رواية كسرتني قوتك الفصل الرابع 4 بقلم سهيلة سعيد
الحلقة الرابعة { ٤ } 
ريناد : تعالوا هنا
سليمان : لا روحوا روحوا 
جاسمين : اشطا احنا بنتوزع 
( يمشوا البنات )
ريناد : استنونى 
سليمان : تعالى هنا رايحة فين ؟
( يقف قدامها )
ريناد : ايه ؟
سليمان : ايييه بقا 
ريناد : اييييه بقا ؟؟
سليمان : هتسبينى لوحدى ؟
ريناد : لا مش لوحدك واضح ان في حد مستنيك 
سليمان : اااه .. لا هى مش مستنيانى بالتحديد احنا صحاب وكدة
ريناد : اها قولتلى 
( يتمشوا مع بعض )
سليمان : انتى عندك كام سنة ؟
ريناد :21 وانت كام ؟
سليمان : 24 انتى الكبيرة 
ريناد : ههههه طول عمرى كبيرة 
سليمان : ههههه .. انتى منين ؟؟
ريناد : اسكندرية
سليمان : وانا بقول هى احلوت فجأة ليه 
ريناد : تسلم .. انت من هناك ؟
سليمان : اهاا
ريناد : جيران يعنى 
سليمان : بالظبط كدة متنسيناش بقى
ريناد : لا حاضر 
عندك غمازات جامدة 
سليمان : بتعكسينى ولا ايه ؟
ريناد : هههههه تقريباً
سليمان : بس انتى غمزاتك احلى 
ريناد ب استغراب : بس انا معنديش غمازات 
سليمان : ضحكتك احلى غمازة شفتها ف حياتى 
( تتكسف ريناد )
ريناد : احم .. ميرسي 
تعرف ان الغمازات دى عيب خلقي ؟
سليمان : لا والله يعنى انا معوق 
ريناد هههههه
( ييجي عليهم الليل )
سليمان : احلى يوم قضيته ف حياتى انهاردة
ريناد : وانا كمان
سليمان : هشوفك تانى ؟
ريناد : ان شاء الله .. باي
سليمان : بااى
( تدخل ريناد الشاليه )
سارة : كنتي فين ي بنتي .. مع سليمان دة ؟؟
ريناد : اهااااا 
جاسمين : ايه الفرحة دي احكيلنا 
( تحكى ريناد عن سليمان )
جاسمين : الله بقا انا عاوزة من دة
سارة : ليكى حق تنسي الوقت
ليلى : اه ريناد ع فكرة جودي اتصلت
ريناد : لا بجد !!
ليلى : اه وبتقولك ارجعي كفاية كدة
ريناد : هو انا لحقت 
سارة : مش مهم ادينا قضينا يومين نمشي بكرة
ريناد : طيب 
( يعدي اليوم ، تاني يوم ، بعد ساعات م الطريق يروح صحاب ريناد بيتهم وتوصل ريناد بيتها )
جودي : قلبيييي وحشتيني
ريناد : وانتى كمان
( تحضن اختها وتسلم عليها )
جودى : اوعي تكوني زعلانة اني خليتك ترجعي انا مبقتش اعرف اقعد من غيرك انتى عارفة
ريناد : لا ي قلبي مش زعلانة انا بردوا قضيت يومين حلوين وانبسطت
جودي : ربنا يفرحك ي قلبي دايماً
( يعدي يومين ، يوصل سليمان بيته ، ييجي الليل ، سليمان بيتعشى مع ابوه ومرات ابوه )
رغدة : مقولتش ايه الى رجعك دلوقتى ؟!!!
سليمان : مش عوزانى ارجع ولا ايه ؟
رغدة : لا مش قصدى انا بسأل عادى
سليمان : مليت
الاب : من ايه ؟!
رغدة : في حد يمل من امريكا !!!!
سليمان : انا
لاميا : Mr abed your Phone
الاب : اوك
( يقوم ابو سليمان يرد ع الفون )
رغدة : انت بتهاجمنى ليه ف الكلام ؟؟
سليمان : انا
رغدة : ايوة انت
سليمان : انا جيت جنبك ولا انتى بتتلككى ي مدام 
رغدة : بص ي سليمان لو زعلان عشان اتجوزت ابوك ف انا ...........
