رواية ندبات الملا بابل الفصل الحادي عشر 11 بقلم زينب جعفر

روايـــة ندبات الملا بابل

بقلمي زينب جعفر

صلوا على محمد وال محمد

"قراءة ممتعه"

7

​⊱━━━━⊰✾⊱━━━━⊰

اشواق:: اطلعي بررره

4

أعياد:: وخرري

69

جريتها حيل مخرمشتها وهيه تصيح اعوفها زمن تهدي بيه وتتوسل اوخر منها وسجيل ما اله صوت

أعياد:: شجاااج اشواق

14

زمن:: كافي بنتي صلي على النبي

2

كلت محترگ دمي

اشواق:: نايمه بجربايتي الحقيره

استغلت الفرصه وضربتني راشدي من قوته حسيت خدي خدر واكعه بلكاع

أعياد:: كافي انطيتج اهواي مجال ادبسز

7

زمن:: موعيب ولچ ادخلين الغرفه متزوجين

أعياد:: من حلاتهاا

15

وخرت رايحه السجيل رفعت راسي لكيته متچي على الباب مچتف ايده

اعياد:: جذبتوا عليه

6

سجيل:: ماتغيرتي بعدچ تگضيها دايحه ومحد يعرف بيچ

15

اعياد:: احترم نفسك زين وكلي ليش جذبت

سجيل:: ليش عاينتلج اصلاً؟

3

اعياد:: وصلني الكلام انتَ كلت ماسوي شي الأرقب

13

سجيل:: دتوكلي

اعياد:: انت تدري اني شنو زين خلي عقلك براسك واتنازل عن ابني

41

وهيه تحاجي كمت ماخذه مزهريه اريد اضربها زمن عاطت وسجيل جراني بسرعه علي خازرني

سجيل:: شبيچ تسودنتي

باوعتله احس موبوعي گبل وخرت منه دافعته لازمه ظهري متأذيه حاسه منغزه

سجيل:: شمالچ شومه

15

اجاني واني اباوعلها لكيت بيدها ابره كعدت بلكاع اهز راسي لا

اشواق:: مابيه شي

38

اعياد:: شفتي احترامها؟

سجيل:: ارجعي المچانج ترا ماحسبج مريه والله

اعياد:: ها الملا رجعت تحجي جنوبي

14

سجيل:: احجي جنوبي صخامي معليچ

زمن:: كافي اعياد

اعياد:: ابني وحيدي ماقبلك تسويله شي فاهم

19

اشواق:: لاتجين ماريد اشوفج

اعياد:: غير حب تحبين أنتِ وقابله هذا يأذي وليدي

اشواق:: ارقب مابي شي ولايسوله كلولي

4

اعياد:: يضحك عليج هل زمال ولچ ابني ماكوو لحد هسه ماراجع البيته

.

زمن:: ما ارضالج تحجين على سجيل

اعياد:: زمن ماضيج كله ادري بي لاتخليني اكول الجنتج شنو انتوا

سجيل:: اخ لو انتِ زلمه بس بسيطه

اعياد:: ابني ماتسويله شي فاهم والله اگلب حالكم گلاب

16

سجيل:: اتوكلي يلا

عافتنه رادت تروح واندارت الي خازرتني شفايفها تحركت بس ما اسمع شنو تحجي درت وجهي منها بسرعه مغمضه عيوني راسي مأذيني هيه طلعت ودنك شايلني

سجيل:: موتكولين اكتلهم؟

12

اشواق:: كتلك افشخهم ليش ماخليتني

6

زمن ضحكت وطلعت هوه دخلني للغرفه ساد الباب

سجيل:: مايصير غاليتي تكدر ترفع عليج قضيه وطلع چلبها

اشواق:: راسي يأذيني

سجيل:: يجوز قرت سوالفها چايفه اتمددي هسه أجي مابطي عليچ

37

هزيت راسي هوه راح يبدل بقيت لازمه راسي دايخه وخدي احس حراره تطلع منه مومال ضربه أنسان !!

14

باوعتله مندار مطلعله دشداشه يلبسها شافني اباوعله وضحك مبينات سنونه

سجيل:: هسه اضحكن لو أضوج عليچ؟

غميته هوه يضحك اجه جايبلي دشداشه

سجيل:: ابدلچ اني عادي لاتستحين

14

خزرته هوه مد ايده

سجيل:: كضي

اخذتها وهوه اندار لبستها كوه راجعه متمدده صحتله يندار كام جاب كتاب وكعد يمي جارني الحضنه

اشواق:: وخر

32

سجيل:: اششش

2

حط ايده على راسي يقره دفعته مخليه بس راسي على رجله رجع يكمل يقره بصوت ناصي بس اسمع همساته بسيطه ومن بينهن اسماء رب العالمين يردد

صارتلي حراره برجليه بلعت ريكي احس النعاس احتلني مسح على راسي مخلص

سجيل:: بس قرت؟

8

باوعتله متذكره الأبره چكتني بيها ماحجيت بس ارمش ابتسم غارز اصابع ايده بشعري

اشواق:: ملا

23

سجيل:: شيبته

5

اشواق:: اني مخبله؟

4

سجيل:: حيل مسودنه غاليتي

اشواق:: اريد اصلي

سجيل:: چا هسه؟

اشواق:: صح ماكو صلاه هسه

سجيل:: سوي اعمال

اشواق:: خوش راح اسوي اعمال

سجيل:: يلا كومي من مچانج

اشواق:: صبر دايخه

سكت رفعت عيوني اباوعله

اشواق:: ايدك دا ترجف

5

سجيل:: لاگلبي

اشواق:: جذاب

ضحك حيل يطكطك اصابعه

سجيل:: اول مره أكضن مريه شتريدين يصير بيه؟

35

اشواق:: هم جذاب

1

سجيل:: وحگ شيبة ابويه اول مره

1

اشواق:: انت تعرفني گبل؟

6

رخت ملامحه سرعان مارجع مبتسم رفعني منومني على المخده

اشواق:: لاتلزمني

27

سجيل:: ماكاضج عايني

شبگت المخده هوه غطاني نايمه بقيت اهلوس بأحلامي وجسمي يحرگني حرگ اتحركت عركانه اتحلمت بأرقب كاعد مثل الحزين وصوت خشن قبيح يتردد بأذني

:: انتِ تحبين ارقب... تقبليها هيج يصير بي.. اشواق.. اشواق لاتفرطين بي "

57

رجف حلكي اشهك اريد اكعد من هل كابوس صوت سجيل يقره القرأن بأذني حسيت دخت اريد اكعد نفسي ماكو ثگل وعبالك احد كاعد على ضلوعي

12

بديت اختنك متثگل الهوى مايجيني كمت اصرخ جان سجيل يقره قرأن والغرفه ضلمه اجاني هوى بارد كلش

اشواق:: عووفوني !!

