رواية بين القبول والرفض الفصل الحادي عشر 11 والاخير بقلم جمانه السعيدي
عقيل...شفتها طلعت عصبيه لازمه حسون من ايده تسحب بي بقوه
طلعت وراها اركض
تمشي بالاتجاه الثاني مو باتجاه السياره
ركضت وراها
عقيل...وووين ووين رايحه
ريام.. وانت شعليك خليك ويا صاحبتك روح روح
تريدني اخطبها اللك
اروح اهلهل
عقيل.. اوكفي تحجين عن منو انتي ليش هيج عصبيه
ريام...شلون مااصير عصبيه وانت عايفني ورايح تحجي ويا هاي صدك ماعندك ذوق
عقيل....ماصار شي بس سئلتها على عنوأن بيتهم
هاي شبيج انتي مو تدرين اني جاي ادور عروس
ريام.. اي روح ارجع الها لا اطير من ايدك تعال حسون عمه
عقيل...دنكت شلت حسون ولزمتها من ايدها
كتاها يله اوصلكم وارجع
سحبت ايدها مني
ريام..... ترجع هنا
عقيل.. اي بسببج مالحكت اتعرف عليها
شالت علاكة الملابس بعصبيه وشمرتها عليه
صاحت بصوت عالي ارجعلها ارجعلها مااريدك توصلني
عقيل.. اش اش فضحتينا صوتج
شنو هذا الصوت دنكت شلت العلاكه ولزمتها من ايدها
يله اوصلكم
ريام...مااريد كلشي مااريد منك عوفني
وواحد غبي كلشي ما يفتهم
عقيل...فتحت عيوني بعدين خزرتها منو الغبي
ا بس نوصل للبيت تعرفين شلون راح احسابج
ممنوع تحجين ولا كلمه
شلت العلاكه بأيد وحسوني بأيد ورحت للسياره
صعدت وشغلتها وهيه باقيه واكفه بمكانها
تباوع عليه جمانه السعيدي
حقها تصير عصبيه صار ساعتين تحجي وتلمح
واني منطيها الأذن الطرشه
اذا مااطلع كل قهري الي انقهرتها بسببها مااسمي عقيل
طلعت راسي من الجامه وصحت بيها بعصبيه ما تجين
تمثال خوما تمثال واكفه بمكانج
لو ناويه تبقين هنا
شغلت السياره وحركتها من مكانها اجت تمشي
بس شنو عيونها براسها هلكد ما ضايجه
شغلت السياره وطلعت ماحجينا اي شي
اني اصلا زعلت عليها شلون تغلط عليه
وصلنا نزلت قبلها فتحت باب ببت عمي ودخلت اني وحسوني خليت العلاكه ورجعت طلعت
من طلعت هيه لا كتني توها داخله تمشي تسحل بروحها سحل
رحت بؤتنا بس دخلت كمت اضحك
امي.. يالله ضحك خير انشاء الله شكووو
عقيل...استوت ولله استوت على الاخر
امي...شني الي استوت
عقيل...ريام
امي.. شبيها ريام
عقيل.. راح احجيلج بس ممنوع تحجين كدام اي احد
امي....سولف اسمعك
عقيل...ريام تريدني اخطبها صار ساعه تلمحلي
امي...اي يايمه فدوه النعرفه احسن من الي ما نعرفه
ريام بنيتنا وحنا ربيناها
ليش تروح الواحد غريب
عقيل....ممنوع تحجين اذا سئلوج على الخطوبه
كولي عقيل يريد يروح يشوف العروس اذا حجيتي حجايه ازعل عليج وابطل بعد ماازوج
امي...لا مااحجي بس بشرط تزوج ريام مو وحده غيرها
عقيل...هيه راح تجي تخطبني منج
امي...يااا يمه عقيل شسويت للبنيه
عقيل...ولله ماسويت شي هيه تحبني وتركض وراي
امي...ولله انت اسوي مصايب
محد يكدر عليك
جمانه السعيدي
