رواية ظننته منقذي كامله وحصريه بقلم هاجر خالد
ـ انتِ مين ، وازاي دخلتي هنا؟!
ـ ءءءءء...... انا.
ـ انتِ لسه هتأوئي........فين عم عبده ، ازاي اصلا سابك تدخلي ، و.......
ـ عم عبده دا الحارس صح؟.
ـ أيوا هو........ازاي سابك تدخلي؟.
ـ لا ما عم عبده غفلك ، واتفق مع ابن عمي إنه هيبعله البيت على أساس أنه بتاعه يعني.
ـ قال باستغراب : ايه الكلام العبيط اللي انتِ بتقوليه.
بعدها اتجه ناحية الباب ونادى بصوت عالى : عم عبده ياعم عبده .
ـ عم عبده مش هنا ، راح البلد وقال هيجي بعد اسبوع.
ـ هو في إيه!!
انتِ مين يابت انتِ.
ـ انا هاجر .
ـ ايوا مين يعني ، وازاي قاعده كدا ولا كأنه بيتك .
ـ ما انت لو تهدى على نفسك كدا وتوطي صوتك دا انا هحكيلك.
ـ بجد والله!!!!
ـ اه والله ، اقعد بقا عشان صدعتني.
ـ بصلها بضيق وبعدين راح قعد على الكرسي اللي قدامها وقال : اهو اتنيلت وقعدت ، ممكن تنجزي بقا .
ـ تجاهلت كلامه وسكتت شويه بعدين قالت : عمي وابنه الكبير حسام كان علاقتنا بيهم مش احسن حاجه ومكنتش بشوفهم غير كل فين وفين ، لغاية ما بابا اتوفى من شهرين ، جه عمي ومازن عندي وقالولي إنهم عاوزين حقهم في ورث بابا ، بس انا رفضت وقولتلهم أنهم ملهومش حاجه عندي ، وكمان بابا كان عامل حسابه لليوم دا وكتب كل حاجه باسمي ، ولما عرفوا كدا رفعوا عليا قضيه إني مزروه الورق......بس خسروها لأن ورقي كان سليم ومقدروش يعملوا حاجه ، وبعد اليوم دا اختفوا فجأة ومبقتش اشوفهم ، قولت خلاص خلصت منهم بس طلعت غلطانه ، لأن بعد ماعدا شهر على اليوم دا جه حسام البيت وقعد يزعق معايا وهددني يا إما يشاركني في كل حاجه أو هيحبسني لغاية ما ارجع عن قراري وايدلوا كل حاجه ، كنت بحسبه بيقول كلام وخلاص ، بس نفذ فعلا وجابني هنا ، واهو اديني محبوسه بقالي شهر مش عارفه أخرج.
ـ ايوا وانا إيه دخلني في القصه دي كلها ؟!!!.
ـ ماهو مازن كلم عم عبده وقاله إنه عاوز مكان يكون معزول شويه وملوش صحاب ، فاعم عبده قاله على البيت دا وقاله إنه بتاعه ، وخد من مازن 50 ألف جنيه.
ـ يعني إيه!!!
انتِ متاكده ولا بتحوري؟.
ـ وانا هحور عليك ليه ، انا اصلا هموت واطلع من هنا .
ـ وانتِ محاولتيش تهربي ليه طول الوقت دا.
ـ حاولت ، بس اليوم اللي قررت اهرب فيه ، كان مازن جاي واتقفشت.
بس على فكره انا عارفه إن دا بيتك ، عم عبده قالي .
ـ لا يشيخه وقالك إيه بقا عم عبده؟!!!
ـ قالي إن صاحب البيت دا مسافر المانيا ومش راجع تاني ومش هيسأل على البيت تاني ، فاهو بقا بيأجره كل شويه لحد بعقد مضروب .
ـ يابن ال......بقا عم عبده يضحك عليا انا ، دا انا هخرب بيته .
ـ هو انت صاحب البيت دا ؟
اسمك إيه ؟.
ـ ملكيش دعوه خليني افكر هوصل لقريبك دا ازاي عشان تمشي من البيت دا .
ـ بس عاوزه ارجع مع حسام ، انا حبستي هنا اهون .
انت ممكن تساعدني اهرب من هنا صح؟....
ـ مش عارف انا مش مصدق الحكايه دي اصلا انا..........
ـ قاطعته هاجر وقالت بصدمه بعد ما سمعت صوت حد بره : يانهاري ابيض......في صوت قدام باب البيت دا اكيد ......حسام استخبى بسرعه.
ـ استخبى إيه انتِ عبيطه........دا كويس إنه جه عشان اخلص من الحوار المنيل اللي وقع عليا دا.
ـ ممكن بس تستخبى في اي حته لغاية ما حسام يمشي بس ارجووووووك.
ـ قال بضيق وهو بيمشي بسرعه يطلع الطابق التاني : ماشي ماشي .
ـ اول ما طلع فوق الباب اتفتح وكان حسام ، بص لهاجر بشك وقال : واقفه كدا ليه!!!!
