رواية حطام امرأة الفصل الثاني عشر 12 بقلم دعاء سالم

حطام امرأة

البارت الثانى عشر

عمار واقف وبيبص للبنت ومبتسم

المدير: كده يبقا انت اتعرفت على فريقك الى هدربه تقدر تقعد معاهم وتتكلم

عمار بص ليه: اه طبعا يا فندم عن اذنك

طلع عمار وفريقه طلع وراه

ريتاج: شكلها سنه فله

سما صحبتها الى معاها: بتبرطمى بتقولى ايه

ريتاج: لا ولا حاجه ياستى بشوف حظى الاسود بس

سما: ربنا يهديكى يا ريتاج

عمار وصل مكتبه ودخل وفريقه دخل وراه

عمار قعد على مكتبه وهما وقفوا قدامه

عمار: اول حاجه احب اتعرف على الناس الى هشتغل معاهم اتفضلوا عرفوا نفسكم

شاب: طارق عبد العزيز محمد

شاب: عزيز محمد احمد

شاب: ماجد عبدالرحيم فهمى

سما: سما على حسن

ريتاج: ريتاج محمود حسام

عمار: تمام اول حاجه انا مبحبش التقصير فى الشغل كل واحد منكم لازم يعرف ده كويس اوووى هتباشروا عملكم بكل جديه والتزام

احنا بيبقا فى ايدينا حياه ناس ابسط غلطه ممكن تدمرك وتضيع مستقبلك وروح انسان برئ كل ذنبه انه وقع تحت ايدين دكتور فاشل

ريتاج بصوت واطى: ما تعلقلنا المشانق احسن

عمار بص ليها بحده لانه سمعها فهى سكتت وبصت فى الارض

عمار: مبحبش الى يبرطم بالكلام من ورايا عايز تقولى حاجه اتفضل قولى فى وشى مفهوم

الكل: مفهوم

عمار: حظكم ان بعد ساعتين فى عمليه لمستر خالد وهو اعتذر عنها النهارده وانا الى هعملها وانتم طبعا هتدخلوا معايا فياريت تجهزوا نفسكم

عزيز: تمام يا دكتور

عمار: تقدروا تتفضلوا لفوا الشباب والبنات وطلعوا كلهم وريتاج كانت اخرهم

عمار: انسه ريتاج ريتاج وقفت وبصت ليه

عمار: خليكى انتى لوسمحتى عايزك ريتاج رجعت وقفلت الباب ووقفت قصاده

ريتاج: افندم يا دكتور

عمار: استهتارك وعدم اهتمامك وتهورك مش عايز اشوفه فى الشغل احنا بيبقا فى ايدينا حياه ناس وزى ما قولتلك
احب الاشخاص الى اشتغل معاهم يكونوا ملتزمين فى شغلهم لان ابسط غلطه فى شغلنا بتخسرنا حياه انسان

ريتاج: اولا حضرتك لسه مشوفتش شغلى عشان تحكم عليه وياريت متحكمش عليا من الموقف السابق لانه كان ليه حاله خاصه ساعتها خاصه وانا عارفه كويس انى شغلنا عايز دقه ومهاره وتركيزى يعنى مرسى على نصايحك ديه بس انا عرفها ومش محتجاها حضرتك

عمار: يبقا ياريت تنفذيها يا انسه

ريتاج: باذن الله ممكن استاذن بقا

عمار: طبعا اتفضلى انسحبت ريتاج وطلعت من المكتب

ريتاج: شكل عشق بتحبنى اووووى ودعوتها صابت يارب عدى السنه ديه على خير يااااارب واتجهت لاصحابها

وقعدت معاهم يتجهزوا للعمليه ديه مهما كانت ديه هتبقا اول عمليه تنفذيه ليهم كلهم وطبعا كلهم متوترين جداااااااا

