رواية بنت النصاب الفصل الخامس 5 بقلم جمانة السعيدي
رحمه...كبرت واني اشوف تعب امي كدامي
وقلة حيلتها
واشوف الناس تحجي على بابا وتكول نصاب
اذا مالكه واحد ينصب علي يروح يوكف باب المحكمه
اي واحد يحتاج شاهد يشهد ويااا
ومستعد يحلف جذب مقابل ياخذ ٢٥ الف
صدكوني جان يحلف جذب وياا اي واحد وياخذ ٢٥ الف
وبطريقه وهو واكف باب المحكمه اذا يلكه وواحد ينصب علي زيادة خير
الحد ما طاح على واحد فقير
عنده قطعة ارض يريد يبيعها
سمعه يحجي بلتليفون ويكوول لا يااخي اذا ما تواصل السعر الي اريده ماابيعها
خلدون...عندك قطعة ارض
...اي ولله عارضها للبيع بس مجاي توصل سعر
خلدون...بيش رايدها
....اريدها بخمسين
...خلدون...وين موقعها
....موقعها يخبل قطعه ركن
خلدون....اني دلال قطع اراضي اني ابيعها اللك
وحتى مااخذ منك اي عموله
....تحجي صدك
خلدون...انت مبين ابن حلال واني اريد اساعدك
بس انطيني رقم القطعه ودليني على مكانها
واني من باجر ابيعها اللك وراح اجيبلك سعر اكثر من خمسين ومراح اخذ منك عموله
جمانه السعيدي
رحمه....بابا عرف رقم القطعه وعرف مكانها
الرجال انطا نسخه من أوراق القطعه
طبعا هاي فرصه واجت للحلك
بابا باع القطعه على خمس أشخاص وأخذ الفلوس
ولمن الأشخاص ذوله اجو حتى يسجلون القطعه
صارت مشكله خمس الي مشتريها
وكل واحد يكول هاي الكاع الي
خلال يومين بابا باع القطعه واستلم فلوسها
وطفر البغداد
الناس الي اشترت القطعه بعد ماا تكتشفو هذا النصب والاحتيال
اولا اجو البيتنا بس امي أقسمت قسم هو مو بلبيت
وراحو البيت جدي
جدي كللهم اني متبري منه مو ابني حتلو تقتلو مراح اطالب بدمه
من بعدها اشتكو بلشرطه علي
الشرطه اجت داهمت بيتنا وراحو فتشو بيت جدي
محد يعرف وين راح لو شلون اختفى
طبعا هو اذا راح البغداد مايروح للمناطق الي
رايح عليها قبل وناصب على العالم لا يروح مناطق جديده
حتى يحصله كم واحد غشيم يضحك عليهم
الجوارين جانو يشوفون الناس تجي وتسئل عن بابا
والشرطه تجي البيتنا
سمعتنا صارت بلكاع والناس شبه قاطعتنا
وواحد من الي اشترو الكاع
خله وواحد يراقب بيتنا اذا شاف بابا جاي
ينطي خبر
بس محد يكدر علي صار متمرس بلحيله والنصب
أمي راحت الخالي سامي
امي...اريد اطلك كافي تبهذلت هواي بسبب خلدون
سامي...طبعا لا شنو تطلكين ايمان مطلكه
وانتي مطلكه اكعدي بيتج واسكتي
واني اتكفل بكلشي
امي...اااي بيت هذا الشرطه كل شويه داخله تفتش
سامي....ميخالف جاي تشتغلين انتي ما محتاجه
خلدون بلكت الله يهدي و يستقر ويبطل سوالفه هاي
امي...مستحيل يبطل زوجي واعرفه
سامي...ولو مستحيل اقبل تطلكين
غاب مايقارب خمس اشهر الناس ملت وهيه اطالب بلفلوس وكلشي ما حصلت
طبعا الدعوه قائمه بلمركز بس منتظرين خلدون يرجع وواحد يبلغ عنه
رجع بعدها بس متخفي
امي...إلى متى راح تبقى شارد والناس ادور عليك
خلدون....اني لكيت شغل محترم وراح استقر ويصير عدنا راتب وبعد ما نحتاج احد
امي...مجاي اكدر اصدك انت كلامك كله جذب
خلدون...راح اسجل بلحشد
امي...لا دخيل الله ودخيلك فدوه النوب ويا الحكومه
خلدون...هاي شبيج اخدم الوطن
امي.. اذا انت ما تخدم الوطن منو يخدمه
خلدون...راتب زين وبعد استقر وراح اشوف بيت اكبر من هذا نأجره
امي...يالله تهدي من تشاء
جمانه السعيدي
