رواية انت البارود وانا النار الفصل السابع 7 بقلم الكاتبة شمس
وسام: ولككم كضوو لا تخلونه يرمي مرة ثانية يبوويييي داخلين بختك شيخ ضـرغام
صاح اسعد بعلو صوته
اسـعد:خلّونيييي والله ما أخليه عايش اليوم
اليوم ينتهي كلشي اجتلنه ع ايدي
صاح الشيخ ضرغام وسكت الكل
ضـرغام:.ڪافي سڪتووو اسعدددد نـزل السلاح
اسـعد: شيخ تحجي صدڪ والله اكتله خلاص اموته شلون اسكت اله وهوه چااابب طاري عرضييي وداس بيتي
ضرغام: ومنو كلك تعوفة وهذا الحق
راح ينؤخـذ بس مو بهيج كتل وعرگ وتشمر نفسك بداهيه
وسـام: هم طابين لبيتنا وتكتلون أبناااا وهم انتو صابحين الحك
ضرغام: سگتو وسمعوني الموضوع صار أكبر منكم كلكم وهاي الكعده ماتنتهي اله بحكم وبحكمي انـا
أسعـد عيونه نار وكوه لازمينه حته ماينهد ع معتز
اسـعد: اعتبرها عشت اليوم
بس مو كل يوم تنجى وتعيش والله أندمك
وسـام:انت ابن كاظم لاضل تعرب بنص بيتناااا امشي ولك اطلع يلا
صاح ضرغام وكلهم سمعو
ضرغام:بعد اللي صار من تجاوز بالكلام
ومن سحب سلاح ومن قضيه شرف ودوسه ألبيت واتهام حرمه الموضوع مابي سگته صار حق عشيره
أولا اخت اسعد
كرامتها محفوظه، واسمها خط أحمر وأي كلمه بعدها تنحچي عليها حسابها مو بسيط
يباوع لمعتز بنضره حاده
ضرغام: إنت يا معتز غلطك مو بس اللي صار
الأكبر حچيك عليها وتعديك على أختها
ماخلاه يكمل وسام قاطعه وهوه يحجي
وسام:واذا انتَ شخص وتحكم بالعدل شلون ترضاها أسعد يسحب سلاح بنص بيتيييييي
ضرغام: اول شي لاتقاطعني وانا احجي ثاني شي
أسعد الحق كله الة محد يلومه بس غلطه
سحب سلاح
ضرغام: هسه مادام سمعنا الحچي من بدايه لهنايه وتعديت ع اعراض الناس
طلعون من المنطقة بعد مالكم كعده هنا على الي سواه معتز انطيكم مهله ثلث أيام لايصير غير حچي مالكم ضل هنا بعد وهذا ابنك العار ماعرفت تربي
معتز:شنهي شيخ بكيفك انتتتت طلعناااا بويه مانطلع
ضرغام: گتلكم مالكم ضله هنا واذا عرفت شيوخ بقيه بالي سويته يكتلوك قبل لايطلعونك إذا واحد منگم
ضل وماسمع حجايتي
راح يتحاسب مو بس مني من للعشيرة كلها.
