رواية بنت النصاب الفصل الرابع 4 بقلم جمانة السعيدي
رحمه....بعد مااتاكدو من كل وصولات الكهرباء
الي ماعليها ختم فقط توقيع بابا وجردوها ويا الوارد
الي دخل للدائره اتضح هاي الفلوس كلها ماخذه بابا ومحتفظ بيها بدون ما يسامها للدائره
الشرطه ألقت القبض علي
ماكدر ينكر لان عدهم الادله الكامله علي
حتى دفاع المحامي ماكدر يخلصه انحكم ٣ سنوات سجن
بقت امي محتاره هيه قبل بوجوده شابعه ضيم حسره عليها الفلس وتتعامل اسوء معامله
شلون بعد ما دخل للسجن
ولا يوم ولا يومبن ٣ سنوات
طبعا بيت جدي الموضوع بلنسبه الهم عادي لان متعودين على مصايبه
اصلا جدي فرح لان راح يضمن ماكو مشاكل لمدت ٣ سنوات
بدت بيبي وعماتي يضايقن امي ااكثر وواكثر
وامي من القلق والضوجه بدت صحتها تتدهور
قبل متحمليها لان بابا بلبيت
بس مراح يكدرون يتحملوها ٣ سنوات
بلاخير بيبي كالتلها زوجج دخل السجن بعد شعندج باقيه هنا روحي بيت اهلج منا لمن يطلع
المفروض بيت جدي يحتضنوها يهونون عليها
يعوضها غياب زوجها
لا بلعكس يضغطون عليها محسسيها هيه ما مرغوب بوجودها بهذا الييت
رحمه...جمعت امي ملابسها ورجعت بيت اهلها
ايمان....هاا ليش جايبه ملابسج
خوله...طردوني عمتي طردتني تكول روحي بيت اهلج
ايمان...الله لا يوفقها كون شتريد منج انتي بيش مضايقتها
خوله....مااعرف
ايمان....راح ادز سامي ( اخوي الجبير) يحجي وياا عمج
هو زواج لو لعبه
المره مكانها بيت زوجها
خوله... لا لا ترخصيني ااكثر هما مايعرفون
كلش زين يعرفون الأصول بس مايردون يطبقونها عليه
احس نفسي تعبانه وماعندي قابليه اي شي
راسي يوجعني ومالي خلك
ايمان....ااكيد راسج يوجعك ومالج خلك بعد المعامله الزفت الي يعاملوج بيها
جمانه السعيدي
رحمه...يومين امي ما تكدر ترفع راسها من المخده
واي شي تأكله تستفرغه
ايمان...انتي موطبيعيه العصر اخذج للعياده
خوله...مابيه شي يمكن من الضوجه
ايمان...نتأكد خاف عندج حمل لان مو معقوله اي شي مايدخل معدتج
فعلا العصر خالتي اخذت امي للعياده
بعد التحليل والفحوصات تااكد عدها حمل
اشترت العلاجات الخاصه للحمل ورجعت للبيت
رحمه....اختلط شعور الفرح والحزن على امي
مدري تفرح راح تصير ام
مدري تحزن لان هذا الطفل ما معروف مصيره شنووو
بيبي ام امي من سمعت بتها رجعت للبيت وحامل اجت تطمن عليها
بيبي...هااا شلون صرتي
امي....شويه احسن هذا العلاج خفف عليه لعبان النفس
بيبي...ليش ما بقيتي بيت عمج على الاقل ياخذوج دكتوره
يجيبون ااكل زين
امي.. طردوني عمتي ماتريدني بلبيت
بيبي...شنو طردوج يعرفون انتي حامل
امي....لا بعد ما يعرفون
بيبي... اروح ابشرهم انشاء الله هلمره راح يجيهم حفيد ولد
بس يسمعون انتي حامل راح يطيرون من الفرح
ويجون يرجعوج البيتهم
امي...مااضن لاترحين هما لو يهمهم أمري مجان طلعوني من بيتهم
بيبي. مايعرفون بحملج
راحت بيبي دكت الباب عليهم
فتحت عمتي الزغيره
بيبي...اريد ام خلدون موجوده
دخلت عمتي اتصيح امها طبعا عمتي تعرف بيبي من العرس لان كانت حاضره
