رواية غرباء ( لقاء بعد الموت ) الفصل الحادي عشر 11 بقلم اساورالموسوي

گمت ما اثق بشي اسمه زواج، خلي اكبر واتخرج ويكون عندي شهادة، عالاقل اصير متحضرة للحياة واكون واعية.

مو هو يصيح واني اتصارخ وياه ويضرب واضرب، وتنعدم الثقة والتفاهم بسبب صغر سننا وعدم كفاءتنا للزواج.

خلص العقد ومشينا للبيت بعد نكمل لحنة تيجان هناك الملا راح يقرأ بعد صلاة المغرب، الزلم راحوا من مساع.

اني وترفة جاي نمشي ورا امي، والبنات بعدهن يضحكن عالحچي والخطابة، وصلنا بيتنا فجأة سمعنا صوت صياح من يم بيت جدي بهالتجمع.

وگفنا كلنا، بنات خالتي طبن انه وترفة رحنه وره امي وعماتي، صوت عمي حسن چان عالي بشكل يخوف يصيح على جدي..

:- گتلك اريد فلوس، شتحسبني طفل؟ تگول ماعندي

جدي كلش معصب..

:- ماعندي الك ولادينار ما انطيك فلس احمر بعد، انتَ زلمة اشتغل

رشاش يمي واگف..

:- لااا مو هسة، مو الليلة عمي دصبر شوي وطلع مصايبك بغير يوم

اكو حب للماي حاطينه بره مكسور شكله عمي حسن كاسره، والگلاصات طايحات، جدي واگف وعصته بيده ويرجف من القهر.

عمي حسن عيونه حمره مو طبيعية ويصيح..

:- لابن ابنك دفعت مهر وسويت عرس وانه ابنك ما تنطيني؟!

جدي يصيح بوجهه..

:- لأن اعرف وين توديها تاكلها حبوب وكبسلة وخرابيط

عمي حسن :- اي اخذ حبوب انه حُر

جدي :- راااااح تموووت نفسك

عمو حسن :- موووو شغلللللك اموت نفسي

سيد عباس تدخل بسرعة..

:- حسن عمي استحي عيب الليلة عقد ابن اخوك

عصب على عمو عباس..

:- لا تعلمني العيب روح علمه لولدك، انه اريد حقي، ورثي بهالبيت اريده

جدي :- تريد تورثني وانه عدل ولك عااااق

سيد مهدي حاول يهديه..

:- عمي بس هدي، يابه حسن تعال نگعد نحچي بهدوء

:- لا تحچيلي عالهدوء محد حاس بيَّ

جدي عصب اكثر..

:- نحس بيك شلون وانتَ كل يوم مسوي مصيبة بعت ذهب مرتك، وبعت اغراض بيتك، وتاليها تجي تريد فلوس، ولك ماتحس ماتشوووف نفسك شتسوي عندك جهال ومرة صابرة عليك

سيد ناصر لزم ايد جدي..

:- عمي هدي بالك ضغطك يرتفع، تعال اگعد

سيد محمد :- هسة انتَ شتريد تريد ترفع ضغط ابوك وتموته؟!

سيد عبد الحسين :- هذا ابوك واذا يصيرله شي تندم عمر يابه

عمي حسن ظل يصيح بعالي صوته..

:- كلكم ضدي كلكم تشوفوني حيوان مو انسان

سيد محمد :- حشاك يمعود بس جاي تأذي ابوك ماتسوه

سيد ماصر :- علمود الفلوس يابه بس ادلل

جدي بعصبية :- لاااااء محد ينطي دينار، اكسر العصى عليه

سيد محمد :- استهدي بالله عمي شنو تضربه هو رجال شكبره

جدي بعصبية :- اضربه بلكي يفيده وينعدل تعبت من مشاكله

تيجان ساكت وجهه تغير من القهر الليلة ليلته وفرحته خربت.

سيد محمد ادنه لعظو حسن..

:- حسن اسمعني يابه مو هالشكل تنحل السالفة

عمو حسن بغضب..

:- لا تحچي وياي كلكم تتفلسفون عليَّ وضدي

ضرب الحايط بيده قوي وفجأة طلع سچين من جيبه، النسوان صرخن دفعة وحدة، يريد يدچ نفسه عناد بجدي.

عمو حسن بصياح..

:- اذا ماتنطيني فلوس ادچ نفسي

جدي بغضب..

:- احرگ نفسك همين انتَ واحد جبااااان ماتسويها اناني وتحب نفسك

حسن :- اسووويها والخلقني

ابوي مد ايده يوخرهم..

:- حسن لاااا خويه هدي تعال انه انطيك شتريد

ترفة شبكتني تبچي، اني گلبي يركض من الخوف، عمي حسن حط السجين على رگبته وهو يصيح..

:- والله اذا ما تنطوني فلوس لا اذبح نفسي هسة

سيد عباس :- لااا ولدي لااا مو تشوف جهالك تباوعلك، هدي

سيد محمد :- تروح لنار جهنم النفس امانة

ماهماه رفع ايده فوگ يريد يدچ نفسه بگلبه، صرخت ترفة والجهال ظلت تبچي، البنات شردن خافن.

ركضوله الزلم دفعة وحدة، لزموا ايده..

سيد عباس لزم ايده..

:- حسن اترك السچين

هو يصيح :- خلونييي اريييييييد امووووووووت

سيد محمد وسيد ناصر ويه عمو مجتبى وسامح ثبتوه بالغصب، السچين طاح من ايده، وعمو سامح بسرعة شالها.

حسن ظل يرفس ويغلط..

:- ابن الكلب هذا كله منكم ماخليتوني اعيش

شيخ مهدي صاح بيّ..

