رواية ظلم ابي الفصل العاشر 10 بقلم جمانة السعيدي
ساره...على صوتنا العالي الحجيه ماكدرت تصبر
اصيح سلمان سلمان
محد يرد عليها لان مشغولين نحجي ويا ابوي
نست هيه ماتكدر تمشي ونست مرضها الغيره اشتغلت
ليش ساره رجعت ويا سلمان
ليش ماراحت بيت اهلها
ليش رجعها بهاي السرعه للبيت
شكاعد يصير لازم اعرف
اجا تمشي على العكاز وايدها لازمه الحايط تمشي على كيف
لان محد من عدنا رد عليها تخبلت شلون محد يرد عليها
ساره...انطيت التليفون السلمان وأخذت العلاليك ودخلت غرفتي
مااريد اضوج ومااريد احسب حساب اي واحد
خليت العلاليك على الجربايه
طلعت الملابس والمكياج الله حلوات يخبل
محد راح يعكر مزاجي مره ثانيه
اسمع سلمان يسولف على الحجيه على الموقف الي صار
بيني وبين ابوي
اني اباوع على الملابس اخليهن على جسمي
شكد مااشتري ملابس مراح اشبع هلكد ما عشت الحرمان
عمري ٣٨ سنه واني ملابسه شي بي خير
عشت عمري كله البس خلاكين وملابس تعبانه
اني راح اصير عندي هواي ملابس البس بكيفي
كل الوقت مراح ينزل المكياج من وجهي
ليل نهار محمره ومعطره
اريد اطلع هاي الحسره من كلبي
اريد اتخلص من احساس النقص الي جنت عايشته
الله واكبر الملابس شكد رخيصه واني ماعندي ملابس
راح ابقى ادعي طول عمري على ابوي واتحسب علي
شكد ظالم وكلبه قاسي
حرمني من أبسط الاشياء
جاي اخلي الملابس على جسمي
سمعت بابنا اتكسر اتكسر
خليت الملابس على الجربايه وطلعت راح سلمان يفتح الباب
جان ابوي يصيح وينها وينها هاي قليلة التربيه
وينها اليوم اذبحها
سلمان...استهدي بلرحمن على كيفك لا يصعد ضغطك
ابوي....روح خليها تجي ليش ادخل اموتها تموت
سلمان... مراح اسمحلك تقرب عليها
ابوي...هو هذا الاتفاق الي بينا انت مو رجال
ليش ترجع بكلامك
سلمان... اني مارجعت بكلامي جبتها الحد باب بيتكم
وماقبلت تدخل للبيت
جمانه السعيدي
ابوي....بعصبيه وصوت عالي صاح وينها خلي تجي كدامي
اذا مااخذها سحل منا البيتنا
اريد اربيها من جديد
ساره... طلعت علي وكفت كباله
شتريد مني انت شنو ماكفاك الي سويته بيه كل هاي السنيبن
شتريد مني بعد حتى من زوجتني جنت متفق عليه
خدامه مو زوجه
طفر عليه ابوي بعصبيه يريد يضربني
صار سلمان بيني وبينه
سلمان...ماتمد ايدك عليها واني موجود
ابوي... خليني ارببها قليلة التربيه هيج تحجي وياي
ساره.. تروح منا لو اشتكي عليك بلعنف الاسري
انت مالك شي عندي اطلع من حياتي
كافي الظيم والقهر الي شفته وياك
كافي تتحكم بحياتي اني مو عبده عندك
راد يلزمني من شعري بحركه سريعه بس سلمان
دفعه ليوره
ابوي.. هااا تدفعني هيج صارت
سلمان...اذا تمد ايدك عليها كدامي مو بس ادفعك اشتكي عليك
ابوي...هااا انت الي حركتها عليه شوف هاي الي واكفه وراك والسانها شطوله
جنت اكعدها بكتله وتنام بكتله جنت مشيها مثل المسطره
ماتكدر تحجي وياي كلمه
ااخر وكت ووامكه كبالي وصوتها عالي عليه
سلمان...تفضل من رخصتك اطلع برا
ابوي.. تطردني انت تطردني بمكان ما تفرك حلكها
وتكلها روحي ويا ابوج عيب هذا الحجي
سلمان...مالك سلطه عليها هيه حره تريد تروح تخدمك تريد
ترفض
ساره مو زغيره هيه تكدر تقرر شتريد
اطلع من رخصتك لان حيل اجاوزت عليه بيتي
