رواية نوائب شام الفصل الحادي عشر 11 بقلم الكاتبة ايلول
مشكلة من تريد تبچي
بس دمعتك تعترض
و مشكلة من الدنيا توگف
والعمر يركض ركض
مشكلة من تريد تنسى
وذكرياتك تنتفض.
176
"""""""""""""""""""""""""
10
شام :: كعدت رويده على حيلها بالباب واني ابجي بباب المطبخ روحي تحترك كلنا بالكراج واكفين حيادر يتصل وخالة رويده تدعي ومن بين الصياح صدمتنا رويده فقدت تصرخ وتلطم على وجهه ملخت روحها تصيح
83
- مووتوني اركض وراااكم موتوننني
260
ورجعت لطمت على وجهه بكل قوتها وايه ركضت تلزم ايدها دفعتها انتهت فقدت لا بقى حجاب لا صدر ما زلغته حيادر يحاجيها ويسر يحجي داير وجهه منها وهي ما تسمعهم من كل گلبها تصرخ
296
- اليا ظيم عاافتني امي حملها هد امتوني وما كدرتله ، ووووين انطي وجهي ووين الحك عليييه .
370
وايه تجر بأديها من وجهه وهي الدم يصب من صدرها وركبتها ووجهه تطبع باصابعها كد ما لطمت عليه وصوت غزل تبجي وتصيح من الغرفة ، وصوتنا الجوارين كلها تسمعه
ايه ما كدرت على رويده تلزمها وترجع رويده تدفعها وتملخ بروحها ما حاسه
63
الحد ما التفت عليها يسر وفك عينه بصدمه من شافها شلون املخه نفسها وصدرها يصب دم وبعدها تدك على وجهه وتملخ بروحها رأسًا اجه عليها كعد بصفها لزم ايديها بأيد وحده وبالثانية مدها على وجهه لزم فكها ورفع راسها بس يريد تسكت وتشوفه وهو يحجي
694
- رويده رويده باوعيلي شسويتي باوعيي
161
- راااح راح يحركهم يحرررركهم صار سنين متحمله الذل الخاطره وهسه ضيعته من اااايدي يمه هجاااام
107
- والله اوصلج قبله للبيت والله ، بس كومي ولا تملخين نفسج
126
فتحت عينها تباوعله وتشهك تبجي بحركة روحها رايحه تباوع لعيونه غمض وعاف ايديها مد ايده وهو منصي عيونه شال حجابها خلاه على راسها ورجع باوعلها مسحت دموعها تشهك وتغص بالكلمة كالتله
- اي والله هسه ، طالع هو قبلنا بنص ساعة ، نلحك نوصل قبلة
49
- والله ؟
14
تباوعله بشك وترجف كل ذره بجسمها ترجف وتشهك غمض عينه رفع راسه ليفوك ورجع دنك منصي نظرة وهز راسه ااي كرر وراها
33
- والله
14
صياح وبجي وكلمن يحجيله بجهه كامت تريد تجيب اغراضها ورجعت بجت حيل تصيح
6
- وغزل وين اعوووفها وغزززل
39
وانا على بجيها ابجي عاط بيها حيادر
3
- روحي روحي ، غزل يمنا ، موتي روحج هسه شبييج تخبلتي ؟
105
ايه :: انا اختها وانا ادير بالي عليها ، يمي ما تأمنين عليها يمي ؟
370
عافتهم يحجون ودخلت الغزل تركض وتبجي حضنتها وتبوس بوجها وغزل حالها اتعس من رويده تبجي وتريد تكوم من الفراش باوعتلي وهي تبجي صاحت
9
- البسي شام بسرعة
146
حجت وتسحل بعباتي لفتها علي وايه تفتر تلم باغراض رويده جاي نطلع من باب الغرفة وغزل تبجي ورانا رجعت عليها رويده تبجي حضنتها حيل باستها وطلعنا ركض .
55
وام يسر تصيح علي لا تمشي سريع وهو ما يجاوب صعدت رويده
كدام اباوع الايدها ترجف حييييل ما تسيطر حتى تسد الباب مد روحه يسر هو سد الباب دك هورن وطلع من اولها يمشي سريع ويباوع للساعة ورويده دموعها ما سكتت ولا رجفتها قلت ودها تطيير تطير وتروحله ساعة تنزل الجامه ساعه تبجي بصوت ساعة تدعي ساعة تلتفت علي وتباوع الايدي وتبجي گالها يسر
62
يسر :: كافي بجي كافي .
52
- ما نلحككك عليه ما نلحك راح يروح من اااايدي
91
بجت وسدت حلكها بأثنين أيديها ويسر كل ما تبجي يزيد السرعة مسحت دموعي اباوع للسيارات القبلنه جاي تبقى ورانا حسيت طايرين ما نمشي على شارع .
154
طول الطريق ما وكفنا ورويده التليفون بأيدها الترجف كل شوية تتصل تتصل الحد ما نعلق تليفون هجام بجت وحجت بصوت مبحوح
6
- وصل اكيد وصل طفى تليفونه
33
اباوع ليسر بالمرايه عيونه كبل بدون ما يلتفت حجه گالها
- باوعي وراج
241
التفنا ثنينا انا ورويده نباوع للسيارات ماكو شي گالتله
- شنو ها شنو وينه
13
شويه خفف السرعة عبرتنا سيارتين ولمحنا هجام بسيارتة ما منتبهه النا جرت نفس رويده بشهكة وغمضت عيونها ضمت وجهه بين ايديها ودموعها ما نشفت وفعلًا وصلنا قبله دخلت رويده للبيت بعصبية واني وراها بس يسر بقى بالساحة واكف ، ورويده تصيح على سجود واول ما دخلنا انصدم ببنية تجي بگدي وولد صغير بعمر ال١٠ سنين كاعدين بالصالة يم عمو حسين وسجود على الدرج تبجي وزهراء ولجهال يبجون صاح عمو حسين على رويده
683
- تعاي بوية أخذي اخوتج يمج
457
- اخوتي ؟
31
سجود :: اي اي اخوتج اااي يلمسعده اخوتج ، طلعت نايمه ورجلي بالشمس حسين يلعب بكيفه يتزوج ويخلف وانا اخر من يعلم
1.8K
فكت عينها رويــده بصدمة تحجي بخوف
- بويه شنو السالفة ترا هجام جاي وناوي على شر استروا علينا منو هذول
31
حسين :: محد اله كلمة وياي لا بايك ولا مسوي حرام متزوج على سنة الله ورسولة وماتت امهم وين يرحون يطيرون
794
صفكت رويده ايد بأيد وهي تبجي وتصيح
- ماشاءالله رجلك خضرة موتت امي وموتت امهم جا سجود شايله خرزه ما تموووووتها وتفكني
2.8K
وسجود اجت هاده تريد تلزم رويده ورأسًا ابتعدت من سمعت صوت سيارة هجام رويده مسحت دموعها نزل من السيارة عاكد الحاجب ورويده راحت ركض لزمته وتحاجي بهمس وهو بس يباوع بوجهه ساكت باوع اليسر بخزر ويسر منصي نظرة وباقي على وكفته بالساحة واسمع هجام يكلها
68
- اطردهم
66
- لاا هجام لا كلشي بوكته حلو ثق بيه افدي روحك ثق بيه ، من يجي الوكت المناسب انا اكلك اطردهم ، لا تشلع گـــلبي والقرآن تعبانه حيلي مهدود
66
- عليمن تعبانه شو عاينيلي عليمن ؟
210
بجت رويــده صوتها يرجف ومبحوح لازمه وجهه بثنين ايديها ورافعه راسها تحاجي همس
- عليك عليك ، انا شعنددي غيرك منو الي غيرك ها منو حاجيني وانتَ تتصرف بدون ما تفكر اكو بشر وراك يموت اكو بشر وراك يضيع ، هجام بمنو احلفك تسمع من عندي ، فدوه اروحلك شتريد اخذ روحي اخذ عيوني بس لا تسوي شي فدوه هجــام فدوه والله تعبت الف مره متت الحد ما وصلت هنا متت .
