رواية لبوة الحياة الفصل الثاني 2 بقلم سارة العبيدي

البارت الثاني

الحقيقة أنني أنهـار يوميًا عدة مرات، وأنهض ، أُرمِّم روحي دون أن يدري أي أحد بما يجري داخلي ، وهذه ميزة أن تُتقن التظاهر بالثبات .

-غير مبرئ الذمه للينسخ ويحذف اسم الكاتبه

نايمين بأمان الله بده طيران يفتر ونسمع اصوات قوات الاحتلال بشارع يبؤ امي طفرت من جهه وبيبيتي خطيه تخاف كلهم وطيران يفتر كبل صعدوا الدرج طفروا لبيت جيرانه طلع ابن جيرانه بوكتها خايف علينا يكول شلون تطفرون والطيران يفتر ماتخافون على نفسكم من الخوف عفنا بيبيتي خطيه بالبيت لان متكدر تنزل من درج على بيت جيرانه فرجعت اني عليها وفتحت باب الشارع شفته ماكو احد ابن جيرانه فتح بابهم يصيح علينا ومانحس غير الرمي اشتغل وصايح كبل طبينا بيت جيرانه هذاك اليوم مانمنا لصبح كل شويه نكول هسه يجون علينا هسه يعتقلونا من ذاك اليوم حلفت بيبيتي على امي مانبات بعد بيتنا صار يوميه خالي يجي ياخذنا جانوا كلش زينين علينا حتى اثاث بيتنا ورا وفاة بابا هم اتكفلوا بالبيت من ثلاجه لمجمده لفراش جانت بيبيتي كلش زينه ماتقبل احد يسمعنا كلمه بس نسوان خوالي لا اوقات زينين اوقات لا يطلعون ظيم دنيا بينا دائما جانوا يخبثون يحجون على خوالي بس ماجانوا يسمعون لهم لان بيبيتي جانت مسيطره هيه الكل بالكل

واستمرت الحياه هيج بعد فتره رجع دوام دومنا اني واختي سوه بيوم راجعين من مدرسه ابن جيرانه كاتلي الاحتلال لان متعرض لهم كاتل اثنين منهم جانوا سادين طريق اضطرينا اني واختي نروح من طريق ثاني والخوف ماكلنا اكل نمشي ونرجف من يومها قررت ما داوم عد اهلي لان مدرسه بعيده عليه قررت اكمل هالسنه من يم بيت جدي

فكمت اداوم من يمهم

نسوان خوالي ما كانوا راضين دائما يسمعوني كلام بس ماكنت ارد عليهم خاصه وكت لغروب احس حسرة فقدان ابويه وكلامهم لي يسد كل ابواب الدنيا بوجهي كنت اصعد بالسطح اكعد ابجي الي ان ارتاح وانزل الحمدلله كملت الخامس والسادس ونجحت كانت درجاتي اعلئ من بناتهم هذا خلاهم يشدون اكثر وياي

صار لازم اقدم اول متوسط امي كانت شبه بعيده عني او بعيده اصلا

صدك نسيت خلي اعرفكم على خوالي عندي خمس خوال 4مزوجين

وهم علي زوجته سهام

ومحمد زوجته مها

واحمد زوجته رسل

و وسام زوجته ازهار والحلو بيهم كلهم عدهم اربع اطفال فقط

ولي بعده مامزوج طه

وخالات اثنين وحده مزوجه وثانيه بعدها

وهم صغيره ريم وامي جبيره و وسطانيه هيام

ريم:جوري اني اقدملج على متوسطه نروح اني وزوجة خالج ازهار

جوري: ماشي خاله بس مانتأخر خاف ينغلق تقديم اني ابقه اوهس كلش مستعجله ماعندي صبر

ريم:لا ولج توني يلا فتحت المدارس

جوري: ماشي صبرت صبرت

كعدت ثاني يوم رحنا للمصور صورت علمود تقديم وثالث يوم رحت انا وخالتي وزوجة خالي ازهار قدمنا

اتعرفت على بنت جيران بيت جدي حتى اروح وارجع معها داومت كنت كلش فرحانه طبعاً اشتريت ملابس خالتي ريم كانت هيه تروح وياي لسوك وبيبيتي تنطيني فلوس بقيت اداوم من يمهم كنت ادرس وحدي واستمع لنفسي واذا معرف شي بلانكليزي لان كنت مو هلكد بي بس انجح اروح لخالي احمد يساعدني

مرت الايام عاديه ونجحت من الاول الحمدلله درجاتي زينه

رحت للثاني تعرفت على بنات المنطقه صرنا نروح سوه ونرجع سوه

وهالسنه قدمت بنت خالي معي صارت اول متوسط بس مستواها ماكان زين لان نفس افنديه اختي بالها يم تلفزيون

طبعاً امي ماكانت تعرف اصلا كم ماده عندي ولا احد يسألني شنو عندي شوكت امتحن شوكت ادرس اني كنت مهتمه بنفسي وبدراستي

بيوم كملنا امتحانات السعي قبل نص السنه استلمنا شهايد كنت كلش فرحانة لان ناجحه درجه وحيده لترد العين هيه انكليزي 60 باقي كلها من 85 وفوك