بيبي بقت بلشارع حتى تفضلي ماكو
اجت ام خلدون تباوع عليها بتكبر
تكول بيبي طلعت عليه تعلج وبتاوع عليه بستحقار
بيبي...شلونج ام خلدون
ام خلدون ...هله هله
بيبي...شلونج الولد شلونهم ابو خلدون
ام خلدون ...الحمد لله
بقت بيبي ساكته منتظره تكولله تفضلي
بس ام خلدون لازمه الباب وتعلج
بيبي...هااا يمكن عندج شغل بس اني اجيت ابشركم
خوله حامل
تكول بيبي بقت تباوع عليه نفس نضرت الاستحقار
وماعدها اي ردت فعل
بيبي...يمكن ما سمعتني خوله حامل انشاء الله هلمره اجيبلكم الولد
ام خلدون....انتي جاية شتردين
بيبي.....شريد كلت ابشركم خوله تتنسى وماتاكل اي شي
تعبانه بس نايمه بلفراش
لازم تجون تسئلون عنها تطمنون على وضعها
ام خلدون.. شنو المطلوب مني
بيبي.....يااا غير حفيدكم
ام خلدون. هو اني ابو شحصلت منه اله حفيدي
بيبي...يعني مراح تجين تشوفيها تطمنين عليها
ام خلدون.. اسفه مالي خلك
بيبي...ياا تحجين صدك
ام خلدون...قابل اتشقى وياج
طب طبكت الباب بوجه بيبي
رجعت بيبتي مصدومه من الشي الي صار ما مصدكه
جانت متوقعه يستقبلوها احلى استقبال
متوقعه فرحتهم بحمل خوله
على الاقل ام خلدون تجي وياها اطيب خاطر امي
جمانه السعيدي
رجعت تمشي وتحجي وياا نفسها
دخلت للبيت ولجن تعالن الحكن عليه هاي المره شبيها
صدك جذب حتى ما كالت تفضلي
خوله...كتلج لا ترحين عيالي واعرفهم عز المعرفه
بيبي.. ياااا يمه خوله بيش طحتي ناس ما ترحم
خوله...وابنهم انكس منهم النوب حبلت وهاي المصيبه الي
ماصايره ولا دايره
هذا الطفل راح يربطني بيهم العمر كله
طول فترة الحمل محد اجا سئل عن امي لو شنو محتاجه
لو حالته الصحيه شلونها
ولا ذكروها مجرد ذكر
بشهر الثامن للحمل سمعت بيت جدي مزوجين ولدهم ثنيبنهم بلطابق الثاني
يعني اخذو غرفتها وزوجو بيها ابنهم
يعني بعد مالها مكان بهذا البيت
حتلو طلع خلدون ماتعرف وين راح تروح
بعد مااخذو غرفتها
بدت خالتي اجهز جهاز الطفل وتهتم باختها وتنتظر الولاده
يوم عشره بشهر التاسع بدت امي تطلك
خالي راح جاب بيبي ام امي
وطلعو بيها للمستشفى
خمس ساعات طلوك وتعب يله جابت
جابت بنيه خالتي سمتني ((رحمه ))
رحمه وهيه تنتظر رحمة رب العالمين تنزل على هاي الطفله
الي ابوها بلسجن وبيت جدها ما فكرو يسئلون عنها ابد
رحمه مواليد سنة ٢٠٠٠
طلعت نسخه من ام خلدون بيضه وشعري اشكر
وعيوني زرك
صح اهل بابا مافرحو بيه
بس الفرحه الجبيره فرحت خالتي وخالي
البيت الي جان كئيب ومابي حس
صار بي صوت طفله تبجي وتضحك وتناغي
خالي حاير شلون يشليني وشنو يجيبلي
وخالتي همها الأكبر تغسل وتبدل وتهتم
ابد ماقصرو ويا امي ولا حسسوها بنقص
كلشي تطلبه يجيها
البيت كله عباره عن رحمه
رحمه ضحكت رحمه حجت رحمه مشت
رحمه حلوه
خالي وين مايطلع ياخذني ويااا
صار عمري سنتين ونص طلع بابا من السجن
بعد ما خلص حكم ٣ سنوات سجن
من طلع من السجن محد اجا استقبله
طلع كبل على بيت اهله
جمانه السعيدي
اتفاجئ لمن وصل استقبال اهله كان بارد
