رواية حطام امرأة الفصل الثالث عشر 13 بقلم دعاء سالم
حطام امرأة
البارت الثالث عشر
عشق فى اوضتها بتجهز عشان العريس خلاص على وصول
سوميه: يابنتى متوجعيش قلبى كده بالله عليكى
عشق: يا ماما والله غصب عنى انا مش عايزه والله مش عايزه
سوميه: معلش قابليه الاول ويبقا بعدها يحلها الف حلال قولى اى حاجه وارفضيه بس عدى اليله ديه على خير يابنتى
عشق: حاضر يا ماما هقابله وهعمل كل الى انتى عايزه
سوميه: ربنا يهديكى يابنتى جرس الباب رن
سوميه: دول اكيد هما انا هطلع استقبلهم مع ابوكى وانتى بعد شويه كده تيجى بالمشروبات تمام
عشق: تمام يا ماما تمام
طلعت سوميه ورحبت بضيوفها وقعدوا كلهم فى الصالون
ام العريس (اميره): مش هنشوف العروسه بقا ولا ايه
محمد: لا طبعا حالا جيه اهى انتوا نورتوا والله
بعد شويه طلعت عشق ليهم وهى باصه فى الارض مش قادره ترفع عنيها فيهم
وزعت المشروبات ووصلت للعريس العريس بص ليها بحب واخد منها كبايه العصير
العريس: شكرا
عشق وهى لسه باصه فى الارض: العفو انسحبت عشق وقعدت جمب اهلها
اميره: زى ما انت عارف يا استاذ محمد انا جوزى متوفى وابنى والحمدالله دكتور علاج طبيعى الشقه جاهزه وكل حاجه مش ناقص بس غير موافقه العروسه
محمد: والله وانا يشرفنى انى اناسب حضرتكم يا مدام اميره
اميره: يبقا احنا نسيب العرسان لوحدهم شويه ونرجع نكمل كلمنا
محمد: طبعا طبعا اتفضلى فى التراس المنظر يجنن
سوميه لسه هتقوم بس عشق مسكت ايديها بسرعه بصت سوميه لبنتها بحزن وسحبت ايديها بهدوء ولحقتهم فى التراس
عدت دقايق مليانه صمت وسكوت من الطرفين سوا كانت عشق او هو
العريس: احم احم انسه عشق
عشق رفعت دماغها ليه وشافته كان شاب اسمر بجسم رياضى يعنى كان شكله جميل جدااا ده غير اهتمامه بالتفاصيل زى الساعه البرفيوم وهكذا باين عليه انه فى اخر عقده الثانى واكتر حاجه لفتت انتباها اول ما شافته كانت عيونه الى من لون البحر والسماء
عشق: افندم
العريس: مش حابه تتعرفى عليا ده انتى حتى لسه متعرفيش اسمى
عشق سكتت فهو كمل كلامه
العريس: بصى ياستى انا اسمى امجد عبدالعزيز مصطفى عندى 27 سنه معنديش اخوات عايش انا وامى وبس من بعد موت بابا الله يرحمه بشتغل دكتور علاج طبيعى ديه الحاجات الاساسيه وباذن الله لو حصل نصيب هنتعرف على بعض اكتر فى فتره الخطوبه
عشق ساكته ومش عارفه تقول ايه هى معندهاش حاجه تتقال اصلا
امجد: انسه عشق انتى كويسه شكلك مرهق
عشق: لا لا انا كويسه
امجد: طب ممكن اتعرف عليكى اكتر انا معرفش اى حاجه عنك غير انك اسمك عشق وفى كليه تجاره
عشق بصت ليه وبدموع بتحاول تخفيهم وراه ابتسامتها البسيطه اتكلمت
عشق: انا عشق محمد احمد 22 وعشرين سنه اخر سنه كليه تجاره
امجد: طب ممكن اسالك سوال
عشق: اه طبعا اتفضل
امجد: هو فى حد فى حياتك احب اعرف من الاول وصدقينى لو فيه انا هنهى الموضوع من عندى عشان مساببليكيش مشاكل بس
عشق: بس
امجد: لو مكنش فيه حد فانا اتمنى انك تدينى الفرصه ديه وانا اوعدك انك مش هتندمى
عشق سكتت شويه مش عارفه تقول ايه امجد منتظر اجابتها لان اجابتها بالنسباله موت او حياه
عشق: لا وعلى ما اتوقع لو فيه اصلا مكنتش هقبل اقعد معاك
امجد فرح من اجابتها وابتسم: ازاى كان كده انتى عندك مانع فى ارتباطنا يعنى موافقه اننا نرتبط ببعض
عشق بصت ليه ولتانى مره تسكت عقلها بيقولها وافقى كده كده انتى عارفه ان ياسين مش ليكى وقلبها بيصرخ باعل صوت ارفضى ارفضى لان ممكن فى يوم من الايام ياسين يحبك وساعتها هتكونى خسرتى ارفضى حتى عشان نفسك مش ياسين
عشق: ممكن ارد على سوالك ه بكره
امجد: بمعنى
عشق: يعنى سيبنى افكر النهارده وبكره هبلغك ردى
امجد بابتسامه: تمام وانا متفائل خير انشاء الله
عشق ابتسمت ليه بهدوء وسكتت جم اهلهم وقعدوا معاهم تانى
اميره: ها بقا يا ولاد اتفقتوا مع بعض ولا ايه
امجد: الحمدالله يا امى بس عشق محتاجه وقت عشان تفكر
اميره: اه اه طبعا طبعا خدى راحتك يا حبيبتى واحنا هنكون فى انتظار ردك انا مش هلاقى زوجه لابنى احسن منك
سوميه: ربنا يقدم الى فيه الخير يا مدام اميره
اميره: انشاء الله يا مدام سوميه نستاذن احنا بقا
محمد: خليكم لسه بدرى
اميره: لا مره تانيه بقا
محمد: تمام على راحتكم بس المره التانيه مفيش اعذار
اميره: انشاء الله يا استاذ محمد انشاء الله
محمد: اتفضلو اتفضلوا وصلهم محمد للباب وودعهم ورجع لبنته
محمد: انتى هتوافقى يعنى هتوافقى على العريس ده والا قسم بالله لهيكون ليا كلام تانى معاكى
ودخل اوضه وسابهم لوحدهم سوميه بصت لبنتها بحزن ولحقت جوزها تحاول تقنعه وتهديه
عشق غمضت عنيها بالم وفكرت فى اخر محاوله ليها هى لو عايزه تعيش سعيده لازم تعمل كده
###########################################################################
اسراء واقفه قدام صخر مرعوبه مش فاهمه هو ماله او ايه الى عصبه بالشكل ده
قرب منها صخر بعصبيه وغضب: بقا انتى تعملى كل ديه
اسراء بصوت بيرتعش من الخوف: بعمل ايه يا واد عمى انى مش فاهمه حاجه
صخر: بقا انتى توجعدى اهنى زى البرنسيسه وتسيبى اماى تعمل الوكل كله لحالها لا وكمان تكبى عليها مايه سخنه نار
اسراء باندفاع مليون خوف: لا لا لا لا والله ما حوصل يا واد عمى انى معملتش اكديه واصل مع مرت عمى ده حتى انى الى عملت الوكل كله النهارده
صخر: قصدك ان امى بتكدب ولا ايه
اسراء: لا لا لا سمح الله يا واد عمى انى مقدرش اقول اكديه على مرت عمى بس هو ديه الى حوصل وانا مبقولش غير الحقيقه صدقنى
صخر اتقدم منها ومسكها من ايديها بقوه وداس عليها لدرجه انه كان ممكن يكسرها
صخر: سبق وقولتلك متخلنيش اتعصب عليكى انى عصبيتى وحشه قووووى وامى مش هتكدب
اسراء بدموع والم من مسكته ليها: سيب يدى بتوجعنى يا واد عمى
صخر بحزم ومهتمش لكلامها: دلوقتى تنزلى وتحبى على راس امى وتعتذريلها واوعى تفكرى ان اكديه حسابك خولص خلاص لا حسابك لسه قاعد بس بعد ما نطلع اهنى فاهمه
