رواية انت البارود وانا النار الفصل السادس 6 بقلم الكاتبة شمس
﴿وَلَسَوْفَ يُعْطِيكَ رَبُّكَ فَتَرْضَىٰ ﴾ چا هيـچ الاهـل عـثره
الاهـل عـلى الگـلب راحـت بـال اهلـنـا شبيــهم ويـانه
صـارو عـلى الڪلب حسـره
من شـافونـه مسڪوريـن ماجبـرو ڪسرتنه ولاحچـو ڪلمه
مـلح فـوك الچـرح وڪعـو
وچـو فوڪ الڪسر كسـره المـامرتاح يم اهلـه
مـامرتـاح ڪل عـمره
- ماتمنيـت افتح عيوني واعيـش بعد صار واسـمع صار بيه بس خوف أخوي عـليه وحجايات أبـوي الي
خلت حته هوه الي اجـره يذبح صـدري.
أسـعد: دڪتور شبيها شني صار وياها
الدڪتور: بتڪم صار بيها ذبحه صدريـة
بس الحمدلله لحكتو عليها وخفيفـة عبرتها
- اسمعهم يحچـون بس مابيه حيل ولابي طاقة احجي واكلهم اي شي الحجي اذا طلع من حلڪي يتعبني. سمعت امي تلـطم من ڪلهم صار بيه ذبحه صدريه
خديجة: دڪتور خلي أشوف بنتي
الدگتور: لازم تبـقة تحت المراقبة اليوم وباجر تطلع
وممنـوع أي احد يدخل الهـا ولازم تبتـعد عن توتـر وعن مشـاڪل عن ڪلشي ياذيها حته لاترجع عليها
ولازم نرفع معنويـات المريـضه
خديـجه: بتـي جان مـاتت ڪبالي وماكدرت أسوي اي شي والله سوده بوچهي
سـالم: شنو وصلها هاي مرحلة شايله بڪلبها وهيچ صار بيها
خديـجه: ولڪ چا ابوك قصر وي بتي ولڪ موته تـموت ماخله شي بيها صاحي لو مانغمه عليها واجه أسعد چـان اليوم انـا ادفنها بايدييييي
اسـعد: بعـدني مامحقق ع السالـفه وابـوي ليش هيچ سوه بـيها منو حاجه يـمه منو ڪله ع يمامه وخله هيچ يسـودن تعرفين شي
خديچه: لا مـاعرف مادري طلعت انـا ع صوت يمـامه تصرخ
أسعد: شتعـرفينننن الله يخليچ جا خسرت اختي انـا اليوم روحي للبيت انتِ وسالم
خديجه: يـمه كـل عقـلك شلون اروح واعـوف بنتـي
تحجـي صدك اسعد شلوووووووووون
اسعد: يمـه محـد يقبـل يدخـل يمهـا الله يخلـيج روحي للبيت انتي هم تعبـانه لاطيحيـن عليـه نوب بيمـن احتار ابوس ايدج يمه
سالم اخذ امك وروح للبيت
خديجـه: الله يخليگ يمه ديري بالڪ ع اختڪ
أسـعد: بدون ماتوصيـني روحي هاي من الدنيا.
