رواية عودة عاشق الفصل الثالث عشر 13 بقلم منة الله الجزار
﷽
ـــــ
مراد أخذ رجالته وطلع بيهم على المستشفى يشوف إيه اللي حصل لأبوه هناك.
مراد وصل المستشفى كان أبوه خرج من العمليات وراح العناية كان متوصل بالأجهزة ونايم. مراد دخل وهو حاسس إنه ضعيف راح قعد جنبه ومسك إيده وباسها وتحدث بغضب.. والله وبحق رقدتك دي لأندمهم على اليوم اللي فكروا إنهم يقربوا منك فيه ومش هيهمني بقى اللي هيروح ضحية ده راجل ولا مرا وده وعد من ولدك.
مراد باس راس أبوه وخرج بعد شوية.
أول ما خرج مشي ورجالته وراه..
مراد بوعيد.. عاوز أكبر عدد سلاح ورجالة يكونوا جاهزين على الندهة عشان أيام مراد هترجع من جديد... وعاوز حراسة تكون موجودة هنا أربعة وعشرين ساعة وعاوزك كمان تعرف لي مين اللي وراها.
واحد من رجالته.. أمرك يا باشا.
مراد خرج من المستشفى وراح على البيت.
هند بفرعنة.. على جليلة.. دلوقتي جاسر خلاص مات ومعتش هنا حد يمسك البلد رجالتنا خلاص راحوا والحريم هما اللي هيمسكوها.
جليلة بغضب.. رجالة البيت موجودين ومتفكريش يا هند إن جاسر بسهولة كبيرة إنه يكون اتكسر واتهزم بالسهولة دي أني خابرة زين جاسر ده عشرة 30 سنة جواز.. وبعدين ربنا يخليه هو وولده.
هند بسخرية.. إنتي نسيتي يا جليلة إن ولادك ماتوا الاتنين وأهو أبوهُم كمان يومين ويحصلهم.
جليلة بغضب.. إياك تقولي كديه عن ولادي وولدي راجع يا هند ولا نسيتي.. أني ليا راجل واسمه مراد.
هند بسخرية.. مراد هو فين مراد مراد سافر بره البلد ومش راجع تاني أصل يا جليلة خلينا نتعاون سوا أحسن ولا.
جليلة بغضب.. ولا إيه يا هند؟
هند بخبث.. ولا هحبسك يا جليلة في البدروم وأقول عنك إنك موتي لما سمعتي الخبر بتاع جاسر وبكده أبقى ست البلد كلها.
جليلة بصدمة.. بتقولي إيه يا هند إنتي ناسية إني أم ولي العهد وإني هنا الكبيرة.
هند بسخرية.. صح إنتي أم ولي العهد بس هو فين هو أصلاً مخبرش باللي جرى لأبوه وحتى لو خابر عمره ما هيرجع تاني هنا.. بعد ما قتل أخوه.
جليلة بغضب.. ولدي ما قتلش أخوه يا هند وإنتي خابرة زين كديه والبلد كلها خابرة برضو صح ولدي برئ ودم أخوه هيجي حقه هو وأبوه مراد مش هسيب الحق أصل يا هند.
هند وقفت عند الشباك ونادت بعلو صوتها على الغفير..
هند... يا محرووس تعال يا ولد إنت وهات حد معاك
طلعوا يجروا ليها وكل ده وجليلة مش شايفة ولا فاهمة هي بتعمل إيه؟
هند جابت مزهريه وبصت على جليلة بنظرات خبث وخبطتها بيها على دماغها. جليلة حطت إيدها على دماغها ووقعت من طولها.. محروس واللي معاه طلعوا.
محروس.. خير يا ست هانم.
هند بخبث.. خدوه واحبسوه في البدروم من غير أكل ولا شرب لحد ما تودع وتقابل وجه كريم.
اتصدموا منها بس كانوا خايفين منها في نفس الوقت هند مش سهلة وممكن تقتلهم بدم بارد من غير ما يرف ليها جفن.
أخذوا جليلة وشالوها ونزلوا بيها البدروم وحبسوه في الأوضة وكمان ربطوها وحطوا شاش على بؤقها عشان ما تصوتش.
وسابوها ومشيوا.
ــــ
عند مايا.
مازن أخدهم على كافيه عشان يستريحوا شوية وأهو يفكوا شوية بعد ما حسناء حكت ليه على كل حاجة..
كانت قلقانة وكل شوية تبص على الفون بتاعها مستنية منه أي حاجة تطمنها عليه هي متعرفش حتى إذا هو وصل أو لا. لاحظت حسناء ده وسألتها.. مايا فيكي إيه؟
مايا بصتلها وبصت لمازن.. مفيش بس متوترة عشان بكرة.
مازن بدعم.. يا بنتي اهدي إنتي مش أول مرة تاخدي اللقب ومن قبل سنتين برضو أخديته وكان معاكي ولاد العزايزي وإحنا معاكي متخافيش أنا وحسناء وماما وفريقك الجامد هتفوزي إن شاء الله وأنا واثق فيكي أكيد التصميم المرة دي غير متميزة زي كل مرة اهدي.
