رواية بنت النصاب الفصل الثالث 3 بقلم جمانة السعيدي
رحمه....رجع بابا البيت اهله اكيد ورا هاي المده من الغياب
بيت جدي تناسو كل الخلافات
او يحاولون ينسون
اول يومين اقترحو علي يحاول يرجع زوجته
طبعا هو ماعنده مانع
جدي فتح الموضوع وياا اخوووو
لكن تفاجئ بلرد ساره مخطوبه واهلها مكتمين على الخبر
لان بعد ماصار اي شي رسمي
جدي طلب من اخو يشوف شنو رائيها مدام بعد
ماصار شي رسمي
الرد نزل عليهم مثل الصاعقه ساره موأفقه على العريس
والزواج راح يكون قريبا
ورافضه ترجع البابا رفض قطعي
اما بلنسبه الحنيين راح تبقى بيت جدها اهل امها
ومراح تجي تعيش بيت جدي اهل بابا
لان اهل ساره متعلقين بيها وما يقبلون يرجعوها الابوها
وفعلا خلال اسبوع كطعت مهر وااقل من شهر تم الزواج
بيبتي ام بابا انفعلت شلون ساره ترفض
ترجع الخلدون وتزوج غيره هذا الشي ما مقبول ابد
لذللك قررت ادور عروس البابا
مثل ما ساره ازوجت خلدون يزوج
اما بلنسبه البابا جدي رفض يرجعه يشتغل ويااا
لان يعرفه حق المعرفه
مستحيل يكون تغير وصار ادمي
بابا اتغير ااكيد تغير بس مو للاحسن للاسوء
صار خبير باامور النصب و التحايل
يكدر ينصب على اكبر واحد
النصب والبوك والغش يمشي بدمه
بدت بيبي ادور عروس البابا مو حتى يزوج ويستقر
لا حتى تحرك كلب ساره
على اعتبار خلدون ابن ناس ومثقف حلوووو
ما ناقصه شي
قابل الشخص الي راح تزوجه ساره احسن منه لو احلى
رغم بيبتي تعرف كلش زين ابنها ما يتعاشر
وواحد نصاب لا ذمه ولا ضمير
بما ان جدي رفض بابا يرجع يشتغل ويااا
بابا قرر يدور شغل
بهاي الفتره كان اكو اعلان عن تعيين ناس على الجبايه
بدائرة الكهرباء
بابا خريج صناعه قسم كهرباء
راح قدم على هاي الوضيفه ونقبل
هذا الحجي سنة ٩٨
بلنسبه البيت جدي هاي اول بوادر الخير
خلدون تعيين وصار عنده وضيفه ووراتب
ماناقصه غير العروس
بيبي كثفت جهودها حتى تلكه عروس وتكدر تقهر ساره
مثل ما ساره قهرتهم
بس المشكله اي وحده تتقدملها ترفض
ااكو ناس ترفض لان تعرف بابا شنوووو
اكو بنات ترفض بسبب فرق العمر
وااكو بنات تطلب بيت وحد
تعبت بيبي وهيه ادور على عروس الابنها التحفه
سنه كامله وبيبي ادور عروس وماكوووو
ماكو بنيه مناسبه البابا
بهذا الوقت بابا هدا للعب شويه
بدا يمشي عدل حتى يبيض صفحته بعيون الناس
والشي الاهم بيبي تكول البنات ترفض بسبب مشاكل بابا القديمه وسمعته كدام الناس
الحد ما وحده من الجوارين اقترحت عليهم يتقدمون الماما
تعالو احجيلكم عن ماما شويه
امي انسانه بسيطه التعليم الحد الابتدائيه
شكله عادي وااقل من عادي اهلها فقره
البيت جدا قديم
بيت اهل امي اول ماتدخل حوش جبير
والاخير غرفتين نازلات
اكو بلبدايه صحياة قديمه
ومطبخ السقف مالته عمد
امي عدها اخت اكبر منها وواخ ااكبر واحد يعني امي الزغيره خالي مامزوج رغم عمره بالاربعين
