رواية صراع بين الحب والثأر الفصل الرابع 4 بقلم وردة
الحلقة ٤ فاتن / انت ازاى تعمل فينا كدة مفكرتش احنا هنكون قلقنين عليك ولا هنموت من القلق كفاية مراد راح مننا
فؤاد / اهدى يا فاتن اهدى انا كويس كان لازم زيارتى دى لهناك
خالد / يعنى انت كويس يا اخويا
فؤاد / اة بس لازم نتكلم مع بعض
فاتن/ فى اية انتو مخبينو عنى
فؤاد / ممكن تحضرلنا الغداء يا فاتن انا جعان
و فؤاد بيروح مع خالد وبيقف وبيبص لعادل و عمار
فؤاد / وانتو كمان
وبيروحو كلهم على المكتب و فؤاد متردد انو يتكلم
فؤاد / انا واحمد وصلنا لحل
عمار /حل اية دة الى مخليك مترردد تقولو
فؤاد / ان يكون فى نسب بنا
خالد / ازاى يعنى
فؤاد / يعنى يبقي العلتين واحد علشان كده انا واحمد وصلنا للقرار دة احمد عندو بنت اسمها قمر
عمار /ههههههههة انا حاسس انى بحلم يعنى اية
عادل / مبروووك بابا جيبلنا عروسة الى عمها قتل اخوك
عمار / الكلام دة مش صحيح يابابا
فؤاد / انتو مفكرين ان انتو بس الى قلبكو بيتقطع على مراد مراد ابنى قبل ما يكون اخوكو
خالد / مستحيل يحصل الى بتقولو دة يا خويا طب مفكرتش فى مراتك
فؤاد / كفاية بقي كفاية اية عوزين افضل اتفرج عليكو وانتو بتموتو واحد ورى التانى
فؤاد جتلو الازمة ووقع على الارض
خالد / عادل هات العلاج بسرعة بسرعة
عادل جرى على فوق وجاب الادوية بتاعت فؤاد وبيديدلو العلاج وبيبدا يتحسن وفاتن بتدخل عليهم الاوضة
فاتن / فؤاد
قمر / مفيش حاجة يا ماما بابا كويس اهدى
وبيطلعوة على الاوضة
فاتن / فؤاد انت كويس
خالد / يا مرات اخويا تعالى خلية يرتاح
وكلهم خرجو وسبوة لوحدو
**********************************
فى الصعيد احمد واقف فى الجنينة و قمر بتيجى علية
قمر / بابا
واحمد مردش عليها
قمر / بابا ارجوك تسمحنى انت عارف انى مقدرش اخليك زعلان منى كدة
احمد بيبصلها وبيضمها اوى
احمد / قمر انتى بنتى الصغيرة بس كبيرة بعقلك انتى عرفة انك الوحيدة الى بتفهمينى من قبل ما اتكلم
قمر /بابا فى اية
احمد / عمك فؤاد عوزك لابنو
قمر اتصدمت ومش عرفة تتكلم وبيكون حسن سمع احمد
حسن / بابا ازاى يطاولو علينا ويطلبو ايد قمر اختى
احمد / حسن هم طلبو ايد قمر قمر هى الى فى اديها القرار
قمر وقفة مصدومة
احمد / قبل ما تقولى اى حاجة عوزك تفكرى ان بموافقتك الدم دة هيقف
حسن / بيطلع سلاحو
حسن / مستحيل اديهم اختى مستحيل
قمر مشيت وسبتهم من غير اى كلمة واحمد بيبص عليها
احمد/انا عارف ان القرار صعب بس متاكد انك عرفة هتعملى اية
حسن طلع على اوضته ومتعصب اوى و قمر قاعدة فى الجنينة تحت شجرة التوت واحمد بيرقبها من بعيد و بيسمع نادية بتصرخ وبيروح عليهم وبيشوف نادية ماسكة حسن
و حسن عاوز يخرج ويروح يقتلهم
احمد / حسن
حسن بيقف مكانو
حسن / مستحيل انى اوافق ان اسلمهم اختى بايدى لا انا هقتلهم
قمر بتدخل واحمد بيبص عليها
قمر / انا موفقة
حسن جرى على قمر
حسن / لا يااختى قوللهم انك مش موفقة وانا هحميكى
قمر /انا موفقة
قمر راحت على اوضتها بسرعة و حسن بيمشى وبيسيب البيت
**********************************
فى القاهرة فؤاد بينزل وبيخرج على الجنينة وبيفكر
عادل / بابا الجو برد عليك
فؤاد مشى وسابو وبيفكر
خالد /انا مش مصدق الى بيحصل يعنى اية ابوكو هيجيب الى عمها قتل اخوكو عروسة على البيت هنا
فاتن / اية الى انتو بتقولوة دة
عادل / بابا عاوز يجيب بنت الى قتلو مراد هنا على البيت دة