ضليت افز وارجع انـام وفزيت لگيت أسعد يمي
وڪاعد كبالي ع كرسي فتحت عيوني وحاجيته وانـا
كوه احجي
حچيت واني گلام مايطلع مني وخايفـه ذڪرت من ابوي كتلني. وشلـون اجيت لهنا ماذكر اي شي
- أسعد لاتعـوفني وتروح يجيني ابـوي
اسـعد: اي حبيبتي يمچ انـا لاتخافيـن محد يسويلج شـي
يـمامه: حسيت حسيت راح امـوت والله اسعد صدڪني مامسويه اي شي انـي
اسـعد: لاتحجين هيـج لاتعيدنهااا
انتي قويه وماڪو اي شي يصيرلچ
درت وچهي عنه ودموعي ينـزلن شحجي شلون انسه كلام ابوي والافتراء شمرته اختي علية
حاجانـي وهوه يدور وجهي بايده الاثنين
اسـعد: راح ڪلشي يمامه انتي هسه بـامان سامعه
بـدون خوف
يمـامه: لاتطلع من يمي اسعد اريدك
اسـعد: ماطلـع وعيونچ حتلو يطردوني ابقة يمچ بعد شتردين
يمامـه: وينها امـي
اسـعد: سالم وامي رجعو البيت كتلهم انـا ابقه يمها انتضرچ وباجر صبح نرجع للبيت نشالله
اريد اسئلج شـي ولو مو وقته
يمـامه: أسئل خويه
أسـعد: شنهي صاير بيچ سئلت امي ماجاوبت ڪتلها شنهي ألسبب ابوي ڪتل يمام ماجاوبـت كالت مادري وابوي ماسوه شي الچ ليش رجع الج مره ثانيه
يـمامه: شڪد انقهرت من كلي أسعد امي كالت ماعرف ليش صار بيها شي ضلت حاميه مسـره وانـا عافتنـي بنص النـار وشگل أسـعد بشنو احاجي
شڪله ابوي مسوي عمـلة يگسر بيها ظهرنـا ؟ لو اڪله مسـره تمعشگ وي ابن عدونـا؟
أسـعد: جاوبيني يـمامه شتعرفيـن ماعـرف
يمـامه: يعني شـعرف مثلا؟
اسـعد: عيونچ بيهن هـواي حجي وتدري عيونچ تفضحچ دائما انتي ضامه اسرار وتعرفين ڪل شي
يمـامه: يـا انا مسڪينه شنو هاي أتهامات هاي
أسـعد: ههههههههه يمه منچ ياهي هاي فقيـره انتي
يمـامه: ههههه اخ اسعد لاضحڪني ماكدر صدري يوجعني ماريد احجي أي شي
أسـعد: احلفچ بغلاتي لاتخلينـي وره ضهرج وانـا حاسبچ گلشي لاتخليني طرطـور واكتشف امور
يـمامه: احجيلڪ بشرط ماتتعصـب وسوي اي شي
أسـعد: حسب الحچي مالتج
يمـامه: اوعـدني اني خـايفة من مشاكل
أسـعد: احچيلي يـمامه
يمـامه: مسـره أسعد
من ڪتله مسـره حسيته صار شخص ثاني وگبل صار عصـبي وحواجبه وعيونه حدهن واجه بتجاهي وكف
اسـعد: لچ يممممامه شنييي مسـره شبيهااا
شني انـي هنـااا كـ.... مخليـني وره ظهـركممم
اياچ جذبين بـحرف يلاااا احچي
يـمامه: اذا ماحجي الة ممڪن نخسر سمعتنـا وممكن اختي وتدخل بطريق ماله رجعه واسـعد الي ڪشفني ضامه شي وممڪن مسره تڪلبها عليه
وهيچ اترك اسعد بين نـاربن وامـي گتلها لكن ماسوت اي شي وانـي وي الحق دائـما حتلو چانـت اختي.
مـسره تحـب معـتز وحاولت امنعـها بس مارضت
وگلت امي بـس حته امي ماسوت اي شي ومسـره ڪالت ابـوي يمامه هيه الي عـدها علاقه وي معـتز
بس أسـعد والله ماعندي شـي وياااا حته ماعرفـه
أسـعد: مسـره تحب معتـز وانـاا مادري شلون فهمينيييي شلون سوين بيه هيججج
گمت من جربايه كوه حتى مااكـدر امشي جسمي يرجـف شلت كانونه وكوه نزلت ورحت يمه
- والله خفت اگلك والله حجيت امي ماسوت شي
اسـعد: لچ مافكررررتتييي بيةةة مافكرتييي ماكلتيي اذا معتز ڪال عندي علاقة وي اخت أسـعد شصير بيه حاجينييييي
يمـامه: ضليت ابجي وماجاوبته لان صح شيحجي شيگول حقـة لان الشـرف وألسمعه مو لعبه
راد يطـلع من غرفه ماخليتة
يـمامه: وين راح عايفني أسعد ابوس ايدك لاسوي شي بـمسره الله يخليڪ أسعد
اسـعد: رجعي نـامي وباچر الصـبح ادز سالم عليج ويرجعج للبيت
اسـعد: انـا موش نثيـه والبس شيـلة واكعد يمچ بعد سـمعته وحقچ يرجعلچ لو تنگلب الدنيا اليـوم محد يمنعنـي عن شي اريد أسـوي
يمـامه: رايح معتز؟ لا للاا أسعد لاتخسر روحڪ وتدخل سچن فدوه اروحلك اااسعددددد
عافـني وطلع وضليت اڪل بروحي اكل وياريت بيدي شي ومايمي اي تلفون حته اخابرهم حسيت صـدري وماگدر اجر حته نـفس اجتني ممـرضه
يـمامه: فدوه ماچاي اتنـفس صـدري ياذيني اختنگت
ضليت ارجف بايدها نومتني ع جربـايه ضربتني أبـره
ونمـت مادري بروحي.