رجعت اني وبنت خالي وسن

ها وسن بشري نجحتي

وسن: لا جوري بمادتين امي هسه شسوي بيه لو ابويه يموتني بلا شي يكره البنات

جوري: عادي حبيبتي باخر السنه شدي حيلج نجحي

رجعنا البيت اني ماحجيت حتى ماتنقهر بنت خالي وامها تشد وياي

بس اخوها صغير يلعب لجنطتها وطلع شهاده مالتها واني كنت اقرا بلغرفه مالتي وما اسمع الا صايح وعياط

طلعت من غرفه خالي يصيح على بنته لان بمادتين وزوجته تحجي

علي واذا بنت بمادتين اني هم كتلتها بس خطيه اثنينا عليها هيه ساعدني بشغل مو نفس جوري لا اب ولا اخوان بس تقرا طبعاً تنجح وباوعت عليه طبكت باب غرفتهم بوجهي

رجعت للغرفه دموعي نزلن ذكرت تكول بلا اب اي صحيح بلا اب اني والله حسره اصيح يابه ربي ليش اني انحرم من ابويه ليش والله اريد اصيح يابه اوف احسها غريبه هلكلمه عليه

كمت ادرس وابجي الى اذن مغرب كمت صليت وبقيت ادعي بعدين طلعت تعشيت رجعت لغرفتي كنت ماحب اختلط بيت جدي بي بشر بس على وجبات الاكل او من يجون اهلي اسلم عليهم واطب لغرفتي امي كانت ماتسال ولا تهتم حتى من اتمرض مادير بال بيبيتي وخالي طه هم يهتمون بيه

مرت الأيام رغم بعض مشاكل ولكلمات كنت اسمعها وتنغص عليه

لكن كنت اعبر انقهر وابجي الى ان ارتاح والحمدلله عبرت الثاني والثالث صرت اعداديه

بهاي الاثناء خالتي ريم زوجت وخوالي صارت مشاكل وكل واحد طلع بيته

بقه بس خالي احمد وعائلته وخالي طه اني كنت بس بلعطله اشتغل وبيبيتي سخرني افرش لها ولجدي واجيب شغلات يحتاجوها

رسل: اني ماشتغل وحدي مابيه وبيت جبير دبروا نفسكم

بيبيتي: جوري دراسه عدها ماخليها تشتغل اي شيء خلي اشوف امها دز ياسمين ساعدج

امي وافقت ادز اختي واجت اختي على بيت جدي اني معها زوجة خالي كانت كلش مستغله واختي عاقله ماتحب مشاكل ولخاطر امي تسكت علمتها شغل البيت حتى الخبز والطبخ خلت شغل كله عليها هيه يادوب ساعدها بكم شغله

اهنا اني قررت اروح بلعطله على بيت اهلي حتى اساعد امي واشتغل بمكانها بلعطله

كنت قليل اختلط بولد عمي لان حياتي بيت جدي

خلص دوام رجعت للبيت تعبانه لان فترة امتحانات ودراسه تعب وارهاق رجعت كبل للغرفه نمت كعدت العصر

كلت ياسمين اني راح اروح لبيت اهلي خطيه امي وحدها

بيبيتي ماتقبل اروح لان تعودت عليه يمها

صاحت بيبيتي عليه شفتي كتلج بيبيتي تعرف شوكت اكعد وشوكت احجي ههههههه خلي اشوفها وارجعلج

ها بيبي

بيبي: ولج جوري صدك ناويه تروحين

جوري: بيبي خطيه امي وحدها

بيبي: ولج اني وحدي تعوفيني

جوري: بيبي تره ياسمين يمج وامي خطيه وحدها

بيبي: تجين لو تروحين الى ان يبدأ دوام

جوري: لا بيبي والله العظيم اجيج ليش ابقه للدوام شكو والله يوميه اجي

بيبي: تمام روحي بس تره انتي كلتي اجي

جوري: والله اجي يلا رايحه اجمع اغراضي

بيبي: تعاي خلي ابوسج وروحي ماشي رحت بستها وبست رأسها وجمعت اغراضي اجيت لاهلي

طبعاً كلش صعب اتأقلم لان ماعشت بيتنا كان مايعجبني شي عندي وسواس نظافه لازم اول ما اوصل البيت اكعد انظف عبالك مهجور اخ اخ لشوكت ابقه انظف تبقون وصخين

امي ترزل بيه شنو قصدج ولج انتي بيج خبال نظافه شسويلج نوب لسانه متر خاتون جوري اشتغلي وانتي ساكته

كملت شغلي وصار روتين تنظيف اكل نوم فقط

بيوم بالليل كنا كاعدين امي واخواني واجه ابن عمي ماكان عندي اختلاط بيهم بحكم عيشه مالتي بيت جدي بقه يتعلل يمنا وضحك وسوالف وبقئ يوميه يجي بيوم بالليل طلع امي صاحت جوري سدي الباب ورا اسيد ماشي يمه

خلي اعرفكم على أسيد لان البارت الجاي وياي مكروه

تفضل أسيد احجي عن نفسك

أسيد ابن عم جوري ام لسان م٩١ تارك دراسه واشتغل طولي ١٧٥ جسمي ضعيف اسمراني شوارب خفيفه عندي عائلتنا بسيطه فقط اني وخواتي ثلاثه مزوجات

جوري: طلعت اسد الباب ماحس الا رجع عليه ولزم ايدي.........

انتظروني بالبارت القادم