:- استغفر ربك انتَ ببيت بيّ ذكر محمد وآل محمد

:- نعلللللله على ابهااااااتكم كللللللكم

سيد ناصر حاول يحچي بهدوء بس عله صوته..

:- الناس كلها تباوعلك عيب عليك هالسوالف، خزيتنه گوم زلمة انتَ

عمو حسن يصيح..

:- خلللللي يشوفون خلللللي يعرفون شمسوين بيَّ

جدي گعد عالكرسي وتعبان يتنفس، امي راحت ركضتله تجيبله ماي، الولد راحوله اخواني.

هوسة وكل شوي واحد يحچي وياه من الزلم، من القهر والخوفة حتى واگفين يم الزلم مانعرف شنسوي وشنگول.

بس محد انتبه النا واگفات يمهم، تيجان نزل راسه ساكت مبين عليه مكسور الخاطر.

رشاش بعصبية..

:- بلانه بمشاكله كل يوم، والله لو مو عمي چان...

علي الزكي دفره بخفة..

:- اسكت هسة مو وقته لا يسمعك ويجي يكسرلك عظم

عمو حسن ظل يسب ويغلط، حتى على ابن عم ابوي علي لمن حاول يهديه.

سيد علي :- گوم وياي حسن امشي بالحسينية يمي، شتريد انطيك

حسن بغضب :- لا تلمسنييي انتَ هم منافق مثلهم

سيد علي عصب..

:- گوووووم ولللللك عيب عليك شكبرك وشگدك، هنا رجال كبار موجودة احترم عالاقل

حسن دفعه..

:- روح انعل ابوك... لابو ابوك ابن ال......

ظل يغلط ويسب بامه وابوه، علي ماتحمل لزمه هو وعبايته وعگاله على راسه طيح حظه، شلون يسب ابوه وهو ميت.

ولد عم وبينهم، بس الولد ادخلوا ومنعوا علي يضربه، صارت هوسة وحچي جدي ضاج وكلها، اخر شياجه سيد نعيم وسيد سعيد اخذوه وياهم.

علي الزكي :- حروب امشي للبيت، خفت يرجع يتمشكل ويه جدي وعمامي، عمي حسن خطر ومتهور من دون عمامي كلش متهور وصاحب مشاكل.

يشرب حبوب وكل يوم بسجن، ويأذي نفسه چم مرة يشرح جسمه بالسچين گدامنه من احنه صغار ونظل نصرخ.

تيجان صافن كأنُ فرحته كلها انطفت بهاللحظة، اصلاً منو يگول فرحان خطية وزادت عليه هالسالفة.

رحنه للبيت البنات يسألن شصاير سكتت ماعرفت شگول، خالاتي ظلن يحچن على عمي حسن.

امي اجت تأفف :- هاي العروسة اولها گصتها فگر

:- يمه شنو هالحچي هو عمي حسن مشاكله جديدة يعني

:- انتِ انچبي وسكتي محد مشغلچ مدافع الها

:- اي يمه چا حچيچ مابيّ منطقية

:- گتلچ انچبي ويلا ولي سوي عشه

:- يمه شسالفة خلي نصلي نذكر الله، ومو بيت جدي طابخين للخطار

:- بيت جدچ طن خطار عدهم، انتِ والبنات سون اي شي لخالاتچ، بذنجان طماطة

خالتي سلاسل :- هاي طردة عينك عينك

امي دگت ايد على ايد باستهزاء..

:- چا تردين امفطح عيني

سلاسل :- اي شبينا عوران ماتسويلنه مفطح

امي :- اي هسة اذبحلچ واحد من الولد واسويهم الچ

عفتهم ورحت توضيت وامي وخالتي يتناقشن بالأكل، بس انه وخواتي وامي صلينا الباقين ولا وحدة گامت.

بسرعة سوينه عشه انه وشامية، اجن البنات ويانه وبس يضحكن، بس ساعدونه، سوينه بذنجان وبتيتة وطماطة، زلاطة وروبة حيوان، خضرة وفواكه.

والتم العشه الحمدلله على النعمة، بهالوقت والظروف هالسفرة حلم هواي ناس من ضمنهم احنه، بس الحمدلله اليوم مسوگين الولد علمود الخطار.

عندي 3 خالات سلاسل ولطيفة وماجدة، امي الوسطية، عدهن كل وحدة 3 بنات ولد ماجاين وياهم، عذراء، ميس ،زهراء، هيلة، مروة، ابتسام، ليالي، منى، فاطمة.

ذني بنات خالتي، خالتي سلاسل بس چانت ماتدخل بيتنا من زمان زعلانة، بقية خالاتي يجن كل فترة ومايطولن يوم ويومين ويرحن.

خلصنا بسرعة علمود نروح نشوف حنة الولد، ماغسلنا المواعين گلنا من نرجع، رحنه انه والبنات وامي ويانه وخالاتي لبيت جدي.

رحنه من الجهة الثانية من صوب بيت عمي ابو سلطان، شفنه خديجة طلعت من بيتهم عبايتها على راسها وطالع شعرها شوي من گدام.

خديجة صاحت..

:- حروب

التفتت :- نعم

:- وين رايحات للحفلة؟

:- مولود حبيبتي

:- اي يعني احتفال ياولي

:- اي اي، ترحين ويانه

:- اي ياولي اريد اشوف وياكم

:- بس ترا احنه مانروح يم الزلم، راح نحاول نشوف من السطح

ضحكت :- ياولي شلون دحكون من السطح

ضحكت وياها :- يولي نحاول، مانشاف نگعد ونسكت

ضحكت ومشت وياي عطرها فايح يجنن، اباوعلها تخبل ومرتبة وصاكة صكوك، ياربي ارحم بحال اخوي حقه معجب بيها.