حسناء بدعم.. مازن معاه حق ورغم كل الصعوبات اللي مريتي بيها هنفوز إن شاء الله مفيش حاجة عرفت تكسرنا.
مايا بقلق.. يا رب.
وكانت بتبص برضو على الفون في إيدها.
مازن.. باستغراب.. مايا إنتي مستنية مكالمة ولا إيه أصلي ملاحظ من وقت ما قعدتي وإنتي كل شوية تبصي على الفون.
حسناء.. عارفة هي قلقانة ليه.. اهدي يا روحي هو ما يتخافش عليه هو بصراحة يتخاف منه.
مازن بشك.. مين هو؟
حسناء بلوي بوز.. هو فيه غيره الزفت مراد.
مازن.. مراد ماله مراد؟
مايا.. معرفش في إيه في البلد عندهم ونزل بسرعة خايف ليكون في مصيبة.
حسناء بسخرية.. مراد أكيد والمصايب صحاب هه.
مازن لطف الجو وفضل يهزر ويضحك عشان يضحك مايا وخليها تفك.
مايا مسكت فونها وأخذت قرار إنها هتبعت رسالة ليه "إنت كويس؟"
وقفلت الفون وقعدت معاهم بس عقلها مشغول.
مازن.. حسناء تعالي نروح نزور ماما جميلة في المستشفى وبعدين نروح عشان نجهز لبكرة.
حسناء.. أوك.
وقاموا التلاتة وراحوا على المستشفى شافوا جميلة وراحوا مايا على البيت وبعدين هما راحوا.
ـــــ
عند كمال...
وصل البيت ولقى سكر قاعدة مستنياه.
راح عندها وسلم عليها بس هي كانت مخصماه.
سكر.. ابعد عني ما أكلمكش.
كمال بحب.. ليه يا روحي هو أنا عندي كام سكر يا سكر إنت.
سكر.. كنت فين؟
كمال بتوتر.. قولتلك يا ماما كنت مسافر شغل.
سكر ضربته في كتفه.. كداب مكنتش مسافر كنت في شركة الجارحي صح.
كمال.. صح.
سكر بخوف.. ليه يا كمال ليه يا بني إحنا مش قولنا خلاص وحقك عند ربنا.. عاوزني أخسرك تاني.
كمال قام وقف.. بغضب.. أسيب حقي ليهم إزاي دول دمروا حياتي وأولهم مراد أنا لازم أنتقم منهم وبكرة هتكون الضربة ليهم.
سكر بعدم فهم.. إزاي؟
كمال.. تصميم مايا بتاع المشروع اللي هيتقدم بكرة كله معايا هي خرجت وأداتني الأمان. رجوع مراد في الوقت ده فادني كتير يا ماما شغلها عن التصميم والمسابقة بتاعت بكرة اللي هي مش عارفة إيه مستنيها فيها بكرة أنا لازم أدمر الكل يا ماما لازم.
سكر.. طيب ناوي على إيه؟
كمال بشر.. على كل شر ليهم.
سكر كانت قلقانة وخايفة من اللي جاي وعارفة إن ابنها داخل طريق هو مش قده.
ـــــ
مراد وصل البيت ودخل وهند كانت قاعدة بتشرب قهوة باستمتاع لحد ما شافته اتخضت والقهوة وقعت من إيدها برعب.
مراد بجحود.. مالك يا مرات أبوي كأنك شوفتي عفريت.
هند برعب.. يا ريت عفريت وما يكونش إنت.
مراد راح وقعد قصادها بجحود.. لا أنا يا مرات أبوي أمي فين مش شايفها؟
هند فتحت عيونها بصدمة.. أمك أمك مخبراش.
كانت بتترعش قدامه..
مراد.. بغضب.. مخبراش كيف فين أمي يا مرات أبوي ولا ههد الدنيا على دماغك لو مقولتيش أمي فين؟
هند انخرست ما عدتش قادرة تتكلم من كتر الرعب.
مراد بشر.. يعني ما قولتيش وقاعدة بتشربي قهوة ولا هامك شيء ماشي حسابك بعدين ادعي ألاقي أمي سليمة عشان تفضلي عايشة.. وسابها ونادى على الغفير... محرروووس.
هند كان جسمها كله بيترعش وبتتشاهد.
الغفير جه عليه بخوف.. نعم يا بيه.
مراد بغضب.. أمي فيين؟
الغفير كان مرعوب منه.. وكان بيبص لهند برعب.
مراد مسكه من هدومه وطلع سلاحه وحطه في دماغه.. هتقول أمي فين ولا أطير نفوخك.
الغفير برعب ووبتبع.
يا ترى مراد هيعمل إيه في هند لما يعرف اللي هي عملته
في أمه وناوي يعمل إيه في عيلة سعودي وكمال ناوي على إيه في الحفلة يعني يا مايا مش عارفة هتلاقيها منين ولا منين؟