رواية نوائب شام الفصل الثاني عشر 12 بقلم الكاتبة ايلول
خاف امَوت
ولسَه مَا طايبليّ خاطر
وخَاف اموت وجبِت عمريّ
شَامر أحلامِي اعَله باچر .
-
145
"""""""""""""
شــام :: دكات گـــلبي حيل عاليه درت عليه صرت بين ايديه وبين الحايط وهو ايده على الباب رفعت عيوني اباوع بوجهه مبتسم يباوعلي وعيونه تتأمل حتى رمشة عيوني بلعت ريك توترت وخفت گال بهمس وجهه قرب وجهي
307
- ها ؟
144
تحمحت غمضت حيل ورجعت فتحت رجع دك على الباب دكات خفيفة عبالك ما يريدهم يفتحونه زفرت نفس اقوي روحـــي وسألت صوتي يرجف
74
- بس اسألك ؟
26
ضحك يحجي :: خافت
426
- لا لا ، ما اخاف من عندك بس اسأل
36
ابتسم هز راسه اي وهو على نفس الابتسامة يدير عيونه من وجهي يزفر نفس بحسرة ويرجع يباوعلي رجف صوتي خايفه اسأل بلعت ريك غاصة
74
- احم ، شنسوي أجينا هنا ، بس هذا الشي اسألك وما خايفه والله
147
ضحك دار وجهه بصوت يضحك ورجع باوعلي ، من اصبع رجلي الحد راسي مد ايده عليَ لمس ظهر ايدي باطراف اصابعة ورفع عيونه باوع بعيوني گال
122
- ترجفين ، يا ما خايفة ؟
164
- متوتره !
30
ابتسم وحجه بثقة
2
- هذا بيت صديقي ابوه سيد اجينا حتى يعقدلنا تصيرين زوجتي محد اله حق يتدخل بيج غيري بس انا الي حق بيج .
6.8K
شهكت مصدومة وكلبي گـــلبي حسيته يدك براسي ابتعدت من كدامة بفزه رجعت على الحايط ليوره ما بقيت كدامه واباوعله بعيون مصدومة وهو عبالك جان متأمل شي وانصدم بشي تغيرت ملامحه واختفت ضحكته ارجف كمت دنكت راسي ما ادري شسوي نفتح الباب وهو بدون ما يسلم على الولد مدري شنو حاجاه وسد الباب
- عاينيلي
398
بقيت مدنكه عيوني نترسن دموع شهكت فازه من لزم زندي رفعت عيوني لعيونه ودموعي نزلن عكد حواجبة مستغرب
22
- ليش تبجين ؟
84
لزمت ايده اريد اوخرها من ايدي ودموعي تزيد شهكت وهو مصدوم
8
- ليش تبجين ليش ليش شــام ؟
122
- ما عبالي هيج ، ما عبالي هيج تريد
58
- مو تثقين بيه ؟
52
دنكت ابجي وهو يمد ايده يرفع بوجهي ويريد اباوع لعيونه يحجي بحركة
12
- عاينيلي عاينيلي
414
باوعت لعيونه ودموعي تنزل گال
2
- گلتي اثق بيك ؟
25
- اي اي اثق بس
12
- ما تردين نعقد ؟ تردين تتزوجين كرار شــام تردين كرار ؟
447
- لا لاا ، ما اريده
8
- شنو التردينه ؟
39
دنكت امسح بدموعي لزم حنكي ورفع راسي بعصبية
20
- عاينيلي كتلج
395
دفعت أيده من وجهي احجي بسرعة وكلمة ورا كلمة
6
- خفت اي هسه خفت من عندك ليش قررت تتزوجني وبدون حتى ما تسألني بدون ما توضحلي واذا تغيرت عليَ واذا صرت تتحكم مثلهم واذا..
165
رفع ايده سد حلكي والتفت للشارع جهال يلعبون ويباوعون علينا من بعيد تلفت بالشارع ورجع باوع لعيوني ايده على حلكي وحاصرني بجسمة بينه وبين الحايط عيونه تغيرت نظرتهم وعكدت حاجبة ما راحت هز راسه لا وگال
208
- ما ردت اتزوجج ردت عقد حتى ما يحاجونج وبس انا الي حق عليج .
153
نزلت ايده من حلكي ارطن
36
- اي هذا زوج هذا شيسمونه ، هو انا حتى ما اعرف عنك هواي وحتى من اسأل على شي يخصك محد يجاوبني شلون اتزوجك واني كلشي ما اعرف عنك
108
غمض عينه بعصبيية ومد ايده لزمني من زندي هزني يحجي من بين اسنانة
6
- ما ردت اتزوجج ردت اعقد عليج .
156
- بس اني اني حتى ما اعرف شي عنك هجــام
173
فتح عيونه يباوعلي بنظرات تنتقل من عين العين بلع ريك رجف صوتي كوه احجي
- ما اعرف اي شي عنك
سحبت نفس اشهك وخايفة خايفة حيل خايفة احجي وهو منتظر اكمل كلامي خليت عيني بعينه وهمست
19
- اني ، اني حتى ما اعرف منو ملاك .
