رواية احببت طريدتي الفصل الثاني والعشرين 22 بقلم اسماء المصري

فى نفس الوقت جلست فريده بالفرفه التى اتخذتها لنفسها بمنزل ابنها حانقه تتحدث مره اخرى على الهاتف بعصبيه :

_ الفرصه كانت قدامك من شهور بس انتى غبيه و ضيعتيها من ايدك و خلاص كل حاجه هتروح .

اجابت كارما من الطرف الاخر :

_ لا لسه مراحتش .

هدرت بها فريده بحده :

_ بقولك طلبها للجواز قدامنا كلنا ، تقولى لسه !

هتفت بغل و اصرار :

_ انا جايه فى الطريق و هتعرفى ان مش بالساهل كارما تتاخد لحم و تترمى عضم .

حفزتها فريده :

_ ورينى شطارتك ، انا مش عايزه غيرك جنب ابنى لان انتى اللى تليقي بيه .

دخلت بيرى غرفتها باكيه غير مصدقه لما حدث تنتحب بقوه :

_ كل حاجه ضاعت انطى فريده .

لعبت فريده على الطرفين حتى تضمن افشال تلك الزيجه التى قد تهددها فقالت بتخطيط :

_ مفيش حاجه ضاعت ، اعملى انتى بس اللى هقولك عليه و انتى تكسبى .

صمتت قليلا مدعيه الحزن و اردفت :

_ لو كنتى من الاول سبتينى اساعدك كان زمانى شايله ولادك من فارس و بلعب معاهم .

شردت بيرى فيما قالته و تخيلت نفسها بجواره و زوجته و ترعى ابناءه فهتفت بتمنى :

_ و ده ممكن ؟ طيب ازاى ؟

اجابت فريده بشرر :

