رواية بنت النصاب الفصل السابع 7 بقلم جمانة السعيدي
رحمه....ابوي رفض يستقبل اهل يحيى ومصمم يتمم البيعه
الإبراهيم
بعد يومين اجت اخت يحيى تاخذ الجواب
منال...هااا خاله مارجعتولنا خبى احنا مجهزين كلشي
امي....اعتذر منج ابوها ماموافق
منال...ليش ما موافق اريد اعرف السبب
امي...ماكو سبب يريدها تكمل دراستها
منال...واحنا ماعدنا مانع تكمل
امي....اعتذر منج
منال...زين يجي بابا واخوي الجبير يحجون وياا
امي...لا ماكو داعي ايجوز ماكو قسمه
منال...اي ليش غير اعرف احنا مستعدين الكل طلباتكم
امي...لو عليه ماعندي مانع بس اني مااكدر اكسر كلمة ابوها
رحمه......طلعت البنيه ضايجه
بس اني ضجت اكثر منها يحيى خوش ولد وعمره مناسب عمري ومن عائله محترمه
بيومها بقيت بغرفتي ما طلعت
حتى من رجع بابا وصاح عليه هو متعود اول ما يدخل
يصيح عليه اجيبله ملابسه
احضرله ااكل وااجاي
صاح عليه ما طلعت
بابا...وين رحمه
امي...تعبانه ونامت
خلدون....شوفي اني هاي أمور الزعل والعياره ما تمشي وياي اني انطيت كلمه وكلمتي هيه الي راح تمشي
امي....هاي الخطبه ماتصير بنتي ما تاخذ ابراهيم
لو اموت نفسي
لان جبت البنتي اب مثلك نصاب وحرامي
لو اموتك حتى نخلص منك
بابا...السانج طولان وكايمه تحجين اي ولله طالت وشمخت
اننتي منو مكلبج
مو يعترف بيج
خلفله عليه قبلت بيج ضاله محد بحالج
وخلي يكون بعلمج
اني ماباقي عليج
اني كل فتره جاي ازوج وحده
النسوان تركض وراي هنا يصرفن عليه
يتمنن كلمه مني
امي... طلكني وعيش ويا النسوان الي تركض وراك
ليش باقي عليه بس حركة الكلب ودمار الاعصاب
من يوم اخذتك لليوم ما شفت يوم راحه
خلدون....حتلو طلكتج هم رحمه بنتي وما تزوج اله برضاي
واذا اني ما موافق مراح يتم الزواج
واني انطيتها الواحد مشتريها ومقدرها
وراح يدللها دلال
بس انتي فكر وما تعرفين تفكرين
فكر بت فكر
امي....من باجر اروح ارفع عليك قضيه طلاك
واروح اني وبنتي واريد اشوف شلون راح ازوجها
ولله مو تكول هاي فقيره وساكته
ااكلك بسيوني ااكل رحمه محد يقرب عليها
فهمت لو لا
جمانه السعيدي
خلدون....مابقتي بس انتي تهدديني
روحي فكر بت الفكر
امي...الفقر مو عيب العيب الي يضحك على الناس
وينصب عليهم
ويتختل مثل النسوان خايف وشارد
خلدون...انتي تعيرني
رحمه...أتقدم بابا على امي وضربها وبقى يضرب بيها
وهيه تعيط طلعت كل قهرها تغلط علي وعلى اهله
كمت اني طلعت على صوت عياطها
صرت بينه وبينها حضنت امي حتى احميها منه
ضربني على ضهري ويحبني من شعري
كوه خلصت نفسي منه
فتح الباب وطلع
دنكت اكوم امي اباوع وجها احمر وحلكها مجروح
كامت بعصبيه
امي...امشي خل نجمع ملابسنا وغراضنا قبل لا يرجع
هذا المجرم
رحمه...وووين نروح
امي....الجهنم شايفه جهنم ارحم من ابوج
طلعنا الجنط ولمينا ملابسنا وغراضنا المهمه
اتصلت امي على خالي