هنوب لهجتها عسل، بس مو كل مصطلحاتها تقريبًا نفسنا تحچي، رحنه انه وياها طبينه بيت جدي، صعدنا السطح ماگدرنا نشوف نبين، نسمع صوت المولود والصفگه.

رحنه لباب الحوش الثاني نطل من الفتحة، شفت شامية والبنات گامن يتعاركن عالفتحة مالت الباب.

وخرتهم بالگوة واحنه نتهامس حتى لا ننفضح، لأن المولود وجمعة الزلم وره هالباب مباشرة.

باوعت الولد فرحانين ويصفگون ويضحكون، ومندمجين ويه الصفگات، تيجان گاعد يم الملا بالكرسي، ويضحك على حركات الولد.

ابوي فرحان وجدي كذلك، عمامي كلهم يضحكون والبسمة شايلة حصتها من وجوهم، وخرتني شامية.

:- وجععع خلي نشوف

شامية :- چا بس انتِ

البنات ظلن يتعاركن كل شوي اطلطل وحدة من الفتحة، بس شنو الاحتفال مالتهم يجنن احلى من عدنا، الكاميرا بيد واحد من ولد عم ابوي يصورون.

رفعت ايدي :- ياربي اجعله زواجة خير على آية وتيجان وارزقهم المودة والمحبة طول العمر، ياربي اجبر بخاطرهم بحق محمد وآل محمد

خديجة :- آمين، اگولچ هو الچبير

:- اي ورشاش اللي بعده

:- هساع شگد اعمارهم اخوتچ؟

:- اممممم اخوتي هسة اوگفي اتذكر

ضحكت :- بيچ ياولي اخوتچ ماتعرفين اعمارهم

ضحكت وياها :- لا ياخيه اعرف بس نسيت

:- يمصگوعة هساع رشاش شگد عمرو؟

:- اخوتي امي تگول كلهم بينهم سنة على جرة وحدة، تيجان عمره 21، ورشاش 20، يوسف 19 ،علي الزكي 18، خنجر 17، شرار 16، وعقيل 15

:- ماشاء الله مبينين اكبر من عمرهم، عجل انتِ شگد عمرچ؟

:- 14 سنة وشامية وراي 13 زمان 12 وترفة 11

ضحكت :- يول فدوة شلون موقتين، شلووون؟!

:- هههههه امي هيچ كل سنة تجيب طفل

:- الله يحفظكم، انتِ مبينة اكبر من عمرچ

:- الله يحفظچ، انتِ شگد خديجة؟

:- هساع راح ادخل ال18

:- يوووو اكبر مني 4 سنوات

:- العمر كلو ياعمري

:- والچ حبيبتي

:- تعالي نسولف هينا

:- ههههه اي والله ايسنه نشوف المولود

:- حلوة اجواءكم

:- ايي والله تجنن، شخبار عروستكم

:- مصگوعة يولي

:- ياااا ليش تگولين هيچ عنها خطية

:- احبها يولي، بس هي وسلطان مصگوعين هههههه

:- مدح ذم هههههه

:- كلشي

:- شگد صارلكم هنا خديجة

:- بعد ما انولدت بچم سنة جينا هين، اهلي عليهم دية دم وهربوا من الانبار للجنوب، بسبب العادات هاي

:- نفس حالكم هنا، كله ثارات ودم ويطيح بيها الما مسوي شي

:- اي والله صدگتي، اللي قتل سافر عايش حياتو طول بعرض وسعيد الطاح بيها العشيرة

:- لهجتچ مو مثلنا جنوبية

:- يولي لهجتكم نفسنا بهواي اشياء، اني تعلمت احچي مثل هنا هواي، حتى اهلي

:- تخبببل لهجتكم

:- ههههههه نفس مانگول احنه

:- والله انتم جيران والنعم اخواني يحبون اخوتچ

:- نفس الشعور يولي، تدرين اهلي چانوا يگولون نروح بغداد احسن، بس هين عدنا اقارب، احنه سنة واهلي خافوا مايتقبلونهم اهل الجنوب شيعة

:- ياااا ياااا غير احنه هنا كومة سنة ومثل اهلنا والله

:- اي ابويه يگول مانصدمت باهلنا واخوتنه، فعلًا اخوة

:- فديتكم غير ربنا واحد ورسولنا وكتابنا وديننا واحد

:- الله لا يفرق وحدتنا

:- آمين بحق محمد وآل محمد

:- اللهم صلي على محمد وآل محمد، يولي حروب عادي اسألچ شي

:- سألي حبيبتي

:- رشاش شلونه؟ اقصد شحالو؟

:- مافهمت؟

:- اسأل عليه شلون طبعو اخلاقو شخصيتو

اتسعت ابتسامتي..

:- يولي غير يخبل اخوي، جاي تسأليني عن اخوي، اكيد امدحه

:- هههههه يعني عش اچذب، هو عاجبني واخاف يفهمني غلط اذا گتلو

:- صدگگگگ والله ماتلگين احسن منو، حافظ دينو وصلاتو وصيامو واخلاقو ماتتسولف بيها

:- ههههههههههه صرتي تحچين مثلي يولي

:- ههههههه غير اخذ لساني عليچ

:- عجل خوش نصير حبايب

:- ههههههه حبايب حبايب، بس خدوج عليچ الله هذني لا تحچين يمهن يرحن يحچن ويشهرنا ويخزنه

:- منو يولي؟

:- كلهن ذني

:- ماگيلي رشاش شلونو؟

:- قصدچ اذا يقبل بهيچ گمر؟

:- ههههه ياروحي تسلمي

:- هههههه يقبل ورجليه فوگ راسه

ماگدرت اگلها هو همين سطرني بيچ مدري حسيت اخاف املهم ويحبون واحد الآخ ويجي بينهم عارض، ممكن اهلها مايقبلون بشيعي حقهم هذا.