1.1K
بنفس اللحظة الحجيت بيها ايده الازم بيها زندي قوة لزمتها صرخت موجوعه ومجلبه بأيده ابجي
37
- ايدي ايدي هجــام اااخ .
71
وهو عبالك بعد ما يسمعني عيونه بعد ما باوعلي يباوع بفزه فاتحهن على وسعهن مثل اليتذكر وزندي بقبضة أيده حسيته نكسر
45
ابتعد ما كادر يوكف على حيله بجيت ساده حلكي بأيدي واباوع للشارع المره التفوت تبقى تباوعلنا باستغراب والجهال شوية شوية يتقربون ، وهجام مستند على بنيد السيارة وبس عيونه مفتوحه خطوة خطوة مشه وعثر ركضت علي ابجي دفعني ما قابل حتى الزمه
128
رجع وكف على حيله يريد يمشي ورجلي ما يتحركن يسحل بيهن سحل صعد بالسيارة صيحت ابجي بعد ما يسمعني ولا يشوفني عبالك صار بغير عالم وبقى بس جسد هنا يتحرك فر السيارة وطلع واني بباب الناس ابجي والطم على وجهي
251
الحد ما طلع الولد شافني ابجي
- شسالفة شبيكم خويه
135
ضميت وجهي بأيدي روحـــي رايحه واعض باصبعي ندم وهو يتصل على هجــام ويصيح
24
- خرب ببليسك شجاك ماتكلي
93
باوعتله واني ابجي
- رجعني للبيت حباب رجعني
59
هز راسه موافق كمت امشي ورا صعدت ليورا وطلع متت بجي وهو طول الطريق يتصل على هجــام وصلني للبيت نزلت وعمو حيدر وعمو حسين واكفين بعصبية منتظريني ومن شافوني ويا غريب وكفوا باستغراب يسألون وين هجــام عفتهم ودخلت للبيت ابجي واصيح
41
- رويــده رويــده
27
نرلت من فوك تركض خايفة ومن شافتني ابجي خلت أيدها على گلبها واجت ركض حضنتني بدون ما تفهم صيحت ابجي واعمامي دخلوا يغلطون ويسبون يردون يعرفون شنو الصاو وخرتني رويــده من حضنها تحجي بخوف
13
- شصار حاجيني شصار
8
بجيت وضميت وجهي بأيدي اشهك صاح عمو حيدر
10
- جيبولي السجينة اذا ما ذبحتها وغسلت عارها
702
رويــده :: شــام احجي هجــام مستحيل يأذيج احجي .
22
باوعت بوجهه امسح بدموعي وكوه احجي
- ما ادري ما. ادري وين راح عافني بالشارع ورجليه رجليه ما كدر يوكف عليهن كل ما يمشي خطوة يطيح وسأق السيارة بسرعة
18
بمجرد حجيت رويــده ما كدرت تبقى واكفه كعدت رايحه روحها وهم كلمن يحجيله شكل كالت سجود
8
- عرج ما يطكه هسه يرجع كومي كومي كملي طبخ .
190
ورويده كوه تجر النفس تباوعلي بعتب نزلت عيوني ، عمو حسين گالها
1
- هسه اخابر العمال خاف راح يمهم خاف راح يجيب الحساب
52
صرخت رويــده تلطم على وجهه وتصيح
- تگللكم ما كدر يمشي على رجليييييه ما كدرر يا عمال يا حساااب
50
ابجي واباوع بالوجوه كلها توترت وخافت بقوا يتصلون ويسألون واني بعد ما خليت عيني بعيون رويــده أشرتلي بخزر عيونها دم حمر ومتروسات دمع أشرت اصعدي فوك ، عبرتها وصعدت بخطوات ترجف دخلت للمخزن ابجي وندفع الباب دخلت رويــده تباوعلي بشك مسحت دموعها وحجت مختنكه بعبرتها
36
- اخوي وين شــام ؟
97
بجيت مغمضة واهز براسي ما ادري مدت ايدها على وجهي مسحت دموعي
12
- تعارك ويا احد ؟
4
- لا
- شاف شي ؟ شاف حادث بالطريق شي ؟
39
بجيت حيل ارجف واهز براسي لا لزمتني من اكتافي
- شــام احجي راح اموت
5
رفعت راسي اباوع لعيونها صوتي يرجف
- سألته سألته عن .
- شسألتي ؟
1
- عن ملاك .
