رواية انت البارود وانا النار الفصل الخامس 5 بقلم الكاتبة شمس
﴿وَلَسَوْفَ يُعْطيكَ رَبُّكَ فَتَرْضَىٰ ﴾
على هل حاله يطير الصاف
جزيت من الصبر وحدي
سواد الليل يلفيني واكولن
تكضي وتعدي ولانسمه صبح تبدي
༶•┈┈⛧┈♛┈⛧┈┈•༶
مسـره: هـا يمـة بعدچ تردين تحجين ڪلشي ل ابوي وأسعد
خديچه: شنهي هذا الحچي مالتچ ياهو يـدري بي بـعد منو يعرف وياچ جاوبيني
مسـره: محد يدري حاليا بس أنـا بس اذا تردين الڪل يعرف وها من ضمنهم طيرتكـم يمامه
خديچه: سڪتي ولچ مصايبج راح تموتني هذا الحچي ماينحچي اي شخص
-اشوف امـي كدام مسـره ضعيفه ضعيفه لدرچه ماتكدر تحچي شي وسڪتها تمنيت بهذيج لحظه ادخـل ڪدامهن واكلهن احجـيلي مضموم بس طبعاً محد يحچي مسـرة سر عدها تسيطر بي ع امـي ماراح تبيعه بسهولة تحسه مو بيت ڪل شخص عنده سـر ممڪن يدمره بس
سر أعرفة انـا ماچنت ادري يخرب حياتي توقعت يخرب العائلة ويدمـرها وانـا مالي علاقة بـسالفه لڪن الدنيا يوميه تضربني بشي قـوي وجنت اڪول اذا مسـره عافت معتز ڪلشي يصير بخير ونبتعد عن مشاڪل لڪن ماجنت أدري هاي بداية فقط وجايني اڪبر.
دخلت للغرفة بسرعه قبل لامسـره تشوفني وركضت لغرفتي وضليت اڪل بروحي اڪل
نفتح ألباب ودخلت امي
خديچه: يمامـة بعد موضوع مسـره ماتفتحي نسد حچيت وياها انـي
- شكد صعبه من شوف امك جذب عليڪ وخايفة
شڪد تمنيت اڪلها سمعتچن بس شبيدي شحچي شڪول منين أمـي خايفه منينن وليش چاي جذب علية
خديچة: لايـمه انتهه موضـوع معتـز ومسـره أنـا اعرف شسوي بيها اكسر رﺟليها ڪسر
يمامه: تحچي أمـي مثل ألي يجذب چذبه ويصدڪها وتحاول تقنعني بس لو مـا سمعتهن چان أقتنعت بيها
شسمع بـعد بهذا البيت ليش ڪل الاسرار
وشي مالازم أسمعة يجي ڪبالي واسـمع
خديچه: ها يـمه لاتحجين اي مخلوق علمود مسره
يمـامه: شسالفه يمـه توصينـي ياعيني انتي چا هية غير اختي وحجيتة علمودها انا
خديجه: عفية جبيرتي عاقلـة فدوه روحتلچ انا
ڪالت هيج وبجت بس مأبيدي أي شي چاي نغرك بـ أسرارنا
طلعت امي ڪالت راح أنـامن وكمت اشوف أسعد شلون صـار اثناء طلعتي سمعت اصوت مسره چاي من غرفه سـعاد والباب چان مو ڪلش مسدود
ماردت أروح واسمعهن بس فضولي اڪلني اكل ورحت مشيت ع ڪيف واشوف مسره ڪاعده بالكاع ولاتفرك برچل سعاد وسعاد نايمه ع جرباية وتحچي وياها
مـسره: أي يمه وهذا ڪل الحچي صار صدكي أنـا احبچ واعتبرچ مثل امي بعدين لاتنسين انتِ مرت ابوي أوله
سـعاد: بعد جبدي مسره چنت أدري بيچ شبهين كاظم وطالعه علية مو مثل هذيچ ام خنيس تذب سمها وتسڪت جنها حية كرطه
مسره: حته خبلت سالم علية وهذيچ مره سالم كتلنـي من وراها
سـعاد: ڪسر صابها يعني هيه السبب وانـا اگول شمالة هيچ انچلب صجيجه ڪون
بس اخاف امچ تكلهم عليچ
مسـره: لا ماتكلة ڪتلها سر ماخليها تفك حكلها امي بس انـا دواها
-اسمـع كلامهن وأنـا خايفة من مسـره شسوي بعد شلون هيچ تحجين عني وعـن امي وهيچ تبيعها ماتوقعتها صـلفة هاي درچه هيچ احنه بهذا البيـت
محـد يعـرفنا ومحد ينـشد علينه ولحد يـكول تعبـو اتغيرو بيهم شـي بـ الاسم اسمنه عائلة
لـڪن من چوه وحوش وماعدنا ڪل حنيه.