كام بسرعه مشغل الگلوب كاعد يمي

سجيل:: شمالچ شومه عاينيلي

11

باوعت للشباك مفتوح والبرده ترفرف اتنفست حيل راجعلي الهوى

سجيل:: حلم ردي نامي

نزلت عيني شفته لازم ايدي نترت حيل

اشواق:: موكتلك لاتلزمني

8

سجيل:: اهدي گلبي حلم هاذ

عطت خازرته

اشواق:: روح من وجهي شتردوون مني

صفن بوجهي شويه ميل راسه

سجيل:: رد راسج يعورج؟

مجاوبته انداريت شابگه المخده انام

سجيل:: كومي صلي

اشواق:: اريد انام

سحبني قوي شهكت خايفه طلعني بره رافع ارداناتي غصب صاح بيه

سجيل:: اتوضي

اشواق:: لاتصيح عليه

جر ايديه للمي اتوضيت سد الحنفيه وسحبني يعت بيه مكعدني شامر عليه الحجاب

سجيل:: صلي

اشواق:: حرام تجبرني

سجيل:: ليش جبر؟؟ ماتردين تصلين الربج

9

ماجاوبته لازمه راسي احس راح ينفجر كمت بكوه لابسه الحجاب واصلي هوه واكف يمي لحد ماكملت رفعت راسي اباوعله

كعد يمي جراني الصدره ادفع بي ويضغط اقوى الاشوي وادخل الضلوعه من قوة شبگته الي

سجيل:: وسواس شياطين لاتسمعيلهم

12

اشواق:: كلساع اعيد وخرر شبيك

ماستمعلي باقي شابگني

اشواق:: ماحب احد يحضني غير امي

سجيل:: احسبيني امج چا

24

ضحكت هوه ابتسم رجعت ارفس بي

اشواق:: صدك احجي شبيك شنو اتفقنه

سجيل:: شنو؟

اشواق:: تتغابه

ضربني على راسي خفيف

سجيل:: السانج

اشواق:: ماعرفك اني ماتستحي

سجيل:: رجلج

اشواق:: بس ماعرفك خلوك گبالي بيوم العرس

1

سجيل::متأكده ماشايفتني؟

سكتت افكر من جنت اشوفه بجامع بس بقيت ناكره

اشواق:: اي ماشايفتك

سجيل:: من چنتي جاهله حاطچ بحضني

56

اشواق:: شنو؟

سجيل:: وشيبة ابوي

اشواق:: لاتجذب اصلاً بيبيتي عافت جدي من جانوا ابوي وعمامي صغار

سجيل:: چا شلون الحبيبه تعارف منوه؟

ماجاوبته مستوعبه طبطب على خدي

سجيل:: لادوخين روحچ بهسوالف ردي مچانج نامي

1

وخر ايده مني كايم يرجع القرأن المكانه واني كلت بعدم فهم

اشواق:: ليش ماتربيت يمهم؟

وكف بدون مايندار

اشواق:: حتى لهجتك مومثلهم، ادري همه يكولون مرات جنوبي من بيبيتي بس انتَ لهجتك عبالك اتربيت بجنوب

باوعلي بطرف عينه شافني ارجف خايفه

سجيل:: عليش هل رجيف؟

اشواق:: كالولي ما اكلك

سجيل:: ليش تعرفين شي؟

اشواق:: لا، بس من اسأل يكلولي لاتسألينه وهنه هم يتهربن مايجاوبني

رجع كاعد گبالي

سجيل:: وأنتِ غاليتي تردين تعرفين مو

اشواق:: غير رجلي؟

14

سجيل:: لا، احنه بينه اتفاق وبس

7

ماحجيت بكلمه هوه باوع بعيوني ميل راسه

سجيل:: موتحجين هيچ؟

1

اشواق:: بس اريد اعرف

سجيل:: گلبي موكلشي لازم تعرفينه

اشواق:: غير اعرف العايشه وياه شنو حياته منو كلك نعيش يوم يومين موضوعنه يطول تره

2

اتمدد بفراشه مخلي ايده اثنينهن وره راسه طابگهن ومغمض عيونه

سجيل:: لاتخافين انسان حاله حال البشر

ماحجيت هوه فتح عينه يباوعلي أشرلي للجربايه انام

اشواق:: زمن منين طلعت وگبل ربتك

سجيل:: غاليتي موكثرن سوالفچ

5

اشواق:: جاوبني سؤال واحد على الأقل بداعت زمن

سجيل:: چانت تشتغل بيت جدي گبل

اشواق:: وبعد

سجيل:: كلتي سؤال واحد، يلا نامي موراسج يعورچ

اشواق:: احس صرت زينه

سجيل:: بت الچلب قرت عليچ

اشواق:: شقرت؟؟ تدري بيها مو

اتنهد مغمض

سجيل:: بـ شني؟

اشواق:: هيه تصير جني بليل

15

ضحك حيل مهتزه أچتافه ويكح

سجيل:: اخ شومه اخ والله الچ حچايات فدوه الحلكج

23

اشواق:: ايع

3

سجيل:: نامي

اشواق::مشتاقه الأخويه

سجيل:: عشير

اشواق:: اي استغفرالله اكول نسانه شنو

سجيل:: ليش وين هوه؟

1

اشواق:: تجنيد العسكريه سنتين يلا يجينه

سجيل:: وين اكو هيچ حجي كل اسبوعين هيج يكدر ينزللكم

اشواق:: ادري بس هو ما دا يجينه واكيد ابوي مايكله علينه هنا مادري بعد

سجيل:: صغير چا.. شكد عمره؟

اشواق:: بدايه سنه عيد ميلاده يصير 19

29

سكت شوي يحك حاجبه

سجيل:: الا صديق اسمه مسلام؟

18

كلت بفرحه وصدمه

اشواق:: اي شدراك

سجيل:: اعرفه چا شايفه واجه همن هنايه

اشواق:: شوكت حباب كولي وينه خابره اذا عندك رقمه

سجيل:: ماعرف رقمه بس اعرف رقم صاحبه

اشواق:: اي هوه يمه حباب كله اني هنا

سجيل:: چا هسه ولچ

اشواق:: الله يخليك حباب اخويه هذا

سجيل:: عيب عايني الساعه بيش

سكتت هوه كام خلى ايده عليه دفعته خايفه

اشواق:: شجاك

سجيل:: بعدج ترجفين.. مصخنه؟

6

اشواق:: مابيه شي خابر اخويه حباب لاتقهر گلبي

سجيل:: اسم الله على گلبچ غاليتي يصير الصبح والله كريم

ماجاوبته بس دموعي ينزلن على خدي بهدوء احسهن چمر حار وگلبي يتلوع

سجيل:: استغفرالله ربي اخ منچ شومه اخ

كام ناحية التلفون الأرضي واتصل فرحت امسح بدموعي لازمه ركبتي بكوه اتنفس حراره جسمي تزيد

