رواية نضجت عشقا الفصل الثاني 2 بقلم اسماء مجدي

رواية نضجت عشقا الفصل الثاني 2 بقلم اسماء مجدي

⁩⁦⁩⁦⁩الفصل الثاني⁦⁩⁦⁩⁦⁩⁦

كان يروادها احد كوابيسها المفزعة التي كانت تأرقها دوما في نومها لليال طوال مما جعلها تتحرك اعلي الفراش في عنف شديد بكامل جسدها تهذي باسم واحد ليس سواه وهو اخيها "ساجد" مصاحبا لهذيانها دموع منهمرة اعلي وچنتيها تابي التوقف ونيتجة تحركها العنيف اعلي الفراش ركلت بيديها دورق المياه الموضوع بجانبها اعلي الكمود متهشما الي فتات صغير للغاية جعلها تستفيق من نومها في ذعر شديد. مسببا هذا الضجيج الذي احدثته انتفاضة كل من في الخارج تاركين ما بيدهم يركضون إليها في عجالة.وجدوها في حالة لا ترثي لها من انتفاضة جسدها وهذيانها بكلمات مبهمة وبكاؤها المستمر رغم تهدئة من في الغرفة لها بشتي الطرق.فبعد قليل من الوقت هدات تماما موجهة نظراتها لكل من في الغرفة بنظرات استغراب لهويتهم المجهولة بالنسبة اليها.حيث تعددت النظرات المسلطة عليها فمنهم من ينظر إليها نظرات عطوفة تلك النظرات التي افتقدتها منذ زمن عقب وفاة والديها موجهة اليها من تلك المرآة البشوشة ومنهم من ينظر إليها بنظرات مشفقة موجهة اليها من تلك الفتاة التي يرتسم علي وجهها البراءة والطيبة فاستشفت انها ابنة تلك السيدة البشوشة التي تشبهها الي حد كبير واخيرا من ينظر إليها نظرات مليئة بالخبث والمكر.تلك النظرات التي جعلتها ترتعد من ذلك الواقف امامها علي الرغم من القدر الكبير من الوسامة الذي يمتلكه الا ان نظراته تلك تجعلك تنفر منه فابتعدت عن مرمي عيناه المسلطة عليها موجهة حديثها باعين زابلة كالورود التي لم تسقي لاعوام طويلة إلي تلك السيدة التي احست براحة ناحيتها.

مردفة باستغراب :انا فين؟

إجابتها السيدة بطيبتها المعهودة:متخافيش يا بنتي انتي هنا في بيتنا

ثم اردفت بعد قليل من الوقت بحذر:بس معلش في السؤال يا بنتي انتي ايه الي حصلك خلاكي مرمية في الطريق كدة مش دريانة بحاجة ؟احكيلي يمكن اقدر اساعدك

فاكملت السيدة بحنان:اعتبريني زي ماما يا حبي...

بترت تلك السيدة كلماتها عندما احست بدمع يلتمع في عين تلك المسكينة التي تحملت من الاحزان والهموم ما يفوق قدرتها في ذلك السن الصغير منكسة راسها بحزن عميق ففهمت تلك السيدة هي وابنتها أن ربما والدتها توفاها الله وهذا ما احزنها.

فاردفت ابنتها بهمس لوالدتها معاتبة اياها علي ما تفوهت به: ليه كدة يا ماما شكلها زعلت

اردفت الام بحسن نية :والله يا بنتي مكنت اقصد

فاردفت تلك الفتاة بمزاحها المعتاد كي تلطف الاجواء موجهة حديثها إلي تلك التي مازالت قابعة فوق الفراش:انتي اسمك ايه يا مزة

فابتسمت بشحوب مردفة:انا"غنية"

اردفت حفصة بذهول:واو غنية !يعني معاكي كام؟

قهقهت غنية بتعب :لا انا اسمي "غنية"

اردفت حفصة بمزاح:ويا تري بقي انتي غنية اسما بس ولا اسما وفعلا ههههههههههه

بادلتها غنية ضحكاتها مردفة : للاسف غنية اسما بس

اردفت السيدة آمنة برضا: وليه للاسف يا حبيبتي الغني مش بس غني الفلوس لأ الغني غني الصحة وراحة البال وزوج صالح وذرية كمان حتي النفس اللي داخل وخارج ده نعمة وحاجات كتير اوي احنا اغنية بيها ده نعم ربنا لا تحصي ولا تعد

اردفت غنية بصدق:ونعم بالله يا طنط

اردفت السيدة آمنة بغضب مصطنع:ايه طنط ديه؟

فاردفت غنية بتعجب:اومال اقول لحضرتك ايه

فاردفت حفصة :ماما يا ستي اسمها آمنة وهي بتحب نقولها يا موني انتي كمان هتقوليلها يا موني زينا