وخالتي منفصله ازوجت فتره قليله ونفصلت زوجها ماكان انسان ادمي
جدي ابو امي ميت بيبتي ام امي بعد وفاة جدي
بكم سنه ازوجت وعافت امي وخالتي وخالي
بس تجي تسئل عنهم وتشوفهم وترجع البيتها
يعني ماكاطعه السؤال عنهم
اتمنى يكون الشرح واضح
جمانه السعيدي
بيبي بعد زواجها صار عدها بنيه
كانت مدللتها دلال ماصاير
مدرسه وفلوس وملابس
على عكس امي وخالتي وخالي تركتهم
ومااهتمت التعليمهم ولا المستواهم المادي
رادت تنقذ نفسها من الفقر والضيم
شلون عايشين امي وخالتي وخالي
خالي يشتغل سايق تريله عد ناس تجار
ويصرف على البيت
هسه برائيكم امي على هذا الوضع البائس
والفقر وقلة الاهتمام وماكو تعليم
ومو حلوه حتى صوتها شويه خشن
اذا اتقدملها وواحد مثل خلدون توافق لو لا
بلنسبه البيت جدي اهل بابا
بيت جبير ٣٠٠ متر مبني حديث حديقه جبيره
مرجوحه برا البيت مؤثث اثاث حلو
عدهم مطعم حالتهم الماديه زينه
بلنسبه الامي فكر وضيم وبهذله وقلة اهتمام
رحمه...امي مافكرت بااخلاق بابا ولا أطباعه
ولا شنو جان
شافت شي وواحد هو الي خلاها توافق
بيت جبير حلو فلوس شاب بلتلاثين مرتب
ابيض وعيونه خضر
موضف بدائرة الكهرباء
اصلا بلنسبه الها هذا حلم وراح يتحقق
من اول مااجت بيبي وطلبت ايدها
وافقت راسا مو بس وافقت كانت طايره من السعاده
والفرح
حتى خالي و خالتي فرحو الفرحها
هاي مو زواجه هاي طاقة القدر ونفتحت
شلون ناس مثل ذوله واصلين وابنهم حلووو
وموضف
شلون يفكرون يطلبون ايد امي للزواج
ااكيد هاي عجيبه من عجائب الدنيا السبعه
حتى بيبي ام امي من سمعت بلخطبه اجت طايره
تبارك وتهني وكانو بتها راح تزوج رئيس الوزارء
يمكن حقها تريد تطمن على وحده من بناتها
الجبيره منفصله والثانيه مو حلوه ومحد اتقدملها
اهل امي اخذتهم المضاهر ما سئلو عن معدن بابا
ولا دققو بسوالفه القديمه
الي تخلي اي بنيه ترفضه
جمانه السعيدي
تصدكون بابا حتى ما طلب يشوف امي قبل الخطبه
وافق على موافقة امه
المهم تمت الموافقه وبيت جدي جابو غرفة نوم جديده
وبدو يحضرون للعرس
انطو الامي مبلغ بسيط
أقل من المهر المتعارف علي بذاك الوقت
لان هيه بلنسبه الهم بنيه فقيره وموحلوه ما تستحق تاخذ مهر حالها حال البنات
اصلا تحمد.ربها راح تزوج
ااكيد ااكيد امي حتلو ينطوها مبلغ بسيط توافق
لان بلنسبه الها هاي الزواجه راح تنقلها المستوى ثاني
حسب ماجانت مفكره
جهزت نفسها جهاز بسيط على كد المهر
وهيه ما مصدكه نفسها راح تأخذ الشاب الحلو ابو عيون خضر
بيت جدي سوو عرس وعزمو كل الاهل والاقارب
بس حتى ساره تسمع وتنقهر
على شنو تقهر مااعرف
اذا كان لازم تنقهر تنقهر على السنيين الي خلصتهن وياا
اصلا اني برائيي زوجت بابا انسانه ذكيه
كدرت تخلص نفسها قبل لا يدمرها بابا
ااكثر وحده فرحانه بهذا العرس امي واهلها
وخاصه من شافو الزفه
