رواية صغار العم الفصل الحادي عشر 11 بقلم مسرة اسامة
روايــة #صغار_العم
الحَـــلْـــقـــة الــحــاديــة عــشـــر 🌸
سنابل لمحت محمود مقعمز ع القزّة : حول خوك يشوف فينا
محمد شبح قدامه لقاه مقعمز
محمود ضحك : شن اديرو 😃
سنابل تحشمت و مشت بسرعة للشاليه
محمود يشبحلها و يضحك
محمد طلعله : شن ادير هني
محمود أشر على روحه بصوابعه : انى اللي بروحي شن ندير ؟ امالا انت يا برو شن ادير ف البحر و ف نص الليل 😉
محمد : نوض ارقد يا امسخ نووض
محمود ضحك و ناض
محمد : مش لازم تدوي قدام حد وصيتك
محمود شبحله بنظرة خبث و ضحكة : كان قلتلنا راهو خلقنالك جو مليح يا مان
محمد ضربه على ظهره : اقلب وجهك يا ****
محمود يضحك
مشي بروحه و بدي يغني : نخمم في الحرقة في بالي
زعما نحرق ولا لالا
عايش في الدنيا زوالي
نبكي و الدمعة سيالة
زعما نحرق ولا لالا .. وي ولا لالا
1
محمد يشوفله و ساكت
محمود مشي بعيد : قالولي طريقك روما .. غادي تلقىٰ ولاد الحومه .. يبيعو في سلعة مسمومة .. قالولي الشمة قتالة ..
__________________
1
سنابل خشت للشاليه مبلولة بحوايجها بلا فوطة ؛ لقت تليفون حلومة محطوط خشت بيه للحمام
سكرت الباب و اتصلت بسلسبيل ..
سلسبيل راقدة ماتردش
اتصلت بهناء ..
هناء متكية في سريرها كيف بياخدها النوم .. ( ماهانش عليه حتى يتصل بيا او يعبرني 😒 .. ياريت منذر زاد قعد راهو حرقتله أعصابه بيه )
شرين تليفونها استغربت و ردت : الو
سنابل : جيبيلي حوايجي ف الحمام بندوش
هناء شافت للاسم : تليفون اميمة شن يدير عندك
سنابل : مش وقت دوة توا نوضي جيبيلي بسرعة كنت نعوم نبي حوايج
هناء سكرت الخط و هي تتأفف : مافيهم من شقىٰ هالحصلات
__________________
05:30 ص
يوسف واقف ع الشط يتصل بسلسبيل ..
سلسبيل راقدة ؛ تحس في تليفونها يهز مش قادرة ترد .. لين فصلت المكالمة
يوسف يتأفف : تي نوضي البلي الاحرف
و عاود يتصل بيها تاني ..
حست بيه سنابل راقدة بحداها : سلسبيل تليفونك يشرين
سلسبيل تكنطت : وااااك مايخلوش الواحد يرقد
سنابل توشوش : سكري فمك تو تسمعك مرت عمي سعاد راقدة معانا
سلسبيل شدت التليفون تخبط فيه و هي مغمضة عيونها : تي ياسر ياسرررر نبي نرقد
يوسف عاود يتصل ..
سنابل تحرك فيها من كتفها : هذا يوسف راهو
سلسبيل فتحت عينها و شافت للتليفون ؛ فنصت و قعمزت : هيييييه 😲 حي على امه نسيته
و ردت : ايوه
يوسف : وينك الزفت من بكري نتصل بيك
سلسبيل تحك ف عيونها : خداني النوم
يوسف : نوضيها هيا
سلسبيل وهي تتثاوب : بااااه
يوسف : سكري فمك بِ ايدك لما تتثاوبي مبردك 😒
سلسبيل : تي باهي
يوسف : هيا اوقفي توا
سلسبيل اتكت ع المخدة : خلاص وقفت
يوسف علّا صوته : تحركي !!
سلسبيل قعمزت تتأفف : شوية و تطلعلك
يوسف سكر الخط
سلسبيل وقفت و هي تنعس : امتى بيخدمو عليا حتى انى !
سنابل تشوفلها : خيره شن يبي
سلسبيل و هي طالعة : انتي عارفة شن يبي
مشت للحمام و بعده خشت لهناء ف الدار التانية
__
...
هناء راقدة هي و روان ف السرير
و اروى مفرشة فراش ع اللوطّا و راقدة
سلسبيل جت توشوش ف هناء : هنااااء ؟
هناء راقدة
سلسبيل : هناء نوضي يا هناء
هناء شبحتلها : خيرك ؟
سلسبيل بصوت واطي : تعالي معاي نبيك
هناء شافت ساعة تليفونها : شن تبي فيا توا
سلسبيل : نبيك تصوريني برا
هناء استغربت : شنو ؟ شن تقولي ؟
سلسبيل : نبيك تاخديلي لقطات ع الشط هيا
هناء قعدت تشوفلها
سلسبيل : هيا
هناء تلفتت للجهة التانية و غمضت عيونها : شكلك تحلمي و جاية تخرطي عليا ؛ بري ارقددددي
سلسبيل طلعت من الدار : حتى انى فاضية
و اتصلت بيوسف ..
