رواية قلب لم يكن بالحسبان الفصل العاشر 10 بقلم جمانه السعيدي
الحجي...كاعد بلشغل اراجع أوراق عندي رفعت راسي دخل ابو رنا عليه
الحجي...استغفر الله ربي واتوب اليك احنا يمتى نخلص من هاي السالفه
انت ما تبطل من سوالفك هاي
شعندك جاي
رفع اديه وكال حجي دخيل الله ودخيلك
اني دخيل عندك اليوم فدوه اروحلك ساعدني
فلوسي انباكن
الحجي...انت كل يوم طالع بدرب شكل بابا افهم
اني وياك ماكو بينا شي وحتى بنتك ماتريدك
ابو رنا...بس اسمعني مااريد منك شي بس فلوسي انباكن
وماكو غير رنا تكدر تساعدني
الحجي...خير انشاء الله هذا درب جديد
ابو رنا...قبل كم يوم طلعت من السجن مالكيت مجاة بابيت
كلت راحت بيت اهلها لان اني بلسجن
اني ضام فلوسي بلبيت بس هيه تعرف مكانهن
الفلوس.١٥ مليون سبعه منهن فلوس المهر و٣ اني بعت مكاني بلسوك وخمسه صار اكثر من سبع سنوات ألم بيهن
مالكتيهن حجي رحت النجاة بيت اهلها
نكرة اخذتهن وتريد تطلك مااعرف ليش تغيرت عليه
هسه خليها تطلك للجير للموت الأسود بس ترجع فلوسي
الحجي...واحنا شنو علاقتنا بهذا الموضوع ذيج زوجتك وروح احجي وياها
ابو رنا...نكرة نكرة تكول اني ماعندي فلوس وما مااخذتهن
فدوه حجي اني مااريد منكم شي بس رنا تشهد
فلوس المهر عندي ومااخذت منهن شي
الحجي... شوف ياسبحان الله لان اخذتهن غصب راحن منك غصب
ابو رنا...اروحلك فدوه بس تجي وياي للمحكمه
تشهد بلفلوس حتى اكدر اطلعهن من نحاة
الحجي...هيج موضوع مالي دخل بي هيه تقرر
انس راح احجي وياها بهذا الموضوع واشوف تقبل لو لا
يمتى لمحاكمه يايوم
ابو رنا....يوم ١٣ بعد اربع ايام حجي فلوسي
لازم يرجعن
الحجي...قابل اني ماخذهن منك اني مااكدر اجبرها تشهد وياك بكيفها تريد تقبل تريد ترفص
ابو رنا...اني احجي وياها
الحجي...ممنوع تقرب عليها ولا توصل للبيت
فهمت لو لا هيه اصلا تخاف منك اني ماصدكت
صارت زينه وخلصت منك
ابو رنا...فدوه حجي انت احجي وياها هيه تقتنع منك
الحجي...اني اتصل عليك اذا وافقت واذا رفضت
جمانه السعيدي
اني كل يوم ارجع للبيت الساعه ١٢ ونص الضهر اواكثر شي بلوحده
بيومها رجعت الساعه ١١ حتى اكدر احجي وياها قبل لا تطلع للصالون
وانطيها مجال تفكر ااكثر
فتحت الباب بالمفتاح ودخلت اسمعها تشتغل بلمطبخ
دخلت جان لابسه برمودا قصيره وبدي بدون ردن
اول مره اشوفها لابسه هيج لبس
الحجي...صباح الخير عمو
التفتت متفاجئ من جيتي خوف ومفاجئه
راسا عاط بصوت عالي يمه ووكع الماعون من ايدها
شافتني واكف تريد اضم نفسها مستحيه مني
رنا...يااا حجي خوفتني ما متوقعه ترجع
الحجي...لا تخافين اسم الله
رنا...كلبي يدك بسرعه خفت ما متوقعه ترجع هيج وكت
رنا...من رخصتك ابدل اجي واسفه كسرت الماعون من خوفي
الحجي...لا تعالي اريد احجي وياج