110
فتحت عيونها شاهكه رخت ايدها من كتفي مبتعده عثرت بالفراش كعدت على حيلها تهمس
16
- شسويتي شسويتي شسويتي شــام شسويتي وين وديتي اخوي وووين
284
بجيت كعدت كدامها رفعت ايدها دفعتني بقوة تبجي وتصيح
2
- الف مره نبهتج الف مره حذرتج ليش هيج تسوين ليش ولج شــام شكد كتلج لاا تسألين لا تسألين
162
تبجي وتلطم على رجليها والتفتنا ثنينا على فتحة الباب وكفت تمسح بدموعها كرار يباوعلها باشمئزاز گالها
14
- ماكو اخوج
58
مسحت وجهه تريد تقوي نفسها ما تكدر ترجف كلها مالت تريد تطيح مديت ايدي الزمها دفعتني ما قابلة نزل كرار قبلها ونزلت هي مستنده على الحايط مشيت وراها دموعي ما نشفت وهم واكفين بالصالة قلق وخوف صاح عمو حيدر
17
- وين يولي هسه موتونه يرد وين يروح
30
وكفت رويــده بنص الصالة ورفعت ايدها بوجهم واحد واحد تحذرهم
- وحك عيونه وروح امي ساعة ساعة اذا ما عرفتولي وينه هجــام اكعدكم بالشوارع
154
وبمجرد حجت تگابلوا عليها كرار وسجود نزلت اركض بس اريد احميها وتصير الضربة على ايدي روحـــي تشوغ وانتبهه لهناك هاي افاطم بنصنا هم تكامش وهم كلهم ملتمين علينا من اعمامي من سجود وكرار الحد ما دك تليفون عمو حيدر صيح عليهم وجاوب ابتعدوا كلهم يباوعوله ، جسمي من الضرب يرجف كعدت على بايات الدرج
204
واسمع عمو حيدر صاح
- ميت ؟
424
شهكت رويــده تلطم على وجهه وعمو صاح
- يا مستشفى ، بويه ما ميت يعني ؟ اي خوش الحمدلله جايين جايين
98
سد التليفون وباوع لرويده گالها
- لا تنوحين عدل
142
ما كدرت ماكدت اسمع صريخها ركضت فوك شارده وهي صرخاتها بوجع توجع گـــلبي كعدت ورا الباب ساده اذني وابجي
روحـــي رايحه شوية واختفى صوتها بقيت بمكاني دموعي ما نشفت كله من أيدي عضيت اصابعي ندم ليش ليش حجيت ليش جان مات بسببي
230
ندك الباب بهدوء ابتعدت من ورا نفتح على كيف أفاطم وكفت على حيلي امسح بموعي عيوني ورمن كمت كوا اشوف بيهن گالت
3
- كلت خاف بيها شي اجيت اشوفج
103
- هم سمعتيهم كالوا شي على هجــام
- اي سمعت سجود وابوي يكلها مو حادث واحد اكثر من حادث داعم دراجه وراها طاب بتريله و مگلوب
729
شهكت وكعدت ابجي دخلت يمي واني ودي املخ روحـــي نار بكلبي نار ابجي واحجي بخنك
8
- ما عرفتي شلونه عليج الله فدوه ؟
17
- ما ادري والله خابري رويــده اسأليها
هزيت راسي لا غمضت عيني مسلوبة روحـــي سندت راسي على الحايط مغمضة واتذكر شسويت بحاله من ذكرت اسم ملاك شلون اتغير بلحظة بلحظة نقلب شكله وتغير ، عافتني أفاطم ونزلت شوية وسمعت صوتها تصيح وتعارك وصوت اخوها يبجي گـــلبي يدك حيل اريد اكوم انزل اشوفها وما اكدر
36
حسيت بروحي غفيت واني كاعده وفزيت على فتحة الباب فزيت اباوع لوجهه بلعت ريك خايفة من عتبها وجهه املخ وعيونها مورمه عافت عبايتها على جهه وكعدت كدامي همست صوتي رايح
7
- هجــام ؟
- لو ميت راح تگدرين تسامحين نفسج شــام ؟
235
دنكت اهز راسي لا روحـــي رايحه كالت
2
- أذيتيني شــام والله اذيتيني لو صاير بي شي ترا اموت وياه النفس اليسحبه هجــام معيشة ومعيشني شوكت ما وكف گلبه گـــلبي يوكف اني ما الي حياة بدون اخوي
126
بجيت وتقربت احضنها واعتذر
- اسفة اسفة والله ما ادري هيج راح يصير والله آسفه
16
ما حضنتني ولا خلت أيدها على كتفي شهكت روحـــي رايحه
21
- رويــده عفيه والله ما ادري هيج يتأثر لا تزاعليني والله ما عندي غيرج
36
طبطت على ظهري بعدتني ورفعت أيدها مسحت دموعي
- قدر ، الحمدلله على كل حال دفع الله ما كان أعظم ، وان كان كلامج هو السبب بفقدانه توازنه وخربطته ، يبقى الحادث قدر
48
- وروح امي وروح بابا لو اعرف هيج يتأثر ما احجي رويــده والله ما احجي بس اني سألتج كم مره حجيت ما كتيلي ما حجيتي