يوسف رد : ها شن صار
سلسبيل : فكني منها ماتبيش تنوض
يوسف تكنطا : تعرفي كان ماتنوضيهاش والله الا ما نخشلها توا
سلسبيل : شن تخشلها ياسر بلا جو
يوسف : عندك خمسة دقايق كان ماناضتش افتحي الباب
سلسبيل : تي ماتبيش تنوض شن نديرلها
يوسف : أُخبليها من حوايجها و جيبيها
سلسبيل ضحكت
يوسف : هي شوفيها
سكرت سلسبيل الخط و خشتلها تاني توشوش : هناء ؟
هناء تكنطت : تعرفي كان ماتمشيش بنعيط عيطة نوقفهم بيها كلهم
سلسبيل قعمزت بحداها ع السرير تتسخفلها : ليه عليك تعاملي فيا هكي يا وخيتي 😔
هناء فتحت عيونها و تلفتتلها
سلسبيل : انى مش راقدة من امس باش نراجي شروق الشمس و نصور عليه سناب تجي توا تحرميني ؟
هناء تشوفلها : سلسبيل هبلتي شكلك
سلسبيل : ايه هبلت هيا نوضي معاي
هناء : نوضي سنابل انى ماخاطريش
سلسبيل : سنابل ماتبيش تنوض
هناء سكتت
سلسبيل تكنطت : تي نوضي يا هناء نبي نرقد خلاص 😭
روان و هي مغمضة عيونها : نوضي معاها و سكريلها فمها نفختلي راسي
هناء قعمزت تتأفف : استغفر الله العظيم ؛ والله كان عندي بيبي مامتعبني زيكم انتي و سنابل
سلسبيل وقفت : انى سابقاتك غيري حوايجك و الحقيني
هناء : بنطلع كيف ما اني عاجبك باهي مش عاجبك ملحي
سلسبيل علت صوتها : امالا بتصوري معاي بالبيجامة ؟؟ والله ما صايرة هي
هناء فنصت فيها : سكري فمك ، و اصلاً مانيش مصورة
سلسبيل : لا بتصوري
و كيف بتطلع ؛ عترت و عفست على اروى
اروى انخلعت و قعمزت شادة بطنها تتوجع : ااااي 😩
سلسبيل شبحتلها : حي على امك والله ماريتك
اروى : خلعتيني يا بلي 😭 محرها عفستك كسرة
سلسبيل ضحكت و طلعت من الدار
هناء وقفت و اروى شبحتلها : وين ماشيات
هناء : الهبلة تبيني نصورها
خدت هناء حوايجها و مشت للحمام
و اروى اتكت و ولت على نومها
_________
1
يوسف واقف يراجي جاته سلسبيل تجري : شوية و جاية
يوسف : بالك رقدت
سلسبيل : لالا خليتها تغير في حوايجها
يوسف ضحك : منورة والله
سلسبيل : نبي حق اتعابي مادخلنيش فيك
يوسف : اطلبي و اتدللي
سلسبيل ضحكت : اه هكي يبي تفكير الموضوع 😍
يوسف يضحك : عادي به
سلسبيل : انت اوقف بعيد شوية و لما تقرب تعالى
يوسف حاط ايده وراه : عارف
سلسبيل شبحت لـ ايده : شن شاد ف ايدك
يوسف : مش شورك
سلسبيل ضحكت
يوسف مدلها تليفونه : خليه عندك لبعدين
سلسبيل خداته منه : بتعومو حتى انتو اوه ؟
يوسف : علاش من اللي عام غيرنا ؟
سلسبيل لمحت هناء كيف بتطلع : اهي جاية
يوسف وهو ماشي : اوكى و خودي منها تليفونها
حطت سلسبيل تليفون يوسف في جيبها و شبحت لهناء
يوسف مشي للجهة التانية و هناء نزلت للشط
لابسة سروال ابيض و تيشرت نص كم اوفر سايز نص ابيض و نص وردي ؛ قايمة قُصتها بشدادة شعر صغيرة
سلسبيل تشوفلها : وين وشاحك ؟
هناء : الدنيا فاضية علاش بنلبسه
سلسبيل سكتت و قعدت اتدور فيوسف بعيونها
تقول ف عقلها .. ( وتي روحك منه ع الحجاب )
هناء : هيا بتصوري ولا ؟
سلسبيل شبحتلها : حي نسيت تليفوني الداخل
هناء فتحت تليفونها : صوري بهذا و بعدين خوديهم مني
سلسبيل خداته منها و سكتت
هناء : بتصوري بروحك امالا ؟
سلسبيل شهقت : هييييي 😲 ممكن نسيت الشاهي ع النار
هناء : حي عليك
سلسبيل خاشة تجري و في ايدها تليفون هناء : تو نجييي
هناء سكتت و تلفتت للبحر
___
سلسبيل خشت للسرير جنب سنابل : اللهم ارزقنا مثل ما رزقتهم
سنابل شبحتلها : كيف ؟
سلسبيل غمضت عيونها : انتي حسابك بعدين تو نوريك
سنابل ضحكت : على شني
سلسبيل : استغبي توا مدايرة روحك داسة عليا
سنابل تضحك
سلسبيل خداها النوم و رقدت
________
هناء واقفة ع الشط ؛ رجليها ف اول المية دوب ماتمس فيها الموجة
جي يوسف من وراها و قرب منها : صباح الورد يا احلى وردة
هناء انخلعت و تلفتت : يوسف !
يوسف ابتسم
هناء : شن نوضك توا !
يوسف شد ايدها و باسها : اسف هلبا يا عمري
هناء تشوفله و قلبها يدق : خيرك فايق
يوسف شاد ايدها : قاعد مارقدتش .. انتي عارفة يا هنو ان مايهونش عليا زعلك بكل
هناء ابتسمت و شبحت لإيده التانية شاد فيها اكليل ورد
يوسف لبسهولها ف شعرها و باس جبهتها
هناء ضحكت و حطت ايدها ع الإكليل : محلااااه
يوسف ابتسم : القالب غالب يابيبي
هناء : شكرًا حبيبي
يوسف : تستاهلي اكثر
هناء : منين جبته
يوسف : سهرت عليه الليل كله
هناء : قصدك انت اللي درته ؟
يوسف : ايه ؛ وين بنلقاه ف هالوقت
هناء 😍 : مش عارفة كيف بنشكرك يسلمو ايديك
يوسف قرب منها : اشكريني على طريقتي اني 😉
هناء : اما طريقة
يوسف شدها من خصرها : هما زوز و انتي اختاري وحدة
هناء ابتسمت : اها ! اللي هما ؟
يوسف : الاولى انك تعومي معاي
هناء : اممم و التانية ؟
يوسف شبح لفمها و قرب شوية : و التانية اها !
هناء وخرت : هيييي خليك بعيد
يوسف شادها : قتلك اختاري يابيبي
هناء : يوسف الزوز مانقدرش عليهم
يوسف غمزها : شن رايك نحصلهم الزوز بالغصب
هناء زادت وخرت : والله انعيط
يوسف شادها من خصرها و هي موخرة من عليه
يوسف ضحك : باهي قيمي روحك بتطيحي ف المية
هناء : يوسف فكني منك
يوسف شدها من ايدها و مشي بيها ع القزّة
نحالها الإكليل و نحّا التيشرت متعه
هناء وخرت خطوتين : لا لا يوسف !
