رواية هواك يا أميري كامله وحصريه بقلم سولييه نصار
الفصل الأول (قلب تالف )
كيف يمكن أصلاح قلب لم يعد صالحاً للحياة ..
......
-هتعرف تتكلم وتقول لعمار ولا هيبقى شكلك عرة واتكلم أنا ...
قالها ياسين وهو يجلس على القهوة الشعبية التي اعتادوا التجمع بها. ..
ارتشف ماهر كوب الشاي وقال :
-معرفش ليه بتعاملني كأني خيبة أووي كده ...بعرف اتكلم على فكرة ...وبعدين أنا خطبت مرتين قبل كده ...
-أيوة اللي سابوك عشان بتتكسف من خيالك صح ...يا ابني أنا لولا أني زنيت عليك مكنتش فكرت تكلم عمار كنت هتحب البنت من بعيد لبعيد كده ....
-ولسه عندي نفس الرأي ....
نظر ياسين إليه بتحفز وهو مستعد لتحطيم فكه ..هو يكره الغباء وقال:
-رأي ايه يا حبيبي؟! ....
-أني مكلمش عمار وافضل ادعي أنها تكون من نصيبي ....
نظر ياسين للسماء وقال :
-يارب والله ما قادر على غباء الكليات الطبية ...أنا راجل مهندس مفروض كنت اختارت كل اصحابي مهندسين مش دكاترة بنسبة ذكاء تحت الصفر ....
نظر إليه ماهر بضيق وقال:
-أنا مش غبي ...أنا خجول شوية فيه فرق بين الاتنين ..
-وده غلط مينفعش تكون خجول للدرجة دي ...البنات هتطفش منك ...انت بقالك اكتر من سنة بتحبها ....ده اللي اكتشفته يعني في فرح عمار ومريم ...ولولا أني أنا اللي وقعتك مكنتش اخدت خطوة ...كل اللي عليك تبصلها وبس ...أيوة هتبصلها لامتى ...هتفضل تراقبها لحد ما حد تاني ياخدها ويتجوزها ...انت دكتور ناجح وحالتك مرتاحة شغال في مستشفى وعيادتك شغالة كويس ايه اللي مانعك ...ده انت تروح تتقدملها وتتجوزها علطول ...
تنهد وهو يعدل من وضع عويناته وقال:
-حاضر هقوله ....
-برافو عليك كده تعجبني ...واهو عمار جه شد حيلك يا بطل ....
ابتسم ياسين وهو يشير بحماس لعمار ....
......
-أنا لسه في الشهر التاني يا ندى اجهز لبس من دلوقتي ازاي ....
قالتها مريم وهي تضحك لندى التي بدت متحمسة للغاية عندما علمت بخبر حمل مريم ....
كانت مريم تنظر إليها بحب ...ندى تلك الفتاة التي ظنت أنها ربما تكون غريمتها يوماً اتضح أنها أرق فتاة قد تتعامل معاها ...طيبة القلب ...تنشر السعادة حولها رغم الحُزن الذي يسكن قلبها ....تلك الفتاة التي دمر مروان حياتها ...لقد توقفت حياة ندى في تلك اللحظة التي تم انتهاكها بها ...هي ترفض الزواج ...ترفض الموضوع قطعاً...تتوتر إذا اقترب أي رجل منها ...تشعر أنها تشمئز منهم
امسكت مريم كفها وقالت:
-عقبالك يا قلبي لما اشوفك مع اللي يستحقك...
بهتت ابتسامة ندى قليلاً ولكنها لم تكن تُريد إتلاف سعادة مريم ...لا تُريدها أن تشعر بالذنب بسبب ما فعله شقيقها لذلك كتمت حُزنها بقلبها بمهارة كعادتها وقالت :
-لا لا جواز ايه ...ده أنا مبسوطة بحياتي كده ....اتجوز ليه ...مش محتاجة راجل في حياتي ...أنا راجل حياتي
ثم ضحكت لتبتسم لها مريم بشفقة ....خدشت ندى باطن كفها وهي تتوسل نفسها أن تتحمل والا تبكي وهي ترى نظرة الشفقة تلك ...نظرة لا تكره مثلها ...فقط تنتظر أن تصل لمنزلها ثم غرفتها لتبكي دون أي خجل ....هذا ما تفعله ....يراها العالم سعيدة ...فتاة إيجابية ..ورقيقة ...ولكن من الداخل هي مُحطمة ...مُحاطة بالكوابيس ...كل يوم تُنتهك في أحلامها ...تبذل مجهود شديد لجعل نفسها تشعر بالأمان نحو والدها وعمار ....لا تستطيع أن تراهما كما ترى باقية الرجال ....تُهلك نفسها في العمل كي تنسى ...تتعالج نفسياً...ولكن الحقيقة هي معطوبة ...لا أمل في إصلاحها ....وكيف يمكن أن يتم إصلاح قلب تالف غير صالح للحياة ....
......
-ألف مبروك يا صاحبي ...
قالها ياسين بسعادة عندما أخبره عمار أنه سوف يصبح أب .وبارك له ماهر كذلك ...
كان عمار سعيد للغاية. ...فجزء منه ومن زوجته سيأتي ...شئ سيربطهما أكثر سوياً ...
-حبايبي الله يبارك فيكم ... ..
ثم نظر إلى ماهر وقال :
-خير ...ياسين قال انك حابب تكلمني عن موضوع خير ...
-مين؟!أنا ...هكلمك في أيه يعني ؟!
قالها ماهر بتوتر ليوكزه ياسين في ذراعه وينظر إليه بغضب فقال ماهر :
-اه افتكرت ....القهوة ..القهوة بلاش قهوة كتير يعني مراتك متشربش قهوة كتير عشان حامل. ..
عبس عمار وقال :
-انا توي قايلك أنها حامل. .. .
مسح ياسين على وجهه بعنف بينما قال ماهر :
-لا مش هو ده الموضوع ...أنا لاحظت انك بتشرب بيبسي و كولا كتير ...وده غلط ...شوف أنا دكتور عظام وبنصحك لوجه الله بلاش بيبسي. ..بلاش ....
-ماهر انت كويس ؟!
قالها عمار عندما رأى ماهر يتحدث بتلعثم وتوتر ....
-عمار! ماهر بيحب ندى بنت عمك وعايز يتجوزها...
قالها ياسين بملل لتتسع عيني عمار بينما يشهق ماهر وينهض قائلا :
-لا كداب ...محصلش !
يتبع
