ايده على طرف صدره المابي جرح مبتسم ومشى لاف على أيده سبحته من تربه

عدلت عبايتي وضبيت بيدي علىٰ جزداني، أتمشيت وراه بين الدرابين لحد ماوگف بدربونه مطله على شارع عام

اشواق::شگاعد يسوي،وين رايح؟

دخل أيده بجيب دشداشته وعبر الشارع لحگته مخليه طرف عبايتي على وجهي هوه راح الحديقه ميل راسه عبالك يدور على احد !!

13

بقيت بمكاني اطك بأصابيعي مرتبكة.. شوية واجه رجال حاله متبهذل ومنشگه ملابسه شعره متخربط لازم بيده دبدوب و ورده حــمره .. كال بتلعثم

:: انتضرتك كووومه باوع الورده ذبلت وما أجيتني !

19

سجيل:: جنت تعبان وداعت شيبتك

:: عرفت وحده حلوه

11

سجيل:: ههههه شنيهاي سوالف موعيب

:: خلي اصيحها تجي

راد يصيحها وسجيل كعد على الزرع متنهد اني بقيت اباوع للرجال جبير طابگه حواجبي والف سؤال بالي

اجت بنيه لابسه بدي وفوكاه فانيله نص ردان وبيديها لعبه تركض الرجال صاح

:: تعالي هنا خلي يشوفج سس.. س. جيل

4

اجتي تعدل بشعرها مبتسمه تأشرله هلاو وضاجت

كالت بصوت عالي

:: ماتشوف مواكلك هلاوو

11

نزلت عيني مستغربه وشفت سجيل عايفهم وعينه عليه خازرني ... "

142

""""""

عشير:: كعدت بلباب حاط ايدي علىٰ خدي هوه. اجاني بيده بطل يجعص بي ويشرب

10

مسلام:: هسه غير افهم ليش جذبت علىٰ اهلك

عشير:: مامجذب بس كتلهم اليوم اروح الدوامي

مسلام::صارلك فتره تجذب قبل يوم من دوامنه تجيني ها تره مانطلع الصبح الفجر نروح

عشير:: مو ذبحته للبطل شبيك

35

مسلام:: لك هذا لبن مدخن يخبل مجمد اريده يجرش

41

عشير:: تدري شنو مدخن؟

41

مسلام:: اي هاك تريد

39

عشير:: وخر خرب شهيتك چايفه

19

مسلام:: شبيك ضايج علينه

عشير:: مرتي راح ياخذوها شتريد اركصلك

3

مسلام:: هيه شوكت صارت مرتك متكلي

عشير:: اهلها اخخخ يايمه بيهم كتله

3

مسلام:: خلي نصير نفس بيت سعد

عشير:: منو هذا

8

كعد يمي يأشرلي على بيت

مسلام:: هذول جيرانه جدهم بفد يوم لزم الصونده وراح چفت على بيت ام تحسين التبيع حلويات براس الفرع

4

عشير:: اي؟

مسلام:: دفر الباب ولزمهم كتلهم كلهم بصونده وطلع

17

عشير:: ليش هيج سوه هههههه

مسلام:: اندري ياخويه گبت خبالاته

درت وجهي مطلع باكيت جكايري ادخن

مسلام:: من ننزل من دوامنه صديقي يريد يسمع صوتك من تقره

6

عشير:: صار

حط ايده علىٰ متوني

مسلام:: بعد اصيحلك ملا

عشير:: هههههه لابعدني خالي

5

مسلام:: راح اضم هذا بثلاجه يموع واروح اخذلي قيلوله بينما تفجر الدنيا

عشير:: هوه حفجرها

12

مسلام:: شتفجر قصدي الدنيا تصير فجر

5

هزيت ايدي هوه دخل راح شويه واجاني

مسلام:: امي تكول خلي يدخل دنيا ليل

عشير:: ادري شنو زعطوط

مسلام:: ادخل يلا ادخل

كمت جار البطل منه جاعصه واكلت من ثلج البن

مسلام:: ها لعد موماتحبه

ماجاوبته داخل للغرفه هوه يصيح وراي

مسلام:: جيبه ولك

شمرته علي متمدد مخلي ايديه اثنينهن وره راسي افكر

مسلام:: خوش جاعصه صار مجرش

عشير:: سمسمي

3

مسلام: انجب ماحب هل لقب

عشير:: باوعلي

ماباوع صافن بلبطل كمت ساحبه منه

عشير:: مسلام

مسلام:: لاتخلصه جيبه

3

عشير:: اريد اسوي شي

مسلام:: شنو ولك؟

عشير:: بلوه

5

مسلام:: راح نروح الدوامنه وين تلحك تسويلك مشكله

عشير:: عندكم صونده؟

30

مسلام:: شتريد تسوي؟

صار ليل كلش طلعنه اني مخلي لثامي مال دوامي بيدي صونده بقيت بره متچي على الباب منزل الثام وادخن انتضره يطلع

مسلام::يلا امشينه.. قسمت صونده نصين الي والك

عشير:: هاك فلوس صونده

مسلام::دنجب

حسيت صوته مختنك باوعتله حاط تك جواربه براسه وملامحه ملعوبه لعب ضحكت قوي

30

رفسني يباوع للمنطقه

مسلام:: لك لايشوفونه بلحبس اثنينه

خليت عكس ايدي على وجهي اضحك

عشير:: شمخلي بوجهك ولك

مسلام:: غير حتى محد يعرفني الثامي ذاك منشگ

عشير:: ولك عيونك مناك رايحه حلكك منا شنو صار بيك هههههه بدال صونده راح ينكتلون من ضحك عليك

12

بقى يضم ضحكته وماتحمل ضحك وياي سحبته ورحنه البيت اهل جنى دكينه الباب وكفنه على جهه

مسلام:: ابوها مايكعد راحه ولك عشير

18

عشير:: علىٰ روحه

16

سكتنه من انفتح الباب طلع ابوها شاف ماكو احد رجع سداه بقينه اكثر من مره ندك الباب ونختل

عشير:: خلي نطلعله

9

مسلام:: شبيك نلعب علىٰ اعصابه شوي

14

استغفرت واكف هوه طلع حاط ايده بجيبه ضايج راد يطب واني رحتله ضاربه علىٰ ظهره بلصونده اجاه مسلام من كدام يضرب بي

16

بقيت اضرب بي فاقد علي عفت الصونده واكتله الدرجه ادمه مسلام وكف من الضرب يأشرلي نروح بس احس انعمى على عيوني

10

اريد اطلع حركتي بي وبسببه الرفضني علموده !!

13

فزيت من صاح مسلام متأذي باوعت لكيت ابو جنى داچ مسلام بلسجين "..

33

عشير:: اخووي !!

18

رحتله لازمه هوه وكع من طوله على ايدي كله دم باوعت الأبو جنى بكوه واكف دايخ يمسح بلدم نازل على عيونه

12

رحتله جريت راسه ضاربه قوي علىٰ الحايط فاقد وعيه.. على اثر صوت مسلام متأذي طلع واحد من جيران شافنه وصاح

5

:: شنوهاي ... ابني خابر الشرطه !!

يتبع...