رواية نسختي الاخري الفصل السابع 7 بقلم حبيبة سامح
سديم بابتسامه : حاضر أنا قوتي الأختفاء
أعتدلت نور في جلستها لتنظر له بصدمه
نور بصدمه : أنت أنت بتختفي ؟
ليقوم سديم بهز رأسه لها بابتسامه
نور بحماس : بقولك أيه طيب وريني وريني يلا
ليستقيم سديم ويقف أمامها ليغمض عينيه الاثنين وهو ياخذ نفس عميق ليقوم فجاه بالاختفاء
نور بصدمه : سديم أنت أنت أختفيت بجد
ليضحك سديم بقوه عليها و كانت نور تحاول أن تراه ليظهر أمامها
نور بدهشه : واو جوزي بيختفي
سديم بضحك : مش في وقت المصروف بس ده في كل الظروف
نور بضحك : على رايك بس بصراحه معتقدش انك من الاجواز الي مش بتصرف و بتعمل نفسها مش واخده بالها لو الموضوع فيه فلوس
سديم بضحك : أجواز ؟ ماشي يا ستي
أول يوم في الدروس
كان الجميع في فصل كبير يقف كل واحد مع نسخته يتحدثون معا
لتقوم نور بضرب لينار في كتفها بخفه و تقول
نور : وحشتيني يا أختي
لينار بابتسامه : وأنتي كمان
نظر سديم لليثار ليجده ينظر له ببرود
سديم في نفسه : يا نهار اسوح شكله بيفكر هياكلني أزاي انا حاسس هو عينيه عليا من زمان و حابب يدوق لحمي الطري الحلو يارب أصرفه عني
لينظر الجميع لباب الفصل عندما لمحوا امرأه تدخل من الباب و تبدو المدرسه
المدرسه : أزيكم يا جماعه انا المدرسه فيفيان هدرس ليكم ماده الحب
نظرت نور باشمئزاز
نور بسخريه : حب ؟ حب ايه و هبل أيه بس
سديم بهدوء : بالعكس الحب حاجه جميله و حلوه كفايه المشاعر الي بتيجي بسببه
نظرت نور لسديم
نور : يااا وأنت بقى بتحب الحب يا عم الحبيب
نظر سديم لها بابتسامه
سديم بابتسامه : أه بحبه اوي
لتبعد نور نظرها عنه عندما شعرت أنه يلمح لشئ ما
فيفيان : دلوقتي هسألكم سؤال بالنسبالك أيه هو الحب ؟
ليقوم الجميع برفع يديه ما عدا نور التي سخرت من السؤال
لتقوم فيفيان بالاشاره على نور
فيفيان : أتفضلي جوبي على السؤال
نور في نفسها : مش عارفه ليه المدرسين بيعملوا فينا كده وقت ما مش بنرفع أيدينا بيقومونا ما هو أنا لو عارفه هقول و أرفع أيدي
فيفيان : مدام
نور : نور
فيفيان : أتفضلي جوبي
نور بملل : يعني الحب هو علاقه عاطفيه بين الاتنين بيجيبوا هدايا لبعض و يحبوا في بعض و كده
ليضحك الجميع بصوت عالي على أجابه نور
نور بحده : انت بتضحك يا سديم
سديم بضحك : لا استغفر الله العظيم اه اه مانا مش هكدب الست بتقولك أيه الحب بالنسبالك مش ايه هو الحب بعيد عن أن تعريفك للحب غلط اصلا
نظرت نور له بغيظ
فيفيان بصوت عالي : أسكتوااااااا ايه أحنا في حضانه بطلوا ضحك
لتنظر فيفيان لنور لتقول لها
فيفيان : أنا سئلتك ايه هو الحب بالنسبالك مش تعريفه طبعا الاجابه غلط
نور : يعني انا كنت بجاوب صح في مدرستي عشان أجاوب هنا صح يلا كله رايح
سديم بضحك : أنا ديما كنت بسمع من نجاح لنجاح أول مره اسمع و اشوف من فشل لفشل
نظرت نور له بغيظ و سديم يحاول كتم الضحكه
ليثار : الحب بالنسبالي التضحيه اني أضحي بوقتي و بنفسي و بجسمي و تعبي عشان الي بحبها أضحي بكل حاجه عشان هي تستاهل
نظرت لينار له بهدوء هي لم تتوقع أن يقول كلام عميق هكذا وهو شخصيه عصبيه
لتتكلم لينار عندما وجدت فيفيان تشير لها