#############################################################################

جاسم فى الاوضه فى الفندق ومعاه ميرا

ميرا: بيبى Come down متعصبش نفسك كده وقولى مالك ممكن اقدر اساعدك

جاسم: مش هتقدرى تساعدينى يا ميرا ولا هتفهمينى اصلا

ميرا: بيبى انا بوعدك انى هفهمك وهساعدك

جاسم اخد نفس طويل من السيجاره ونفخه فى الهواء

جاسم: اتجوزت

ميرا عدلت نفسه وبصتله بصدمه: What , You are grezey

يعنى ايه اتجوزت والى بينا ده ايه راح هواء انت بتهزر مش كده

جاسم سحبها ليه تانى: بيبى الى بينا هيفضل زى ما هو وبعدين انا اتجوزتها غصب عنى عشان بابا كان عايز كده

ميرا: يعنى اونكل مش عارف الى بينا مش عارف اننا لبعض

جاسم: بيبى Come down متقلقيش انتى بس الى فى القلب وبعدين شهرين كده وهطلقها

ميرا: يعنى انت بتحبنى انا وبس مش كده

جاسم: بيبى طبعا بحبك انتى يعنى هحب مين غيرك

ميرا: بجد يا جاسم

جاسم: بجد يا بيبى

ميرا: وهطلقها امتى

جاسم: شهرين كده هعمل اى حاجه وهطلقها

ميرا: امممممممم تمام بيبى انا واثقه فيك

جاسم: وانا مش عايز اكتر من كده يا بيبى

############################################################################

يوسف قاعد فى اوضه لسه لحد دلوقتى بيفكر فى الى حصل وبيلوم نسفه حس بخنقه كبيره اووووى مسك تلفونه ورن على خديجه

خديجه: جو حبيبى وحشتنى اووووووى

يوسف: ديجه انا محتاجلك

خديجه بقلق: فى ايه يا يوسف مالك ايه الى حصل

يوسف: اهدى اهدى انتى متقلقيش كده انا كويس

خديجه: امال ايه الى حصل

يوسف: مفتقدك وحاسس بوحده الفتره ديه وخنقه فظيعه

خديجه: هو انت رجعت من فرح الصعيد

يوسف افتكر الى حصل واتردد اوووى انه يقولها ولا لا ولو قلها اكيد هتنزل ومش هتقضى باقى رحلتها وهطربقها على دماغه وهو مش هيقدر يفهما ولا اى حاجه من ديه

خديجه: الو يوسف انت معايا

يوسف: اه اه يا ديجه معاكى

خديجه: ايوه بقا رجعت ولا لسه

يوسف: لا رجعت النهارده من 3 ساعات كده

خديجه: اممممممم واتبسط

يوسف اول ما افتكر حور ابتسم: جداااااا جداااااا يا ديجه

خديجه: اوب اوب اوب ايه النبره الغريبه ديه اوعى تكون وقعت يا جو

يوسف: وقعت ايه يابت بطلى لماضك ديه انا موقعتش غير مره واحده وهى فيكى يا اخره صبرى

خديجه: مرسى مرسى عارفه والله انى شخصيه مهمه

يوسف: متتغريش فى نفسك اووووى كده

خديجه: ياعم سبنى اعيش الحظه

يوسف: ماشى ياستى اسيبك انا واروح انام انا بس حبيت اطمن عليكى واسمع صوتك

خديجه: تمام يا حبيبى وانا هرن عليك فى اليل كده قبل ما انام

يوسف: تمام يا ديجه سلام بقا

خديجه: سلام قفل يوسف مع اخته ونوعا ما حس براحه هى الانسانه الوحيده الى مهما كان شايل هموم الدنيا ديه كلها على كتافه وزعلانه بتقدر تفرحه بابسط الطرق وتشيل هموم الدنيا كلها من على كتافه غمض عنيه حاول ينام لحد ما نام من كتر التعب والتفكير والارهاق

############################################################################

عمر شاف خديجه كانت قاعده فى الكافيه اتقدم ليها لقاها قاعده مبتسمه

سحب كرسى وقعد على قصادها

عمر: خير كنتى بتكلمى مين فرحك كده

خديجه: ده يوسف حب يطمن عليا ويسمع صوتى

عمر: قولتيله

خديجه: تؤ مقولتلوش لو قولتله كان هيقلق وكان زمانه هنا وانا اهو الحمدالله بقيت احسن بكتير

عمر: للدرجه ديه بيحبك

خديجه: واكتر كمان يوسف انا وهو منقدرش نستغنى عن بعض انا بالنسباله امه واخته وصحبته وكل حاجه وهو كمان بالنسبالى كده

