رواية ظلم ابي الفصل الحادي عشر 11 بقلم جمانة السعيدي
ساره... كعدت الحجيه اجت للمطبخ تكعد ويانا
واني رحت لبست دشداسه عريضه بس بدون حجاب
كاعده وعايفه النومه الحلوه
تخاف يصير بينا شي
ساره...هااا حجيه احضرلج ريوك
الحجيه...اي اتريك
ساره....بيض سلك وشويه خبز
الحجيه...ياا مااكدر اريد ويا جبن قشطه شلون بدون خبز
مااشبع
سلمان....اني وساره ناكل مثلج
يله ساره بيض سلك وخبز قليل
ساره...رحت سلكت بيض اني والحجي اكلنا كل واحد بيضه وشويه خبز
وهيه اكلت بيضتين ونص كرصه خبز
الحجيه...بعدني ما شبعت
ساره...بلعشره احضرلج فواكه تاكلين
الحجيه...الفواكه تلزم كلبي
ساره...شويه شويه تتعودين
طلع سلمان
ساره...يله نتمشى اني وياج هاج العكاز وهاي ايدج استندي عليه
الحجيه...مااكدر
ساره...لا تكدرين بدينا نمشي تمشي على على كيف
اااي حجيتي شلون عشكتي سلمان
الحجيه....هههه هههههه اول مره شفته عجبني
ثكيل وشكله حلو وشخصيته حلوه كلت بكلبي ماازوج غير هذا
ساره....هااا يعني انتي الي زحفتي علي
الججيه....شني زحفت
ساره...يعني انتي الي حبيتي بلاول
الحجيه....اي اني حبيته اااخ ااخ رجليه
ساره...بعد ما مشينا خمس دقايق يله كملي
ووين جنتي تشوفي
الحجيه...هيه مره وحده شفته بعرس كرايبنا
بعدين ابوي كاله
انت خوش ولد واريد اطيك مره
وصارت القسمه
ساره....اي بعد شتردين ااجتج عدله لا تعبتي ولا
سهرتي اليل تفكرين بي
الحجيه...قسمه كلشي قسمه ونصيب
اريد اكعد تعبت
ساره...بعد اشويه الحركه زينه اللج
الحجيه...كلبي يفحط اذا مشيت
ساره...من الكعده لازم كل يوم رياضه حتى ترجعين بت
١٥ سنه
الحجيه...وووين راح الشباب بعد
ساره...شلون قبلتي يزوج عليج وانت هلكد تحبي
ماخفتي يتغير عليج
الحجيه....شسوي ماعدي احد يساعدني
صارت شربة الماي صعبه عليه مااكدر اتحرك
والناس الغريبه ما تنحزر
اني اعرف سلمان عشرة عمر مستحيل يتغير عليه
اني وكفتله ونطيته كلشي املكه
مستحيل يتخلى عني
احنا سئلنا عنج وعن اهلج يعني مو هيج عمياوي
كلها تكول عليج خوش بنيه وسباعيه ربت اخوتها وماعافتهم وازوجت
اريد اكعد تعبت
ساره...اكعدي اليوم عشر دقايق باجر ربع ساعه
الحجيه...انشاء الله جمانه السعيدي
الضهر رجع سلمان كلش ضايج
بس دخل عرفت صاير شي
ساره...ليش ضايج
سلمان....اخوج اجاني اليوم للشغل تعال تكعد ويانا للحك
انت ضحكت على ابوي
اخذت ساره وما تخليها تجي البيتنا
واكو اتفاق بينك وبين ابوي ما تنفذ حضر عمامك
وجبيركم نكعد للحك
ساره...وبعدين
سلمان....كتله ما تخوفني وين ماتريد اكعد وياك
لاانت واا ابوك تخوفوني بتكم ماتريدكم هيه كوه
(( صاحت الحجيه من غرفتها))
الحجيه... هااا سلمان اجا
ساره...اي حجيه ااجا
ساره.. وبعدين شنو الحل
سلمان....اكعد وياهم قابل خايف منهم
ساره...اني اريد اروح اشتكي عليهم
سلمان.. تحجين صدك
ساره.. اي ولله احجي صدك بخيرهم ما خيروني
وبشرهم عمو عليه
يمهم جنت شابعه ضيم جوع وضرب وحتى ملابس ماعندي مثل البنات
وهسه صرت عزيزه تعالي ارجعي للبيت
ذيج نور يدزون عليها تجي ننظف وتطبخ
ليش نور عايشه حياتها ولا بستهم ولا تسئل عنهم
واني خال عقله وياي ليش يريد يدمر حياتي
اني اريد اروح اشتكي علي هو ومصطفى مااريدهم يطلعون بحياتي لا من قريب ولا من بعيد
خلاص كلشي بينا انتهى
سلمان... مصطفى يكول طلكها ورجعها علينا
وما تشوف المشاكل اذا تبقى بيتك ما تخلص منا
ساره.. لا شو زودها مصطفى هو شنو دخله بحياتي
اني مدخله بحياته اصلا هو حتى مايجي للبيت
يشوف ابوي ولا يسئل عنه
هسه صار مهتم باابوي وباكله وشربه
