رواية اعداء عيلة الحاوي الفصل الرابع 4 بقلم سلسبيل احمد
- المهـ ـزق الحيـ ـوان!!!! شكله شالني وانا مش حاسه!!!
= هو المهـ ـزق الحيـ ـوان ده انا؟؟
- انت شلتني !؟
= انتي كام كيلو؟ 200؟ تقريبا لا انا اخري 199
- انت هتهزر معايا؟؟
= نكمل الخناقه بعدين جدو عاوزنا نتجمع على الفطار..
" سابها ونزل تكمل شتيمة.. وبدأت تجهز بتعب وهي مش شايفه قدامها اصلا.. ، و كان الكل متجمع على الفطار.. حتي يحيى و ماجده و محمد وامينه كانو موجودين.. عيلة الحاوي كلها كانت قدامه.. وهو قاعد على رأس السفره ومبسوط بتجمعهم سوا. "
عزت بفرحه: ربنا يديم لمتنا سوا يا ولاد.
ادهم: يارب يا جدو
يحيى: احنا بالنسبالنا موجودين جمبك علطول.
" وطبعا يحيى كان بيلقح على عمه جمال وعياله. "
عزت: مش ناويين تفكروا ترجعوا هنا يا جمال؟
محمد: يرجع ازاي بس يا بابا..
هو خلاص رتب حياته هناك
" ابتسم طارق بقمه السماجه
و رد بسرعه بنفس طريقه عمه محمد "
- لا بس احنا ممكن نفكر نقعد هنا عادي..
ولا ايه يا شريف
شريف: اكيد طبعا ممكن نقعد شوية نشوف الوضع ايه
" طبعا هدى و جمال كانو متفاجئين ولكن فضلوا يتكلموا بينهم وبين بعض "
عزت: ده يبقي احسن قرار اخدتوه
" و في عالم موازي كانت ملك قاعده بتصـ ـارع تعبها وبتحاول متبينش.. ولما حست إنها هتتعب اوي اتحركت من مكانها عشان تروح الحمام "
عزت: على فين يا ملك انتي مفطرتيش؟
" في اللحظه دي ملك وقعت تماما ومكانتش بتتحرك!
و أول حد جري عليها كان جمال شالها و راحو بيها على المستشفي علطول "
>>>>>>>>>>>>>>>>>>>>>>>>>>>>>>>>>>>
' استغفروا '
|| داخل المستشفى ||
- متقلقش يا عزت بيه.. هي زي الفل حصلها بس ضغط فا عشان كده جالها هبوط.. لازم ترتاح الفترة الجاية ومحدش يضغط عليها.
امينه بلهفه: انا هدخل اطمن عليها
- ياريت بس متدخلوش كلكم مره واحده خليها ترتاح شوية لحد ما المحلول الى متعلق يخلص
عزت: شكرا ليك يا دكتور.
شريف اتكلم بضيق: مكنش لازم تعملوا كل حاجه بسرعه
ادى النتيجه اهي
" ادهم كان هيرد ولكن سكت.. و دخل بعدها شريف وسابهم من غير ولا كلمه "
- ملك! انتِ كويسه؟
= كويسه الحمدلله متقلقش
" بصيت لماما "
- ممكن تسبينا ثانيه يا ماما
" راحت في اخر الأوضة و شريف قعد على الكرسي وبصلها وهو باين عليه الضيق "
- ينفع كده؟
= انا عارفه دماغك وعارفه هتفكر في ايه بس انا مضغوطه لوحدي محدش عملي حاجه بلحقك اهو قبل ما تعمل مشكله
اتنهد وبصلها بجديه: طول السنين الى فاتت دي.. انتي كنتي مفهماني ان الوضع غير كده يا ملك
- تقصد ايه!
= اقصد اني مكنتش شايف! دلوقتي شوفت.. شوفتك وانتي تعبانه و متوتره ومش مرتاحه زي ما كنتي بتحكي.. انا عارف ان كلنا غلطانين علشان مكناش بننزل مصر ونطمن عليكي بنفسنا.. بس كله ده بسببهم.. كان مفروض تيجي معانا زمان زي ما بابا قالك! مش تفضلي هنا و
قاطعته: شريف صدقني دي مش غلطتكم ولا انا زعلانه حتي.. بعدين انت عارف انك اخويا! يعني لو حصل اي حاجه.. اتأكد اني هكلمك اول حد.. هكلمك و اقولك يا شريف انا محتاجه لك!