عمر: والله شوقتينى انى اشوف يوسف بجد

خديجه: قريب قريب متقلقش اول ما ننزل القاهره باذن الله يبقا تشوفه

سكتت شويه خديجه وبعدها اتكلمت

خديجه بارتباك: امال فين صوفيا مبشوفهاش يعنى

عمر: معرفش ليا فتره مشوفتهاش بس تلاقيها هنا ولا هنا هتروح فين يعنى

خديجه: اممممم تمام

عمر: بس انتى بتسالى ليه

خديجه بابتسامه بتحاول تخفى فيها توترها: لا عادى يعنى مفيش سبب

عمر بص ليها بشك وفضل السكوت

###############################################################################

ياسين دخل هو ومامته الحاره وطبعا العيون علها كانت عليهم

ام احمد : شوف والله الى اختشوا ماتوا الست ولا عامله لجوزها ولا لاى حد اى اعتبار

ام عوض: ياستى ملناش دعوه ربنا يبعدهم عنينا ويكفينا شرهم

ام احمد: يارب ياختى يارب

ياسين وصل للشقه ودخل هو وامه لقاء ابوه قاعد فى الصاله اول ما شافهم بص ليهم وضحك

فرج: اهلا اهلا بست الكل الى استغفلت جوزها وهربت لاهلها ومفكره ابنها هيحميها واهى فى الاخر رجعت ليا تانى ايه الى
خلاكى ترجعى ياختى يالا خدى ابنك خدى ابنك خليه يقعدك فى قصره الملكى خديه يالا ياست الكل وورينا جمال مشيتك

فرج بيقول الكلام وهو قاعد على الكنبه وقدامه نجاه وياسين بس نجاه متحركتش من مكانها ولا ادت كلامه اى اهميه فرج قام وقف وهو بيزعق فيها وبيتزها لبره البيت

فرج: لا انتى شكلك مش هتتحركى بقا وقبل ما يوصلها كان ياسين وقف قصاده وامه وراه

ياسين: حمد ربنا انك ابويا والا والله العظيم مكنتش هتبقا لسه واقف على رجيلك اما بقا بالنسبه لامى فانت بقا هطلقها وملكش دعوه بيها سيبها بقا تعيش فى قصر ابنها

فرج بضحك: اهى عندك ياخوى خدها واشبع بيها ولا اقولك بلها واشرب مايتها بس طلاق مش هطلق

ياسين: هطلق غصب عنك يا راجل انت والا

فرج: والا ايه ها ولا ايه هتضرب ابوك على اخر الزمن بس هقول ايه صحيح ما انت زى اختك ******** ناكرين للجميل يابن امك

ياسين: اقسم بالله هتجيب اسم اختى على لسانك هكون قاطعهولك ومش هعمل اعتبار لاى حد ولا انك ابويا

فرج: يعنى هو انا بكدب مش بنت ******* هى الى جابت راسى الارض

ياسين اتقدم منه فى هدوء عكس البركان الى جواه واتكلم بحده

ياسين: اختى متجوزه على سنه الله ورسوله دكتور محترم هيقدر يصونها ويحميها

فرج: ازاى يعنى

ياسين: زى ما سمعت كده حور لا هربت ولا اى حاجه من الكلاد ده حور كانت فى المستشفى الفتره الى فاتت ديه كلها

فرج: وليه بقا انشاء الله يابن امك

ياسين بعد عنه شويه: مش لازم تعرف

فرج: لا احب اعرف الهانم كانت فى المستشفى بتعمل ايه

ياسين اتجه لاوضه امه وبداء يطلع هدومها ويحطها فى الشنطه

فرج: انا بكلمك واتجه للاوضه ووصل لحد عنده ووقف

فرج: اختك كانت فى المستشفى ليه وبتعمل ايه

ياسين ساب الى بيعمله وبص ليه: عشان معرفتش احميها

نجاه جات ليه ووقفت قصاده ومسكت ايديه

نجاه: بس يابنى والنبى بس

فرج: لا لا سيبيه يكمل معرفتش تحميها ازاى يعنى

ياسين: يعنى اختى وانت قاعد هنا بتشرب القرف الى بتشربه وقاعد وسط ******* ده هى كانت بتعيش اصعب لحظات حياتها اختى اتعرضت للاغتصاب يا هه بابا

