رواية قلوب من حجر كامله وحصريه بقلم الكاتبة رانية ماهر
{#قلوب_من_حجر}
#البارت_الاول
السلام عليكم اسمي اريج مواليد 2000 من عائلة متحضرة من منطقة معروفة بمحافظه بغداد عائلتي تتكون من امي وابوية واختي اصغر مني بسنتين واختي الچبيرة مواليدهه 1995 يعني اني الوسطانية (بين قوسين المزهرية😜)
وابوية چان يشتغل بلاستخبارات وعنده محلات بل.....شخصيتي فكاهيه واحب اضحك واسولف واشاقه راح احچيلكم عن قصتي من عمري 12 سنه چنت مدلله عند امي وما اشتغل بلبيت بس نوبات اساعد اختي بلتنظيف
اريج.... گعدت الصبح رحت على نور بنت عمي طبعا جانو عمامي وعماتي كلهم قريبين على بيتنه نور مو بس بنت عمي وصديقتي المقربة رحت على نور
نور...هلا بگلبي
اريج...هلا بعمري
نور...هلا بروحي
اريج...يلا كاافي😅 لواگه ولچ امشي مظلنه وكت رحت للمدرسة حته اجيب شهادتي وطلعت ناجحه ونور هم ورحنه للاول متوسط وچنت كلش فرحانة انو راح ادخل متوسطة واشوف بنات اكبر من عمري طبعا اني چنت كلش زينة بدراستي وچان حلمي اوصل واصير شخصية مشهورة
طبعا اني مواصفاتي چانت بيضة عيوني زرگ شعري على شگار ملامحي كلش حلوة وجسمي رشيق وناعمه والله بدون مبالغة هذا شكلي وانشالله بنهاية القصة اخلي الكاتبة رانية تنزل صورتي
رجعت للبيت فرحانة ماما ماما
ام اريج...ها يمه
اريج... يمه باركيلي نجحت 😁
ام اريج.... الف مبرؤك عمري
ابو اريج... چانت عايزة متنجحين
اريج...گلت ابگلبي😐 هسه حرام لو باركتلي طبعا چانت علاقه امي وابوية كلهه مشاكل ميوفت اسبوع اذا ميتعاركون ابد ممصافين بيناتهم وابوية مزوج على امي نسوان اثنين ومچنت اعرف شكم اخ او اخت عندي من ذيچنه النسوان وچانت حالتنه المادية مو ذاك الگد لان ابوية يودي مصرف ل3 بيوت وكل وحده بيت وحدهه ورغم كل هذا صابرة ومتحمله لخاطرنه
مرت الاشهر ودخلت متوسطه وچنت كلش فرحانة وتعرفت على صديقات هواي واني چنت من النوع الاجتماعية وراهه بدت الامتحانات النهائية مال اول متوسط لحد ما اجه هذا اليوم
ندگت الباب وچان يطلع ابوية وطبو ورا
ناس للبيت
ابو اريج... لحد تطلع ترره اكسر رجلهه لاشوفهه
اريج... طبعا اني مهتميت ورحت دباوع علتلفزون وچان يجي ابوية
ابو اريج.....تعالي وراية
اريج...يا ستار شيريد مني رحت علية وچان يگلي
ابو اريج.... بابا اجوچ ناس ديخطبوچ وذولة خوش ناس واغنياء وراح يدللوچ وماكو احسن من هاي القسمة
اريج.... اني ظليت هيچ مصدومة 😲 بس بابا اني ما اريد ازوج وانتو مدلليني شسوي ازوج اريد اكمل دراستي وانته تدري بيه
ابو اريج... درروحي هوه صوچي اني گاعد اسئلچ
اريج....راح ابوية عليهم وچان يگلهم موافقين اني نصدمت معقولة بابا راح يزوجني بدون مياخذ رايئي طبعا ابويه من النوع العصبي وميتفاهم ابدا ومتسرع بقرارته كلش رحت على امي وگتلهه يمه فدوة اقنعي بابا ما اريد ازوج
ام اريج... يمه البنية اول وتالي تزوج قابل حظل گاعدة ابيت اهلهه وبعدين اقبلي بلواقع متدرين بابوچ عصبي ولبراسة يسوي
اريج.... امي ظلت تقنع بيه انو هذا الولد خوش ولد وراح يحبچ وراح يطلعچ ويونسچ احسن من ابوچ والمشاكل الهناا
اريج... هوه منين شافني يا يمه ديعرفني
ام اريج...والله يمه ما ادري بس الظاهر ابوچ يعرفهم
اريج...مرت ايام على الخطوبة وبعدهه الولد اجه لبيتنه ديشوفني امي گلتلي
ام اريج...حضري روحچ اليوم الولد حيجي يشوفچ
اريج.... يمه مو بهلسرعة غير ابوية يسال علولد يشوفه اشونه
ام اريج...يمه ابوچ سأل عليه ويگول خوش ولد وهمه ناس اهل خير وراح يدللچ