فزيـت ولڪيت سالم يمـي ويحجي وي دڪتور ويريد يگمل اجرائات حته ارجع للبيت
طلع دڪتور وحاجيته
يمـامه: سالم بـرد ڪلبي وي أسعد البارحه عافني وراح ڪلي خو مابي شي
سالم: شمرتي سمج عليـنه وخليـتي أسعد فاير
يمـامه: شبيڪ سالممم لاتخبلنيي ڪلي اسعد شبي
سـالم: لاصيحين لا اهفج ع راسج محد ڪبر راسج غير أسعد هوه خلاچ هيچ تتمادين وتهجمين بيتنـا البارحه
يمـامه: شنو هجمـتم بيتكـم شبيـك سالم شهـل حجي طلـع من يمـي وكلي باجـر يجيـج سالم ياخذج عفتونـي هنا وحدي
سالم: انا طالـع وخابـرني اسعـد كلـي الكاك بلبيت انا جاي ماعرفت شنو شبـي ليـش معصـب رجعـت للبيت على سـريع ماحس اله اسعد وراي
حط بيه راشـدي فراني فر صرخ باعلى صوتـه لكل شنو احنـه هنا نسـوان كتـله شبيك اسعـد
اسعد: ولك شني احنه هنا نثايه
سالم: مافهـمت شي منـك نطينـي مجال افهـم شبيك واج نار
_ ركـض للغـرفه صرخ مسررررررره وينـج ولـج چلـبه
اليـوم موتج على ايـدي
اجه ابوي وامي ركض على صـوت اسعد الي
رج البـيتتتتت
كاضـم: شنهـي ولـك تعـربد بنـص البيـت وانا موجود
اسعد: تعـرف انتـه بنتـك شمسـويه ولك طمـت
ررررررراسك وراسنه بلگاع تعررررررف لو لا
اسعد: اوكفيلي اليـوم اخلـي موتج على ايدي
_ركـض اسعـد للحـديقه وجاب صونده واجه
لگـه مسـره واكفـه وره ابوي راد يسحـها ماقبل
ابوي
كاضم: شنهي ولك ماعدك احتـرام وراي وتمد ايدك
اسعد: بويـه عوفها لهل حقـيره تتمعشـك وي ابن
وسـام معتـز
_شگ ابوي دشداشتـه على طولها ولطم صدره
وتربع بلكاع
خديجه: لا يمامه بس لاسويتيها وهجمتـي بيتي
_صرخت مسـره والله بابا مو وانا يمامه
سحب اسعد مسره من وره ابوي
اسعد: نطيني تلفون
_ركضت مسـره وجـرها اسعـد من شعـرها
مضـت التلفون بصـدرها مقبلت تنطي
اسعـد: لج كتلـج نطيـني تلفـون لاتخليني اچرم بيچ
مسـره: عوفنـي انه مالـي شغل هاي يمـامه تشمـر
مصايبها علي انا شعلـي عوفنـي
اسعـد: كتلـج نطيـني تلفـون لاتخلينييي اڪر ڪلامي مو تگولين ماعندي شي جيبي خراااا
مسـره: والله انطـي الك بس عوفني راح اموت
_ اخـذ اسعد التلفون وشاف كل الرسـايل بينها وبين معتز ألڪلام الي مايلبس علية ثوب
وبلصونـده طڪهاا
اسعد: لج جلبه وين شفتييي ولچ ويننن تمعشيكككننن
مسـره: احجيلك كلشي بس عوفني بابا الحكني
اسعـد: جااااااااوووووووبي شمسووينننن
طڪها مره ثانيه بصونده بگل مكان خلها تزورڪ
هيه تحجي وهوه يطك بيها
مسـره: بلبستـان طلعـت من انته سويت حادث مره بس مره وحدددده
اسعـد: شنـو سوالججججج
مسـره: باسني باسنيي
اسعـد: يوم الله مايخصلج مني وين باسچجج
مسره: بصدري وبشفتـي بس مره وحده والله مره وحدة
- هنا اسعد فقد وضل يطگهااا باي مكان باسها ورفعت ايدها والاثار العض ع جسمهااااا.