يوسف حط التيشرت و حط فوقه الإكليل و شبحلها
هناء خافت و هربت تجري ع الشط : والله ماصارت
يوسف ضحك و لحقها : والله الا ما تصير
هناء تجري وهو يجري وراها
لحق عليها و شدها من ايدها : ماعندك وين هاربة يابيبي
هناء : يوسففف 😢
يوسف قامها في غمره بيخش بيها
هناء بدت تبكي : لالا حوايجي مش متع عوم
يوسف : عادي
هناء : يبدو شفافات عليا بعدين
يوسف خش بيها : حانطلع بيك قبل ماينوضو البشر
هناء شادة ف رقبته و تبكي : يوسف نخاف مانحبااااااش 😭😭
يوسف شبحلها : انى نحببك فيه 😉
هناء بدت تنبل : ااااه يا ماما وينك بيقتلني 😭😩
يوسف : هنوو !
هناء شبحتله و عيونها مدمعات
يوسف : ارخيلي روحك يابيبي لو بتقعدي متوترة مش حايصير شي
هناء خافت منه : علاش شن حيصير يعني ؟؟ 😰
يوسف ضحك و زاد خش بيها : نقصد مش حايصير من العوم
هناء سكتت و شبحت للمية
يوسف رخاها
هناء خافت و شدت ف ايده : لالا ماترخينيش
يوسف مقرب منها : ماتخافيش ؛ لازم تتحركي برجليك باش تتعلمي
هناء متوترة ؛ هزت راسها بسرعة : لالا مانبيش نحركهم و مانبيش نتعلم ؛ مش فرض عليا
يوسف جبدها ليه و شدها من خصرها : باهي غر اهدي بس
هناء سكتت و قعدت تشوفله
يوسف : حاولي ترقدي على ظهرك
هناء : اكيد تبصر
يوسف سكت
هناء شدت ف رقبته : تحملني كان تبيني نعوم معاك
يوسف يشوف لعيونها : نتحمل كل شي المهم تكوني معاي
هناء ابتسمت : مخطط انت و سلسبيل ؟
يوسف : كان مش منها مش عارف شن صاير فيا
هناء : و كان مش من الرورو راهو ماتحتاجش لسلسبيل 😒
يوسف : خلي جونا عسل
هناء : لما هي تعوم انت ماتعومش و لما هي تكون في مكان انت ماتكونش فيه
يوسف ضحك
هناء : نفس القوانين اللي كنت حاطها ليا ع المنذر
يوسف شدلها خصلتها : وين الحجاب
هناء : ساعة ستة من هو اللي بيشوفني
يوسف : المفروض لبستيه و خلاص ماتندريش من يطلع
هناء سكتت
يوسف : مابيتش نعاركك لاني قاعد نرضي فيك
هناء ضحكت
يوسف قرصها من جنبها : تضحكي !
هناء فنصت فيه و تضحك : يوسف !! بلا قلة ادب
يوسف ضحك و قرصها تاني : ماعندك وين بتهربي
هناء شدتله ايده : نغرّق روحي ره
يوسف ضحك بصوت عالي : عاوديها ؟؟
هناء انحرجت : معاش تضحك
يوسف شادها : توا نقدر ناخد فيك راحتي من غير ماحد يفسد عليا
هناء نحت ايديها من رقبته : كان قدرت
يوسف رخاها من خصرها
هناء خافت و شدت ف رقبته تاني : معاش ترخيني 😰
يوسف يضحك بصوت عالي : باهي توا نقدر ولا مانقدرش
هناء : تقدر عارفاتك تقدر خلاص
يوسف يدويلها في وذنها : باهي شن رايك نغطسو
هناء : لالا مستحيل
يوسف : معقولة تخشي و تطلعي و شعرك قاعد جاف ؟
هناء : لالالا
يوسف : انى شادك من شني خايفة
هناء سكتت
يوسف : هيا هنو
هناء : يوسف تعبت و انى في قولت لا لا ؛ خليني براحتي يا اما طلعني
يوسف شبحلها : باهي حبيبتي براحتك
هناء سكتت
يوسف : و انتي شادة فيا حركي رجليك
هناء : نحرك فيهم
يوسف : كويس ؛ ترا ارخيني توا
هناء : مش للدرجة هادي
يوسف : ارخي بِ اليد
هناء فكت يدها و تحرك ف رجليها
يوسف : ارخي ايدك التانية
هناء رختها و قعدت تعوم
يوسف : توا شن فيها من صعوبة
هناء شدت فيه تاني : ماعنديش ثقة ف روحي
يوسف ضحك
__________________
محمود ناض من نومه و خش للحمام ؛ لما طلع لقي محمد متكي ع الكنبة و حاط ايده على عيونه
محمود : أمير البحار ؟ خيرك راقد هني
محمد شبحله : تتسهوك ؟
محمود ضحك و قعمز بحداه
محمد وقف : انى بنخش نرقد ساعين و نوضني ؛ الرقدة ع الكنبة تعبتني
محمود اتكّا ف مكان محمد : كان نضتلك انى بروحي بنرقد
___________________
هناء : شن رايك نطلعو قبل ماينوض حد و يتفرج على منظري و انى مبلولة
يوسف شبح جهة الشط : ايه هو هداكا نحس فيها قريب السبعة
هناء شدت ف ايده : هيا به
يوسف شبحلها : مازال حاجة وحدة بس
هناء استغربت : شن هي ؟
يوسف شدها و غطس بيها
هناء طلعت تكح و تبكي : علاش يا بارد ؟؟
يوسف ضحك : تدلعي عليا هلبا ره
هناء تكح : علاش هكي يا يوسف شرقتني
يوسف يدير ف المية على وجهها : حي ع الدموع و الخناين
هناء دفاته و تكنطت : ياسر بلا برادة
يوسف جبدها ليه
هناء مسكرة عيونها : هيا طلعني
يوسف : باهي ماتبيش تقولي كلمة حلوة لحبيبك قبل ماتطلعي
هناء فتحت عيونها : كلمة حلوة 😒 ؛ هي خلاص طلعني
يوسف ضحك : تستفزي فيا قصدك
هناء ضحكت : هيااا
يوسف : والله ماخاطري في الطلوع مازال نبي نقعد معاك
هناء : ماشبعتش و انى من بكري مكبشة فيك ؟
يوسف هز راسه : مانشبعش بكل
هناء ضحكت : هو الحق حتى مانبيش نطلع لكن لازم
يوسف : يعني مش نادمة ؟
هناء حركت راسها : لالا ؛ العومة معاك طلعت تفرق
يوسف : امالا ف الليل عندك كورس سباحة 😉