سجيل:: السلام عليكم ورحمة

مسلام:: ها ملا بس لابيك شي؟ لزموك

5

سجيل:: ههههه لا اعذرني خابرتك هيچ وكت بس اريدن احاجي عشير صاحبك

مسلام:: عشير

باوعلي مجاوبه

سجيل:: اي الراد يصير ملا

مسلام:: بس عشير موهنا هسه ملا

كمت واكفه يمه اسمع زين خزرني رجعت ابجي وسكت يزفر نفسه خالص صبره

سجيل:: چا وين راح؟

3

مسلام:: اذ تريد منه شي كلي من يجي اكله

سجيل:: لاهوه وينه؟

1

باوعت السجيل گلبي يدك سريع همست

اشواق:: وين راح

أشرلي اسكت لازم چتف ايدي

سجيل:: ها خويه

مسلام:: عنده شغله بس ان شاء لله يرجع

سجيل:: اي خويه لاتقصر احجيله اريده بسالفه

مسلام:: صار ملا صار خدام الك احنه

سجيل:: خادم الحسين احنه ان شاء لله

مسلام:: صدك ملا ماتروح للزياره؟

سجيل::كاضين شوارع كض وين اروحن هسه لو بوحدي اي بس انتوا وياي مسؤوليه هايه

مسلام:: لويموتونه عادي اهم شي زياره الأمام

18

سجيل:: ربك كريم تنحل ان شاء لله.. يلا أخذ راحتك

تسالموا وسد الأتصال باوعتله فاتحه حلكي ابجي ضحك

سجيل:: عليش هل بجي ولچ مرمرتي گليبي

24

اشواق:: لاتاخذ اخويه خاف يشوفوكم ويسولكم شي

سجيل:: چا تمنعينه من زياره

ردت احجي وحسيت كل هل فتره هوه يمسح على طول ايديه وخرت خازرته

اشواق:: دا تتجاوز الحدود هاي اكثر من مره تسويها اليوم

19

ماحجه عافني ورجع الفراشه رحت يمه

اشواق:: حباب لاتاخذه والله اخاف علي

سجيل:: شني احكم علي

اشواق:: مبينين يسمعون كلامك

سجيل:: الحجي ينگال غاليتي نامي واحمدي ربج طلعت اعارف اخوج

اشواق:: جان لازم تلح علي حتى يكلك وين

سجيل:: هاي جزايتي بدال ماتشكريني والله عمي نعم الله عليچ

سكتنه صار هدوء لزمت راسي راح ينفجر من كثر مايأذيني

اشواق:: ملا

سجيل:: كافي گلبي راح يطلع الصبح واحنه منايمين

اشواق:: شكرا اهواي

ماجاوبني باقي مغمض يبلع ريكه

اشواق:: ادري دا اضوجك بس والله موقصدي يعني..

سجيل:: شومه نامي

اشواق:: ادري كلامي عن ارقب ضوجك ذاك اليوم بس موقصدي اكوله بس حتى لاتضربه لأن شفت وجه صار كله دم متشوه ادري موبوعيك جنت..

1

قبل لااكمل كلامي كام وانا فزيت

سجيل:: ما اسوي شي موبوعي كله بوعي ولو يرجع الوكت اكضه اطكه اكثر من هيچ واكسر رجله اني انطيته مجال لأن حجيت هوه ابن عمي ومايصير اطكه گبالج والخنيث طلع مسدسه من ماكدرلي

10

اشواق:: راح تتنازل مو؟

سجيل:: حتى لوتنازلت مايهدونه

اشواق:: ليش؟

سجيل:: گلبي اني مو واحد من شارع وهوه هم ضابط طبعا اله عقوبه سالفه

4

اشواق:: ليش اذا من شارع مايعاقبونه

سجيل:: اذا ما الهم شغل زين والرامي موضابط يكدرون مايعاقبون اذا تنازل المرمين علي بس اكيد يتأكدون اذا الكلام صدك

اشواق:: ياكلام

سجيل:: يطلعولهم حجه مثلاً بلغلط اجت طلقه هيج شي تصير اهواي بس مابيد الحكومه شي ماطول لخ متنازل ومايريد عقوبه

اشواق:: كلهم بلغلط رمه علي واني افتهمت غلط وكتلته

سجيل:: لاتمسلتين ونامي گلبي

8

اشواق:: حباب الله يخليك هوه هم ابن عمك خطيه تره

13

سجيل:: واني موخطيه چان ماتن رجليه مو؟ لو سجيل خيولي شنو يصيرله عادي

11

اشواق:: دمشيها هل مره .. باجر اخذني البيت مسلام

سجيل:: استغفرالله ربي

اشواق:: غير اخويه

سجيل:: اريد اشوف السيد اكو خطبه

اشواق:: ياسيد؟

سجيل:: سيد الصدر راح نروح اني وجماعه ويانه

64

اشواق:: هنا بابل

سجيل::لا اروحله اني

اشواق:: لايشوفونك

سجيل:: اليحب الصدر يموت گلبه ومايخاف

27

اشواق:: بيبيتي تحبه اهواي

سجيل:: ياهوه مايحبه هسه اني راح اتعنى الطريق كله حتى بس اشوفه كم دقيقه وهاي اذا كدرت احجي وياه

1

اشواق:: ليش

فرك عيونه بنعاس مچتف ايده

سجيل:: هوسه علي

كمت متمدده بجربايه بكوه اتنفس هوه همس

سجيل:: بعدج مصخنه؟

3

اشواق:: لا احسن

سجيل:: اتغطي زين حتى تعركين وتطلع بروده بجسمج

اشواق:: يمكن بردت من عرس ذول

سجيل:: حجيتلج مانروح بس چلبتي بيهم

اشواق:: حلو العرس لاتنكر

سجيل:: شني شفتهمت لازمتني وصافنه بوجهي چا ماتكدرين تصفنين علي هنا گبالج وعاينيلي

10

اشواق:: اتمايلت

سجيل:: وين تمايل لو تمايلنه غير اكسر ظهرج

1

اشواق: لاهيج لزمتك وهيج سويت احرك براسي

9

سجيل:: هههههه نامي

درت وجهي عيني على الشباك ومادري ليش افكر بأرقب.. ستوني بديت اغفى واتصل تلفون اتحركت نايمه على جهه ثانيه وسمعته كال بصدمه

سجيل:: شني؟ چا هسه صدك تحجون هيه مصخنه لو تسمع غير تموت البت بيدي

10

عرفته يقصدني كمت بنعاس بكوه مقاومه

اشواق:: شكو ملا

دفرني من راسي مرجعني انام غفيت وهوه يصيح رجعت رفعت راسي

اشواق:: صوت عمي؟

12

رجع دفرني بيده منومني

سجيل:: نامي انتِ

37

رجعت نايمه شويه واندك الباب هوه طلع يصيح ويغلط كمت وراه خايفه لكيته بطرمه يفتح القفل

سجيل: احجيلهم موهسه بس مدغمين

اشواق:: بس لا أعياد اهوو

اندار شافني واكفه وراه لزم طرف دشداشته يعض بشفته يريد يركض وراي

سجيل:: موحجيتلج نامي ولچ

26

ركضت داخله جوه واغمغم بي

سجيل:: انعل ابوج حنون لابو البالي

19

اندك الباب باوع فاتح ايده

سجيل:: لا ابو ابويه

فتح الباب واني دخلت مستغربه من عصبيته لكيت بوجهي زمن مخليه الخاولي على راسها

زمن:: شنو شبي سجيل ياهوه بلباب

اشواق:: مادري

طلعت بسرعه فاتحه الباب مطل على الطرمه تباوع

رحت يمها اسمعه يحجي ويه احد وضوه سياره على جهه عاكس علي

سجيل:: وين تاخذوها.. چا هسه.. ها خويه هلا بيك

8

راد يسلم على احد شافنه نباوعله رد الباب وراح يسلم ضيگت عيوني مامفتهمه شي ردت ادخل وسمعت صوتها بطرمه

منوه:: اشواق عمري راح نروح

فتحت عيوني مامستوعبه باوعت الزمن مبتسمه وبعيونها الحزن نفس الوكت

زمن:: امج تريدج

7

طلعت بسرعه اركض لكيتها واكفه يمها بيبيتي لابسات عباياتهن شلون ماجان وجايات بدشاديش

اشواق::صايرلكم شي؟

عذيه:: عشير رجع اشواق رجعلنه

22

ضحكت مامصدكه شمرت نفسي بسرعه بحضن امي ابجي

اشواق:: والله دريت طالع يدورنه مانسانه

بقينه نبجي ونشهك وخرت من امي متخبله روحي واحجي بفرح

اشواق:: وينه اخويه من اروحله فدوه

كالت امي بين دموعها ومبتسمه

منوه:: بره لبسي عبايتج ترحين ويانه

2

اشواق:: اي هسه جايه

مادري وين ياخذوني بس مثل العميه اروح بس اريد نرجع سوه انداريت ادخل ولكيت زمن واكفه دموعها ينزلن على خدها وتباوع

درت كل جسمي اليوره على انضارها وشفت سجيل واكف بعيد يباوعلي بكــسره..