ويصير علج بحلك الناس
يمـامه: بعد ماحچالي سالم کلشي وطلعنا من مستشفى متوجهين لـ البيت صعدت بسياره
واني بغير عالم وكلام ضرغام وهوه يكول عني
حتى لو ماعرفها تبقه بالنسبه الي خط أحمـر وعرض ماعرفه ولايعرفني دافع عـني مادري حته إحساسي شنو بس جاي افكر شلون راح يستقبلون أهلي بعد کل الي صار واني ابد مو ندمـانه لان هيچ صار بمسره انـي ردت احميها حته لاضيعنا اکثر وحاولت وياها هواي وهذا مصير گل بنيه تنزل راس أهله لان السمعة مو لعبة
وإحنا نعيش بين ناس كلمة وحدة تكسر بيت وزلم
وصلنا للبيت واني تعبانه وخايفه اباوع بوجه أسعد وابـوي شراح يسوي بيه وصلت تلكتني إمي
خديجـه:ها يمه شلونچ
يمامه:شـويه أحسن الحمدلله
سلمت ع ابوي بس ماحاجاني ولا كلي بنتي الحمدلله على السلامة ولاگانما صار بيه من وره
سعـاد: صدك لو کالو كل ساق يسقى بما سقى سويتي بيه وشوفي الله شسوه بيج جان موتچ
أسَعد: الحمدلله على السلامة يمام ماشوفين شـر شلون صرتي
يمامه: هسه صرت زينه بشوفتک ياعزيز روحي
أسعد: روحي ارتاحي وسبحي لاتعبين روحچ
اخذتني امي للغرفه ولكيت مسره كاعده ماحاجتني كالت امي الها
خديجة:سلمي ع اختچ مسره
مسـره: وعليكم السلام اذا بعد يفيد السلام
يمامه: السلام ما يضر أحد
چاوبتني وهيه تضحك وبستهزاء
مسـره: لا بس الحچي ورا الضهر هو اللي يضر
يمامه: سگتي مسره ترا مالي خلك صدري ياذيني وهاي جيتي من مستشفى انا متاذيه مو انتي
مسـره: ليش خلي نحچي صدك اليوم خلي نبدي بجذبچ وافترائچ علية زين شنو تحسين وإنتي داخلة تسلمين وإنتي أصلاً السبب بكل اللي صار
مسـره: عود شنهي توقعين ضرغام راح يحمي سمعتچ
يمامه: حميت سمعتنا مو بس سمعتي يمامه قديمه الي منو يچي يمشر حجي عليها ماتت بيوم الي كلبتي حجي يم أبوي وخليتي يكتلني وصار الي صار بيه
مسـره: يمامه صدگي ثاري اخذه منچ لو شما صار يچي يوم وأذيچ
يمامه: يطلع بيدج سوي مسره ماتخوفيني
مسره: والله اكسر خشمج عالي هذا
يمامه: خشمي ماينكسر ويضل عـالي مادام اشم الهوه تحلمين اخاف منج لا انتي ولاغيرچ
سبحت ونمت ماكعدت منا المغرب شفتهم جاي يحضرون تحضيرات العشه وگمت وياهم
خديجه: ليش کمتي يمه لو ضاله نايمه
يمامه: لا ڪافي يما نمت هواي وجوعانه
خديجه:كعدي هسه راح نخلص واکلي
خلص العشه واحس روحي مختنكه وماشايلتني كاع
طلعت من الغرفة بليل ولاكتني امي خديجه
خديجه: اوكفي يمامه اريد احاچيج
يمامه: كولي يمه اسمعج
خديجه: إنتي شلون سويتي هيچ بأختچ
يمامه: جنت خايفه عليها يمـه لاتلومينـي معتز ضحك عليها وسوه وياها شغلات بالحرام
خديجه: خايفه على منو على نفسج على سمعتچ لو على گلبي تلوع بهذيچ ليلة وشفت بتي راح تموت كدام عيني
يمامه: على الكل خايفة
خديجه: لو على الكل جان وقفتي وياها مو ضدها وكتلج سدي الموضوع
يمامه: اجيت وكتلچ شسويتي جاوبيني يمه سويتي شي نصحتيها كتيلهااا يما تنزلين راس خوانج فكرتي بهذا شي لو عفتها براحتهاا
خديجه: مسرّه دمچ مو غريبة حتى تبيعينها بهيج سهولة
يمامه: مابعتها يمه مابعتها معتزز جاب أسمي بينهم
