رواية قلب لم يكن بالحسبان الفصل التاسع 9 بقلم جمانه السعيدي
الحجي...كنت متعمد كل يوم اسئلها شنو تعلمت
بس حتى اشوفها مركزه وياا التدريب لو لا
يعني جاي تستفاد لو لا
طبعا تكعد تشرحلي كلشي بدقه رغم اني كلشي مااعرف
بلشغلات النسويه
بس جنت أبين اني افتهم
حتى لا اضيع عليها لحظة الانبهار والتعلق
الحجي..انتي ليش .كل يوم ترحين بنفس هذا الثوب
رنا...واني قابل رايحه اتكشخ اني رايحه اتعلم
الحجي....بس الكشخه والبس الها دور تعزز الثقه والرضا بلنفس
رنا...حجي فدوه كافي عليه وجودك بحياتي
اني وين جنت ووين صرت
الحجي....لا اني اريدج تكونين مميزه بكلشي
والي يشوفج ما يستزغرج بسبب الملابس صار اسبوع ترحين بنفس الثوب
شنو قحط ملابس
شوفي اني مااعرف الملابس الحلوه خلي ام زهراء تطلبلج
ملابس لو تتفقين وياها تاخذج للسوك تشتريلج
واذا تستحين تحجين وياها اني اتصل على زوجها
رنا...بلعكس كلش حبابه وانسانه شكد ما تتخيل
اصلا مخليتني بلمقدمه وتهتم بيه تكول هاي وصية الحجي تعيد الشرح علمودي اكثر من مره
الحجي....تمام اليوم انطيج فلوس واشتري ملابس طلعه
بس كون حلوات ومرتبات
رنا.. انشاء الله
انطيتها مبلغ وهيه وأم زهراء طلبن ملابس من بيج
اليوم الي بعده طلعت لابسه ثوب كلش حلو
عليها ويا جنطه وحجاب
الحجي. اي هسه حلو
رنا.. بعد جبت ملابس حلوات
الحجي. اريدج تنتبهين الشكلج وتهتمين بمظهرج
تشوفين شنو الموديلات الجديده
بس اهم شي شي محتشم ومرتب
اني راح اخليلج مصرف واشتري اي شي يعجبج
رنا.. تسلم حجي الله يحفظك
الله يرزقك رزق ماله عدد ولا اله نهايه
بعد اسبوعين طلع ابو رنا من السجن بعد مااخذ الضابط علي تعهد مايوصل البيتنا
اسبوعين شبع بيهن ضيم بلسجن تبهدل بهذله ماصايره
بس اكو مفاجئه منتظرته ابد ما مخليها بحساباته
من رجع للبيت مالكه زوجته ولا أطفاله
اكيد تكون بيت اهلها كل هذا الوقت شلون تبقى بلبيت
هيه ولاطفال وحدهم
بس قبل لا يروح يرجعها للبيت حب يطمن على شغله مهمه
جان ضامها بيته
عنده مبلغ مالي ١٥ مليون سبعه مهر رنا وسبعه هو مجمعهن من شغله طول هاي السنيين
من ضمهن ٣ مليون باع بيهن مكان جان واكف يبيع بي مخضر باع المكان الواحد ٣ مليون
صار عنده ١٥ مليون هو ضامهن بمكان سري محد يعرف بي غير هو وزوجته
لان ماامن بيها
راح الهذا المكان مالكه فلوسه دور عليهن
كلب المكان كلب كلشي ماكووو
طلع بوجها البيت اهل زوجته حتى قبل لا يسبح ولا يغير ملابسه
بعده بريحة السجن
ووصل البيت اهل زوجته دك الباب طلع علي اخوها
ابو رنا... السلام عليكم اخوها رد علي رد مفاجئ
.اخواها........هااا خير شكووو يمتى طلعت
ابو رنا...قبل ساعه طلعت شو لا اجيتو ولا سئلتو عليه
اخوها... شنو لازميك بقضية مخدرات
هنا كم يوم بعدين كلشي صار من ايدك
انت الي ورطة نفسك
جمانه السعيدي
ابو رنا...بلا كلام زايد ووين نجاة
اخوها.. نجاة ماترجع وياك
ابو رنا...شنو ما ترجع وياي روح خليها تجي تحاجيني
اخوها...اكلك ما ترجع وياك افهم
تريد تطلك
ابو رنا....شنو تطلك اريد احجي وياها
اخوها...روح منا لا اخليك تتندم
ابو رنا...بس احجي وياها اكو امانه اريد اسئلها عنها
اخوها...كلشي مالك يمنا فهمت لو لا
