رواية ذات العيون الزرقاء الفصل الثاني 2 بقلم ام فاطمة
ذات العيون الزرقاءروح اياد البيت ودخل اوضته وهو مش مستوعب ال بيحصله وحاول يفكر فى اى حاجة تانية عشان ينسى بس مش قادر
قام وهو بيغير هدومه وبيلبس وبيبص فى المراية شاف الله اكبر البنت ال شافها فى دريم بتبصله وببتسم وتقول حمدلله على السلامة يا اياد
خاف اياد ورجع لورا حتى اتكعبل فى السرير ووقع عليه وهى جت قعدت جمبه
فقال بفزع انتى مين ودخلتى هنا ازاى
قالت وهى بتطبب عليه وحس بسخونية جامدة من ايديها انا سهرمار
قلها ايه الاسم الغريب ده وانتى ازاى جيتى ودخلتى وعرفتى اصلا عنوانى وامى اصلا ملقتش ان فيه حد جوه او حد جهوحاول يبعد عنها وهى تقرب اكتر واكتر
وقالت انا سهرمار بنت ملك الجن
قال اياد جن اعوذبالله من الشيطان الرجيم ووقع اياد واغمى عليه فى الارض ودخلت امه على صوته
واختفت سهرمار
واتخضيت مامت اياد وجريت عليه وهى بتقول مالك يبنى جرالك ايه وجابت برفان وشمتته وبدء يفوق وسندته وقعدته على السرير وهى خايفة وقلقانة عليه وتقله مالك يا اياد فيه ايه يا حبيبى حاسس بايه
قلها مش عارف انا كنت كويس وكنت بكلم وبص حواليه ملقهاش فمكملش كلامه وخاف يقلق امه
وقال مش عارف يا ست الكل هو شكله مجهود الرحلة وانا بس محتاج انام شوية وبكرة ان شاءالله هبقه كويس متقلقيش عليه
بس خليكى نامى جمبى متسبنيش
ضحكت مامته وقالت انت يا واد هتكبر امتى بقه
وفعلا نامت جمبه امه
ونام اياد وجتله سهرمار فى الحلم وقالت اياد حبيبى
هتوحشنى عقبال مجيلك تانى سلام
قام اياد مفزوع وقامت مماته على صوته وهى بتقله خير يبنى متخفش انت كنت بتحلم وشربته شوية ماية ونام تانى وقام تانى يوم فطر مع مماته بس على غير العادة مش بيضحك ولا يهزر وسرحان
ومماته حولت تكلم معاه لقته مش مركز معاها وقلقت وقالت انت شكلك تعبان يا حبيبى بلاش كلية النهردة
فقال اياد لا هروح انا محتاج اغير جو واقابل اصحابى
فقلتله بس يبنى قلها متخفيش عليه يا ست الكل انا كويس وباس راسها ومشى وهى بتدعيله ربنا معاك يا قلب امك وترجع بالسلامة
راح اياد الكلية وهو بيمشى حاسس ان فيه خيال وراه يبص لقه القطة السودة كل ميدخل فى اتجاه يلاقيها وراه
خاف ومصدق شاف سمير ولسه هيحاول يحكيله راح شاف سهرمار وراه وبتبصله وتقله اوعى تحكى لحد او تقول انك شايفنى لان محدش هيقدر يشوفنى غير انت بس
وسمير كلم اياد وقال عامل ايه دلوقتى ومالك سرحان ليه اكيد مستنى الموزة سماح انا لسه شيفها مخلصة محاضرات ونزلة فهتشوفها وتهبط يبنى ولو انى مش مرتحلها
فقله اياد ازاى دى حلوة اوى واستايل قله سمير مهو مش بالبس والميكب شوف اهى نزلة عمالة توزع ضحاكتها لده ولده ولده والكل عمال يبصلها ويبص لتفاصيل جسمها لكن دى مش من النوع الانسان يحب يرتبط بيها
لما ارتبط هحب انسانة بتحب الستر ومحتشمة مش بتبين مفاتتنها الا على محارمها مش لكل من هب ودب
حاجة كده امنها على بيتى واولادى فيما بعد
فقال اياد ايه يا عم الكلام الكبير ده كله ال يشوف كده يقول انت مبتسبش فرض وعمرك مكلمت بنات