###################################################################################

فى الصعيد البنات قاعدين مع عماتهم فى الصاله

فاطمه: ما تفزى يابنت تحضرى الوكل بس محدش رد عليها

فاطمه: وكمان مبترديش عليا يابنت المركوب

اسراء انتبهت ان الكلام موجه ليها

اسراء: معلش ياماى انى محسبش انك بتحديتينى انى

فاطمه: امال بحدت خيالى اياك

سعاد:خلاص يا فاطنه البنت مقالتش حاجه

فاطمه: مقالتش وانا هستانى لحد ما تقولى فزى يابت حضرى الوكل اسراء قامت بسرعه واتجهت للمطبخ

سعاد: قومى يا فرحه ساعدى مرت خيك فرحه لسه هتقوم

فاطمه: لا اقعدى انتى يا فرحه شكلك تعبانه

فرحه بصت لامها: لا ياماى انى زينه هحضر الوكل مع اسراء عادى

فاطمه: بقولك اترزعى يابت انتى ايه مسمعتيش الكلام فرحه بصت لامها ولحماتها ووقفت معرفتش تعمل ايه

سعاد: اقعدى يابنيتى اقعدى ربنا يهدى امك لما اقوم انى اشوف البنيه هتعمل ايه واساعدها وقامت هى تساعد اسراء

فرحه: حرام عليكى اكديه ياماى اسراء شكلها تعبانه اصلا

فاطمه: اخرصى انتى انتى مانتيش فاهمه حاجه واصل

فرحه سكتت ومعرفتش تقول ايه لامها

سعاد دخلت المطبخ لاسراء واسراء اول ما حست بيها مسحت دموعها بسرعه

اسراء: عايزه حاجه يا عمه

سعاد قربت منها ومسكت ايديها وبصت ليها: متزعليش يابنيتى فاطنه اكديه طول عمرها مش معاكى انتى بس

اسراء: مانيش زعلانه يا عمه ديه فى مقام امى الله يرحمها

سعاد بصت ليها بحنان: رينا يهديكى ويرضيكى يابنيتى وانا ديما هبقا فى ظهرك كيف امك اكديه

اسراء بصت ليه بابتسامه: ربنا يخليكى ليا يا عمه

سعاد: عمه برضه

اسراء بضحك: لا ياماى

سعاد: ايوه اكديه وانتى كيف ابنيتى شوفتى اها الحديت هياخدنا ومش هنحضر الوكل

اسراء: لا اطمنى انتى ياماى انا الى هجهز الوكل

سعاد: يابنيتى خلينى اساعدك

اسراء: لا انا حابه اعمل الوكل كله النهارده بيدى

سعاد: طب اساعدك

اسراء: لا ياماى اطلعى انتى استريحى

سعاد بضحك: خلاص يابنيتى الى يريحك

وطلعت سعاد من المطبخ واسراء رجعت تكمل الاكلى وهى كلها نشاط وسعاده من كلام سعاد ليها فسعاد حساستها بالامان والحب ولو حتى للحظات بسيطه

فاطمه: اياكش طردتك ولا ايه يا سعاد

سعاد: لا وانتى الصادقه مرديتش تتعبنى وياها

فاطمه: لا وهى خايفه على تعبنا قوووى

سعاد: والنبى يا فرحه تعاليلى قصيلى ضغطى اصل امك رفعتهولى

فرحه: حاضر ياماى قامت فرحه واخدت سعاد تقصلها ضغطها

فضلت فاطمه قاعده فى الصاله لوحدها استنت كده يجى ساعه وبعدها قامت ودخلت لاسراء لقاتها خلاص قربت تخلص الاكل يعنى كان اغلبه على النار

فاطمه: يالا شهلى بسرعه

اسراء بصت ليها بابتسامه: متقلقيش ياماى انا خلاص تقريبا خلصت كل حاجه

فاطمه قربت من الاكل الى بتجهز فيه اسراء وكبته على الارض فى منتهى البرود

فاطمه: طب زين عشان الرجاله قربوا يوصلوا

اسراء بصت للاكل الى على الارض ولفاطمه الى سابتها وطلعت ودموعها نزلت من عنيها مسحتهم بسرعه