ابو رنا....صاح بصوت عالي نجاة نجاة وينج
تعاي شوفي اخوج
اخوها...شنو اني مامالي عينك شنو كدامك طفل
اوكف اني اعلمك
دخل اخوها للبيت وابو رنا بقا مصمم يريد نجاة تطلع حتى يسئلها عن الفلوس
وأكف بلباب ويصيح نجاة نجاة وينج تعالي اريد احجي وياج
طلع اخوها بيده سجينه طويله تروح منا لا اخرب ملامحك
ابو رنا...زين زين اني رايح بس اسئلها ووين الامانه
اخوها...لا انت مايفيد وياك حجي
رفع السجينه على ابو رنا ابو رنا رجع ورا خاف منه
رجع للبيت حاول يتواصل وياها بلتليفون
بس ماكو الرقم محضور
ماكدر يكعد بلبيت ولا يهداله بال اكثر شي
يريد فلوسه مو مهم نجاة ترجع لو ماترجع
حتى ولده مايريدهم يريد فلوسه
رجع دور بلبيت بلكت مغيره مكانهن
ثاني يوم طلع من الصبح وبقا يراقب بيت اهل نجاة
منتظر فرصه اخوها يطلع من البيت حتى يحجي وياها
ويشوف هيه ليش زعلانه
وليش طالبه الطلاك وفلوسه ووين صفا بيهن الدهر
من الصبح للضهر وهو واكف ينتضر فرصه
حتى يحجي وياها
لان هو لا متعارك وياها ولا عنده اي مشكله قبل لا يدخل السجن ليش تغيرت علي فجئه
وليش جاي تطلب الطلاك
الضهر يله طلع اخوها من البيت
راسا راح دك الباب عليهم
جان يسمع صوتها من ورا الباب تكووول منو
ابو رنا...اني خضر افتحي الباب
نجاة...ماافتح الباب ومن باجر ارفع عليك قضيه اطلكني
ابو رنا...ليش اطلكج
نجاة...هيج ما يعجبني ابقى وياك تعبتني رجال بخيل
وعصبي
ابو رنا....زين الامانه ووين خليتيها اريد فلوسي
نجاة...اي فلوس ماعندي فلوس
شوف انت وين خليتهن مالك اي فلوس عندي
ابو رنا...انعلي الشيطان فلوسي ١٥ مليون ووين راحن
نجاة...واني شمدريني وين راحن
ابو رنا...افتحي الباب خل نتفاهم
نجاة...ماافتح الباب وروح منا لا اعيط والم الناس عليك
ابو رنا...زين انتي ليش تغيرتي وليش طالبه الطلاك
ليش اني شسويت مااذكر اني وياج متعاركين
انتي زوجتي حبيبتي
نجاة...حبيبتك ضحكتني اي حبيبه هاي
الفلس تحسبه الف مره عليه
اذا اريد اشتري شي تحقيق اني اريد اعيش حياتي
وبعد ماارجع اللك لو تموت
طلكني احسلك ليش اصير مشاكل
ابو رنا..ميخالف هسه بهاي اللحظه اطلكج
بس رجعي فلوسي الله يخليج فلوسي تعبان بيهن
نجاة...انت مخبل اي فلوس كلشي مااعرف عنهن
روح دور زين تلكاهن
ابو رنا شاف اخو نجاة اجا من بعيد
مشا على السريع وبتعد عن الباب
صاح ورا اخوها هااا شو شردت بيك خير اوكف
جبان اذا اشوفك هنا مره ثانيه ماتلوم اله نفسك
رجع ابو رنا وهو مصدك كلام نجاة ومفكر يدور على فلوسه كلب البيت كلاب
مابقى مكان مادور على الفلوس بس ماكووو
ساعته اتأكد الفلوس اخذتهن نجاة
بس ليش بدلت علي ليش فجئه فكرت بلطلاك
رغم هيه اول يوم دخل السجن راحت ورا للسجن تشوفه
واخذتله ااكل
وراحت هدت على الحجي حتى يروح يتنازل عنه
هسه راح نعرف نجاة ليش تغيرت علي
نجاة من كانت شابه كانت على علاقه بابن خالتها
تحبه متلعقه بي حيل
بقت تنتظره عمر بس هو بالاخير غدر بيها وراح ازوج وحده غيرها
كل أقاربها وكل الناس المحيطه بيها كانو يعرفون بقصة
حبهم
ومتوقعين راح يزوجون بلاخير
بس ابن خالتها كان يتسلى بيها
من بعد ماعافها ابن خالتها بقت بدون زواج
محد اتقدملها لمن عبرت التلاثين
