رواية قلوب من حجر الفصل الثاني 2 بقلم الكاتبة رانية ماهر

#البارت_الثاني

اريج...كعدت الصبح على صوت عمار

عمار...اريج اريج

اريج... اباوع علية نسيت روحي عمار يمي عبالي نايمة وحدي

عمار...صباح الخير حياتي

اريج...صباح النور عمري كعدت على حيلي عدلت شعري ورحت ركض للحمام اباوع عززه هسه اخترع من شافني هيچ

عمار...اريج حضري روحچ حته نتريك

اريج...اوكي حبيبي طلعت اخذت هدوم وطبيت للحمام سبحت وبدلت وشسورت شعري وخليت مكياج خفيف وهوه يباوع عليه عيونه ابد مفارگتني

وچان يجي يحظني من ظهري

عمار....انتي متحتاجين مكياج وجهچ يخبل

اريج...انداريت عليه وضحكت وگتله لعد ديربالك لتتخبل

عمار....هاا طلع لسانچ شو دتعالي اليوم اگصه وبستهه 😉

اريج..عمار هههه كافي فدوة نزلنه تريگنه وبعدهه رحنه لبيت اهل عمار

اول مطبيت طبعا اتلگني حمواتي وعمتي

نسيت اگلكم عائلة عمار تتكون من ام عمار وابو وعندة 5 خوات اثنين مزوجات ووحده مطلگه وگاعده عدهم ووالصغيرة

ممزوجه عمرهه 20 سنه واخوانه 3 الچبير من غير ام مزوج وطالع بيت وحده و2 اخوان علي ممزوجين وچان بيتهم كلش

چبير عبالك قصر وديكوره يجنن

طبعا عمار واهله چانو عايشين بسوريا وچان ابو رئيس مهندسين وعدهم محلات اهوايه ومن صارت الاحداث رجعو للعراق رحت لغرفتي خليت الغراض وچانت كلش حلوة ومرتبة

عمار....شنو رئيچ بلغرفة

اريج...كلش حلوة حبيبي عاشت ايدك

عمار.....حياتي اهم شي تعجبچ وشتريدن گوليلي

اريج....كلشي ما اريد اهم شي سلامتك وربي يحفظك اليه

😘 مر اسبوع تقريبا على زواجي ووضعي ويه عمار تمام ويوم عن يوم اعشقه اكثر وماكو اي شي زعجني

عمار....اريج حضري روحچ اليوم راح نطلع اشوية نغير جو

اريج...اوكي حياتي دقايق واكون جاهزة لبست جينز كوباي وقميص ابيض وبرمت شعري وخليت حمره لون وردي وشوية كحل

عمار....ولچ اليوم شطالعه راح اضمچ بقوطية وما اخلي احد يشوفچ

اريج....لو اني وياك بلقوطية راضيه

عمار....يعمري اكيد اني وياچ مستحيل اتركچ ويلا هسه امشي خلي نروح

اريج.... اوكي حياتي وداني عمار للمطعم وتعشينه وگعدنه بمكان علنهر دجله كلش حلوو

عمار...شنو رئيچ بلمكان

اريج...كلش حلوو بس مو بحلاتك

عمار...اويلي منچ ام لسان

اريج...عمار اني خايفه لُِلُِڪآتبَة رٍآنية مآهـرٍ

عمار...من شنو يعمري

اريج...خايفه يجي يوم وتتركني

عمار...حياتي كل عقلچ تحچين اطمني

مستحيل اتركچ للموت

اريج....حسيت نفسي بهاي اللحظه اي اسعد انسانه بهلكون لليل ورجعنه وچنت كلش فرحانه ويه عمار طول هاي الفترة

بس احيانا حمواتي يذبلي كلام ويغثني وعمتي چانت متخليني اشتغل ادگلي بعدچ عروس على الاقل خلي تطلع السبعه مالتچ وعود اشتغلي