امي مامصدكه لبست بدلة العرس بلنسبه الها هذا حلم
وتحقق
بلحقيقه امي ماجانت عاجبه بيبي ولا عماتي ولا حتى بابا
هذا الزواج اجا عناد بساره وبيت عم بابا اولا
وثانيا ...لان ماكو وحده قبلت ترتبط بابا
الناس الفاهمه كلهم رفضو هاي الخطبه
وبيبي تعبت وهيه ادور عروس وماصدكت امي واهلها وافقو
من بعد ما خلص العرس باسبوع واحد
وبطلت الناس تجي تبارك
طلع الوجه الحقيقي البيت جدي
بيبتي كانت تعامل امي بتعالي انت فقيره
واحنا اغنياء انتي ماكنتي تحلمين تزوجين هيج زواجه
عماتي بس يصنفن عليها ويضحكن
يخلون الاكل ويسئلوها تعرفين اسم هاي الاكله لو بعمرج ماشايفته
اصلا اذا تشمين ريحته تموتين ههههه
كتلكم امي من تحجي شويه صوتها خشن
اي كلمه تحجيها لازم عماتي يضحكن عليها
ااي كلمه ااي حرف لازم ااكو تصنيف وضحك علي
انصدمت امي بواقع ماجانت متخيلته
بابا ابد مو بحاالها من تشكي ما يسمع الها
ولا حتى ينطيها مجال تحجي
كلما تحجي يكلها اس صوتج مزعج
روحي ادهني حنجرتج
لو يكول ياربي اني ويامن احجي وياا ابو جبار
شنو هذا الصوت المزعج
انتي حجيتي وياا امي قبل الخطوبه
شلون اقتنعت بيج مااعرف
تحولت البنيه اليتيمه بهذا البيت إلى خدامه
كل الشغل عليها
مقابل هذا الشغل ماكو اي شكر او مديح بلعكس تتعامل بتعالي
واحتقار عبالك هما مخلوقين من غير طينه وهيه
مخلوقه من فضلاتهم
هما كلهم حلوين بياض وعيون ملونه
بناتهم يدرسن ثنيبن منهن خريجات
وهيه فقيره بسيطه غير متعلمه مو حلوه
التصنيف الأكبر كان على بيت جدي اهل امي
من بعد ما عماتي شافن البيت بلعرس
يوميه ااكو فصلة ضحك على البيت وعلى المطبخ
الي واكف على عمدان
وعلى الحياة القديمه
من بعدها يبدي الضحك على امي وعلى شكلها وعلى صوتها
الوضع جان صعب على امي
بس الفقير الناس تحتقره
جمانه السعيدي
امي ااكثر ماعدها تشكي الاختها ايمان
خوله... متت مو حياة جحيم اذا اني ما عاجبتهم الهاي الدرجه ليش اجو خطبوني
ايمان....قابل حظ اختج شلونه اله حظج اكعدي واسكتي
خوله.. تعبت كمت اكرهم
كل الوقت ضحك عليه وعلى صوتي وعلى اهلي
ايمان....اصبري بلكت تطلعون بيت وحدكم وترتاحين
خوله...هو اني شفتهمت منه
حتى مصرف ما ينطيني كلما اسئله يكول ماعندي
منيبن اجيب
ايمان.. يبووو يافرحة الي ما تمت
عبالي حده من عدنا حظها عدل النوب وحده انكس من الثانيه
خوله. ... مرات ااكول انفصل وارتاح
ايمان.. طبعا لا شنو تنفصلين ااكعدي واسكتي خلي عينج بعين الله
بلكت يصير حمل وتتغير معاملتهم وياج
خوله....لو تشوفين شلون خادمتهم
بناتهم مايشيلين اي شي من الكاع
ثنيين يرجعن من الدوام كبل للنوم حتى إذا تغدن
اني اغسل مواعينهن
والثالثه تدرس
تعبت ابد ما متخيله وورا هذا البيت الجبير
هلكد ااكو قسوه وتكبر ووحقد
صدك المضاهر خداعه شكد انخدعت بيهم
شوفي هذا بيتنا شكد بسيط
بس ولله شكد جنت مرتاحه بي