امي...سامي جيب سيارتك وتعال بسرعه
خالي...شكووو
امي تعال وانت تفهم
شويه وااجا خالي طبك السياره ونزل
دخل شاف امي وجها ااحمر وأثر الضرب مبين عليها
وحلكها مورم
خالي...شكووو
امي...وصلت بي يبيع رحمه بايع رحمه على واحد
بكده عمره ومستلم الفلوس
لمن كتله ممنوع تقرب على رحمه ضربني
يعيرني بلفكر وهو من يوم ازوجته ثوب ما جايبلي
كل حاجه بهذا البيت اني اشتريتها من تعبي وشغلي
كلشي ماله
اذا اكو بكلبك معزه اليه حمل الغراض وخل نطلع قبل لا يرجع
هذا ضالم وماعنده مخافة الله
استحملته هواي وصبرت علي
صبرت على الجوع والاهانه والحجي
بس توصل الشغله الرحمه لا والف لا
خالي...مايكون خاطرج اله طيب اني نااقبل على رحمه
جمانه السعيدي
اتصل خالي على ولد صديقه اجا لبيتنا
وبدا يحمل غراض البيت
حملنا كل الغراض حتى البردات كلشي ما خلينا
وطلعنا ويا خالي
جمانه السعيدي
بليل رجع بابا متأخر لكه البيت فارغ
ااجا على بيت خالي
دك الباب طلع خالي
خالي...قبل لا تحجي اي شي اتحملناك هواي
وكلنا ميخالف لا مصرف ولا سمعه حلوه تجي شهر وتغيب اشهر
بس تمد ايدك على خوله ما مقبوله
هاي اختي محد يقرب عليها مادام اني موجود
مايمر بيها بس الهوى
خلدون...هيه طلعتني من طوري ترجع الكلمه عليه بعشره
بعدين شلون تاخذ الغراض من البيت
خالي...غراضها هيه مشتريتهن
خلدون...اي بس اني ما مقصر وياها بشي
خالي...لمن تقدر ثمنها وقيمتها هيه وبنتك تجي تاخذها
جمانه السعيدي
راح بابا اسبوع وماكو اي خبر منه
بعد الأسبوع رجع هلمره مدبرلنا حيله جديده
يفكر افكار عجيبه ما يشيلها عقل
اجا كعد بيت خالي وكال اني جاي ارجع رحمه وامها
وذاك الزواج لغيته زواج رحمه من ابراهيم لغيته
دزي على ذوله الناس خل يجون نتفاهم وياهم
رحمه ابد ماجنت مصدكه الكلام الي سمعته
امي....يعني موافق مو نرجع للبيت وترجع بكلامك
بابا...لا شنو ارجع بكلامي
هاج هذا التليفون اتصلي عليهم اني موافق
فعلا اخذنا التليفون واتصلنا على اخت يحيى وحددنا وياهم موعد
امي...شفتي ابوج ما يجي اله بلخوف
كل عقلنا اني وامي ابوي تراجع عن كلامه ومقرر
يقبل بهاي الزواجه
لان يخاف يخسرنا
رجعنا نص من الغراض ورجعنا البيتنا
حددنا موعد الخطبه يعني تعارف بين العائلتين
كعدت تعارف حتى نتفق على كلشي بلبدايه
اجا يحيى وأمه واخته وابو وعمه
من عدنا حضر بابا وخالي وامي وخالتي واني
خلدون....اولا المهر ٢٥ ب ٢٥ بدون اي نقاش
ثاني ماكو كطع مهر هسه ويضل يحيى رايح جاي للبيت
على ابو مرتي
العقد يوم العرس
ابو يحيى...هواي المهر
خلدون...بس رحمه حلوه ومعدله وتستاهل
ابو يحيى...خليها ١٥ . ب ٢٥
خلدون...تعرفون اني رفضت واحد دافع ٣٠ مليون مقدم علمودكم
فكرو واخذو راحتكم ورجعولنا خبر
ابو يحيى...نفكر ونرجعلك خبر
كام ابوي من مكانه وكعد بين ابو يحيى وعمه
من شفته غير مكانه
حسيت اكو شي قربت على امي