خديجه: ولك يمه بسك فدوه رحتلك ابوس رجليك اسعددددد راح تموت بين اديك
سعاد: سوي شي گاظم شني اول نسوان تحب كل احنه حبينه وازوجنا
اسعد: بلعباس ارميهاااا تحجي هيج سكتنننننننن
فلش الغرفة تفـلش ماخله شي بيها صاحي
وطلعنا من غرفة وخله مسـره بالڪاع تبچي وتصب دم
اسعد: والله ألـي يوصل الها ادميها دمي
وحق الحسـيننن وانت سالممم يانثيه البس شيله واكعد يم نسواننننن
سالم: احترم نفسك شنهي شايفني انا ادري وساكت اشو ماتستحي
ڪاظم: معقوله بنتي تسوي هيچ ولكك أسعددد
تصدك بحجي هذيج جلبه
أسعد: هاي جلبه تكون بنتك وهذاك ڪلب اذا ماندمته مايصبح اليوم صبـح عليهم رايح الـه واكسر تڪسر
سالم: وين تروح انتَ تخبلتتتتتتت شلون تروحه وتنزل راسنه اكثر من هيچ
أسعد: جا حميت عرضك قبل لاتحجي هذا حجي وانـا رايح امشي وياي بدون کلاممم زايد والله انـدمه
-طلعو الولـد وماعرفنا شنسـوي ويمڪن اخسر واحد من ولدي بهاي سالفة بسرعه ڪاظم خابر ضرغام
ڪاظم: ضرغام الحك الولدي راح يكتلون ابن وسَام
سالم:دخلنا لبيت معتـز وأسعد اخذله توثيه من الشارع وڪسر الباب ودخلنه عليهم
بعدنا ماحجينه ودخل الشيخ ضرغام شلون اچة شلون سمع مانعرف
ضرغام: أسـعد تخبلتتت تريد تودي روحك بدهيه
اسـعد: لاتددخخخخل شيـخ قضيه شـرف مو لـعبه
وسام: شنهي صاير ولگ تصيـح بنص بيتي ع ابني
صاح أسعـد بعصبيه
أسـعد: معتززز لا تحسبها تمشي هيچ وتعدي ألي سويتهه مو لعب صغار! انت نڪستتت اسم مو بس بيت اسم عشيرة كاملة!
معتـز: إحچي عدل أسعد شنهي صاير
سـالم:شلون تسوي هيچ وي بـتناااا ولك نكول صغيره هيه انتَ شمالك تسوي هيچ بيناااا
صاح أسعد بقوه وسڪت سالم ومعتز
اسـعد: برايك اسڪت عن موضوع انتهى برأيك؟
دوس بيتي وتكلي انتهى
هاي اعراض شرف ودوست البيـت مو هيـنه يبن وسـام لحد الان چاي اصرف بعقل بس اذا نگرت والعباس اجتلك هناااا مايرفليييي الچفننن
معتز: اها هيچ سالفة لا تصير عاقل براسـي ونبي على العالم! هي مو غصب عنها هي إجت برجلها!
ولاانا وديت عليها هيه كلتلي تعال
طكه أسعد بوكس فلش وچهه
أسعد: اسكتتتت لا تجيب طاريها بهالشكل
ضرغام: ڪافيي موته تموتتت
أسـعد: يلاا احجي گلب عارر شتريد اسوي بيگ هسة
ضرغـام: بسكمممم احترمونييييي ياخذها وينتهي الموضوع
معتز: وأناااا هم إنسان مو غصب أتزوج وحدة ما أريدها مثلها
ضـرغام: إنت اللي رحتلها إنت اللي فتحت الباب!
هسه من وصل الموضوع للعشيرة صرت ما تريدد ناقص الغيررره
معتز: إي ما أريدهاااا
وإذا على الشرف مو بس هي عدكم!