61

رجعت انضاري على زمن طبطبت على چتفي

زمن:: روحي ويه اهلج شومه .

شبگتها بايستها ودخلت جوه هيه راحت على امي وبيبيتي تسلم اني دخلت للغرفه بس لبست عبايتي ردت اطلع ولكيته بوجهي طابگ الباب حيل

سجيل:: حجابج

سمعت كلامه لبست حجابي على سريع وفوكاها العبايه مشيت وجراني من ايدي ناحيته عيونه حمر

سجيل:: لاترحين

26

اشواق:: اهلي

سجيل:: احجيلهم صبح ياخذونچ

اشواق:: ماصدكت اشوفهم ملا

غمض عيونه ماخذ نفس قوي وعاف ايدي كال مخنوك

سجيل:: روحي

23

بقيت واكفه باوعلي أشرلي اروح اتنهدت ماحسيت على روحي ألا لزمت ايده بايسته

اشواق: شكرا ملا

17

جر ايديه اثنينهن بسرعه بايسهن قوي متنفس حيل

جسمي اتصنم طول يلا وخر مامباوعلي داير كل جسمه بسرعه

15

قبل لا اطلع كلت

اشواق:: معه السلامه

5

جاوبني وهوه منطيني ظهره كال بكوه

سجيل:: الله وياج شومه

ردت افتح الباب واجت عيني على عباره مكتوبه بدم يابس..

:: الورد خير حتى لو ذبلان "

45

طبگت حواجبي خايفه من سالفه الورد طلعت بسرعه بره ولكيت عشير گبالي شهكت حيل هوه بسرعه شبگني

عشير:: خيتي

24

دفنت راسي بركبته ابجي منهاره

اشواق:: اخوي وابوي انتَ ياروحها الأخيتك

16

باوعتله لازمه وجه

عشير:: سامحيني عفتكم سامحيني

اشواق:: موذنبك گلبي

5

دنك يبجي لزمت راسه بايسه كصته دموعي نزلن على وجه

اشواق:: يامحلا جيتك خويه يامحلاها

1

انداريت الامي وبيبيتي وفيحاء يبجن عمي واكف على جهه مبتسم مسح على عيونه

عشير:: اجيت اخذكم ماعوفكم بعد واكسر ضلوعه اليوصللكم

8

بين دموعي كلت بضحكه

اشواق:: اخوي صاير جبير ويوكف الخواته

عشير:: لوتردن گلبي ألچن يشهد الحسين

27

ضميت نفسي بحضنه حاسه بحنان وأمان اول مره وره فتره طوييله

ظهير:: يلا اصعدي بعد عمج

حسيت دخت زايد لزمت ايد اخـــويه سانده بي

عشير:: بيچ شي حبيبتي

ابتسمت هازه راسي لا صعدت بسياره بسرعه فيحاء كالت

فيحاء:: بيبي شعجب ماصحتي

عذيه:: والله لوتجعصوني منا الباجر ماحجي شحلاتهاا الكعده وياكم

1

منوه:: ناقصنه فاقد

اختفت الضحكه من وجهنه اتنهدت تاچيه راسي على جام سياره

عشير:: اجيبه موصعبه .

2

مشت السياره زمن تلوح بيديها وتبجي تودعنه طلع سجيل لوحلي بيده ابتسمت رادتها اله

18

ماعرفت وين رايحين بس الأعرفه أمـــان ماطول اخوي ويانه .

1

بنص الطريق غفيت ونفس الكوابيس رجعتلي احس اختنكت اكثر فزيت شاهكه امي لزمتني تهدي بيه

منوه:: اسم الله شجاج حبيبتي

اشواق:: اريد مي

فيحاء:: ماجايبين

فركت عيوني معدله كعدتي اباوع من جام وگلبي احس صار صغير من قلة نبضاته مختنكه احاول مابين الهم وصلنه المنطقه بين مناطق شعبيه مبينه نزلنا وعمي فتح الباب

ظهير:: ادخلوا يلا امي..ادنه راسه يأشر.. عشير يلا ابني

دخلنه جريت فيحاء

فيحاء:: دخيلج يلزهره

اشواق:: ليش جابونه هنا

فيحاء:: غير نكعد هنا لعد شنو

اشواق:: هيج بسرعه

فيحاء:: لاطبعا بس خطيه عشير يريدنه سويه اليوم

ابتسمت جان بيت عادي نوعا ما بدون طرمه ممرر يصير گبالنه وعلى جهه يسار مطبخ نمشي شوي على جهه اليمين الهول

عذيه:: اي كعدوني بلهول اني

1

راحت كاعده احنه مشينه بنص مسافه زينه على جهه ميز اكل مخلين وصفحه ثانيه على يسار اكو حمام ودرج

فيحاء:: هذا درج وين يودينه

1

ابتسمت متذكره سجيل همست مكرره كلامه..

