رواية بنت النصاب الفصل السادس 6 بقلم جمانة السعيدي
رحمه....ابوي لو يكدر ياخذ فلوس ااكثر من زواج حنيين جان اخذ
بس جدي واكفله وجدي الثاني ابو ساره هم واكفله وكفه
حنيين عدها ضهر يدافع عنها
وخلصت شغلتها بخمسه مليون
راحن كبل للقمار
بس اني منو اليه يخلصني من طمع ابوي
بعد هاي الحادثه بيومين اندكت الباب
كلت منو
سمعت صوت رجال كال خلدون موجود
لزمت كلبي بايدي خاف الديانه اندلو بيتنا واجو علمود ابوي
مااعرف اكول هنا لو مو هنا
رجع كال كوليله ابراهيم
دخلت بابا جان نايم
رحمه...بابا واحد اسمه ابراهيم بلباب
فتح عيونه استغرب بعدين مسح وجها
اي اني اروح افتحله الباب
طبعا ابراهيم جاي يطمن على حلاله
دفع مبلغ محترم يريد يشوف العروس
ابراهيم يشتغل بلفايض والفلوس عنده ماكو ااكثر منها
وتجي بدون وجع كلب كاعد ومرتاح ويلعب بلفلوس لعب
طلع بابا فتحته الباب ودخله
وواحد سمين اسمر كرشه كدامه لابس قاط رصاصي وقميص ابيض كاشخ جاي يشوف العروس
بس دخل بابا صاح رحمه جاي من ايدج الحلوه
امي...منو هذا وشعجب طلع استقبله ودخله للبيت
كل مره يشرد من الناس
رحمه...مااعرف
كملت الجاي وصبيت بصينيه وخليت وياا مي
دكيت الباب
طلع بابا وطبك الباب
خلدون...بابا رحمه البسي حجاب وتعالي انتي قدمي الجاي
رحمه...ليش اخذ الجاي انت
شلون ادخل على رجال غريب
خلدون....اسمعي الكلام روحي البسي حجاب
وتعالي قدمي الجاي
رحمه...دخل وعافني بلباب محتاره رجعت وبيدي الصينيه
امي...هاا شو رجعتي الجاي
رحمه...ماقبل ياخذه مني يكول البسي حجاب وتعالي قدمي الجاي
امي...يااا هذا شبي تخبل شنو تدخلين على الرجال الغريب
راحت امي دكت الباب طلع عليها بابا
خلدون...وين رحمه
امي...اخذ الجاي شبيك شنو رحمه تدخل على الرجال الغريب
خلدون...اني ابوها واني ااكول رحمه اجيب الجاي وتجي لا اكلب البيت عليجن
رحمه...صار عصبي ورجع دخل وطبك الباب
امي...روحي البسي حجاب ورداء وتعاي اخذي الجاي
ابوج مو خالي
اني راح ارجع الجاي واصب من جديد لان برد
جمانه السعيدي
رحمه...دخلت لبست حجاب ورداء ورجعت شلت الجاي
دخلت عليهم
اول ماشافني ابراهيم ووكف على حيله
ابراهيم...اهلا اهلا وسهلا
رحمه....هلو عمو
ابراهيم...ليش هيج ترا اني مو حبير ولو مقبوله منج
احلى عمو سمعتها بحياتي
رحمه...مايعجبني كلامه خليت الجاي وطلعت صاح وراي تعاي اكعدي ويانا
خلدون...عوفها تستحي
امي...هااا
رحمه...مااعرف كلشي ما افتهمت
رجعت هاي الزياره اتكررت اكثر من مره
تقريبا بلاسبوع يجينا مره
وبابا يصمم لازم اطلع اقدم الجاي
ادخل اخلي الجاي واطلع حتى ماارفع عيني علي
مااعرف ليش ما حبيته
رغم هو ينزل عليه بلكلام الحلو والغزل
اني عبالك مااسمع لاارد علي ولا اباوع بوجها
امي...ليش اطلع البنيه علي
خلدون....وشصار طار نصها لو شاده حيلج وجايبه الولد
مجان احتاجيت رحمه
اسكتي لا تدخلين
امي....الله يهديك ولو كلبي ما مطمن ابد
رحمه......اخر مره اجانا ابراهيم قبل لا تبدي امتحانات اخير السنه
وهاي المره فتح موضوع العقد
ابراهيم...اني بعد مااتحمل اريد نعقد
خلدون...البنيه سادس احنا مااتفقنا هيج تريد تخرب عليها
ابراهيم...واني شسوي بشهادتها
قابل محتاج الوضيفه بشنو