اسراء وهى بتترعش من الالم والخوف: فاهمه رمها صخر بيده على السرير وساب الاوضه بعصبيه ونزل اسراء فضلت تبكى على الى بيحصلها من مرت عمها ومن صخر
مسكت دراعها ورفعت الهدوم عشان تشوفه لقته ازرق اوووى من مسكت صخر ليها عدلت حجابها ومسحت دموعها ونزلت ليهم لتحت وهى بتحاول متبينش تعبها
فرحه: مالك ياخيتى شكلك تعبانه اكديه ليه
اسراء: لا لا انا زينه وبصت لصخر الى دخل المطبخ
اسراء: عن اذنك ياخيتى لحظه مشيت اسراء بسرعه قبل حتى ما فرحه ترد عليها ودخلت المطبخ وراه صخر
صخر: اهى ياماى جايه تعتذرلك وتحب فوق راسك كمان
فاطمه: يا ولادى ملوش لازوم والله
صخر: لا ليه وبص لاسراء بغضب فهى اتقدمت لفاطمه وباست دماغها
اسراء: حقك عليا يا مرت عمى مش هعمل اكديه تانى
فاطمه: يابنيتى انتى زى فرحه بنتى انا مزعلش منك واصل وبعدين محصلش حاجه
اسراء بعدت عنها: حاجه تانى اصل هطلع اساعد فرحه بره
صخر: فيه حاجه تانى تعالى اهنى
اسراء اتقدمت ليه ووقفت قدامه
صخر: هاتيلى كوبايه مايه سخنه اسراء مشيت جابلته كبايه مايه سخنه ورجعت اخدها منها صخر وبص ليها
صخر:لو سمعت صوتك يبقا قولى على نفسك يا رحمن يا رحيم فاهمه
اسراء لسه هتستوعب الى قاله بس هو سحب ايديها بسرعه وكب عليها كوبايه المايه السخنه كلها
اسراء كانت هتصرخ من الالم بس كتمت صراختها ودموعها بس هى الى نزلت
صخر: اكديه يبقا خلصين يا مراتى فى حق امى اما حقى انا بقا فهعرف اخده منك زين تقدرى تطلعى دلوقتى
اسراء بصت ليه بدموع وكره وخوف وهو واقف قدامها زى الصخر ولا كانه عمل اى حاجه
طلعت اسراء من المطبخ ودموعها سابقها الم ايديها مش قادره تستحمله
فرحه: اسراء مالك بتبكى ليه
اسراء: ولا حاجه يا فرحه
فرحه: ايه ديه مالها يدك وايه الى حرقها اكديه
اسراء: انا مخدتش بالى وانا بطبخ فحركتها
فرحه: بس ده حرق جديد لسه حالا
اسراء: لا لا انتى بس الى مش عارفه
فرحه: طب تعالى نحطلك كريم ولا حاجه
اسراء: لا لا ملوش لازوم ياخيتى يالا احنا نحط الوكل
فرحه: يابت طب نحط ليها الكريم وبعدين يبقا نرجع نحط الوكل
اسراء: ياخيتى متتعبنيش وياكى يالا نحط الوكل
فرحه: الى يريحك ياخيتى
حطت فرحه واسراء الاكل وجم العيله كلها وبداءو ياكلوا
سليم اول ما داق الاكل عرف ان فى ايدين جديده عامله
سليم: الله الله الوكل النهارده زى القشطه بس معلش ياماى انتى وعمتى مش هقدر اقولكم تسلم يدكم لا ده مش طبخكم
فرحه: معاك حق يا سليم الوكل النهارده اسراء هى الى عامله كله ومخلتش حد يساعدها واصل
صخر ساب الاكل اول ما سمع كلام فرحه وبص لاسراء لقاها ساكته وباصه فى الارض بص لامه لقاها اتوترت اوووى
سعاد: والله يا ولادى كنت عايزه اساعدها بس هى مردتش تتعبنى وعملت الوكل من اهنى وفراره طلعت على اوضتها مرضتش تقعد ويانا
صخر: يعنى اسراء هى الى عملت الاوكل كله النهارده
فرحه: ايوه ياخوى بس مراتك ايه طلعت ولا اجدها طباخه
سليم: المره الجايه الاكل هيبقا من يدك وعايزه يبقا احسن من ديه كمان
فرحه بضحك: موعدكش يا واد عمى بس هحاول
رضوان: تسلم يدك يا ابنيتى وكلك حلو قووووى
اسراء: تسلم يا حج هستاذن انا بقا
رضوان: انتى لسه مكملتيش واكلك يا ابنيتى
اسراء: لا انا اكديه الحمدالله ربنا يديمها نعمه علينا يا حج عن اذنكم
طلعت اسراء بسرعه على اوضتها لانها مقدرتش تستحمل الالم وخاصه انها لازم متبينش حاجه قدامهم
صخر بص لامه لقاها زى ما هى قاعده مش على بعضها مش عارف هى ليه عملت كده مع اسراء وهو اتسرع اووى فى رده فعله وبوظ الدنيا ومش عارف هو كمان هيعمل معاها ايه
صخر ساب الاكل وقام وقف
رضوان: رايح فين يا ولادى كمل واكلك
صخر: لا الحمدالله يا جدى عن اذنك هطلع ارتاح شويه
مستناش رد جده وطلع هو كمان على اوضه
فاطمه قاعده ومرعوبه من رد فعل صخر هى مكنتش تحسب ان ده هيحصل لازم تلقاء مبرر قوى لموقفها الى عملته مع اسراء ده
صخر وصل لاوضه ودخل اسراء كانت قاعده على السرير اول ما شافته دخل مسحت دموعها صخر دخل الحمام وجاب علبه الاسعافات الاوليه وصل لحد عندها وسحب كرسى وقعد قصادها
صخر: يدك
اسراء سكتت ومتكلمتش ولا ردت عليه
صخر بشى من الحزم: بقولك يدك
اسراء مدت ايديها بخوف وتوتر صخر اول ما شاف الحرق اضايق من نفسه اوووى وانه اتصرف بتسرع واذاها وهى ملهاش ذنب مسك ايديها وحس برعشتها اول ما لمسها
صخر: متخافيش سبق وقولتلك انى عمرى ما هعمل حاجه ليكى او حاجه غصب عنك
بداء يحط ليها كريم للحرق ولف ايديها بقطن وشاش وعمل كل حاجه
صخر وهو بيحط ايديه على كتفها من فوق: دلوقتى انتى هتستريحى ومش عايز اشوفك بكره او النهارده تنزلى تحت او تعملى اى حاجه
اسراء بالم: ااااااه وشالت ايديه بسرعه
صخر بص ليها بشك: مالك
اسراء: مفيش
صخر شال ايديها ورفع هدومها لحد كتفها وشاف مكان ايديه لما مسكها وكان مزرق اوووووى
صخر: مقولتليش ليه
اسراء سكتت ومتكلمتش حط ليها كريم برضه على المكان الى بيوجعها
صخر: زى ما قولتلك هتستريحى دلوقتى ومش عايز اشوفك تحت انتى تعبتى قوووى النهارده
قام وقف قصادها لف واتجه للباب بس قبل ما يوصل للباب وقف
صخر: اه صح الوكل كان حلو قوووى النهارده تسلم يدك
وكمل طريقه لحد ما طلع من الاوضه اسراء ابتسمت بهدوء اول ما قالها كده وشكرها مكنتش مصدقه ان الى كان قدامها ده صخر صخر القناوى ازاى فى انسان يجرح ويداوى فى نفس الوقت وكانه هو الداء وهو الدواء
بس عرفت حاجه مهمه قوووى عرفت ان صخر زى ما هو عصبى فهو برضه حنين قوووى ممكن حنيته بتختلف عن
الكل بس هى حستها فيه ومعاه وهى الى مسئوله على تعامله معاها سوا كان بالعصبيه او الحنينه هى المسئوله وبس
اسراء: انت غريب قوى يا صخر وانى مش عارفه هقدر اتعامل معاك كيف
##########################################################################################
ياسين قاله الكلمه وفرج وقف مكانه زى الصنم
فرج: يعنى ايه لاموخذه مش فاهم