170
بجت وهي واكفه ويا طول بطول خلت وجهه بصدرة ومغطية عيونها باديها سكت مبتعد وهز راسه خوش اباوع لقبضة ايده العصب تشنج دخل للصالة وعكد حاجبة يباوع للبنيه والولد ورويده تسحب بي تريد يصعد وهو واكف عيونه تتفحص وعمو حسين من وحده حجه
11
- ها هجام ، وليداتي هذول هاي أفاطم وهذا رسول
1.6K
عكد حاجبة باوع لرويده ورجع باوع بوجهه عمو حسين حجه باستهزاء
هجام :: شوكت صاروا شو ما ادري ما شايفهم ؟
385
ورويده تسحب بأيده وتحجي بخوف
رويده :: هجام عوفهم تعال ارتاح بغرفتك تعبت من الطريق
19
- جج شش اوكفي
خزرها دفع ايدها ورجع يباوع لعمو حسين الواضح علي شكد متوتر گال
63
حسين :: والله متزوج على سنة الله ورسوله
91
هجام :: تعرفهم؟
119
- اها اكله وليداتي يكلي تعرفهم؟
152
- لاا اسألك على الله ورسولة تحجي بيهم تعرفهم ؟
3.1K
وعمو حسين وجهه بقى ينطي اللوان وسجود خنست بعد ما طلعلها صوت هجــام سحب ايده من ايد رويــده وصفك بحماس ودار يباوع لسجود بابتسامة انتصار وهي تبجي نزل شفايفة مستهزئ وابتسم بشماته باوع لعمو حسين گاله
276
- لاول مره بحياتك تسوي شي زين
753
ورجع باوع السجود بنفس الابتسامة كالها
9
- شربتي من نفس الكاس الشربتي امي من عنده هسه حسيتي بوجعها وكسرتها ، تستاهلين اكثر من هيج
329
رويــده :: كافي هجــام معلينه بيهم نارهم تاكل حطبهم امشي ارتاح بغرفتك
51
دفع ايدها ورفع اصبعة يحذرها تلزمة باوع العمو حسين بعصبية خازرة گاله
2
- بس انا ما فاتحلك ملجأ أيتام ، ويوميه تجيبلي نفرين تاخذهم وتطلع برا شوفلهم ديره .
487
هو يحجي والبنية الاسمها أفاطم وكفت بعصبية صاحت على هجــام
58
أفاطم :: ما كاتلين روحنا حتى نجي هنا ترا ما ميتين على بيتك
910
بنفس اللحظة الحجت بيها عمو التفت وضربها صارت الضربه على خشمها والدم نفض لزمت خشمها وخازرتنا كلنا واخوها مجلب بيها يبجي ، عدوانية وتهجميه مثل الطير اليريد يحمي افراخة هيج حسيتها
273
حسين :: انا ما اخليهم هنا هل اريد ابنيلي بيت كون تصبر عليه جم يوم واطلعهم وداعتك
31
كرار :: صار سنين ما طلعتنه هسه صرت تكدر تبني وتطلعهم
277
الكل يحجي ويتعاركون ويا عمو حسين رويــده سحبت هجــام صعدته فوك كوه عليه وسجود متخبله غلط وسب وفشار على عمو گالها
- ما عاجبج ولي الاهلج
408
وهي تفتر بالبيت بعصبية تدعي وتغلط اباوع لفاطم مسحت الدم بردنها عيونها حمر نار وكعدت حاضنه اخوها وتخزر بالكل ايدها على كتف اخوها تحركها بهدوء وما ادري شنو تهمسله وترد تباوع النا رجفت شفتي احاول ابتسملها وهي خازرتني بس لمحت ابتسامتي رخت ملامحها وراحت خزرتها الي هزت راسها الي تقربت اهمس
مدري ليش حسيت بيها حسيت نفسي من تيتمت ونجبرت اجي هنا وكفت يمها وأحاجيها برجفتي
144
- محتاجة شي
11
- مي اذا تكدرين.
224
رحت للمطبخ كوه اجر بروحي ايد وحده ورجلي تخط ما اكدر ادوس عليها قوي وعيوني مورمة ووجهي ، خليت ماي بدولكه ستيل ورحت للصاله اريد انطيها صارت بوجهي سجود جرتها من ايدي وركعتها بالحايط تصيح
32
- يشربون سم يرررريد يموتني فوك ما متزوج علي جايبهم كدامي يريد يموتني
151
وعمو حسين يغلط عليها وهي تغلط علي وصياحهم شعلوه نزلت رويــده تركض تنبهم على صوتهم وهم بعدهم يتعاركون ما احس الاعمو حسين خله ايديه بركبت أفاطم ويخنك بيها ويصيح على سجود
160
- تردين امووووتهم هيج هيج تردين اموتهم
434
واخوها رسول يصرخ ويجر بيه من اخته اجت رويــده تركض دفعته منها تصيح بحركة
28
رويــده ::المن تخلف الللللمن اذا انت مو كد مسؤوليتهم المن تخلفهم .
104
دفعها وضربها وهي سحبت افاطم وافاطم مچلبه باخوها اخذتهم بأيدها تريد تدخلهم للغرفة وسجود واكفتلها ما تقبل صاحت رويــده
10
- بكيفي بكيييييفي بيت اخوية عود من يصير بيتج تحكمي منو يدخل ومنو يطلع
239
وسجود تخبلت بحركة دفعت رويــده خنگتها ساده حلكها وتضرب بيها واني واكفه ابجي على جهه ما اكدر اتقرب كل جسمي متكسر فتحت عيني بصدمة واني اشوف افاطم طفرت على سجود وصعدت على ظهرها مثل الأطفال تشلبت جلبت بيها وخنگتها من ركبتها وصارت ممالخ زهراء تجر وافاطم تجر وسجود ورويده ، وعمو حسين كوه فكهم رويــده دخلت افاطم ورسول للغرفة وسجود كعدت تدردم وتدعي رگبتها مزلغه واديها مزلغات
2.6K
أجت رويــده عليَ لزمتني تسندني وصعدتني فوك روحـــي تشوغ من اعبر بايه احس ظهري ورجلي نار تشتعل بيهن فرشتلي بالمخزن كعدت اباوعلها حتى صوتها تغير كد ما صرخت صارت بحه بصوتها باوعتلي اباوعلها ساكته وعيوني مدمعه تقربت سحبتني الحضنها وخلت ايدها على راسي باستني بشعري تهمس
56
- وعد يا شــام وعد احميج طول عمــري
586
نزلن دموعي بحركة واني بحضنها وخرتني تباوع لعيوني ورفعت ايديها تمسح دموعي حجيت بغصة
6
- تحميني ، تحمين هجــام ، تحمين غــزل ، تحمين افاطم واخوها ، شتصيرين .