لينار : الحب بالنسبالي بيتكون من تلات حاجات إهتمام و حنان و أمان و لازم المشاعر دي تكون متبادله بين الطرفين يعني الاتنين بيهتموا ببعض و الاتنين بيحسوا بالأمان مع بعض
سديم بضحك : أختك أو صحبتك بتقول قافيه و شعر حنان و اعهتمام و أمان
ليضحك سديم بقوه
فيفيان بحده : سديم أطلع برا انت ونسختك
سديم بصدمه : أيه ليه ؟
نور بضحك : أحسن من عمايلك السوده لحظه ؟ هي قالت أنت و نسختك ؟
فيفيان بزعيق : يلااااا
لتذهب نور بغضب للخارج و سديم ذهب ورائها
فيفيان : درس النهارده بسيط عشان انتوا لسه في البدايه دلوقتي روحوا لفصل ٤٣ عشان تبتدوا الدرس التاني
أخذت فيفيان حقيبتها لتذهب للخارج
نظرت فيفيان لسديم و نور الذين يقفون و يقوموا بالشجار
فيفيان ببرود : الحصه خلصت روحوا لفصل ٤٣ و بطلوا رغي كتير عشان مش تتعقبوا أنا مراعيه أن ده اول يوم ليكم بس بعد كده مش هسكت
لتذهب فيفيان مبتعده عنهم
نور بحده : أنت السبب عمال تضحك زي الاهبل كده و صوتك عالي
سديم : احمدي ربنا أن جوزك طلع فرفوش
ثم نظر سديم بالارجاء أن كان هناك أحد ليقول لها
سديم بهمس : مش زي جوز اختك الكئيب
نور : طيب أنا هقوله
لتذهب نور بتجاه الفصل لينظر سديم لها بصدمه ليذهب خلفها
دخلوا الفصل ليجدوا ورود حمراء كثيره موجوده على طاوله
نيره بابتسامه : نور لينار أهلا بيكم
لينار بابتسامه : أهلا نيره انتي عندك درس معانا النهارده ؟
نيره بضحك : اه ده من حسن حظي استنوا لما أجيب لكم جوزي يا شهااااب
ليأتي شهاب بتجاههم
شهاب بابتسامه : أهلا أنا شهاب جوز نيره حبيبتي
نيره بضحك : معلش أصله رومانسي و حبوب كده
ليضحك الجميع
نور بضحك : أهو رومانسي أفضل من واحد عصبي و واحد عبيط
لتضحك نور و نيره بقوه
ليثار بغضب : وأنتي مالك خليكي في حالك هو حد كلمك او ضايقك
نظرت نور له بسخريه وهي مكتفه يديها
نور : لا بس ضايقت أختي والي بيضايق أختي كأنه ضايقني
نظر ليثار لها بغضب
نيفين : أهلا وسهلا بالطلاب الجداد
ليبتعد ليثار عن نور ثم وقف بجانب لينار التي كانت تنظر لهم بتوتر
نظرت نور لسديم لتجده شارد في الأرض
نور : أيه يا عم ليثار كان هياكلني من شويه و أنت سايبه مش المفروض تحميني برضوا ولا ايه ؟
نظر سديم لها بهدوء ليبتسم لها ثم قام بهز رأسه
نظرت نور له باستغراب بسبب صمته لتتجاهل الأمر
نيفين : دلوقتي ده تكمله لدرس الحب و الرومانسيه الي خدتوه مع المدرسه فيفيان بس هيكون بشكل عملي يعني مش مجرد كلام و تكتبوه في ورقه و كده لا ده أفعال
لتذهب نيفين و تمسك جميع الورود الموجوده على الطاوله لتذهب لكل طالب و تعطيه ورده
نيفين وهي تقوم بالتوزيع : دلوقتي كل نسخه هتدي لنسختها الاصليه الورده دي بطريقه رومانسيه و لطيفه و هاديه مع جمل جميله من غير أفوره أو مشاعر بارده
لتنتهي نيفين من التوزيع لتذهب لجانب الفصل و تقوم بتكتيف يديها وهي تراقب الطلاب
شهاب بحب : أتفضلي الورده الجميله دي مع أنها مش اجمل منك
لتضحك نيره بخفه عليه و تقوم بأخذها منه برقه
نيفين : برافو عليكم يا نيره و شهاب الفكره في أن الراجل يعطي للبنت ورده هي اظهار رجولته من حيث غزله بيها أو كلمه حلوه و اظهار أنوثتها من حيث رقتها وكسوفها
ليقوم الجميع بهز رأسهم لها
نيفين : يلا دور ليثار و لينار
