رواية كسرتني قوتك الفصل الثالث 3 بقلم سهيلة سعيد
الحلقة الثالثة { ٣ } 
شيكو : وراك وراك ي معلم 
سليمان : حاجة خرة 
( رجل سليمان تخبط ف قفا حسام تانى )
حسام ب انفعال : ي ابن ستين جزمة رجلك وام قفايا 
سليمان : لامؤخذة 
حسام : لو قلتلى لامؤخذة تانى هخليك تكملها كعابي 
سليمان : نفخت اهلى خلاص .. وبعدين كعابي ايه ي حافي انت دى عربيتى اصلاً ولا نسيت 
حسام : هى عشان عربيتك تطلع عين الى سايق
سليمان : قاعد بقالي كتير فخادي ورمت ي عم 
الكل : هههههههه
( سليمان ينزل رجله ويحطها ع العربية قدامه ويكمل لعب ف الفون )
شيكو : سليمان ممكن أسألك سؤال ؟؟
سليمان : لو ع الايس كاب اسكت احسن
شيكو : عرفت منين ؟!!!!
سليمان : هو انت بتسأل غير عليه ارحم اهلى بقا 
مؤمن : م انت غريب اوى من ساعة م رجعت لابس ايس كاب .. تكنش ودنك كبرت 
شيكو : نفسي اشوف شعرك وحشني
سليمان : ايدك يلا منك ليه بدل م اعمل معاكوا الجلاشة 
شيكو : ي عم هنتفرج بس مش هنلمس
سليمان : وحيات امك 
شيكو : شكلك بقيت اقرع وبتحور علينا 
سليمان : اه اقرع خليك ف حالك
حسام : طب م تلبس كاب ع الاقل لايق ع الصيف والايس كاب ف الشتا
سليمان : تصدق فاجأتنى مكنتش اعرف شكراً للتوضيح 
حسام : العفو اى خدمة 
( ريناد وصحابها مشغلين اغنية هندى وبيغنوا معاها ب صوت عالى ورايقين ، شيكو يشوفهم )
شيكو : هدي شوية هدي شوية 
حسام : في ايه ؟!!
( تعدى ريناد من جنب عربيتهم ، ينادى عليهم شيكو )
شيكو : ي مزاااااا 
حسام : ي بنى بس ليشتموك 
شيكو : قرب بس شوية دول لوحديهم
حسام : يخربيتك هتودينى ف داهية 
( تلاحظ ريناد وصحابها ، يبطلوا غنى ويوطوا الاغانى )
سارة : ريناد سرعي شوية شكلهم هيرخموا
جاسمين : م تسبوهم يرخموا 
ليلي : وحيات امك !!!!
جاسمين : في ايه احنا مش جايين ننبسط وبعدين انتي مش شايفة اشكالهم 
ريناد : بلاش جنان اهمدى
( يقرب حسام عليهم ب العربية ، ريناد ساندة ايدها ع شباك العربية ايدها طالعة ل برة شوية ، شيكو يمسك ايدها ، تتخض ريناد )
ريناد : ايه دة انت اجننت اوعاااا 
( ريناد مش عارفة تسوق ولا تشد ايدها )
سليمان : ي بنى سيبها يخربيتك 
( سليمان يشد ايد شيكو من ايد ريناد ، ريناد ايدها توجعها توقف العربية )
ليلى : انتى كويسة ؟
سليمان : حسام اقف
( حسام يوقف العربية )
سليمان : انت غبي يلا كنت هتكسر ايدها !!
شيكو : ي عم فكك
( ينزل سليمان م العربية )
حسام : رايح فين ؟
( مبيردش سليمان ويقرب ع عربية البنات )
سارة : ورينى ايدك 
ريناد : ااه بتوجعنى .. تعالى مكانى مش هقدر اسوق 
( تبدل سارة وريناد المكان )
جاسمين : طب اطلعى بقى احسن واحد منهم جاى علينا
ليلى : لا دة الى خلاه يسيبها
جاسمين ب اعجاب : اااه موووووز
سارة : اتهدي
( يوطى سليمان ع باب العربية ناحية ريناد )
سليمان : انتى كويسة ؟؟
ريناد : اه .. كويسة
سارة : ع فكرة صاحبك دة قمة ف الحقارة
جاسمين : ايوة المفروض نطلع ع القسم دلوقتى
( ليلى تزغد جاسمين )
ليلى : متأفوريش 
جاسمين : احم
سليمان : انا اسف امسحوها حقكوا عليا انا 
( يبص ل ريناد )
ريناد : اوك
جاسمين : ماله دة متنح ليه ؟!!!!