راح تكون اميره تكعد وتطلب بكيفها وبيتها وحدها
خلدون.. هيج تزعلني منك
راح تخرب عليه وعليها اذا تريد فلوسك ارجعهن
لان انت راح تخرب الاتفاق
اني انطيتك كلمه ومراح أتراجع عن كلامي
بس انت اذا تريد ترجع بكلامك
ارجعللك فلوسك واعتبر الاتفاق ملغي
رحمه...بابا يكذب علي الفلوس انصرفت على القمار وراحن
بس يهدده
هلمره بابا اتفق ويا ما يجي اله تخلص الامتحانات
يله يخلينا نشوف وجها
جمانه السعيدي
رحمه....من نزلنا بهاي المنطقه تقريبا صار سنه
اكو ولد عينه عليه من اطلع ومن ارجع
وكانما يختبر تصرفاتي يراقبني معجب بيه
اني اطلع محجبه والبس رداء وابد ابد مااخلي مكياج
اصلا بس تضربني الشمس وجهي يصير احمر
المهم هذا الولد عمره تقريبا ٢٤ ايجوز ااكثر او اقل
ولد مؤدب ابد ما يقل أدبه وياي
لا يحجي ولا يأشر ولا سامعه صوته مجرد يوكف بمكان معين ويبقى يباوع عليه
لو تصرفه هذا مره مرتين مجان اهتميت
بس طول السنه الدراسيه هو واكف بنفس المكان
مرات احس يمشي وراي بس من بعيد منا لمن اوصل للمدرسه
وكانما يطمن عليه
المهم كعدت فترت الامتحانات امتحانات السادس
بعد ماااطلع ولا اشوفه ولا يشوفني
من بدت الامتحانات رجعت اشوفه واكف بنفس المكان
عبالك عنده جدول امتحاناتي
يكتفي بلنظر وبس ماعندا اي تصرف معيب
بيوم من ايام الامتحانات امتحان الرياضيات
طلعت ااخر وحده لكيت البنات كلها طالعه الدنيا حاره موت
البنات اغلبهن يجون اهلهن وياخذوهن بسياره
اني محد بحالي
طلعت من المدرسه الدنيا حاره كوه امشي
اني اصلا ماأحب الرياضيات وتجيني كأبه منها
المهم طلعت وجهي صار عبالك طماطه من الحر
امشي بلشارع وحدي
جان يلحكوني ثنيين
ولله شكلهم يلعب النفس وملابسهم شحالها
الشعر طويل من جماعة العطواني
كامو يحجون حجي ويمشون وراي
الشارع بي ناس بس كلش قليله
وواكثر الناس لو على دراجه لو سياره
محد.يمشي على رجلي بسبب الحر
بقو يمشون وراي
كلبي يدك الف دكه بلدقيقه فكرت اركض
خفت احس رجليه ما تساعدني اركض
كمت امشي سريع
او يمكن اني يتهيئ امشي سريع بسبب الخوف كلبي يدك بسرعه
رجليه عبالك لازكات بلكاع بلكوه اشيل رجلي
اباوع للشارع فارغ وين اروح بيمن استنجد
قربو عليه حيل
الاول....حلوه وحمره وتمشين على الكاع
تعاي اشيلج
الثاني....اني ماشايف هيج نعمه انت صدك نعمة الله
الاول...وين بيتكم واني اوصلج
ااجرلج سياره
رحمه.. احس كلبي يدك بعلومي وراسي راح ينفجر
امشي بكل قواي بس مجاي ابعد عنهم
الاول...ليش خايفه مراح ااذيج
الثاني...اسمج اسمج شنو اسمج
ااكيد ملاك بلبل ورده حوريه
رحمه...كمت ابجي احس صعب اطلع من هيج موقف
والطريق صار طويل
منا اني متوتره بسبب الرياضبات
ومنا ذوله طلعولي ووجهي صار احمر
وبلكوه اقدم رجلي يمكن كلبي راح يسكت
مااحس اله وواحد صاح رحمه بصوت عالي
بعصبيه رحمه
التفتو ثنيينهم عافوني ومشو صدكو مااكدر التفت من الخوف
قرب عليه نفس الشاب الي اشوفه كل يوم واكف
يحيى....منو ذوله
رحمه....رغم هو غريب ومااعرفه بس حسيت بلامان
بلعت ريكي غمضت عيوني نزلن دموعي
كلت بصوت مبحوح
رحمه...مااعرفهم خايفه كلش خايفه
يحيى...ماعاش الي يخوفج اليوم انتظرتج اتاخرتي
بقيت بقلق عليج