رنا...بس البس دشداشه واجي
دخلت لبست دسداشه وطلعت عليه
رنا...اسفه حجي عطت بوجهك وكسرت الماعون
خفت من سمعت الصوت
هذا الخوف قديم عندي من زمان بسب ابوي
الحجي....تعاي اكعدي هنا
رنا...اي اجيت حجي
الحجي...اليوم ابوج اجا للشغل
رنا.. هم ابوي لا هله ولا مرحبا شيريد مني
يركض وراي مااخلص منه
الحجي...نجاة بايكه فلوسه ١٥ مليون وكاعده بيت اهلها ورافعه علي قضية طلاك
رنا...طلاك ليش تطلك
الحجي...مااعرف ليش هو حاليا مو همه الطلاك
يريد فلوسه
رنا....يموت على الفلوس
الحجي...يريد تجين اتشهدين بلمحكمه هو اخذ المهر
وماصرف عليج شي
حتى يأكد للمحكمه هو عنده فلوس
لان نجاة تكول يجذب ماعنده فلوس
رنا...بس شعجب نجاة تريد تنفصل ولو تاخذ الفلوس وتعيش بعيد عنه هواي احسن
ابوي محد يحمله ومحد يتقبله
الحجي....هسه شنو ترحين اشهدين وياا لو لا
رنا...بكيفك حجي انت شتكول اني ااكول تم
حتلو تاخذني للموت اروح وياك
الحجي...سلامتج من الموت الف سلامه
رنا...تخاف عليه حجي
الحجي...ليش مااخاف عليج انتي اصلا ما شفتي شي من حياتج
رنا...اني شفت الحياة الحقيقيه وياك الايام قبل لا اعرفك ما محسوبات من عمري
الحجي...لا تاخذيني بلكلام الحلو واصير عاطفي
خلينا بموضوعنا
اني مراح اجبرج انتي حره تردين تشهدين اني اخذج بايدي وارجعج بايدي
ماتردين بكيفج
جمانه السعيدي
بس اني ااكول هاي شهادة حق اذا كانت الابوج
او الغيره حتلو كنتي انتي مضلومه
بس اشهدي بلحق بلشي الي تعرفي
لا تعتبري ابوج اعتبري انسان غريب ومحتاج توكفين ويا بكلمة حق
رنا...هاي هيه حجي اني تحت امرك والي تكول علي يصير
الحجي...الله يبارك بيج ويحفظج
رنا...شلون استقبلته اني منك اطرده بعد المشكله الاخيره
الحجي....اني من شفته ضجت بعدين كسر خاطري
شلون يتوسل
يريد يموت علمود فلوسه
رنا.....يذبح نفسه على الفلوس
احضر الغده
الحجي...اذا غداج جاهز نتغده حتى انام شويه قبل لا اخذج للصالون
رنا...ام زهراء كالت اليوم اعوفج تمكيحين البنات
حتى ايدج تاخذ شمره على الشغل
الحجي...اي عفيه اريدها تتفاجئ من شغلج
لاتنزلين راسي اريدج اطلعين من الصالون اسطه محترفه
رنا..ماعاش الي ينزل راسك حجي
الحجي...يله نتغده اريد انام شويه
رنا...تدلل
اجا يوم المحكمه اخذت رنا وطلعنا بس دخلنا للمحكمه
رنا خلت ايدها بايدي ولزمتها حيل
اول مره تصرف هيج يمكن خايفه من ابوها
وتريد تحس بلقوه
لزمت ايدها ومشينا
ابوها واكف ووجها اصفر وشحاله
ونجاة واخوها واكفين بلجهه الثانيه
وكفنا اني وياها وابد ماعافت ايدي
نجاة تباوع عليها من فوك ليجوه متفاجئه بيها
لان لبسها حلو وشكلها كله متغير سمنانه وصايره وحده ثانيه
مبين عليها الراحه
بقت واكفه بصفي وابد ماعافت ايدي
الحد مادخلنا على القاضي وشهدت بلحق