اشواق:: الشيب ابوي

62

ظهير:: فوك الغرف بعد وهم اكو كم بايه تصعدون تلكون السطح

عشير:: تعبتك وياي... سكت شوي وكال.. عمي

لزم چتفه

ظهير:: بحسابه ابوك خليني.. ها تره مومثل حنون اني

6

عشير:: لامبين خوش رجال

ظهير:: ههههه اي همزين لعد يلا اروح اني بعد

عشير:: الله وياك

راح طلع اني انداريت الفيحاء صاعدين الدرج

اشواق:: منين دبرتوا هل بيت

فيحاء:: مال صديق عمو ظهير عايفه

اشواق:: اني ماجبت غراضي

1

فيحاء:: اي مواني جايبه كنتوري

5

ضحكت دخلنه الغرفه اثنينه بيها اني اتمددت انام بسرعه كعدتني تصيح

اشواق:: شبيچ

1

فيحاء:: بترابه تنامين صدك تحجين

اشواق:: افرشي عبايتج ونامي عليها باجر ننضف وندبرها

فيحاء:: ماكدر اختنك

ماجاوبتها راجعه غافيه

فيحاء:: هاي شبي خدج

اشواق:: شبي

فيحاء:: اثر احمر

5

نمت وكعدت الصبح على صياحهن هيه وبيبي يكنسن وينضفن

اشواق:: كايمه كايمه

فيحاء:: يلاا متنه بترابه

نزلت افرك براسي وسانده نفسي بدرج

عذيه:: ولجن شني غير تكعدن من وكت

اشواق:: والله خبصتوني ماتخلون واحد ينام

عذيه:: صبيع ترا ارجعج السوزان مو هناك يم زمن دللوج للظهر تكعدين

ضحكت بايستها هيه غمتني رحت غسلت لكيت عشير بلمطبخ جايب غراض اهواي

اشواق:: هاي شدعوه

عشير:: غير نستقر هنا طبعا تحتاجون

دنكت اشوف شجايب جريت تفاحه ماكلتها

عشير:: غسليها ولچ

1

اشواق:: مسحتها بيدي

عشير:: ولچ غسليها موزين

اشواق:: احنى شلون بلمهوس بنضافه

1

كمت غاسلتها وكعدت بلهول لكيت يمي شيله بيبي ربطتها براسي واكل ماحس ألا اجاني نعال

اشواق:: هيه شنووه شبيكم

30

عذيه:: ولج كومي ويانه ساعدينه راح اروح اطك زمن طكه على دلالها الج

اشواق:: راسي يأذيني دعوفوني

عذيه:: شمري شحاطتي وكومي يلا جنج عجيز ذبي شيلتي

1

استغفرت شامره شحاطتها خزرتني راجعه شامرتها كمت ضايجه

عذيه:: ولچ موعيب تشمرينها علي ادبسز

اشواق:: يايمه راح ينفجر راسي اريد ارجع للملا

25

عذيه:: هسه صار عزيز ساعدينه يلا الله يساعده

اشواق:: عليمن شمسويتله

شمرت شيلتها وكمت وياهن اساعدهن ننضف البيت امي علگت صونده ترشرش النه مي واني بلماسحه واختي بلمكناسه وبيبي تذب بصابون

اجه عشير كاعد على الكرسي يقرالنه قصيده

منوه::الله شنوهاي صوتك يخبل

عذيه:: اي صير نفس سجيل ملا

عشير:: سجيل صاحبي مادري بي ابن عمي لحد هسه مامصدك

19

عفتهم وكعدت لافه عباية امي نايمه عليها

عذيه:: منوه جيبي الصونده

امي انطتها الها ماحس الا رشت علي فزيت شاهكه

اشواق:: بللتيني بيبي هوه هيچ

عشير:: ههههههههه

عذيه:: ولچ كومي لا ألوي اذاناتج صبيع

"""""

غرام:: اخذت الوصله منگعتها بسطل وطلعت للهول لكيت ابويه كاعد ولازم راسه صافن

1

نسرين:: خلي من هذا المعطر اطيب من ذاك

1

أشرتلها على ابوي هيه انتبهت

نسرين:: ها مشتاق عمي

خلدان:: المن؟

23

عضيت شفايفي أشرلها تسكت ماكو

نسرين:: العذيه

خلدان:: لاشكو اشتاق الطليقتي طايحه الحظ غير حرام

24

نسرين:: هيه بقت على اشتياق عمو

1

شال نعاله راحت تركض للمطبخ تضحك وهوه يدردم

غرام:: حتى سالفه النعال اتعلمتها من امي

خلدان:: خره بيج وبأمج دروحن

21

طلعت للطرمه اغسل الكاعيه لكيت صباح ترشرش مي للزرع وحوريه تغسل الملابس

غرام:: اعياد مارجعت من بيت خالتها

3

صباح:: رجعت من الفجر

غرام:: شنو دجاج شعندها

حوريه:: ماتحملوها تلكين

سمر:: عمه غرام

25

انداريتلها مضيكه عيوني من ضوه الشمس

غرام:: شهل أدب نازل عليج

1

سمر:: المن تغمزين

غرام:: للشمس

سمر:: وين ماطره البارحه بس لون هاي

غرام:: اختصري شتردين

سمر:: فلوس

صباح:: اكليخره ابوج مو انطاج ادبسز

5

سمر:: ماما شبيج عمتي هاي اكيد تنطيني

غرام:: دولي انتِ وعمتج منيلي

7

حوريه:: غرام على كوله امج تجدي من الحافي نعال

غرام:: اي والله بطرانه روحي ادرسي

سمر:: شدرس خلصت ونجحت

غرام::صدك لعد تعاي اشتغلي ويانه

3

سمر:: الي خلكم

صباح:: ادبسز والله اخلي ابوج يربيج

3

عافتنه تريد تدخل وارقب دخل باوعناله كلنا لاف وجه بلفاف ونص وجه الظاهر متشوه بجروح مورم

سكتنه كلنا منصدمين هوه نزل راسه ودخل

غرام:: ارقب حبيبي

8

ارقب:: ها عمه

1

غرام:: اكعد ويانه

ارقب:: تعبان اريد ارتاح

29

غرام:: سجيل سوالك شي؟

صباح:: ازيد من هيج شيسوي

3

غرام:: لاقصدي الشرطه

ارقب:: ماكو شي لايضل بالكم

سمر:: وين جنت غايب عنه

1

عافها ودخل جوه اتنهدت مكمله شغل

حوريه:: اني موكتله سجيل لاتندك بي جم مره اكوله ماعرف يجوز منه

غرام:: ارقب هم مايكعد راحه رماه طلقه

صباح:: غير يدافع الروحه ماتباوعين وجه الزلمه متشوه تشوه ونوب خوفج لايعاقبونه

11

حوريه:: ليش

غرام:: غير ضابط مايصير يستخدم سلاح خارج شغله

حوريه:: بس هوه دافع على روحه يعتبر

1

صباح::هاي اذا سجيل كال يدافع الروحه

حوريه:: بس مبين منكتل ارقب

غرام:: تنگلب على سجيل نوب خطيه شنو سالفه كون تنسد ومحد يتضرر

كالن اثنينهن... ان شاء لله

دخل رشيد بيده سمجات

حوريه:: شنوهاي الشبكه

رشيد:: سمجات هاجن بسرعه

غرام:: مو دا امسح ياخويه

انطاهن الحوريه اخذتهن بسرعه جوه دخل محسن وراه وياه ثمره يصفگون يصيحون

محسن:: شجمات شجمات

25

ثمره:: ياغبي سمجات اسمهن

3

غرام:: عيب تكوليله غبي

ثمره:: فاقد يحجي احسن منه

9

صباح:: جبيرتهم اكعدي راحه

كعدت مچتفه ايديها بزعل

غرام:: مثل عمتج هيه لاتزعلين

ثمره:: مومنها اريد اشوف شعير

37

غرام:: ياشعير

7

ثمره:: اخو فيحاء

غرام:: شجاب سيرته ولج

ثمره:: كالوا البارحه اجه اريد اشوف العوره مالته

صباح:: ياعوره؟

ثمره:: هنا بعينه متعور

رشيد:: غرام

غرام:: ها خويه

رشيد:: لبسي عبايتج انطي ذني سمجات جيرانه

3

غرام:: ياهمه؟

رشيد:: صديقتج ساره تريد تشوفج كلتلي هسه فا اخذيلهم من سمج هم

3

فرحت نشفت ايدي بسرعه ودخلت لابسه حجابي وعبايتي طلعت ماخذتهن

خلدان:: وين رايحه؟

غرام:: اودي السمج الساره

خلدان:: لاطولين تعالي بسرعه

هزيت راسي ورحت دخلت بفرعهم لكيتها واكفه بابهم بعبايتها شافتني لوحتلي بيدها رحتلها بسرعه شابگتها