161
مسحت دموعها عافتني وطلعت بقيت بنفس مكاني الليل خلصته بجي كمت من فراشي دخلت الغرفته اتلمس فراشة وابجي تمددت عليه احضن بالمخده الحد ما غفيت وفزيت على صوتهم طلعت ركض اباوعلهم من فوك دخل للصالة ايده ملفوفة من العكس الحد الاصابع ورجله ، ورويده وحيادر لازمينه كل واحد من جهه وهو كوه يمشي رجعت للمخزن اركض دخلت وفتحت الباب فتحة صغيرة كعدت اباوع گـــلبي ينتفض صعدوه الغرفتة ودخلوا ثنينهم وياه
159
خمس دقايق وطلعوا اباوع لرويده تتشكر من حيــادر گالها
- ما يحتاج هذا اخوي
44
- ممنونه ما انسه وكفتك وياي
3
- شتحجين انتِ يابه ، يله انا لازم ارجع البغداد ، ايه وغزل وحدهم
157
- ما حجيت شي گدام غــزل ؟
1
- لا والله كتلها عندي مؤتمر واجيت
51
تشكرت رويــده من عنده ونزلت وياه درت وجهي امسح بدموعي مختنكة حيل اريد اروح اريد اشوفة واعتذر وما كادره اخلي عيني بعينه شوية وسمعت احد صعد باوعت شفتها رويــده بأيدها صينية اكل كعدت على جهه تبجي وتمسح بعيونها وكفت تبتسم وترجع تعبس وجهه وينزلن دموعها اخيراً كدرت ترسم ابتسامة على وجهه وتدخل الغرفتة
172
واني عيوني متعلكات بس ردت المحه روحـــي راحت بقيت اراقب الحد ما طلعت رويــده نزلت جوا بقيت بمكاني اتحركن اريد اروح وخايفة ساعة مرت وأني على كعدتي لا رايحه ولا مبطله كمت واحس بخطوتي ترجف فتحت باب المخزن وكلبي ويا كل خطوة تزيد دكاتة اباوع للدرج خايفة تصعد رويــده وما تقبل عليَ
197
وكفت كدام باب غرفتة الف مره تراجعت قبل لا ادخل وكفت ميته ما كادره لا ارجع ولا ادخل اسب بنفسي ميته خوف دفعت الباب بطرف اصبعي روحـــي راحت نفتح بهدوء لمحته نايم متغطي لنص بطنة وصدرة عاري
111
رجف گـــلبي خوف رجعت باوعت ليورا وباوعتله دخلت خطوتين تقدمت ووكفت اطكطك باصابعي واباوعله كتفة علي شاش وايده اليمين بيها كانيولا تقدمت وكل ما اقترب خطوة ينزلن دموعي كعدت بالگاع على اركبي بصف الچرباية واباوع لوجهه ابجي كاتمه صوتي
99
همست صوتي مختنك
- آسفه
70
واباوع لرموش عينه حتى كصته مجروحه بجيت بخنك وبدون وعي تقربت ابوس الجرح البكصته وابتعدت اباوع الايده دنكت اباوسها فوك الكانيولا ون بوجع يهمس
798
- شــام
بجيت واسد بحكلي خايفة يفتح عينه ويشوفني همس يعصر عيونه موجوع
29
- ملاك بابا
805
بلعت ريك گـــلبي انتهى اباوع لوجهه ووجعه وطريقة لفظة للأسم
بابا ؟ مديت ايدي الترجف على وجهه رفع أيده بثگل لزمها سحبها لشفايفة غمضت بقوة روحـــي رايحه من نفسه الحار باس أصابعي يحجي بخوف
58
- شــام
231
حجاها ونگلب للجهه الثانية مخلي ايدي جوه خده بسرعة وكفت متقدمه مرتبكة وهو يتلمس بأيدي ويخلي بيها جوه خده سحبتها بهدوء فز بخرعة رجعت ليورا خايفة وهو كعد على حيله يباوعلي باستغراب بجيت وكاتمه صوتي بأيدي
125
غمض عينه ورفع ايده مسح وجهه زفر نفس ورجع باوعلي اشرلي براسه تعالي مسحت عيوني بظهر ايدي وتقدمت بدون ما اكوم واني كاعده على اركبي سندت ايدي على حافة الچرباية مد ايده لزم زندي كومني كعدت على الحافة نفسها الايد الازمني بيها رفعها لعيوني يمسح دموعي
91
- شبيج ليش تبجين ؟
175
- آسفه
8
حجيتها ودنكت اكل بشفتي مد ايده رفع وجهي يسأل
- أذيتج ؟ سويتلج شي ؟
78
بلعت ريك اهز راسي لا گال
- خوش ، يله كومي اطلعي .
1K
وكفت على حيلي عصر عيونه يحجي
- بعد لا تكولين اثق بيك
392
- بس
6
اشرلي بأيده روحـــي ، تقربت للباب طلعت ودموعي على خدي لمحتني سجود بنص الدرج واكفه اشرتلي بعصبيه تعالي مسحت دموعي ونزلت بس وصلت يمها كرصتني حيل تجر بيه وتحجي
6
- تدللتي ها
57
صاحت عليها رويــده
- عوفيها لا ينزل ، هسه عرفتي هجــام يحرك الدنيا الخاطرها .