قال سمير انا عارف انى مقصر بس المغريات كتير قدامنا وغصب عنى وانا بحاول ودلوقتى اتعرفت على زميل لينا اسمه عمر شاب جميل وملتزم وملتحى وبيكلم كلام لما تسمعه قلبك يستريح
تحب اعرفك عليه فقال اياد ان شاء الله بس وقت تانى يا عم انا مش ناقص مواعظ دلوقتى
هروح افك نفسى مع سماح الا على اخرى وعايزة انسى
فقال سمير تنسى ايه فتردد اياد وقال اقصد انسى هم ان الامتحانات قربت
جى يمشى اياد ويقرب على سماح وشفته وبيسلم عليها لقه سهرمار وقفة وراها وبتقول لو سملت عليها او كلمتها انا هحرقها وهحرقك يا اياد
رجع اياد لورا وسماح بتقله مالك انت هتعمل حركات زى امبارح انت مبقتش طبيعى خالص يا اياد
حاول اياد تانى يقرب من سماح ويسلم فلقه سماح بتصرخ ان شعرها من تحت فيه نار من تحت وجريت بنت وقفة طلعت ازازة مية وكبتها عليه واطفى وهى تعيط وبترمى اللوم على زميل ليهم انه كان بيولع سيجارة وهو السبب واتحول. للتحقيق وهو مظلوم وان السبب هو سهرمار من غيرتها على اياد
عدى اليوم وروح اياد وجى يولع نور اوضته لقه صوت بيقله متولعش النور خلينى اعرف اقعد معاك شوية اكتر عشان انا مش بستحمل النور بهيئة الانسان
اتفزع اياد وقال انتى تانى انتى عايزة منى ايه
قلتله انا بحبك وعايزاك ولو قربت من حد تانى انا هحول حياتك لجحيم وحياة ال يقربلك
فقلها ليه بتعملى كده وعايزة تأذينى انا عمتلك ايه ابعدى عنى
قلتله مقدرش انا حبيتك من ساعة مطبطت عليه فى الشارع قلها امتى ده قالت لما كنت على هيئة قطة
قال ازاى بتكونى فى قطة
قلتله انا بقدر اتحول لكل الاشكال فى ثوانى معدودة
وقربت منه سهرمار وقعدت تبصله وهو حاسس انه مبقاش خايف منها زى الاول وقعد يدقق فى ملامحها
قد ايه جميلة بشرتها بيضة اووى وعيونها زرقة صافية وشعرها اسود حرير طويل للارض وحس انها حضنته لدرجة ان عظام صدره وجعته وبعدت سهرمار
وهى بتقول انا بحبك اياد وانت لازم تيجى معايا فى عالمنا تحت الارض واقدمك لوالدى ملك الجان ونتجوز
فقلها ازاى إنسى يتجوز جنية وهيخلفوا ايه وضحك اياد بس سهرمار غضبت وتحولت عينيها للاحمر واتفزع اياد وبعد فقالت ارجوك متعصبنيش عشان مرجعش للهيئتى الجنية مش هتستحمل تشوفنى بيها
فقلها مش هستحمل امال هتجوزك تحت واكيد تحت هتتحولى لطبيعتك
فقالت سهرمار مهو قبل منتجوز بابا ملك الجان هيحولك لجنى زييى وهنبقه زى بعض
اتفجع اياد وقال انا ابقه جنى لا لا لا لا
سهرمار طيب انا هسيبك تفكر بس هرجعلك هرجعلك مش هسيبك انا بحبك
مبقاش عارف اياد يعمل ايه ويتصرف ازاى وفى نفس الوقت خايف اوى ومش عارف يحكى الموضوع لحد
وفى نفس الوقت حس انه كمان انجذب لسهرمار وبدء يتعلق بيها
وعاش اياد يومين طبيعى يروح ويجى الجامعة وينام عادى ومجتش سهرمار ليه
فبدء يسئل هو انا كان بيتهيئلى كل ده ولا فعلا انا شوفتها بس راحت فين وحس اياد انها فعلا وحشته وكان عايز يشوفها تانى
فيترى هيشوفها ولا وهيعمل ايه لو شافها هيوافق على جوازه ويتحول ويبقى زيهم
ده ال هنتعرفه فى الحلقة الجاية باذن الله
يارب بتكون بتعجبكم وحسه وانا بكتبها انها رجعتنى الف ليلة وليلة بتاعة شريهان
كنت بحبها صراحة وبستناها كانت ايام جميلة غير حجات دلوقتى التافهة