بالنسبة لابوي اعرفه لو يگوله رشاش مايحط اباله لا عقيدة ولا دين ولا يگول شي ويعترض، اهم ماعنده ولده واختيارهم الهم مو اله.

خلص المولود وانه وخديجة نسولف، وبس نحچي بشرار واخواني، رحنه سويه نرجع للبيت من الجهة الثانية من بيت جدي.

واحنه طالعين شفت عذراء بت خالتي واگفة ويه ولد، بظهر بيت عمو ذياب، بسرعة وخر من شافنه، ما استغربت وگفتها مو اول مرة.

خفت عليها صراحة، لأنها اكثر من مرة تجي خالتي وهي تگلي امشي نروح بيت جدچ وجرني لهناك، نگعد عالنهر، نعبر على هذا ويوگف يم ركن بيتنا مرات.

رحنه يمها.

هيلة :- هااا شعندچ واگفة ويه هذا

عذراء :- ماكو شي بس جاي يسألني شغلة

هيلة :- اممممم شغلة اي صدگنا عذيره سوالفچ مو علينا

عذراء :- هههههههههاي ولچ يمووت شفتي

:- صوتچ ضحكتچ فضحتنا

زهراء :- اييييع ترا چنه ابو بريص يلعب ستين نفس، تفففف على ذوقچ

ميس:- اييي صدگ اييع ذوق چيس حب

شامية :- اييييع ومسربت ماظلت وحدة ماتحارش بيها، الصخلة تتعده من يمه ماتفك نفسها، تظل تمعمع حتى من گد ماتلعب نفسها

مروة :- هسة شنو شفتي بيّ

ابتسام :- هسة لو نگول عدهم فلوس بيها مجال مبين فگر ابن فگور

ليالي :- بنات ترا حلوو ولكم يخبل طويل وسيم

منى :- ايييع بس سرسري

فاطمة :- اي والله

عذراء :- هسة قابل راح اتزوجه ايع ما ايع

هيلة :- چا شنووو؟

عذراء :- يمعودة نتسله شوي

:- وشنو لعب هي؟

عذراء :- لا مو لعب بس الوحدة وين تروح، تتسله بذاك وهذا

:- ترا لعبان نفس ورخص هذا حبيبتي، شنو هذا وذاك

عذراء :- هسة شعليچ اني رخيصة اي

:- ترا ماقصدي بس هالتصرفات عيب وحرام، خالتي ماعلمتچ؟!

عذراء :- حچت المتدينة، وشمسوية قابل نايمة وياه

:- شنو الاختلاف بعد

عذراء :- حروب سكتي رجاءًا مالچ علاقة

:- بكيفچ

عفتهن ومشيت گدامهن، عصبتني صراحة انقهرت كلش، رحت طبيت للبيت گبل رفعت رداني اغسل المواعين.

اجن وياي البنات ظليه نغسل وهن يضحكن وبالشارع بالليل، الولد اعتقد يبقون بيت جدي، كل شوي اجوي الولد يطب واحد وياخذ شي.

تيجان اجه بدون مايباوع النا لأن هذني بلا حياء وخجل من الله شعرهن طالع واللي مالابسة حجاب، عدهم الوضع عادي.

تيجان :- صوتكم شهالضحك؟ گاعدات بالشارع انتن

هيلة :- اوييي صدقة لعريسنا، ترا جاي نضحك عادي بيننا سوالف بنات

تيجان :- زلم تارسة الشارع، تضحكن داخل مو هنا، شيگولون عنا؟

عذراء :- يافدوة لا تزعل هسة نخلص وندخل جوه

راح تيجان يهز راسه، اكيد انقهر مايحب صوتنا يطلع هنا، يخاف علينا من حچي الناس وذني بلا حيا ومستحه.

خلصنا وطبينا جوه فرشنا وهن يسولفن ويضحكن، انوب سوالفهن ياربي ماتنبلع، كله بالحب وسوالف الشباب، هاي شايفة حلو وزاحفلها.

وذيچ شايفة مراهق وغامزلها، ايع صدگ اييع انه وخواتي مانسمع كل يوم الا سوالف ابوي عن الدين والاخلاق.

تحملنا الليلة بس ويمشون باچر اكيد، المكان ماكفه بالهول وغرفة امي، حتى فراش ماكفه، رحت انه وشامية جبنه من بيت جدي.

مايرضن ينامن واحنه تعبانين، ورانه گعدة من الفجر صلاة وعبادة، عرس وهوسة وخطار وطبخ ونفخ.

صارت الساعة بال12 گمت اصلي صلاة الليل ماريد اگطعها بس اعوفها اتكاسل منها، كملت خلصت، اجتني عذراء.

:- حروب فدوة تعاي وياي

:- وين؟

:- گومي انتِ

:- ولچ وييين فهميني؟

:- البنات نامن بس انتِ گاعدة

گمت وياها وگلت الله يستر، گالت اوگفي هنا اذا اجه احد صيحي بزونة، مافهمت ماجه على بالي ولا طخت شيصير.

ماشايفة هيچ ولا مارة عليَّ، راحت للحديقة گلت شبيها هاي، راحت يم ركن، احس خفت جمد الدم بعروگي.

صوت الهوا والهدوء غريب، سمعت صوت وراي بالجن مال الدجاج، انرعبت، گمزت من طفرت الدجاجة من الحايط.

خفت على هاي وين ولت، رحتلها بالركن واشوف رجال واگف وياها طول بطول، اصوات غريبة تصدر منهم والاغرب والصدمني حلگ بحلگ من شافوني وخروا بسرعة.

عصبت وتقرفت صعد الدم لراسي..

:- شتسووووووين عذراء

عذراء ارتبكت..

:- ولچ صوتچ، اشششش صووووتچ

الشاب من شافني يريد يطفر الحايط، صحت واشرت عليه بعصبية..

