رواية لبوة الحياة الفصل الثالث 3 بقلم سارة العبيدي
لا يبكي الناس دائما لأنهم ضعفاء
يبكون أحيانا لأنهم كانوا أقوياء لمدة طويلة
#
رجع عليه لزم ايدي أسيد شكو شبيك وخر إيدك
أسيد:جوري اريد رقمج
جوري: صدك ماتخجل تره انت ابن عمي وماعندي موبايل اني يلا باي
أسيد: صدك ماتخجلين تفكيرج وين افهمي بعدين احكمي قصدي شريف مارايد منج شي اريد احجي وياج بموضوع
أسيد: صدك ماتخجلين تفكيرج وين افهمي بعدين احكمي قصدي شريف مارايد منج شي اريد احجي وياج بموضوع
جوري: تمام بعدين افهم ممكن تروح مع السلامه
أسيد: مو صوجج صوجي اني واكف احجي وياج
جوري:والله يالله دروح عمي الله وياك
راح سديت الباب واني احجي بيني وبين نفسي هذا شبي حاسب نفسه والله يالله فد بايه شايف روحه لو حلو شنو سويت
طبيت لكيت امي تحجي
ماما: كل هذا حتى سدين الباب ورا جان نمتي
جوري: لا مو رحت للحمام فرشت اسناني واجيت فدمره
ماما: طفي ضوه وجيبي مي يم راسي ونامي
جوري: ماشي ماما
طفيت ضوه ونمت وبقت الايام تمر مرور الكرام بين تنظيف وطبخ وحياه هادئه
ورا اسبوع اجه الافندي أسيد بالليل اني من اجه رحت كعدت وحدي شكو مكابله جهرته
هو بقه يحوص يريد يحجي وياي وكل شويه جوري السنه الجايه اي صف يسال بامي وصوته واصل لرأس الفرع
اني مغلسه بعدين كطع نفس ما اطلع وراح
وبقه يجي بين يوم ويوم لو يوميه
امممممم اخيرآ راح يجي رمضان وتصير تحضيرات وتغيرات روتين شكد احبه هالشهر 
ولو مو وكت رمضان بس يلا رمضان كريم عليكم
طبعاً بيبيتي هاي الفتره كلها كل اسبوع اروح عليها من عصر وارجع بالليل
قبل رمضان اجت هيه الصبح تقريبا الساعه ب11 خطيه متسوكه مسواك رمضان كله وجايبه ذبيحه كامله ودجاج وانواع بهارات وعصاير
دكت الباب ومن صوتها العالي اعرفها بيبيتي
جوري: جايه يابيبي مو الباب راح يوكع من دك
بيبيتي: ولج جوري ساعه تفتحين الباب السايق ينتظر عيب
جوري: فتحت الباب سلمت على بيبي هاي شنو بيبي تردين تفتحين بقاله عدنا لو شنو
بيبي: انجبي ولج هاي الكم لرمضان ما ينطيني قلبي اجيب لبيتي واعوفكم اذا ناقصكم شي كولي حتى اجيبه قبل رمضان
جوري: يروحي تسلميلي بيبي ربي يحفظج لنا امووواح
بيبي: ولج عبالج قلبي ينطيني اجيب شي وانتم لا غير يطلع سم عليه
جوري: اسم الله عليج بيبي
بيبي: يلا يمه اني رايحه امج وين طالعه.ماتكعد بالبيت سدي الباب وراي ديري بالج تفتحي لاي شخص
جوري: ماشي بيبي بس ابقي تغدي وروحي فدوه عفية بيبي لخاطري
بيبي: تدرين بيه مارتاح غير بيتي وجدج هسه يظل يسال عني تجين العصر مو
صار يومين ماكو....
ماكلتي بيبيتي اروح يمها
جوري: لا بيبي باجر اجي اليوم مالحك وراي تقطع لحم وارتب اغراض
بيبي: ماشي يمه يلا مع السلامه
راحت بيبي طبعاً كل حجي يجي من توصلين الباب ههههههه
خليت اللحم بلمجمده كلت خلي ارتب الاغراض بعدين اقطعه
رتبت الاغراض واجت ماما واخواني هو ماينجمعون غير على وجبات الاكل ههههههه
كملت الغده نظفت المطبخ كعدت اقطع بللحم.اوف يابه انكسر ظهري راح اموت من وجع اخ اخ ظهري
ماصدك كملت كبل للحمام ركض ههههههه
طلعت.مشطت شعري خليت عطر ومددت ارتاح
اذن مغرب صليت وسويت العشاء
وكلعاده اجه المكروه أسيد هلمره طبيت نمت وعفته
واجه اول يوم رمضان والكل فرحان ومن العادات العراقيه النهار نايمين وبالليل لكل سهران الله تخبل هلايام لي يحضر اكل ولي يحجي ولي يلعب
مرت الايام اوقات اروح بالليل لبيت جدي واوقات اكعد انظف ورا فطور
امي طبعاً مادخلها بشئ كله عليه
بيوم رحنا على بيت جدي ورا الفطور لكت بيت خالي كلهم مجتمعين وخوالي بلاستقبال
اني وبنت خالي وسن خباثه فول مثل اطفال اذا اجتمعنا لازم كارثه تصير
نسوان خوالي وامي وخالاتي كلهم بغرفة بيبيتي
وخوالي بلاستقبال
والاطفال بشارع يلعبون
اجت وسن يمي اكلج جوري خلي نخبث ضوجه ههههههه
جوري: ولج كبرنا عيب كعدنا نحجي ونذكر ايام قبل من كنا صغار
وسن: جوري امانه تذكرين العزيمه مالتنا والطلي اجه ياكل ويانا ههههههه لو هذاك الجلب الي ركض ورانا وعضني ههههههه
جوري: ولج كافي حموت من ضحك
وسن: جوري عندي خطه تنفذين وياي
جوري: خيرج شكو مصيبه اكيد
وسن: كولي اي ماعليج
جوري: اوك موافقه احجي
وسن: شوفي عمي محمد رزلني بارحه اني اريد حقي
جوري: قانونيا لو عشائريا خو ماكو شي حقج شنو غير انتي غلطانه
وسن: لا والله ولج بس لكاني واكفه بالباب كام يصيح
جوري: تستاهلين شعندج بالباب انجبي وسكتي
وسن: مهم هسه خلي احجيلج خطه شوفي راح اجيب سجينه اخليها بتخم من يكوم خالي محمد بمكانه
جوري: عزه بعينج ولج يكعد عليها يروح رجال
وسن: لا اخليها كلها بتخم بس تنكشه مايتاذه
جوري: ههههههه لا عيني ماعليه اني
وسن: ها تتخلين عني ولج اني اخيتج
جوري: ماعليه واني عندي اخت وحده ياسمين وبس ههههههه
وسن:ماشي راح اسويها وحدي بس لا تحجين تفضحينا
جوري: عزه بعينج ولج يتأذه تره
وسن: ماعليج اني اعرف شلون بس غير يطلع يفضنا
والله طلع خالي محمد للصحيات و وسن طفرت جابت سجين كعدت بمكانه ورتبت وضع ههههههه
اني طفرت بره لان اذا ابقى اصخم وضع
رجع خالي كعد بمكانه اني ما اسمع غير صايح
تفاعلوا ويه القصه لان واهس بسبب تفاعلكم صفر 
الي لقاء في البارت القادم
الرابع من هنا