استشعرت غنية بالمحبة البادية من حديث و وجه تلك السيدة وابنتها مردفة بامتنان:انا متشكرة اوي ليكوا وجميلكوا ده هيفضل في رقبتي العمر كله

اردفت آمنة بعتاب كانها تعرفها منذ زمن:كدة برده يا غنية ده كلام يتقال ده إن مشليتكيش الارض نشيلك في نن عينينا من جوة

اردفت غنية بمحبة لتلك السيدة التي احست انها تعرفها منذ زمن:مش قصدي يا طنط وال..بترت كلماتها عندما نظرت آمنة اليها بنظرات الغضب المصطنعة

فاردفت غنية بنبرة مسرعة مع ابتسامتها الساحرة القادرة علي اشراق كل ما هو مظلم:قصدي يا موني

فابتسمت آمنة بود مردفة بحنان وهي تشير الي ابنائها :اعرفك بقي ياستي ديه حفصة بنتي في آخر سنة في كلية طب بيطري وده ادهم ابني في كلية تجارة في آخر سنة ليه برده ولسة عندي ولدين وبنت كمان هعرفك عليهم لما يوصلوا بالسلامة أن شاء الله

ابتسمت غنية بلطف مردفة بنبرة مهذبة الي حفصة وادهم :تشرفت بيكوا

اردف ادهم بنظراته الوقحة المسلطة عليها بدون ادني احترام:ده احنا اللي اتشرفنا بيكي يا قمر ده انتي حتي نورك غطا علي اللمبات النيون

نكست غنية راسها الي الاسفل كي تبتعد عن مرمي نظراتة المخيفة مردفة بخفوت:شكرا

اردفت آمنة بمحبة وهي تبتسم :خليكي انتي يا حفصة مع الجميل ده مشيرة إلي غنية التي بادلتها الابتسامة وانا هروح احضرلها لقمة تاكلها

اردفت غنية مسرعة بتوتر:ملوش لزوم يا طنط انا لازم امشي

عنفتها آمنة باصطناع: قولت هحضرلك لقمة يعني هحضرلك خلاص مفيش اي نقاش مسترسلة حديثها كأم لها انتي مش شايفة وشك اصفر ودبلان ازاي

اردفت غنية باستسلام:حاضر اللي تشوفيه حضرتك بس ياريت بسرعة عشان لازم امشي ضروري

اردفت آمنة بابتسامة:مش هتاخر عليكي يا حبيبتي ثواني والاكل يجهز ثم وجهت آمنة حديثها إلي ادهم بغضب اخفته:تعالي معايا يا ادهم

لم ينتبه ادهم لحديث والدته كانه في عالم اخر لا يحيد بناظريه عن تلك الفتاة التي استحوزت علي عقله باكمله مسببة افكار شيطانية داخل عقله حتما قد تودي بها الي الهلاك

اردفت آمنة بنبرة قوية لابنها:ادهم

استفاق ادهم من حالة التفكير الشيطاني الذي اصابه مردفا لوالدته:ها

اردفت آمنة بحزم جاد:تعالي معايا

اردف ادهم بضيق من والدته:حاضر يا ماما جاي اهو

************************************************

خارج الغرفة القابعة بها غنية وبحوزتها حفصة:-

اردفت آمنة بنبرة شك :فيه ايه يا ادهم

اردف ادهم بعدم فهم مصطنع :فيه ايه يا ماما

اردفت آمنة بغيظ:انت هتستعبط يا واد مالك كنت بتبص علي غنية كدة ليه نظراتك مكنتش مريحاني .

مسترسلة حديثها تلكزه في زراعه بعنف: ايه مفيش خشا اش حال مكنش عندك اخوات بنات

اردف ادهم بغضب مصطنع :اي اللي انتي بتقوليه ده يا ماما

ثم اكمل حديثه موليا ظهره لوالدته حتي لا تشك في أمره:انا هبص عليها ليه بس انتي اكيد بيتهيألك

اردفت آمنة بعدم تصديق:ماشي يا ادهم انا هعديها بمزاجي بس لو صدر اي حاجة من الحركات بتاعتك ديه تاني انا مش هعديهالك بالساهل .فاهم

أردف ادهم بلامبالاه :فاهم يا ماما اي أوامر تانية

اردفت آمنة بحزم:لا عوزاك تدخل اوضتك ومتخرجش منها طول ما غنية موجودة هنا

أردف ادهم بانصياع مصطنع متجها الي غرفته:حاضر يا ماما

اردفت آمنة بعد أن تأكدت من ذهاب ابنها:ربنا يهديك يا ادهم

************************************************

صوت طرقات حادة من قبل فتون علي باب منزل عائلة زوجها زيدان التي تسكن اسفلها في نفس البناية التي تقيم بها وعلي الرغم من تاخر الوقت إلا انها لم يخطر ببالها سوي الاطمئنان علي زوجها مهما كلفها الامر.