ونزلت لمت الاكل الى على الارض وكبته فى الزباله ورجعت تعمل اكل من اول وجديد بدل الى اترمى

##############################################################################################

احمد وصل بيته ومعاه الاء

الاء: يا انكل انا وافقتك فى الى انت عايزه بس مش لازم اعيش معاكوا فى البيت

احمد: يابنتى ما انا قولتلك ايه فايده انك تعيشى لوحدك انتى لازم تتنتقى من جاسم

الاء: بس كان ممكن نقعد لوحدنا انا مش عايزه اتصدم مع جلنار هانم

احمد: جاسم مش هيرضى وانتى كده هتكونى بعيده عن انظارى ومش هقدر اطمن عليكى انا اه جوزتك
لابنى بس مش معنى ده انى واثق فيه لا انا لازم اخليكى ديما تحت عينى وبطلى كلام كتير واتفضلى

نزل احمد ومعاه الاء ودخلوا البيت وزى ما الاء كانت متوقعه قابلت اول حاجه جلنار هانم

جلنار: مين ديه يا احمد

احمد: احب اعرفك بالاء يحيى الغرباوى مرات ابنك

جلنار بصدمه: ايه مرات ابنى

احمد: مرات ابنك جاسم الالفى

جلنار: انت اكيد اتجننت

احمد: لا متجننتيش

جلنار: مرات مين اطلعى بره بيتى قال مرات ابنى قال انا مرات ابنى ميرا وبس انت بتهزر يا احمد مين ديه

احمد: جلنار انا قولتلك انها مرات ابنك اتقبلى بقا الوضع ومتتعصبيش كده عشان بشرتك متتعبش

جلنار حطت ايديها على وشها: Oh , my gad بشرتى بس برضه ديه مستحيل تبقا مرات ابنى انت تطردها بره دلوقتى حالا

احمد: كلمه تانيه زياده وانتى عارفه انا هطرد مين فوزيه فوزيه

جاءت الشاغله ليه بسرعه: افندم حضرتك

احمد: خدى الاء وطلعيها اوضه جاسم

الشاغله: حاضر يا فندم

احمد: يالا يا الاء اطلعى مع فوزيه الاء بصت ليه مش عارفه تقوله ايه ملقتش حل غير السكوت وبعدها طلعت مع فوزيه لاوضه جاسم

احمد قرب من جلنار: اسمعى بقا يا جلنار الاء انا مش هسمح لاى حد يديقها او ياذيها مهما كان هو مين ياريت تفهمى كلامى ده كويس اووووى

جلنار بصت ليه بغضب وهو سابها ومشى: مين ديه الى مرات ابنى والله ما انا مقعدها يوم واحد فى القصر هنا قال مرات ابنى قال لما نشوف

##############################################################################################

صوفيا واقفه عند الصخره مستنيه الشخص ده يجى فضلت واقفه مستنياه لحد ما لقت ايدين بتتحط على كتفها

لفت نفسها بسرعه لقت شاب واقف قدامها فى منتصف العقد الثانى من عمره

الشاب: اتاخرت عليكى يا جميل

صوفيا: انت مين وعايز ايه

الشاب بابتسامه: امير اسمى امير

صوفيا: وعايز منى ايه يا امير

امير بص ليها بحب تملك او شهوه: عايزك انتى يا صوفيا كل يوم بفكر فيكى وبفكر فى الحظه الى هتجمعنى بيكى

صوفيا: انت مجنون وكانت هتمشى بس هو وقفها وبص ليها بتحدى وغصب

امير: اوعى تفكرى تمشى وتعدينى لانه انتى الى هتخسرى فى الاخر هتخسرى حبيب القلب عمر

الى لو عرف ان انتى الى وقعتى خديجه فى البحر ده اكيد هيكرهك ومش بعيد يسجنك ولا ايه

صوفيا بصت ليه بغضب ومقدرتش تتكلم لانه كلامه فعلا صح وهى لازم تسمع كلامه وتنفذه لو عايزه عمر بجد

###############################################################################################

حور صحيت من النوم بصت حوليها وعلى الكمدينو الى جمبها على اساس انه هيكون عليه مايه لانها عطشانه اوووى بس ملقتش قامت وطلعت

