رواية ظلم ابي الفصل الثاني عشر 12 بقلم جمانة السعيدي
ساره....شويه وهدئت حالتها
ياربي ليش اني كلما اريد أصلح الأمور تخرب
ااكيد بس تفتح عيونها راح تكول طلكها
اي وين راح ترحين ياساره شلون بيج
ليش الحياة هلكد قاسيه عليه كلما ااكول الأمور راح تصير احسن تخرب كلما تتعدل شويه وياي
ترجع نخرب مره ثانيه
هسه الحجيه شلون تقتنع اني ماكان قصدي
أقرب علي مجرد اتحمست من كال مااعوفج
شلون افهمها اني عشت كل عمري محرومه من المحنه
والحب ولا هتمام
وما مصدكه ااكو واحد. بعد كل هذا العمر
يهتم بيه ويوكف وياي ويدافع عني
اباوع على سلمان
شكد خايف عليها كل شويه يدنك راسه يشوف النفس
هنيالها اي ولله هنيالها
ليش اني ماعندي واحد يخاف عليه مثلها
شنو ناقصني
مااعرف ليش كلما اشوف سلمان يهتم بيها اضوج
ليش يحبها هلكد
ليش ما يحبني اني اني احبه اموت علي
ااول رجال بحياتي يهتم الوجودي ويدافع عني
ليش يحبها وما يحبني
اابد ماكعد ولا ارتاح ولا شرب مي لازم ايدها
ويراقب نفسها وكل شويه يعدل الفوطه ويغطيها
بعد نص ربع ساعه او اكثر ثلث ساعه يجوز شالو جهاز التنفس
فتحت عيونها
سلمان....هااا حجيتي شلون صرتي
الججيه....تعبانه
سلمان....سلامتج الف سلامه
ساره...سلامتج حجيه
الحجيه....انتي ليش جاي هنا
ساره...اجيت وياج خفت عليج
الحجيه....انتي ام المصايب تخافين عليه
ساره....اي اخاف عليج شعندي غيرج انتي مثل امي
الحجيه....اس مااريد اسمع صوتج منا وترحين الاهلج
مااريد اشوف وجهج افتهمتي لو لا
ساره....اني اعتذر منج ماعندي شي موزين بس
جنت خايفه وماسيطرت على نفسي
الحجيه...هذا الحجي اضحكي بي على غيري
ساره...مستعده احلفلج ماكان قصدي
اني مستحيل اعوف البيت لازم اطمن عليج
انتي ما تعرفين شكد خفت اسم عليج انشاء الله
خطاج الشر
جمانه السعيدي
واني جاي احجي وياها
صار صريخ بلمستشفى جابو واحد. منتول مالحكو علي الدكاتره بس وصل وفحصو الدكاتره طلع ميت كبت العيطه
مات المستشفى صارت هوسه بسبب العياط مات الرجال بلغرفه الي بصف غرفتنا
الحجيه من سمعت بلموت
كالت طلعوني منا اني صرت زينه مابيه شي طلعوني
اريد ارجع البيتي
طلع سلمان للدكتور لكا الناس مجمعه والدكاترة مخبوصين
بلكوه لكه دكتور يسئله سجل ابره مهدء تخلي الحجيه تنام للصبح حتى يخف التوتر عنها وتتحسن حالتها
اجت الممرضه ضربتها بلكانونه
كعدها سلمان يريد ينزلها كلما أقرب عليها حتى اسندها
تسحب ايدها مني سلمان جاب كرسي ودفعها للسياره
بس وصلنا للبيت كالت اتي تعبت
اريد انام بغرفتي
التفت عليه كالت من باجر ما تبقين بلبيت
دخلناها للغرفه
يمكن الابره اشتغلت خلت راسها وكبل نامت
بقيت بلغرفه اني وسلمان
باوعت علي شكد ضايج عليها
حجيت بصوت ناصي اسفه
اااشرلي ليش
ساره....حجيت بصوت ناصي لان جاي تتعب وتنقهر بسبي
ااشرلي تعالي نطلع برا
طفينا الضوه وطلعنا من الغرفه