قررت اجي اشوف ليش اتاخرتي طلعتي من المدرسه لو لا
رحمه...حلكي يابس من الخوف
يحيى....اجيبلج ماي دخل اكو محل زغير جابلي بطل ماي بارد
شربته كله هلكد ماخايفه احس بلعومي صاير خشبه
جمانه السعيدي
يحيى...صار هواي يمشون وراج
رحمه...من طلعت من المدرسه
يحيى...ليش اليوم اتاخرتي
رحمه...الامتحان صعب وبقيت اخر وحده
يحيى...خوما ااذوج
رحمه.....خفت منهم كلامهم خوفني
يحيى.....سلامتج الف سلامه
رحمه...الله يسلمج
يحيى...نسيت اعرفج بنفسي اني يحيى
بيتنا بلزيتون وبيت اختي بشارعكم اني كاعد بيت اختي لان زوجها عسكري
شفتج بالصدفه ووووو
رحمه...سكت واني ساكته
يحيى....سلامتج الف سلامه
رحمه...شكرا جزيلا راح ندخل بشارعنا ممكن تعوفني
مااريد اي احد يحجي عليه
يحيى..اي صار بس ..امشي اسرع
رحمه...مااكدر من كد الخوف بلكوه احرك رجليه
يحيى...على كيفج اني راح ابقى امشي وراج منا لمن توصلين
رحمه...هلكد الطريق صار طويل اربد اوصل ماكووو
بيومها نمت على وجهي من كد الهبطه
بقالي ٣ امتحانات كل يومين امتحن يوم
من اروح للامتحان اشوفه واكف بنفس المكان
يمشي وراي مسافه بعيده لمن اوصل للمدرسه
ومن ارجع الكا واكف بلشارع بس من بعيد لا يقرب عليه
ولا يحجي وياي
يمشي وراي حتى يحميني
هذا الشعور احلى واجمل شعور حسيت بي الحد هاي اللحظه
شعور حلو
شعو الامان والاطمئنان
كلبي ارتاح لهذا الولد مااعرف ليش
بس خلصت امتحاناتي
اجنا نسوان ثنيين وحده جبيره ووحده شابه بلتلاثين
اني اتوقعت جايات يحفن يم امي
طلعت استقبلتهم ودخلتهن
من شافني ووحده تندس بلثاني
حسيتهن انبهرن بشكلي
الحجيه...اني جاي اطلب ايد بنتج رحمه لابني يحيى
يحيى خريج جامعه
ويشتغل ويا ابو عدنا محل مفروشات
احنا بيت مراد علوان اسئلو عنا عدنا مجمع جبير بلسوك
والناس كلها تعرفنا
امي...اهلا وسهلا نتشرف بيكم حجيه بس الرائي الاخير الابوها
رحمه...شكد جنت فرحانه طايره من الفرح بجيتهن من سمعت طاري ابوي
كلبي انقبض
هم ابوي شلون راح تخلص
اذا ما يستفاد منهم مراح يقبل ابد
الله يستر
من رجع بابا امي قررت تفتح ويا الموضوع
امي...اليوم اجو ناس على رحمه مبينين خوش ناس
خلدون....رحمه مخطوبه
امي...مخطوبه المن
خلدون ..ولد صديقي وحتى دافع مهرها منتظرها تخلص
امتحانات
امي...منو صديقك بيت منو غير نعرف
خلدون....ابراهيم الولد الي اجانا هنا كم مره
امي...هااا هيج صارت اكول كلما يجي وكتلها تعاي قدمي الجاي
انت تريد ازوجها واحد أمبر منها بعشرين سنه
هاي صفقه من صفقاتك
ومستلم مهرها الشغله بلنسبه الك بيع وشرا
خلدون...لا تدخلين بنتي واعرف مصلحتها زين
امي....شوف رحمه مالك شغل بيها انت ما تعبت عليها
هاي بنتي اني الي تعبت وربيت
وماازوجها ابراهيم لو اتموت
عندي استعداد اقتلك موت ولا تقرب على رحمه
خلدون....شو طالع صوتج
امي.... كلشي اله رحمه ممنوع تقرب عليها
خلدون...واني مااكعد وياا اي واحد جاي يخطبها
فهمتي لو لا
خليها كاعده منا لمن توافقين على هاي الزواجه
امي...خليها بدون زواج ولا تاخذ واحد بكد ابوها
خلدون....هو انتي مو وجه نعمه انت شايفه ابراهيم شكد عنده فلوس
راح تسكن بيت وحدها تلعب بلفلوس لعب
امي...ولو هاي الصفقه مراح اتم فهمت لو لا