اتنفس بهدوء: طيب لما نشوف اخرتها يا ملك
ابتسمت وبصتله: انت معرفتنيش موضوع انك قاعد شوية ده؟
= فكرة طارق وانا ما صدقت.. عاوز اطمن عليكي.
ضحكت: منور عيله الحاوي يابن عمي
" دخل طارق و جمال و ادهم و عزت.. و ادهم اول لما دخل لاحظ ابتسامه ملك مع شريف.. "
جمال: حببتي انتي بخير؟
عزت: ايه الى حصل يا ملك
- يجماعه كويسه والله اهو متقلقوش ده شوية تعب محصلش حاجه!
طارق: تعالى يا شريف ننزل نجيب اكل بدل المحاليل دي
ملك: لا خليكم انا مش قادره
طارق: اسكتي انتِ
" خدوا بعضهم ونزلوا فعلا و عزت اطمن عليها هو و جمال.. و بعدها دخلت هدى.. كل ده و ادهم قاعد متابع فى صمت.. وشايف اهتمام الكل بيها.. بقلمي سلسبيل احمد ماعادا ابوه و امه ويحيى الى متحركوش من الفيلا معاهم.. "
" عزت خد ادهم بره الأوضة "
- هو حصل بينكم حاجه يا ادهم
= لا يا جدو
- امال منطقتش من الصبح ليه؟
= هقول ايه يعني..
- انت مش متفاجئ حتى! ما تفهمني
= هي كانت تعبانه من بليل وانا فضلت اسألها لو محتاجه دكتور و عاندت اعمل ايه
- وازاي متقوليش؟ ازاي توافقها!
= مش حضرتك قولت نبطل خناقه مرضتش اكبر الموضوع عادي يعني
- انا مش عاجبني علاقتكم دي! اعقل يا أدهم
" سابه و نزل عند الحسابات و أدهم كان مضايق.. مش عارف لو ده شعور غيره بسبب ولاد عمه! وان احتمال يقعدوا في الفيلا.. ولا ده شعور غصْب عشان حس ان ملك فارقه معاه! "
" قاطعه دخول طارق و شريف فا دخل معاهم لـ ملك"
" قعد جمبها بتناحه و لما حطوا الأكل و بدأ يديها تاكل بنفسه و هما مراقبين تصرفه بستغراب و اولهم ملك نفسها "
- كفايه مش قادره
أدهم: هو انتِ لحقتي؟
شريف: كملي يا ملوكه معلش مش عاوزينك تقعي تاني ها شوية اهتمام بصحتك
أدهم جز على سنانه وابتسم: اه طبعا.. صحتك مهمه كلي يا حببتي
" و بعد الكام ساعه الى كنت حاسه ان هيحصل فيهم خمسين خناقه الحمدلله روحنا البيت و طلعت ارتاح شوية في اوضتنا.. لاقيته داخل و قعد قصادي "
- خير.. هتاخدني كام صورة؟
= انتي الى طلبتي منهم يفضلوا هنا معاكي
- بتتكلم عن ايه اصلا! شريف وطارق!
= اه بطلي حورات
- انت مخك تعبان هعمل حورات ليه؟
= يبقي انتي.. مانا كل شوية ما اجي الاقيكم سوا بتتكلموا انتوا التلاته.. يا ترى بقا حكيتي لهم ايه؟
اتنهدت: هحكي لهم ايه؟
- تحكي لهم عن اننا مش متجوزين بجد وعملنا كده عشان جدك.. وتحكي عم الحاجات الى عرفتيها! ولا ايه الى هيخليهم يقعدوا اصلا؟
= انت فاكرني خايفه منك ولا من اي مخلوق عشان اطلب منهم يقعدوا جمبي؟ انا اساسا مستحيل ادخلهم في مشاكل بالذات معاك انت واخوك و عمي
ضحك بسخريه: ياروحي! بتخافي عليهم اوي!
- اه بخاف عليهم!.. وبخاف جدا كمان !
ولا نسيت الى عملتوه !!