:- ايييي اشررررد بس اعرفك كلش زين، الله لا يوفقك شجابك لبيتنه، ترضاها لخواتك؟!

ماجاوبني وشرد الناقص.

عذراء ركضت يمي..

:- حروب دخيلچ نصي صوتچ

:- ما انصي صوتي هذا شني اللي شفته هسة؟! رجال طاب بنص بيتنه وانتِ واگفة وياه؟!

:- والله ماصار شي بيننا بس هيچ واگفين

:- حتى لو ماصار شي شني هالقرف؟! ماتستحين؟! ماتخافين من الله؟!

:- حروب بس اسمعيني افهمچ

گاطعتها بعصبية..

:- لا ما اسمع شي، شتفهميني هالسوالف المصخمة؟! تسويها بنت بيوت؟!

:- بس جاي نحچي

:- تحچون بنص الليل ورا الحديقة؟! وانتِ بنت عالم وناس وراچ اهل

:- دخيلچ لا تصيحين

:- اصيح لو واحد من اخواني شافچ شراح يسوي؟! لو امچ شافتچ؟! تدرين تيجان لو شايفه يدفنه بالحديقة

عذراء :- ادري غلط بس لا تصيحين

:- غلط بس؟! ولچ هاي مو غلط هاي مصيبة، تردين تجيبين الحچي والفضيحة النا؟!

:- ولچ والله يحبني

:- يحبچ؟! اللي يحب وحدة يطفر حايط بيتهم بنص الليل؟! وياريت بيتهم، هذا البيت بيّ زلم تخاف على عرض الناس قبل عرضها، بيت اله عمام بيّ اب واخوان، يخافون على عرضهم، لو واحد شايفه چان صارت دم

:- هو گلي بس اشوفچ دقيقة

:- اي وشافچ هسة شني استفاديتي غير الرعب؟

:- حروب لا تقسين عليَّ شوي شوي، افهميني احبه ويحبني

:- اوييي الرقيقة هاي الهامچ غبية انه اصغر منچ سنتين وعقل ماكو براسچ، مافكرتي بينا اذا احد شافه طافر لبيتنه شيگولون علينا؟!

همست :- محد شاف

:- وانه شنو جنية؟! والناس ماتوا؟!

ظلت تفرك ايدها :- ماظنيتچ راح تفضحيني گلت تخاف الله وتسترني

:- ياستر انتِ تفكرين اكو عقل براسچ لو لا؟!

:- ولچ بس اهدي والله ماچنت ناوية هيچ

:- چا شني ناوية تخلينه يطب يمنا ويسولف ويانه؟! طافر الحايط وتگولين ما ناوية هيچ!

:- ماسويت شي والله

:- روحي بيتكم سوي سوالفچ مو هنا، بيتنا مو مال لعب، احنه ما ناقصين مشاكل وسمعة

:- ليش تحچين وياي هيچ عبالك مسوية جريمة

:- لأن اللي تسوينه راح يجيب جريمة، الدنيا مو امان ومو كل الزلم يخافون الله

:- هو مو هيچ

:- كلهن يگولن بالبداية مو هيچ وبعدين يوكلچ تبن

:- انتِ ما جاي تفهمين شي

:- فاهمة اكثر منچ، ولهذا خايفة عليچ

:- يحبني والله يحبني ما يكذب ولا يلعب

مسحت وجهي بعصبية..

:- عذراء اسمعيني زين، اذا صدگ يريدچ يجي من الباب مو من الحايط

:- اخاف اهلي يرفضوه

:- ويعني تخافين يرفضوه تسوين هيچ وتبيعين نفسچ باسم الحب

:- انچبي حرووب شنو ابيع نفسي، گتلچ بس نسولف

:- عبالچ انه غبية عذراء انه تربية سيد علي وسيد اكبر، ابوي حتى ادق تفاصيل الحرام علمني اياها، حتى علاقة الرجال والمرة فلا عبالچ غبية، واذا تظنين الشرف بس انچ تنطين... استغفر الله، ترا لو هي لمسة ممكن تصير زنا وحرام ومحسوبة عليچ

:- هسة شسوي يعني؟ اگطع حچي وياه؟

:- ايييي لحد ما يجي بالشكل الصح

:- صعبة احبه ماگدر

:- الحرام دوم بالبداية يبين سهل والحلال صعب بعدين تنعكس، لا تنطين لزمة عليچ يظل يعايرچ بيها لطول عمرچ، هاي اذا صدگ يريدچ

:- يريدني والله ميت بيَّ، مو من هسة كلما اجي هنا

:- صخام بوجهچ يعني كل ماتلفين هنا يطفر حايطنا؟!

:- هااا لا لا

:- بله الله ياخذچ ياغبية يعني الناس اكيد شافوا مراح يگولون خطارهم الا بناتهم هاي

:- لا لا مو هيچ لا تگولين لأحد دخيلچ حروبه

:- اذا ما تعيدينها ماگول

:- ما اعيدها وعد بس لا تحچين

:- واذا شفته مرة ثانية يطفر الحايط والله اصيح للكل واخلي اخواني يدفنونه هنا وشوفي شيسون بيچ اهلچ

:- ماعيدها لچ والله ماعيدها عفية ستري الموضوع

:- ادري شني فلم هندي وعايشين الدور همين، اللي يرضه بالحرام مايحلاله الحلال ابدًا

:- عبالي الموضوع عادي

:- لا مو عادي، هذا خزي وعار، لا تعودين نفسچ على هالسوالف، لأن مرة ومرتين تجر الثالثة ويصير الغلط الما منه رجعة

:- شعرفني لا عندي احد علمني وصيح عليَّ انه طول عمري محد يدري عني حتى امي

:- هذا مو عذر مومبرر للغلط عدنا عقل الله خلقنا نفكر بيّ

:- اي صدگ، بعد ماعيدها

:- يلا دخلي لا تنعاد بعد، بس لا احد سمعنا وره البيت

سكتت وعافتني وطبت جوه، بسرعة لحگتها من الخوف، اخاف هذا يرجع يطفر ويهجم عليّ عباله عذراء الخايسة.