سليمان : لحظة بس
( تسكت )
سليمات : ازعل من ايه .. ارتاحى انا مش زعلان ولا متضايق .. هتاخدي وقتك وتتكلي زي غيرك .. هاف فن
( تتحرج رغدة وتتعصب ، تقوم من ع السفرة )
سليمان : مش هتستني ام علي ؟
( متردش وتطلع اوضتها )
سليمان : لامياااا
( تقرب الشغالة )
لاميا : Yes sir ؟
سليمان : فين ام علي ؟
لاميا : What ؟؟
سليمان : خلاص مش عاوز سديتوا نفسي 
( يقوم سليمان ، يقرب بباه )
الاب : رايح فين ؟
سليمان : هطلع انام
( تعدي الايام ، يوم حفلة استقبال سليمان ، ف فندق كبير ، واقفة ريناد وبنتين من محل الورد بيرتبوا الورد وبيعلقوه وبيظبطوا شكله ف المكان )
ريناد : انا لو اعرف ان حفل استقابل الخرة ابن عابد مكنتش جيت
ليلى : خرة مين ؟؟
ريناد : فكك بعدين اقولك
( تركن عربية قدام الفندق وينزل منها سليمان ، يدخل الفندق ، تقرب عليه بنت )
السكرتيرة : استاذ سليمان شرفت حمدلله ع السلامة
( ميردش عليها )
السكرتيرة ب توتر : ااا استاذ حسام بيقول ل حضرتك استناه ف مكتبه هو دقتين وجاي
سليمان : وهو فين ؟؟
( مرات ابوه وحسام واقفين مع صاحب محل الورد )
صاحب المحل : ايه رأي حضرتك ؟
رغدة : يجنن صراحة
صاحب المحل : عملنا كل حاجة زي م حضرتك امرتي بالظبط
رغدة : اها زي م طلبت عاجبنى جداً 
سليمان وهو داخل : بس مش عاجبني انا
( يقرب سليمان )
سليمان : لونه اوڤر وشكله قديم .. حاجة زفت
( تتحرج رغدة ، يقرب حسام يهمسله ف ودنه )
حسام ب صوت واطي : انت اتجننت مرات ابوك الي مختراه 
سليمان ب صوت واضح : ميهمنيش مين اختاروا .. مازال زفت .. دي حفلة استقبالي ولا حفلة ولادة .. وليه اللون احمر كدة !!!!!
رغدة : انت عارف ان عيد ميلاد بباك بعد بكرة وانا بحب اللون الاحمر ف فكرت اخليه لون اساسي بس
سليمان : طب انهاردة الحفلة حفلتي مش حفلة ابويا .. لما تحبي بعد كدة تحطي افكارك البهية متحطيهاش ف حاجة تخصني ماشي .. انتى عارفة اني بكره اللون الاحمر وقصدتي تحطيه طبعاً عشان تستفزيني
رغدة : صدقني اخر حاجة ممكن افكر فيها هي اني استفزك انت اصلاً مش طايقني من غير حاجة 
( يقربوا البنات )
ريناد : هو في ايه ؟!
جاسمين : مش دة سليمان 
ريناد : سليمان مين ؟!!!
جاسمين : سليمان ي بت .. الولا الي كان ف مارينا
ريناد : فين ؟؟
ليلى : الي لابس قميص ابيض دة 
( تبص ريناد تشوفه ، تتخض )
حسام : سليمان مدام رغدة منظمة الحفلة دى ليك ممكن يكون في شوية غلطات هنظبطها سوا مش مهم
سليمان : فعلاً في غلطات .. الهانم غلطتها كتير اوى
( يبص ل رغدة تضير وشها )
جاسمين : ي بختك دة طلع ميلياردير
ليلى : هيفرح اكيد اما يشوفك
( تدمع عين ريناد )
ريناد : اسكتوا انتوا متعرفوش حاجة 
جاسمين : في ايه مالك ؟!!!
سليمان : حسام الورد دة كله بتغير .. يتبدل ب ورد اصفر
( تقرب ريناد وهي ماسكة اعصابها بالعافية )
ريناد : مش هينفع
( يلف يبصلها )
سليمان ب استغراب : ريناد !!!!!
ريناد : عشان اغير لون الورد .. هغير فرش القاعة كله .. وعشان اغير فرش القاعة مش اقل من ساعتين .. وعشان اجيب ورد جديد مش اقل من الساعة 7 والضيوف هييجوا 7 ونص .. ومستحيل اصلاً كل دة يتعمل ف نص ساعة .. مافيش حاجة هتتغير .. دة غير التعويض الي حضرتك هتدفعه لان هتكون الورود دي دبلت خلاص
( سليمان مستغرب طريقة كلامها ووجودها هنا )
ريناد : عاوز تغير الورد هتغيره ب وجود الضيوف .. ودة طبعاً مش هيحصل .. عن اذنكوا
( تمشي ريناد ، سليمان ع اخره يبص ل مرات ابوه وحسام الي هينفجروا من كتر م حابسين ضحكتهم ، يروح ورا ريناد )
سليمان : ريناد .. ريناد اقفd