أسعد: شنو تقصـد إحچي عـدل مثل الزلـم
معتـز: أقصـد إذا تريدون حل، عندها أخت مـو
ليش ما تفكرون بيها بدل الحچي ڪله
ضـرغام: إنت واعي شتحچي
دخلت أختها بهالسالفة بعدك ما شبعان فضايح
أسعد: ولك والقران اموتكككك
لزمه مره ثانيه وموته أسعد تـموتت وصاح ضرغام بصوت عالي
ضرغام: بس كـافييي احترمننننننني اسعد
الكلام هذا ما ينسمع بهيج مگاننن
دخل الأهل والأعراض خط أحمر
معتـز: وانت شعرفگ بيهم وبناتهم اذا اختهم اولة اچتني برجليها
بعده ماكمل گلام وطكه ضرغام بوكسي بوچهه
ضرغام: سمعت حچي ما عجبني واذا ماعجبني يصير غير شگل
مو لأن بيه مشكلة ولا لان ماعرفهن ، لأن بيه قلة أصل
معـتز: انت ماتعرف سالفة شيخـنا
ضـرغام: لا تشرحلييييي
الرجال ينقاسون من حچيهم أولاً
وإنت قبل شوي دخلت اسم بنيه ثانية بالسالفة صح ومحد يعرفـها
معتـز: بس چنت رايد حل وأبين مو بس انـا هيج سويت
صاح ضرغام وبينت العصبيه عليه
شيخ ضـرغام: تجرأ اسم بنيه ما شايفها، ما سامع صوتها، يمكن حتى ما تعرف اسمها
وتخليها بموضوعنـاا
وسـام: جا طلعون بس ولدي غلطان شوفو بناتكم شسوت
ضـرغام: اسمعني زين وسام
أنه لا شايف هذيچ البنيه ولا اعرف اسمها
بس أعرف شي واحد
هيه بت عشيرة والعـرض وخط أحمر. والاهم اخت اسعد الاخو الي ماجابته امي وما بيوم طلعـت منهـم العيـبه
اسـعد: الله يخليڪ شيخنا
ضرغام: اسمعني ولگ معتز وإنت من جبت طاريها
مو بس غلطت عليها
إنت تعدّيت على كل واحد هنا وماحترمتنـي
راد يحچي معتز لجن سكته ضرغام
ضـرغام: ترفض تتزوج هذا قرارگ
بس تتجاوز وتلوث سمعة بنات الناس
هنا ينتهي الحچي واكسر خشمگ انا بايدي وساعتها تصير قضيه قضـيتي
وسـام: وانته شنهي بنات کاظم وشتعرف اخت اسعد ثانيه شمسويه
اسـعد: ولك اختي تسواك وتسوه راسكم چلابببب جيبون طاري أختـييي ترحون فدوه طاريهاااا
ضـرغام: أسعد اختک مکانها وكرامتها وشرفها ضال مدام انا اشم الهوه واختـك
أشرف من كل كلمة انحچت عليها اليوم
بس إنت يا معتز
حتى اسمك اليوم ما محافظ عليه
الرجال مو بس فعل الرجال موقف.
وإنت اليوم لا فعل رجولي سويت ولا موقف وكفـت وره غلطك
معتز: شيخنا لا تظلمني
ضـرغام: الظلم
الظلم من تترك بنيه بوجه الناس
وتدور مخرج على حساب أختها إسمعني زين
اللي يهرب من الغلط
مو رجال هذا شبه رجال
اسـعد: مسموحه منگ شيخنـا لجن جاب طاري اختي وسمعتها ماكدر ماسوي شي
ضرغام: أعيدها وآخر مرة أسعددد
اختك شرفها ضال مدام أشم الهوى
وأي كلمة بعدها تنذكر عليها
ترى مو بس عليّ
على كل رجال واگـف هنا
معتـز: كل هذا الحچي حتى تغطون على الحقيقة
زين خل نحچيها بصراحة بموضوع يمامه
صارن أسعد عيونهه حمر وگال
اسعـد: إسمها لا يطلع من حلكك بهالشكل ! لاتجيب طاريها على لسانـك هاي اشـرف منك ومن عشيرتـك
معتز: ليش مو هيه تگض الشباك لشيخ ضـرغام من يچي يمكم وتباوع علية
ينصدم الشيخ ضرغام بگلام معتز وتاخذه صدمه ومايعرف شيحجي
فجاه سحب السلاح أسعد
أسعد: رجولتي يوم سكت عليك
بس إنت ما تستاهل سكوت
سالم: لااا اسـعد لادهور روحك وضيعناااا
اسـعد: ولگم هدوننييي
اليوم يا هوه يا كرامتنا!
ياترى شنو الي صار اسعد كتل معتز وخلص من كلامه السم الي يشمره ويشوه السمعه لو ماخلو شيخ ضرغام شنو رده من سمع هيج راح يسكت او لا
انتضرونا بارت القادم نار