497
دفعتني للمطبخ حيل وعمو حسين يحجي
1
- داومي عمي داومي باجر وفكينه
586
دخلت للمطبخ ساكته لكيت أفاطم كدامي تشتغل ساعدتها ودخلت رويــده عبالك زعلانه من عندي ما تحاجيني اشتغلنا ساكتين وكفت يمها على السنك سحبتني من أيدي تحجي على كيف
6
- شــام عفيه لا ترحين يم هجــام
112
سحبت ايدي منها حجيت بدون ما اباوعلها
- تمام
119
تحسرت وسكتت وسجود التهت تحقر ويا أفاطم ورسول وافاطم لو يكطعها أبوها ما تسكت تعارك وتضرب ، لليل كلش يله صعدت للمخزن وبالي كله يم غرفتة بعدني ما غافية وبدت اصوات الاغاني الضرب على الباب الصياح وللصبح هو على نفس الوضع ولا واحد صعد بدلت ونزلت لكيتهم كلهم كاعدين وكلها تحجي وتدردم لان مانايمن بسبب هجــام بس رويــده تبتسم سكته
246
وزهراء من شافتني لابسه صدرية المدرسة وجهه صار ما يكصة السيف وراحت الحضن امها تبجي وتتشكى واكفه على جهه اباوعلها اجت يمي رويــده كالت
282
- معليج منها
7
هزيت راسي اي وعيوني عليها شافني عمو حسين ابتسم وكرار وراه هم مبتسم دك گـــلبي حيل خايفة من ابتسامتهم الحد ما اجه الخط وطلعت ويا زهراء طول الطريق تغلط وتدعي كملت تسجيل يم الادارة ورحت الصفي غريبة بين الكل كوه خلص اليوم بس فرحتي بالمدرسة مكسورة شكد عاركت حتى ارجع وهسه ما فرحانة
126
رويــده :: حزن كل الدنيا نايم بگلبي ضاعت فرحتي بتغير هجام رجع اسوء من قبل كل هذا وكل العاشه وتفكيره بشام من اخذتله ريوك كاعده اوكله وهو يسأل
77
- راحت للمدرسة ؟
70
- منو ؟
3
باوعلي ورجع دار عيونه يحجي
-شــام
10
- امم راحت
- احد حاجاها ؟
20
- لا خايفين من عندك
2
- غبيه تدرين ؟
160
- هجــام مو غبية بس ضايعة فضولية متشتته
40
- انا بس ردت احميها حسبالها اريد أتزوجها
140
- صغيره ومو كلشي تستوعبه
9
- قهرتني كالت اثق بيك بس جذب
169
- لا مو جذب لو ما تثق ما تنام يمك
155
هز راسه لا ساكت عرفت إنتهى الحديث اخذت الصينية ونزلت وكفت افاطم تسويلها ريوك صاحت عليها سجود رجعي بيضة وافاطم عبالك ما تسمعها طكتهن بالطاوةً ثنينهم وسجود تغلط وتدعي بس تخاف تقترب لأن افاطم تضرب بقوة خلت سحود تخاف منها
1.1K
شوية وشفتهم سجود وابوي وكرار يسولفون بسكته وكرار الضحكة شاكه حلكة شوية وطلع وويا نهاية الدوام رجع دخل وياه سيد دك گـــلبي حيل خايفة نزلت زهراء وشام من سيارة الخط وسيارة الجهال وراهن اجت شــام تركض على باب المطبخ مثل الطفل فرحانة بمدرستها ومن شافت خوفي راحت فرحتها تسأل
61
- شكو رويده
23
هستوني اريد اكلها اركضي يم هجــام ودخل ابوي سحبها من ايدها وهي تباوعلي بقلق وخوف روحـــي راحت
39
شــام :: مشيت بأيده مستغربة اباوع الايده الثانية بيها سجينه سحبت روحـــي خايفة لزمني بقوة خنكني ويا الحايط وخله السجين على رگبتي شهكت روحـــي رايحه اباوع بعيونه وهو يحجي بعصبية
42
- اذبحج لو ترحين للديون على الساكت تعقدون انتِ وكرار وتكملين دراسة
288
بجيت خايفة من السجين بس اريد اوخره وهو يضغط اكثر على ركبي واحس بروحي نذبحت خايفه اصيح وتضغط السجين أكثر علي ابجي واشهك وهو يزيد واحس بالدم نزل على صدري وتلف حجابي الأبيض غمضت عيني متشاهده وفتحت فازه على صوت ضربة قوية ونشالت السجين من رگبتي جلبت بظهره ابجي وايدي على رگبتي
458
هجــام :: حذرتك
923
- وخر وخر معليك بت اخوي اذبحها احركها ما عليك حلكك ما تفكه
63
- تخصني
413
- وخر والله اشتكي عليك
63
هو يحجي بحركة واني مچلبه بظهر هجــام وابجي روحـــي رايحه واهمس بخنك
7
- انتَ هجــام انتَ اتزوجك انتَ ما اريد كرار ما اريد
1.1K
دار وجهه يباوعلي غمض وركضت رويــده تلف بالحجاب علي وتغطي بالدم رجع باوع لوجهي يحجي بتعب
17
- ما قبلتي
111
- اقبل والله اقبل
170
وعمو مد ايده يريد يسحلني يغلط علي ويسب دفعه هجــام ودنك شال السجين من الگاع رويــده صرخت وصارت بينه وبين ابوها وعمو ابتعد بخوف
37
رويــده :: عوفها هجــام مو هيج
25
رفع السجينه يهدد ومد ايده لزم ايدي يحجي بتحذير
- اشش صوتك ما اسمعة جايب سيد حتى تعقدلها على چلبك مو ؟
سهله .