ريناد : في حاجة ؟!!!
سليمان : هه .. لا .. لو عيزاه يعتزرلك اجيبوا يعتزرلك حالاً
ريناد : لا لأ مافيش داعى .. حصل خير
( شيكو يطلع دماغه م العربية هو ومؤمن )
مؤمن : يلا ي سليمااااان
سليمان : اصبر
شيكو : يلا ي عم النحنوح مش وقت تسبيييل
سليمان : محتاجين حاجة ؟
الكل : سلامتك
شيكو : يلا يسطاااااا
مؤمن : خلاص اتفقعت
حسام : هى ايه ؟؟
شيكو : المرارة
حسام : ههههههه
مؤمن : ي سليمان باشاااااا
سليمان : جاى الله يحرقك
شيكو ب صوت عالي : انت ليه اه ليه اه لييييييييه انت ليه مبتحبش تسمع انك غلطااااااااااان 
جاسمين : صاحبك دة لاسع ع الاخر 
سليمان : بس ي عبوهاااب
شيكو : قوم اقف ياض وانت بتكلمنى
مؤمن : ي عم اقعد بقا ضحكت علينا البنات
شيكو : بتضحكى ع ايه ي بت منك ليها ؟؟
سارة : دة فعلاً مجنون 
( سارة تشغل العربية )
ريناد : ميرسي ع اهتمامك .. باى
سليمان : بااى
شيكو : واتساب بقا 
( يمشوا البنات ، يشاورلهم سليمان باى ، عين ريناد مش متشالة من ع سليمان ف مراية العربية وسليمان كمان باصصلها لحد م مشيوا ، يرجع يركب مع صحابه ويمشوا )
مؤمن : ايه ي عم كل دة
شيكو : علقت ولا معلقتش هاااا ؟؟
سليمان : انت بجد حقير ع رأيهم
شيكو : بيقولوا عليا حقير ؟
حسام : دة اقل واجب
شيكو : اشطاا 
سليمان : وحضرتك مهاوده .. قرب عليهم تقرب عليهم !!!
حسام : وانا مالى ي عم هو الى حقير مش انا 
شيكو : م خلصنا بقا
مؤمن : اه يا حقير نييييههههاى
شيكو : م تتلم يابن ال ***
( يضربوا بعض ب هزار ، يوصل سليمان وصحابه الشاليه ويناموا والبنات كمان ، يعدي الوقت )
سليمان ب زعيق : قوموووووووووا
( يقوموا مفزوعين )
مؤمن : لا حول ولا قوة الا بالله
سليمان : انت جاى تتوب هنا قوم ياض
( ينط شيكو من ع السرير مرة واحدة )
شيكو : حان موعد الابحار .. هيا ايها القوم اتبعوني 
حسام : ايه ابن الاهبل دة !!!
سليمان : مصاحب شوية عاهات وربنا
( يقوم الكل يظبط نفسه ويطلعه ع البحر ، صحاب سليمان واقفين بيلعبوا مع بنات كرة يد وسليمان بيتمشى مع مي ، تمسك ف دراعه )
مي : تعالى نركب جيت سكييييي
سليمان : لا الفون هيتبل
مي : يتبل ايه دة بيتحط ف الماية !!!!
سليمان : هيغرق
مي : هاتوا طيب
( تاخد الفون من سليمان وتحدفه ل واحدة صاحبتها )
مي : خليه معاكى دقتين 
البنت : اوك
بيري : يلا بقا
( سليمان يشوف ريناد جاية من بعيد )
سليمان : ثوانى
مي : رايح فين ؟!
( يقرب سليمان ع ريناد )
سليمان : ايدك كويسة ؟؟
ريناد : اه كويسة
سليمان : يارب دايماً كويسة 
ريناد : ميرسي
ليلى : ااحم
( يفضلوا باصين ل بعض )
جاسمين : لامؤخذة اصل مافيش لمون ف البحر 
( يتحرجوا )
ليلى : نستأذن احنا بقا