هناء ضحكت : ف الليل مستحيل
يوسف شدها طالع بيها : تو نشوفوه المستحيل
هناء ضحكت و قرصاته ف لحيته
يوسف شبحلها : ماتناشبينيش خيرلك
هناء حركت راسها : و علااااش
يوسف : خاطرك تعرفي علاش 😉
هناء ضحكت بصوت عالي : لالا خلاص خلاص
يوسف ضحك و رخاها ع الشط
هناء طلعت تعصر ف التيشرت متعها : حي على منظري
يوسف شبحلها : خشي بسرعة قبل مايشوفك حد
هناء وقفت ع القزّة تنفض في شعرها : به
يوسف خدي الإكليل و لبسهولها : دوشي و تعالي نبيك
هناء : مش حترقد ؟
يوسف : لالا مازال
هناء : به ساعة و نجيك
يوسف لبس التيشرت متعه و قعمز ع القزّة
و هناء خشت بتدوش
_______________
09:00 ص
سعاد توتي ف الفطور ع الطاولة قدام الشاليه
جت حلومة شادة الدحي : ماناض حد ؟
سعاد : لالا تاعبين شكلهم
حلومة حطت الدحي ع الطاولة و قعمزت
طلعت سنابل : صباح الخير
ردو عليها : صباح النور
سنابل قعمزت معاهم : زعما ماما امتى جاية
حلومة : كلمني بوك قال ف الطريق ساعة و يوصلو معاهم حتى جدك
سنابل : و خالتي نورية شن صار معاها
سعاد : طلعو من الفجر وصلهم عمك السنوسي
حلومة : والله ماني عارفة وين بنحط وجهي حشموني معاها
سعاد : تبي الصراحة يا اللاّي ! ولد اختك هو لكن رزييييل
سنابل : هههههه والله حق
حلومة فنصت ف سعاد و سكتت
سعاد شافت محمود جاي : حميدااا صباح الخيرات
سنابل تلفتت تحسابه محمد
محمود قعمز معاهم : صباح الأنوار سويعده
سعاد ضحكت
حلومة : صباحك مبروك و عدوك مهلوك
سنابل ساكتة متحشمة منه
محمود شبحلها و حركلها حواجبه
سنابل : اصيل و يوسف وين
محمود : خوك مازال راقد لكن يوسف ماريتاش شكله يعوم
حلومة : برا ناديه يفطر معانا
محمود وقف و شبح لسنابل : و انتي بري نوضي محمد 😉
سنابل انحرجت
سعاد وقفت : خشي نوضيهم يفطرو معانا و انى تو انوض البنيات
سنابل وقفت : به
محمود ضحك ؛ خدي زيتونة و مشي للشط
__
هناء و يوسف مقعمزين قدام الشط بعاد ع الشاليه و يهدرزو
هناء متكية راسها على كتفه : خلي يفوت الصيف قبل
يوسف : انى مستعجل يا هنو مانبيش نماطل ؛ و لو بيسمعو العيلة بعلاقتنا قبل مانخطبك بتصير حساسيات و خصوصا اننا في نفس الحوش
هناء سكتت
يوسف : الشقة شبه تميت فيها ؛ توا بنصيّنها بس
هناء : ان شاء الله على خير
جي وراهم محمود و كح
هناء قامت راسها و شبحتله هي و يوسف
محمود : شن القصة كل شوية نلقىٰ عصافير 😃
يوسف ضحك : اعمل نفسك ميت
محمود : يا خوفي نعلق على حلومة حتى هي
هناء ضحكت بصوت عالي : المهم بلا شهدرة بس 😂
يوسف : تو يجيها شبانيها و كسر عليهم اللوز
___
3
سنابل خشت لأصيل تنوض فيه : نووووض هيا مرزن نومك
أصيل راقد على بطنه : اطلعي و سكري الباب يا حلوفة
سنابل : ما حلوف الا انت خزي 😒
طلعت و سكرت عليه الباب
وقفت في عتبة الدار اللي راقد فيها محمد : محمد ؟؟ .. محمد هيا نوض
محمد شبحلها : ايوه
سنابل : ساعة تسعة نوض افطر
محمد : مديلي تليفوني ع الطاولة
سنابل شبحت بحداها ؛ خداته و مدتهوله
محمد شدها من ايدها و جبدها
سنابل قلبها يدق : شن ادير
محمد : خليني نتصبح في وجيهك السمح
سنابل توخر و تفك في ايدها : حول لااا
محمد يجبد فيها : خليك معاي شوية ماصدقت جيتي
سنابل جبدت ايدها بالقوة و طلعت تجري
محمد ضحك ؛ قعمز مسح على وجهه و لحيته بِ ايديه و وقف
__
1
سنابل طالعة قلبها يدق و وجهها مقلوب
حلومة شبحتلها : وينهم ؟
سنابل : محمد جاي و اصيل ماباش ينوض
و قعمزت في مكانها ايديها يرعشو
روان تشوفلها : خيرك !
سنابل شبحتلها : شي
روان : انتي نوضتي محمد ؟
سنابل فتحت تليفونها : ايه
روان ضحكت و شدت شاهي و حليب تشرب فيه
أحمد طلع من الشاليه : صباح الخير
و قعمز جنب حلومة
حلومة شبحتله و ضحكت : صباح الخير ع الزين
احمد : امّيمه جعان نبي خبزة و طن
روان : تو نديرلك انى
و شدت الخبزة تفتح فيها
سعاد شادة تليفونها : السنوسي ماحصلتاش خارج التغطية
سنابل شبحتلها : جاي حتى هو ؟
سعاد تحرك في صبعها : لالا تعرفيه عمك ماعنداش على جو البحر
جي محمد و قعمز جنب سنابل : صباح الخير
حلومة ابتسمت : صباح الورد
سنابل ساكتة
روان : خيرك هذا وين نضت مش من عوايدك لين ينوضوك
محمد : امس ف الليل عُمت تعبتني العومة
سنابل تسمع و ساكتة
محمد شبحلها : صح وله ؟
سنابل وقفت : نشوف سلسبيل و نجي
محمد ضحك
كلهم يشوفولهم و ساكتين
جو يوسف و هناء و محمود قعمزو معاهم
طلعت اروى تلم في شعرها : صباح الخير
هناء وشوشت يوسف : زي ماوصيتك
يوسف ضحك
حلومة : حتى انتى عُمتي مع يوسف يا هنيوه
هناء شبحتلها : لالا كنت ع الشط بس
اروى واقفة توتي في فطورها : يوسف نصبلك قهوة ؟
هناء : شرب من بكري
اروى : عصير !