169
- شفتي شلون بلوه جانت عايزه والتمت ، شكد ما مقهوره بس من شفت كسرة سجود وبجيها ارتاح گـــلبي حست بشعور امي هسه
41
- راح تراويهم نجوم الظهر خطيه صغار شنو ذنبهم
152
ذبت نفس بحسرة وهزت راسها بأسف مقهورة ضربت على فخذها وحجت بقهر
- ما ادري شــام ما ادري البنيه عدوانية شفتيها شلون تريد بس تعارك وسجود مستحيل تسكت
64
- خطيه باوعي حسيت بيها اني من اجيت هيج خايفه من الكل وهيه هسه هم خايفة ولا تنسين عندها اخو صغير تريد تحمي مثل ما انتِ حاميه هجــام
160
تحسرت رويــده ساكته تباوع گبل محتاره رجعت باوعتلي سحبت الغطا تغطيني وتحجي
3
- نامي هسه نامي
1
- رويــده يُســر وين راح ؟
57
فتحت عيونها بصدمة وخلت ايدها على حلكها
12
- عفته بالديوان الخارجي وحده ماي ما منطيته شكد عيب
177
رويــده :: نزلت أركض وسجود بعدها على نفس الرنه والدعاوي اخذت ماي ورحت للديون دكيت الباب ودخلت ابوي كاعد يم يُســر يسولف ويسأل ليش بعدك ما متزوج وكبرت ومدري شنو ويسر مدنك ويجاوب باختصار ، صبيت الماي بالكلاص وخليته بالگاع بينه وبين ابوي ، ابوي كال
46
- عاشت ايدج بوية ، اكلك هاي رويــده أخذها مكبعة ليش ظال بدون مره
2.7K
فتحت عيني بصدمة شاهكه وكلبي نعصر عصر سجين وصارت وسط صدري اباوع الابوي بخزر وهو يتمضحك ويحجي ويا يُســر الما رفع راسه رجفت أيدي بعصبية وابوي يباوعلي والضحكة تارسه وجهه كال
42
- ها رويــده شگلتي
127
اباوع بوجهه بنفس النظرة اريد بس اخفي الرجفة البصوتي عيوني على يُســر سحب كلاص الماي شرب وما يباوع ناحيتي كوه احجي كوه صوتي طلع
2
- بويه عيب هالحجي يُســر واخوته مثل هجــام بالنسبه الي إخوتي مو اكثر وبالأخص يُســر ، واذا حاب يتزوج مو مشكلة ندورله بنيه متدينه عاقلة وفقيرة تناسبة
772
احجي وكلبي يريد يطلع من مكانه اباوعله رجع صب ماي وشرب من جديد. رفع ايده ترجف مسح ركبته وبلع ريك باوع الابوي كوه يبتسم
151
يُســر :: الله يخليك عمي
54
- اي والله بعد انا حسبت ابوك تريد رويــده تدلل تريد ندورلك ونزوجك تدلل
283
فرفحت انشال وانركع من حجي ابوي طلعت من الديوان ارجف اريد اكطعه ابو انت ابو مسحت وجهي ورجعت للبيت كل ذرة بجسمي ترجف سويت اكل ودخلت الغرفتي لكيت الوليد نايم وافاطم كاعده تباوعله بحسرة نفس الحظات تنعاد هيج انا وحسيت روحـــي مسؤولة عن غــزل وهجام باوعت لعيونها
45
- ما تكعدينه ياكل خطيه جوعان
6
حجت بدون ما تباوعلي حجيها كله بتهجم
- اكل ما نريد
31
- ليش اجيتي هنآ افاطم ؟
18
- لو عندي مكان ثاني ما اجيت .
7
- اخوالج ؟
- ما عندي ، هي امي وحيدة اهلها .
69
باوعتلها ساكته وهي دنكت تباوع الاخوها وتبعد شعره من عيونه وتمسح على خده شفت بيها روحـــي وكفت
9
- ارتاحي اخذي راحتج ، اني من اكمل شغلي اجي يمج نامي اذا تحبين
6
بقت ساكته عفتها وطلعت صعدت اكل الهجام والشام ووكفت اسوي اكل اليسر بقى يمنا لان ليل وتعبان دخل ابوي للمطبخ باوعتله ودرت وجهي كال
12
- سويلنه زقنبوت خلي نتزوحر كتلنه الجوع
253
حجيت بدون ما ابوعله
- جاي اسوي اكل اليسر اكل وياه
3
- طلع مدري وين وله كال ساعة وارد
158
درت عليه مستغربة وين راح ، كعد بالصالة اخذت الاكل وكعدو كلهم ياكلون الا سجود دخلت الغرفتها وماطلعت بعد ابوي كال
11
- وين افاطم ورسول ؟
48
- بغرفتي نطيتهم اكل عوفهم
6
هز راسه موافق وكفت بباب المطبخ اباوع للساحة ما اجه يُســر يمكن رجع الاهله بس ابوي كال ساعة ويرجع بقيت بالمطبخ الحد ما سمعته اجه ودخل كبل للديوان صحت الاخوي حسن
161
- روح للديوان گول اليسر نجيبلك عشا ؟
71
راح يركض واني واكفه بباب المطبخ الجو ثلج وهواء باااارد وروحي جمر وناار تسعر بيها ، رجع حسن يركض گال
4
- لا يكول رحم الله والديكم تعشيت بس فراش لان الفجر اطلع الاهلي
80
ابتسمت وكرصت خدوده
61
- ماشي روح نام يله
9
دفع ايدي يعيب علي حتى اخواني الصغار يكرهونه بسببها صعدت للمخزن شــام نايمه وتون ما حست علي من دخلت اخذت فراش من يمها ونزلت دكيت باب غرفة كرار
53
- خير
31
عفت الفراش بالگاع وفتحت باب الغرفة اباوعله متمدد والتليفون بأيده. باوعلي بخزر
5
- تعال ودي فراش اليسر
ضحك وهز ايده البيها التليفون باستهزاء
2
- نعال عليج وعليه ولي منا وولي وعلي من اگوملج
838
باوعتله ساكته ماكو كلمة تبرد گـــلبي اختنكت رفعت ايدي امسح وجهي واصبر روحـــي
1
- جا منو يوديه ، اروح اني ما تغار ما تكول اختي وما اقبلها هي التروح
85
شمر التليفون بصفه وسوالي بأيده روحـــي روحـــي ويحجي بحقارة
- درووووحي روحـــي لو يلزمونج كدامي ما تهتز شعره من راسي .
1.8K
هزيت راسي موافقة واحس بروحي تنشال وتنركع من الحركه حجيت كلمتين واني اسد الباب وهو يغلط
2
- لان ماعندك غيره .
70
سديت الباب. وهو صوته ما خله غلطه ما حجاها اخذت الفراش وطلعت للديوان دكيت الباب صاح يُســر
3
- تعال عمي
58
فتحت الباب جان نازع قميصة وباقي بالبنطلون والفانيله الداخلية وبس لمحني جر القميص بسرعة يلبس دنكت اشيل الفراش وكف على جهه يحجي
331
- العفو ما ادري بيج انتِ حسبالي ابوج
95
سكتت دخلت وكفت افرش خليت مخده وفتحت جنطة البطانية طلعتها وفرشتها على الفراش عدلتها امسح عليها بأيدي ورجعت وكفت باوعت نظرة اخيرة للفراش ولمحته هو راح يم الباب ما باوعتله بعد عدلت المخدة ورحت اريد اطلع شفت علاكة علاج يم الباب وكفت اباوعلها ساكته لزمت المقبض اريد افتح الباب وغمضت عيني من سمعت صوته المتوتر ويحجي بهمس
31
-اا رويــده
279
تدغدت مسامعي المجرد نطق اسمي زفرت نفس احاول اتقوى التفتت علي اباوعله رأسًا دنك عيونه ساكت رفع ايده مسح على لحيته وباصابعه رفع شعره النزل على كصته بعد الخصلات بين اصابعه متوتر وداير وجهه من عندي گال
113
- هاي عصارة ، احم عصارة وحبوب الج
303
عكدت حاجبي مستغربة واباوعله براحتي لان ما يباوع ما اضطر انزل عيوني ،
28
- عصارة ؟ الشنو
9
غمض وتنفس بقوة رفع عينه باوعلي ورجع بسرعة دنك كعد بفراشة وحجه
8
- الركبتج احم وصدرج مو من مـن ملختي روحج شفت ، شفت ركبتج تصب دم
1.4K
يحجي ويرجع يسكت متوتر وصوته يرجف ويرجع يكمل درت وجهي شلت العلاكة ساكته ورجعت اريد اطلع وهو تمدد وبعده ما يباوعلي رفعت ايدي بصف الباب اطفئ الاضوية باوعتله طفيت اول ضوء واني عيوني عليه متمدد ومغمض ردت اشوف عيونه ردت يرفعهم لاخر مره ايدي ترجف على دكمة الضوء اريد اطفيها واريد أشوف عيونه يباوعلي ، رفع عينه لعيوني باوعتله ورجفت ايدي طفيت الضوء وغمضت ارجف زفرت نفس روحـــي رايحة طلعت وسديت الباب احضن بروحي بس اريد الرجفه تروح من عندي .