596
سحب ايدي يمشي بثكل ويسحل برجله موجوع سجود واكفه بباب الديوان بس لمحتني فكت عينها على وسعهن تريد تحجي وشافت السجينه بأيد هجــام خزرتني وابتعدت ساكته دفع الباب هجــام ورفع ايده البيها سجين وسلم بصوت عالي السيد رد السلام واني خاتله بظهرة مجلبه بأيده بقوة كرار وكف على حيله حجه هجــام
201
- سيد يجوز غصب البنت على الزواج ؟
141
- لا ، ماكو انسان اله حق يغصب بنته على الزواج
40
- رحم الله والديك ، ابشرك جنت راح تعقد قرأن انسانة مغصوبة والسجينة على ركبتها
268
هو يحجي والسيد يحجي وكرار عيونه طكن حمر دخل عمو حسين والسيد يرزل بيهم بآيات قرآنية واحاديث وهم حرف ما نطقوا وهجام يباوعلهم بشماته مبتسم كام السيد يريد يرجع گاله هجــام
127
- اعقدلنا ، لا هي مغصوبة ولا انا
1.3K
سكت السيد يباوعلي ويسألني واني دموعي تنزل عشرة عشرة گال تعالي بوية يمي جلبت بهجام اكثر واهز براسي لا ، اتاكد اني ما مغصوبة على هجــام ، وعقدلنا تحت انظار عمو وكرار
1.3K
هجــام سحب ايده من عندي وكام يم السيد خله فلوس بجيبه وتقرب على كرار وهو واكف شمر عشرة بحضنه ويحجي بابتسامة
102
- وصل السيد بعد انتَ تندل انتَ الجايبه
798
ورجع باوعلي مبتسم مد ايده الي واني كاعده لزمتها وسحبني كمت وطلعنا من الديوان ايدي بأيده ساكته ضايعة لا الوم نفسي ولا افرح ولاشي مجرد شيطلب انفذ دخلنا للبيت اريد اسحب ايدي من عنده ما عافهه سحبني وياه فوك الغرفتة ورويده ورانا بأيدها الشاش والمعقم
395
دخلني للغرفة كعدني على الجرباية واجت رويــده شالت الحجاب تباوع لركبتي غمضت وبس دموعي تنزل احس عشت حلم مو واقع وكل اليجي ببالي اللحظة العمو خله بيها السجينه على رگبتي
فتحت عيوني على هزه قوية فتحت عيني اباوع لرويده لازمه زندي وتحركني
32
- شــام توجعج
4
دنكت اهز راسي لا حسيت ايد هجــام على راسي رفعت عيني اباوعله غمض يطمني
20
- اذبحه اليتدنالج بعد
2.4K
رويــده :: ها هجــام بسم الله ؟
718
- اليريد يسلم على روحه لا يندك بيجن
346
- اي اي بس مو تركضلي على الذبح
206
حجت مبتسمه ووكفت كدامه أيدها على خده سحبها باسها كمت من يمهم بدون ما احجي رجعت للمخزن تمددت بملابس المدرسة عيني بالسكف ، دموعي خلصت بعد ماكو دموع اتذكر كل وجع اني حتى من انوجع ما اعيش حالة الوجع وعلاجة رأسًا تجي ضربة جديدة ايدي الملفوفة بباندج ورجلي الزركة ما لحكت اعالجهن ورجعت نضربت كل مره انضرب تجي ضربة اقوة وتنسيني وجع الأولى
148
دخلت رويــده تباوعلي عيني بعينها نزلن دموعي واني اباوعلها سدت الباب واجت رفعت الغطا تمددت بصفي وحضنتني بدون ما تحجي الحد ما غفيت وفزيت ما لكيتها يمي الغرفة ظلمة وبااارده حيل بارده سحبت الغطا عليَ واحس بجسمي يرتعش كعدت على حيلي والف بروحي عيوني كوه فاكتهن واسناني سن يضرب بسن
نار احس تطلع من عيوني وارجف بقوة وركبتي حيل توجعني واحسها مورمه ما اكدر حتى احجي
126
كمت واني لازمه بالغطا مستنده على الحايط طلعت من المخزن كوه اشوف اريد انزل اريد رويــده امشي خطوة واحس ما اسيطر كد ما جسمي يرتعش وصلت للدرج لزمت بالمحجر واحس اشوف البايات يتحركن
30
التفتت ليورا على فتحة الباب شفت هجــام طلع من غرفتة وراساً راح للمخزن فتح الباب والتفت بفزه باوعلي مچلبه بالدرج ولافة روحـــي بالبطانية لا حجاب ولا شي باقية بصدرية المدرسة غمضت اريد ارمش وجفوني ثگال احس فص عيني يحترك من اغمض وحسيت ايدي بأيده فتحت اباوعله
81
رفع ايده واحنا واكفين تحسس كصتي ويباوع لسنوني اليرجفن ويطكن سن بسن
9
- تعالي
213
سحبني من ايدي وياه للغرفة واني روحـــي رايحه دخل بقيت واكفه وهو طلع الفراش وغطه فرشة بالگاع بالمكان الكل مره انام بيه تمددت ارجف غطاني فوك غطاي واني مجلبه اهمس