" فلاش باك # "
' لا إله إلا انت سبحانك اني كنت من الظالمين '
|| داخل فيلا الحاوي بالدور الارضي | بعد وفاة خالد ||
يحيى: انا هكمل شغل المكتب
ملك بحده: نعم !!! مكتب ايه الى تكمل شغله؟؟ المكتب ده كان ماسكه بابا !! وانا الى هكمل بعده انا الى عارفه كان هيعمل ايه.. وبيتعامل مع الناس ازاي
يحيى بعصبيه: بت انتِ احنا مش ناقصين عيال كمان ده شغل ناس كبيره يا ماما روحي ركزي انتي في دروسك احنا خلصنا من ابوكي طلعتي انتي
"ملك وقفت قدامه بقمة العصبيه و زعقت وهي بتزقه"
- انت قليل الأدب
" يحيى رد لها الزقه "
" و في الوقت ده.. كانت ملك عندها 17 سنه و يحيى 22 سنه فا وقعت ملك أثر زقته ليها والى شاف الموقف اول شخص كان شريف فا جري ناحيتهم و صْرب يحيى بقوة ومسكوا في بعض.. و ادهم و طارق ادخلوا فى الخناقه فا كبرت .. و وقتها ادهم اكتر شخص كان غشيم في صْربه و بعده يحيى.... ساعتها طارق اتعور و دماغه اتفتحت.. و شريف دراعه حصل فيه شرخ وكانت خناقه كبيره جدا.. بيدج الفيس بوك بتاعتي سلسبيل احمد و الخناقه دى محصلتش بس بسبب الموقف بتاع ملك.. ولكن شريف و طارق كان بقالهم كتير جدا شايلين من عمهم وعياله.. وبعد الموقف ده.. سافر جمال بيهم هو وهدى.. وساب كل حاجه لمحمد اخوه ويحيى وادهم.."
" باك # "
- لو نسيت انا عمري ما هنسي انا كان زماني بعيد معاهم.. وكنت اتمنى.. بس للأسف منفعش.. انا وماما اضطرينا نفضل هنا.. ونعيش تحت رحمة جدك عشان مبقاش لينا حد
ادهم بصلها: الخناقه الى بتتكلمي عنها دي حصلت واحنا لسه صغيرين فا متكبريش الموضوع كأنه كارثه
رفعت حواجبها بدهشه وعصبيه: كان عندك 23 سنه وقتها وصغير ؟؟ و يحيى وهو 22 سنه كده صغير؟
نهايه الكلام يا ادهم انت تخرجهم تماما بره الموضوع ده وملكش دعوة بـ ولا واحد فيهم انا مش ضعيفه ولا جبانه عشان احتاج لحد يساعدني اتمنى تفهم ده
= يا حرام! ده انتِ فعلا ميته من الرعب عليهم
برمت شفايفي بنفاذ صبر وبصتله: اه.. اصلي عارفه ومتأكده انهم مش زيكم.
ادهم قلب وشه عليها: مش زينا؟
- اه مش زيكم.. مش شبهكم.. فا لو فكرت تعملهم اي حاجه.. اظن عارف هرد ازاي
" وقتها كنت بلمح بالحاجات الى مسكتها عليه.. وهو فهم قصدي كويس.. و كان وشه احمر من الغضب و عروقه بارزه! شكله مرعب "
- وانا مش عايز اللمح واحد فيهم قريب منك سامعه؟
وقفت قدامه ببرود عكس الخوف الى جوايا: مش بمزاجك.. دول ولاد عمي و غير كده هقولها لك تاني.. كل واحد فينا حر وانت الى قولت ده قولت محدش له دعوة بالتاني عشان ده جواز غصب مش كده ولا ايه يا ابن عمي؟
" خرج وسابني وعرفت لما فات وقت عرفت انه خرج بره الفيلا.. لقيت طارق باعتلي مسدج و نزلت الجنينه اشوفه "
" قعدت جمبه على الزرع "
- نعم يا طروق...
= وبعدين
- اه ده احنا هنعيده تاني بقا
= وتالت و رابع يا ملك.. انا قلقان عليكي..
بصتله بنص عين: عشان كده فضلت هنا انت و شريف! وهتخلوا عمي و طنط يسافروا هما؟
اتنهد: مانا عايز اطمن عليكي
- يا طارق مانا قولتلك اني كويسه وطمنتك
= لا كل الى بيحصل ده ميطمنش انا مش هقدر نمشي ونسيبك بعد الى عرفته!
- يعني انا غلطانه اني حكيت لك
= انتي غلطتي لما سبتي المشكلة تكبر.. لو حبيتي تطلقي ادهم مش هيخليكي تطلقي بسهوله ! ده عيل مخه سـ ـم.. انا اصلا حاسس انه مش هيسيبك وهو عارف انك ماسكه حاجه عليه
ضحكت وبصتله: هيعمل ايه يعني.