والله تعبـت انا ضيم على ڪلبي بنه بيوت.
رچعت غرفتي وحاولت اهضم ڪلام مسره وسعاد
حته أسعد مارحت شفته
منـا للصبح شلون ڪعدت مادري شلون غفيت هم ماعرف لڪيته وقت متاخر ساعـة بـ١١ ونص ع وڪت اجه ابوي وسالم من ألشغل گمت مالكيت حته مسره بالغرفة من دوخه ماچاي افهم شي
سمعت اصوات چايه واصوات تعاله شصاير يربي
ڪمت واشوف امي تريد تكتل مسـره وسعاد ماتخليها
سـعاد: لچ صايره مره وتريد تربين چا ربي يمامه تللزم شباڪ لزلم
خديجه: أثنينهن بنـاتي ولچ شعليچ عسى مـا اذبحها شلچ علااااقةةة
سـعاد: كونج مره وطڪيها شوفي شعمل بيچ
خديجه: شتريدن ألـطم ولچ الطممم
ضلت امي تلطم ع وچيها بڪل قوتها
ركضت الها واخذت ايدها وخوف وبچي
سعـاد: لچ انتِ سڪتي لا ارفس بطنج ام زلم
يـمامه: ڪل مره ماقلل ادب وياچ واڪول هاي مرت ابوي واحترمچ بس ثقي بالله اذا تحجين ع شرفي
مااعترفة بيچ مرت ابوي
سعاد: طالعلچ لسان بت ڪاظم مو اشك حلكچ شك
يـمامه: عفـوا؟ بياحق تشڪين حلكي شڪ شنهي كفينه شر روحي من وچهي سعاد لااشوفچ وجهي ثاني
سـعاد: لا ماروح واريـد ازود الشر
يمـامه:وانتِ شنهييي مسره اذا طكتج امي نقص من طولچ
دفعتني سـعاد وتريد تضرب امي رجعت عليها بسرعه
ودفعت سـعاد على حايط من امي وصحت بعلو صوتـي
_ ڪاااافي سعععادددد طفح الڪيل والله اراويچ وجهه يمامه ثانيـة ملينههه منچ ومن مشاكلچ لو مو مرت ابوي لهنا گافي
بثناء هذا الحچي الحض لعب دور ضدي
ودخل ابوي وسمع اخر حچي
وحته أسعد جان مايدري بالعركه دخل
سعاد ضلت تنزف وراسها نشـڪ
ڪاظم: شني هاييي ياهي تعلي صوتها هيچ شمسويه بالمره لچ يممممامةة
مسره بسرعه جبيليييييي عبايه خلي ناخذها لمستشفى
سالم: طالع اشغل سيـاره انـااا بساع
لبسوها عبايتها واهيه تصرخ وتگول
سعاد: اخخ ڪاظم بتك طكتني ولڪ بتك طكتني راح اموت
اخذها وگلي ابوي
ڪاظم: اجي ويصير خير الچن انتن ثنين خديجه ويمامه سمعتن ادعن مره مابيها شي والله احرك سلف عليچنننننن
طلعو وانـا ماهمني أي شي غير حميت امي وصلت حدها مافكرت بالخوف لـحد مـا اجاني صوت أسعد
اسعد: من شوڪت هيچ صايره يمام؟ من شوكت تعملين هيچ عمايل
يحچي بس بنبره خلتني أرجف منه
أسعد: بعددددد ماعيد سؤال؟
شصايرررر هنااا اڪو شي أعرفه
يمامه: لاتلـومنييييي اسعد لاتلومنييي ڪافي كل مره أسكت
أسعد: نصي صوتچ واحچي عدللللل شبيچ شنهي صايررررر
يمامه: اتمنيت بهيچ لحظه احجي ڪلشي لـ اسعد واكله مصايب مسـرة بس خفت ماعرف السر وليش امي خايفة وسـري عن ابوي چاي يعاركني لان طڪيت سعاد ع اقل ماماتت مايحاسب نفسه ع افـعالة.