شلون سكتي شلون رضيتي ومسره گل حرف يصير بيتنا تروح تنقله لـ معتز
خديجه: تدرين شنو الفرق بينچ وبين مسرّه غلطت
بس ما خانت أهلها وانتي خنتيهاا
يمامه: يمه لاتكولين هيچ جاي اكلچ مسره كلبت الحجي عليه ليش صايره ضددددييي
خديجه: وأسمعيها منـي يايمامه مثل ما انجرحت مسرّه وگسرتيها ورغم ماكو بنيه ماعشکت وحبت صدكـي مسره راح تاخذ حقها منچ
ضلينـا على هذا الحـال أسبوع گامل بين قساوه امي علية وابوي مامعتبرني وسالم مرات يشمر حجي علية وعركاتنا احـنه وسعاد ماتخلص هيج خلص
لا انـا احجي وي مسره ولا هيه ثنينه بالغرفه بـس وحده ماشوف ثانيه
چنت كاعده بليل ع جربايه وجاي اقره گتاب واجتني مسره وكفت كبالي وهيه تبچي
مسره: تعبـت يمامه
نصدمت من شفتها هيج ونگسر كلبي
يمامه: من شنـو شبيچ
مسـره: من كلشي من الزعل من الحچي من اللي بينا وهيچ وحده معاديه ثانيه يمامه إحنا خوات مو
يمامه: طبعا خوات تعاي كعدي يمي
مسره: انـا احبچ وانتي شي اكيد ردتي مصلحتي تدرين امي هيه تکلي اخذي حقچ من يمامه وهيه حجت بشرفچ بس اني مالي علاقهةبيها
يمامه: انـا اختج مسره مستحيل اسوي شي يأذيچ لو يضرچ وداعت عيونچ والله ماچنت أريد أأذي والله خفت عليچ ممگن يسوي شي اگبر ويدمرچ ويكتلوج خلاص
مسـره: ادري والله ادري خيه
شبكتني وضلت تبجي نومتها ع رجليه واني خايفـه وماعرف شسوي بس گلت خطيه انا اختها چبيـره ولازم اعلمها صح من الغلـط
بس ماجنت ادري مضموم الي لاشيء كدام شفته
بيوم من الايام جان يوم جمـعه وكاعدين نشـوي السمج وعمي قاسم موجود عدنـه معتودين جمعه نلتم وأسعد گال اليوم عندي موضوع الكل يجي
كملنا الغده والسمچ وتحضيرات ومسره واكفه وياي وتساعدنـي بحيث وصل بيها الحب تاخذ تلفوني وتشحنه بمكاني تكلي مابي شحن وکلت بلگي الله هداها وغير كلشي
قاسم: احچي يابعد عمك امرني
اسـعد: اريدكم تخطبولي مـره اريدها
كـاظم: شنهي اخذت شور منـو بهذا حجيك وتريد چيبلي وحده ساق.. مثلك تلفيها بيتي انت دايح مرتك شتطلع
قاسم: شني هذا الحجي كاظم قابل صغير هوه رچال كبر ومن حقه يكون عائله
خديجـه: مهنه يمه شايف كل الخير بس ياهي هـاي
أسـعد: البنيه من الناصـريه بيت سيد عمـران وشي اكيد ترحون تسئلون عليها وحته نخطبها وكل تروح
كاظم: انـا ماموافق واذا تريد اخذها بدون موافقتي ماروح وياك لو تموت
قاسم: كاظم هذا وليدك ع كيفك ازوجه وشوف احفادك
بعد محاولات وقهـر هواي وكلام ابوي ضل رافض
واسـعد كلش تاذه لان ابوي رفض ومايكدر يروح بدون ابوي ويجيب البنيه ضل مهموم حته بالكل مايكعد ويانا وابوي ماحس ولا أهـتم كمت ولگيت أسعد كاعد بالحديقة ويشرب جكاير ومايتحاجه
يمامه: اسـعد
بس سمع صوتي ضحك
يمامه: شبيگ تضحك ياا
اسـعد: أحاول أرتاح بس إنتِ جايه تزعجينّي أكيد وتحققين. وياي
يمامه: لا تخاف مو تحقيق. بس سؤال ديني
اسـعد: اسمعچ كولي
يمامه: شلون البنية اللي تحبها احجيلي عنها شنو اسمها اريد اعرف مرت اخوي
أسعد: يمام شبيچ هسه بدينا هالسوالف من هسه
يمامه: لا تهتم إن شاء الله أبوها يوافق وكلشي يصير تمام لاضوچ