هناء : قال مايبيش
يوسف يضحك
سعاد شبحت ليوسف : فطرت انت ؟
يوسف : فطرت مع هناء من بكري
احمد فطر و ناض
محمد شبحله : ماتخشش تعوم توا
احمد : علاش
محمد : ماتخشش بروحك
احمد تكنطا : نبي نعووووم
محمد فنص فيه : كلمة و قلتها
احمد سكت
محمود ضحك : راجي أمير البحار يفطر و خش معاه
محمد : هيا أبرا انت
محمود يضحك
يوسف : خيركم ؟ أمير شني ؟؟
محمود : بعدين بعدين 😂
روان ضحكت
اروى تشوف و ساكتة
__________
8
03:00 م
العارف واقف ع الشط و احمد مقعمز بحداه يشلفط ع الموجة عيّان من العوم
العارف لابس شورت و طاقية سعف مدورة و نظارات شمسية
2
أصيل يعوم مع صغار عمه محمد و محمود ؛ شاف جده ضحك : هذا شن مداير في روحه
محمود شبحله : مني
أصيل : جدك
محمود شبحله ضحك : هي نجيبوه ؟
محمد يضحك : فكنا منه يبدا يعيط
أصيل : هي والله نحصلو عليه جو 😃
محمد : فكك يغرق تحصل فيه
محمود : يطلع راس وليد و عرسه قريب
أصيل : هههههههههه
و طق ايده هو محمود
محمد ضحك : باهي جيبوه نراجي فيكم
محمود مشاله و أصيل لحقه
__
أحمد جت بحداه بنية صغيرة شادة ألعاب الرملة
تكنطا : بري اقلبي وجهك بعيد
البنية تشوفله : نبي نلعب هني
أحمد : والله ماك لاعبة
العارف شبحله : خيرك ع البنت
احمد شبحله : تتلصق بحدانا مبردها
العارف : معليشي خليها تلعب
و شبح للبنية : تعالي العبي هني بنيتي
البنية كيف جاية ؛ احمد تكنطا و دفها
البنية طاحت و بدت تبكي
العارف يكشخ : ليه عليك تضرب فيها توا
احمد : بنضربها ماتسمعش ف الكلام
البنية مشت تبكي لي اماليها و جابت خوها نديد احمد
خوها جي يفنص : خيرك على اختي ؟؟
احمد شبحله : اختك باسلة و دفيتها تلعب بعيد
خوها دف احمد من صدره طيحه
احمد تعفلق و وقف دفه من صدره بالقوة حتى هو
الولد طاح و احمد شده من رجليه يكر فيه للبحر
الولد يعيط
جاه العارف : اطلق الولد خيرلك يا احمد
احمد يكر فيه : محمد قالي ديما اضرب
جاه محمود : خيرك ع الولد
احمد : مداير روحه فالح بيضربني
محمود ضحك و طلع الولد : برا في حالك تحرك
الولد مشي لاماليه راعش
محمود شبح لأحمد : تكر فيه من رجليه ؟؟
احمد : ريتكم درتوها لمنذر عجبتني اللقطة
محمود ضحك و مشي لجده : جدي ؟؟
العارف شبحله : شن تبي
محمود : شن جو الطليان اللي مدايره هذا 😃
العارف ضحك : امبكري شريتهم قلت يلزموني
محمود : خديتلنا معاك حتى حني
العارف : مرة تانية ان شاء الله
أصيل طلع من البحر و جاه : هي نحي نظاراتك و سايرنا
العارف شبحله : وين بنسايركم
أصيل : نعوموك
العارف : لالا خلوني هني متريح نتفرج عليكم
محمود شده من ايده : والله الا ماتخش الله
العارف : حول ايدك يا ولد
اصيل نحاله نظاراته : هيا يا حويج عومة خت فت تنعش بيها روحك
محمود : ريفرش يعني 😂
احمد فرح 😍 : ايه ايه اجديده حتى انى بنخش
العارف يضحك : باهي لكن هني ع الشط مش بعيد
محمود مدخله من ايده : باهي غر خش
العارف خش معاهم و هما يضحكو عليه
________
1
النساوين و البنات مقعمزات مع حلومة في الفيراندا
هناء فاتحة تليفونها و تصور سناب
وشوشتها سلسبيل : كان يندري عليك يوسف
هناء ضحكت : ماعنداش سناب منين بيعرف
اروى تشوف للشاليه متع الولاد .. ( وينه خش رقد معادش ناض )
نجاة تاكل ف فروتا : كلمتني ازهار قالت في الشك تجي نكد عليها عماد
سنابل : علاش نكد عليها
نجاة : بيسافر مع صاحبه بعد غدوا قاللها مش وقت مشيك
سنابل سكتت
سعاد : مابعدها منه ديما منكد عليها
سلسبيل ضحكت : حي كان تسمعك روان
هناء : روان اتدوش
حلومة : الله غالب طالع لبوه حتى هو زمان هكي كان مدايرلي
سنابل : لكن انتي وليتي و قديتيه في الكبر
حلومة ضحكت : معادش فيها تبلغمت لا طلوع ولا جيوب هلبا
اروى : محلاه اليوم اجديده كيف لابس ؛ مصغراته الطرحة
نجاة شبحتلها و ضحكت : نزل للمحلات اللي في طريقنا كلهم باش لقي النظارات اللي يبيهم
سعاد بصوت واطي : الناس تكبر و تعقل و هو يكبر و يهبل 😒
حلومة سمعتها و فنصت فيها : ياريتك تتعلمي منه شوية
سعاد انحرجت و سكتت
هناء شبحتلها و بصوت واطي : او شيت 😐
نجاة و البنات زرتهم الضحكة و سكتو
سلسبيل وشوشت سنابل : تعالي معاي
ناضو هما الزوز و نزلو للشط
__________
العارف ف البحر متخزرط : وين خاش بيا انت وياه !!