ساره....اسفه لان من يوم دخلت هذا البيت لليوم المشاكل نازله عليك ترف
سلمان...ليش نكولين هيج
ساره...منا اهلي ومنا الحجيه تخربطت بسببي
سلمان....كلشي وارد بلدنيا البشر معرض الكل انواع الابتلاء
رب العالمين يريد يختبر البشر ويشوف صبره
وقوة تحمله الحمد لله على كل حال
ساره...ممكن اعترف اعتراف خطير
سلمان....خطير كلش لو نص ونص
ساره....لا خطير مثل المفاعل النووي
سلمان...تعالي نكعد بلحديقه شويه ولله تعبت اليوم
ااكثر شي تعبني الحجيه كلش خفت عليها خفت يصير بيها شي
تعالي نكعد بلكاع على الحشيش
كعد واني كعدت بصفه جمانه السعيدي
ساره...تحبها
سلمان....شلون مااحبها عشرة عمر صاحبت المواقف الحلوه
ساره...هنيالها
سلمان...ليش نكولين هيج
ساره....لان لكت انسان يحبها ويتعلق بيها وهذا الشي اني انحرمت منه طول عمري
سلمان...هذا حسد
ساره....عادي حتلو حسد
سلمان...ماكلتي شنو الاعتراف الخطير
ساره...خليت راسي على جتفه امممم ااكول شنو
سلمان....اي كولي خل اسمع
ساره...اني احبك
سلمان.. من يمتى
ساره....مااعرف بلضبط يمتى بس الي اعرفه اني احبك
انت مليت الفراغ الي جان بداخلي
اني ممكن استحمل كلشي كلشي كلشي
عصبية الحجيه غلطها عليه حتلو يصير عندي انزلاق
بسببها لان ماشاء الله وزنها مو طبيعي
بس انت ما تعوفني
سلمان.....ليش اعوفج ومنو كال اعوفج
ساره...حظي واعرفه مستحيل يصير شي زين بحياتي
وانت موبس زين انت الزين كله
سلمان....هذا اعتراف صريح واني شايب مااتحمل
شال ايده وخلاها على ضهري وحظني
ساره...بشرفي اذا طلعت الحجيه هسه كبل تنجلط
حتى ما نلحك ناخذها للمستشفى
سلمان....ههههه مراح تكعد هاي الابره تخليها
تنام للصبح
ساره... يسويها الحظ وتكعد هسه حظي واعرفه اغبر
خاف تكعد باجر وتكول روحي بيت اهلج شلون
سلمان. اسمعي منا وطنشي منا
حتلو تغلط لو تحجي اسكتي كأنما ما تسمعيها
اصبري عليها كم يوم لمن تهدء
ساره.... شراح نسوي بشغلة اهلي اني مصممه اشتكي عليهم حتى بخافون وناخذ عليهم تعهد مايقربون علينا
حتى لا يفكرون يسوون اي شي غلط
سلمان. اي هو هم هيج
ساره. واريد تاخذني البيت شيخنا شيخ عشيرتنا
اريد اكعد واسولف علي
اذا نصفني ويا ابوي زين
اذا ما نصفني اطلب كسر من العشيره حتى بعد مالهم شي وياي
سلمان... اذا انكسرتي من العشيره ويامنو تصيرين
ساره....انت شيخ عشيرتي
سلمان......باجر اول شي نروح للشيخ نحجي ويااا
بعد ما نشوف رائيه نطلع نشتكي
ساره...انت ليش هيج حنيين وطيب
اذا تبقى هيج تهتم بيه يمكن اقتل الحجيه حتى تبقى بس اليه
ترا اني هم اغار عليك مو بس هيه تغار
اتخبل منها اذا اخذتك وراحت للغرفه
سلمان.. هههه ههههه ههه ولج لا أحد يسمعج ويصدك
ساره...عبالك مااسويها
سلمان...اش اسكتي لا مااقبل تقربين عليها
ساره...بشرط
سلمان....شنو الشرط كمت اخاف منج
ساره. تحبني بكد ما تحبها بكد حبك وخوفك عليها