اهله ماهمهم وجوده اذا كان موجود اوغايب
غرفته ازوج بيها اخووو
وزوجته طردوها من البيت
يعني مالك مكان بهذا البيت روح شوف نفسك
خلدون .شنو يعني اطردوني
جدي....ماعدنا مكان تشوف الغرفه الجوه بيها خواتك
والغرف الفوك ازوجو بيهن إخوانك
خلدون .... واني
جدي....اتبع زوجتك وبنتك وعيش حياتك حالك حال الناس
انصدم خلدون شنو اتبع زوجتك
شلون راح يفتح بيت وهو لاشغل لا عمل
طلع على أهل زوجته
بس شافته خوله فرحت رغم هو ابد مجان فرحان لابيها ولا بتها
دخلته للبيت وجابتله ااكل وجابت رحمه خلتها بحضنه
بس كل هذا الشي ما فرحه
خوله...شبيك ضايج
خلدون.. اهلي طردونا
خوله...لا اضوج انشاء الله تنحل انأجر بيت ونكعد
خلدون...ومنين ادفع الايجار يافهميه
خوله.....كول سهله تصير سهله
اني راح اسئل اذا اكو بيت ايجار قليل والعيشه سهله
خلدون....اني ارجع يم اهلي ومن تلكين سكن مناسب
دزيلي خبر
خوله...ابقى هنا اني وياك بهاي الغرفه
وإيمان وسامي بلغرفه الثانيه
خلدون...مااكدر اخذ راحتي
خوله بكيفك
من ثاني يوم بدت خوله وإيمان يسئلن اذا اكو سكن مناسب
البيوت كلها جبيره ولاجار غالي
شهر كامل وإيمان تفتر وتسئل الحد مالكت سكن مناسب
مشتمل زغير عباره عن غرفه ومطبخ بلوك مترين بمتربن
وصحياة
المشتمل كلش زغير بس ايجاره مناسب
غرفه وحده كافي عليهم
دزت خبر الخلدون ااجا شافه كال هاي هيه
خلدون....المكان مناسب بس اني حاليا ماعندي ادفع ايجار
اخوج يدفعلنا كم شهر منا لمن الكه شغل
طبعا اخوي المسكين ماعنده امكانيه شغله على كد عيشتهم
بس يريدني استقر واعيش بمكان واحد ويا زوجي وبنتي
طلب من أصحاب الشغل يطلع كل يوم حتى يكدر
يوفر فلوس الايجار الاخته
اما خلدون جاي يدور على نصبه جديده
يطلع منها فلوس
مايكدر يشتغل حاله حال الناس
تعود على النصب والاحتيال
بعد فتره ابو المحل دز عليهم
ا ريد الطلب خلدون يتسوك مني بلدين
ابو اللحم بلسوك اريد فلوسي خلدون ياخذ مني بلدين
من بعدها وواحد دك الباب
اريد خلدون اخذ مني خمس أوراق وكال اعينك
وكلشي ما شفت منه
رجع خلدون النفس اسلوبه يضحك على الناس
ياخذ منهم ويتهرب من التسديد
بلنهار ما يجي للبيت خاف الديانه يشوفونه
يرجع نص اليل مرات يطلع الفجر
واذا ماعنده شي ينام بلنهار ويطلع بليل
والمسكينه خوله باقيه لازمه كلبها من الديانه
يشرد البغداد كم شهر من الناس ويرجع
وخوله تبقى محتار بالاجار والعيشه
ولو اخوها ابد ما مقصر
كامت تحف للنسوان حتى أدبر عيشتها
بهاي الغرفه البسيطه تحف للنسوان حتى تكدر تعيش
عيالها فلوس وخير بس ابد مايذكروها ولا يسئلون عنها
رغم يعرفون كلش زين وضعها المادي صعب
بس ابد ما يهتمون
ولا يسئلون عنها ولا يذكروها بشي ابد
الوحيد الي يذكرها ويسئل عنها ويدفعلها الايجار اخوها
يغيب خلدون اشهر ويرجع كم يوم ويرجع يغيب
ويرجع كم يوم
لمن صار وجوده وعدم وجوده وواحد
محسوب عليها رجال بس هو ماموجود
اذا استقر شهر بلبيت اعتبرو نصب على واحد ثنيبن
كل شويه جاي واحد يدك الباب عليهم