فعلا قدم بابا على الحشد والتزم فتره ويستلم راتب
وبدت أمورنا تتعدل
واجرنا بيت ااكبر بغير منطقه
ذيج المنطقه صارت الناس تبتعد عنا
ويسمونا بيت النصاب
بسبب كثرة الناس الي تجي تسئل عنه
ناس تطلبه تجي اطالب بفلوسها
غيرنا السكن حتى محد يجي ورانا
هسه غير يستقر ويداوم مادام رب العالمين
سهل علي وبدا وضعنا شويه يستقر
حتى وهو يداوم ينصب على العالم
كل شويه ماخذ فلوس من وواحد
اعينك لو انطيني فلوس اعلي منصبك
لو فلان قائد كرايبي وراح اخلي يساعدك
بس ماكو شي ابلاش
كلشي بفلوس
مايكدر ابد مايكدر يحترم نفسه اويحترم المكان
الي كاعد بي
الغش والجذب والنصب يمشي بدمه
الحد ما لزمو بايك سلاح وبنفس الوقت اجت علي شكاوي
ينصب على الناس ويضحك عليهم الجنود مشتكين علي
حاكمو انسجن سنه وفصلو من الحشد
مايكدر مايكدر يلزم نفسه
عاد احنا ارتاحينا واستقر وضعنا شويه كلنا يالله
الوضع راح يتعدل
رحمه...صار عمري ١٧ سنه صرت بنيه جبيره وحلوه
شكلي انثوي عبالك ااكبر من عمري
شاطره بلمدرسه
وشاطره بلبيت واعرف كلشي احف اصبغ شعر
اساعد امي بشغلها
لو البس اي شي حلو عليه
لو كونيه لو بطانيه حلوه عليه
مره اجاني واني اشتغل لابسه ثوب ورافعه شعري
شكلي حلو ومرتب
الكصيبه واصله النص ضهري
خلدون....كبرانه بابا وصايره حلوه تعاي اخذلج صوره
اني شمعرفني شنو نويا
اني بنته قابل راح يستغلني
اثاري صارت اباله فكره يبيعني بفلوس
يعني يعرض صورتي على واحد تاجر وياخذ مهري
وصلت بي الحقاره الهلدرجه
بنيه زغيره وحلوه يعرضها والي يدفع ااكثر ياخذها
صدكوني هذا الكلام حقيقي
بعد ماانفصل من الحشد كعد بلبيت فتره وعقله هيئله
هاي الفكره الشيطانية
ليش لا اني بنته يعني ملكه يكدر يببع ويشتري بيه براحته
بقت الصوره بتليفونه
طبعا يطلع ويرجع يجيب مسواك منيين وشلون مااعرف
مايصعب علي شي
اذا ما يلكه وواحد ينصب علي
يروح يحلف جذب ويا ثنيين اتلاثه بلمحكمه
ويجيب فلوس
الحد ماشاف وواحد شبعان وابن خير مزوج وعنده اطفال
رجال عمره ٣٨
كدر يصاحبه من الكلام الي دار بينهم
افتهم هذا الرجال يريد يزوج على زوجته
مو لان زوجته مو زينه
لا بس عنده فلوس ويريد يزوج
خلدون....شنو رائيك ازوجك بنتي
ابراهيم....بنتك
خلدون....اي بنتي صاروخ مو بنيه
ابراهيم...خاف مو حلوه وتريد تمشيها عليه
خلدون....مو حلوه تحجي صدك خل اشوفك صورتها
طلع بابا الصوره تفضل غزال لو مو غزال
صاروخ أرض جوووو
ابراهيم....الله عليك هاي بنتك تحجي صدك
خلدون...هاي رحمه روح الروح
ابراهيم... شكد عمرها
خلدون...تقريبا ١٨ سنه او اقل بشهر شهرين
ابراهيم....وهاي ترضا بيه ولك هاي جبن واني ازرك
واكبر منها
خلدون...تقبل اذا اني قبلت
ابراهيم...اذا تحجي صدك وتنطينياها
شتريد انطيك
خلدون....هذا الجمال والدلا مهرها غالي
ابراهيم...واني مراح اقصر
خلدون....بس الزواج مو هسه لمن تخلص سادس
ابراهيم.. انتظره بس اخذ منك كلام شرف
خلدون...نقرا الفاتحه بعد شتريد
ابراهيم....تحجي صدك يعني انت مستعد تقرأ الفاتحه
هسه وياي
خلدون...بس شرط ما نكطع مهر اله تخلص سادس
ساعتها تعال أعقد واخذها
ابراهيم...وشكد المهر
خلدون...خمسين
ابراهيم...شنو خمسين مو الهلدرجه
خلدون.. الغالي فلوسه بي
ابراهيم...٢٥ مليون حلوات
خلدون....وللك زغيره وحلوه شوف شوف شحم
مو بنيه النضره الوحده تسوى الدنيا وماببها