ياسين زعق فيه: زى ما بقولك كده انت وانا ضيعنها باهملنا ليها
فرج: يابنت ***********
ياسين: مش بقولك ضيعتها فوق بقا حور الضحيه مش الجانى
فرج: ما هى لو محافظه على نفسها مكنش ده هيحصل
ياسين: وهو انا بكلم مين اصلا مش هقولك غير حسب الله ونعمل وكيل فيك منك لله يا شيخ دمرتنا كلنا منك لله
اخد هدوم امه وطلع من الاوضه وسحب مامته معاه
فرج: بتحسبن فيا طب شوف بقا يا حيلتها هتروح فين والله ما انت داخل هنا تانى
ياسين طلع من الشقه ونزل وطلع من الحاره كلها
نجاه: هنروح فين يابنى دلوقتى
ياسين: متقلقيش يا امى انا ليا شقه هنا
نجاه: شقه ومن فين ديه
ياسين: لما نوصل هفهمك كل حاجه
################################################################################
ريتاج واصحابها قاعدين مع بعض بعد ما طلعوا من العمليه
سما: اووووف 4 ساعات على رجلينا ليه يا كفار حرام عليكم
طارق: ولا المناظر حاجه تفرح بجد
خالد: والله هى ديه طب والى عايزها بقا
عزيز: دول ضحكوا عليا والله قالولى ادخل طب هتستريح ومن يوم ما دخلتها وانا مش لاقى وقت انام فيه اصلا
ريتاج: ياعم اهدى ومتزعلش نفسك كده مش لوحدك كلنا اضحك علينا
سما: طب احنا دلوقتى هنروح ولا هنقعد ولا ايه النظام بالظبط
طارق: والله ما اعرف لما الدكتور عمار يجيلنا يبقا يقولنا
ريتاج: مش كنت افتكرتلنا 100 جنيه كده اهو جيه ياعم كلهم واقفوا ليه اول ما وصل ليهم
عمار: كنتوا كويسين اوووى فى العمليه بجد فاجئتونى ومخيبتوش ثقتى فيكوا برافوا عليكم
خالد: شكرا يا دكتور
سما:دلوقتى يا دكتور احنا هنروح ولا فى نبطشيه لينا
عمار: طبعا فيه بس مش ليكى لريتاج وعزيز
ريتاج بصت لعزيز: مش قولتلك
عزيز: وياريتك ما قولتى ياستى
عمار: بتقولوا حاجه يا دكاتره
عزيز: لا يا دكتور مبنقولش حاجه
عمار: طب تمام انتوا اتفضلوا على قسم الطوارئ وانتوا تقدروا تروحوا
سما بصت لصحابتها هى وبتودعها: بجد السنه ديه سنتك يا رورو
ريتاج: انتى هتقوليلى هى شكلها سنه فل من اولها يالا ياختى روحى ونامى فى سريرك الدافى روحى روحى ليكى يوم
سما ضحكت على كلام صاحبتها وطريقتها وروحت مع الشباب
عزيز اتصل باهله وقالهم انه هيبات النهارده فى المستشفى
عزيز: مش هتتصلى باهلك ولا ايه يا ريتاج
ريتاج بابتسامه حزن: انا اهلى متوفين من وانا عندى سنه واحده
عزيز باسف: البقاء لله
ريتاج: حياتك الباقيه
عزيز: وكنتى عايشه مع مين
ريتاج: كنت عايشه مع نفسى فى الملجئ
عزيز: اسف لو فكرتك
ريتاج: لا ياعم عادى المهم تشرب قهوه
عزيز بابتسامه: نشرب قهوه
ريتاج: هو ده الكلام
قعدت ريتاج مع عزيز يتكلموا ويسلوا وقتهم لحد ما اى حاله تجلهم
############################################################################
طلع الصبح على ابطالنا يوم جديد باحداث جديده
حور فاقت على ضوء الشمس قامت اضوضت وصلت فرضها ولبست الاسدال الى مبقاش يفارقها خااالص
وطلعت لقت اكل محطوط على السفره بس مفيش حد قربت منه لقت فى ملاحظه عليه مسكتها وبدات تقراها
( صباح الخير محبتش ازعجك وانت نايمه ومتقلقيش عليا انا مشيت المستشفى وممكن اتاخر يا عالم بس لو فى اى حاجه هتصل بيكى واه اوعى متفطريش ده الفطار ده انا الى عامله بايدى خالى بالك من نفسك يا حوريتى يوسف )
حور قرات الملاحظه والابتسامه ارتسمت على شفايفها شعور جديد بيدخل قلبها شعور اول مره
تحسه او تعيشه شالت الافكار ديه كلها من دماغها وقعدت تاكل الاكل الى حضره ليها يوسف بنفسه
############################################################################
عشق واقفه على النيل وباصه للمايه مش عارفه ازاى كان الى هتعمله ده صح ولا لا هى قالت لريتاج وريتاج حظرتها من انها
تعمل كده وانها تطلب المساعده منه ده اخر شخص ممكن تطلب منه المساعده بس هتعمل ايه فى قلبها العنيد الى مش عايز يستسلم
فاقت على صوته هى بتستنى تسمعه ديما فى كل لحظه وثانيه
ياسين: خير يا عشق قلقتينى فى ايه
عشق بصت ليه وسكتت
ياسين: عشق مالك انتى قولتيلى عايزه اقابلك ضرورى وفى اقرب وقت وانا اهو قدامك فى ايه بقا متقلقنيش
عشق متعرفش ازاى الكلام طلع منها وكانها فى الوقت ده مغيبه عن الواقع
عشق: ياسين انا متقدملى عريس
ميقدرش ينكر ان الجمله هزت كيانه كله بس هو لازم ميبيلهاش انه اتاثر او اى حاجه اه هو قلبه وجعه اووووى وهو كان عارف ان ده الى هيحصل
سوا اتاخر او اتقدم حدوثه بس لما تتحط فى الموقف بيبقا غير حتى ولو قعدت تدرب عليه الف مره حاول يتمالك اعصابه وميبينش اى حاجه
ياسين: الف مبروك ربنا يتمملك على خير يا عشق
عشق: بطل بقا بطل حرام عليك
ياسين: ابطل ايه
عشق: بطل الى بتعمله ده بطل تتجاهلنى بطل تعمل نفسك مش فاهم بطل تتجاهل حبى ليك
ياسين اتصدم من اعترفها الصريح بحبه ليه يعنى هى طول الوقت ده كانت بتحبه بس لا مش ممكن اظلمها معايا انا مش
هقدر اعيشها فى نفس المستوى الى هى عايشه فيه انا لو عملت كده هبقا بظلمها وهكون انانى وانا عمرى ما كنت انانى
ياسين: انا معرفش حاجه ايه انتى بتقوليه ده
عشق: واديك عرفت ياسين متعملش كده ارجوك انت عارف انى انا بحبك ياسين بابا ودماغه الف سيف انه يجوزنى العريس ده ياسين ارجوك متعملش فيا كده ارجوك
ياسين: ربنا يسعدك ويتمملك على خير مع عريسك انا مش هقدر اقولك اكتر من كده
عشق: ياسين ارجوك متقولش كده قول اى حاجه قول انك لسه مش جاهز او انك لسه بتكون نفسك او انك محتاج شويه وقت بس متقوليش كده متقوليش كملى حياتك مع حد غيرى ياسين افهم انتى حياتى انا مقدرش اعيش من غيرك ارجوك افهمنى ارجوك
ياسين واقف جامد قدامها بيسمعها من سكات عشق اول ما شافته كده قربت منه ومسكت ايديه
عشق: قولى انك مش هتسبنى قولى انى هبقا ليك ياسين ارجوك اتكلم قول اى حاجه بس متسكتش كده ياسين انا عندى استعداد استناك الف سنه مش هيفرق معايا بس المهم تكون ليا فى الاخر ياسين انا بحبك بحبك اووووى ارجوك متسبنيش ارجوك