175
دخلت للبيت ادور على تليفوني اريد اخابر عزل بالي يمها كعدت بالمطبخ واتصلت عليها بس كتلها الو بجت
129
- هسه شبيج ليش تبجين حاجيني موجوعه
3
غــزل :: لا بس لان حرتي بيني وبين هجــام تعبتج انا طول عمــري متعبتج
71
- وتعبيني وشنو يعني ها واذا تعبتيني فدوه لعيونج كل تعبي هسه
ولج غــزل بس لا تبجين واني بخير والله بخير وكلشي بعيوني يهون هسه حاجيني شلونج خوما موجوعه
40
غــزل :: اكتم وجعي ساكته واكلها لا ما موجوعة رغم روحـــي من الوجع شايطة تصل رجلي خاصة اذا بردت شوي يشوغ گـــلبي كالت
36
- ايه وحيادر شلونهم
10
- زينين هاي ايه يمي
1
- تسمعني
باوعت الايه وكتلها اي كالت رويــده
2
- ايه فدوه ديربالج عليها واذا ما تكدرين كولي اجيبها يمي وتولي الجامعة تطيب وترجع
6
ايه :: دروحي يابه شكد تتنعوصين غير كتلج عندي بعيوني اخليها لج هاي غــزل مونستني والله عبالك بنتي واعتني بيها
814
- فدوه الگلبج الله ينطيج على گد نيتج ما انسه وكفتج والله
39
- ديله يمعود قابل شمسوية بس ديربالج على اخوج العصبي وغزل سهله يمي
79
غــزل :: ابتسمت امسح بدموعي رجعت حاجيت رويــده كالت
1
- غــزل اضم عليج لو احجيلج
9
- احجيلي كلشي ولا تضمين علي
1
- لا تنصدمين بس
- يمه خفت احجي
- ابوي طلع متزوج على سجود وعنده ولد وبنيه
46
شهكت مصدومة وايدي على حلكي وايه جرتها بضحكة كالت رويــده
36
- اي ولج نوب رجله خضرة موت امي وموت امهم بس سجود احلف عليها شايله خرزه هاي
134
- عززززا عزززا لا لا عود صدك
26
- اي والله هسه جابهم هنا البنيه بكدج تقريبًا والولد عمره ١٠ سنين يكسرون الخاطر غــزل نوب ابوي من اول ما جابهم ضرب البنيه وسوالفه التعرفينها
194
- يااا سوده عليَ رويــده عفيه خطيه ديربالج عليهم هاي هسه سجود تنتقم منهم
59
- لا ، الله كريم اني اسوي العلي ورب العالمين هو يحميهم .
17
- ونعم بالله ، يله روحـــي ارتاحي تعبانه انتِ
2
غــزل :: سديت التليفون اباوع الآيه تبحوش بتليفونها وكل شوية تبتسم ندك باب الغرفة وهي رأسًا قفلت التليفون وخلته جوه المخده وباوعتلي تهمس بصوت ناصي كالت
38
- كليله ادخل
هزيت راسي موافقة سحبت الشال لفيته على شعري وحجيت اباوع للباب
- تفضل
6
فتح الباب حيــادر مبتسم يباوعلي وما يباوع الايه الكاعده على جهه بأيده صينية وبيها كلاص حليب وكلينكس مرتب بطريقة حلوه اجه يمي وهو يحجي
159
- ها شلون صرتي
15
- الحمدلله بس توجعني فجأة تخليني ودي اصرخ
57
قرب الطبلة يمي خله عليها الصينية كال
- اي غير كسر قابل هين اشربي هذا الحليب دافي
50
هزيت راسي موافقة مدنكه اباوع للصينية وهو طلع بس سد الباب ايه غمته سكتت اباوعلها رجعت للتليفون ، شربت الحليب ومسحت حلكي ايه وحدها كامت جابت الاغراض الاغسل بيهم غسلت ورجعت شربتني علاجي وتمسح بوجهي من الماي عدلت نومتي وغطتني خلت فراشها كدام جربايتي
127
- لا ايه روحـــي يم زوجج اني اذا احتاج شي اراسلج لو اتصل عليج
3
ضحكت حيل تهز بأيدها وتحجي
-هههههه شوف هاي البطرانة يا زوجي ؟ بنتي طلكني باليوم الزمني بيه بالجامعة وما لحكت احجي الاهلي انتِ ندعمتي وهسه باقيه الخاطرج والقرآن لو ما معزتج دقيقة ما أبقى هنا
567
فكيت عيني بصدمة وهي تضحك هزت ايدها
3
- ااي لعد شنو حسبالج الهسه باقين سوا ترا حجيت هيج كدام رويــده حتى ما تبقى محتاره خطيه كتلها متصالحين ومتفقين نبقى سنه
47
- لا تجذبين ايه ، صدك عود شبييج شبيج والله يحبج
- دروحي شكد بطرانه يحبني شيحب ما تكليلي وهو تلعب حتى روحه من يجي يمي لان يدري يدري مو اله لا روح ولا گلب واغمض عيوني من يجي يمي ، غــزل سكتي سكتي لا تخليني اسب اهلي واهله
287
حجت بعصبية سكتت ومدري شبيه ضميت روحـــي بالفراش ودموعي نزلت البنيه ظالمة نفسها ومتحمله الخاطري حسيت بروحي حمل صرت عليهم مسحت دموعي أفكر اول ما اكعد اخابر رويــده يجون يخلوني بالأقسام الداخلية احسن من ما أبقى هنا وايه حايره بيه شوية وسمعت ايه كالت
19
- عزل نمتي
287
غمضت عيني ساكته ما اريد احجي رجعت حاجتني هم بقيت ساكته حسيت بيها يمي خلت علي بعد غطا وهي تحجي بصوت ناصي
- كون برجلي ابو المثاليات الكسر ولا بيج .
690
غطتني ورجعت المكانها شوية واسمعها تحجي بهمس گـــلبي انتفض من استوعبت تحجي ويا حبيبها رغم حجيهم ما بيه ولا كلمة سخيفة بس بقيت ارجف من الخوف كالتله
26
- ما اكدر اعوف البنيه لو ما اني ما يعوفها حيــادر بالجامعة وترجع وحدها وتندعم ، اي يا عمــري شسوي لعد أصبر وياي صار سنين صابرين ومتحملين بقت على هالاسبوعين ، بس تكدر تعتمد على نفسها اروح الاهلي ، ههههه لا والله انام يمها بغرفتها بابا حيــادر ما يطخ الحرام لا تغار حتى بوجهي بعد ما يباوع
318
هههه اي بس الك بس الك يا روحـــي يا عيوني انتَ
414
هي تحجي وانا جوه الغطه ارجف وافز على دفعة الباب هي شهكت فازة ووكفت على حيلها اباوعلهم روحـــي رايحه شغل الضوء واكف بباب الغرفة عيونه حمر يباوعلها بعتب وايده ترجف وهي رأسًا قفلت التليفون وتباوعله بشموخ دنك وگالها
214
- لمي ملابسج خلي اوصلج الاهلج
123
- ما اروح خلي غــزل تصير زينه
9
- تحرررررركي
50
صيح بعصبية وضرب الباب شهكت فازه وخايفة وهي تباوعلي وتباوعله بحيرة كالتله
- شبيك انتَ البنيه منا
10
- دام تعرفين البنيه منا ما ستحيتي تحاجينه يمها ما خجلتي ، حمدي ربج ما الي حق عليج بعد وما اكدر امد ايدي احمدددي ربج
103
- اي الف الحمدلله يله كافي روح
114
ايه تحجي وهو يشيط يريد يضربها ويلزم روحه صيح بعصبية ومد ايده عليها فقد جرها من شعرها طلعها من الغرفة ايه تبجي وتصيح وتغلط علي واني بالغرفة لا كادره اوكف ولا كادره اسوي شي بس دموعي تنزل واسمعه يصيح
40
- ولج ما قصررررت بشي وياج شي واحد ردته شي واحد ما تخونين بس چلبه چلبه ما صنتي اسمي ولا سمعتي ولج استحي أدخل بالجامعة من وراج
284
وايه صوتها تبجي وتصيح
- تستاهل تسسسستاهل الف مره كتلك طلكني طلكني ذبحتني يابه ما ارريدك ما اريدك شجلبت
135
- وانتِ منووو الرايدج منووو لو ما ابوج انا اباوووعلج لج تورطت بيج تورورطت .