كالت اني مهري سبعه مليون ابوي اخذهن كلهن وكلشي ماصرف عليه
طلعت بثوبي كلشي مااخذت وياي
القاضي...مستعده تحلفين
رنا...اي احلف
حلفت رنا على المصحف وطلعت برا اني منتظره
الحجي...ابو رنا احنا هنا حدنا وياك بعد مانريد نشوف وجهك مره ثانيه
طلعنا من المحكمه ورجعنا البيتنا
تعالو نشوف شنو صار بيومها بعد ما طلعنا
نجاة قسمت على القراءان ما ماخذه فلوسه ولا تعرف أي شي عنهن
القاضي...يعني ما اخذتيهن
نجاة...لا اسئله هو خالهن يمي عنده شهود اني اخذتهن
ابو رنا...ماعندي شهود بس متأكد عدها لان هيه الوحيده الي تعرف مكانهن
القاضي...مادام ماكو شهود ولا ادله تثبت نجاة اخذتهن
اذن نجاة برئيه
ابو رنا....اني متأكد الفلوس هيه اخذتهن
ووين راحن
القاضي....احنا مانكول انت ماعندك فلوس
بس ماعندك دليل نجاة اخذتهن
جمانه السعيدي
نجاة...حضرت القاضي اني اريد ارفع علي قضية خلع
هذا الرجل جان يجوعني ويضربني وحارمني من كلشي
والمصيبه طلع عنده فلوس
يعني مو فقير اذا عنده هيج مبلغ ليش
مايصرف عليه
اني مستحيل اكمل حياتي ويااا
راح اتنازل عن كل حقوقي اطلك مااريد ارجعله مره ثانيه
ابو رنا صار عصبي عليها
ابو رنا...اي حقوق بت الكلب اخذتي فلوسي وبعد اطالبين بحقوق
بس مااعوفج اطلع فلوسي من عيونج
نجاة...جاي يهددني حضرت القاضي
واني اطالب تحموني منه هذا واحد لاذمه ولا ضمير
القاضي....اسمع لو السجن لو تحترم نفسك
شلون تعلي صوتك واني موجود
رجع ابو رنا للبيت وهو يخطط شلون ينتقم من
نجاة وياخذ فلوسه منها
مستحيل راح يسكت عن حقه
الحجي...هاي هيه احنا الي علينا سوينا
رنا...ولو ابوي مايستاهل بس ميخالف عمل لوجه الله
الحجي... اي هاي البنيه القويه
ليش جنتي لازمه ايدي تخافين من ابوج
رنا....لا مااخاف منه مادام انت وياي مااخاف منه
بس حتى احس بلامان والقوه اكثر
انت الامان والقوه بحياتي حجي
بعد اسبوع واحد من هاي الحادثه
كملت رنا دورة تعليم بالمعهد والمفروض تتخرج
بيوم تخرجها
اتصلت عليه بليل
رنا...حجي اني محضرتلك مفاجئه ممكن تجي
الحجي...شغله ضروريه
رنا...بلنسبه اليه ضروريه اذا تكدر تعال
الحجي...اي احيت
ام أمير...هاي رنا
الحجي.. اي
ام أمير...شعدها ما كفاها النهار كله لا حكتني
على اليل
الحجي....ساعه وارجع مابات هناك
ام أمير...لا ولله اتمادت حيل هاي البنيه
الحجي....تمادت شخذت منج مثلا
هاي اني بشحمي ولحمي كدامج ما نقص مني شي
ام أمير.. وعقلك الي طاير وياها
الحجي....راح نبدي كلام مايخلص شويه وارجعلج
الحجي...وصلت فتحت الباب بالمفتاح
دخلت لكيتها واكفه لابسه فستان يخبل عليها
ومكياج وتسريحه
اول مره اشوفها بهذا الشكل
محضره كيكه وشموع وورد
رنا....كل عام وانت بالف خير
الحجي...شنو هاي اليوم عيد ميلادي
رنا.. لا قبل يومين عيد ميلادك بس اني اليوم اتخرجت من المعهد