ياسين سحب ايديه منها بهدوء وبص ليها: عشق انا مش هقدر اسعدك شوفى ساعدك مع الشخص الى هيسعدك ويقدرك مش هقدر اقولك غير ربنا يسعدك
عشق دموعها غلبتها ونزلت من عنيها: ياسين ارجوك متسبنيش انا محتجالك اوووى ياسين انا بحبك صدقنى
ياسين رجع لوراه ولف وادها ظهره وبداء يمشى عشق لقت اخر امل ليها بيبعد وبيبعد
عشق وقعت على الارض وبصوت عالى مليان الم وقهره: متنساش متنساش اليوم ده يا ياسين خليك فاكره اوووى واوعى تنساه اليوم ده انا اترجيتك
فيه وانت رفضتنى صدقنى مش هنسى اليوم ده ابداااا ولو رجعت ليا فى يوم ساعتها انا الى هرفضك سامعنى ساعتها انا الى هرفضك يا ياسين اوعى تنسى كلام ده وزى ما قتلتنى بالبطئ اوعدك انى انا كمان هقتلك يا ياسين انت سامعنى انا هقتلك زى ما قتلتنى وده وعد منى ليك سامعنى ده وعد منى ليك
ياسين دمعه منه نزلت غصب عنه بس مسحها بسرعه لان ده لصالحها هى هو مش هيقدر يسعدها هو مش هيقدر يقدملها اى حاجه هو لو خلها معاه هيبقا كده بيعذبها وهيكون انانى فى حبه وهو عمره ما كان كده
#################################################################################
فى الصعيد البنات قاعدين مع فاطمه وسعاد
فاطمه: مفيش حاجه اكديه ولا اكديه يا مرت ولادى
اسراء: لسه يا مرت عمى لما ربنا ياذن
فاطمه: لما نشوف يا مرت ولادى لما نشوف
سعاد:وانتى يا فرحه مش حاسه باى حاجه زى دوخه ولا اى حاجه تانى
فرحه: لا ياماى
سعاد: عادى يا حبيبتى انتى لسه صغيره
فرحه: اكيد ياماى اكيد
فاطمه: انا عايزكى يا مرت ولادى تحبلى مره واتنين وتالته واربعه
اسراء: ربنا الى عايزه هيحصل يا مرت عمى
#####################################################
عشق رجعت البيت ودخلت وهى تايهه ومش عارف تعمل ايه مكنتش تتصور هو ده رد ياسين ليها كان نفسها يتمسك بيها وهى كانت هتفضل جمبه كانت هتستحمل لانها بتحبه بس خلاص ياما سمعت لقلبها واهى شافت الى حصلها جيه الوقت انها تسمع لصوت عقلها عقلها وبس
سوميه: عشق حبيبتى فى ايه مالك
عشق: ولا حاجه يا ماما بلغى بابا انى موافقه على العريس
سوميه بفرحه: بجد يابنتى
عشق: بجد يا ماما
سوميه: ادخلى يا حبيبتى ارتاحى وانا هبلغ باباكى
مشيت سوميه بسرعه وعشق دخلت اوضتها قعدت ومسكت فونها ورنت على امجد
امجد: الو عشق
عشق: موافقه يا امجد
امجد بفرحه: واوعدك انك مش هتندمى على القرار ده ابداااا
عشق: باذن الله
امجد: خلاص النهارده هاجى انا وامى نحدد كل حاجه
عشق: تمام
امجد: مع السلامه
عشق: مع السلامه
قفلت عشق معاه ورمت نفسها على السرير دموعها كانت هتنزل بس منعتها
عشق: اوعى تبكى اوعى تبكى هو الى خسر مش انتى قعدت تردد الجمله ديه كتير اوووى لنفسها عشان تشيله من دماغها
###################################################
يوسف قاعد مع عمار فى مكتبه
عمار: قولت لخديجه
يوسف: لا لسه هقولها لما ترجع
عمار: ديه هتقلب الدنيا
يوسف: ربنا يستر
عمار: وعامل ايه مع حور
يوسف: مش بتطلع من اوضتها
عمار: ده المتوقع
يوسف: سبها لربنا
عمار: تمام هقوم انا اشوف حالاتى بقا
يوسف: تمام ربنا معاك
قام عمار وطلع من المكتب واتجه لمكتبه بس شاف فى طريقه ريتاج واقفه مع عزيز وكانت بتضحك وبتهزر
معاه ميعرفش ليه اضايق واتعصب اول ما شافها واقفه مع عزيز شال الافكار ديه من دماغه بسرعه واتجه لمكتبه
##########################################################
حور قاعده فى الصاله بتفكر فى عمر مش عارفه هو ليه عمل كده عمر الى كان ديما بيخاف عليها من اقل حاجه الى
كان ديما يسمعها ويحكيلها عن كل حاجه كانت زى اخته واكتر ازاى قدر يعمل كده فى اخته اكيد فى حاجه غلط
سالت نفسها سوال هتقدرى تسامحيه فى يوم من الايام يا حور وقفت قدام السوال ده كتير اوووى هتقدرى يا حور هتقدرى تسامحيه وهو كان السبب فى الى حصلك ده الاجابه مكنتش عايزه تفكير كتير لانها خلاص وبكل بساطه قلبها الى كانت بتسامح وتحب وتفرح بيه مات عمر بالنسبالها دلوقتى اكتر انسان اذاها ووجعها هى مش مجروحه منه وبس هى ماتت بسببه لانها عمرها ما كانت تتخيل مجرد تخيل بس ان الضربه هتجلها منه هو من اكتر انسان كانت بتثق فيه الانسان الوحيد الى بيحسسها بالامان من بعد ياسين مات عمر بالنسبالها مات
##############################################################
فرحه فى الاوضه بتوضب الهدوم وسليم قاعد معاها
سليم: مالك يا فرحه فى ايه
فرحه: ولا حاجه يا سليم
سليم قرب منها وشال الهدوم من ايديها وحضنها: لا فيه انا مش عليا انا يا فرحه
فرحه: ولا حاجه يا سليم صدقنى
سليم بعد عنها شويه ورفع وشها بايديه: مالك يا فرحه عيونك زعلانه اكديه ليه
فرحه: خايفه يا سليم
سليم: خايفه خايفه وانا جمبك وخايفه من ايه
فرحه: من ان ربنا ميرزقناش بالخلفه يا سليم
سليم: بتقولى اكديه ليه احنا لسه مكملناش اسبوعين او شهر متجوزين
فرحه: معريفش بقا
سليم: حد اتحدت معاكى فى الموضوع ديه
فرحه سكتت ومتكلمتش
سليم: يبقا اتحدتوا معاكى اسمعى يا فرحه الخلفه ديه بتاعت ربنا وانا عمرى ما هسيبك ولو عايز عيال هيكونوا منك انتى وبس يا فرحه يا انتى يا بلاش يا فرحه قلبى
فرحه: صوح يا سليم
سليم حضنها وابتسم: صوح يا فرحه قلب سليم
###############################################################
عشق قاعده مع امجد ومامته وعيلتها
اميره: يبقا خلاص نقراء الفاتحه دلوقتى والخطوبه وكتب الكتاب الشهر الجاى والشهر الى بعده يبقا الفرح ايه رائيكم
محمد: راينا ان مفيش داعى للتاخير ولا ايه يا سوميه
سوميه: اه اه طبعا
اميره: يبقا اتفقنا
محمد: اتفقنا يا مدام اميره
اميره: يبقا نقراء الفاتحه
بداءوا يقرواء الفاتحه وامجد كان طاير من الفرحه هو بيحب عشق ليه سنتين وطول السنتين دول بيحلم بالحظه ديه واهو ربنا جمعهم فى حلاله
عشق قرايه الفاتحه ديه كانت بالنسبه ليها موت لقلبها ولاى مشاعر ليها لان كل مشاعرها لياسين لياسين وبس