محمود و اصيل شادينه ايد و رجل
احمد لابس العوامة و يضحك
العارف : ارجع بيا للشط يا قُهدي انتي وياه
اصيل : هيا نسلوطوه محمود
محمود ضحك : هي
العارف يعيط : لااا يا كلاب لا
محمد قرب منهم : ماتخافش حني معاك
العارف داهش : مانقدرش عليه الجو هذا انى
محمود : عيب يا جدي انت كبيييير 😃
اصيل : ههههههههههه
محمود شده من ايديه و اصيل شده من رجليه يلعبو بيه يمين و يسار
محمود و اصيل بصوت عالي : وااااحد .. اثنييييين
العارف يصيح : لا ولاد الكلب لاااا
محمود و اصيل : ثلاااااثة
و سلوطوه ف المية 💦
محمد و احمد : ههههههههه
العارف طلع يفرفش و داهش : تفو عليكم وعلى فيتكم يا كلاب يا خنازير
الولاد يضحكو 😂
جاه محمد شده : تعالى نطلعك
العارف شد فيه : بسرعة معادش فيا حيل
اصيل ضحك و شاف وحدة مش متحجبة تعوم مشي بيلخبطها 😍
____________
2
سنابل شهقت : ان شاء الله خديتي رقمه 😲
سلسبيل : يس يس 😍
سنابل : يا حمارة يحسابني انى
سلسبيل : قلتله على اسمي ماتخافيش
سنابل : و كان محمد يورق ؟؟
سلسبيل قامت حاجبها : شن قصتك مع محمد ؟ ترعشي منه
سنابل انحرجت : شي
سلسبيل : مشيه على الكل الا عليا
سنابل سكتت
سلسبيل : هيا تكلمي
سنابل : مش عارفة ، انى بروحي مش فاهمة شي
سلسبيل ضحكت : خلاص انى فهمت
سنابل وجهها ولاّ احمر
سلسبيل : نمشي نجيب تليفوني و نجي باش تحكيلي امس شن صار
سنابل ضحكت : به
سلسبيل مشت و قعدت سنابل واقفة في مكانها
جي وقف عليها الولد اللي سلسبيل خدت رقمه
سنابل شبحتله : تفضل
الولد : خديتي رقمي و هدرزتي معاي و نسيتيني طول ؟
سنابل انحرجت : نقولك حاجة ؟ راهو اللي خدت منك الرقم اختي مش انى
الولد انصدم : مش انتي اللي عُمتي امس !
سنابل : حني الزوز توأم و كنا نعومو مع بعضنا ؛ و انت انعجبت بيها هي و كلمتها هي مش انى
الولد مصدوم : بسم الله الرحمن الرحيم ، سبحان الله طبق الأصل
سنابل ضحكت
على طلعة محمد شاد العارف ؛ شافها مع الولد تكنطا و عقد حواجبه
العارف داهش : حطني ع الشط و برا
محمد ساكت ؛ قعمز جده و وقف يشوف لسنابل
و سنابل ماتشوفش فيه
( طبعا محمد يعرف يفرّق بين التوأم لان سنابل انحف من سلسبيل )
الولد : بالله سامحيني يا اختي أزعجتك
سنابل : ولا يهمك 😊
و مشي الولد على حاله
محمد مشي للشاليه متعفلق بدون مايكلمها
_______
سلسبيل خدت تليفونها من جنب هناء و ولت لسنابل
يوسف طلع من الشاليه و وقف جنب حلومة : حناي شن الجو
حلومة : الحمد لله
اروى شافاته دارت رجل على رجل و تلعب بخصلاتها 😍
روان اتصلت بأمها و ناضت تتكلم بعيد
حلومة تشوف ليوسف : صحة النوم
يوسف : الله يسلمك
و شبح لنجاة : عمي وين
نجاة : خش رقد من بكري
يوسف : بالله لما ينوض اعطيني علم
و شبح لهناء و غمزها
هناء ابتسمتله
نجاة فاتحة النت : حاضر به
اروى شافاته غمزها تكنطت و وقفت : يوسف نبيك شوية
يوسف شبحلها : نعم
اروى : بروحنا 😊
هناء عقدت حواجبها و تعفلقت
يوسف : عادي ادوي هني
هناء دارت رجل على رجل : حقا شن صار في موضوع اللي يبي يخطبك
اروى شبحتلها : اني ؟
هناء : في بنت غيرك مقعمزة ؟
اروى : اما ولد ؟
هناء : اللي قلتي عليه ليوسف
يوسف فنص فيها
اروى شبحت ليوسف و تلخبطت : اه هداكا ماصارش من موضوعه
هناء : علاش ؟؟
اروى : في ناس قالولي انه مش كويس
هناء : اممم به
و ناضت وقفت : يوسف سايرني للسيارة بنجيب شحني
يوسف : هيا ... ومشي معاها
اروى تعفلقت .. ( تنافسي فيا ؟ بااااهي !! )
___
هناء متكنطية
يوسف : علاش دويتي هكي و وضحتي اني داويلك
هناء : اصلاً بندوي معاها باش تريح روحها و تجبد على موضوعك
__________
روان تتكلم ف التليفون : ماتعدليش عليه تو يجيك محمد و يجيبك ، هو يسافر و يهيج مع صاحبه و انتي تقعدي بروحك !!!
ازهار : بنقعد عند حناك لين تروحو فكيني منه كان بناقشه تو يحلفلي ع الطلوع
روان تعفلقت : انى تو نتصرف
و خشت لمحمد في الشاليه : ماما سكري شوية و نكلمك خلي نشوف محمد
ازهار : باهي ردي بالك على احمد ماتخلوشي يعوم بروحه
روان : باهي حاضر
سكرت ازهار الخط و روان خشت لمحمد لقاته كيف بيخش يدوش
محمد شبحلها : تبي حاجة ؟
روان تحكيله على امها و بوها : ....