ماعرف شلون هيچ يسون ولا يفكرن؟! والله العظيم الدنيا هاي عجيبة والبشر شگد وصخين اعوذ بالله، استرنا يارب.

ظليت اتگلب بفراشي، كلش ضجت وانقهرت، شلون من زمان تعرفه اكيد طافر لمن مال هالتعبان، ياربي بس لا يحچون بسمعتنا دخيلك ربي.

نمت وجه الفجر گعدتني امي للصلاة گمت بنعاس صليت وخلصت ردت ارجع انام امي ماخلتني، لازم نحضر كلشي.

الولد اجوي جدي ذابح عجل للعرس، جدي كلش يحب تيجان هو اول حفيد من اولاده، جابوا اللحم نغسله.

گواني بصل وبتيتة وصناديگ الطماطة وعنب وتفاح، خيال وخير من الله جايبين، هاي من كل السادة اللي تبرعوا لعرس تيجان.

ظلينا نشتغل للضحى انه قفلت من النعاس ماگدر اتحمل بعد، اباوع للبنات ويانه بس همين تعب، عذراء تضحك ولا هامها.

اريد اعرف شلون هيچ يسون وينامن الليل بضمير بارد، ليش هالرخص؟! هل الرجال يسوة ارخص نفسي علموده؟!

استغفرت ربي وگمت اغمض عيوني من التعب.

الزلم هم يطبخون وخذوا اللي سويناه من الصبح بس هاي لطبخ العصر للعرس، رحت غسلت وگلت لامي راح انام وقت الصلاة گعدوني.

هوسة وصياح والبنات يتمرگصن على راسي، بس تعبانة نمت شوي وگمت وقت الصلاة، صليت ورجعت للتعب.

حتى العروس مادري بيها راحولها عماتي ياخذوها للصالون، امي بالبيت احوس وياها اركض يمين ويسار حتى شامية، فلا گعدت للعصر.

البيت هوسة وصياح وكل شوي انظف واشيل لو يجيني الولد، معجون لو شعرية لو بزاليا وكشمش، لو بهارات.

الرگص والطبل عالگ يم بنات خالتي، كل وحدة حطت كيلوين مكياج، رحت بدلت عالسريع.

شميت ايدي كلها بصل ضجت الف مرة غسلت، رجعت غسلت، مايهون عليَّ افتح غرفة تيجان وآخذ عطر لو شي اخاف عليهم.

الدنيا مو امان وهم عرسان، المفتاح برگبتي، بس اجوي الولد يردون القاط مالته وعطر وحذاءه، كلهن مأجريهن من امس.

خلصت تبديل نفس ملابس امس لبستهن، وتجمعن السيارات يرحون يجيوبها ويفترون على الشط، المفتاح وياي فما گدرت اروح وياهم واعوف الغرفة.

ظليت بالبيت بيت الشيخ مهدي جاين الحجية ام مهدي وحفيداتها وامهم مرت الشيخ، شگد حبابات وطيوبات.

جيرانه بيت ابو سلطان اجوي ونص جيرانه، البيت ماينمشي بي من النسوان، الزلم تجمعوا بحسينية سيد علي ابن عمنا.

تحركوا السيارات راحوا جابوا العروسة، انه رحت اباوعلهم يتعدون للقضاء حتى يفرون العرسان، من زروف قفص المكيف مالت الدوانية اباوع.

الزلم نصهم عالشارع مو كلهم رايحين، شفت عمو ذياب واگف وياهم گلبي نخبص، رفعت راسي على صوت امي وراي.

:- حروووب شتسوين هنااا؟!

:- جاي اشوف سيارات العرس، ليش مارحتي وياهم يمه خطية تيجان

:- وانتِ شعليچ

:- اخوي يمه شنو شعليه ابنچ البچر وماترحين وياه

:- انچبي وسكتي، ماتگليلي شتسوين اطلين عالشارع؟

:- يمه گتلچ اشوف السيارات

:- السيارات راحت، ولچ لا تكونين عاشگة ذياب اشگ حلگچ بنعالي

ظليت ارجف داخلي..

:- يمه شني هالحچي؟!

:- لاحظتچ تنخبصين باسمه، ومن تشوفينه تصيرين ابو صابر، وهسة جاي اتباوعين عالشارع

:- ماكو هيچ حچي يمه

طلعت شردت منها رحت يم البنات، گعدت يم ام الشيخ مهدي، وبس تمدح جمالي وتوصيني الم شعري ما افتحه.

گاعدة تقنعني بابنها عبالها يمكن عمري 20 لو اكثر اصدمها بعمري لو اخليها هيچ؟

صاحولي البنات رحت اريد اشوف شكو.

ام مهدي :- ولچ گعدي تعاي وين رايحة

:- بس اشوف شيردون

طلعت رشاش يريدني..

:- حروب جيبيلي سچينة

:- منو يلزم الديچ؟

:- هسة الزمه انه، بس جيبي سچين باشطته لايجون

رحت بسرعة جبتله سچين وهو يركض يحاول يلزم الديچ الاحمر بالجنطلعت خديجة وعينها على رشاش وهو دار ، لزمه وطلع، شفته يباوع يمين ويسار.