من الاوضه واتجهت للمطبخ فتت التلاجه وطلعت منها كزازه مايه وجابت كبايه وملاتها وشربت وبعدها رجعت الكزازه فى التلاجه وقفلتها

وبتلف عشان ترجع للاوضه بس وقفت مكانها اول ما شافت يوسف قدامها بصت لنفسها بسرعه لقت نفسها لبساه بجامه برموده وسايبه شعرها حر

بصت ليه تانى وبسرعه جريت من قدامه متجه لاوضتها بس وهى بتجرى اتخبطت فى الكرسى ووقعت على الارض

حور بالم : اااااااااه

يوسف: حور وجرى ليها بسرعه وقعد قصادها ومسك رجليها

حور: ااااااااه متمسكهاش بتوجعنى ااااه

يوسف: اهدى اهدى ده جزع مش كسر الحمدالله

حور بالم: بس بتوجعنى اووووى

يوسف: الحمدالله انها مش كسر وبعدبن مش لازم كل ما تشوفنى وكانك شوفتى بعبع هياكلك يا حور يا حبيبتى انا جوزك مش عفريت افهمى ده

حور بصت فى الارض وسكتت لانها معرفتش تقوله ايه يوسف قام ووقف قصادها

يوسف: هتقدرى تقومى

حور: اه هقدر هقدر ولسه هتقوم وقعت مكانها تانى لانها مقدرتش تحمل على رجلها

يوسف: لا واضح واضح مال يوسف ليها وهى بحركه غير اراضيه رجعت لوراه وغمضت عنيها

يوسف ابتسم على رد فعلها العفوى وشالها بين ايديه وحس قد ايه هى خفيفه فى حضنه وصل للاوضه وسندها بهدوء على السرير وحط مخده تحت رجلها

يوسف: استنى هنا وهرجعلك طلع وبعد دقايق رجع ليها تانى وبين ايديه علبه اسعافات اوليه قرب منها وقعد على قصادها

يوسف: هحطلك الكريم ده على رجلك هو مسكن وهيخفف معاكى الالم بس اول ما هحطه هتحسى بالم شديد اوووى فمعلش لازم تستحملى تمام

حور: تمام بداء يوسف يحط ليها الكريم واول ما لمس رجلها حصل زى الى قاله يوسف حست بالم فظيع غمضت عنيها ودموعها نزلت غصب عنها من الالم

يوسف دموعها كانت زى السكاكين بتقطع فى قلبه قد ايه صعب تشوف الشخص الى بتحبه بيتالم قدامك وانتى مش
قادر تساعده او تخفف عنه الالم ده ربط رجلها برباط ضغط وبص ليها مبتسم بيحاول يخفف عنها الالم ولو شويه

يوسف: متتحركيش كتير بقا واقعدى مكانك مش ناقص يحصلها اى تضاعفات

حور: تمام مش هتحرك

يوسف: طب انا هقوم احضرلك اكل وارجعلك هو مش اكل اكل بس الى بعرفه بقا حور بصت ليه وابتسمت

حور: ملوش لازوم صدقنى

يوسف قام وجاب اسدال اخته وسنده جمبها على السرير وبص ليها

يوسف: انا الى اقول ازاى كان ليه لازوم ولا لا واسمعى الكلام وانت راضيه

انسحب يوسف وطلع من الاوضه وابتسامه خفيفه اترسمت على ثغر حور

بصت جمبها للاسدال واخدته ولبسته وهى فرحانه ومبسوطه

######################################################################

فاطمه دخلت المطبخ بهدوء من غير ما حد يشوفها ملقتش حد فيه حطته كبايه مايه على النار واستناتها لما غليت وبعدها مسكتها واتردد اوووى عشان تعمل كده بس حصمت قراره وكبت كبايه المايه المغليه على ايديها كتمت صوت صرخها من الالم واتحملت على نفسها وقعدت على الكرسى فى المطبخ وسابت لدموعها كامل حرياتها فى النزول واستنت عشان تكمل باقى خطتها شويه وسمعت صوت صخر وسليم ورضوان فى الصاله زاتدت فى بكائها لانها عارفه ان من عاده صخر لما بيرجع من بره بيدخل المطبخ ويشرب مايه وديه عاده فيه اول ما صخر دخل المطبخ شاف امه قاعده وبتبكى قرب منها بسرعه عشان يفهم منها ايه سبب بكائها ده