أسعد: لاتهوريني وين اروح بهل لليل
يمامه: يلا کلي شنهي اسمهاااا
أسـعد: رنـا
يمامه:اسمها حـلو
أسعد: وهيه هـم حلـوه
يمامه: اشوفك عريس بس گلي شلون اقنع ابـوي ماحاحيت عمي قاسم
أسـعد: وشريد يسوي عمج مثلا بالي غير شي
يمامه: احجيلي شنوو والله افرحلك
أسـعد: عم ضرغام محسن هوه اله تاثير قوي ع ابـوي باجر احاجي واشوف
يمامه: نشالله يرضه حبيبي لاتشيل هم
عفت اسـعد ورحت نـمت وضليت انتضر يجيني خبر اسعد ويروح صديق أبوي ويشبرنيييي
دخل اسعد العصر ورحتله للغرفة احقق
اسـعد: ها محقق كونال
يمامه: بشرنيييي فدوه رحتلگ
اسعد: حاجيته وكتله اريد اتزوچ وابوي رافض كال انا اقنعه حته نخلص منك كتله وراك وراك
يمامه: يعنيي شوگت يجي ابوي
اسـعد: بليل كال
ضلينا ننتضر واجه محسـن وكعدو بالدوانيه هوه وابوي اسعد طلع ماكدر يتحمل ومسره متحمسه ويـاي ضليت افتر بالبيت واخذتني رجليه لدوانيه سمعت اخر حجيهم
محسن: وافق مثل ماكتلگ حته يروح من طريقنا ونشتغل براحتنـه وهوه يلتهي بـ مرته
گاظم: هاي هيه حته نكمل شغلنا وكف
ماعرفت عليمن يحجون بس واضح براسهم خطط مؤذيه قبل أبـوي واسعد فرح ماشالته الدنيا من الفرحه
راحو يشوفون العروسـة بس مارحنه وياهم
كالو بعدين اجن عماتي وامي وحته سعاد راحـت وشيخ ضرغام وابوي وعمي طلعو ع وكـت الصبح حته يرجعون ضلينا وحدنا انـا ومسـره
مسره ضلت ع تلفون هم تراسل رجعت حياتها طبيعيه بس ماردت اشك بيها گلت فعلا حست بغلطها لان كتلوها
انتضرنا اهلي واجو وركضت الهم من الباب
يمامه: هـااا بشروو شلونه مرت أخوي
سعاد: ولي خلي نكعد نرتاح شمالج مخترعه جيبلي مـاي ونسولف
ارتاحن وبدلن وانا انتضرهن ع احر من الجمر گالت امي
خديجه: والله يمـه تخبل تلفت النظر جِذابه
مو عيون يخبلن شكبـرهن وملونـات وشعر نازل ع الخصـر طول ماناقصها شي
يمامه: يعني زينه مرتبه تلوك اسعد لو لا
خديجه: إييةمرتبة بطبعها مو بس بشكلها ماعايزها شي
سـعاد: ع اساس اخوچ شيفه شلونه
يمامه: يـااا غير يخبل اخوي ليش ماخذوتنا
اسعد ليش ماخليتني اشوفهااا
اسـعد: وعد من نروح نكطع حاضر وغايب ترحين ويـاي انتي ومسره
فرحنا وضلينا ننتضر هذا يوم لحد ماجه
ونخبصنا خـبص بدلنا بسرعه اني ومسـره كالت الي
مسـره: بعد اجتنا بنيه ثالثه خاف تصير هيه اختچ
يمامه: شتحجين مسره انتي اختي بت امي وابوي لاتفكرين هيچ وهيه مرت اخونا ثنينا تمام
طلعنا لحد ماوصلنا طريق تعبـنا وصلنا فتحو الباب النه الزلم كعدو ب دوانيه واحـنه طبينه يم النسوان اني ومسـره وامي
رنـا: تفضلن والله نورتن البيت
يمـامه: الله يسلمچ رنا تعبناچ ويانه متحمسه جنت اجي اشوف مرت اخوي
ضحكت ماجاوبتني حرجتها بس شسوي بنيه تريدتنوكل من الجمال
خديجه: ع كيفجن يـمه وياها هسه تجي خطوبه ونوب شبعن منـها
يمامه: صح الراحة أهم من كلشي الله يوفقكم نشالله اسعد طيب وانت اطيب بعد نشالله اختنا انتِ
رنـا: بعد كلبي ماعرفت اسمائجن هذيج مره ماجيتن
مسره: اي ماخلونا خوات العريس كلنه وحدنا نجي
يمـامه: انـي يمامه وهاي مسـره