هذا اليوم مارحت عليهم لان زعلان زعلان على ريام
اليوم الي بعده رحت حلقت شعري غيرت الكصه القديمه عفت شعري شويه اطول قبل احلق حيل قصير
بدون اي ملامح الاي كصه
الكصه هلمره حلوه وحددت لحيتي
لبست بنطرون وقميص اسود جدد
عبرت عليهم
عقيل.. شلونج خاله
خالتي.. عيون خالتك وين امس ما جيتني اذا اشوفك جني شايفه علي
عقيل.. عندي شغل
دخلت ريام شلونك عقيل
مارديت عليها خالتي بقت تباوع عليه
خالتي.. انتي ضوجتي عقيل امس جنه زعلان عليج
ريام...لا ما ضوجته
عقيل.. شنو رئيج خاله بهاي الكشخه
خالتي...عين الله عليك
عقيل...وكفت عدلت بنطلوني والقميص
اليوم اروح اشوف العروس
خالتي...بلعافيه انشاء الله
عقيل. هاي هيه هيج حلووو تمام
ريام...لا مو حلوووو
عقيل...اني مااحجي وياج
خالتي.. ليش الله يستر
عقيل.. تقبلين تشمر علاكة الملابس عليه وتكول غبي
خالتي.. ماغيرها الغبيه ضيعت واحد مثلك من ايدها
عقيل...ذاك ماضي وراح
احنا علينا بليوم كلشي قسمه ونصيب يجوز ما مقسومين واحد للثاني اني وياها
ريام.. اني هم مااخذ واحد مثلك عينه على البنات
عقيل...هذا اني عيني على البنات
ريام.. هاا تنكر مو البارحه بس باوعت عليك رحت تركض عليها
عقيل...لا خاله مو هيج الحجي عجبني فستان معروض ورحت اشتري الريام وسئلت المره اذا كان قماشه زين
وافصاله مرتب
شو هيه شافتني احجي ويا المره طلعت تركض
ريام...يجذب راح يجيب عنوانها يريد يخطبها
عقيل...يله شحجي ويا هاي الغبيه اكو واحد يشوف وحده كبل يخطبها غير يتعرف عليها بلاول
ريام...هو انت كلت اوصلج وارجع اتعرف عليها
عقيل ..وانت شنو تحاسبيني رجال ادور عروس
من حقي اختار بكيفي
قابل الواحد كل يوم يزوج
جمانه السعيدي
ريام.. حتى من ا كول عليك سكتت تزعل
عقيل.. ولله ماكو غيرج غبيه وما تفتهمين
واذا سمعتج مره ثانيه تغلطين افرك حلكج فرك
حيوانه
ريام.. لا تغلط عليه روح وانت جنك ذبانه رايحه تخطب
عقيل...قربت عليها لزمتها من شعرها منو الذبانه
ريام.. عوف شعري ترا اعيط والم الناس عليك
خالتي..أليوم محسودين شنوو بس تتعاركون
ريام..عوف شعري مااحبك
عقيل.. لا ولله فدوه حبيني الله عليج حبيني ثوله
عفت شعرها وطلعت من الغرفه
اجت وراي تركض عقيل عقيل
عقيل. بدون مالتفت عليها . شكوو خير اتاخرت الناس منتظريني
ريام...اني اجذب عليك
عقيل....بيش جربتي عليه
ريام....اني احبك لا تخطب الله يخليك
التفت عليها انتي مو كلتي مااريدك اليوم شنو حلمانه
ريام.. لا ولله احبك واريدك لا تخطب الله يخليك
عقيل....حتى باجر تكولين اني مااريدك
ريام...لا ولله اريدك واحبك
عقيل. عوفيني اروح بحالي انت متقلبه ساعه ا ريدك وساعه مااريدك
ريام... اني مو مسجله باسمك من اني زغيره
مو ابوي كال ريام العقيل شلون تريد تعوفني بهاي السهوله
