رواية صراع بين الحب والثأر الفصل الخامس 5 بقلم وردة
الحلقة ٥ مي / انا مش عرفة هتعامل معاها ازاى
فؤاد / البنت مش زمبها حاجة
فاتن / زمبها ان عمها الى قتل ابنى وهو عايش ومبسوط وابنى هو الى مات
وفاتن بتعيط و مي بتهديها و فؤاد بيخرج فى الجنينة
و عادل بيخرج معاة
عادل / عمى مش هيجى
فؤاد / يكون احسن مش عاوز اى مشاكل النهاردة اتصل باخوك الناس على وصول واخوك موصلش
عادل بيتصل و عمار بيكون قاعد على العربية قدم بيت اسيل
وبيفكر و عادل بيرن علية وعمار بيبص فى الساعة وبياخد نفس عميق وبينزل يركب عربيتو وبيمشى
**********************************
فى الفيلا احمد بيوصل الفيلا و فؤاد واقف هو و عادل فى استقبلهم وبينزلو و قمر لسة قاعدة فى العربية واحمد بيمدلها ايدو و قمر بتفكر وبتبص لايد ابوها وبتمسك ايدو وبتنزل وبيروحو عليهم
فؤاد / عادل روح بلغ امك انهم وصلو و فؤاد بيروح يسلم عليهم
فؤاد / اهلا بيكى يا قمر فى بيتك
قمر ابتسمت ابتسامة خفيفة
احمد / اية انت نسيت العادات ولا اية يا فؤاد فين العريس هو الى لازم يستقبلنا
فؤاد / انت عارف شباب اليومين دول يا احمد ميعرفوش حاجة عن العادات
فؤاد بيسمع عربية بتدخل من الجنينة
فؤاد / العريس وصل اهو اخيرا
وكلهم بيبصو علية الا قمر مش عوزة تشوفو و عمار بينزل من عربيتو وبيروح عليهم وبيسلم على احمد
عمار / حمدالله على السلامة يا عمى اتفضلو
وبيدخلو كلهم و عمار هو كمان مبصش على البنات وبيدخلو والمازون بيكون موجود
فؤاد / يلا يا حضرت الشيخ خلينا نكتب الكتاب
والشيخ بدا وبيكتبو الكتاب وفاتن اول ما بتشوف عمار ماسك ايد احمد بتعيط وبيكتبو الكتاب
المازون / مضى العروسة يا عريس
عمار مش عارف مين فيهم العروسة
سندس / اهى العروسة
عمار بيروح لقمر وبيقربلها الدفتر و قمر بتمضى من غير ما تبص علية وشعرها نازل على وشها وملامحها مش باينة
نادية / الف مبروك يا بنتى
احمد / نادية سندس يلا خلينا نمشى
فؤاد /هنتعشا مع بعض الاول
احمد / فى وقت تانى
وبيخرجو و سندس بتبص لقمر
قمر / بابا
قمر بتجرى زى الطفلة الصغيرة على احمد وشعرها لما جريت بيتفك وبيتفرد على ضهرها وبتحضن ابوها واحمد بيبعد شعرها عن عنيها وبيبص فى عنيها
احمد / قمر انتى فى بيت جوزك لازم ترفعى اسم عيالتك فى العالى اوعى تعملى حاجة اخجل منها سمعانى يا قمر
قمر بتودعهم وبيمشو و فؤاد بيروح لقمر وهى وقفة بتعيط
فؤاد / انتى فى بيتك دلوقتى وانا ابوكى تعالى اتعرفى على اهلك
فؤاد /دة عادل ابنى يعنى اخوكى
عادل / اهلا
فؤاد / ودى مي وامك فاتن وطبعا جوزك
وفى اللحظة دى عيونهم بتتقابل مع بعض
عمار / انا خارج
عمار بيسبها وبيخرج و فؤاد بيدايق من عمار
فاتن / يا سارة سارة
***. سارة دى الشغالة ***
سارة / نعم يا هانم
فاتن / طلعيها على اوضتها
قمر راحت معاها وطلعت فوق
سارة / هى دى االاوضة ولو احتجتى حاجة انا موجودة
قمر وقفة قدم الاوضة وبتبص للباب وبعد تفكير بتفتح الباب وبتدخل وبتشوف شنطتها فى الاوضة وبتدخل وبتقاعد على السرير وبتعيط و عادل اوضته جمب الاوضة وبيسمع عياط قمر وبيدايق علشنها اوى
**********************************
فى الليل
فؤاد /سارة اطلعى بلغى قمر هانم انها تنزل على العشاء
فاتن / هى هتقاعد معانا على السفرة
عادل / ماما حولى تتاقلمى على الوضع الى احنا فية
وسارة طلعت وبتخبط على الاوضة و قمر بتتخض
سارة / قمر هانم فؤاد بية مستني تحت على العشاء
قمر بتفتح الباب
قمر / بلغيهم انى هنزل حالا
قمر راحت غيرت هدومها وبتنزل تحت
فؤاد / تعالى يا بنتى تعالى اية الحلاوة دى
قمر ابتسمتلو ابتسامة خفيفة
سارة / العشا جاهز
والكل بيروح على السفرة و عمار بيدخل من الباب
عمار / مساء الخير
فاتن / اتاخرت لية يا حبيبى يلا علشان تتعشاء
عمار بيبص لقمر
عمار / مليش نفس هطلع اخد شور احسن تعبان
عمار بيطلع و قمر مش بتاكل