ياخذه البيته ومرته تخدمه اذا عزيز عنده
ولله مو محبة بيه كل هذا خباثه
مايردون يشوفوني سعيده ابد عبالك عدوتهم
مو بتهم
سلمان... ليش ماندز عليهم واحد يحجي وياهم
قبل لا تشتكين عليهم
ساره.. اهلي واعرفهم مايفيد اي شي وياهم
صارت شغلة عناد لازم يدمرون حياتي
اجت الحجيه تشوف شكاعد نحجي
وليش مانرد عليها
تمشي على العكاز
الله يساعدك حجي
سلمان.... هله حجيه هله بيج
ساره...ماكو غير اشتكي عليهم
سلمان......بكيفج حتلو تشتكين هم لازم اكعد وياهم
ساره...بيوم الكعده اني البس عباتي واحجي وياهم
كافي صبرت وتحملت هواي
شيردون مني خل يتبرون مني وكلمن يعيش حياته
اعتبر نفسي نولدت يتيمه
ماكو بنات ماعدهن اهل عايشات مرتاحات
سلمان....خاف تتندمين
ساره.. لا مااتندم هيج اهل محد يتندم عليهم
مصطفى ماشايفته صار اكثر من سبع اشهر حتى بيوم المهر ما حضر
هسه جايني يريد يطلكني
هو ما يعرف اني شلون عايشه وبكل بساطه
يريد يطلكني شنو هلانانيه بيوم المهر ابوي اتصل علي كال مافارغ ااجي
واليوم صار عنده وكت وواجا يهدد
اليوم فارغ ماعنده شغل بي خير يصير رجال يم مرته
مخليته يركض على العيشه ليل نهار وحظه طايح
جمانه السعيدي
الحجيه.....حجي ليش تورط نفسك وياهم
سلمان....شنو الحل حجيه
الحجيه.. احنا مانريد مشاكل طلكها ورجعها عليهم
ساره.. التفت علبها مستغربه من كلامها ليش كلشي ما يغزر وياها شكد جاي اتعب وياها وهيه ماكو بكلبها ذرة رحمه
هاي ورجلها الها ولا يجي يمي ولا يقرب عليه
لو مشاركتها بي من صدك شسوت بيه
الحجيه...ليش تباوعين عليه احنا لا اهلج ولا كرايبج
ليش نتحمل مشاكلج
واذا على الخدمه نشوف وحده ثانيه
ساره...باوعت على سلمان اريده يرد عليها
سلمان...مايصير تحجين هيج حجيه ساره صارت وحده من عدنا والي يصير عليها يصير علينا
الحجيه.... وهسه شلون تبقى كل يوم جاي واحد يتهدد عليك
ساره....اني عندي الحل اروح اشتكي عليهم
الحجيه...يااا تشتكين على ابوج واخوج
ساره...اني ماعندي اهل اي اشتكي عليهم
سلمان....عوفي الحجي هسه خل نتغده ولله كريم
ساره....دمي فار ولله لو بيدي اروح اقتل ابوي خلاص
شكد ظالم كافي ووين تريد توصل
ليش هدفك بالحياة ادمرني وتكسر خاطري
انتبه النفسك العيشتك
ازوج عيش حياتك باوع البنك وبنتك ركز عليهم
وعوفني بحالي
هو متوقع اني عايشه بلجنه لان سلمان عنده فلوس
خاف يصرف عليه ويجيبلي
ماهاين علي ااكل لكمه طيبه والبس ثوب حلو
شلون اني اعيش بهذا الخير كله
هو مايدري اني بلكوه ااجرع اليوم بلكوه من ورا الحجيه
وكلامها الي ينزل عليه مثل السم
واوامراها الي ما تخلص
والنوب تريد سلمان يطلكني
مامهون عليه حياتي غير سلمان لان يعاملني معامله حلوه
اول مره بحياتي احس اكو انسان يخاف عليه
مهتم الوجودي
خليت الاكل كدامهم ودخلت غرفتي
مااشتهي ااكل سلمان شنو ذنبه يدخل بمشاكل ويا اهلي بسببي
اجا وراي سلمان دك الباب
سلمان ...ليش دخلتي غرفتج تعالي نتعشى
ساره. مااشتهي مااكدر ااكل
سلمان....ضجتي
ساره....لا متعوده على مصايب اهلي
صاحت الحجيه بصوت عالي وعصبيه
الححيه...يله الاكل برد
راح سلمان واني بقيت بغرفتي افكر شلون راح تخلص
لازم اخلي الاهلي حد كافي تعبت منهم
ماكو غير اشتكي عليهم
حتلو الناس يحجون عليه محد عاش حياتي ومحد يعرف الضروف الي جاي امر بيها
جمانه السعيدي
غصبا عليه دموعي نزلن تعبت من الظلم والقهر
مااعرف ابوي من اي نوع بشر مخلوق
هسه انت اتفقت على زواجي وستلمت مهري واني مااعرف
كدام سلمان تكول خدامه ليش
ليش ترخصني ولله لو ما متفق ويااا اكون خدامه بيته