ابراهيم...٣٠ وهذا آخر كلام عندي
خلدون....خليهن اربعين
ابراهيم...لا ٣٠ اذا تقبل هسه انطيك الفلوس
واجيب شهود ونقرا الفاتحه وانتظرها لمن تكمل
السادس
خلدون....شايف كل الخير جيب الفلوس
جمانه السعيدي
رحمه...راح ابراهيم جاب الفلوس وجاب ثنيبن من جماعته
يشهدون على بابا وقرا الفاتحه واني وامي ما نعرف اي شي
يريد بزوجتي وواحد.ااكبر مني بعشرين سنه
بس حتى ياخذ فلوس
بيومها رجع للبيت جايب الفلوس بعلاكه
وكانما ما مسوي اي شي الامو طيبه بلنسبه اله
ما حجه ويانا بهذا الموضوع ابد
بعدها بشهر وواحد.سمعنا حنيين انخطبت
بعد ما تخرجت من الجامعه وولد شاب وياها
اجا اتقدملها
اهلها موافقين من وصل الخبر البابا
تخبل كبل راح البيت عمه هد عليهم
شلون تنطون حنيين بدون علمي
جد حنيين......توك اذكرت عندك بنيه سنيين وانت ما تسئل عنها ولا تذكرها
اليوم شنو الي ذكرك بيها
خلدون...بنتي انتم شنو اطلبوني
ما تستحون تنطونها بدون علمي
جد حنيين....انت وينك منو شايفك اني متأكد اذا هسه طلعت حنيين ما تعرفها
وهيه ماتعرفك ١٨ سنه وهيه ما تعرف عنك شي
لا ذكرتها بعيد ولا مناسبه
حتى ما تعرف هيه خريجة شنو
خلدون...كله بسبكم انتم حرموتني منها
جد حنيين...شلون حرمناك منها انت اجيت تطمن عليها وطردناك
خلدون....شردت منكم من كد المشاكل
جد حنيين....... وهسه شتريد
خلدون...يجي يطلب ايدها مني واني الي احدد مهرها
بكيفي اذا ما تنفذون ااوامري
هذا الزواج يخرب
جمانه السعيدي
طبعا جد حنيين مااقتنع بكلام خلدون
لان يخاف يكعد ويا العريس وتخرب هاي الزواجه
والعريس خوش ولد مرتب وابن ناس
اتصل على ابو خلدون يطلب منه يدخل بهذا الموضوع
ابو خلدون اتصل على بابا
جدي...انت شتريد
خلدون ...بنتي واني حر
جدي...انت تضحك علينا تضحك على نفسك
انت ذاكرها تعرف شكلها
خلدون....بنتي وما تزوج اله اني اقبل
جدي...لا تفشلني وياا اخوي اخوي كعد ويا الجماعه
واتفق وياهم على كلشي
خلدون....ابكيفه هيه بنته لو بنتي
لا تخليني اروح اسوي مشكله
الولد يجي يطلبها من عندي تكمل هاي الزواجه
مايجي عليه
زواج ماكووو بلغ اخوك مو يتصرف بكيفه
رحمه....عجز جدي يحجي وياا ويقنع بي مصمم هاي الزواجه ما تكمل اذا ما يستفاد منها شي
فعلا العريس اجانا للبيت هو وابو حتى يتفقون ويا بابا
خلدون...اي هيج من الاول هاي الاصول
علي... عمو ترا اني مااجاوزت عليك بس حنيين كالت اتفق وبا حدي هو ولي امري
خلدون....بكيفها حنيين
علي...المطلوب مني شنو
خلدون....شكد المهر الي اتفقت علي
علي....عشره ب ١٥
خلدون....صدك تحجي ترا بنيه حلوه وخريجه
علي...بس هو هذا المهر المعروف
خلدون....المهر ٢٥ ب ٢٥
علي....شنو ٢٥ ماكو هيج ماعندي
خلدون.....ماعدنا بنات للزواج
علي...بس نتفاهم
ابو علي.....شدعوه ترا هواي والولد السنه تخرج حتى بعده ما متوضف
خلدون...مشكلته
ابو علي....لا اني اشوف نتفاهم احسن
خلدون...شنو نتفاهم
ابو علي....١٢ ب ١٥
خلدون....لا انتم مو اتفقتو وياهم ١٠ ب ١٥
الاتفاق الحديد ١٥ ب ١٥
اني تجيني خمس ملايين والعشره للعروس
غير هذا الكلام ماعندي
ابو علي....هواي عاد مليونين
خلدون...خمسه غير هذا الكلام ماعندي
ابو علي...ميخالف هاي الخاطر علي
علي...لا بويه هواي
ابو علي....ميخالف حنيين خوش بنيه وتستاهل