عادل / اية الاكل مش عجبك
قمر / لا بالعكس بس مليش نفس
فاتن / ومين الى لوة نفس ياكل بعد موت مراد
قمر اتكسفت اوى وزعلت لان الكلام كان متوجة عليها
فاتن / انا هروح اشوف عمار لو محتاج حاجة
فؤاد / فاتن عمار دلوقتى متجوز مراتو تشوفو لو محتاج حاجة يلا يا قمر اطلعى شوفى عمار لو محتاج حاجة
قمر بتبصلهم بقلق وبتطلع
**********************************
قمر بتخبط على الاوضة ومفيش حد بيرد عليها و عمار فى الحمام و قمر بتدخل على الاوضة وبتسمع صوت المياة فى الحمام وبتشوف الجاكيد بتاع عمار على السرير وبتمسكو
و عمار بيخرج من الحمام وبيروح لقمر وبيمسك الجاكيد من قمر وبيحدفو على الارض و قمر واتخضيت
عمار /دى اول مرة واخر مرة تمسكى اى حاجة بتعتى انتى فاهمة
عمار متعصب اوى
عمار / انا كل ما بشوفك بفتكر مراد الى قتلتوة من غير اى سبب
و عمار دموعو بتنزل وبياخد هدوم من الدولاب وبيخرج وبيخبط الباب اوى وبيروح الاوضة بتاعت مراد الى قدم اوضته و قمر بتعيط وبتقاعد على الارض
و عمار فى اوضة مراد وبيمسك صورتو وبيعيط اوى
**********************************
فى الصباح
قمر لسة بتخرج من الاوضة بيكون عمار هو كمان خارج
و قمر بتدخل تانى لحد ما بينزل هو و بتروح على الشباك وبتشوف عمار خارج من الفيلا وبيركب عربيتو و عمار بيبص على الشباك وبيشوف قمر و قمر بترجع و عمار بيمشى وبيسوق بسرعة جدا
قمر بتشوف عربية ابوها بتدخل و بتفرح اوى و بتجرى على تحت وبيكون احمد بيسلم على فؤاد و قمر نزلت و سندس بتجرى عليها وبيحضنو بعض اوى و نادية بتسلم على قمر وبتحضنها اوى
نادية / عاملة اية يا حببتى مالك وشك اصفر لية
قمر/ لا مفيش يا ماما بس انتو وحشتونى اوى.
احمد /يلا احنا اطمنا عليكى خلاص خلونا نمشى
فؤاد /تمشو اية لازم تشرب القهوة معايا
احمد /علشان نوصل قبل الليل يلا نادية خلينا نمشى
وبيودعو قمر وبيمشو وبيروحو يركبو العربية و سندس بتعيط وبتشاور لقمر و قمر بتودعهم وبيمشو
فؤاد /قمر يا بنتى تعالى خلينا نفطر
قمر /انا حبة اتمشى شوية
فؤاد /برحتك يابنتى
**********************************
قمر بتتمشى فى الجنينة و فؤاد بيبص عليها من الشباك
عادل /شكلها حزينة اوى
فؤاد /قمر شيلة حمل مبيقدرش يشيلو جبل انا رايح المكتب
عادل /انا عربيتى فى التصليح وصلنى معاك
عادل و فؤاد بيمشو
**********************************
فاتن بتطلع اوضة قمر وبتدور فى شنطتها على اى حاجة وبتسمع صوت وبتخرج بسرعة وبتنزل وبتكون مي
مي / ماما كنتى فين
فاتن / فى اية مالك
مي / ماما حببتى ونور عينى
فاتن / عوزة اية
مي / هروح مع زميلى ٣ ايام فى مخيم شتوى وعوزة الاذن من بابا
فاتن / لما يجى باليل هكلمو يلا علشان متتاخريش على كليتك يلا
مي فرحانة اوى وبتبوس فاتن وبتجرى بسرعة على برة
و قمر قاعدة فى الجنينة وبتطلع على اوضتها
**********************************
عمار فى الشركة وبيشتغل والباب بيخبط وبتدخل السكرتيرة
السكرتيرة / بش مهندس عمار الانسة اسيل برة وعوزة حضرتك
عمار / اسيل قوللها مشغول
وبتخرج السكرتيرة وبتدخل تانى
السكرتيرة / مش عوزة تمشى عوزة تقابل حضرتك
عمار / دخليها
واسيل بتدخل وبتبص لعمار و عمار بيشورلها انها تقاعد
اسيل / ممكن اعرف انا عملت اية علشان تسبنى
عمار / اسيل لو سمحتى انا تعبان ومش قادر اتكلم
اسيل / انا بحبك ومقدرش استغنا عنك ابدا ارجوك اسمعنى
عمار /اسيل انتى الى لازم تسمعينى انا دلوقتى واحد متجوز
اسيل / اية اتجوزت ازاى يعنى
اسيل بتصرخ و عمار بيمسكها وبيحاول يهديها
عمار / اسمعينى واهدى الموضوع مش زى ما انتى فكرة دة جواز علشان العيلتين
اسيل / انت بتضحك عليا
عمار / ياريت تسمحينى وتنسينى
اسيل بتعيط وبتمشى و عمار بينادى عليها ومتعصب اوى
وبيروح يركب عربيتو وبيروح على المقطم وبيقاعد على عربيتو وبيفكر ومخنوق اوى