البارت الثالث عشر
عشق فى اوضتها بتجهز عشان العريس خلاص على وصول
سوميه: يابنتى متوجعيش قلبى كده بالله عليكى
عشق: يا ماما والله غصب عنى انا مش عايزه والله مش عايزه
سوميه: معلش قابليه الاول ويبقا بعدها يحلها الف حلال قولى اى حاجه وارفضيه بس عدى اليله ديه على خير يابنتى
عشق: حاضر يا ماما هقابله وهعمل كل الى انتى عايزه
سوميه: ربنا يهديكى يابنتى جرس الباب رن
سوميه: دول اكيد هما انا هطلع استقبلهم مع ابوكى وانتى بعد شويه كده تيجى بالمشروبات تمام
عشق: تمام يا ماما تمام
طلعت سوميه ورحبت بضيوفها وقعدوا كلهم فى الصالون
ام العريس (اميره): مش هنشوف العروسه بقا ولا ايه
محمد: لا طبعا حالا جيه اهى انتوا نورتوا والله
بعد شويه طلعت عشق ليهم وهى باصه فى الارض مش قادره ترفع عنيها فيهم
وزعت المشروبات ووصلت للعريس العريس بص ليها بحب واخد منها كبايه العصير
العريس: شكرا
عشق وهى لسه باصه فى الارض: العفو انسحبت عشق وقعدت جمب اهلها
اميره: زى ما انت عارف يا استاذ محمد انا جوزى متوفى وابنى والحمدالله دكتور علاج طبيعى الشقه جاهزه وكل حاجه مش ناقص بس غير موافقه العروسه
محمد: والله وانا يشرفنى انى اناسب حضرتكم يا مدام اميره
اميره: يبقا احنا نسيب العرسان لوحدهم شويه ونرجع نكمل كلمنا
محمد: طبعا طبعا اتفضلى فى التراس المنظر يجنن
سوميه لسه هتقوم بس عشق مسكت ايديها بسرعه بصت سوميه لبنتها بحزن وسحبت ايديها بهدوء ولحقتهم فى التراس
عدت دقايق مليانه صمت وسكوت من الطرفين سوا كانت عشق او هو
العريس: احم احم انسه عشق
عشق رفعت دماغها ليه وشافته كان شاب اسمر بجسم رياضى يعنى كان شكله جميل جدااا ده غير اهتمامه بالتفاصيل زى الساعه البرفيوم وهكذا باين عليه انه فى اخر عقده الثانى واكتر حاجه لفتت انتباها اول ما شافته كانت عيونه الى من لون البحر والسماء
عشق: افندم
العريس: مش حابه تتعرفى عليا ده انتى حتى لسه متعرفيش اسمى
عشق سكتت فهو كمل كلامه
العريس: بصى ياستى انا اسمى امجد عبدالعزيز مصطفى عندى 27 سنه معنديش اخوات عايش انا وامى وبس من بعد موت بابا الله يرحمه بشتغل دكتور علاج طبيعى ديه الحاجات الاساسيه وباذن الله لو حصل نصيب هنتعرف على بعض اكتر فى فتره الخطوبه
عشق ساكته ومش عارفه تقول ايه هى معندهاش حاجه تتقال اصلا
امجد: انسه عشق انتى كويسه شكلك مرهق
عشق: لا لا انا كويسه
امجد: طب ممكن اتعرف عليكى اكتر انا معرفش اى حاجه عنك غير انك اسمك عشق وفى كليه تجاره
عشق بصت ليه وبدموع بتحاول تخفيهم وراه ابتسامتها البسيطه اتكلمت
عشق: انا عشق محمد احمد 22 وعشرين سنه اخر سنه كليه تجاره
امجد: طب ممكن اسالك سوال
عشق: اه طبعا اتفضل
امجد: هو فى حد فى حياتك احب اعرف من الاول وصدقينى لو فيه انا هنهى الموضوع من عندى عشان مساببليكيش مشاكل بس
عشق: بس
امجد: لو مكنش فيه حد فانا اتمنى انك تدينى الفرصه ديه وانا اوعدك انك مش هتندمى
عشق سكتت شويه مش عارفه تقول ايه امجد منتظر اجابتها لان اجابتها بالنسباله موت او حياه
عشق: لا وعلى ما اتوقع لو فيه اصلا مكنتش هقبل اقعد معاك
امجد فرح من اجابتها وابتسم: ازاى كان كده انتى عندك مانع فى ارتباطنا يعنى موافقه اننا نرتبط ببعض
عشق بصت ليه ولتانى مره تسكت عقلها بيقولها وافقى كده كده انتى عارفه ان ياسين مش ليكى وقلبها بيصرخ باعل صوت ارفضى ارفضى لان ممكن فى يوم من الايام ياسين يحبك وساعتها هتكونى خسرتى ارفضى حتى عشان نفسك مش ياسين
عشق: ممكن ارد على سوالك ه بكره
امجد: بمعنى
عشق: يعنى سيبنى افكر النهارده وبكره هبلغك ردى
امجد بابتسامه: تمام وانا متفائل خير انشاء الله
عشق ابتسمت ليه بهدوء وسكتت جم اهلهم وقعدوا معاهم تانى
اميره: ها بقا يا ولاد اتفقتوا مع بعض ولا ايه
امجد: الحمدالله يا امى بس عشق محتاجه وقت عشان تفكر
اميره: اه اه طبعا طبعا خدى راحتك يا حبيبتى واحنا هنكون فى انتظار ردك انا مش هلاقى زوجه لابنى احسن منك
سوميه: ربنا يقدم الى فيه الخير يا مدام اميره
اميره: انشاء الله يا مدام سوميه نستاذن احنا بقا
محمد: خليكم لسه بدرى
اميره: لا مره تانيه بقا
محمد: تمام على راحتكم بس المره التانيه مفيش اعذار
اميره: انشاء الله يا استاذ محمد انشاء الله
محمد: اتفضلو اتفضلوا وصلهم محمد للباب وودعهم ورجع لبنته
محمد: انتى هتوافقى يعنى هتوافقى على العريس ده والا قسم بالله لهيكون ليا كلام تانى معاكى
ودخل اوضه وسابهم لوحدهم سوميه بصت لبنتها بحزن ولحقت جوزها تحاول تقنعه وتهديه
عشق غمضت عنيها بالم وفكرت فى اخر محاوله ليها هى لو عايزه تعيش سعيده لازم تعمل كده
###########################################################################
اسراء واقفه قدام صخر مرعوبه مش فاهمه هو ماله او ايه الى عصبه بالشكل ده
قرب منها صخر بعصبيه وغضب: بقا انتى تعملى كل ديه
اسراء بصوت بيرتعش من الخوف: بعمل ايه يا واد عمى انى مش فاهمه حاجه
صخر: بقا انتى توجعدى اهنى زى البرنسيسه وتسيبى اماى تعمل الوكل كله لحالها لا وكمان تكبى عليها مايه سخنه نار
اسراء باندفاع مليون خوف: لا لا لا لا والله ما حوصل يا واد عمى انى معملتش اكديه واصل مع مرت عمى ده حتى انى الى عملت الوكل كله النهارده
صخر: قصدك ان امى بتكدب ولا ايه
اسراء: لا لا لا سمح الله يا واد عمى انى مقدرش اقول اكديه على مرت عمى بس هو ديه الى حوصل وانا مبقولش غير الحقيقه صدقنى
صخر اتقدم منها ومسكها من ايديها بقوه وداس عليها لدرجه انه كان ممكن يكسرها
صخر: سبق وقولتلك متخلنيش اتعصب عليكى انى عصبيتى وحشه قووووى وامى مش هتكدب
اسراء بدموع والم من مسكته ليها: سيب يدى بتوجعنى يا واد عمى
صخر بحزم ومهتمش لكلامها: دلوقتى تنزلى وتحبى على راس امى وتعتذريلها واوعى تفكرى ان اكديه حسابك خولص خلاص لا حسابك لسه قاعد بس بعد ما نطلع اهنى فاهمه