بعدهه گامت تبدي المشاكل طلع عمار للشغل من ساعه ب7 الصبح

عمار...باي حبيبتي

اريج...الله وياك يعمري طلعت وياا للباب وودعته طبيت وچان الگاهن كلهن ملتمات وچان يگللي انتي مخو اظلين هيجي بدون شغل واحنه بس نكرب گتلهن صار هسه

اشتغل وياچن....اي لا عبالچ هاي ابيت اهلچ الله اليعلم الوسخ ليوين صدگ اني ضجت گتلهن ما اشتغل لعد عمتي وراضيه وبعدين بعدني عروس مصارلي اهواي من

ازوجت ....اي عيني وكل عقلچ نبقة بعد نخدمچ لا والله حبيبتي غلطانه

اريج...فجاه وچان اسمع صوت عمتي

وهنه كلهن گبن عليه على عمتي....يمه ويمه شوفيهه ادگول ما اشتغل اقل شي شهر يلا عود افكر اساعدچن بلشغل واني بعدني عروس واخاف اتعب روحي

اريج...ظليت فاكه حلگي عززة هذن شنو مچلوبات لا والله عمه محچيت هيچ

ام عمار...شنو يعني اچذبين بناتي لا حياتي غلطانه لتجي اهنا تحلل لگتمتهه من باچر لا والله شنو من باچر من اليوم على هذا

كلامچ تبدين تشتغلين وبعد ماكو عروس وما عروس حالچ حالهن وعليچ راح يكون الطبخ

اريج...بس عمه اني ما اعرف اطبخ خلي التنظيف عليه ميخالف

ام عمار...لا وفوگاهه هيه تختار صارت ام الراهي اذا طبخ متعرفين لعد شتعرفين يلا كومي اني هسه حگعد واگولچ شطبخين وشسوين لُِلُِڪآتبَة رٍآنية مآهـرٍ

اريج...وگفت علطباخ وچنت حته ما اعرف اعلگه احط الجداحه واگمز حياتي كله مواكفه علطباخ چانت امي تطبخ واختي الچبيرة تنظف واني نوبات اساعد اختي اباوع على حمواتي يضحكن عليه

ويتشاورن وحد دگول للخ ههههاي نسوان اخر وكت هوه هذا جيل النستله طبعا هنه چانن كلهن اكبر مني

اريج...اني حيل انقهرت من كلامهن واني مماذيتهن ابشي هاي بدايتهه هيچ يا ستار من تاليهه گامت عمتي تگعد يمي ادگلي شسوي واني اطبخ بس خربته لان ما اعرف وصعبه على وحده اول مره توگف علطباخ واشگد احترگت ايدي

ام عمار...امدااا لبني على هيچ قسمه طايح حظهه وخري مناا (بصوت عااالي)

اريج....وخرتني عمتي ورگعتني بيدهه على راسي صدگ حيل انقهرت ورحت الغرفتي ابچي وفشلتني گدامهن بس گلت حقهه

بناتهه ومتنطي بيهن بس اني چنت طفله وبعدني كلشي ما اعرف المفروض هيه تعلمني شويه شويه وهمه اول ما اخذوني يدرون بيه ما اعرف اطبخ بعد على شنو هيچ اسوي بيه

ظليت انتظر عمار حته يجي وماكو

قصص وروايات «عراقيين كيك»

لحد مصارت ال8 بليل وعمار ماكو ضل بالي عليه واني ضليت لا غده ولا عشه كلش جعت وچنت استحي انزل اكل وياهم الا عمار ويايه وچان اصيحلي عمتي

ام عمار....اطلعي من الغرفه عيني اطلعي مو مصدگتي دورتيلچ زعله ورحتي لغرفتچ تركضين

اريج...طلعت گتلهه لا عمه والله مو هيچ قصدي بس دنتظر عمار يجي

ام عمار.....اي حته اتقصيله كلشي وتحرگين ابني علية

اريج...لا والله عمه مو هيچ قصدي ولا ابالي هيچ اسوي بس عمار اتاخر وهسه راح تعبر ال8 بليل وهوه ماكو بلكي ادگيلي عليه