غرام:: شلونج ولج

ساره:: حقيره غير تسألين عليه

غرام:: كلش اهلي يخلوني اطلع دباعي لحد هسه جروحي ماطابن كلش

ساره:: ليش؟

غرام:: اخوي ضربني لأن طلعت

ساره:: ميسر مو

غرام:: اكو احد يضرب غيره

ساره:: ديلا هوه اخوج

غرام:: لا شلون ماتشوفين ظهير شلون رزله يستاهل

2

ساره:: هاي شنو بيدج

غرام:: سمج الكم هاج

ساره:: اكلج اريد احاجيج بشغله

غرام:: كولي بسرعه حتى ما اتأخر

ساره:: شنو رأيج نفتحلنه مشروع

15

غرام:: اهوو

ساره:: صدك احجي شبيج

غرام:: وين اكدر هوه بس شغل البيت كاسر ظهري

ساره:: مايأثر عليج يحتاجلج وقت قصير علي يعني شوي من يومج

غرام:: شنو هوه؟

ساره:: اني راح اسوي اكل ونبيع

غرام:: الي خلك اطبخ

ساره:: هسه دنطي مجال واحد يمسلت

غرام:: انتي طبخين وتبيعين اني شنو دوري بسالفه

ساره:: اني راح اطبخ وانطيج الأكل تبيعينه

غرام:: بسطيه اسوي بيتنه قصدج

ساره:: لا اكتبي لوحه ولزكيها بابكم وناس تجي تطلب انتي تكليلي وتبيعينه الهم وهم نفترلنه شوي نودي الهم اذا قريب وذا بعيد اخوانج يودونه وحصه الاكثر بلفلوس الج

7

غرام:: ها.. تنجح سالفه عود

ساره:: اذا مانجحت نبطل والاكل ناكله احنه

8

غرام:: راح اشوف اهلي واردلج خبر

ساره:: هاج رقمي

غرام:: شنو محضرته للتصجيمات

2

ساره:: ههههه ادبسز غير اريد احجي وياج كتبت الرقم وضميته كلت بينما تجين

غرام:: يلا حروح

تسالمنه ورحت بيدي ورقه بيها رقمها طبگتها زين سرعان ماحسيت انجريت من طرف عبايتي

غرام:: ولك بووويه

23

عبد العزيز:: اشش

12

غرام:: هذا انتَ

عبد العزيز:: عصفورتي تذكريني خوش والله محظوظ اني

37

غرام:: شتريد ولك لايشوفونك جيران يمي اخواني لايطلعون

عبد العزيز:: اكسرهم الج بلخيزرانه اليفك حلكه

غرام:: هوه شنو شبيك بس تعارك شتريد

عبدالعزيز:: مشتاقلج

30

غرام:: وين عرفتني حتى تشتاقلي

عبدالعزيز:: الوجهج اشتاقيت

10

رف بمقدمه حواجبه كال بوهن

عبدالعزيز:: شكلج مايروح من بالي

12

غرام:: رجال شكبرك حاط عينك على زعطوطه

عبدالعزيز:: ااخخ مبين عليه شايب عود صابغ

35

غرام:: روح حباب والله يكتلوني

عبدالعزيز:: ماشفتيني شلون كتلت اخوج بخيزرانتي

1

غرام:: استغفرالله تروح لو اركعك بتسعه وتلاثين

59

عبدالعزيز:: خوش قياس رجلج صغيره اني باعي رجلي عبالك كرك وربج

31

غرام:: شهل صلافه كاتل اخويه وجايني تتمعشگني

عبدالعزيز:: حاجي گلبي

9

راحت الشمس مغيمه جان لون عيونه فيروزي كبل تغير لونهم من راحت شمس صارن زرك بلعت ريكي

غرام:: اني بنت ناس وأصول مو مال تلعب عليه

14

عبدالعزيز:: حگج ماتعرفين عبد العزيز من يعشگ

21

ردت اروح صار كبالي بسرعه وكفت خايفه عيني على بابنه لايطلع احد هوه ولامهتم صافن بيه

عبدالعزيز:: اريدج مره الي

20

غرام:: كل عقلك !

عبدالعزيز:: وشعرچ الرماني

21

صفنت شلون عرف صابغه شعري

غرام:: اخويه انت مبين تره تريد تلعب وحبك تگضيه وكت بس والله مو من هل بنات اني الله يحفضك بس وخر وأعتقني

عبدالعزيز:: ليش ماخذه عليه هل نضره؟

13

غرام:: راح يطلعون اهلي روح عليك الحسين

من حلفته اتنهد وخر ردت امشي وكال

عبدالعزيز:: ساعه التسعه اطلعي بطرمه

انداريت خازرته

غرام:: افتهم حبك الوقتي موعليه ابوي يلا روح لا أكول الأخواني

عبدالعزيز:: وربج محد يكدرلي محدد لوتجيبين هل منطقه كلها عليه اكتلهم الج بلخيزرانه

28

ماجاوبته رحت بسرعه البيتنه ساده الباب وگلبي يدك السريع

غرام:: منين طلعلي هذا.. يارب ابعده عني والله مناقصه مشاكل

رند:: شبيچ؟

فزيت حيل لكيتها هيه اتنهدت رحتلها بسرعه حاجيتلها كلشي الصار..

رند:: تردين اكول الظهير

غرام:: مخبل هذا مبين موبعقله لايسويلهم شي يمعوده

رند:: دخيولي والله يجتمعون علي يكتلونه كتله

غرام:: لاتكولين الأحد حبابه حتى النسرين لاتحجين

رند:: خوش بس لاطلعين اليوم خلي مثل المطي ينتضر بره حتى بلكت يلگفه احد ويكتله

غرام:: مخلس المنطقه ياهوه يكتله

5

رند:: ادري منو هوه شنو سالفه ادخلي والله كريم

ذبيت عبايتي ودخلت لكيت ابويه كاعد ويه البنات يفلس تمر عفتهم ردت ادخل وكالت

حوريه:: دباوعي ابوج شو ماحجيتي

غرام:: ها اي صدك يابه شعجب

خلدان:: شنو اول مره اساعدكم بطبخ

صباح:: اي

خلدان:: طايحه الحظ ماتدرين بعمج انتِ جان طباخ المنطقه كلها تعرفه

4

حوريه:: عمي

خلدان:: چا شنو اجذب عليكم

نبأ:: حلوو چا ها

3

خلدان:: غير شكد مگابل عذيه طبعا اكول بچا

حوريه:: دكول مشتاقلها

خلدان:: دنجبوا شنو عادي تره نكول چا ولعد احنه بابليين حتى البغدادين يكولون چا

43

اجيت يمه بايسته

غرام:: لاتضوجون ابويه حبيبي

ضحك مكمل تفليس وياهم واندك تلفون

غرام:: اجاوب اني

خلدان:: طايحه الحظ جيبي خلي بأذني

جبته هوه يفلس كال

خلدان:: هلا منو.. ها عذيه شلونج

14

وحده باوعت للثانيه نضحك نسرين تفتح بلعجين بشيبگ زادت بسرعتها وطاحت الصينيه طايح الطحين بوجها