ابوي...بسيطه يسويره انشاء الله تطلكين وترجعين عليه
اذا مااشوفج ايام سود
فلا اطلع اني ابن ابوي
اذا مااسجل البيت باسم مصطفى ونور واخليج كلشي ما تحصلين مااصير اني ابو مصطفى
ساره... ساره كلشي مااريد منك الله وياك
طلع ابوي زعلان
هاي المعركه كلها الحجيه تتفرج علينا
بس طلع ابوي من البيت
الحجيه...انت ليش ادافع عنها خلي ياخذها غير ابوها
خلي يادبها
البنيه الي تجاوز على ابوها موخوش بنيه
ساره.. حجيه اسكتي رحمه الاهلج انتي ما تعرفين حياتي الي عشتها ويااا
هذا انسان ظالم مايخاف من الله
سلمان...روحي الغرفتج ارتاحي اذا اندكت الباب لا تفتحيها
اني راح اروح للشغل واجيب عشى وياي
الحجيه...هيه تطبخ عشى خايف عليها المن جايبيها هتا
سلمان...حجيتي روحي الغرفتج وعوفي البنيه بحالها
جمانه السعيدي
ساره ..دخلت غرفتي عصبيه ودمي فاير
بس الشي الوحيد الي طمني دفاع سلمان عني
مااهتم الزعل ابوي.....رغم الصداقه الي بينهم
اهم شي عنده اني محد يقرب عليه
بقيت بغرفتي للمغرب
صاحت عليه الحجيه ساره ساره شني اليوم
لا طلعتي ولا خدرتي جاي شجاج
طلعت من غرفتي
ساره.. اعذريني حجيه ابوي فور دمي
يله اخذج للصحياة
طلعتها للصحياة ورجعتها للغرفه غيرت الجرجف
ورجعتها
ساره....ليش تكعدين بلغرفه تعالي نطلع للحديقه
الجو حلو
جيبي سبحتج وتعالي نكعد برا ننتظر سلمان
الحجيه...يله
ساره...اليوم شفتج تمشين
الحجيه..غير صحت عليكم محد يحجي وياي واسمعكم تتعاركون طلعت اشوف شكووو
ساره...بعد ماكو كرسي كل يوم تمشين حتلو ربع ساعه
اركبج يبست من الكعده
الحجيه.. مااكدر امشي
ساره...لا تكدرين حتلو خطوتين اتلاثه شنو رائيج
اني وياج نسوي رجيم
الحجيه...اني مااكدر على الرجيم لازم اكل لان اخذ علاج
ساره...لا تكدرين مراح نكطع الاكل بس نقلل شويه شويه
منا لمن ينزل وزنج وترجعين تمشين مثل قبل
الحجيه...شكد رحت دكاتره محد كدر يرجعني امشي مثل قبل وانتي ترجعيني امشي
ساره.. انتي شخسرانه نحاول اني وياج
ناكل نفس الاكل ونفس الكميه ثنيبنه
الحجيه.. انتي ضعيفه مو مثلي
ساره....راح تصيرين أضعف مني وترجعين شباب شنو رائيج
الحجيه...اذا جعت ااكل
ساره.. اذا جعتي اني اجيبلج ااكل صحي
الحجيه...اجرب واشوف
بقينا كاعدين برا منا لمن الناس الاذان
دخلنا نصلي اني وياها ساعه بعد الاذان ورجع سلمان
دخل شكله ضايج
قربت علي ليش ضايج اني السبب
سلمان.. ابوج اجاني للشغل وكام يغلط ويصيح ويكول اله اطلكه وترجعها اليه
واتنازل عن الغايب بس رجعه للبيت
ساره.. وانت شكتله
سلمان....طبعا لا اني اعرفه يريد يستفرد بيج
ساره...انت خايف عليه
سلمان....اي طبعا خايف عليج
ساره... كلش كافي عليه حميتني منه وما خليته يقرب عليه
سلمان...خاف يرجع مره ثانيه
لو يجي هنا للبيت بغيابي
ساره... اذا اجاك للشغل اطرده لا تنطي مجال
وهدده تشتكي علي
واذا اجا للبيت اني مراح افتحله الباب
لا اضوج الخاطري اني مااتحمل اشوفك ضايج بسبي
سلمان...اني خايف عليج
ساره...لا تخاف اني شفت مصايب أشكال واللوان
قويه لا تخاف عليه
جمانه السعيدي
كامت تصيح الحجيه سلمان اجيت
سلمان...اي حجيتي اجيت
ساره...روح يمها بين ما مااحضر العشى