وماشيه الأمور عاديه خطبه وزواج عادي مثل البنات
جان اني بنفسي رحت اخدمه
يبقى ابوي قابل اعوفه حتلو موزين وياي
بس هو سجل بقائمة زواجي خدامه ب بيتين مو بيت واحد
بيته وبيت سلمان
شنو هذا الرخص ياربي
دموعي تنزل منا ومنا اريد حل إلى متى راح ابقى هيج
تحت رحمة اهلي
خايفه على سلمان
لا يتئذه بسبي جسمي صار نار من كد القهر
اخذت ثوب وطلعت اريد اسبح
جمانه السعيدي
لكيت سلمان جاي يغسل بلمواعين
ساره....خليت الثوب على الكرسي يااا انت تغسل المواعين
سلمان...اي اغسلهن ااني اكلت بيهن اني اغسلهن
ساره.. عوفهن اني اغسلهن
سلمان... ليش تبجين عيونج حمر
ساره...انطيني اني اغسل
سلمان...محد يغسلهن غيري ليش تبحين
قبل شويه جنتي قويه واشتكي وااسوي وااخرب
ليش دخلتي بلغرفه تبجين
ساره.....تعبت من اهلي ليش ما يعوفوني بحالي
سلمان... ااكيد اكو حل
ساره....ماكو غير انتحر اخلص
سلمان....اسم الله ليش تكولين هيج
ساره....شسوي تعبت
سلمان.....ااكيد اكو حل
ساره....اذا مالكينا حل اطلكني وترجعني بيت اهلي
سلمان....انتي شنو رائيج
ساره...اني خايفه الحجيه تظغط عليك وتعوفني
سلمان....قابل بكيف الحجيه
ساره.... بكيفمن لعد
سلمان....بكيفي اني راح ابقى وياج للنهايه مستحيل اتخلى عنج
ساره... لزمته من ايده من الذراع ما تعوفني
ابد حتلو صارت مشكله جبيره
عاف الماعون وغسل ايده التفت عليه لا مااعوفج انتي صرتي حزء مهم من حياتي
حياتي صارت غير شكل من انتي دخلتي هذا البيت
مستحيل اتخلى عنج
ساره.. هلكد ما فرحت بكلامه نسيت نفسي وحضنته
حيل
وجان اسمع صوت الحجيه
هااا ولج سويره اذا ماانعل والديج
اليوم احرك البيت عليج عرفتج مو خاليه
حيه ناعمه تلعبين على سلمان هذا الي جنت خايفه منه
ساره...عفته ابتعدت عنه
لاتفهمين الموقف غلط بس لان كال اساعدج
نسيت نفسي وحظنته
قربت عليه وشالت العكاز تظربني
ياربي من تشوفني ويا سلمان يجيها الحيل كله
رفع ايده سلمان وأخذ منها العكاز
سلمان.. ممنوع تمدين ايدج عليها
الحجيه... اني تحجي وياي هيج هذا الي جنت خايفه منه
اني تكلي هيج
ادافع عنها هااا جنك تغيرت يسلمان عليه
سلمان....مايصير اضربيها ماسوت شي
البنيه مقهور وبقت بدون عشى كتلها لا تخافين اني اساعدج
ترا ماصار شي تخافين منه كولي يالله
رجعت كعدت على الكرسي وكالت كلبي
كلبي يوجعني بعد مااتحمل هذا الي جنت خايفه منه
الهوى الهوى ضاع عليه
مااكدر اتنفس
كامت تتنفس بسرعه توترت لان خافت تفقد زوجها
صارت عدها نوبة هلع
مامصدكه سلمان ممكن يحجي وياها هيج بيوم من الايام
وعلمود منو علمود وحده تشتغل خدامه عدها
سلمان.. اسم الله تعاي اطلعي برا
سندها سلمان وطلعها برا واني جبتلها ماي
كعدها برا بلحديقه على الكرسي
انطيته مي شربها شويه
كامت تتنفس بصعوبه ماتكدر تتحكم بنفسها
سلمان....ساره روحي جيبي عبايتها اخذها للمستشفى
ساره...اني اجي وياها
دخلت جبت عبايتها وعبايتي لبستها سلمان شغل للسياره
صعدناها ورا واني كعدت بصفها
رغم حالتها الصعبه كل شويه تخنزر عليه
وصلنا للمستشفى نزل سلمان يركض
ياربي شكد خايف عليها طلع بلكلبيه حتى مابدل ملابسه
راح جاب سرير وجاب ويا ممرضه
تقابلنا عليها اني ويا والممرضه يله كدرنا نخليها على السديه
لازم ايدها ويطمن بيها شكد خايف عليها
دخلنا جوه بلطوارء الدكتور شافها تتنفس بصعوبه
ااشر للممرضه اجيب اوكسجين بسرعه
خلولها اوكسجين الدكتور سئل عن حالتها
من عرف اسباب الحاله
كال اطمنو مابيها شي مجرد انهيار عصبي
سجل الها قنينة براستيول الممرضه خلت الكانونه
بايدها شوية هدئت حالتها