اسراء وهى بتترعش من الالم والخوف: فاهمه رمها صخر بيده على السرير وساب الاوضه بعصبيه ونزل اسراء فضلت تبكى على الى بيحصلها من مرت عمها ومن صخر
مسكت دراعها ورفعت الهدوم عشان تشوفه لقته ازرق اوووى من مسكت صخر ليها عدلت حجابها ومسحت دموعها ونزلت ليهم لتحت وهى بتحاول متبينش تعبها
فرحه: مالك ياخيتى شكلك تعبانه اكديه ليه
اسراء: لا لا انا زينه وبصت لصخر الى دخل المطبخ
اسراء: عن اذنك ياخيتى لحظه مشيت اسراء بسرعه قبل حتى ما فرحه ترد عليها ودخلت المطبخ وراه صخر
صخر: اهى ياماى جايه تعتذرلك وتحب فوق راسك كمان
فاطمه: يا ولادى ملوش لازوم والله
صخر: لا ليه وبص لاسراء بغضب فهى اتقدمت لفاطمه وباست دماغها
اسراء: حقك عليا يا مرت عمى مش هعمل اكديه تانى
فاطمه: يابنيتى انتى زى فرحه بنتى انا مزعلش منك واصل وبعدين محصلش حاجه
اسراء بعدت عنها: حاجه تانى اصل هطلع اساعد فرحه بره
صخر: فيه حاجه تانى تعالى اهنى
اسراء اتقدمت ليه ووقفت قدامه
صخر: هاتيلى كوبايه مايه سخنه اسراء مشيت جابلته كبايه مايه سخنه ورجعت اخدها منها صخر وبص ليها
صخر:لو سمعت صوتك يبقا قولى على نفسك يا رحمن يا رحيم فاهمه
اسراء لسه هتستوعب الى قاله بس هو سحب ايديها بسرعه وكب عليها كوبايه المايه السخنه كلها
اسراء كانت هتصرخ من الالم بس كتمت صراختها ودموعها بس هى الى نزلت
صخر: اكديه يبقا خلصين يا مراتى فى حق امى اما حقى انا بقا فهعرف اخده منك زين تقدرى تطلعى دلوقتى
اسراء بصت ليه بدموع وكره وخوف وهو واقف قدامها زى الصخر ولا كانه عمل اى حاجه
طلعت اسراء من المطبخ ودموعها سابقها الم ايديها مش قادره تستحمله
فرحه: اسراء مالك بتبكى ليه
اسراء: ولا حاجه يا فرحه
فرحه: ايه ديه مالها يدك وايه الى حرقها اكديه
اسراء: انا مخدتش بالى وانا بطبخ فحركتها
فرحه: بس ده حرق جديد لسه حالا
اسراء: لا لا انتى بس الى مش عارفه
فرحه: طب تعالى نحطلك كريم ولا حاجه
اسراء: لا لا ملوش لازوم ياخيتى يالا احنا نحط الوكل
فرحه: يابت طب نحط ليها الكريم وبعدين يبقا نرجع نحط الوكل
اسراء: ياخيتى متتعبنيش وياكى يالا نحط الوكل
فرحه: الى يريحك ياخيتى
حطت فرحه واسراء الاكل وجم العيله كلها وبداءو ياكلوا
سليم اول ما داق الاكل عرف ان فى ايدين جديده عامله
سليم: الله الله الوكل النهارده زى القشطه بس معلش ياماى انتى وعمتى مش هقدر اقولكم تسلم يدكم لا ده مش طبخكم
فرحه: معاك حق يا سليم الوكل النهارده اسراء هى الى عامله كله ومخلتش حد يساعدها واصل
صخر ساب الاكل اول ما سمع كلام فرحه وبص لاسراء لقاها ساكته وباصه فى الارض بص لامه لقاها اتوترت اوووى
سعاد: والله يا ولادى كنت عايزه اساعدها بس هى مردتش تتعبنى وعملت الوكل من اهنى وفراره طلعت على اوضتها مرضتش تقعد ويانا
صخر: يعنى اسراء هى الى عملت الاوكل كله النهارده
فرحه: ايوه ياخوى بس مراتك ايه طلعت ولا اجدها طباخه
سليم: المره الجايه الاكل هيبقا من يدك وعايزه يبقا احسن من ديه كمان
فرحه بضحك: موعدكش يا واد عمى بس هحاول
رضوان: تسلم يدك يا ابنيتى وكلك حلو قووووى
اسراء: تسلم يا حج هستاذن انا بقا
رضوان: انتى لسه مكملتيش واكلك يا ابنيتى
اسراء: لا انا اكديه الحمدالله ربنا يديمها نعمه علينا يا حج عن اذنكم
طلعت اسراء بسرعه على اوضتها لانها مقدرتش تستحمل الالم وخاصه انها لازم متبينش حاجه قدامهم
صخر بص لامه لقاها زى ما هى قاعده مش على بعضها مش عارف هى ليه عملت كده مع اسراء وهو اتسرع اووى فى رده فعله وبوظ الدنيا ومش عارف هو كمان هيعمل معاها ايه
صخر ساب الاكل وقام وقف
رضوان: رايح فين يا ولادى كمل واكلك
صخر: لا الحمدالله يا جدى عن اذنك هطلع ارتاح شويه
مستناش رد جده وطلع هو كمان على اوضه
فاطمه قاعده ومرعوبه من رد فعل صخر هى مكنتش تحسب ان ده هيحصل لازم تلقاء مبرر قوى لموقفها الى عملته مع اسراء ده
صخر وصل لاوضه ودخل اسراء كانت قاعده على السرير اول ما شافته دخل مسحت دموعها صخر دخل الحمام وجاب علبه الاسعافات الاوليه وصل لحد عندها وسحب كرسى وقعد قصادها
صخر: يدك
اسراء سكتت ومتكلمتش ولا ردت عليه
صخر بشى من الحزم: بقولك يدك
اسراء مدت ايديها بخوف وتوتر صخر اول ما شاف الحرق اضايق من نفسه اوووى وانه اتصرف بتسرع واذاها وهى ملهاش ذنب مسك ايديها وحس برعشتها اول ما لمسها
صخر: متخافيش سبق وقولتلك انى عمرى ما هعمل حاجه ليكى او حاجه غصب عنك
بداء يحط ليها كريم للحرق ولف ايديها بقطن وشاش وعمل كل حاجه
صخر وهو بيحط ايديه على كتفها من فوق: دلوقتى انتى هتستريحى ومش عايز اشوفك بكره او النهارده تنزلى تحت او تعملى اى حاجه
اسراء بالم: ااااااه وشالت ايديه بسرعه
صخر بص ليها بشك: مالك
اسراء: مفيش
صخر شال ايديها ورفع هدومها لحد كتفها وشاف مكان ايديه لما مسكها وكان مزرق اوووووى
صخر: مقولتليش ليه
اسراء سكتت ومتكلمتش حط ليها كريم برضه على المكان الى بيوجعها
صخر: زى ما قولتلك هتستريحى دلوقتى ومش عايز اشوفك تحت انتى تعبتى قوووى النهارده
قام وقف قصادها لف واتجه للباب بس قبل ما يوصل للباب وقف
صخر: اه صح الوكل كان حلو قوووى النهارده تسلم يدك
وكمل طريقه لحد ما طلع من الاوضه اسراء ابتسمت بهدوء اول ما قالها كده وشكرها مكنتش مصدقه ان الى كان قدامها ده صخر صخر القناوى ازاى فى انسان يجرح ويداوى فى نفس الوقت وكانه هو الداء وهو الدواء
بس عرفت حاجه مهمه قوووى عرفت ان صخر زى ما هو عصبى فهو برضه حنين قوووى ممكن حنيته بتختلف عن
الكل بس هى حستها فيه ومعاه وهى الى مسئوله على تعامله معاها سوا كان بالعصبيه او الحنينه هى المسئوله وبس
اسراء: انت غريب قوى يا صخر وانى مش عارفه هقدر اتعامل معاك كيف
##########################################################################################
ياسين قاله الكلمه وفرج وقف مكانه زى الصنم
فرج: يعنى ايه لاموخذه مش فاهم
ياسين زعق فيه: زى ما بقولك كده انت وانا ضيعنها باهملنا ليها