_ هقولك ، اسمعى ......

~~~~~~~~~~~~~~~~~~~~~

بعد لحظات دلفت كارما لمنزل فارس و دون سابق انذار اقتربت منه فى لهفه تعلقت برقبته بحميميه هاتفه بوجل :

_ الف سلامه عليك ، انا كنت هتجنن و اجيلك المستشفى بس الحمد لله انك بخير .

انزل يديها من على عنقه ببرود و نظر لها بغضب و رد بصوته الرزين :

_ انا كويس يا كارما ، مفيش داعى تخافى بالشكل ده .

صاحت بلهفه :

_ ازاى مخافش ؟ بقا اسمع ان اتضرب عليك نار و تدخل المستشفى و الاقى تعتيم اعلامى و كمان مبقاش عارفه اوصلك و تقولى مقلقش !

نظرت لها ياسمين بغيره رهيبه ليتحدث مازن محاولا تغير الموضوع لاستشعاره خطر قريب :

_ كنتى سألتينى ما انا معاكى فى الشركه كل يوم .

أجابته ببرود :

_ بس بقالك اربع ايام مش بتيجى و لما سمعت بصراحه مفكرتش كتير .

هتف فارس بنفاذ صبر و عصبيه :

_ خلاص بقا مش قضيه ، اتفضلى يا كارما خدى واجبك انتى اول مره تدخلى بيتى .

قالها ليؤكد لحبيبته ان هذا البيت لم يطأ احدا غيرها قدمه و لكنها شعرت بحزن و ضيق فإستاذنت بالرحيل هاتفه برقه :

_ انا اطمنت على حضرتك ، همشى و ان شاء الله من بكره هكون فى الشركه .

تدخلت كارما بسخافه :

_ بكره الجمعه يا ياسمين صح النوم .

ابتلعت لعابها بضيق و اومأت معتذره :

_ اه سورى ، اقصد بعد بكره .

.

اقترب فارس منها غير عابئا بمن حوله و قبلها فى وجنتها اليمنى وسط خجلها و حمره وجهها و تكلم بصوت هادئ :

_ استنى البس و اجى اوصلك .

رفضت معلله :

_ لا طبعا انت لسه تعبان .

تدخلت كارما هاتفه بخبث :

_ حضرتك يا ياسمين ، نسيتى و لا ايه ؟

التفت يرمقها بنظره جامده و حاده فابتلعت لعابها بخوف و عاد ينظر لمعشوقته هاتفا بصوت هادئ :

_ طيب خلى كارم يوصلك .

هتفت باصرار :

_ لا مفيش داعى ، انا همشى لوحدى .

نظر لها بمعاتبه و رد بتاكيد :

_ مش انتى عارفه انى مش بحب اعيد كلامى مرتين ؟

و قبل ان توافق تدخلت كارما بالحوار هاتفه :

_ انا هوصلها على طريقى ، انا كنت جايه اطمن عليك و امشى على طول .

رفض فارس متوجسا منها و مما تضمره بداخلها فقال :

_ ملوش داعى يا كارما .

هتفت باصرار و هى تتحرك تجاهها ساحبها اياها معها :

_ خلاص و الله انا هوصلها ، بسيطه .

خرجتا سويه فنظر فارس فى اثرها و هتف مازن بسخريه :

_ اوووبا هتولع دلوقتى .

التفت له فارس متسائلا بحيره :

_ تفتكر كارما ممكن ....

قاطعه مؤكدا :

_ طبعا يا بنى ، هى كارما ممكن تخسرك بسهوله برده ؟

هتف بحده :

_ هاتلى موبايلى بسرعه .

امسك هاتفه و ارسل لكارما رساله فحواها :

_ ( شيلى اللى ناويه تعمليه من دماغك بدل ما تخسرى كل حاجه انتى عارفانى مش بهدد انا بنفذ ) .

قرأت الرساله و هى تعلم انها وصلت لمبتغاها و قادت سيارتها دون محاوله جذب اى حديث جانبى و لكنها بعد ان ابتعدت عن محيط ڤيلا فارس وقفت فجأه على جانب الطريق و التفتت لياسمين متحدثه بحزن مصطنع :

_ اول مره اشوف فارس تعبان و وشه بهتان كده !

اومأت ياسمين معقبه :

_ فعلا ، ربنا يتمم شفاه على خير .

ردت بتمنى :

_ امين يا رب .

صمتت فنظرت لها ياسمين متسائله :

_ احنا واقفين ليه ؟

اجابتها بفضول :

_ مش قادره امنع نفسى من انى اسالك عن البوسه اللى ادهالك فارس باشا قدامنا كلنا .

قالت بحذر متلعثمه :

_ اصل ... هو عايز ...

قاطعتها كارما بسخريه :

_ اوعى تقولى عايز يتجوزك ؟

اطلقت ضحكه نسائيه خليعه و عاليه ساخره منها بصوره مستفزه فاجابت ياسمين بغضب عارم :

_ ايه اللى يضحك فى كده مش فاهمه ؟

تشدقت بفمها هاتفه بمكر :

_ تحبى تسمعى من الاول ، و لا اجيبلك الخلاصه و النهايه ؟

نفذ صبرها فهدرت بتعجب :

_ ما تتكلمى يا كارما فى ايه ؟

هتفت كارما متصنعه الحيره :

_ هقولك ! اولا تقبلى تتجوزى واحد متجوز ؟

اجابت بتإكيد :

_ لا مقبلش ، بس ده علاقته ايه بموضوعنا ؟

هتفت مجيبه بلمعه مريبه من عينها :

_ هو ده موضوعنا ، انا و فارس متجوزين من اربع سنين .

1

لمعت عين ياسمين ببريق غاضب و ردت بحده و سبه هادره :

_ انتى كدابه ، فارس عمره ما اتجوز قبل كده .

استندت ظهرها على المقعد واضعه قدم فوق الاخرى بكل ثقه و اكدت بهدوء مستفز :

_ عندى كل الاثباتات اللى تحبيها ، عقد الجواز و تقارير المستشفى بحالات الاجهاض المتكرره لانه مش عايز خلفه و صورنا و احنا مع بعض و فيديوهات كمان لو تحبى ؟

ضربت غصه الم صدرها على الفور من مظهرها الواثق و هتفت بضيق :

_ و ليه الجواز ده مش معلن ؟

اجابت و هى تزم شفتيها للامام :

_ بكل بساطه لانه جواز عرفى ، فارس بيحب يبقا على حريته من غير قيود و اكيد انتى عارفه ده بما انكم وصلتم للمرحله دى ، بس فى حاجات كتير اوى لو عايزه تعرفيها عن الراجل اللى هتتجوزيه يبقا تسالينى انا عليها .

رن هاتف كارما فى تلك اللحظه فما كان اﻻ فارس فاظهرت شاشته لها هاتفه بخبث :

_ عايز يطمن انى مش هقولك حاجه .

امتعض وجهها بالغضب و ردت بسخريه :

_ ده على اساس ان فارس الفهد هيخاف منى ؟

اجابت مؤكده :

_ انا مقولتش كده ، بس الاكيد ان فى حاجه هو بيخطط لها عشان كده مش عايزك تعرفى باللى بينا .

هتفت ياسمين بصوت مختنق تحاول استجماع نفسها و طرد الافكار السيئه عن عقلها :

_ و اعرف منين انه مش كدب ؟

اجابت كارما بثقه :

_ بسيطه ، لما تشوفى الاثباتات اللى معايا هتعرفى اذا حقيقه و لا كدب ؟

لبست قناع الحزن و استطردت بوجه حزين :

_ بس اهم حاجه اذا قررتى تكملى معاه او تسبيه يا ريت متجبيش اسمى لانك متعرفيش فارس ممكن يعمل ايه فيا لو عرف و ده الدليل .

اخرجت هاتفها لتريها رقم فارس الخاص و الرساله المرسله منه لتهديدها التى وصلتها اثناء قيادتها لتهتف ياسمين بانكار :

_ مش ممكن ... لا .

اكدت عليها الاولى بغِل :

_ خلينا نتقابل بكره و اوريكى كل الاثباتات ، بس ارجوكى يا ياسمين فارس لو عرف انى قلتلك حاجه صدقينى هتاذى جامد اوى اكتر من اذيته ليا طول السنين دى .

اومأت بحزن هاتفه بتأكيد :

_ متخافيش ، مش هيعرف حاجه .