:- هااا شبيك مضيع شي حبيبي

همسلي :- اجت للعرس؟

ضحكت :- اي واهلها همين

:- حربية بروح ابوچ صاحبيها

:- رشرش حبيبي اخاف على گلبك ينكسر، مايهون عليَّ فدوة عوف السالفة

:- هسة انه شمسوي من بعيد لبعيد يابه

:- اعرف بس همين لا تأمل گلبك وتالي ماتصير

:- لا ان شاء الله تصير، اخوتها وابوها واضح ينطون بس اذا هي رفضت هاي شي ثاني

:- اگلك شي بس ماتتخبل عليَّ

:- شنووو ولچ احچي

:- يبووو راح يجون العرسان مو هسة

:- هسة ماكو غيري يذبح الديچ الهم

:- اي غير ابوي مايشوف خطية

:- گولي شكو؟

:- بعدين

:- وين اشوفچ بعدين

:- ههههه باچر

بنفس اللحظة طلعت خديجة، وياجمالها حاطة الشيلة بس هيچ نص شعرها طالع والعقد الذهب بركبتها يلمع.

رشاش دنگ وهمس..

:- اشتعل هبل

خديجة ابتسمت..

:- شلونك شرار أ أ قصدي شرس

ضحكت :- رشاش

رشاش همس..

:- حياچ الله خويه

خديجة :- يااه عجل اعذرني نسيت اسمك، اگولچ حروب وين الحمام تكرمون

:- هاي هو عيناي

راحتله وهي ترفع بثوبها طلعن شوي رجليها بيض، حطيت ايدي على عيونه لا ينحرف اخوي متدين مو مال انحراف.

همستله :- خويه هااااا يمه من ابن عتبار

رشاش همس..

:- شگلها لعد ام بيتي

:- هههههههههه شبسرعة صارت ام بيتك

:- ولچ يا ام بيتي غير ناسية اسمي، صدگ اشتعل هبل

:- رشرش انتَ وين تقبل هيچ مرتك تلبس

:- هسة خلي نتوكل على الله ويصير نصيب اعلمها

:- هيچي قافل

:- اي والله قافل لو هالمركب لوما اركب

:- هههههههه ماعرفتك صاير خفيف ماتخجل

:- وليييچ الخجل للنسوان

طلعت خديجة من الحمام وهي تعدل شيلتها، ايديها نازكة وبيضات مليانات محابس ذهب، من شافت رشاش ابتسمت بخفة.

دنگ راسه بسرعة وصفن بالديچ عبالك اهم شي بالدنيا هالديچ.

خديجة :- بعدكم ما ذابحينو؟

:- غير من يجون العرسان

خديجة :- هااا اييي

رشاش رفع الديچ بيده..

:- هو لو يفتهم ويعرف راح ينذبح چان عضاني وشرد

همست :- محد شاف

:- وانه شنو جنية؟! والناس ماتوا؟!

ظلت تفرك ايدها :- ماظنيتچ راح تفضحيني گلت تخاف الله وتسترني

:- ياستر انتِ تفكرين اكو عقل براسچ لو لا؟!

:- ولچ بس اهدي والله ماچنت ناوية هيچ

:- چا شني ناوية تخلينه يطب يمنا ويسولف ويانه؟! طافر الحايط وتگولين ما ناوية هيچ!

:- ماسويت شي والله

:- روحي بيتكم سوي سوالفچ مو هنا، بيتنا مو مال لعب، احنه ما ناقصين مشاكل وسمعة

:- ليش تحچين وياي هيچ عبالك مسوية جريمة

:- لأن اللي تسوينه راح يجيب جريمة، الدنيا مو امان ومو كل الزلم يخافون الله

:- هو مو هيچ

:- كلهن يگولن بالبداية مو هيچ وبعدين يوكلچ تبن

:- انتِ ما جاي تفهمين شي

:- فاهمة اكثر منچ، ولهذا خايفة عليچ

:- يحبني والله يحبني ما يكذب ولا يلعب

مسحت وجهي بعصبية..

:- عذراء اسمعيني زين، اذا صدگ يريدچ يجي من الباب مو من الحايط

:- اخاف اهلي يرفضوه

:- ويعني تخافين يرفضوه تسوين هيچ وتبيعين نفسچ باسم الحب

:- انچبي حرووب شنو ابيع نفسي، گتلچ بس نسولف

:- عبالچ انه غبية عذراء انه تربية سيد علي وسيد اكبر، ابوي حتى ادق تفاصيل الحرام علمني اياها، حتى علاقة الرجال والمرة فلا عبالچ غبية، واذا تظنين الشرف بس انچ تنطين... استغفر الله، ترا لو هي لمسة ممكن تصير زنا وحرام ومحسوبة عليچ

:- هسة شسوي يعني؟ اگطع حچي وياه؟

:- ايييي لحد ما يجي بالشكل الصح

:- صعبة احبه ماگدر

:- الحرام دوم بالبداية يبين سهل والحلال صعب بعدين تنعكس، لا تنطين لزمة عليچ يظل يعايرچ بيها لطول عمرچ، هاي اذا صدگ يريدچ

:- يريدني والله ميت بيَّ، مو من هسة كلما اجي هنا

:- صخام بوجهچ يعني كل ماتلفين هنا يطفر حايطنا؟!