يله موزين ماكتلك ااكثر منها
سلمان...ومنو كال اني مااحبج بكدها
ساره....الله عليك تحجي صدك تحبني بكد ما تحبها
سلمان.. اي احبج بكدها بلضبط
ساره.. الله يبشرك بلجنه كون على هاي الحجايه
سلمان...يله تعالي نطمن عليها
ساره.. شويه بعد الله عليك الكعده حلوه وياك
الحجيه حتى من الكلام وياك حرمتني
سلمان...تعبان واريد انام وراي كعده الصبح
ساره.... هاي الابره الي اخذتها الحجيه شسمها
سلمان....ليش
ساره.. اريد اشتري كل ليله وحده حتى تنام الحجيه
واني وياك نكعد سوه
سلمان....يله بله انت مخبله
ساره.. لا ولله عاقله ليش مخبله رجلي اريد اكعد اسولف ويااا وين الغلط بلموضوع
الله عليك اذا هيه هسه كاعده تخلينا نسولف هيج
جان هجمت علينا هجوم غادر وطشرتنا طشار
مثل ما الحمزه طشر جيش الكفار
سلمان.....ههههه ولله سوالفج حلوه
وكف على طوله ومد ايده حتى اوكف وياا
سحبني من ايدي وكفت وكمت انكت بملابسي من الكاع
وهو نكت دشداشته
ساره...الله عليك شلون طلبت ايدي وانت ماشايفني
سلمان....ما جان يهمني الشكل اهم شي عرفت انتي خوش بنيه
وراح تكونين كد الثقه
جمانه السعيدي
ساره.. خوش بنيه لو خوش خدامه
سلمان....صدكي اني ابد مافكرت تكونين خدامه
بس تساعدين الحجيه لو بس تبقين يمها حتى لا اضوج
من تكعد وحدها
بس من اجيتي هنا تغير الوضع
قربت علي باوعت بعيونه شلون تغير الوضع
سلمان... يعني
ساره...شلون يعني فهمني
قبل لا يحجي سمعنا الباب انضربت باب غرفة النوم وصوت الحجيه
تصيح سلمان سلمان
مااعرف بيش ضربت الباب حتى ننتبه عليها
ساره...صوت الحجيه خرب هاي كاعده صدك جذب
مانايمه واني عبالي بسابع نومه
ركضنا اني سلمان عليها
الحجيه...ووين جنت ليش اصيح ومحد يرد عليه
الحجي....طلعنا برا حتى ترتاحين
ساره.. هاا حجيه اطلعين تغسلين اخذج للصحياة
الحجيه...كلشي مااريد منج
بس كون مااشوف وجهج
ساره.. ميخالف حجيه مااعوفج اله اطمن عليج
سلمان.. تغسلين
الحجيه.. اي اريد اغسل ليش احس راسي ثكيل
سلمان.. من العلاج
بعد مااطمنت عليها رحت بغرفتي نمت
الصبح كعدنا كلنا متأخرين
بس شافتني كالت هاي شعدها هنا
اليوم اخر يوم تبقى بلبيت طلكها واشمرها على اهلها
ما يجي من وراها غير المصايب
سلمان....حجيه اصبري شويه البنيه ماسوت شي
خادمتج ما مقصره وياج
البارحه تخبلت عليج من وكعتي
الحجيه...مااريدها بيتي
ترجع منيين ماااجت
بقت النهار كله نحجي وتغلط عليه وتسب بااهلي
بس اني اشتغل وساكته
مااريد احجي خليها تفرغ غضبها عليه
منا لمن رب العالمين يحلها من عنده هو جاي يشوف وضعي شلون
جمانه السعيدي
ثاني يوم سلمان جاب رقم شيخنا وأخذ منه موعد
العصر رحنا علي طبعا الحجيه بس تحجي عليه وتغلط
واني عبالك ماسمعها خليها تغلط تريد تفرغ حركة كلبها
حتى منعت سلمان ياخذني للشيخ
بس هو انطاها الطرشه
المهم طلعنا بس وصلنا ودخلنا تفاجئت ابوي جاي قبلي