محمد زاد تعفلق : ندوش و نمشي نجيبها مش على كيفه
روان : جيبها بالغصب تعرف جوها انت كيف تخاف منه
محمد هز راسه و خش للحمام
_____________
1
سنابل : توا انتي قوليلي شن رايك فيه محمد كشخص
سلسبيل : هو ماشاء الله عليه يفرق على ولاد العيلة خاطي يوسف
سنابل : كيف
سلسبيل : قارنيه بمحمود و أصيل ؛ فرق بين السمي و اللوطّا
سنابل سكتت
سلسبيل : محمد رزين و عقله في راسه ماهوش خفيف ، يعرف يتصرف مش طايش
سنابل تسمع و ساكتة
سلسبيل : و الأهم من هكي انه محترم و خلوق و متع قراية و ماعنداش ع المشاكل و الدوة الفاضية
سنابل : صح ، و الأهم من هذا كله احنيّن هلبا
سلسبيل شبحتلها و ضحكت : انتي طايحة شكلك 😂
سنابل ضحكت
سلسبيل جاها مسج من الولد فتحاته و ضحكت : اقري المختش شن كاتب
سنابل خدت التليفون منها و بدت تقرا
___________________
1
09:00 م
أصيل مداير موعد وراء الشاليهات مع البنت اللي تعرف عليها و هو يعوم
اصيل : هكي من اللي ريتك سبحان الله قلبي استريحلك طول
البنت ابتسمت بخجل : حتى انى ☺️
اصيل : لكن من اليوم معادش تعومي بلا حجاب راني نغير هلبا و مانتحملش
البنت : حاضر 💕
_____________
11
العارف مقعمز مع العيلة قدام الشاليه و يوسف يتمشىٰ مع اسماعيل ع الشط و يتكلم معاه في موضوع هناء
__
العارف يشوف للمكان : والله ماشاء الله شي يشرح النفس المفروض الواحد يجي مرة مرة
محمود : اضرب على جيوبك و ماتخممش نجيبك كل شهر
العارف سكت و دار روحه ماسمعاش
هناء ضحكت : اجديده وين بترقد انت ؟
العارف شبحلها : بنروح مع اسماعيل شوية تاني
هناء : قصدك بابا مروح ؟
العارف : ايه قال عنده مناوبة
هناء : و انت بتقعد بروحك ؟
العارف : و شن بيطرالي ؟ ماهو حتى عماد و السنوسي قاعدين تو حد فيهم يبات معاي
حلومة : والله يا حويج كانك قعدت معانا مش خيرلك ؟ حتى تونسنا
العارف هز راسه : لالا
سنابل وشوشت سلسبيل : نتصل بيه مايردش عليا انشغلت
سلسبيل : بالك لان امه معاه اصبري
سنابل شرين تليفونها لقاته ادم ؛ ماردتش عليه و داراته سايلنت
سلسبيل : مني
سنابل : ادم .. معاش عندي ليه خلوق
اروى سكرت تليفونها و جت بحداهم متعفلقة : ماما تبيني نروح مع خالي اسماعيل
هناء فرحت : طيب فيك
اروى شبحتلها : شني ؟
حلومة : لواه تبيك تروحي كملي هالليلة و غدوا روحي
اروى : ماهو غدوا الصبح بنمشو للجبل و تبيني نمشي معاها لحوش عمتي
سلسبيل : ماعندكش حل معناها معليشي تتعوض مرة تانية
اروى : ايه .. خلي نمشي نلم شنطتي
و خشت الداخل
هناء شبحت لخواتها : و اخيراااا فكة منها
العارف وقف يتفرج ع القرية
محمود شبح لروان : محمد وين ماقابلنيش ؟
روان : شوية و يوصل مشي يجيب في ماما
محمود سكت و نزل ع الشط
أحمد بدي ينعس : روان انى بنرقد لما تجي ماما نوضيني
روان : به و رد بالك ترقد قدام المكيف
احمد : باهي ... و خش الداخل بيرقد
نجاة تهدرز مع سعاد : اشبح العروسة شن جوها
سعاد : اكيد باهية
نجاة : والله احلى حاجة في الزواج شهر العسل مايتعوضش
سعاد : اييي بالله على حظي ؛ من صباحية عرسي نزلت نضم مع اللاّي في حوسة العرس
نجاة ضحكت
سعاد : و هونا كانت امال بروحها مافيش من يعاونها بنات عيلتهم بايرات مش متع عوالة
نجاة : و الله كاني في مكانك ماننزل عروسة بحنتك لواه !
سعاد : والله قلبي ماطاوعني ؛ وين نشوف الحوسة تقولي دودة تربش فيا لين نضم
نجاة : ايه و البرستيج ع الحيط ؟
سعاد ضحكت : اما برستيج حتى انتي اضحكي مانحباش الجو هذا
نجاة : سعدودك اني مانتحملش
__
اسماعيل جي هو و يوسف
يوسف : و ان شاء الله يا عمي ما تاخد الا اللي يرضيك
اسماعيل : عيب انت زي ولدي و مانلقىٰ خير منك
يوسف ضحك : بارك الله فيك
العارف شبح لإسماعيل : هي نتوكلو ؟
اسماعيل : هيا اطلع
هناء شبحتلهم : راجو اروى ف السيارة شوية و تلحقكم بتروح
اسماعيل : به
و طلع هو و بوه
نجاة لحقاته : اسماعيل راجي شوية
اسماعيل تلفت : نعم
نجاة مدتله شكارة : هادي فيها شوية حاجات تعشاهم في الليل و فيه حافظة لونها زرقاء عشي بوك
اسماعيل خداها منها : يسلمو ايديك
نجاة : كلمني لما توصل
اسماعيل : ان شاء الله
_
هناء وقفت جنب يوسف و بصوت واطي : وين التعطيلة هادي كلها مع بابا ؟
يوسف غمزها : دويتله عليك
هناء قلبها دق بسرعة : تبصر !
