رواية اعداء عيلة الحاوي الفصل الخامس 5 بقلم سلسبيل احمد
هو انت مين ؟
= شكلك زي القمر الصراحه مقدرتش اقف ساكت
قدام الجمال والشياكه دي كلها
اتكلمت في سرها: امممم.. ده انت شكلك اهبل
بصتله: اتفضل قوم قبل ما نعمل مشكلة وسط الحفله الهاديه دي عيب.
بصلها بنص عين: مشكله؟ هو انتى متعرفيش انا مين بجد ولا ايه؟
= افندم؟ انت الفنان عمرو دياب وانا معرفش
عدل بدلته بغرور: انا عاصم المرشدي
- هي مش ناقصه هطل عالمسا
= كلكوا بتعملوا كده وبتيجوا فالاخر.
" ملك مكانتش مصدقه الى قاله و وقفت وهي بتدور على طارق او أدهم "
" لكن في اللحظه دي عاصم مسك ايدها "
- خدي بس انتي رايحه فين مش بكلمك !
" ملك صْربته بالقلم و زقته وكذا حد في الحفلة خد باله !! في اللحظه دي عاصم اتـ ـجنن و شدها من شعرها بقـ ـوة "
" والي شاف الموقف كان ادهم و راح ناحيته بعْصْب اعمىٰ لدرجه انه اترمي عليه والاتنين وقعوا على الارض وادهم نزل فيه صْرب "
" البودي جارد بتاع عاصم بدأو يدخلوا فا يحيى دخل هو كمان في الخناقه و ملك واقفة مصدومه من الموقف !!!! لحد ما شافت طارق وجريت ناحيته "
بصلها بخضه: ايه الى بيحصل !
ملك: فين عمي !!!! خلي حد يتصرف هيتموتوا بعصْ !
" طارق طلع مفاتيح العربية بسرعه من جيبه و خرج بـ ملك بره لما الحفله كلها بدأت تتقلب ! دخلها العربية وبعدين رجع لهم.."
" الأمن كله ادخل و حاولوا يهدوا الخناقه الى كبرت بشكل مـ ـرعب و ده بسبب البودي جارد بتوع عاصم الى قلبوا الحفله و وقتها طبعا كل الى تبع أدهم ادخل! "
" اما عند ملك فا فتحت موبايلها وهي مرعوبه من اصوات الخناقه و كلمت عزت و شريف بسرعه "
" طارق فضل يشد في ادهم الى كان مصمم ميسبش عاصم بعد حتي لما بهدله و عـ ـوره مكنش فيه حته سليمة !! "
طارق بزعيق وهو ماسكه: خلاص !!!!!
عاصم بصوته كله: اقسم بالله ما هسيبك يا****
أدهم وهو بيعافر مع طارق عشان يسيبه: تعالي وانا اطلع ***** تاني
" طارق فضل يحاول يكتف في ادهم ويمنعه يتحرك مره تانيه ناحيته وعلى الجمب التاني محمد ماسك في يحيى وبيحاولوا يهدوا الموضوع ! "
" شريف وصل و لقىٰ ملك في العربية فا راح لها بسرعه وهي كانت بره "
- حصل ايه انتِ كويسه !!!
= انا كويسه شوف طارق وادهم جوه !!!
- يعني انتِ تمام !
= ايوه!
" شريف دخل بسرعه يشوفهم "
" طارق فضل يشد فيه لحد بره و يحيى كان مع محمد "
" شريف دخل وشافهم و شاف المكان الى كان شبه مقلوب "
- فيه ايه !!!
طارق: انت جيت امتى!
= لسه جي انتوا كويسين! ايه الى حصل في وشه ده؟؟
طارق اتنهد: خناقه
ادهم بصله: فين ملك
شريف: في العربية
" خرجوا التلاته و هي اول لما شافتهم نزلت
بسرعه راحت ناحيتهم "
- انتوا كويسين!
" عزت وصل وكان معاه رجالته و شكله مخضوض جدا عليهم بسبب صوت ملك في الموبايل"
" شاف وش ادهم المتـ ـعور وشكله هو طارق "
- ايه الى حصل !!!!