فرج: يابنت ***********
ياسين: مش بقولك ضيعتها فوق بقا حور الضحيه مش الجانى
فرج: ما هى لو محافظه على نفسها مكنش ده هيحصل
ياسين: وهو انا بكلم مين اصلا مش هقولك غير حسب الله ونعمل وكيل فيك منك لله يا شيخ دمرتنا كلنا منك لله
اخد هدوم امه وطلع من الاوضه وسحب مامته معاه
فرج: بتحسبن فيا طب شوف بقا يا حيلتها هتروح فين والله ما انت داخل هنا تانى
ياسين طلع من الشقه ونزل وطلع من الحاره كلها
نجاه: هنروح فين يابنى دلوقتى
ياسين: متقلقيش يا امى انا ليا شقه هنا
نجاه: شقه ومن فين ديه
ياسين: لما نوصل هفهمك كل حاجه
################################################################################
ريتاج واصحابها قاعدين مع بعض بعد ما طلعوا من العمليه
سما: اووووف 4 ساعات على رجلينا ليه يا كفار حرام عليكم
طارق: ولا المناظر حاجه تفرح بجد
خالد: والله هى ديه طب والى عايزها بقا
عزيز: دول ضحكوا عليا والله قالولى ادخل طب هتستريح ومن يوم ما دخلتها وانا مش لاقى وقت انام فيه اصلا
ريتاج: ياعم اهدى ومتزعلش نفسك كده مش لوحدك كلنا اضحك علينا
سما: طب احنا دلوقتى هنروح ولا هنقعد ولا ايه النظام بالظبط
طارق: والله ما اعرف لما الدكتور عمار يجيلنا يبقا يقولنا
ريتاج: مش كنت افتكرتلنا 100 جنيه كده اهو جيه ياعم كلهم واقفوا ليه اول ما وصل ليهم
عمار: كنتوا كويسين اوووى فى العمليه بجد فاجئتونى ومخيبتوش ثقتى فيكوا برافوا عليكم
خالد: شكرا يا دكتور
سما:دلوقتى يا دكتور احنا هنروح ولا فى نبطشيه لينا
عمار: طبعا فيه بس مش ليكى لريتاج وعزيز
ريتاج بصت لعزيز: مش قولتلك
عزيز: وياريتك ما قولتى ياستى
عمار: بتقولوا حاجه يا دكاتره
عزيز: لا يا دكتور مبنقولش حاجه
عمار: طب تمام انتوا اتفضلوا على قسم الطوارئ وانتوا تقدروا تروحوا
سما بصت لصحابتها هى وبتودعها: بجد السنه ديه سنتك يا رورو
ريتاج: انتى هتقوليلى هى شكلها سنه فل من اولها يالا ياختى روحى ونامى فى سريرك الدافى روحى روحى ليكى يوم
سما ضحكت على كلام صاحبتها وطريقتها وروحت مع الشباب
عزيز اتصل باهله وقالهم انه هيبات النهارده فى المستشفى
عزيز: مش هتتصلى باهلك ولا ايه يا ريتاج
ريتاج بابتسامه حزن: انا اهلى متوفين من وانا عندى سنه واحده
عزيز باسف: البقاء لله
ريتاج: حياتك الباقيه
عزيز: وكنتى عايشه مع مين
ريتاج: كنت عايشه مع نفسى فى الملجئ
عزيز: اسف لو فكرتك
ريتاج: لا ياعم عادى المهم تشرب قهوه
عزيز بابتسامه: نشرب قهوه
ريتاج: هو ده الكلام
قعدت ريتاج مع عزيز يتكلموا ويسلوا وقتهم لحد ما اى حاله تجلهم
############################################################################
طلع الصبح على ابطالنا يوم جديد باحداث جديده
حور فاقت على ضوء الشمس قامت اضوضت وصلت فرضها ولبست الاسدال الى مبقاش يفارقها خااالص
وطلعت لقت اكل محطوط على السفره بس مفيش حد قربت منه لقت فى ملاحظه عليه مسكتها وبدات تقراها
( صباح الخير محبتش ازعجك وانت نايمه ومتقلقيش عليا انا مشيت المستشفى وممكن اتاخر يا عالم بس لو فى اى حاجه هتصل بيكى واه اوعى متفطريش ده الفطار ده انا الى عامله بايدى خالى بالك من نفسك يا حوريتى يوسف )
حور قرات الملاحظه والابتسامه ارتسمت على شفايفها شعور جديد بيدخل قلبها شعور اول مره
تحسه او تعيشه شالت الافكار ديه كلها من دماغها وقعدت تاكل الاكل الى حضره ليها يوسف بنفسه
############################################################################
عشق واقفه على النيل وباصه للمايه مش عارفه ازاى كان الى هتعمله ده صح ولا لا هى قالت لريتاج وريتاج حظرتها من انها
تعمل كده وانها تطلب المساعده منه ده اخر شخص ممكن تطلب منه المساعده بس هتعمل ايه فى قلبها العنيد الى مش عايز يستسلم
فاقت على صوته هى بتستنى تسمعه ديما فى كل لحظه وثانيه
ياسين: خير يا عشق قلقتينى فى ايه
عشق بصت ليه وسكتت
ياسين: عشق مالك انتى قولتيلى عايزه اقابلك ضرورى وفى اقرب وقت وانا اهو قدامك فى ايه بقا متقلقنيش
عشق متعرفش ازاى الكلام طلع منها وكانها فى الوقت ده مغيبه عن الواقع
عشق: ياسين انا متقدملى عريس
ميقدرش ينكر ان الجمله هزت كيانه كله بس هو لازم ميبيلهاش انه اتاثر او اى حاجه اه هو قلبه وجعه اووووى وهو كان عارف ان ده الى هيحصل
سوا اتاخر او اتقدم حدوثه بس لما تتحط فى الموقف بيبقا غير حتى ولو قعدت تدرب عليه الف مره حاول يتمالك اعصابه وميبينش اى حاجه
ياسين: الف مبروك ربنا يتمملك على خير يا عشق
عشق: بطل بقا بطل حرام عليك
ياسين: ابطل ايه
عشق: بطل الى بتعمله ده بطل تتجاهلنى بطل تعمل نفسك مش فاهم بطل تتجاهل حبى ليك
ياسين اتصدم من اعترفها الصريح بحبه ليه يعنى هى طول الوقت ده كانت بتحبه بس لا مش ممكن اظلمها معايا انا مش
هقدر اعيشها فى نفس المستوى الى هى عايشه فيه انا لو عملت كده هبقا بظلمها وهكون انانى وانا عمرى ما كنت انانى
ياسين: انا معرفش حاجه ايه انتى بتقوليه ده
عشق: واديك عرفت ياسين متعملش كده ارجوك انت عارف انى انا بحبك ياسين بابا ودماغه الف سيف انه يجوزنى العريس ده ياسين ارجوك متعملش فيا كده ارجوك
ياسين: ربنا يسعدك ويتمملك على خير مع عريسك انا مش هقدر اقولك اكتر من كده
عشق: ياسين ارجوك متقولش كده قول اى حاجه قول انك لسه مش جاهز او انك لسه بتكون نفسك او انك محتاج شويه وقت بس متقوليش كده متقوليش كملى حياتك مع حد غيرى ياسين افهم انتى حياتى انا مقدرش اعيش من غيرك ارجوك افهمنى ارجوك
ياسين واقف جامد قدامها بيسمعها من سكات عشق اول ما شافته كده قربت منه ومسكت ايديه
عشق: قولى انك مش هتسبنى قولى انى هبقا ليك ياسين ارجوك اتكلم قول اى حاجه بس متسكتش كده ياسين انا عندى استعداد استناك الف سنه مش هيفرق معايا بس المهم تكون ليا فى الاخر ياسين انا بحبك بحبك اووووى ارجوك متسبنيش ارجوك