:- هااا لا لا

:- بله الله ياخذچ ياغبية يعني الناس اكيد شافوا مراح يگولون خطارهم الا بناتهم هاي

:- لا لا مو هيچ لا تگولين لأحد دخيلچ حروبه

:- اذا ما تعيدينها ماگول

:- ما اعيدها وعد بس لا تحچين

:- واذا شفته مرة ثانية يطفر الحايط والله اصيح للكل واخلي اخواني يدفنونه هنا وشوفي شيسون بيچ اهلچ

:- ههههههه خلي تيجان يسحگ على رجلك

:- حتى لو يدفرني الليلة هم شكلها ماتصير

:- يااا يااا ليش ما تتفائل

:- اولها اسمي ماتذكرته عدل

:- ولك لو تدري شگالت الي البارحة يمكن هسة تروح تخطبها

:- شگااالت ولچ احچي

:- هههههههه ماگلك بعدين

:- والله كتلتيني بعدين وبعدين

:- ماتشوف يحومن يمنه كل شوي وطلعت وحدة، خل نشوفلنه ختلة ونحچي مايسمعونه

:- خوش بس اذا شي مو حلو اموتچ

:- لا حلو والله

:- شعجب مارحتي وياهم

:- اخاف اعوف امي وتحتاجني وهمين غرفة تيجان ابالي، ما امن لاي وحدة

:- شعجب هي مارايحة وياهم

:- مادري

:- يلا احسن تروح واطلع شعرها ياويلي ويشوفون حلالي مرتي

متت ضحك عليه، ويه الضحكة صوت السيارات والهوسة ترست الشارع، عرفنا وصلوا، الجهال اجو يصيحون اجت العروسة، كلها طلعت من الهول يستقبلون العرسان، حتى خديجة.

رشاش بعد مايگدر يباوع من النسوان، دخلوا العرسان وهو جهز الديچ، رفع دشداشته عالنص بجامة بيضة جواها.

ذبحه والهلاهل مشتعلة لطخ احذيتهم من دمه، والنسوان صارت كتل علينه، وحدة من الحجيات لزمت رشاش.

:- يمه فدوة هاي شرير بعد گلبي

رشاش :- خالة انه رشاش مو شرار

:- ياااع يمه فدوووووة ونذر اندار لشبابك صاير تخبل وزلمة كبران

:- چا خالة اظل زغير

:- تعرفني انه ام كريم

:- هلا خالة هلا بيچ

طاحتله بوس بخدوده وهو صار احمر من الخجل، ما متعود نسوان تبوسه اخوي، هي من قرايبنا هالحجية بس همين يستحي.

تگرص بوجناته وتتغزل بيّ وهو يريد يفك نفسه من سلامها ومحبتها اله، چنها وحدة تگزگز على طفل ما چنه رجال شطوله.

يريد يفلت منها يطلع من بين النسوان، اخر شي مسحت على زنده وباسته اخر بوسة، گال سلام وطلع.

متت ضحك وانه اسولف ويه خديجة وهي چانت يمي تتفرج وتسمع، گتلها اخوي انبلع من الخجل مامتعود مرة تبوسه خربت ضحك.

ظلينه نسولف انه وياها ونضحك وكله بسيرة رشاش، اجه وقت صب العشه وانه حايرة بصلاتي، رحت صليت علمى خلصت لگيت امي حارگة الدنيا عليَّ.

رحتلها شبعت رزايل، روح وتعال وبس اركض، ماي وهاي تريد ماعون اكل وتستنجد بيَّ، حتى آية مارحت يمها.

طالعة تخبل، بعد ماصوروا راح تيجان طلع يم الزلم، تعبت بعد كلش، عماتي جوني افتح الغرفة ونگعد العروس بيها.

لاحظتها خايفة كلش وترجف رجفة قوية، حاولت ابرد على گلبها ان اخوي مو وحش ولا هو بلا دين ويقرب لمرة حائض.

هنا شوي خفت ارتباك بس بعدها خايفة، حقها مالومها المرت بيّ مو شوي.

اجو يردون يزفونهم، تركتها وانه اهدي بيها، زفيناهم وانخبصت الدنيا هلاهل ورگص والوجوه فرحانة.

امي جروها گوة وخلوها تهوسله، دخل تيجان مدنگ وهو يبتسم، انسد الباب عليهم ومانعرف شصار هناك.

شوي شوي خفت الهوسة، بس الخطار لوين يلا راحوا، وانه من التعب بعد مابيَّ افتح، مشه الوقت بصعوبة فرشنا للبنات والهوسة گايمة.

نوم ماكو رغم نص الخطار راحوا بيت جدي، بس خالاتي وبناتهم هوستهم، حاولت انام ماگدرت، همين افكر بآية شصار وياها.

لنص الليل هدت الاصوات اخيرًا، ردت اغفه لاحظت عذيره ماكو، رأسن رفعت راسي، حسيت وگلبي رجف، گمت بسرعة لبست حجابي.

باوعت عدل ماهي المصخمة، يارب مو صح الاظنه، باوعت لخالتي نايمة مرتاحة شلون ماتفتقد بتها، ولو حقها تظن يم البنات يسولفن ويسهرن.

طلعت من الصالة واتجهت للمكان اللي البارحة چانت بيّ، الحديقة صوت السدر والورق، من بينهن شفت ثنين واگفين بابشع منظر.

جاي يبوس رگبتها وهي تبعده، لعبت نفسي منهم حسيت نفسي انفجر، اذا سكتت وابو فاضل تجيب النه سمعة وعار، لازم تتأدب.

من شافتني شهگت باسمي..

:- حروب! لاااا حروووب تعاي العباس عليچ

رحت ركض صحت لخالتي وامي وهن اخترعن، گتلهم تعالوا شوفن.

امي :- شكوووو

خالتي ولچ شبيچ

همست :- تعالن شوفن

طلعتهن بره وخالتي بهتت وامي تخزر، عذراء طلعت بوجهنا جاية من الحديقة.

خالتي :- شكووو حروب

امي :- عذيره شبيچن؟

عذراء :- اسفة خالة بس حروب تبلت عليَّ مو هيچ؟

عصبت :- اتبلى عليچ طايحة الحظ

امي :- شكووووو احچن

خالتي :- والله راح اموتچن

عذراء :- شاكو حروب جرتني لهنا متواعدة ويه واحد بالحديقة، طفر الحايط الها وخلتني احرسلها هنا......

يتبع