ام عمار...هي هي گامت ادور موبايلات

اريج...بس عمه اني مردت شي بس اطمن عليه

ام عمار...لو تريدين تطمنين احب اكولچ عمار بلشغل وبعد شويه يجي

اريج....الحمدلله ارتاح گلبي اشويه

ام عمار.....وهسه متريدين تاكلين لو

تستنكفين تگعدين ويانه حضرت جنابچ

اريج...لا عمه اجيت حشاكم رحت ولگيت الكل گاعد علسفرة گعدت

وچان يگلي حمايه الوسطاني حسام

حسام...لا تستحين بعد انتي من عدنه وبينه وحالچ حالنه مدي ايدچ

اريج..وقدم الماعون گدامي اكلت وياهم شوي وگمت شفت الكل كمل لميت الماعين

ام عمار..شدسوين

اريج... دغسل لماعين گلت عيب تاخذ عليه نظره اكل واگوم لميتهن وغسلتهن وگتلهه يمه محتاجه بعد شي ظلت عمتي صافنه وچان دگولي لا ممحتاجه ما ادري ليش بهاي اللحظه اذكرت امي وخواتي وحيل اشتاقيتلهن صارت الدمعه بطرف عيني بيت اهل عمار وحشه عبالك مابي روح

ظليت للساعه ب12 متمدده گعدت على صوت الباب فتحته وشفت عمار اجه حضنته حيل ودموعي نزلت لا اراديا

عمار.....خير شبيچ جفلتيني صاير شي

اريج...لا كلشي ماكو بس اشتاقيتلك

عمار....وهلگد مشتاقتلي يعمري تبچين علمودي لعد صدگ لو گالو طفله خهههه

اريج.. تضحك عليه مو اني صوچي صارلي من الصبح ليهسه مماكله وانتضرك وعبست (😞)

عمار.....يمه سوده عليه ليش مگلتي

اريج..الصراحه استحيت اكل وانته مموجود

عمار...دتعالي اني هم جوعان اريد اشبع منچ لُِلُِڪآتبَة رٍآنية مآهـرٍ

اريج.... لا فدوة عمار ههههه 😂

مررر شهر وعلاقتي بعمار تقوة يوم عن يوم بس چان يتاخر هواي بلشغل ولليل يلا يجيوگمت ما اشوفة ولا نطلع ابد بس بداية زواجنه..عمار انته مخو اظل هيچ تتاخر كل يومية مگاعد اشبع من شوفتك والله

عمار....شسوي يا عمري غير هذا شغلي وملتهي بي

اريج....اي بس علاقل تفرغ يوم واحد لخاطري

عمار...انشالله يعمري احاول

هوه اني شعندي غيرچ يا عيون عمار وكلب عمار وكبد عمار

اريج....كافي يمعودة بقه بس دگول وطي.. عمار

عمار....😂😂😂😂 هوه بعدني موصلت

اريج....خرب بيك 😅

طبعا حمواتي مجازن مني وعمتي قبلت انو التنظيف عليه وگمت انظف وارجع ليورة وهنه يسون شغل اعناد يوسخن وچان البيت كلش چبير ظهري ينكسر يلا اكمل متت من التعب وخصوصا اني الچنه

الوحيدة الهم بلبيت كملت شغلي وغسلت اماعين العشه ورحت تمددت اشويه بغرفتي اخ يابه اتكسرت بعدهه ما حسيت على روحي وغفيت

وچان اسمع الباب ارگعت حيل فزيت من مكاني من الخوف وضميت راسي جوه اللحاف من الخوف يا ستار ياربي

وگامت الف حسبه تجيني منو هذا وشيريد مني