ياسين سحب ايديه منها بهدوء وبص ليها: عشق انا مش هقدر اسعدك شوفى ساعدك مع الشخص الى هيسعدك ويقدرك مش هقدر اقولك غير ربنا يسعدك
عشق دموعها غلبتها ونزلت من عنيها: ياسين ارجوك متسبنيش انا محتجالك اوووى ياسين انا بحبك صدقنى
ياسين رجع لوراه ولف وادها ظهره وبداء يمشى عشق لقت اخر امل ليها بيبعد وبيبعد
عشق وقعت على الارض وبصوت عالى مليان الم وقهره: متنساش متنساش اليوم ده يا ياسين خليك فاكره اوووى واوعى تنساه اليوم ده انا اترجيتك
فيه وانت رفضتنى صدقنى مش هنسى اليوم ده ابداااا ولو رجعت ليا فى يوم ساعتها انا الى هرفضك سامعنى ساعتها انا الى هرفضك يا ياسين اوعى تنسى كلام ده وزى ما قتلتنى بالبطئ اوعدك انى انا كمان هقتلك يا ياسين انت سامعنى انا هقتلك زى ما قتلتنى وده وعد منى ليك سامعنى ده وعد منى ليك
ياسين دمعه منه نزلت غصب عنه بس مسحها بسرعه لان ده لصالحها هى هو مش هيقدر يسعدها هو مش هيقدر يقدملها اى حاجه هو لو خلها معاه هيبقا كده بيعذبها وهيكون انانى فى حبه وهو عمره ما كان كده
#################################################################################
فى الصعيد البنات قاعدين مع فاطمه وسعاد
فاطمه: مفيش حاجه اكديه ولا اكديه يا مرت ولادى
اسراء: لسه يا مرت عمى لما ربنا ياذن
فاطمه: لما نشوف يا مرت ولادى لما نشوف
سعاد:وانتى يا فرحه مش حاسه باى حاجه زى دوخه ولا اى حاجه تانى
فرحه: لا ياماى
سعاد: عادى يا حبيبتى انتى لسه صغيره
فرحه: اكيد ياماى اكيد
فاطمه: انا عايزكى يا مرت ولادى تحبلى مره واتنين وتالته واربعه
اسراء: ربنا الى عايزه هيحصل يا مرت عمى
#####################################################
عشق رجعت البيت ودخلت وهى تايهه ومش عارف تعمل ايه مكنتش تتصور هو ده رد ياسين ليها كان نفسها يتمسك بيها وهى كانت هتفضل جمبه كانت هتستحمل لانها بتحبه بس خلاص ياما سمعت لقلبها واهى شافت الى حصلها جيه الوقت انها تسمع لصوت عقلها عقلها وبس
سوميه: عشق حبيبتى فى ايه مالك
عشق: ولا حاجه يا ماما بلغى بابا انى موافقه على العريس
سوميه بفرحه: بجد يابنتى
عشق: بجد يا ماما
سوميه: ادخلى يا حبيبتى ارتاحى وانا هبلغ باباكى
مشيت سوميه بسرعه وعشق دخلت اوضتها قعدت ومسكت فونها ورنت على امجد
امجد: الو عشق
عشق: موافقه يا امجد
امجد بفرحه: واوعدك انك مش هتندمى على القرار ده ابداااا
عشق: باذن الله
امجد: خلاص النهارده هاجى انا وامى نحدد كل حاجه
عشق: تمام
امجد: مع السلامه
عشق: مع السلامه
قفلت عشق معاه ورمت نفسها على السرير دموعها كانت هتنزل بس منعتها
عشق: اوعى تبكى اوعى تبكى هو الى خسر مش انتى قعدت تردد الجمله ديه كتير اوووى لنفسها عشان تشيله من دماغها
###################################################
يوسف قاعد مع عمار فى مكتبه
عمار: قولت لخديجه
يوسف: لا لسه هقولها لما ترجع
عمار: ديه هتقلب الدنيا
يوسف: ربنا يستر
عمار: وعامل ايه مع حور
يوسف: مش بتطلع من اوضتها
عمار: ده المتوقع
يوسف: سبها لربنا
عمار: تمام هقوم انا اشوف حالاتى بقا
يوسف: تمام ربنا معاك
قام عمار وطلع من المكتب واتجه لمكتبه بس شاف فى طريقه ريتاج واقفه مع عزيز وكانت بتضحك وبتهزر
معاه ميعرفش ليه اضايق واتعصب اول ما شافها واقفه مع عزيز شال الافكار ديه من دماغه بسرعه واتجه لمكتبه
##########################################################
حور قاعده فى الصاله بتفكر فى عمر مش عارفه هو ليه عمل كده عمر الى كان ديما بيخاف عليها من اقل حاجه الى
كان ديما يسمعها ويحكيلها عن كل حاجه كانت زى اخته واكتر ازاى قدر يعمل كده فى اخته اكيد فى حاجه غلط
سالت نفسها سوال هتقدرى تسامحيه فى يوم من الايام يا حور وقفت قدام السوال ده كتير اوووى هتقدرى يا حور هتقدرى تسامحيه وهو كان السبب فى الى حصلك ده الاجابه مكنتش عايزه تفكير كتير لانها خلاص وبكل بساطه قلبها الى كانت بتسامح وتحب وتفرح بيه مات عمر بالنسبالها دلوقتى اكتر انسان اذاها ووجعها هى مش مجروحه منه وبس هى ماتت بسببه لانها عمرها ما كانت تتخيل مجرد تخيل بس ان الضربه هتجلها منه هو من اكتر انسان كانت بتثق فيه الانسان الوحيد الى بيحسسها بالامان من بعد ياسين مات عمر بالنسبالها مات
##############################################################
فرحه فى الاوضه بتوضب الهدوم وسليم قاعد معاها
سليم: مالك يا فرحه فى ايه
فرحه: ولا حاجه يا سليم
سليم قرب منها وشال الهدوم من ايديها وحضنها: لا فيه انا مش عليا انا يا فرحه
فرحه: ولا حاجه يا سليم صدقنى
سليم بعد عنها شويه ورفع وشها بايديه: مالك يا فرحه عيونك زعلانه اكديه ليه
فرحه: خايفه يا سليم
سليم: خايفه خايفه وانا جمبك وخايفه من ايه
فرحه: من ان ربنا ميرزقناش بالخلفه يا سليم
سليم: بتقولى اكديه ليه احنا لسه مكملناش اسبوعين او شهر متجوزين
فرحه: معريفش بقا
سليم: حد اتحدت معاكى فى الموضوع ديه
فرحه سكتت ومتكلمتش
سليم: يبقا اتحدتوا معاكى اسمعى يا فرحه الخلفه ديه بتاعت ربنا وانا عمرى ما هسيبك ولو عايز عيال هيكونوا منك انتى وبس يا فرحه يا انتى يا بلاش يا فرحه قلبى
فرحه: صوح يا سليم
سليم حضنها وابتسم: صوح يا فرحه قلب سليم
###############################################################
عشق قاعده مع امجد ومامته وعيلتها
اميره: يبقا خلاص نقراء الفاتحه دلوقتى والخطوبه وكتب الكتاب الشهر الجاى والشهر الى بعده يبقا الفرح ايه رائيكم
محمد: راينا ان مفيش داعى للتاخير ولا ايه يا سوميه
سوميه: اه اه طبعا
اميره: يبقا اتفقنا
محمد: اتفقنا يا مدام اميره
اميره: يبقا نقراء الفاتحه
بداءوا يقرواء الفاتحه وامجد كان طاير من الفرحه هو بيحب عشق ليه سنتين وطول السنتين دول بيحلم بالحظه ديه واهو ربنا جمعهم فى حلاله
عشق قرايه الفاتحه ديه كانت بالنسبه ليها موت لقلبها ولاى مشاعر ليها لان كل مشاعرها لياسين لياسين وبس