صخر: اماى مالك بتبكى اكديه ليه

فاطمه مسحت دموعها ودارت ايديها: ولا حاجه يا ولادى

صخر: مالها ايديكى وشدها ليه وشاف الحريق الى فيها

صخر بخوف على امه: ايه ديه حصلك كيف ديه

فاطمه بدموع: يا ولادى محصلش حاجه

صخر: اتحدتى ياماى مين الى عمل فيكى اكديه وانا انسفه من على وش الارض

فاطمه بصت ليه بدموع: على اساس انك هتصدقنى لو قلتلك

صخر: انى اكدب كل الناس الى انتى ياماى انتى غيرهم كليتهم

فاطمه بدموع: مراتك يا ولادى الى عملت فيا اكديه

صخر: مراتى انى

فاطمه: ايوه يا ولادى مراتك

صخر: وعملت اكديه ليه

فاطمه: والله يا ولادى انى معملتلهاش حاجه كل الموضوع انى قولتلها تقوم تحضر الوكل قبل ما انتوا تيجوا وانا كنت هساعدها عشان سعاد تعبت وفرحه كانت وياها ومينفعش تسيبها قالتلى انا مش هحضر حاجه مطبخك عندك اهو ادخلى حضرى فيه كل الى انتى عايزه

انا مهعملش حاجه واصل وقعدت فى الصاله زى البرنسيسه وخالتنى انى احضر الوكل كله لوحدى وانا ست كبيره وتعبانه يا ولادى مش حمل البهدله ديه كليتها بعدها اكديه دخلتى جوه قولتلها يابنيتى لافينى كوبايه مايه سخنه ازود بيها الوكل قامت جابتلى كوبايه المايه السخنه

ودلكتها عليا كليتها وقالتلى لما نشوف هتعمل الوكل كيف دلوقتى بس انا اتحاملت على نفسى وحضرت الوكل كله عشان خاطركم وهى دلوقتى طلعت تستريح

وقالتلى محدش يزعجنى بقا انا يا ولادى يحصلى اكديه وفى العمر ديه كمان انا خلاص كبرت ومحتاجه ارتاح فى اخر يومين ليا مش اتبهدل البهدله ديه كليتها

صخر بص لامه وبيحاول يكتم غضبه: حقك عليا ياماى ومال على دماغها وباسها

صخر: ومراتى انى هعرف كيف اعدلها واخليهالك تيجى تعتذرلك لحد عنديكى كمان

فاطمه: يا ولادى انا مش عايزها تعتذرلى اهم حاجه راحتك انت

صخر: راحتى هى راحتك ياماى وحقك عليا تانى مره عن اذنك دلوقتى

فاطمه: يا ولادى متزعلش مراتك منيك انا مش قصدى ازعل بيناتكم

صخر: هى الى عايزه اكديه مش انتى ياماى عن اذنك

طلع صخر من المطبخ واتجه لاوضه يشوف مراته الحلوه عامله ايه

فاطمه: لما نشوف هتعمرى اهنى قد ايه يابنت الهلالى ويا انا يا انتى اهنى

صخر طلع ومش شايف قدامه من كتر العصبيه كلام امه لسه فى دماغه ومش قادر يطلعه من دماغه عايزه يمسك مراته يخنقها بين ايديه وصل للاوضه وفتح الباب او بمعنى اصح رزعه بكل ما اتوى من قوه وبيدور بعنيه عليها لحد ما شافها

اسراء ارتعبت اول ما الباب اتفتح ودخل صخر بالمنظر ده وعرفت انى الى جاى اعصار ممكن يدمرها

صخر بزعيق وصوت عالى: اسراااااااااااااء

اسراء بصت ليه بخوف من شكله الى ميوحيش ان فى خير وان الى جاى هيكون دمار بالنسبه ليها

الثالث عشر من هنا

مدونة مكتبة حـــواء

رواية حطام امرأة الفصل الثاني عشر 12 بقلم دعاء سالم