خلدان:: ثول جيبي اني اسوي

9

عذيه:: شتسوي شكو

خلدان:: بنت اخوي وطلايبها ماتخلص

3

عذيه:: احجيلها عذيه تكلج وغمه

1

خلدان:: عذيه تكلج وغمه

عذيه:: كول الأحد من ولدك يباتون يمنه موتجيب العشيره لا بس واحد

4

خلدان:: ليش شكو؟

عذيه:: عشير راح يلتحق اليوم وحجه احد يبات يمنه

1

خلدان:: واني شنو بياع خضره

نسرين:: لاتسوي كليجه

22

خلدان:: طايحه الحظ كومي غسلي وجهج من طحين

عذيه:: شسوي بيك

خلدان:: شنو ولچ شقصدج

عذيه:: نريدلنه معدل اذا دخل حرامي يكتله كتله

خلدان:: اعجبج عذيه

عذيه:: ياا شو دروح اني اقوى منك

7

خلدان:: اليوم من اجي نتحارب ونشوف

20

ضحكنه هوه باوعلنه يخوزر وامي دردم علي

خلدان:: امشن ولن للمطبخ شكو تسنطن ولجن وجم مره اكلكم لاطبخون بلهول طايحين الحظ

2

نبأ:: عمي انتَ كلت النه تعالوا اسوي وياكم

نسرين:: واني اشهد سيدي القاضي

8

خلدان:: راح اركعكم بشيبگ كوموا

عذيه:: ههههههههه چاي تطبخ منك من شيطان يلشيطان

خلدان:: انجبي انتِ واليوم اني جايكم

عذيه:: شسوي بيك

سداه بوجه واحنه نتراكض نضحك لليل راح كعدنه على العشى وسألوا علي

رشيد:: لعد وين ابوي

زاهر:: تلكاه ويه صاحبه

نسرين:: لاراح البيت جديد اشتراه عشير

ظهير:: ها؟

1

"""""""

عذيه:: حجيتلك لاتجي اطلع بلمطرود

7

خلدان:: جاي على احفادي اني

سد الباب وهيه تهز بحلكها تباوعلي

اشواق:: جدي تدري عشير كال البيبي اريد جدي هوه اليجي بذات حددك الك

خلدان:: صدك؟ لعد انتِ ليش تجذبين

عذيه:: انلصم مني

خلدان:: ديلا نتحارب

9

عذيه:: عايني هذا اليسمعه الي خلكه والله يالله

منوه:: شلونك عمي

خلدان:: هلا بيج بنيتي والله بس انتِ الطيبين الگلب مومثل ذوليج الناس

عذيه:: على كوله صبيع گبرررر

خلدان:: لا مشيتهن اهواي

هجم يريد يتعارك وهيه كامتله بيدها شيلتها تضرب بي

اشواق:: اعصابكم

15

فيحاء:: منين نجيب ثامر بهل ليل

37

عذيه:: هشش هششش

31

خلدان:: تهشين بيه ولچ ادبسز حيوان گبالچ شنو

ركضت وهوه وراهاا ضحكنه

فيحاء:: سينما بلاش شنو رأيج نعزم الجيران

4

اشواق:: ياريت

عفتهم وصعدت فوك احس صرت اشوف مغوش وكعت بلكاع فاقده نايمه نفس كوابيس رجعتلي بس هل مره حسيت اختنكت اكثر وصوت يتردد ادافع الأرقب

19

فزيت ماخذه نفس منداره راجعه غافيه وتحلمت اصيح على سجيل هوه صاير عصبي بس انا واكفه بطرمه كمت عركانه ومختنكه

فيحاء:: اسم الله عليج صايره تفزين

اشواق:: ملابسي اريدهن

فيحاء:: عشير اشترالنه جديدات

عطت عليها خازرتها

اشواق:: اريد ملابسي ودوني السجيل وهسه

5

فيحاء:: هسه شسالفتج دنيا ليل

دفعتها ماخذه عبايتي لابستها ونازله احس موبوعي امشي رحت الجدي لكيته كاعد وبيبيتي على جهه مطنكره

اشواق:: اكو شغلات اريدهن اخذني البيت سجيل

خلدان:: هسه جدو؟

كلت بنفاذ صبر

اشواق:: ايي هسه يلا

عذيه:: متحلمه وجايتنه شني ولچ

5

بقيت انتر بيهم وجدي كام ماخذني صعدنه بسياره عمي ظهير جايبها ورحنه طول الطريق واني كاعده على اعصابي واحس بطني تتگلب لعبانه روحي

وصلنه ونزلني لح علي ينزل وأصريت يروح لحد ماقنعته هوه يرجعني يلا راح دكيت الباب فتحه لكيته بملابس الطلعه بيده علاكه

سجيل:: شومه

اشواق:: وين جنت؟

سجيل:: حجيتلج اسافر

دفعته ودخلت هوه سد الباب مستغرب

سجيل:: ياهوه جابج؟

اشواق:: ليش سجنت ارقب

سجيل:: شنو شجاي تحجين؟

اشواق:: تضحك علي انتَ ادري بيك تريد تسجنه موحراام عليك حقير

30

سجيل:: وازني حجيج

زمن:: شكو ابني.. شومه شوكت اجيتي حبيبتي

ماجاوبتها لازمه ايد سجيل اسحبه مايجي وياي باوعتله هوه منصدم

سجيل:: شمالچ؟

اشواق:: ليش تريد نحجي هنا؟

2

زمن:: ها اخذوا راحتكم راح ادخل للغرفه اني

سحبني بسرعه الصدره خازرني فاتح عيونه على حيلهن

سجيل:: شلون تحجين هيج ولچ شبيج

اشواق:: ارقب لاتسويله شي اموتك

25

عفته ودخلت جوه الغرفتنه هوه دخل وراي طابك الباب وقافله سريع اجه عليه لازمني حيل يهز بيه

سجيل:: شمالچ بهل ليالي دخل بيج جني لو شني

دفعته ابجي منقهره

اشواق:: شفته ارقب بسجن ليش ضحكت علي موكتلي ماسويله شي تريد تعاقبه بعد مو مجرم انتَ ماريدك بعد اني

10

سجيل:: مامسجون منين جبتي هل حجي بويه

لطمت على وجهي فاقده املخ بشعري هوه بس واكف يباوعلي

اشواق:: لاتجذب لاتجذب عليه اذبحك والله اذا سويتله شي

5

كمت لازمته احجي بتوسل وابجي محترگ گلبي

اشواق:: كلي الصدك ماراح يصيرله شي مو

سجيل:: اهدي

نترت كازه على سنوني

اشواق:: ماهدء كولي الصدك يلا كلي

سجيل:: بس ينقلونه

كلت بغصه راجف حلكي

اشواق:: وين؟

سجيل:: للحدود

اشواق:: يعني خطر علي حيموت مو

17

سجيل:: بعد ماصاير شي كافي نامي هنا اليوم موبعقلج شبيج

اشواق:: والله اذا نقلتوا او صارله شي هيج شعرايه منه انمست اعوفك

16

بسرعه دفرني على الكنتور خازرني لاوي ايدي صحت متأذيه

سجيل:: وعلي السجاد إذا جبتي سالفته بعد أو شفت منج تصرف ما يرضيني لـ أگلب الدنيا على راسج وراس الخلفوج ! انثبري بمكانج ولا تخلين العصبية تخليني أسوي شي ثنينا نندم عليه