42
- بردانه بردانه
88
غمضت ورجعت فتحت اصيح من حسيت شي بارد على كصتي
1
- ججج ايدج
118
- بردانه
9
- ميخالف هسه ادفيج
680
- دفيني
1.3K
- هسه اصبري
185
نزلت ايدي من ايده وهو يشيل الكمادة يبللها ويرجعها اغفى وافز من يرجع يخلي الكمادة على كصتي اخر مره حجيت
18
- هجــام
52
- هممم
2
اشرت على رگبتي من احجي الجرح يوجعني كوه صوتي ينسمع مرجعة راسي ليورا وأأشر بأيدي عليها تلمسها بأطراف اصابعة
حجيت مختنگة
34
- توجعني
70
باوعلي ساكت رفع ايده يمسح على شعري وخدي
18
- غمضي نامي
29
- أثق بيك اني وعلي
862
- امم
2
- وما اخاف من عندك
46
- وتعاينن بعيوني
1.2K
- اي
9
- نامي يله
83
مسحت دموعي وسحبت ايده خليتها جوه خدي وغمضت عيوني غفيت وفزيت شبعانة نوم ما لكيته بالغرفة كعدت ايدي على حلكي اتذكر شحجيت واحاول اتذكر خاف حاجية غير شي شلت البطانية مالتي اريد اشرد للمخزن اول ما طلعت لمحت باب وحده من الغرف المقفولة مفتوح
524
بلعت ريك أتلفت احس برجلي غصب عني تمشي گـــلبي صوت دكته مسموع وبس اريد المح شي وصلت للباب اباوع لداخل الغرفة واعصر بايدي والتفت بخوف الدرج خاف احد يجي رجعت اباوع الداخل الغرفة لمحت صور بنيه معلكات بالحايط وچرباية أطفال وألعاب والغرفة فارغة ماحاي اشوف احد بيها دفعت الباب بطرف اصبعي نفتح اكثر روحـــي راحت
661
دخلت بخطوات ترجف اباوع للصور وكلبي يدك بقوة تقدمت خطوة اريد اشوف الصور اكثر وفزيت منداره بخرعة على سدت الباب النركع وراي حيييل ونسد .
2.4K
غــزل :: دائمًا من ارجع افكر بقراراتي وخطواتي الكه حلول انسب من اختياري واكعد الوم بنفسي واتندم
429
من حيــادر راح للمؤتمر ايه بقت يمي لليل يله راحت واجت زوجة عمة باتت يمي الحد ثاني يوم اجه وراساً طلع بشغل صرت شوية اكدر أعتمد على نفسي بس السبح ما اكدر الا ايه تجي وتساعدني بالبداية جنت حيل استحي منها بس هي تخلصها ضحك وتحشيش تحسسني عادي
128
صارت عندي صديقة وحده احسن من الهواي من نخلص محاضرة تساعدني نطلع من القاعة واني بالكرسي المتحرك ونكعد بالكافتيريا
كاعدين اني وياها وهي تسولف عن عائلتها واهلها وحسيت بوكيه ورد صار بحضني رفعت رأسي اسلام واكف مبتسم كل الفترة الفاتت ما شفتة كال
330
- الحمدلله على السلامة
44
- شكرًا الله يسلمك
12
رفعت بوكيه الورد عفته كدامي بقى واكف يباوعلي بعيون حايره
گال
1
- اذا ممكن احجي وياج دقيقة تسمحيلي
91
وكفت صديقتي براء كالت هسه اجي راحت وهو كعد بمكانها خزرته ما احب يحاجيني التفتت للطلاب ورجعت باوعتله
150
- باوع شلون يباوعن عليَ لان كاعد يمي انتَ
7
- ما يهموني محد هامني غيرج غــزل
147
- انتَ شتريد مني ما تستحي مو عيب عليك
298
- رايدج الج رايد ادخل لگلبج بهذلتيني والله لا ليلي ليل ولا نهاري نهار كل تفكيري بيج بيا طريقة اكدر ادخل الگلبها شلون اكدر اخليها تشوفني كرهت كلشي بعد ما حلى بعيوني شي غيرج
820
دك گـــلبي حيل فاتحه عيني خازرته حركت الكرسي مبتعده والطلاب گدامي ماجاي اكدر اتحرك بس اريد يوخرون واروح حسيت احد دفع الكرسي التفتت علي هو گال
11
- وين تردين ؟
6
- معليك وخر وخر
4
- غــزل وين تردين ؟ ارجعج للقاعة ؟
39
سكتت وهو يدفع بالكرسي رجعني للقاعة ثبت الكرسي بمكاني المعتاد وراح كعد باول استيج ظهره علي ما حاجاني بعد خله ايده على السجل وغمض عيونه شو عبالك تغير وصار حباب
117
الحد ما اجه الأستاذ وكملنا محاضرات اخذتني براء لغرفة حيــادر نطاني ماي گال
4
- تعبانه نروح ؟
8
- ليش عندك شغل ؟
- اي والله بس اذا ما تكدرين تنتظرين وتعبانه يولي نروح
100
- لا لا كمل ماعندي شي