- لان لان سعاد رادت طگ امي وانـا بعدتها شنهي ماماتتت ترا عايشههه
اسعد: أي وليش طكچ يمه احجوووو شنييي صايررر مسـره شمالچ تبجين عبالك انتي مكتولة
يمـامه: لان عرك نسوان علمود شـغل وهاي سـعاد ماتحترم أحد شتريدني أعمل اخليها طڪ اميييي واقبل ع مذلة مثل غيـري
اتقرب علية اسـعد
أسعد: يـمام اڪو شي ثاني بهذا كلامچ وانفعالچ لاتخليني اسمع من غيرچ
يمـامه: لو اگو جان كتلك يبعد اختك انت
أسعد: اندمچ اذا صاير شي وماگول اختي
وهسه روحن لحد مايچي ابوي انا اتصرف
مسـرة: ويجوز يمامه غلطانه شنو. تصـرف هسه يموتهاا
أسعد: يمامه ماتغلط بشي وشلون مادافع عنچن غيرر اخواتي وامي بشـر بدون أهله مايسـوة
يمامه: لو اسعد يعرف بسوالفچ تدرين شصيررررر
لچ ماكتله عبـن نطلعج منا جنازه صدڪي نطلعج لڪبر گبل وهيج صلفة لسة
مسـره: وخـري عنييي منيلچ هاي جرئة تحجين بيها
اتحداچ تگولين أسعد عني
ضحڪت وبجيت بنفس لحظه
يـمامه: ليش هوه معتـز ابو شرب ابو...
صاحبچ لو صاحبي شيهمني انـا اروح ڪله وچفن مايرفليييي
مسـره: روحي گليله صدڪي محد يتندم غيرچ
اطلع روحي مثل شعره بـ العچين واكلبها ڪلها عليچ
- ڪالت هيج وغمزتـلي.
يمامـه: أحير شلون أضـم حزني ولمنو اشگي همي
بثناء گل هاي سالفه وانتضر سـعاد يجيبون خبرها
فگرت ب شيخ ضرغام يـاريت لو هنا
چان حل ڪل مشاكل النة وشي اڪيد يدافع عن الحق ويصير وي مضلوم
گلبي تلوع تلوع بعد ماظنه يـطيب.
منا للعـصر اجه سالم وگال سعاد راح ضل يومين ب مستشفى وخيطو راسها عبنه انشڪ
اجه اخذ ملابس وراح
حاول ضميري يعذبني ع سعاد بس تستاهل مو هيه مضلومه گلشي صار من وراها
وامي بس گاعده تبجي بالهول رحت يمها
يمامه: اذا ضعفتي انتِ انـا منو يقويني يـمه لاتبجين
خديجه: من وراي سويتي هيچ يمه هسه ابوج شيسوي
يمامه: شصير خلي يصـير مهم دافعت عنج وانتِ بخير ڪلشي ماريد من الدنيا بـعد
دخل ابـوي من البستان يصيح وركض أسعد الة
كـاظم: ولچن جلبااات لچ خددديجة اليوم اموتچ بلعباسسسس اكتلچ واشمرج اهلچ مثل چلاااب
أسعد: شنهي بويةةةة طگ امي علمود سـعاد
كاظم: تاچ راسك هاي تاج راسكم وخرررر
دفع ابوي أسعد وهوة هستوه مسوي حادث ضلعه أذاه
واجانه سحبني من شـعري وطلعنـي بره يم أسعد وخله امي جوه وقفل الـباب
مسره ضلت جوه وعافت امي وقفلت عليها الغرفة
فتحت الشباك واشوفهم وابچي دموعي صب
يمامه:أسعد أسعد فـدوه والله ابوي هسه يموتهااااااا
كضها ابـوي من شعرها وضل يصيح ويڪفر ويفشر فشار خليت ايدي ع ذاني من گلامي اسمعه حجي مو بحق امـي ولا بحقناا
واسعد يفلش بـ ألباب ويصيح وابوي مالة علاقة
حسيت امي راح تـموت بايدة
اخذها للغرفة سح وهوه يطڪها بوكسيات بعينها ب خشمها ينزف دم
صحت بعلووووو صوتي
يمامه: يبـااا انا كتلنيي انـا دفعت سعاد انـاااا الله يخليك بويهة احلفك ابو فاضل لاترفع ايدڪ بعد يباااااااا
اجه اسعد شبگني وضليت ابچي بعد خلصت طاقتي
ڪعدت بالڪاع وابجي انشاغ
-سوي شي ولگ سوي شي أسـعددددددد
أسعد: راح اخـابر شيخ ضرغام دخلي بديـوان بساع
دخلت وانا ابچي والوم روحي واطك روحي راچديات ومسره الي عافت امي رغم ابوي بحجايه وحده من مسره يسگت.