" وقتها كان فاكرهم اتخانقوا تاني وقلبه وقع.. لكن بدأ يفهم الموقف و خدهم كلهم و رجع بيهم على الفيلا "
>>>>>>>>>>>>>>>>>>>>>>>>>>>>>>>>>>>>
' اللهم صلِ وسلم وبارك على سيدنا محمد '
|| في الفيلا ||
" ماجده كانت هتموت من القلق عليهم.. وامينه هي كمان قلقانه على ملك.. لحد ما وصلوا.. بيدج الفيس بوك بتاعتي سلسبيل احمد محدش فيهم لحق يطمن و ظهر صوت زعيق من محمد! "
- ده لو شوية عيال في حضانه !!!!! مش هيعملوا الى انتم عملتوه ده !!!!!!
عزت: خلاص يا محمد !!!!
محمد بغضب شديد: لا مش خلاص !!! دول بوظوا كل حاجه !!! بقا انا بقول عليك عاقل !!! وبتعرف تتصرف وتلم الدنيا !!!
زعق بقوة اكبر: بوظتوا شغل بنرتب له بقالنا شهور !!!!!!
" ملك كانت مصدومه من ردة فعل عمها ولكن اتفاجئت بـ رد ادهم "
ادهم بحده: ما يولع الشغل !!!!! بعدين مشكلة ايه الى عملتها !!!! ده عيل قليل الادب وشايف نفسه زي ابوه بظبط !!! انت مشوفتش الى حصل عشان تتكلم اصلا !!
محمد بصله بصدمه من طريقته: انت ازاي تتجرأ وتكلمني كده !!!! اتـ ـ ـجننت !!!
ماجده: خلاص يا ادهم !!
طارق: انتوا كنتوا عاوزينه يعمل ايه؟؟؟ لما يلاقي واحد مد ايده على مراته !!!
يحيى: هي الى بدأت و مدت ايدها عليه انتي اصلا ملكيش شغل معانا !! ولا ليكي مكان وسطنا !!!
ملك بصتله بصدمه سابت كل كلامه وركزت فى جزء معين: يعني انت كنت شايف الى بيحصل !! شوفته وهو بيمسك ايدي و بيقرب لي !!
" وفي اللحظه دي أدهم وجه نظره على يحيى
و قرب ناحيته "
بصله: ايه الى بتقوله ده؟
يحيى بكدب: مشوفتوش وهو بيمسكها!
شريف بصله ودمه بيغلي: طول عمرك عيل مش راجل!!!
" وقبل ما يحيى يتحرك ادهم مسكه "
" شريف كمان كان نفسه يروح يصْربه ومتقدم له مستنيه بس يقرب ! "
" عزت زعق فيهم "
- كل واحد على اوضته حالا انتوا فاهمين !
طارق: دي مش غلطتنا
محمد: مبقاش غير العيال كمان الى هتتكلم !!!
شريف بصله بحده: عيال ؟؟؟؟
طارق بسخريه: العيال دول كانو زمان! العيال الى مكانوش بيفهموا دول خلاص مبقوش موجودين ياعمي
عزت بغضب: انا قولت كل واحد على اوضته
" ادهم اول واحد طلع وسابهم.. "
" و قبل ما ملك تدخل الأوضة شريف وقفها "
- انتِ كويسه؟
بصتله بهدوء: تمام
طارق بحنيه: حاولي ترتاحي و متضغطيش نفسك تمام؟
"ملك هزت راسها وبعدين دخلت"
>>>>>>>>>>>>>>>>>>>>>>>>>>>>>>>>>>>>
' سبحان الله وبحمده سبحان الله العظيم '
" ادهم كان قاعد على السرير.. عمال يهز في رجله
مشبك ايده ببعض وساند عليها براسه.. "
" لحد ما ملك دخلت.. ومكانتش عارفه تقول ايه.. وهي شايفه وشه عليه آثار الخناقه! "
" لكنه وقف بدون مقدمات قدامها "
اتكلم بهدوء: انتي كلمتي جدو و شريف
ملك بصتله: اه!
- ليه؟
" سكت ومرضتش ارد.. اكيد مش هقوله السبب "
ادهم كمل: انتِ للدرجه دي فكراني مش هعرف اجيب حقك؟ ولا فاكره انك متجوزه ايه بظبط؟
ملك بصتله بدهشه على تفكيره: ايه !
- بتكلميه ليه !! ايه الداعي انك تكلميه !
" ملك سكتت و هو اتنرفز "
- ما تردي ! مكلماه يجي يلحقك؟
ملك بعصبيه: بكلمه يلحقك انت !!! انت مشوفتش بودي جارد قد ايه اتلموا عليكم !!! وانا مكنتش عارفه اتصرف ! والموضوع كله حصل بسرعه !! بقلمي سلسبيل احمد في ثانيه كل حاجه اتقلبت !! و انا كنت خايفه !