16

سكتت خايفه من عصبيته خفت لايفقد مايحس على روحه ويضربني رغم خوفي وعبالك احد يحجيني كوه

اشواق:: تصيح عليه لأن ماريد الشر اله

5

سجيل:: كافي عاد بوسي ايدج واحمدي ربج ساكت واصبر بروحي عليچ

1

اشواق:: يعني ضحكت عليه وراح تأذي

سجيل:: عسى ما اذبحه بيدي وانعل سلف سلفاه شعليچ بي؟؟

اشواق:: ليش اتغيرت

سجيل:: موتغيرت بس صبرت روحي وماجاي اكدر اكضب نفسي

7

كعدت بلكاع لازمه راسي صدري يصعد وينزل بسرعه مختنكه هوه أتنهد

سجيل:: كومي

جراني علي باوعتله وجسمي يرعش حيل عيوني حمر كوه كاتمه شهكاتي هوه مد اصبعين يتلمس خدي يهدي بيه..

سجيل:: اشششش

اشواق:: هيچ تصاوب گلبي وتضحك علي موكتلي ماسويله شي؟

ضغط عليه دافن راسه بشعري وكال بقهر..

سجيل:: صوابچ إنتِ چان غدر والغدر يهد الحيل حتى لو چان صاحبه سبع !

34

صار غواش بعيوني واكعه على صدره، راسي صار برگبته اخر شي سمعته

سجيل:: شومه گلبي .

كعدت على صوت قرأن

اشواق:: انا وين.. متت؟

11

فتحت عيوني لكيته داحسني بحضنه شابگني حيل ويقره ايده على راسي يمسح

اشواق:: دا تسوي ملا

14

سد القرأن ماسحه على راسي اني مامفتهمه شي

اشواق:: شجابني هنا

مد ايده حط القرأن على الميز معدل كعدتي

سجيل:: ارتاحيتي؟

تذكرت هزيت راسي مامستوعبه السويته قبل شوي

اشواق:: ها.. اي

بقى عيونه عليه كارص خشمي اني بس محاوطته وصافنه

اشواق:: رجعني

9

سجيل:: عايني گلبي وين كاعده

2

كمت بسرعه ضاربته على صدره هوه ضحك حيل مخلي ايده على راسه

سجيل:: تعبان وتعبتي گلبي بعد

اشواق:: ليش

سجيل:: غير ملعونه الوالدين مادري شمسويتلج

13

اشواق:: شنو؟

كام جاب ورقه لافها بعلگ ومتخيط مد ايده منطينياه

سجيل:: خلي يمج

11

اشواق:: مال شنو هذا

2

سجيل:: بس ضمي يمج من تختنكين يفيدج

سكتت كايمه حاسه ألم راسي خاف بهواي

اشواق:: زمن وين

سجيل:: اشش

باوعتله هوه طلع من جنطتي شال اتقرب يمي شاد عيني

اشواق:: دا تسوي؟؟

سجيل:: اخطفج شومه

26

اشواق:: لاصدك احجي، ملا لاتستهتر

سجيل:: ليش الملا مايصير يستهتر ويه مرته؟

15

اشواق:: لا مومرتك يلا وخر

ضباها اقوى على عيوني مشيني صاير وراي ولازم ايديه اثنينهن

اشواق:: حباب وخره اريد اروح الزمن زعلت مني مو

ماجاوبني مشيني شوي عرفت طلعنه من الغرفه

اشواق:: وين ماخذني ملا

بسرعه شالني شهكت محاوطته خايفه

اشواق:: ملا

سجيل:: شيباته

اشواق:: نزلني وين ماخذني للطرمه.. شنو هاي دا تصعد درج وين للسطح بس لاتشمرني والله ماسويت شي

18

سجيل:: كافي بالعه مسجل شني

اشواق:: لاتشمرني

سجيل:: هههههه اشمر روحي وماشمرج غاليتي

3

ضربته ضايجه

اشواق:: سوالف المتزوجين ماحبها مو صرت صديقي هذا هوه تستهتر سرسحي

24

سجيل:: سرسحي؟

5

اشواق:: اي نزلني

فتح ايده عطت متعلگه بي اكثر هوه يضحك حيل

اشواق:: حرام عليك رجعت دخت

18

سجيل:: وصلنه گلب گلبي

نزلني فاتح الباب طالع صوت مثل زنجار لزم ايدي مصعدني دچه دخلت جايني هوى بارد سد الباب وفتح الشال من عيوني

انصدمت مخليه ايدي على حلكي انداريت ولكيته بوجهي مبتسم.. همست

اشواق:: ملا .

99

"""""

غرام:: صار الليل وساعه عبرت التسعه ولاطلعت باقيه بغرفتي خايفه ردت اكوم وانضربت رجلي بلجراره عطت راجعه كاعده

2

هيه فزت على عيطتي

رند:: بيج شي؟

غرام:: لانامي

رند:: ماتنامين صدك

غرام:: خايفه

رند:: عليمن شنو طلعتيله؟

غرام:: لاوالله

رند:: ايي عفيه ديربالج لايشوفونج وين اكدر احميج بعد

غرام:: بس اني خايفه لا ماطلعله ويسوي شي

رند:: شبيج ترجفين منه رجيف يمعوده دخل يطير كلشي مايطلع بيده نامي ارتاحي احسن

غرام:: اي راح اجيبلي مي وانام

رند:: موطلعين

غرام:: لا ابد وعد

هزت راسها مكمله نومتها اني كمت ماخذه دولكه طلعت للمطبخ اترسها مي واندك الباب فزيت خايفه

غرام:: اتوهم

رجعت الغرفتي اركض ساده الباب رحت الرند اكعدها ولكيتها نايمه اتنهدت راجعه الجربايتي شربت مي واتمددت ارجف اعضعض بطرف جرجفي

غرام:: ادري بلاء علي هذا شنو

بقيت كاعده احاجي بروحي ماحسيت الروحي الا غفيت اتحلمت بمكان ابيض وهوه بي يصيحلي كمت فازه اتنفس سريع

غرام:: راح اتخبل والله من وراه شنوهاي

57

كمت معدله كعدتي لازمه راسي همست

غرام:: رند.. رند اكعدي

اندك كزاز شباك غرفتي شهكت مخليه ايدي على گلبي

غرام:: رند حبابه كومي

ماكعدت كمت على كيفي واكفه يم شباك فتحت البرده ولكيته واكف بيده خيزرانه

26

أشرتله يروح وهوه صافن مبتسم انتبهت الروحي ضميت نفسي بسرعه ازلغ بخدودي

غرام:: يايمه شافني بدون حجاب لا راحت روحي ان شاء لله

23

رجع اندك الشباك بحصوايه اتحركت رند ضايجه كمت بسرعه لابسه حجابي باوعت من شباك مالكيته اتنهدت وماعرف الأسوي شنو

طلعت بطرمه ورجليه بكوه حاملتني

مالكيت احد كرطت اظفري بخوف.. همست

غرام:: وينك؟

2

عبد العزيز:: عصفورتي

42

انداريت لكيته متمدد على حايط جيرانه ايده جوه راسي يباوعلي ويضحك ...

يتبع...