1
بقى يشتغل على الاوراق واني اباوعله الملامحه واحجي على ايه لان عافته نزع الستره عافها على الكرسي ووكف يدور بالسجلات صارت الشمس بعيونه وبين لونهن فاتح حيل ابتسمت باوعلي گال
152
- ها غزوله تعبتي ؟
76
- لا ،حيــادر هسه من اجيت اخذت السجل
17
- اي
2
- الشمس صارت بعيونك صارن لون فاااااتح يخبلن
1K
هيج حجيت مبتسمه واباوعله متعوده الشي الحلو اكول عنه حلو سكت مسح كصته مبتسم ومدنك توتر رجع يكتب وبعده مبتسم ضحك كال
129
- شسويتي اول تالي بنيه تخجلني
863
- منو خجلك
397
- لا هيج مو يمج
32
رجع وكف يرجع السجلات عوجت راسي حتى اشوف عيونه زين من تصير عليهن الشمس وهو مبتسم ضحكت
42
- صارن صارن فاتح هنيالك
314
- ليش ؟
2
- عيــونك ملونه حلوات
ضحك كعد بالكرسي مالته يلم بالاوراق گال
11
- ما يوصلن لعيونج
135
- عيوني مو حلوات عبالك دوائر وصغار
270
وكف لبس الستره واجه يمي دفع الكرسي يحجي
- حلوات حلوات يكفي انا اشوفهن اجمل شي من جنتِ صغيره جنت ابوسج بعيونج على گد ما حلووت
1.2K
حيــادر :: التفتت علي فازة واني ادفع بالكرسي گالت
4
- شو ما اتذكر
4
- اي جنتِ صغيرة
5
- شكد عمــري
- يمكن ٨ /٩ من جنتِ تجين ويا هجــام
68
- شوكت اخر مره شفتني
1
سكتت أتذكر مبتسم وهي منتظرة جوابي اخر مره شفتها واول مره دك بيها گـــلبي الها من جانت خامس اعدادي ومفرفحة بچي على هجــام ، ورغم دكت گـــلبي الها ما انطيت روحـــي مجال حتى افكر بيها متزوج ما ردت اخون ولو بشعور باحساس ، وتالي اجت يمي وكدام عيني وهم جذبت گـــلبي وسكتت احاسيسه الحد ما تسرعت وتصرفت بدون ما أفكر ولزمتها بعقد
838
ساعات اتندم وافكر بهجام المأمنها يمي وتصرفي الكلش خاين
وساعات من الزمها بدون ما تكول حرام اكول احسن حل سويته هذا
تناقض وحرب بداخلي الها وما ناوي بيوم أعلقها بيه شوكت ما كملت جامعة اعوفها بنيه وصغيرة وحقها تختار شخص يناسبها واكيد مو انا .
255
تغدينا سوا وهي تسولف ولازم تخلي ايه بسوالفها وتختم بـ
- رجعها حباب
99
- تعالي لغرفتج نامي حتى تكعدين تدرسين وانا راح اروح الولد صديق اشوفة ساعتين واجي
10
- عيب عليك بس احجي تسكتني
251
- عيب عليج يوميه تعيدين نفس السالفة
198
ضحكت وكفت على حيلي اباوعلها
- خيولي الكرسي هاي غرفتج اشيلج ؟
159
- لا يمه تطيحني اخاف
16
- مو عيب عليج
279
- هههههه لا عيب عليك انتَ تريد بس تطيحني
95
غــزل :: ضحكت دنك رفعني من القنفة جلبت حيل بركبته وصلني للچرباية كعدت وهو يعدل المخده يسحب بيها رجعت راسي ليورا
وكف باوعلي تحسر ، الكرسي جان بالغرفه نضربت رجله بيه غمض بوجع وطلع راسلت ايه كتلها اريد اسبح تجين كالت
مسافرة اربع ايام واجي
678
وهيج من هيج سالفة بجيت انقهر من احس بعجز والا أحد يساعدني
مديت ايدي على الكرسي سحبته بصف الجرباية خليته اريد بس اكدر اكعد علي واسحل برجلي واجلب بيه كدرت كعدت وسحبت رجلي نوجعت ومتحمله ميخالف طلعتلي ملابس وطلعت من الغرفة اني احرك بالكرسي وحرت شلون ادخل للحمام بيه بالباب عالي جلبت منا ومنا ودخلت ضحكت مكيفة اخيراً كدرت وحدي وحدي بدون ما واحد يساعدني
93
سحبت التشيرت من جواي نزعته بقت بس البجامة رجعت راسي ليورا وغسلته بالشامبو جوا الدوش مكيفة احس براحه عجيبة صار هواي ما سابحة جنت متعلمة كل يوم اسبح ، كملت شعري باوعت للدوش اچلب بيه اوكف وانزل البجامة اوكف على تك رجل اكدر اكدر ، جلبت ورفعت نفسي كدرت ، ضحكت مكيفة رجلي المكسورة ما مخليتها بالگاع ومجلبه ببوري الدوش بأثنين ايدي تشجعت بقيت لازمه بأيد وحده والايد الثانية اريد انزل بيها البجامه واحس برجلي زلكت ونحمست بالگاع صرختتت شايطة من الوجع .
3.3K
- يتبع 🦋