رحمه...يمه الله يستر من كعدت بابا هاي
امي...اي ولله اني هم خايفه
رحمه...يحجي بصوت ناصي وناعم الله يستر
الكلام طول بينهم الضاهر مصمم يقنعهم بلنصبه الجديده
اترخصو الجماعه وطلعو
ثاني يوم اجت اخت يحيى كالت احنا موافقين على المهر
مو مهم الفلوس المهم يحيى يكون سعيد
المهر اجيبه الكم مو هذا الشهر شهر الجاي احنا داخلين سلفه نستلمها و ونجيب المهر
احنا مشترين غرفه ومئثثيها اثاث كامل
بس ماكنا متوقعين المهر هلكد
انشاء الله خير
امي...بلخير عليكم عيوني براحتكم
رحمه...بابا من ورانا بدا يقوي علاقته بابو يحيى
عنده خطه ينصب علي
بنفس الوقت ابراهيم يلح على الزواج لان المهله
خلصت
بس ابوي جاي يطلب وقت
كل يوم يااجل لليوم الي بعده
ابراهيم بدا يحس بالقلق من خلدون
رحمه....اني وامي فرحانيين زواجتي الأولى من ابراهيم خربت وراح ازوج الانسان الي كلبي يحبه ومقتنع بي
وصلنا للموعد المتفقين علي قبله بكم يوم ابوي اختفى
ابوي اختفى طلع وبعد ماارجع
اتصل علينا ابو يحيى يسئل عنه
كان يسئل عنه باالحاح
ماكوووو يدورون علي ماكوووو لا بيتنا ولا بيت اهله
ماانحس اله الشرطه بلباب
انريد خلدون
امي شكووووو
طلع بابا ناصب على ابو يحيى وعلى اخوووو
ماخذ منهم كل واحد مبلغ محترم
وكايللهم ادخلكم بلتداول الأرباح يوميه
اليوم بيومه اني دخلت فلان وحصل كذا مبلغ
وفلان اشترا بيت من التداول
اني صار شكد اشتغل بلتداول الأرباح مضمونه وخير من الله
احجيلكم تجربتي اني حبيتكم واحب افيدكم
شغل خير من الله
ما تتوقعون الارباح شلون سهله
الارباح يوميه اليوم بيومه
بس لازم اكو رصيد بلحساب
راح تتفاجئون من الارباح الارباح الي تحصلونها بشهر
تجيك بيوم واحد
جمانه السعيدي
باقي يدكلهم ناعم منا لمن صدكو بي
وانطو كل واحد عشر ملايين على اساس تداول
اخذ الفلوس وشرد
بس عدهم علي شهود العمال بلشغل
يتصلون علي مايرد يدورون ماكوووو
ابو يحيى تخبل شلون يضحك عليه هذا واحد نصاب
اخذ فلوسي ونهزم فلوسي وفلوس اخوي
مستحيل اناسبه مراح اناسب واحد نصاب وحرامي
بعد زواج ماكوووو
وراح ابقى ورا الاخر يوم بعمري
فلوسي تعبان بيهن شلون ؤاخذهن بكل سهوله
مااعوفه اذا مااخلي يخيس بلسجن
قدم بلاغ بلشرطه
اجت الشرطه ادور علي بلبيت ماكووو
راحو البيت اهله ماكوووو
من سمع ابراهيم بهاي المصيبه يتصل علي ماكو الخط خارج الخدمه
اجانا للبيت ماكوووو دار على بيوت الاقارب بيت بيت
ماكوووو
راح قدم علي بلاغ
وعنده شهووود
نشرو صوره بمواقع التواصل الاجتماعي
وكتبو علي نصاب وحرامي
شكو واحد ناصب علي بلمنطقه بس شاف صوره راح قدم علي بلاغ
ااكثر من خمسين بلاغ علي الشرطه والناس كلها ادور علي
نشرو صوره بلسيطرات
مديرية أمن بغداد طلعت علي ااكثر من عشر شكاوى
قديمه
صار مطلوب بلعراق كله
صوره منتشره بلسيطرات
وين يضم نفسه هو الي حكم على نفسه