نظر ليثار للورده التي في يديه بسخريه ثم نظر للينار التي تنظر له بتوتر
ليتوه ليثار في ملامحها الجميله ثم أستفاق عندما قامت المعلمه بضرب يديها على الطاوله بحده
ليثار ببرود : خدي
ليقوم ليثار بألقاء الورده على وجه لينار لتدخل بعض الأشواك التي كانت موجوده في اسفل الورده في عين لينار
لتمسك لينار عينيها اليمنى بألم
لينار ببكاء : عيني
نيفين بقلق : انتي كويسه يا لينار
لينار ببكاء : شوك الورده دخل في عيني
كان ليثار سوف يتقدم نحوها لكنه توقف عندما أتت المعلمه للينار و كانت تفحص عينيها
ليقبض ليثار يديه بقوه و غضب
نيفين : متقلقيش مفيش حاجه عينيك كويسه
لتنظر نيفين لليثار بغضب
نيفين بحده : بقولك تديها الورده بطريقه رومانسيه و عاطفيه تقوم رميها في وشها ؟؟
نظر ليثار لها ببرود
أمسكت نيفين لينار من كتفها لتجلسها على مقعد و وقفت بجانبها
نيفين بهدوء : نور و سديم دوركم
أخذ سديم ورده حمراء لينظر لنور بابتسامه التي كانت بعيده عنه بمسافه متوسطه
ليتقدم نحوها بهدوء و فجاه قام بالألتفات حول نفسه ليخفض نفسه ثم اعطى الورده لنور
نظرت نور له بسخريه من طريقته
نيفين بتعب : انت بتعمل ايه يا سديم ؟ هو أنت يا حبيبي بتلف حوالين نفسك ليه أيه بتلعب هيلا هوب
ليضحك الجميع عليه بشده
نيفين بزهق : الدرس خلص يلا الكل يروح لبيته
ليخرج الجميع للخارج مع نسختهم وهم يضحكون على سديم
نور بقلق : متأكده أنك كويسه يا لينار ؟ طب عينيك بتوجعك ؟
لينار : أه الحمدلله كويسه يا نور متقلقيش حسه بس بشويه وجع في عيني عشان مكان ما الشوك دخل فيها
نور بحده: أنت مش تخلي بالك منها في حد بيرمي ورده في عين حد كده!
ليثار بزعيق : وطي صوتك و تاني مره هقولهالك ملكيش دعوه خليكي مع نسختك
نور بصوت عالي : لا بس دي أختي و أختي خط احمر
ليثار بزعيق : بقولك اااايه أمشي من وشي و أنتي يا لينار تعالي وراااايا
نظرت نور له بغضب ليتقدم منها سديم
سديم بهدوء : نور أهدي متعصبيش نفسك
لتنظر نور له بغضب
نور : وأنت ولا كأنك موجود ولا بتدافع عني ولا حاجه و جبان
لتذهب نور مبتعده عنه لينظر سديم في الأرض بحزن
الساعه ١ فجراً
كانت لينار على الأريكة تبكي بسبب وجع عينيها ولا تستطيع النوم
لتشعر لينار بنخفاض الاريكه قليلاً لتنظر أمامها لتجد ليثار ينظر لها بهدوء
ليثار بهدوء : ليه مش قولتيلي أن عينك بتوجعك يا لينار ؟
لينار ببكاء : عشان بخاف منك أنت عصبي اوي
ليثار بهدوء : صحيح أنا عصبي بس عمري ما قدر أاذيكي
نظرت لينار باستغراب له لينظر ليثار للجهه الاخرى ثم نظر لها ثانيه
ليقوم بإعطائها قطره للعين لتأخذها لينار منه
ليثار بهدوء : القطره دي هتريح عينيك و تخليكي مرتاحه و قادره تنامي ولو حبه مش تحضري بكره الدروس قوليلي
لينار : بس من قوانين المدرسه لازم نحضر كل الدروس
ليثار بإندفاع : و أنا مليش دعوه بالقوانين لو القوانين دي هتأذيكي أنا مستعد أخالفها كلها عشان تكوني بخير و لو أنتي خالفتيها فانا هاخد العقاب بدالك عشان أنا وأنتي واحد و أنك تتأذي يبقى كأني أتأذيت
نظرت لينار له بصدمه من حديثه
ليدرك ليثار الذي قاله ليقوم ببلع ريقه بتوتر ليذهب من أمامها ليدخل غرفته و قام بغلق الباب خلفه
نظرت لينار بدهشه من تصرفه