اثاري ابوي رايح للشيخ حتى يكاوم سلمان
وحاجيله حجي بكيفه أشكال واللوان
الصبح سلمان من اتصل على الشيخ وأخذ موعد
الشيخ اتصل على ابوي حتى الكلام يصير وجه الوجه
من دخلنا وسلمنا بس الشيخ رد علينا ابوي مارد السلام
الشيخ...اني سمعت ابوج واريد اسمع منج ومن سلمان
حتى احكم بينكم بلحق
ساره...كعدت كبال ابوي سولفت قصتي وياا ابوي من يوم امي ماتت بعمر ١٢ سنه
لليوم وشلون ابوي جان يضربني ويفرق بلمعامله بيني وبين اخواني حتى من ازوجت مايقبل يرحمني
يريدني اطلك وارجع خدامه بيته
ساره.. هاي قصتي ويا ابوي وسلمان ماله دخل
اني الي مااقبل اروح بيت اهلي كافي ظلم وعبوديه
اسمعني شيخنا لو تخلي يكف شره عني وماله شغل بيه
لو اموت لا يمشي بجنازتي
لو تكول لا انتي وابوج مالي دخل بينكم
اني اريد كتاب اتبره من ابوي ومن باجر اروح اشتكي
وأخذ كتاب تعهد ما يتعرضلي لا هو ولا مصطفى
حتى احمي نفسي منهم
وسلمان ماله شغل بهذا الحجي طلعو من هاي المشكله
الشيخ.. هاا ابو مصطفى سمعت بتك
ابوي.. مايخلصها مني غير الموت اني ماعندي بنيه تطلع عن شوري اني مااريد شي غير سلمان يطلكها ويرجعها اليه
واني اتنازل عن الغايب
وبعد مااتعرضله ولا يشوف وجهي
اني صدكت سلمان عبالي رجال وعد كلمته
طلع ماعنده كلمه والنسوان تمشي بكيفها
سلمان... اني رجال غصبا ماعليك والرجال الحقيقي الي يحمي عائلته ويحافظ عليها مو الي يضرب ويلغط ويشهر بنته بين الناس انت فاهم الرجوله غلط
مااطلكها لو تموتني خلاص فهمت لو لا
ساره زوجتي وما اتخلى عنها ابد
وانت وواحد باطل وما تخاف من الله
الشيخ....اني برائي سلمان ياخذ مرته ويرجع البيته
وانت ابو مصطفى مالك شي عدهم
البنيه ازوجت وعاشت حياتها شتريد منها
تريد وحده تخدمك ازوج وشوف نفسك
ابوي...هااا شيخنا اتخليت عني وصرت وياهم
الشيخ.. هاي كلمة حق باجر رب العالمين يحاسبني عليها
البنيه ماغلطانه ازوجت وتريد تحافظ على بيتها
بعد هيه حره تريد تجيك تخدمك براحتها
ماتريد بكيفها
ابو مصطفى. اكتلها خلاص ومااخليها تضحك عليه وجيبلي العار
الشيخ...هيج انت اجاوزت حدودك اذا صار على ساره شي
اني هلمره اوكفلك
انت ماكو رحمه بكلبك
ساره.. الف رحمه على اهلك شيخنا
سلمان.. نترخص منك
طلعنا من الشيخ قبل لا يطلع ابوي
بس مشت السياره شويه
ساره.. اطلع على المركز ابوي ماناوي يخلصها على خير
لازم نوكفه عد حده
دخلنا للمركز سجلنا دعوه ضد ابوي ومصطفى
دعوتي جانت تهديد بلقتل وسلمان شاهد على كلامي
الضابط .. من نستدعيهم نرجع نتصل بيكم
سلمان...تمام حظرة الضابط
طلعنا من المركز
ساره.. ممكن اطلب طلب
سلمان...شنو
ساره.. اليوم لا تطلع من البيت منا لمن ناخذ تعهد على ابوي ومصطفى لازم يعرفون حددوهم
الشيخ ماناوي يمشي وياهم صار ضدهم
بعد الحكومه تاخذ عليهم تعهد حتى نخلص من هاي السالفه للابد
انتظرونا..
الثالث عشر من هنا