رنـا: شرفت بيجن
طول الكعده حجيها وهدوئها يخليك صافن عليها وكلش انسجمت وياي ونسولف وكالت
رنـا: والله هواي حبيتج انـا
يمـامه: ياعيوني فـدوه مرت اخوي وانـا هم حبيتچ نشالله نتشارك كلشي لاتحسين روحج غريبة
يمامه::.اليوم مو اي يوم عادي يوم خطوبه اخوي
چبير أسعد والطبخ بيتنا بالحديقه والبساتين وكلها أجت واسمع ناس تكول
بيت البخت بيت يعقوب واسمع صوت أبوي
كاظم:: حياكم الله تفضلو دخلو الشيوخ والناس ركضت للمطبخ وافتح الشباك اشوف شيخ ضرغام شي اكيد جاي وياهم اقرب صديق ل اخوي هوه ويدخل وهوه والعكال والعباية مالته ويمشي بكل خطوه يمشي عليها بهدوء برزانه وكلها كامت اله
حي الله شيخ ضرغام
ضرغام:حي من كال
أسعد:: الخطوبه ماتمشي بدونك يخوي
ضرغام: بالخدمه أنـا عضيدي
أسعد: هسه راح يخلصون الطبخ حته نمشي ونرجع
ضرغام:بس شوية سوولنا درب حته نساعدكم
أسعد: محد يخوي الحديقه والبره كلها للزلم
كاظم:-يلا ولك كمل ناسگ حته نروح للمشيه وجيب سيارات وكملهن
أسعد:-يبوي زلم ونسوان هواي خلي يتغدون ونوب يتزهبون ونروح
كاظم:-يلا ياولد خفو أديكم.
خديجه: يلا ولجن كففن البيت ورانا روحه الحلقات ولجن لاتنساها
مسره-:اوووو يماا شوكت نبدل يعني مانلحك بعد
خديجه :يايمه غير نكمل شغلنا يلا امري لله روحن بدلن واني اكمل عنجن
أجت امي لكتني بالمطبخ اني ودشداشتي وشده الحجاب ع راسي رافعته
خديجه:جاي سوين هنا روحي يما بدلي انا اكمل عنج
يمامه: جا يما سعاد مرت أبوي كالت اوكفي هنا حضري لحد ما الزلم يبجون الاكل
خديجه:: -ها يلا روحي يمأ أنا اكمل روحي بدلي
رحت وطلعت من مطبخ وصلت للهول وصاحتني مرت ابوي
سعاد: -الله جابج ادور مسره ماهي روحي اوكفي بره الحديقه خابروني راح يبجون ألغده
يمامه: شلون اطلع كلها زلم وأسعد مايقبل
سعاد:اسبج واسب أسعد جاي اكلج خابروني راح يبجون صواني كالو طلعو زلمه
يمامه: واني زلمه يعنـي . رفعت ايدها وغمتني
سعاد:امداج اي والله ثول صابج عوزج طول غير يجي لو ابوج لو اخوج تستحين منهم شريفه دمشي لاتعطلينااا
يمامه: -اعرف ماخلص منها سلمت أمري وكلت اجيب اكل وبعدين أبدل وطلعت حديقه فارغه ضليت انتضر احد يجي للبستان يبجون الاكل بخوف خاف احد
دخل الشيخ ويا بعد ولد جان مو كلش جبير جايب الاكل ويا وهوه شايل. الاكل حته يوديه لنسوان ومن شافني انصدم
هذا هوه نفسه ألشيخ الي كلها تحجي عن هيبته وقوته الي چنت اتمنى اشوفه من يجينا كبل عدلت حچابي ونزلت عيوني
ضرغام:ليش واكفه هنا هاي منو بنيه
الولـد: شيخ يمكن جايه تاخذ الاكل لنسوان وتدخل بس الشيخ ماقتنع وخله الاكل بلكاع واچه كلي جانت اصواتهم عاليه واني ماعرف اروح لو ابقه واكفه اخذ الأكل
شيخ ضرغام:-دشي جوا شسوين هناااا هذا مو مكانج شسوينن برااا
يمامه: ضليت لازمه ايدي وترجف وخفت من نضره عيونه وصوته وعصبيته تنرفز جنت اتمنى يجمعنا لقاء بس مو هيچ خاف يكول اخوي شفتها
شيخ ضرغام: ليش ساكته ماتحجين احاجيج شنو اسمج
يمامه: رفعت عيوني واني كوه يطلع كلام مني
كلت اسمي ونزلت عيوني يمامه.