عقيل....انتي متاكده
ريام ..اي متاكده
عقيل...اعتذري مني
ريام.. ليش اعتذر
عقيل...لان غلطتي عليه واني رجال.دمي حامي
ريام.. انت حركت كلبي
عقيل. ... اعتذري
ريام.. اسفه اعتذر
عقيل. ...ممنوع تغلطين عليه مره ثانيه فهمتي لو لا
لان قسما عظما اموتج تموت
مو لان احبج تستغلين الموقف السانج اكصه
قربت عليه وكالت بدلع ااهون عليك
عقيل ...اكسر راسج امشي عدل احسلج
ريام. يمه خوفتني ما متعوده منك تحجي عليه
اني ماشفت منك غير الحنيه والغيره والحب
الحرص
عقيل.. لا اضحكين عليه بكلمتين
ريام... ولله احبك بعد شتريد
عقيل. تعالي وياي اخذتها من ايدها ورجعنا يم خالتي
جمانه السعيدي
خالتي هااا تصالحتو بلخير
عقيل اني جاي اطلب ايد ريام شنو رائيج
خالتي.. ولله لوما حزينه جان هلهلت
انت عندي اعز من ريام
يوم الهنا يوم السعد الي اشوفكم مزوجين
عقيل.......عندي شرط مهم
ريام...يااا فدوه تتشرط عليه
عقيل...اي اتشرط ممنوع تطلع اوتدخل بكيفها تسمع الكلام ماكو عناد وحجي زايد
بالمقابل اني مراح ارفضلها طلب وادللها دلال موافقه
ريام...اي موافقه
عقيل....راح ابدي اجهز للعرس منا لمن تخلصين امتحانات
ونزوج اريد معدل عالي مو تكولين مخطوبه
والتهيت وماقريت اريد معدل عالي
ريام...حاضر
عقيل...رحت فرحت امي بهذا الخبر
بعد يومين جبت شيخ وعقدنا اني وريام عقد شيخ
حفله عائليه بسيطه بس امي وامها والشيخ وثنيين شهود
حتى ابدي اجهز العرسي وكلشي يكون رسمي
بدت فترت الامتحانات الي كانت صعبه عليه ااكثر منها
كلما اشوفها متوتره اني اتوتر اكثر منها
منا لمن خلصت الامتحانات روحي طلعت
اشتريت غرفة نوم حلوه ونطيتها فلوس اجهز نفسها
ذهب وملابس اني وياها اختارينا كلشي سوه
فتحت الحايط بينا وبينهم حتى يصير سهل علينا ندخل ونطلع بين بيتنا وبيت عمي
حتى بيوم عرسي اشتريت قاط اسود
خالتي وامي بقن يحجن عليه ليش اسود
لان حتى القميص اشتريته اسود
بعد إلحاح منهن غيرت بس القميص لبست قميص ابيض
عرس متواضع بس حلووو مو مهم هوسة العرس
المهم اني وريام ازوجنا
انقبلت ريام كلية تحليلات اهليه اني الصراحه ماكدر ادفع قسط الجامعه ومصاريف البيت
هو اني سايق يوم اشتغل ويوم لا
سحبت فلوس القسط من الفلوس الي بلمصرف
فلوس الفصل
حتى بهاي علي جاي يساعدنا الله يرحمه
جاي يصرف على أخته وهو ميت
اول طفل سميته علي طبعا اني اعتبر حسين ابن علي ابني الاول
اعامله مثل ماكان عمي الله يرحمه يعاملني ويفضلني على جهاله
لليوم واني افضله على جهالي
السنه حسين انقبل كلية صيدله
اما ابني علي عمره ١٥ سنه نجح من الثالث متوسط
وعندي بعد بنيه صف اول متوسط
وولد عمره ثمن سنوات
العام ماتت خالتي احن واطيب كلب بلدنيا
الله يرحمها برحمته الواسعه
انتهت قصتنا دمتم سالمين