خابر أسعد على الشيخ وڪله تعال اريدك بشغلة لحضات قليله شيخ ييتنا وانـا حته حجاب مايمي فتحت. الباب وطفيت الگلوب صار لليل وحديقة ضـلمه
وابـوي بالهول يفشر ويغلط
وامي مانعرف اذا ماتت بالغرفه لو چاي تنازع بروحها
دخل ألشيخ هوه وشداشته السوده وعكالة أبيض
رغـم گلشي صاير بس لفتني وخلاني اباوع عليه وخلانـي اركز بـي وبعيـونه وهدوء وڪلامه يسكت اكبر بـشر.
ضـرغام: يمي أسعد عادي لاتستحي ڪل عائله يصير بيها هيچ اعتبرها انحلـت
دك الباب ع ابـوي وابوي عبالة اسعد
كـاظم:چلاب لادگون الباب أليوم اموتها تمـوتتتتتت
بس دگون افرغ مسدس براسها
ضرغام:استهدي برحمـن عمي وانـا ضيفك تريد تطردنـي مو من اخلاقك هاي
گاظم: والله مايدخلون لحد مااموتهااااا ولگ ماتدري شمسوين
- اموتها اليوم انـا هيج يعملن بيه شغله نسوان اتوبهن اليوم
ضرغام: اول شي صدڪني مافاهم سالفة عدل انـا
ثاني شي رچال مايضرب المره هيه موش فصيله عندڪ
گاظم: لو عندك مـره تعاندڪ وتكسر كلمتگ وتخليك وضمت شي عليڪ شسوووييي
ضـرغام: ماعندي مـرة تسوي هذا شي وياي عـبن امشيها عـدل مثل سراط المستقيم من اول يـوم
بس أذا سوت شي من وراي موش اگتلها وامد ايـدي عليها
كـاظم:تسڪتت الها؟؟
ضرغام:انـا ماسڪت بس هم مانزل روحي لمسـتوى اضرب مـره مالها حوله ولا وقوه
ڪاظم: انـا مايمشي وياي هذا الحچي اكسر ايدها واشمرها هسه لهلها مثل چلب
ضرغام: عـمي جاي سوي غـلط ڪلي صار نرضيك
كـاظم: امشي مناااا ماتعرف بية شصـار لو بيوم نزل راسڪ بين ناس شسوويي
ضرغام: اسمي مايـنزل واذا نزل انـا ارفعه غصـبنا عن الگل
ڪاظم: مره مرتي وبگيفيييي شعليڪ انته تچي تحل مشاگلنا بعقلك وفهمڪ
ضـرغام:لاتلعب ويـاي كاظم اذا عندڪ شي احچي ماعندك اسگت لا تحرك بدمي
ڪاظم: مشكله عندي ماتكدر تحلهااا فاهممم
تنكسر
ضـرغام: انـا مانگسر عمي
واذا نگسرت اكسر الكل ويـاي
سولف الي عندك يـلا
كاظم: جاي تستهززء حضرتڪ
ضرغام: عـبن البنيه بهاي وگت صعب تتربه
وانت عندك ثنين وانـا ماعرف اي وحده
واذا رادت دافع عن نفسها فـ ضرب چان حقها
وتڪعد مرتك وهية تفصل واحنه نلبس
هسه لاتسوي شي وانت مامقصر بـ مرتڪ لاتتهور
طـب سالم وانصدم بشيخ وسئلة الشيخ
ضـرغام: شلون صارت مرت ابوك؟
ماحچه أي شي وضل ساڪت
رد علية الشيخ
ضـرغام: موش احاجيك انا شوكت صير زلمه وتـعرفف الأحترام لاتخليني اعيـد سؤال
سـالم: زينه مابيها شـي خيوط رأسها ونطوها منوم ونامـت
ضرغـام: شفت مابيها شـي وبعدهي عـايشه هسه مالڪ حق تسوي أي شي
عافهم أسعد ودخل جـوا يم امي
تمنيت أطلع وادخل بس ماكدر حته أسعد نسـاني
ضـرغام: انـا اجتيگ وانت بكيفك بس. أريدك تسكت وماتحجي شي خاطري تكعد المـره وشوفو حل يرضيها هية
ڪاظم: تمام ماحچيي بـس اذا سمعت حجي غيره لو حجن ادمرهن دمـار لو موش انته
ضـرغام: بسک محد يحاچيك ڪافي.