احا ابو رنا تقدملها ووافقت علي وتم الزواج
بعد الزواج اكتشفت طبعه صعب حيل عصبي وبخيل
بس قررت تتحمل وتصبر علمود جهالها
كانت تفرغ عصبيتها وقهرها برنا المسكينه
كلما تتعارك وياا تضرب رنا لو تحرض ابوها عليها
لمن رنا تدمرت نفسيتها بسبب نجاة وابوها
قبل لا ينسجن ابو رنا بشهر تقرببا سمعت ابن خالتها انفصل عن زوجته بدون اطفال كان السبب منه
زوجته طلبت الطلاك وعافته
بيوم الي انسجن ابو رنا راحت نجاة الاهلها حتى يساعدوها اطلع ابو رنا من السجن
بالصدفه لكت ابن خالتها موجود بلبيت
من شافته فرح بيها وسلم عليها بحراره
رجعت نار الحب اشتعلت بكلبها من جديد
ابن خالتها الحب الاول بحياتها شاب مرتب ازغر من ابو رنا
واحلى وارتب
وهو ماقصر اعتبر هاي أكير فرصه حتى يرجع
المشاعر القديمه من جديد
واحسن فرصه زوج نجاة بلسجن يعني ياخذ راحته
على الاخير
وهيه طبعا ماصدكت نفسها ترجع الابن خالتها
الحب الوحيد بحياتها
رجعت البيتها وهو بدا يتواصل وياها ويجيها للبيت
ويقنعها يرجعون مثل قبل لان هو ماكدر ينساها
ولا ينسى حبه الها
جمانه السعيدي
سهل علي يتواجد بيتها لان محد راح يمنعه
بلنسبة النجاة كانت عايشه حاله من الجفاف العاطفي
ترا البخيل يكون بخيل بكلشي مو بس بلفلوس
حتى بخيل بلمشاعر والسوال والضحكه
واجاها هذا غركها كلام حب ومشاعر جياشه
اتفق هو وياها تطلب الطلاك ويرجعون البعض
وهو يربي جهالها
كأنما اولاده لان هو محروم من الجهال
نجاة حست هاي الفرصه فرصة عمرها
حتى تخلص من ابو رنا وتعيش حياتها من جديد
بس مستحيل تعوف الفلوس
ذني الفلوس حقها بمكان السنيين الي عاشتهن ويا ابو رنا
حسره عليه الفلس
اخذت الفلوس وطلعت من البيت
منتظره ابو رنا يطلع تطلب منه الطلاك وتكمل اشهر العده حتى تاخذ حبيب الكلب
ثاني يوم راحت رفعت علي قضية طلاك
الأسباب الي قدمتهن للمحكمه
عصبي وبخيل ويضربني ومجوعني واني اريد اطلك منه
ابو رنا كان بعده عايش الصدمه
ليش نجاة تريد تطلك والفلوس وين
مو مهم نجاة ولا مهم اولاده المهم الفلوس ترجع
اذا مارجعن فلوسه يتخبل
ثاني يوم اجا استدعاء من المحكمه علمود قضية الطلاك
وهنا تخبل ااكثر
شلون بين يوم وليله يخسر كلشي
وكف كدام القاضي وكال اني مستعد اطلكها بهاي اللحظه
واتنازل عن اولادي
بس خلي ترجعلي الفلوس
اريد فلوسي
اما نجاة وكفت كدام القاضي وكالت هذا الرجال مخبل
ميله فلوس
رجال بكال يوم يشتغل ويوم ما يشتغل
حضرت القاضي انت تصدك وواحد مثل هذا مبهذل
عنده ١٥ مليون
اله بحاله وحده يشتغل حرامي مو بكال
ابو رنا....حضرت القاضي نص المبلغ مهر بنتي
والباقي تعبي كل هاي السنيين
نجاة...انت تصدك حضرت القاضي شنو مهر بنته
شنو هو مهر لو بيعه
طلب ابو رنا تاجيل القضيه الحد ما يجيب بنته تشهد
ويااا
تشهد ان ابوها اخذ مهرها بالكامل
وما انطاها منه أي شي
شوفو الايد الي جانت تضرب رنا بلارحمه
هسه اجتها الايد الاقوى منها تضربها ضربة تشلها وتسكتها للابد
ابوها جان مستقوي عليها وحتى من زوجها
اعتبر زواجها صفقه جان يعتقد هو الاقوى وماكو أقوى منه
بس رب العالمين سلط علي الاقوى منه
خلا حاير بزمانه مايعرف شلون يخلص من هاي المصيبه
شنو رائيكم رنا راح تساعده لو لا