هيقطعني و يبعني حتت؟
"ضحكت جامد وهو كان مضايق فا بصتله بجديه"
- ساعات كنت بتمنى اتولد في عيله صغيره ومحدش يعرفها ان شالله تبقي العيله دي قاعده في قريه جوه كوخ كده وعلى قد حالها.. ولا اني اتولد في العيله الكبيره دي كلها.. الى مليانه مشاكل..
- ارجعي معانا
= كنت جيت معاكم زمان.. برغم طريقة ماما معايا مش قادره اسيبها وامشي ملهاش حد غيري هتعمل ايه لو سبتها
- يمكن وقتها متلاقيش حل وتكلمك وتسافر هي كمان
= مش هقدر يا طارق صدقني
خد نفس بتعب وبصلها: انا فتحت الفلاشة على فكره شوفت البلاوي الى عليها انتِ معرفتيش جدك ليه؟
- علشان مش هدفي اعمل مشاكل.. عايزه اعيش في هدوء.. ويمكن دي حاجه تخلي أدهم يفكر قبل ما يضايقني.
= ميقدرش يضايقك والله لو فكر يعمل
كده هفلقه نصين
ضحكت: هو طفش اصلا معرفش راح فين
= انا سمعته هو يحيى كانوا رايحين الشركه.
- و شريف فين؟
= نايم زي القتـ ـيل منامش طول اليل عمال بيفرك من بعد الفرح معرفش ماله
- طارق! مهما ضغط عليك اوعى تقوله حاجه
= هو فعلا مش مبطل اسئلة ومش مرتاح ولا هو ولا انا
- الأيام هتوريك هعمل ايه.
>>>>>>>>>>>>>>>>>>>>>>>>>>>>>>>>>>>>
' سبحان الله وبحمده سبحان الله العظيم '
|| بعد مرور يومين ||
" عمي سافر هو وطنط هدى.. بعد لما اطمنوا عليا و وصوا طارق و شريف يخلوا بالهم مني.. وكنت متفاجئه انهم فعلا فضلوا في مصر..! و دي كانت حاجه مضايقه
أدهم طبعا.. بيدج الفيس بوك بتاعتي Slsbell Ahmed و خصوصا لما رفضت انقل في الفيلا بتاعتنا و عرفت جدو اني هفضل معاه في الفيلا بتاعته اصل مش من حبي في ادهم هقعد انا وهو في فيلا كبيره لوحدنا.!! "
" و كان اول يوم لـ طارق وشريف في الشركه بعد لما جدو طلب منهم يدوا نفسهم فرصه ويجربوا الشغل.. و ده شيء جاب لعمي و ليحيى سكتة قلبيه. "
|| في الشركة | مكتب أدهم ||
- انتِ مش عماله تزني عايزه تتعلمي ما تركزي معايا
= انا مركزه بس انت طريقتك صعبه
- تحبي اشوفلك حد تاني يعلمك؟
= ياريت
- لا.. مفيش غيري اذا كان عاجبك
" ضحكت غصب عني علي شكله وانا بستفزه "
" لوهله ادهم ركز معاها.. وبعدين اتكلم "
- بقولك ايه.. فيه حفله مهمه بليل خاصه بتقد الشركة هتمضيه
= طيب وبعدين
- العقد ده مهم جدا عشان لو اتمضى ده هيجيب شغل للمصنع برقم ضخم.. و هنعمله خط إنتاج.. فا انتي ممكن تيجي و تعرفي ازاي الصفقات دي بتم
= يعني انتم لسه متفقتوش
- المستثمر صعب وشايف نفسه اوي اوي بس ابنه ماسك له معظم الشغل ويتتبر في ميه المخلل فا انا و يحيى بنظبط الدنيا معاه عشان نوصل لإتفاق كويس
بصتله بحماس: خلاص هاجي.. وهحضر كل حاجه؟
= اه.. بس دي حفله يعني متجيش بلبس فورمال زي ده
رديت بغرور: انت متعرفش تجيب زيه
- طب الحمدلله اني معرفش
>>>>>>>>>>>>>>>>>>>>>>>>>>>>>>>>>>>>>
' اللهم صلِ وسلم وبارك على سيدنا محمد '
|| في الفيلا | الدور الارضي ||
شريف: حاسس كل حاجه مقعده
ملك: عشان انت بس لسه فالأول..
طارق: انا حاسس تمام يجي مني..