وحصلت شهاده
قررت اجمع المناسبتين سوه
كل عام وانت بالف الف خير لو ماانت مجان كدرت اوصل
واحقق حلمي
الحجي...قربت عليه باستني بخدي وباست ايدي
لزمتها بستها براسها
ليش ماكلتي على الاقل ابدل اكشخ لبس قاط
تعرفين اني كل عمري محد.مسوليلي عيد ميلاد
ولا واحد يعرف عيد ميلادي يمتى
رنا...اني شفت الهويه وعرفت عيد ميلادك
شنو رائيك بلتسريحه والمكياج هذا شغلي
الحجي...حلو كلش حلووووو
رنا......يله اتمنى امنيه وطفي الشمع
رنا...دقيقه ممكن اني هم اتمنى امنيه
الحجي.. انتي اتمنى بمكاني
رنا...لا مايصير لازم تتمنى انت واني هم راح اتمنى امنيه بكلبي
طفينا الشمع
رنا...لا تكول شنو امنيتك حتى تتحقق
الحجي...وانتي شنو جانت امنيتج
رنا....الله يحفظك اليه طول العمر ولا يحرمني منك
الحجي....امين
بس اني مخطط الغير شي
راسا ملامح وجها اتغيرت
رنا...حجي بس لا مخطط تعوفني
الحجي....افهمي انتي زغيره لازم تزوجين واحد قريب على عمرج
شاب أفكاره نفس افكارج تبدين حياتج ويااا
اني مجان نيتي وياج زواج
اني ردة اخلص من وضعج وبس
رنا...حلفتك بيت الله الي رحتله لا تعوفني
اني مااريد شاب اني اريدك انت وبس
انت ابوي واخوي وزوجي واهلي
ليش تخرب فرحتنا اليوم
بس خلي يكون بعلمك اني لو تذبحني وتموتني
مراح اعوفك ابد
اشتغل خدامه جوه رجليك طول عمري
ومااعوفك
الحجي...عوفي هذا الكلام هسه
وتعاي نشوف الكيكه طيبه لو لا
كعدنا ناكل الكيك ونضحك ونسولف
الحجي....اني راح اخلي ام زهراء تخليج تشتغلين وياها
حتى تكسبين خبره ااكثر
رنا...ولله ياريت اني هم تعودت عليها وعلى المكان
الحجي...بس شغلج حلو حلوه هاي التسريحه
والمكياج يخبل
رنا.. عيونك الحلوه حجي
رن التليفون ام امير
ام أمير...هااا حجي خلصت الساعه وما رجعت
خير شكووو
الحجي...طلع اليوم عيد ميلادي ورنا محضرتلي
مفاجئه
ام أمير...شنو هاي العياره انت جاهل وتسويلك عيد ميلاد
كلها تبطل هاي اللواكه
الحجي.. وانتي بالف خير حبيبتي اعرف انتي ما ناسيه عيد ميلادي
ام أمير....يااا انت استخفيت شبيك
الحجي... ام أمير تصبحين على خير اني راح ابات هنا
ام أمير.. شنو تبات هنا هسه اجي اكسر الببت على راسها
الحجي...بس اطلعين من بيتج
كبل روحي بيت اهلج المره الي تتجاسر عليه
مااعتبرها زوجتي فهمتي لو لا
ام أمير.. يااا تحجي عليه هيج كدامها
الحجي.. الله وياج
استغفر الله نسوان ما تجي اله بلعين الحمره
رنا.. حقها
الحجي...شنو هو الي حقها اني ماعندي مره تتجاسر وتعلي صوتها
رنا.. حقها الي مزوجه واحد مثلك شايل كل هاي الحنيه والطيبه والكرم شلون تعوفه الغيرها
الحجي.. شنو قابل طار نصي بعدين هيه تعرف طبعي زين اني مااحب الكلام الزايد
مو تكعد اتهددني
رنا....لا اضوج خربت فرحتنا