يوسف : ابدا
هناء : و شن قالك
يوسف : بعدين تو نقولك
هناء : شن بيصبرنيييي
يوسف ضحك
طلعت اروى شادة شنطتها : هي بالسلامة
ردو عليها العيلة : بالسلامة
حلومة : سلمي عليها عمتك
اروى و هي ماشية : سلمك يوصل
هناء شافتها مقربة ليهم تبي تغيظها
شبحت ليوسف : هيا حبيبي امتى بنخشو البحر
يوسف يشوفلها : مستعجلة ؟
هناء : اكييييد
يوسف ضحك
و شبحو هما الزوز لأروى
هناء شدت في ذراع يوسف و ابتسمتلها بإستفزاز : سلميلي على عمتي
اروى ماردتش عليها و مشت متكنطية
هناء تضحك
يوسف يشوف لحوايجها : جاهزة للعوم شكلك
هناء شبحتله : يس يس
يوسف خداها من ايدها و مشو للبحر
____
سنابل : انى بنقعمز ع الشط و لما يجي كلميني
سلسبيل فاتحة الفيس : به
سنابل نزلت للشط و روان لحقتها
سنابل حست بيها وراها تلفتت
روان : عادي نسايرك ؟
سنابل ضحكت : عادي
و قعمزو هما الزوز ع الرملة
روان تشوف للبحر : اللي يعومو يوسف و هناء وله
سنابل ركزت : ايه هما
روان شبحتلها : فيه حاجة بينهم ؟
سنابل ضحكت : حتى انتي عرفتي ؟
روان شبحتلهم : عيونهم فاضحينهم اصلاً
سنابل : ايه صح
روان شبحتلها : زي عيونك انتي و محمد
سنابل انحرجت و شبحتلها : كيف
روان : واضح عليكم حتى انتو 😉.. و بالذات محمد كنت مورقتله من زمان
سنابل سكتت و شبحت قدامها
روان تلفتت للشاليه : ماما شكلها جت
و ناضت وقفت
سنابل : ابعتيلي خوك 😂
روان ضحكت و هي ماشية : به
محمود واقف بعيد شوية و يدخن ؛ شافاته سنابل مابتش تكلمه
جتها سلسبيل و قعمزت بحداها : حميدا جي
سنابل : ايه عرفت
سلسبيل : شكله جوه مش مليح ساكت
سنابل : بوه الفالح بيتزوج
سلسبيل : قربت صار
سنابل : ايه
سلسبيل : شن قالك بيدير ؟
سنابل : ....
_____
هناء تعوم مع يوسف
يوسف مرقدها على ظهرها يعلم فيها : شن رايك ف الجو
هناء مغمضة عيونها : ريلاكسيشن ولا احلى
يوسف ضحك : هيا نوضي ياسرك
هناء شبحتله : علاش
يوسف نوضها و قربها ليه : تعالي عندي
هناء تحشمت : شن تعالي عندي
يوسف حط ايده على خدها : بنحاول نشبع من العسل اللي معاي
هناء ضحكت : احكيلي شن قلت لبابا بالتفصيل
يوسف : اجليه الموضوع توا 😉
_______
محمود كيف بيخش يعوم شافهم ضحك ؛ و رجع قعمز ماصارلاش
_______
سلسبيل : هي نخشو نعومو حتى حني ؟
سنابل : لالا ماخاطريش .. اسمعي لما محمد يجي انى بنوض ندوي معاه بروحنا و كان جي اصيل ديريلي تشريينة
سلسبيل : به
جي محمد بحداهم شافاته سلسبيل : ها ولد العم !
محمد شبحلها و حركلها حواجبه
سنابل : محمد تعالى شوية
محمد متضايق منها : علاش ؟
سنابل : غر تعالى
محمد قرب منهم و وقف قدامهم : شني
سنابل مدتله ايدها : وقفني
محمد وقفها و سنابل شدت ف ايده و مشت هي وياه بعيد شوية
سلسبيل ضحكت : اللهم أرزقني بحبيب من حيث لا أحتسب
_______
3
سنابل تتمشىٰ مع محمد : خيرك متضايق
محمد وقف و نحالها ايدها
سنابل وقفت
محمد عقد حواجبه : من هو اللي كنتي معاه امبكري ؟
سنابل استغربت : مني
محمد فنص فيها : بتبدي في الجو ؟؟
سنابل : والله بجديات نكلم فيك على من تحكي
محمد : اللي وقفتي عليه وقت القوايل لابس سورية قهوية
سنابل سكتت شوية و بعدين قالت : اه هداكا صاحب سلسبيل تلخبط فيا
محمد ضحك بهزوة : هاهاها و انى مفروض نصدقك توا ؟
سنابل اتضايقت : والله مانكذب عليك
محمد متعفلق : لو تبي تقعدي طايشة من واحد لواحد بري شوفيلك حد تاني تسهوكي معاه اهو من توا نقولهالك
سنابل عيونها دمعو : انت شن تقول ؟
محمد : سمعتيني شن نقول و توا بري خشي ارقدي و ماتورينيش روحك
سنابل دموعها نزلو : حرام عليك تظلم فيا انى ماكذبتش والله الا سلسبيل هي اللي تدوي معاه و هو يحسابني هي و لو مش مصدقني برا شوف تليفونها و اقرا المحادثات بينهم
محمد سكت
سنابل تبكي : يعني ضروري تتسرع ف حكمك عليا و تجرحني بالكلام ؟
محمد ساكت
سنابل مشت و هي تمسح في دموعها
محمد لحقها و شدها من ايدها : باهي راجي شوية
سنابل : مش ماتبيش تشوفني خلاص بنخش
محمد شدلها ايديها : اسف هلبا ، انى تسرعت
سنابل عيونها مدمعات : لو مش واثق فيا ماكش متطر انك تكون معاي
محمد يمسحلها في دموعها : باهي اششش
سنابل قلبها يدق
محمد : ياسر من الدموع مانتحملش نشوفك زعلانة
_______
محمود مل بروحه ووقف و هو ماشي لقي محمد واقف مع سنابل في جهة بروحهم
ضحك : يا نهار مش فااااايت
و مشي للشاليه
لقي سلسبيل مقعمزة بروحها : شن اديري بروحك
سلسبيل شبحتله : ندير في عصبان 😒
محمود ضحك و قعمز بحداها
سلسبيل : وين كنت
محمود : كنت نكبس ف العشاق
سلسبيل ضحكت : مَنْ مِنْ العشاق ؟
محمود : امس كبست البرو هو و سنابل يعومو و الصبح كبست العصافير هناء و يوسف و توا لقيتهم يعومو تحشمت نخش
سلسبيل تضحك
محمود : و توا ريت محمد أمير البحار يمسحلها في دموعها ابصر شن دارلها و يرطب ف الجو
سلسبيل تضحك : انى نعس عليهم من الكبسات و انت تكبس 😂
يـتـبـــع ... 💗
_________________