كال اسمي يمامه
روحي دخلي يم نسوان واخذي هذا الاكل ولاتبقينن هنا بين زلم مايصير هذ شي. عدنااا فهمتيييييي وعدلي حجابج
ضليت ساكته واحس كلبي راح يطلع من مكانه اخذت صينه وحده من عنده
باوعلي بنضره حاده وكلي
ضرغام:هذا موش مكانج بعد ماريد هذا شي يتكرر واشوف مره طالعه بين زلم
يمامه: اخذت الاكل ورحت وعفت الاكل باقي ماكدرت أسيطر عليهن دخلت واني احط ايدي ع صدري من التوتر احس كلبي راح يطلع مو من الخوف لا
بس لان الشيخ الي جنت اتمنى يشوفني يوم شافني فعلاً وحجي وياي بس مو هيچ مو بهذا الشڪل
وانـا ودشداشتي كودري وحچابي الي ع النص قصص ماي هوبس
توتر مالتي ماعرف احجي ولا اكدر اوصفه والله دخلت يم مسـره ولگيتها جاي تبدل
مسـره: يلاا وين رحتي بدلي طلعت الج فستانج
يمامه: ولج جنت اجيب اكل كربتني سـعاد
بدلت وخليت الكحل ع عيوني ماكدر بدونه يحلي عيوني ورسمت شفتي وخليت حمره
مو كلش احب مكياج بس مسره لحت عليه اله تخليلي رموش وخليت وباوعت روحي بـ المرايه انصدمت من جمالي اول مره اخلي هيچ مكياج وحمره لبست فستاني أسود يچي مثل الحوري من جوا وضيك ولميت شعري مفتوح طويل ولبست حجابي وصعدونا بسيـاره
يمـامه:اليوم معرس ضلع من ضلوعي اليـوم معرس
ضلينا نشمر هوسات ب السياره وطبعا كل هوسات ألي وامي وسعاد وكل عماتي يهوسن
يمامه: احنه قمـاش ابيض كل غش مابينه
وصلنا البيت العروسه وانتضرناهم يعقدون
جنت فرحانه فرحه أسعد نزعت عبايتي وفتحت شعري من خلصو عقد وصحت
يمامه: ككككلاوووووششش
ضليت اهوس اله ورنـا تضحك وهوه ميت من الخچل
اول مره اشوفه خجلان هذا ابو عصبيه
يمامه:مايدبج ويهوس جاي مسير مو فرحان
يمامه: هـااااي فرحتنااااا جبيره فرحت كل العشيره
خديچه: امبارك عرسك يـ الهيبه مبارك عرسك
يمامه: عمـامه هواي وشارع يسدونـااااا
وكفت بنصهم وصارو نسوان تباوعلي وصحت
يمامه: اريد ادبج دبج لحد ماطيح رجليه
انـا اخت الولد موش اخت البنيه
شبگت اسعد وبجيت وشبكني هوه
يمامه: مبارك ياخوي شايف گل خير
اسـعد: يمامتي الله يبارك بيچ.