وبيدخل فؤاد
فاتن / صح الكلام دة
فؤاد / هو دة الحل الوحيد
فاتن /طب مفكرتش فيا انا هتحمل ازاى مفكرتش فى ولادك حياتهم هتكون ازاى
فؤاد بيقاعد وتعبان ومش قادر يفكر
عادل / انا عندى شغل انا خارج سلام
عمار / عادل استنى لم نتكلم الاول
عادل / مفيش كلام تانى دة كان اخر كلام عندى بعد ازنكو
فؤاد/خلاص مبقاش فى احترام كل واحد بيعمل الى هو عوزو
خالد /طب اهدى ياخويا
فؤاد بيروح على مكتبو وبيسبهم
**********************************
عمار خرج هو كمان وبيلف فى عربيتو وغصب عنو بيقف قدم بيت اسيل وبيطلعلها وبيتردد انو يرن الجرز واسيل بتفتح الباب بالصدفة وبتشوفو قدم الباب وبتحضنو اوى
اسيل / كنت هموت من القلق عليك يا حبيبى
عمار مهموم ومبيتكلمش
اسيل / عمار فى اية قولى فى اية
عمار بينام على رجليها وبيعيط واسيل بتحاول تهدية
**********************************
عادل بيروح يسهر مع زميلو فى كافية كبير
اصحاب عادل /عادل فى اية مالك
عادل / فى اية عادى يعنى
وزميلو بيسبوة لوحدو و عادل مهموم اوى
**********************************
في الصباح
عمار بيصحى وبتكون اسيل بتجهزلو الفطار و عمار بيروح يلبس ولسة هيخرج
اسيل /عمار انت هتروح فين
عمار / انا وانتى خلاص مينفعش
اسيل /عمار استنا فى اية
عمار / انا وانتى حياتنا انتهت مع بعض انا حياتى مش سهلة
عمار مشى وسبها وراح على الفيلا وبيدخل وبيكون فؤاد سهران فى مكتبو و عمار بيروح على المكتب وبيدخل
عمار / بابا انا موافق انا إلا هتجوزها جهز كل حاجة وانا تحت امرك
فؤاد فرح اوى و عمار بيروح على اوضته
**********************************
فؤاد بيتصل باحمد وبيبلغو انهم جاهزين يستقبلو العروسة واحمد بينادى على نادية
احمد / نادية حهزى نفسك انتى والبنات هننزل القاهرة بكرة
نادية / يااحمد حرام نظلم البنت معانا هى زمبها اية فى دة كلو
احمد / قمر هى الى هتكون مفتاح السلام والامان الى بين العلتين
**********************************
نادية بتطلع على اوضة البنات ز قمر قاعدة فى البلكونة
و سندس قاعدة على السرير وباين عليهم الحزن اوى
نادية / قمر يا بنتى يلا انتو لازم تجهزو نفسكو بكرة الصبح هنسافر
سندس / حرام لية بترمونا فى النار لو مش عوزنا قوللنا
قمر ساكتة ومبتتكلمش
نادية / ابوكو بيحبكو ولو مكنش متاكد ان قمر هتكون مبسوطة. مكنش وافق
قمر / ماما الصبح هكون جاهزة والى بابا هيقول علية انا موفقة علية
نادية مسكت نفسها انها متعيطش وخرجت بسرعة
**********************************
احمد طول الليل سهران ومش قادر ينام وقاعد فى الجنينة و قمر وقفة فى البلكونة واحمد بيبص عليها و قمر سرحانة
**********************************
فى الصباح
احمد /نادية نادى على البنات
نادية لسة هتتحرك سندس بتنزل
نادية /فين قمر
سندس /صحيت ملقتهاش فى الاوضة
نادية بتبص لاحمد
احمد / منصور انت يا منصوور
منصور /نعم يا احمد بية
احمد / قمر قمر فين
منصور / قمر هانم مع أسمر فى الجنينة
احمد / يلا بينا حضر العربية
وبيخرجو كلهم و قمر وقفة مع الفرس بتعها و بتاكلو قبل ما تمشى
احمد / قمر يلا هنتاخر
قمر ودعت أسمر وراحت معاهم على العربية و بتتفرج البلد من الشباك ومش بتتكلم ولا كلمة معاهم و قاعدة جمب سندس ونايمة على كتفها ومسكة اديها وبتبص على الورد الى حوليهم وكانها بتودعهم