طلع ضرغام وابـوي وانـا رڪضت للبيت
وطبيت أشوف امي حاضنه أسعد
وهيهه وچيها ڪله ازرك خشمها يصب دم
الغرفة متگسره تكسر حته كنتور مفلشـة.
أسعد: الله يگسر ايده نشاللة لاتبجين ياحيـلي لاتبچين والله اندمها لـ سعاد
يمامه: ڪله من وراي يـمه كله من وراي سوده بوچهي تمنيت گتل بية ولاابيچ
خديجه: يطبـني طوب انـا مهم انتو بـخير
موش چديده ع ابوكم قبل لا اخلفكم هوه هيچ
وانـا ساكته الجلكم.
أسعد: حكچ يرجع الچ وداعت الامام علي بس اصبـريلي شوية لـ اخليهم حايرين بزمانهم
يمـامه: كومي غسليها وياي ونـامي يلا يمه
- اخذتهأ من ايـد أسعد وطبتتها لحمام غسلت وبدلـت الها وانا گساع ابجي واشبكها وحسيت صار بسبييي
خديجه: لاتبجين طيـرتي اروحلچ فدوه يمه بنيتي
يمـامه: انـا اسفة ڪله بسبي يمه سامحيني
خديچه: ڪلشي فدوه الگم كلبي
باسني بـراسي وراح
غفيت بالغرفة مادري بـروحي سمعت صياح ابوي علية
كاظم:لججج يمامممهههههههه
گمت وشفته هوه مسرة كاعدين بالهول
كاظم: ضميتي راسچ واخطائج زادت
راح اخلي عمل سعاد على صفحه هيه تتوالم وياچ
بس شلون هيج تهمين اختچ.
- ضاع الحچي مني وشنو كالتله مسره
مسره: يبـا انقهرت انـا البارحه تگلي مشكله من وراچ
وحته سالم طكني من عمايلهااا
يمـامه: لاجذبين مسـره من تحجين اله انقلي كلاام صح
كـاظم: اليوم محد يخلصچ مني بس خلقچ
شمرني ع حايط وضل يكتلني وطكه بگلبي
طگه بصفحاتيي وانـا ابجي واكلة والله ماشهرت ماسويت مصأيببب
وامي تبچي وتحاول وتخره عني بس هوه هيهات
ولاعبالک كدامه بته مو عدوتـة.
كلامة چان يقهرني اگثر من ضلوعي الي نگسرن ب الگتل.
يمـامه: بوية والله مامچذبة والله مسره عدها علاقه ويااا والله موووو انـاااا ولك بويةةة
چان يضربني ع راسي بوگسيات بوكسيات واسمع مسره گالت
مسره: صاحبها خاف هذا وشمـره علية
لان الله يستر من يمامه خانسة دائما
گاظم: ولچ تتمعشگين بت الگلب وي ابن عـدوي
ولچ وشمرين مصايبچ على مسـرة
سمعت اخر شي صوت أسعد وماحسيت بأي شي
ماعرف شكد مر الوقت فتحت عيـوني أنـا
ب مستشفى والابر والمغذيـات يمي وتعبانه واحس صدري يذبحنـي وماكدر أتنفس وماچاي افرز بين الاصـوات بس الي اعرفه صدري يوچعـني
أسعد: شـني صار ويـاها دگتور شبيهاا
دگتور: بتكم صار بيـها ذبحه صدريـة