91
سديت إذني ابجي وهم واحد يطلع سوالف الثاني ندفع الباب ودخلت ايه وجهه احمر وعيونها دم مبدله وجنطتها بأيدها بجيت حيل
4
- لاا ترحين ايه لا ترحين
38
اجت يمي مسحت دموعي واني مجلبه بيها وابجي باستني براسي حييل تهمس صوتها رايح
63
- اجيج والله شوكت ما تحتاجيني اجيج بس ما اكدر أبقى بعد
28
- لااا لا عفيه ، حيــادر عفيه لا تخليهااا حيــادر
50
ابجي واصيح مجلبه بردن البشت مالتها مدت ايدها مسحت خدي وراحت واني مجلبه بالردن سحبته مني اصيح وراها وطلعت بدون ما تلتفت فقدت ابجي بحركة واصيح وراهم مديت روحـــي اريد انزل ومن حركت رجلي صررخت بكل صوتي احس روحـــي وصلت السابع سماء ورجعت من الوجع متتت الف مره بهالحظة
لا كادره ارجع ولا واصله للگاع
120
حيــادر :: شمرتها بباب بيت اهلها ورجعت وكفت بباب بيتنا طفيت السيارة وبقيت كاعد بيها ، طول هالسنين عشت مثل بلاع الموس لا اكدر أنفصل ولا كادر أتحمل وجودها وانا اعرف بيها عاشگة غيري
لمحت كذا مره الابوها وشفت رده بعتب وفعلًا هو صاحب فضل علي ولو ما هو ما صرت انا الدكتور حيــادر ولا وصلت الوصلتله كلشي حققته بفضل الله وبفضله
494
بس الشي الما اكدر اسكت علي تخون وهي على ذمتي دنكت راسي روحـــي محتركة دخلت السيارة للكراج ودخلت للبيت اسمع صوت غــزل وبجيها كعدت على الدرج ما الي طاقة حتى احاجيها مسحت وجهي ودكيت الباب
13
- غــزل
17
ما حاجتني بس اسمعها تبجي ، استغفرت ربي شايط وميت خجل من هجــام اذا عرف بس اخته وياي بالبيت .
77
- غــزل خلي على شعرج راح ادخل
17
- لا تدددخل لا تدخل ما اريد ما اريد .
26
صيحت تبجي فتحت الباب بهدوء اباوع للچرباية ماهي دنكت عيوني واشوفها متكومة بالگاع مخليه ايدها بحكلها وتبجي عيونها دم ركضت اريد الزمها اريد ارفعها وهي تدفعني شلتها غصبًا عليها ورجعتها للچرباية منظر رجلها خوفني فركت وجهي بحيرة
176
- وين اغراضج ها وين لازم نروح للمستشفى
24
فتحت الكنتور اسحب بملابس وهي تبجي نطيته الها تلبس ما كدرت ، كعدت مهدود حيلي بس اريد اركز واعرف شسوي لا البنيه قابله الزمها ولا اني متقبل وهي تبجي بحركة موجوعة طلعت من يمها خابرت عمي رجال خير ومن اهل الله
50
- الله يساعدك عمي شلونك شخبارك ، الله يخليك ، عمي وليرحم والديك كون تخلي ام محمد تجيلي للبيت ، اي والله ، والله اخت هجــام ابن خالي تدرس هنا واجت يمنا وخطية ندعمت وهسه طاحت على رجلها اريد اخذها للمستشفى ما اكدر وحدي ، لا والله شسمه ايه مريضة يم اهلها ، اي والله ممنونك
155
سديت التليفون ورجعت يمها للغرفة شايطة روحها تعص ايدها كد ما موجوعة بلحظتها تندمت ما تحملت وسكتت الخاطرها اجت زوجة عمي لبستها ولازم اني الاشيلها وهي تبجي وتصيح
2
- حرام انتَ تلزمني بس ايه مو حرام .
412
خزرتها بس اريد تسكت ما اريد احد يعرف الموضوع بعدين عود احجي مو وقته جبرتها ورفعتها خليتها بالكرسي واخذتها صعدتا بالسيارة ، روحها راحت لمن وصلنا للمستشفى .
8
غــزل :: مسحت دموعي خف الوجع ويا المسكن والدكتور يرزل ويحجي عليَ لان ما انتبهه گال
5
- اقل ضربه تخرب رجلج ويومية عمليه ، ليش شلعان الگلب هذا من البداية وديربالج على روحج مو أحسن
65
اشهك ساكته بس صوتي مختنك وبلعومي محتقن طلعنا من المستشفى باوعت للمره
1
- خاله عفيه انتِ شيليني بس ساعديني اني اصعد ما اريد احد يلزمني
21
- يا يمه والله ما اكدر عندي سوفان ، حيــادر حيــادر يشيلج هم مثل اخوج
311
ضربت ايدي بيدة الكرسي المتحرك احجي بحركة
2
- ما اريد ما اريد ، ايه جانت هي تشيلني .
139
وهو بدون ما يهتم اجه علي وخله ايده منا وما ورفعني من الكرسي بجيت واحجي بخنك
5
- حرام راح ادخل للنار والله حرام
483
حجه هو بحسرة
- وعليَ هم حرام مجبورين
438
عافني يالسيارة ورا رجلي ممدودة على الكشن وظهري مسنود على الباب
6
- ها مرتاحة
9
مسحت وجهي اهز براسي اي دار صعد وهي صعدت يمه رجعنا للبيت نزلني واني احسب بالذنوب گال بابتسامة
23
- لعد مو جنتِ تلزمين ايدي غــزل شو ما كلتي حرام
438
- اي بس مو تلزم ظهري ورجلي منا هاي حرام
370
هز راسه موافق وماخذني على كد فهمي وقناعتي الجنت هيج معتقدتها ، غطتني المريه وعدلت فراشي نطتني ماي وهي تسأله على ايه بقى ساكت كالتله وصلني ما قبلت تبقى باوعلي
16
- نامي غــزل ولا تخافين هاي بيتهم قريب أوصلها واجي .
3
نزلت راسي للمخده ساكته وشهكة البجي بعدها ببلعومي
حيــادر :: زوجة عمي تباوعلي بشك وصلنا بباب بيتهم گالت
- حيــادر شو ما ادري شلونه وضعك بيك شي
22
- لا عمه ماكو شي
2
رادت تنزل وطلع عمي. نزلت اسلم عليه گالتله
- شوفه شوفه ترا ما ادري شبيه
16
وعمي چلب الا ادخل
45
- والله البنيه وحدها غير مره الوكت متأخر راح تصير بالثنتين
- ادخل بويه ادخل ربع ساعة وروح
46
نحرجت دخلت وياه للاستقبال مشغل لاله والكتاب مفتوح وباقي الكتب مسفطة بطريقة حلوه گال
56
- شبيك شنو المضايقك ؟
سكتت مدنك وحجت زوجتة
- والله يا حيــادر حاسبينك وليدنا اليقهرك يقهرنا
22
- الله يخليج عمه تسلمين
1
وفعلًا هم هيج حجيتلهم انفصالي انا وايه بدون ما اذكر الاسباب فقط ما متفاهمين وهاي البنيه عندي خاف اهلها يعرفون بيه وحدها يمي وخاف ياخذونها وتنحرم من الكليه وهو الحادث الصار كله بسببي كال عمي
5
- حيــادر بوية مرات البشر يعرف شنو الحلال وشنو الحرام ويحرفه ها على ابو عادي مجبور وهو هالحجي ما يوكل خبز كله يتسجل لا العادي تفيد ولا المجبور تفيد انتَ أصلًا وجودك ويا البنيه بنفس البيت وحدكم حرام لان تحل عليك والشيطان شاطر
224
- أستغفر الله عمي شتعرفني سرسري ساقط ما اخاف الله ؟
378
- لا حشاك ، بس ما يصير مو بكيفك لا يجوز مكوث المرأة مع رجل اجنبي حتى لو كانت هذه الخلوة من اجل العبادة . بويه ابعد عن الحرام ابعد
302
دنكت راسي وزادت حيرتي
- عمي يعني مجبور البنيه متكسرة أساسًا لازم أساعدها والزمها مو بس أبقى وحدي وياها .
28
خزرني عمي ما قابل حيل يستحرم
45
- حيــادر تضحك على روحك انتَ مجبور شنو ؟ والله وصلنا الزمن يعرفون الحرام والحلال ويحرفونه الغير طريق .