كعدنا نتعشى واني افكر بابوي
اني كلش مقهوره منه شيريد مني ليش مصمم يدمر حياتي ليش هلكد يكرهني
سلمان....بيش تفكرين لا تخافين محد يكدر يقرب عليج واني موجود
ساره...ابتسمت الله يحفظك
الحجيه.....انشاء الله ماكو شي
ساره.... قررنا من باجر نسوي رجيم
سلمان....رجيم ليش انتي ضعيفه
ساره...لا اني والحجيه وانت هم على الواهس
سلمان...اني صحتي تمام ووزني زين ليش اسوي دايت
ساره...حتى نشجع وواحد الثاني
اريد الحجيه تنزل وزن وترجع تمشي مثل قبل
سلمان...حجيه صدك تسوين رجيم
الحجيه...ولله اذا جعت ااكل اني مااتحمل الجوع
وهذا العلاج الي اخذه كلش قوي
يريد ااكل ساره كلساع وكالت سمينه عبالك ماكله بيت ابوها
ساره... المصلحتج حجيه مراح أجوعين
سلمان...واني وياكم نسوي دايت
ساره...بس تزل وزن شويه وتكدر تمشي نسجل اني وياها بلجم
جمانه السعيدي
هم نطلع ونغير جوو وهم تنزل وزن
الحجيه...يااا اني اروح للجم
ساره...اي حجيه اكبر منج ويرحن انتي مو تردين تمشين
الحجيه...اني اجذب عليج لا كطع الاكل ولا امشي
ماكو شي مخليني متونسه غير الاكل
ساره...بس صحتج اهم
لازم تنتبهين الصحتج انتي حتى نفسج عالي بسبب السمن
الحجيه...الله كريم نشوف
كملنا ااكل كعدو على التلفزيون وسلمان يكلب بلتليفون
اجا تليفون من اخووو اخو سلمان
ابوي رايح علي يشتكي من سلمان
يكول ضحك عليه كال بس اخذ بنتك تجي تخدمك
يومين بلاسبوع
وهسه مايقبل ومشجعها تغلط عليه
سلمان....مالي شغل هيه ما تقبل تروح
اني اخذتها البيت اهلها وماقبلت تنزل بكيفها
هيه موزغيره واخذها من ايدها كوه
ساره.. بقه سلمان ساعه يبرر الاخو بسبب ابوي
شلون ياربي يمتى اخلص هذا كابوس مو اب
دخلت غرفتي شفت الملابس
كمت اقيس بيهن شكد حلوات يخبلن عليه
وجربت المكياج كله
والعطور ترست الغرفه
اريظ التهي حتى ماانقهر بسبب ابوي
رتبتهن بلكنتور لبست شلحه قصيره وصدرها دلع
وتمددت
اريد اعاتب رب العالمين شكد خالق رجال
ليش اختارلي هذا الاب من دونهم
انسان ماكو بكلبه ذرة رحمه
اي عندك نور روح جيبها تنظف البيت وتطبخ
لو انت نظف ماشاء الله حيل حصان مو رجال
اليوم يريد ياكلني همزين سلمان جان موجود وخلصني منه
لازم أدير بالي على الحجيه لان كلشي باسمها
خاف تطردني اذا طردتني ووين اروح
حتى علاقتي بابوي خربت
اهتم بيها منا لمن رب العالمين يفرجها عليه
بقيت اكلب بلتليفون منا لمن نمت
الصبح كعدت علمود سلمان مااريده يطلع يتريك برا
خليت القوري على النار وطلعت خبز طلع من الغرفه
شافني ابتسم
سلمان...صباح الخير
ساره...صباح الخير
سلمان...حلو عليج هذا الثوب
ساره.. عاش الي جاب والي اخذني اشتري
سلمان...كل أسبوع الج روحه للسوك تشترين اي شي يعجبج
ساره... شكرا الله يحفظك اليه
صدك حلو عليه
سلمان...يخبل بس لا اطلعين برا بلحديقه وانتي لابسته
لان قصير و دلع
خاف الجيران يشوفوج
ساره...صار مو تدلل
يله غسل وتعال اتريك
صاحت الحجيه سلمان تعال طلعني
سلمان...روحي غيري ثوب لا تصير حرب طاحنه
اجيت اجيت هاا حجيه الساعه سبعه شعندج كاعده
الحجيه...سمعتك تحجي ويا ساره
سلمان...اي جاي تحضر الريوك
الحجيه...خل تجي اطلعني للصحياة
سلمان...اني اطلعج يله تعالي