ملك همست: مشفتش وش عمك محمد و جدو بيبلغه خبر انكم نازلين الشركه
شريف ضحك: فاكر هيورث كل حاجه هو وعياله تقريبا
طارق: المهم هتلبسي ايه للحفلة
ملك: خليها مفاجأه.. شوية وهطلع اللبس.
" قاطعهم دخول عزت من بره كلهم وقفوا وسلموا عليه "
- متجمعين دايما ياحبايبي.. كنت عايزكم
" بص لشريف وطارق "
شريف: اتفضل يا جدو
- ادهم قالكم على الحفله الى هتتعمل كمان كام ساعه؟
طارق: ايوا ملك هتروح
عزت: عاوزاكم تروحوا معاها
شريف: هو للأسف انا مش هعرف لأن فيه حاجات مهمه تبع شغلي هناك لازم ابعتها انهارده..
عزت: و انت يا طارق؟
طارق: انا تمام عادي
ملك بحماس: هتيجي معايا!
طارق: انا محتاج بدله تانيه كده
عزت: هجزها لك.. الى محتاج اي حاجه يعرفني دلوقتي عشان فاضل كام ساعه خلاص.
" و فعلا بدأنا نعرفه محتاجين ايه
و اوردي كان مكلم ناس تيجي الفيلا ومساعدين! "
" كنا بنجهز انا و طارق و ادهم معرفش كان فين "
" خلصنا ونزلنا تحت "
- زي القمر يا ملوكه..
ضحكت: انت كمان شكلك حلو اوي.
طارق: تفتكري ابن عمك هيعمل ايه لما يلاقيني معاكم
ملك ضحكت: تفتكر عمك ويحيى هيعملوا ايه
" وفعلا الى توقعناه حصل الى شاف طارق الاول كان يحيى و عمي محمد و وشهم جاب اللوان.. وبعدين خرجنا للعربيه و لقيت ادهم واقف بيتكلم في الموبايل وباين عليه مشغول.. لكني حسيته خلص مكالمته بسرعه لما لمحني.. "
- احمم.. يلا بينا؟
= طارق جاي معانا..
- ليه؟
طارق بغلاسه واضحه: يا ادهوم ده طلب جدو.. بعدين يعني مش ده شغلنا فالاخر؟ مفروض اتابعه.. حتي شريف كان جي بس وراه كام حاجه
"أدهم مكنش فاضي يتخانق معاه
ومركز بس فالي وراهم"
- طيب يلا.
" اتحركنا كلنا و وصلنا الايڤنت "
>>>>>>>>>>>>>>>>>>>>>>>>>>>>>>>>>>>>>
' اللهم اغفر لنا ذنوبنا وارحمنا برحمتك يا أرحم الراحمين '
- خليكم هنا عقبال لما نظبط الميتينج.
" طارق و ملك قعدوا على ترابيزة "
طارق: الحفله شكلها حلوة.. و كله متوتر هو الموضوع مهم اوي كده؟
- اه ادهم كان بيقولي صفقة مهمه
" طارق موبايله رن برقم جمال و
رد عليه لكن مجمعش "
= بقولك لحظه هخرج ارد علي بابا وأرجع لك
- سلم لي عليه اوي
" مشي وانا فضلت لوحدي
" وفجأه قعد جمبي على الترابيزة واحد شكله غريب وابتسم لي ابتسامه بعشم كأنه ابن خالتي "
- هو انت مين معلش؟
= شكلك زي القمر الصراحه مقدرتش اقف ساكت
قدام الجمال والشياكه دي كلها
اتكلمت في سرها: امممم.. ده انت شكلك اهبل
بصتله: اتفضل قوم قبل ما نعمل مشكلة وسط الحفله الهاديه دي عيب.
بصلها بنص عين: مشكله؟ هو انتى متعرفيش انا مين بجد ولا ايه؟
= افندم؟ انت الفنان عمرو دياب وانا معرفش
عدل بدلته بغرور: انا عاصم المرشدي
- هي مش ناقصه هطل على المسا
= كلكوا بتعملوا كده وبتيجوا فالاخر.
" ملك مكانتش مصدقه الى قاله و وقفت وهي بتدور على طارق او أدهم "
" لكن في اللحظه دي عاصم مسك ايدها "
- خدي بس انتي رايحه فين مش بكلمك !
" ملك صْربته بالقلم و زقته وكذا حد في الحفلة خد باله !! في اللحظه دي عاصم اتـ ـجنن و شدها من شعرها بقـ ـوة "
" والي شاف الموقف كان..