استيقظت والدة زيدان من نومها فزعة من صوت دقات باب المنزل محاولة إيقاظ زوجها

مردفة بفزع:فؤاد. يا فؤاد اصحي بسرعة

أردف فؤاد بقلق:فيه ايه يا أسمي مالك

اردفت أسمي بغيظ :مالي ايه يا انت مش سامع الرزع اللي علي الباب تعالي نشوف فيه ايه ربنا يسترها

اسرع فؤاد متجها ليري الطارق علي باب المنزل بصحبة زوجته أسمي مردفا بقلق :استر يا رب

تسائلت اسمي بقلق عندما وجدت زوجة ابنها:خير يا بنتي عمار تعب تاني ولا حاجة

هزت فتون رأسها باستنكار مردفة بقلق لوالد زوجها :عمي هو زيدان مكلمكش

استراح فؤاد عندما علم بمجيئ زوجة ابنه مردفا بود:اه يا بنتي كلمني وقالي أن عنده نبطشية في القسم النهاردة واحتمال ييجي الصبح بدري

تنهدت فتون براحة مردفة:الحمد لله يارب

ثم أكملت بعتاب لوالد زوجها :طب ليه مقولتليش يا عمي بدل القلق ده انا كنت هموت من الرعب لما لقيته مبيردش علي تليفونه

أردف فؤاد بعقلية:ما انتي عارفة يا بنتي انه لما بيكون في الشغل بيعمل التليفون صامت وانا كنت هقولك بس مرضتش اقلقك انتي وعمار في وقت زي ده

اردفت فتون بتنهيدة:قلق ايه بس يا عمي هو انا كدة مقلقتش يعني هو فيه اهم من زيدان عندي انا وعمار

ثم أكملت :علي العموم الحمد لله أنه بخير معلش ازعجتكوا هطلع انا بقي عشان عمار لو صحي

أردفت اسمي بهدوء:مفيش إزعاج ولا حاجة يا بنتي اطلعي انتي عشان ابنك وكلها طلوع الشمس وتلاقي زيدان جيه بالسلامة أن شاء الله

اردفت فتون :أن شاء الله . تصبحوا علي خير

أردف فؤاد واسمي بود:وانتي من اهل الخير يا بنتي

************************************************

براحة يا غبية ايه علموكي في كلية الطب انك هتتعاملي مع بهايم .

هذا ما اردفه جاسر عابد البحراوي في وجه تلك الطبيبة التي تضمد جراح رأسه الذي نزف شدة

اردفت الطبيبة بتلعثم واضح في نبرة صوتها من مظهره الغاضب:ا.نا ا.سف.ة ي

قاطعها جاسر بصراخه الحاد:خللااااااص انتي لسة هتستهجي.غوري من وشي يلا

لم تنتظر تلك الطبيبة المسكينة أكثر من ذلك بل أسرعت في خطاها كي تتقي شر هذا المتعچرف

أردف عابد البحراوي بنبرة تحمل السخرية:ايه متشطرطش علي الحمار هتتشطر علي البردعة

أردف جاسر بشرر يتطاير من عينيه :ورحمة امي ما أنا سايبها غير لما تبقي بتاعتي وملكي.ملكي انا وبس

ثم استرسل حديثه بتملك وجنون:ملك جاسر البحراوي وبس

أردف عابد بصراخ:ايه مش مكفيك اللي حصل عايز ايه تاني؟ثم اكمل بغضب:مش هترتاح غير لما تخلص عليك ديه حتت بت ولا تسو...

قاطعه جاسر بتحذير:بابا كلمة كمان ومش هتشوف وشي تاني ثم أكمل حديثه بشر: انا هعرف ازاي اوصلها واندمها علي انها اتجرأت عليا وفي الاخر هتبقي ليا برضاها أو غصب عنها هتبقي ملكي.

************************************************

تنويه :- بالله عليكوا يا بناويت بلاش تم والملصقات اللي بتعملوها في الكومنتات ديه انا مش عايزاكوا بس تعملوا رياكتس علي الفصل لأ انا عايزة اعرف رايكوا يعني تقولوا المفروض احسن من كذا... او كذا.. ديه اول رواية ليا وغير أن انا محتاجة تشجيعكوا لا انا محتاجة تقولولي إذا كان السرد كويس ولا لا وتتوقعوا اللي هيحصل البارت الجاي حتي لو اي حد عنده ملاحظة يقولهالي وانا هعمل بيها انا عايزة ف الكومنتات رايكوا لان تشجيعكوا ده بيحفزني جدا والله لو تعرفه انا بتعب قد ايه في اني بقرا الفصل اكتر م مرة عشان ميكونش فيه أخطاء إملائية وبحط نفسي مكان اللي بيقرأ وبقول الكلمة ديه احسن وبدور ع المكان المناسب اللي بحط فيه الكلام مش بكتب كدة وخلاص وبسيب فراغ لو مش سايبة عشان الكلام ميخشش ف بعض وتعرفوا تقرأه كويس

الثالث من هنا