103
- اكلك حيــادر عمه ليش ما تعقد عليها هم تساعدها وتلزمها بلا حرام وهم حلال كعدتها يمك وهم يجوز تتفاهمون وتصير الك
836
وكفت على حيلي اعصابي ترجف
2
- لا اله الا الله عمه شتحجين البنيه جايه تدرس تدرس امانه يمي يا عقد شبيكم
101
عفتهم وطلعت الدنيا طالعة من عيني اسب بروحي وبأيه وبالساعة العرفتها بيها رجعت للبيت محتار وروحي طالعة نمت بالاستقبال الخارجي خفت حتى اروح الغرفتي .
119
غــزل :: كعدت الصبح مثانتي تريد تنفجر اريد اروح للحمام ومحتاره شلون بس ردت يجيبلي الكرسي المتحرك وانا اساعد نفسي اصعد وادخل للحمام دك الباب صوته يحجي همس
152
- غــزل كاعده ؟
2
لبست حجابي بسرعة وحجيت
15
- اي
دخل مبتسم
- صباح الخير
3
دنكت ساكته اخجل اكله اريد اروح للحمام گال
5
- اجيبلج مي تغسلين
26
حجيت بخجل كوه الكلمه تطلع من عندي
- اريد اروح للحمان بس انطيني الكرسي
274
رفعت راسي يباوعلي بحيرة هز راسه موافق وطلع جاب الكرسي واجه يريد يشيلني
12
- لا لا ما اريد اني اصعد
9
- غــزل رجلج مو زين
18
درت وجهي ما اريد ابجي تعبـــت تحسر سحب الكرسي لبعيد وطلع من الغرفة بجيت وكل شوية اريد اخابر رويــده واحجيلها ربع ساعة اني محموسة بمكاني نفتح الباب حيل شهكت اباوعلها وابجي وهي تضحك وتصيح
7
ايه :: اجيتك يا حلو اجيتك
1K
حضنتني تبوس بيه وشالتني للكرسي اخذتني للحمام واني احجي احجي احجي واعاتب لان عافتني وهي تضحك مكيفه كتلها
1
- راح اخابر رويــده يجون ياخذوني
- نجبي لا تصيرين حماره تعوفين الجامعة يعني ؟ وخطيه رويــده مكيفة بيج تريد بس تتخرجين
43
- ما تشوفيني متكسرة وين اكدر اداوم
- تكدرين ترا تكدرين بالكرسي المتحرك ابو المثاليات ياخذج
50
- لج ايه حرام يشيلني هوا امس كتله اريد ايه هي تشيلني
- اي عفيه عفيه حسسي خسر انسان ما يتعوض خلي يحس بالضياع بدوني
299
- اهوو ايه شبيج رجعي
2
- دروحي بابا دروحي الأسبوع اليجي حبيب الروح يتقدملي
729
- عزززا صدك تحجين
تضحك بدلتلي ورجعتني للمطبخ سوتلي ريوك واجت توكلني وتسولف شلون ابوها متخبل من طلاكها وكلهم معترضين كالت
4
- وهسه محد يدري بيه هنا حسبالهم رحت للجامعة
2
- شلون عرفتي محتاجتج
- راسلني ابو المثاليات همزين ناسيه ماضاربته بلوك
88
- والله عيب ايه باوعي كلش صرت ثگيله أريد أرجع الاهلي رويــده تحتار بيه
18
- درووحي شكد تتنعوصين دخيل ربج هي رويــده مكيفه بيج صيدلانية تريدج بس تكملين وتفرح بيج تردين ترجعيلها وتكسرين حلمها خطيه ترا فكري بيها
222
- تبقين محتاره بيه انتِ اليوم كدرتي تجين يمكن باجر ما تكدرين تدرين مثانتي جان نفجرت كد ما محتاجة للحمام من الليل ردت الحمام ونمت كوه .
16
- ترا انتِ جبانه خلي ابو المثاليات يخليج بالكرسي ويطلعج للحمام بس يخليج على الحمام الغربي ويطلع شكو بعد
273
- ايه حرام يكض ظهري ورجلي منا افخاذ شنو غير يذبوني بالنار
68
- دروحي على اساس ضامنة الجنه ، ولو هو هسه يبيع مثاليات براسج ويكلج ما اطخ الحرام
219
- ايه لا تحجين علي عيب لا يسمع
1
- ولج طلع من البيت قبل لا أوصل
1
بقت يمي ساعتين تضحكني وترجع تقهرني كملت كلشي وراحت بقيت وحدي مختنكة اباوع للتليفزيون بدون واهس ما الي خلك اي شي الحد ما اجه حيــادر دك باب الغرفة ودخل بعد ما سمحتله
9
- شلونج
- الحمدلله
9
خله صينية الآكل على الطبلة وقربها الي
4
- استاذ أرجع الأهلي ؟
8
رفع راسه باوعلي مصدوم
1
- ليش غــزل ؟ زعجتج بشي ؟
67
- لا لا بس بعد المن باقية ماكدر اداوم ولا اكو احد يهتم بيه وانتَ وايه محتارين بسببي اروح الاهلي والسنه التجي ارجع
13
- لا ليش تضيع سنة من عمرج ، الاسبوع اليجي تداومين بالكرسي المتحرك
8
- شلون يصير واصلاً القاعة الدراسة بالطابق الثاني
25
- الله كريم منا للأسبوع اليجي هسه تغدي شلون سمج هذا يفيدج
225
سكتت وهو كعد يفلس السمج ويخلي على التمن واني اكل والغي لحيت بخصوص ايه وضاج بقى ما يجاوب اخذ الصينية وطلع شوية ورجع بأيده الاغراض غسلت خجلانه من نفسي لان هو اليساعدني من شربت علاج وماي رأسًا احتاجيت اروح للحمام
244
دك الباب ودخل بأيده كوب چاي
7
- تكدر تجيبلي الكرسي اني اصعد عرفت شلون
3
باوعلي ساكت محتار جاب الكرسي ومد ايده يريد يوخر الغطا ويشيلني ما لحكت الزمه ملابسي مرفوعه رأسًا دار وجهه فشلان واني ميته سحبت الغطا تغطيت وانزل بملابسي گال
868
- أعتذر
45
- بس بس قربلي الكرسي اني اصعد
1
- غززل ما تكدرين تنضرب رجلج
3
حجه ودار وجهه يباوعلي يحجي بحيرة
- خابر ايه
44
فرك وجهه محتار. سحب الطلبة كعد عليها مقابيلي بلع ريك يباوع لعيوني بحيرة
25
- ليش معترضة انا الاشيلج واساعدج ؟
126
- جا غير حرام وانتَ هم ما تريد تلزمني لان تدري حرام بس مجبور بيه ادري بيك سمعت ايه كالت حيــادر ما يطخ الحرام
82
غمض عينه وزفر نفس بحسرة رجع باوعلي واني مركزه نظرتي وياه بلع ريك يريد يحجي متوتر.
- غــزل اريد احجي بس والله خايف انفهم حطأ
225
- لا احجي بله افهمك صح اني
60
مسح وجهه متردد يتلفت وما يدري منين يبدي تحمحم
2
- شوفي أساسًا حرام حتى أبقى وياج بنفس البيت وحدنا
6
شهكت بصدمة فاتحه عيني على وسعها
- حرام حررام كلش ؟كول والقرآن.