~~~~~~~~~~~~~~~~

وصلتها الاخبار و هى على بعد الاف الاميال و تفصلها بلاد و محيطات عن بلدها و قد تمزق قلبها الما ، فحبيبها الاول و الاوحد سيتزوج فكيف و هى لا ترى غيره فى حياتها و حتى بُعدها عنه سنوات كثيره الا انها كانت دائما تشعر بالامان لكونه يرفض الزواج فهو لها الى الابد حتى و لو فى احلامها فقط .

3

فاقت من شرودها على صوت والدتها و هى تهتف على الهاتف :

_ انتى سمعانى يا عاليا ؟

ردت عليها بشرود :

_ ايوه يا مامى سمعتك ، بس مقلتليش انتى عرفتى الخبر ده منين ؟

اخبرتها و هى تقص عليها الامر بتفاصيله :

_ من خالك مراد ، ما هم كانو عنده فى البيت لما طلب يتجوزها البنت دى !

سألتها عاليا بدهشه :

_ هى مين دى يا مامى ؟ عرفها منين و حبها امتى ؟ و فارس بيحب ! مين اللى يصدق ده ؟

اجابتها ماجده محركه رأسها بتعجب :

_ محدش مصدق و لا حتى خالك مراد ، هو فى الاول ظهر كام خبر فى النت و الجرايد بخصوصهم هم الاتنين بس الموضوع نام بسرعه ، حتى الحادثه الاخيره محدش عِرف عنها حاجه كانها سر حربى .

استنكرت بحزن :

_ يعنى بيعرف يحب اهو ؟

حذرتها ماجده بخوف :

_ يا بنتى انسى بقى ، العمر بيجرى و انا معنديش غيرك و صحتى على طول فى النازل و محتاجاكى جنبى تتجوزى و تخلفى و تونسينى الكام سنه اللى فاضله لى .

صاحت بحنق متذمره :

_ اتجوز و اعيش حياتى ؟ طيب ازاى و هو نفينى هنا فى اخر الدنيا ؟ كلميه يا مامى خليه يرجعنى عشان خاطرى .

فسرت رفضه بعمليه :

_ يا عاليا ما هو كان كل ما يقرر انك ترجعى تفضلى تتكلمى فى نفس الموضوع و تخليه يسيبك فى المنفى ده .

فكرت بتركيز و قررت بتخطيط و قالت بمكر :

_ لا يا مامى انا عقلت خلاص ، و قوليله انى عايزه ارجع و انى نسيت كل حاجه .

1

وافقتها ماجده :

_ حاضر يا بنتى ربنا يحنن قلبه عليكى و عليا انا كمان .

سألتها لامر ما فى نفسها :

_ و هو لسه زى ما هو مع خالى مروان و مدحت و طنط فريده ؟

ضحكت بسخريه مجيبه :

_ زى ما هو و يمكن بقا اسوء ، خالك مراد حكالى انه بهدل فريده قدام البنت اللى بيحبها .

رفعت حاجبها تهتف بعدم تصديق :

_ معقول !

ردت و عقلها يكاد يستوعب الامر :

_ واضح انه واقع لشوشته ، و حتى مرات خالك فرحانه فرح الدنيا كانها بتجوز ابنها .

هتفت مفسره :

_ ما هى اللى مربياه يا مامى متنسيش .

ايدتها والدتها هاتفه :

_ معاكى حق ، ربنا يسامحه ابوكى الله يرحمه وقتها موافقش اخده عندى قال لى انتى عندك بنت و ميصحش ! لو اتربيتو سوا يمكن مكانش حصل اللى حصل و كنتو بقيتو اخوات .

تجهمت ملامحها هاتفه بنفور :

_ خلاص بقا مش لازم كل ما تكلمينى تقلبى عليا المواجع حرام عليكى .

~~~~~~~~~~~~~~~~~~~