**********************************
فى القاهرة
فى فيلا فؤاد مي لبسة وخرجة
فؤاد / مي ريحة فين
مي / عندى مشوار مهم
فؤاد / لازم تكونى هنا الساعة ٥
مي / هحاول سلام
مي خرجت و عمار نازل على السلم
فؤاد / عمار انت خارج
عمار / فى حاجة يا بابا
فؤاد /عمك احمد هيكون هنا الساعة ٥ وانا اتفقت مع المازون وكل حاجة جاهزة
عمار / هكون جاهز على المعاد متخفش مش ههرب
عادل / مش مطلوب منى حاجة انا كمان
فؤاد /مطلوب منك انك تسكت خالص
عادل بيروح يقاعد على السفرة مع فاتن
فاتن / انا مش عرفة هقدر استحمل اعيش معاها فى بيت واحد ازاى
فؤاد بيروح على مكتبو
**********************************
واحمد بيوصل القاهرة وبيروحو على اوتيل
احمد /غيرو هدومكو وهخدكو وتروحو تشترو الى انتو عوزينو لازم نكون وصلين على المعاد بالظبط
نادية / يلا يابنات مضيعوش وقت
قمر / ماما انا حاسة انى تعبانة خدى سندس وروحو انتو وخلونى ارتاح
نادية /بس انتى لازم تختارى حجاتك
احمد / نادية خليها برحتها
وراحو كلهم وسابو قمر فى الاوضة لوحدها و بتنهار من العياط وبعد اربع ساعات بيرجعو
نادية / البلد هنا تتوه الواحد متعرفوش انتو ريحين فين وجيين منين كل حاجة زحمة
سندس / شوفى احنا جبنالك حاجات كتير اوى يا قمر شوفى
و قمر مبتردش عليهم
احمد / يلا يا نادية خلي البنات يجهزو وخلينا نروح على اوضتنا نجهز نفسنا احنا كمان
سندس / قمر البلوزة دى هتكون حلوة اوى ولا اية رايك فى دى والا دى
قمر مبتردش عليها
سندس / قمر انا الى هعملك الميكاب ولا انتى حلوة من غير اى حاجة خليكى بطبعتك احلا
قمر / سندس اعملى الى انتى عوزاة
سندس بتبصلها اوى وبتروح عليها وبتخدها فى حضنها وبتعيط
قمر /سندس خلى بالك من بابا وماما وكمان أسمر متخليش حسن يضربو وهتيلو سكر كل يوم
سندس / وانتى خلي بالك من نفسك وهتكلمينى صح
وبيحضنو بعض اوى
وبعد ساعة احمد بيخبط و سندس بتفتح
احمد / يلا جاهزين
سندس / ثوانى يابابا
احمد / انا مستنيكو تحت يلا مش عوزين نتاخر
واحمد نزل و سندس و قمر بينزلو واحمد بيبص لقمر و باين عليها انها كانت بتعيط من عيونها وبيروحو يركبو العربية
واحمد فى الطريق بيوقف العربية
احمد. /قمر عاوز اتكلم معاكى تعالى
قمر نزلت مع احمد ووقفين قدم النيل
احمد / انا ربيتك واديتك منى الحكمة والثقة فى النفس والتواضع مش عوزك تغزلينى ولازم تحفظى على جوزك وباخلاقك تقدرى توصلى الحب بنكو
قمر بتبص على النيل ومبتردش
احمد /قمر سمحينى
قمر سمعت الكلمة دى وبتبص لاحمد وبتشوف الدمعة فى عينو وبتترمى فى حضنو
قمر / لا يابابا متقولش كدة انت الى تسمحنى لو عملت حاجة تزعلك
احمد / لو مش عوزة تكملى خلينا نرجع دة اختيارك انتى
قمر / لا يابابا دة نصيبى
واحمد و قمر راحو على العربية وبيكملو طرقهم
**********************************
فى فيلا فؤاد
فؤاد / عمار اتاخر لية
فاتن / ياريت يهرب ويبعد احسن بدل ما يهدم حياتو
فؤاد / فاتن كفاية بقي
مي / انا مش عرفة هتعامل معاها ازاى
فؤاد / البنت مش زمبها حاجة
فاتن / زمبها ان عمها الى قتل ابنى وهو عايش ومبسوط وابنى هو الى مات
وفاتن بتعيط و مي بتهديها و فؤاد بيخرج فى الجنينة
و عادل بيخرج معاة
عادل / عمى مش هيجى
فؤاد / يكون احسن مش عاوز اى مشاكل النهاردة اتصل باخوك الناس على وصول واخوك موصلش
عادل بيتصل و عمار بيكون قاعد على العربية قدم بيت اسيل