276
- اي والله
- يعني راح ادخل للنار
309
خليت ايدي على حلكي وكلبي يدك حيل باوعلي بحيره وهز راسه لا
- اسمعيني خليني اكمل
3
نزلت ايدي اركز وياه بخوف كال
- حرام نختلي وحدنا لان انا اعتبر أجنبي
316
- احلف احلف شلون ، اوكف استاذ بعد ما جاي افهم خلي اسأل وشرحلي
89
سكت يباوعلي رفعت ايدي أأشر على اصابعي
-هجــام ابن عمتك وابو هجــام عراقي وامك عراقية ، يعني ابوك اجنبي وانت صرت اجنبي بس عايش بالعراق وتحجي عراقي ها هيج ؟
3.3K
صفن بوجهي ساكت غمض يصبر بنفسة
45
- لا غــزل مو هيج افهمي الاجنبي بمعنى غريب يعني مو من محارمج يعني ما بينكم صلة قرابة يعني الشخص اليحل عليج ها هسه فهمتي
49
- اي فهمت شوية عبالي قصدك انتَ اجنبي يعني من إمريكا
494
هز راسه لا وكمل كلامه
22
- لهذا السبب اني حرام أبقى وياج بنفس المكان وحرام الزمج ، اكو حل واحد اذا صار عادي نبقى بنفس البيت وعادي اساعدج والزمج مو حرام لا عليج ولا علي ، بس صعب ها للعلم حل مؤقت يعني
72
ابتسمت مكيفة ببالي راح يرجع ايه
22
- اي شنو هو
بلع ريك دنك وهمس
- عقد
128
- عقد ؟ عقد شنو ما فهمت
187
رجع باوعلي ووكف على حيله افتر مرتبك ورجع كعد على الطبلة مقابيلي
6
- غزل عقد سيد بيني وبينج وأساسًا ماكو داعي احد يعرف وشوكت ما تردين ينتهي .
254
فتحت عيني بصدمة من ستوعبت اليحجيه
- شبيك هيج تحجي عيب عليك
317
كام وكف واني ارجف مرتبكة وروحي رايحه كال
7
- والله علمودج
2
- لا عيب عليك
360
- غــزل ما جاي تقبلين الزمج وانجبر الزمج واساعدج وانتِ ما قابله ، اذا صار بينا عقد ما يبقى حرام
32
- لاا والقرآن عيب عليك
1.4K
- لج غزززل
27
رجع كعد كدامي مسحت دموعي ارجف
- ما تثقين بيه ؟
5
- اثق بيك اثق بس عيب عليك
1.6K
- ما جاي تفهميني
51
عافني وطلع واني اتكطع بمكاني ساعة اكول اخابر رويــده وارجع ساعة اتذكر كلام ايه عن رويــده واتراجع باقية الوب بنفس المكان ميته قهر ساعتين واجت زوجة عمه دخلت سلمت كوه ساعدتني واخذتني للحمام بالالف يا علي كدرتلي ورجعتني للچرباية وكعدت لازمه ظهرها وتون
49
شوية وبقت تحجي نفس حجي حيــادر وتحجي وتحجي كالت
- الولد مصلي صايم لا تدخلينه حرام يمه
62
- لا تحجين هيج هسه اروح الاهلي ما اريد
33
- ولج يمه اني شنو رايدتج ترحين ؟ اني اكلج الولد لكه الحل وهو عقد سيد لا يقدم ولا يأخر هو بغرفتة وانتِ بغرفتج فقط حتى تحل كعدتكم سوا وحتى من يشيلج من جربايتج للكرسي مو حرام ،
70
وهسه اسبوعين ثلاثة تصيرين زينه بعد ما تحتاجين مساعدته وهو ادورله على مره هالشهرين ازوجة وتكعد وياكم بعد ترجع الامور مثل ما جانت قبل لا يطلك ايه
66
مسحت دموعي اباوعلها بشك ولزمت التليفون
- اوكفي خلي اكول الهجام
164
ونفتح الباب دخل حيــادر يحجي
45
- لا غــزل لا تفشليني ويا هجــام ما اريد يعرف كتلج شي وقتي بين ما الله يفرجها ، وهاي هي ما بلازم عوفي الحرام بذمتي طبني وجع
396
اخذ تليفوني وطلع اباوع لزوجة عمه بقت تحجي عليَ روحـــي فرفحت وهي تكلي
- مصلي صايم وهسه نترس حرام
153
اسكت وترجع تعيدها
2
- مصلي صايم
858
- يله يله خوش كليله خوش
614
حجيتها وبجيت ضايعة حسيت ما عرفت أتصرف وهي تبوس براسي وتكول
5
- علمودكم ثنينكم لازم هيج تسوون لعد تبقون بالحرام
141
واني نسطرت بس اريد احد احجيله اريد تليفوني اخابر ايه احجيلها تنصحني وهو اخذ التليفون وطلع شوية ورجعت زوجة عمه يمي لبستني حرام الصلاة. ، ودخل وراها حيــادر عيونه حمر وأعصاب اجه يريد يخليني بالكرسي دفعت ايده بزعل
19
- والله عيب عليك
1.4K
حجيتها ومسحت وجهي گال
- من ما موافقة ليش كلتي اي غــزل ما اجبرج انا لا تحسسيني حابرج كتلج ما تردين عادي
72
سكتت امسح بدموعي وزوجة عمة تكله
- لا موافقة يله يله خليها بالكرسي
218
رفعني من فراشي للكرسي وطلعني للاستقبال سيد معمم كاعد وبدأ يحجي همست عمته بأذني
28
- كون من نفس راضيه لان اذا العقد بس حجي يبقى الحرام حرام
233
غمضت عيني أحاول أرضي نفسي واقنعها وبدأ العقد عيني بعينه كمل السيد وهو غمض عيونه ساكت رجعتني عمته للغرفة وهو اخذ السيد وراح .كالت اني هم اروح طلعت وبقيت وحدي ألوم بروحي واكل باصابعي ندم وساعة اكول لو حاجية لرويده لو بس مسولفه الها وشايفة رأيها نص ساعة وندك باب الغرفة دخل حيــادر يباوعلي تليفوني بأيده خله بصفي كتله
59
- خاف هجــام ما يقبل يمه ورويده إذًا عرفت تكلي ليش ما حجيتي
27
لم شفته الداخل حلكه كال
- غزل واليرحم امج لا تزيدينها علي احس بروحي طاعن هجــام بظهره نار بگلبي انسي انسي كأنُ ما بينا عقد ولا شي ولا بينا حرام
128
سكتت من شفته يحجي بعصبية مقهور حاولت فعلًا اتناسه وثاني يوم بس اجت ايه متت احس بروحي مذبوحه لان ما حاجيه رأسًا كتلها
1
- حيــادر واني سوينا عقد
244
اختفت ضحكتها واني دموعي تنزل كالت
1
- عقد شنو ما فهمت
5
- مال سيد
2
فتحت عينها بصدمة وحجت
2
- عقد عليج ؟
27
بجيت اهز براسي اي واحلف
1
- والله هو كال مايصير أبقى وياج وحدنا وما يصير اشيلج من الفراش للكرسي ولا الزمج ، ايه والله اني مو خاينه
7
اباوعلها على نفس الصدمة كالت
1
- اهلج يدرون ولج ؟
21
- لا كال لا تگولين
- أستغفر الله والله ما أدري شحجي
- لا تكرهيني عليج القران
- دروحي اسب اهله اليكرهج شبيج لج ترا نفصلت من عنده نفصلت ولو متزوج واني على ذمته ما يهز شعره من راسي
323
- يعني يعني ما ضجتي من عندي
3
- لا طبعًا
- ايه حبابه لا تحجين الاحد بس اصير زينه يخلص العقد واروح أقسام داخليه
68
ابتسمت تطمني بقت وياي ساعتين وراحت گـــلبي ارتاح من حجيتلها ، بديت أتقبل الأمر مر اسبوع يطلعني للاستقبال وياخذني للمستشفى ومن رويــده تخابر انجبر اكلها ايه تساعدني وورا المكالمة اشبع بجي رغم فعلًا ايه كل يوم تجي ساعة لو ساعتين يمي من حيــادر طالع بدون علم اهلها على اساس بالجامعة وتجي يمي .