اريج...اني استسلمت للواقع وگلت هاي هيه بعد ابوية لبراسه يسوي هوه امي مگدرتله دگدرله اني مو بيدي شي وما طوال سأل علية وطلع خوش ولد ارضى بالله كاتبلياا ماكو اعتراض على امر رب العالمين رتبت روحي لبست جينز لون اسود وتشيرت وردي وسرحت شعري طبعا اني چنت مو محجبه دخلت للاستقبال چان اشوفه وچانت اول مره التقي بي دخلت وطبعا شكله چان حلو طويل وضخم وملامحة رجولية طبعا شافني ظل هيچ فاك 👀 عيونه وگاام على حيله والصدفة عيونة مثل لون عيوني 😂
عمار...مرحبا
اريج....مراحب كعدت گباله علتخم وبمسافه بعيده اشويه عنه بس اني چنت كلش خجلانه وچان اول ولد احچي وياا
عمار...رفع راسه وابتسم وچان يكول متوقعتچ بهلجمال
اريج... تسلم😳
عمار.... باعي اريج اني حبيتچ من اول مره شفتچ بيهه وعرفت بيكم خوش ناس لذلك اجيت خطبتچ وانشالله مراح اقصر وياچ باي شي بس اكسري هذا الحاجز البيني وبينچ تمام
اريج... تمام بصراحه كلش عجبني كلامه وچان كلش مثقف ومتفاهم وحيل ارتاحيت من اتجاهه
بعدهه بكم اسبوع
حددو موعد المهر وجابولنه المهر مالتي ورحت اني وامي واختي وجهزتلي مخلينه شي ما اخذ
نه من مكياج وعطور وملابس واختاريت فستان للمهر كلش حلوو چان لونه ذهبي طويل ومفتوح جهه الردن
اجه موعد المهر ورحت اني وامي للصالون وخلولي مكياج ومحطيت عدسات لان عيوني چانن ملونات وسوولي تسريحه ولبست فستان طلعت كلش حلوة ورجعنه للبيت ولگيت اقاربنه كلهه جايه خالتي وعماتي وبناتهن طبيت وبدت الهلال والجگليت فوكايه واني چنت حيل مرتبكه وخايفه والوترني اكثر الكل تباوع عليه هيج😮
ظليت ادور على نور بنت عمي بس ملگيتهه سالت عليهه گالو مريضه ومجتي حيل انقهرت چان المفروض اول وحده توگف ويايه
وره كم ساعه گالو اجه العريس طب وچان طالع كلش حلو اني بهاي اللحظة كلش ارتبكت گعد بصفي وعلگو الديجي وبده الرگص وچان يتقرب على اذني
عمار..... ولچ شنو انتي طالعه تموتين عبالك لعابه
اريج...بهاي اللحظه من الخجل ردت اطب بلبدله قطعنه الكيك وواحد اكل الثاني وطگو صور وبعدهه لبسني الذهب
والنسوان گامن يصيحن... بوسهه ولك بوسهه ولتخاف من امهه
اتقرب علية وباسني من خدي وشاورني
عمار... مو خد عسل اذا الخد هيچ لعد الشفايف اشون طعمهن😋
اريج....عزززة اشگد سخيف هذا ولا يستحي😳
خلص المهر بس اني شنو انصطرت من الدوخه ورحت سبحت وبدلت طلعت ورتبت البيت ويه البنات
مرررت 5 اشهر تقريبا صار عمري تقريبا 14 سنه
گمت اعرف طبع عمار وشيحب وچنه كلش متفاهمين بهاي الفترة وگدرنه واحد يعرف الثاني اكثر واكثر وگمت احبه لان چان اول شخص يدخل لحياتي واول واحد فتحت عيوني علية لان چنت طفلة واول حب دخل بحياتي
حددو موعد العرس وابو احمد طلب يكون العرس بقاعه ويتفخفخ گدام العالم وحسيته اشويه مغرور بفلوسه واهلي وافقو
اليوم ليله الحنه
لبست بدلة لون ماروني وخليت مكياج خفيف واجه عمار وخلونه الحنه ومرت على خير الحمدلله
صار موعد العرس ورجعت من الصالون وصارت الزفه ورحنه للقاعه وچانت الاجواء كلش حلوة عبالك چنت بحلم واباوع علناس اشون فرحانه
عمار...يلا گومي هسه اجه دورنه نركص
اريج...والله استحي عمار ومرتبكه كلش
عمار...اني ويااچ عمري لتخافين
اريج...گمنه وحضني عمار وصارت عيونه بعيوني وچانت اطرافي كلهه ترجف من التوتر
عمار....اروح فدوة لهاي لعيون تعالي على گلبي
اريج....نومني على صدرة وظلينه نركص slow حسيت اني امتلكت الدنيه كلهه واني يم الشخص الاحبه
چنت حاسه روحي كلش محضوضه العرس حلو والعريس بعد احله وواحد يحب الثاني بعد شتمنه اكثر بس اتمنه ربي يسعدنه
وبعدهه رحنه للفندق صعدت للغرفة وطبيت وچان گلبي مثل الطبل حسيت بخوف بوكتهه دخل احمد وراياا چنت ناصه راسي رفع راسي بايده
انته كلبي ❤ويا كلب💘 بيك ابتليت😍
انته عمري غيرك انه شحصليت😍
انته روحي لو رحت انتهيت😍
انته عيني 👀لوغبت عني انعميت😍
حاولت انساك مر ومانسيت😍
شنسه منك يالخذت كلبي❤ ومشيت😘
عمار...😍 ولچ شنو انتي طالعه تخبلين ووووو....