اتخيلي عمتي ما تقبل ااكعد على الطخم تكول
يتوصخ
انتي ما متعلمه تكعدين اله بلكاع ااكعدي بلكاع
ماتقبل اطبخ تكول تلعب نفنسنا من طبخج
بس تنضيف البيت كله عليه مرتين اتلاثه انضف بليوم
اني ما يتعبني التنظيف
بس لو اسمع منهم كلمه حلوه ترا مراح يخسرون اي شي
حتى الكلمه الطيبه صدقه
لا منهم اسمع كلام حلو ولا من خلدون
الي يشوف رجلي يحسدني علي
وهو يعاملني اسوء معامله
ايمان. خلي عينج بعين الله واصبري ااكيد مراح يبقى الوضع هيج
لازم يتغير
جمانه السعيدي
بهاي الفتره بابا قرب على سنتين شغل بدائرة الكهرباء
بلجبايه
وهنا لكه شغله حلوه يحصل بيها فلوس بدون تعب
طلع دفتر جبابه من الدائره وبدا يفتر على البيوت يجمع
فلوس الكهرباء
راح تكولون شنو الغريب هيه هاي شغلته
لا راح افاجئكم ياخذ الفلوس يخليهن بجيبه
ما يسلمهن للدائره
ااكو ناس غشمه تنطي الفلوس ينطيهم وصل بدون توقيع ولا ختم
والشاطر ويطلب منه ختم
يكول نسيته ويوقع على الوصل
سنه كامله وهو يجمع جبايه ويخليها بجيبه
ومحد كدر يكشفه
سنه كامله وهو يجمع فلوس الناس ويخليهم بجيبه
الحد ماااكو مره جبيره بلعمر عدها دكان
نسا واجاها مرتين بنفس الشهر
مااعرف هو فعلا نسا او رب العالمين راد يكشفه
هاي حوبت الناس الفقره
المره سئلته كالت خاله ما كملنا اسبوعين من اخذت مني فلوس
خلدون. لا مشتبها حجيه صار شهر وواكثر
احنا كل شهر نجمع مره
المره صممت على رائيها
وهو مصمم ياخذ منها فلوس
خلدون...حجيه اذا ما ادفعين راح نكطع عنكم الكهرباء
المره....قررت تتاكد من الوصل الي اخذته منه قبل اسبوعين
طلبت منه يرجع باجر وتنطي الفلوس
بنفس هذا اليوم الحجيه طلعت كل الوصلات القديمه والجديده وخلتهن كدام ابنها
وسئلته يشوف اخر وصل بيهن
الولد فعلا ااكدلها هيه دافعه قبل اسبوعين مو شهر
ثاني يوم العجوز اخذت كل الوصلات الي وقع عليهن بابا وراحت الدائره الكهرباء
المدير سئلها ميلج ذني حجيه وانتي من اي منطقه
ومنو الي جان يجمع الفلوس
بس بدت توصف ملامح بابا راسا المدير عرفه
لان هو الوحيد الأبيض وعيونه خضر بلدائره
سئلها المدير ياخذ بس من عندج فلوس
كالتله لا من كل البيوت
طلب منها تعوف الوصولات وترجع البيتها
وبعد ممنوع تدفع اي فلس اذا اجاها
ثاني يوم طلعت لجنه من الدائره بدون علم بابا
حتى تحقق بهذا الموضوع
وجمعه كل الوصولات من البيوت وهنا عرفو بابا
جاي ياخذ من الناس فلوس باسم الدوله
هذا الحجي وقت النضام السابق
وبذاك الوكت ماكو لعب ويا الدوله
ثاني يوم القو القبض على بابا وخلو بلسجن
لمن الناس سمعت بهذا الخبر
كلها اخذت وصولات االكهرباء وراحو للدائره
طلع الأفندي صار سنه كامله يقط بلعالم
وماخذ مبالغ جبيره من الناس
ماكو محامي ولا اي شخص يكدر يساعده بهاي المصيبه
انحكم ٣ سنوات سجن
ااكو مفاجئه نعرفها بلبارت القدم
ممكن تتفاعلون ااكثر