وهيج مستمره وياي تروح وتجي
17
بيوم كاعدين بالاستقبال حيــادر يصحح اوراق وباجر ياخذني وياه للجامعة محاضراتي بحضني أراجع بيهن ، وماده رجلي على القنفة واقرأ راح للمطبخ ورجع بأيده كلاص حليب
8
- شكد جنت احب الحليب كرهته هسه
91
- ههههه يله ميخالف من تصيرين زينه عوفيه سنه كامله
1
شربت الحليب اباوعله صحح ورقة يهز بأيده خله خطأ وصفر
وطبك الورقة وعافها على جهه
77
- ليشش
4
رفع راسه باوعلي وباوع للورقة
ما مجاوبة شي اعيدلها الامتحان
20
- عفيه عفيه صير خوش معلم
99
- معلم ؟؟
64
- مدرس
7
- مدرس ؟؟؟
49
- دكتور دكتور الاستاذ الدكتور حيــادر ابن عمة اخوي
287
ضحك مديت ايدي على الهيتر اتدفئ كلش بارده سد الاوراق ووكف
گال
3
- يله تجين تغسلين اسنانج حتى تنامين باجر تكعدين من الصبح
89
دنك شالني عبرت ايدي حاضنه ركبته اخاف افلت من ايده وهو بحذر يخليني على الكرسي غسلت اسناني ورجعني للغرفة
221
- أريد أحضر ملابسي الأروح بيهم باجر
وكفني يم الكنتور ينطيني اختاريت فستان حتى سهل ما ينشلع گـــلبي باللبس خلاني على الچربايه غطاني باوعتله مبتسمه
- كلش شكرًا اني حيل جاي اتعبك .
51
ابتسم يباوع لعيوني
حيــادر :: طلعت من يمها بدون ما اجاوبها رجعت أصحح الاوراق اريد اركز ما اكدر متندم كد شعر راسي لان عقدت عليها هي بكل لمسة بريئة وانا بكل لمسة أموت من تلزم ركبتي من تخلي أيدها على گـــلبي خايفه توكع من ايدي واخاف تحس على دكات گـــلبي المخربطة
2.6K
سديت الاوراق رجعت راسي ليورا مغمض عيني واستذكر اللحظة الخلت أيدها على رگبتي رجعت اصابعي اتحسس مكان أيدها
شجاي اسوي بروحي هي شايفتني شي وانا صرت اشوفها شي استشعر لمساتها الرگبتي وروحي تروح وعلى نفس الوضع غفيت ما حاس على نفسي وفزيت على المنبهه
355
لكيتها كاعده قبلي
4
- صباح الخير ، ها متحمسة
8
هزت راسها اي تضحك تريكنا وكعدت منتظرة ايه تجي تبدللها وبدأ القلق واضح عليها
- انتِ بدلي تكدرين انطيج ملابسج وبدلي
5
- خاف ما اكدر وحدي
72
- تكدرين تكدرين
1
خليت ملابسها يمها وطلعت منتظرها بالباب
غــزل :: كدرت البس بس بشعور العجز اليقهر من احتار بشي
نزلت الفستان على رجلي للنص والباقي مغطيته بالفراش كال حيــادر
16
- ها كدرتي
- اي بس بعد
2
دخل باوعلي ابتسم كال
- هاي هي عليمن بعد تنتظرين احد يساعدج
- باوع عليك الله غمض وسدلي السحاب
328
راحت ضحكته بلع ريك وبلل شفايفه مرتبك هز راسه موافق اجه يمي بخطوات ثكيله باوع بوجهي
46
- يله جا شوكت تغمض
171
سحب نفس بقوة غمض ابتسم وكعد بصفي نطيته ظهري تحسس ظهري يدور على السحاب قشعر جسمي همست بصوت يرجف
33
- عيب عليك
699
ضحك
- ولج ادور على السحاب
36
- دور بس عيب عليك
747
- ههههه غــزل خلي افتح ما لكيته
44
- لاااا عيب عليك تفتح والله عيب ، هذا هذا بالنص السحاب شبيك ما تشوف
408
- مغمض ششوف
57
رفع ايده ليفوك رأسًا صارت على ظهري شهكت وهو وخر ايده بسرعة
3
- اسف بلغلط عيب عليَ لزمت ظهرج بس بلغلط
561
- عفيه حيــادر بدون لمس لان
سكتي وهو كنل الجملة لان حفظها
39
- لان عيب عليَ مو
342
- اي
4
رجع لزم السحاب ورفعه الحد ركبتي اصابعة صارن على رگبتي غمضت عيني بعدت ركبتي على جهه وكف باوعلي وجهه عرك زفر نفس
59
ورجع ساعدني اكمل لبس الحذاء ولحجاب يضحك ويحشش يحاول ينسيني عجزي اخذني للقسم وانصدم منزلين القاعة كلها جوا عافني بالقاعة وراح القسمة .
1K
رويــده :: نطحنت طحن من القهر ، احمي منو واعوف منو والتفت المنو وانطي ظهري المنو افاطم ورسول نهائياً ما تأقلموا على الوضع الطفل بس يبجي عود ابوي سواله نقل وخلاه يداوم ويا منسه وحسن ، وافاطم لو تموت ما تسكت على سجود
وشام اخ يا شــام توسلت بأبوي ترجع للمدرسة اباوعلها وروحي تتگطع وهي تكله
70
- عمو والله حفظت الكتب كلها خليني اداوم حرام والله حرام
36
- امشي ولي امشي
29
شــام :: بذمتك والقرآن ما ابريك الذمة ليوم القيامة
45
كام يريد يضربني سحبتني رويــده وراها وسجود تصيح
- رجعها رجعها قابل شخسران هذيج بيغداد وابنك رسول المدلل
نقلته ويا جهالي ، بعد بعد انقل بنت اخوك ويا زهراء وفضت راحت
321
رجع عليها يحجي ويتعارك وياها بجيت عاجزه لان البارحه حلمت بأمي تعاتبني على المدرسة التفتت على صوت خطوات على الدرج الكل سكت ورويده عافتني وراحتله بأيده اوراق كالته
74
- ها هجــام تريد شي
7
نزل بصفي وكف يباوع العمو حسين رفع الاوراق وفتحهن كال
- هاي اوراق نقلها وباجر تداوم
1.8K
فتحت عيني بصدمة وسجود فقدت وصاحت
- لا ما تداوم
297
دار عليها خازرها سكتت وعيونها نطن بحركه حمر صارن وعمو حسين وكف يهدد
6
- انتَ عم خال جد اريد اعرف شنو ومتدخل بيها يا هو مالتك أصلًا الاسبوع اليجي تتزوج كرار وتنطم معليك مو اختك لا تدخل
237
اباوعلهم ارجف دار وجهه علي وحجه بهدوء
- البسي شال وعبايه وتعالي ركض
1K
وبدون ما افهم شي ركضت فوك وعمو حسين يصيح وراي ما اهتميت مجلبه كل حيلي بهجام. لبست ونزلت مخلي ايديه بجيوبه وواكف بالاستقبال وعمو حسين خابر عمو حيدر يصيح ويكله
55
- هاي الساقطة بت اخوك لا تحترم لا تحشم تطلع وتديح بكيفها
126
مد ايده هجــام سحبني من ايدي وطلعنا گـــلبي يدك حيل والتفت اباوع لرويده تباوع باستغراب ابتسمتلي رغم استغرابها مطمئنة وثاقة بهجام صعدت بالسيارة وياه طلع عمو حسين ورانا ويصيح انزلي
وهجام ما مهتم فر السيارة وطلع باوعلي گال
35
- ما تسألين وين رايحين ؟
134
هزيت راسي لا
- ما تخافين ؟
85
- ما اخاف من عندك
16
- صاعدة سيارة ويا مخبل اعصابة فالته بأي لحظة يفقذ ويأذي اليمه كل هذا ما يخوفج ؟
391
غمضت عيني وهزيت راسي لا اهمس وارجف من البروده
3
- اخاف من الكل وبس بيك اثق
377
- فتحي فتحي عاينيلي تعبتيني
924
فتحت عيوني اباوعله وهو يباوع للشارع ويرجع يباوعلي وكف يم بيت نزل ونزلت وراه افتر وكف يمي يباوعلي گال
36
- بعدج ثاقة ؟
88
هزيت راسي اي باوع للبيت وباوعلي
- تدخلين ؟
25
- وحدي ؟
7
- انا وياج ، ها خفتي ؟
82
- ما اخاف من عندك كتلك اثق بيك !
223
ابتسم وأشر على الباب امشي مشيت خطوة گـــلبي يدك حيل وارجف غمضت عيني وبلعت ريك وكف وراي احس بدفو جسمه صرت ، مد ايده من وراي ودك الباب .
2.6K
- يتبع. 🦋