لبسو الحلقات وجان مرت اسـعد جميله بمعـنه الگلمه وحته خفنه عليها لاتنحـسد وجانت خجلانه ولازمه ايد اسعد وساكته خلص الخطوبه بخير وسلامه وهوسات وركص وخلصت اجو زلم ياخذونه سلمت ع رنـا
يمامه: تستاهلين كل خير جنتنه عن قريب اشوفج بيتناا
رنـا: يابعد گلبي هنيالي بهيج حمه
ودعناها وامي بخرتها عبن لاتنحسد هيه واسـعد
اسـعد طلع يخبل طوله وقاطـه اسود وشعره ولحيـته وعيونه گبار وحواجبه تمـوت هنيالي بهيچ اخ
رجعنا للبيت بعد تعب ولليل گلها راحت لبيتوها
حاولت اخلي مسره تسلم ع اسعد تباركله
وكتلها لاتحجين شي بس باركي
مسره: وذا ماجاوب عليه حاقد يمامه حاقد علية
يمامه: حقه يحقد بس صدكي كلبه مكسور وراح يجاوبج شفتي شلون اخذج ويانا من شفنه مرته
طلعنا من الغرفه ولكينه اسعد ب المطبخ
مسـره: شايف كل الخير خويه مهنى.
اسعـد: الله يبارك بيج شكرا
عفنا ورجعنا للغرفة وضليت اسولف وياها وثقيت بيها
اي نعم ثقيت بيـها وکلت اختي وكلها لامتني بس ماجنت ادري مضموم الي شنو
يمامه: مسـره اكلج سر؟
مسـره: الله لعبتييي احجيلييي
يمامه: اليوم وانـا طالعه اچيب اكل شفت شيخ ضرغام
مسره: ججججذااابه كولي والله
يمامه: صوتج ولج والله شافني مشكله ماعرفني ولچ اخت اسـعد
مسره: شحجيتوو شسويتوو
يمامه: يا شبيج شسوينه ماحجينه شي اصلا بس شافني وطبيت بسـاع
مسره: تردين اجيب الج رقمه تحجين ويا
يمامه: يادبسزز مسره انجبي شلون تحجين هيج بينج وبين روحچ ماتكولين هيچ
مسره: عادي يمعوده شبيج اكدر اخذه بشربه مـاي
يمامه: ههههه لا نجبي شسوي بـي ماريده يلا تعبانه
اجتني نعسه خلي انام لاتحاجيني
نمت وكعدت الصـبح ساعه ب٦ الفچر جنت ميته من العطش وجنت احلم وماذكر شنو الحلم بس كعدت مرعوبه كمت مالكيت مسره بفراشها اخذت الجك لكيته فارغ ورحـت لمطبخ وقفني صـوت سعاد ومسره
مسره: سويت كلشي كتيلي علية سـعاد وخدعت يمامه وصارت بجيبي
سـعاد: عاشت ايدچ بنيتي سمعتي حجايتي واخليج تاخذين حقج بايدچ من هاي مسمومه
مسـره: شويه شويه والله اندمـها واخليه خامه الج هم
سـعاد: مبينه الاحداث قويه شتعرفين عنها
مسره: صح هيه فاهيه گـوه تحچي حجايه
بس لزمت عليها مستمك قوي
سـعاد: گليلي شنهو حته ندمرها ونبلش بـ الخطه ثانيه
مسـره:ماريد خطه عادية اريد ادمـرهاااا سعاددد
سـعاد: الخطه ثانيه يمامه اخليها تتمنى الموت الف مـره اموتها الچ ع بـطيء والله
يمامه: شڪد صعبه من اكثر شخص يغدر بيك ويتفقك عليك وي عدوك بهذا الوكت لاتسوي زين للبشر لان راح تصير مكروه وياذونك مسره كالتلي قبل كالت اذيج كالت اندمج بس ماصدكتها خدعتني
وانـا اسمع حجيه واتفاقهن علية ماكدرت اثبت ع رجليه وحسيت صدري ذبحني وماكدر اتنفس طاح الجگ من ايدي وصار الهدوء وسكتن
يـاترى شنو راح تسوي سـعاد لـ يمامه؟
ومسـره شلون راح تنتقم منها؟
ويمامه راح تسگت وتضعف لو تكدر الهن؟
كتبلو شنو توقعاتكم البارت الچاي. 
قرأه ممتعه بنوتاتي احبكم واعتذر على تأخير
يـاترى شنو راح تسوي سـعاد لـ يمامه؟
ومسـره شلون راح تنتقم منها؟
ويمامه راح تسگت وتضعف لو تكدر الهن؟