عينيها لمعت بالدموع و هي بصاله: انا معملتش حاجه! كنت قاعده عادي وهو الى جه فجأه وقعد يتكلم ومرضيش يمشي وانا لما جيت امشي مسكني والله ما كنت اعرف اصلا انه ابن الراجل الى كلمتني عنه ! وكمان
ادهم ضيق عينه وبصلها بمُقاطعه: انتي بتبرري ايه ؟؟؟ انا مطلبتش منك تبرري اساسا ! ايا كان الى حصل ايه وايا كان هو مين ! عمري ما هسمح لحد يقرب منك !
و هو مد ايده عليكي وانا رديتهاله اضعاف مكنتش محتاج تكلمي حد ! ولا طلبت منك تجبيه يلحقني !
" ملك سكتت وهي بتحاول تهدي اعصابها لما حست بدوخه قوية جت لها فجأة فا قعدت على الكنبه "
ادهم نزل لمستواها: حصل ايه!
ملك رفعت راسها: مفيش انا كويسه
" لكنه لاحظ دم نازل من مناخيرها "
" ملك مسحته بسرعه و قبل ما تقوم ادهم قعدها "
- اهدي اهدي اصبري
" راح جاب مناديل بسرعه وملك خدتها منه "
" مسحت الدم بقلة حيلة وهي بتضحك "
- انتي هبله بتضحكي علي ايه؟
بصتله: انتم الى اتخانقتوا وانا الى بجيب دم
اتنهد وقرب لها: انتي عندك مشكلة فى المناعه !
ده لو كانت موجوده اصلا
" ملك بصتله وهو قريب منها وسكتت شوية بعدين بصت على الكدمات الى في وشه "
- وانت محتاج تعالج وشك.. بقا شوارع
= مش قادر عالجيني انتى
" ادهم قالها بهدوء ونكش و هو باصص لها "
" ملك بصتله وهي بتبعد و دخلت جابت حاجات
تحاول تعالج بيها الجـ ـروح والكدمات "
" و ادهم كان قاعد مستسلم و باصص لها بس وهي بتنضف الجـ ـروح بالقطن "
" خلصت وبصتله بجديه "
- اظن كده عملت الى عليا.. اتمنى متتخانقش بسببي تاني.. مش ناقصه كره زياده من اخوك وعمي
" قالت كلامها وبعدت و ادهم وقف "
- ملكيش دعوة بيهم..!
= لا للأسف ليا.. هما مش هيبطلوا يكرهوني.. وانا شايفه ان جدو كان غلطان في وجهه نظره.. اننا لما نتجوز العيلة هترجع كويسه.. معرفش كان مستني مننا ايه.. بس الى اعرفه ان انت كمان للأسف زيهم.. و بتكرهني انا مش قادره اكمل في ده..
- يعني ايه مش فاهم..
= يعني طلقني يا ادهم.
- نعم؟ احنا بينا اتفاق!
= قولتلك وهقولك تاني.. عمرنا ما هنتفق ولا هيبقي بينا اتفاق.. وحتي لو حصل عمري ما هتفق مع أهلك.. الى هما في نفس الوقت اهلي..
- انا مليش دعوة بيهم.. انا مش هطلقك
= حتي لو قولتلك اني هجبيها من ناحيتي؟ هقول لجدو ان المشكلة عندي متقلقش يعني مش هخليك تظهر بصورة وحشه
ادهم بصلها بسخريه: هو انتي بجد غبيه للدرجه دي؟ شايفه انها هتفرق معايا؟ لو فارقه معايا مكنتش عملت الى عملته انهارده
ملك بجمود: انا مكنتش محتاجه حد يدافع عني
مكنش ليها لازمه كل ده الموضوع كبر.. وكلهم مسكوا في بعض.. و الحقيقه.. اني مش عايزه ولاد عمك يدخلوا اكتر من كده.. هما كانو بعيد عن المشاكل دي وقعدوا بسببي عشان خايفين عليا
بصلها بسخريه وهو بيضحك: قولي كده بقا ! محدش فارق معاكي غيرهم !
" ملك سكتت و ادهم بصلها "
- تمام .. انتِ طالق.
يتبع..
السادس من هنا
