رواية قلب لم يكن بالحسبان الفصل الثامن 8 بقلم جمانه السعيدي
الحجي.... اتصلت على ام أمير
الحجي...اليوم مااكدر ارجع للبيت
ام أمير.. خير شكووو
الحجي...صارت مشكله من ارجع للبيت احجيلج
ام أمير....ليش ما تحجي هسه طمني خاف اكو شي
الحجي....لا بس مشكله وياا اهل رنا
ام أمير...ما تخلص هاي السالفه
الحجي...لا انشاء الله انحلت
ام أمير...حجي ترا ذوله ناس طماعين ولعبيه وانت ما تكدر عليهم طلكها ورجعها الاهلها حتى تخلص
الحجي...شنو مااكدر الهم شنو طلكها اني كدامج جاهل
رجال شكبراتني
بعدين ليش اطلكها شسوت هلمسكينه
اصلا هيه لاحول ولا قوه
ام أمير.. هاا ادافع عنها مبين متمسك بيها
الحجي....ليش مادافع عنها بنيه فقيره وما طالبه غير الحمايه شنو اذيتها شخذت منج
كافي كل ليله تبقى وحدها بلبيت
اني كتلج لا تناقشيني بهذا الموضوع
اني بس ردت انطيج خبر بس حتى يكون عندج علم
مو كاعده تتناقشين وياي وتفرضين رائيج عليه
يله مع السلامه
جمانه السعيدي
رجعت للبيت بليل لكيتها محضره العشى
طبعا هيه لاتلبس شي مغري ولا تحاول تقرب عليه
تعرف حدودها شنوو لبسها مستور ولا يوم شفتها خاله مكياج لو تحاول تقرب عليه
تعاملني بمنتهى الاحترام
كعدنا ناكل من كملنا جابت الجاي
الحجي...انتي شنو ضايجه لو خايفه لا تخافين
محد راح يكدر يقرب عليج
رنا... حجي اني ارتاحيتلك وراح احجيلك كلشي بكلبي تعرف اني كل يوم من ااكعد الصبح ااكول اكيد هذا حلم ولا بد يوم من الايام يخلص
لان مستحيل اني يتغير حالي بين يوم وليله
بيت وملابس حلوه وواكل طيب
حجي اريداسئلك انت معجزه
الحجي...هههه معجزه مره وحده شنو معجزه
ليش هيج تحجين
رنا....اي معجزه تعال اني وياك نفسر الشي الي جاي يصير وياي بنيه يتيمه مضلومه محد بحالها
نص بطنها جوع وجسمها خريطه من الضرب
محد بحالها لا عم ولا خال ولا احد يسئل عنها
كل يوم تنظرب وتنساني وتلات جوعانه
مالها خلاص من هذا الوضع ابد كل تفكيرها ماكو خلاص اله بلموت
يجي واحد ماله علاقه بيها لامن قريب ولا من بعيد
ولا يقربلها ولا يحبها ولا يريد منها شي
يطلعها من بيت اهلها
ويدفع مبلغ جبير الابوها
ابوها الي الناس كلها شارده منه وكلها تكرها
يدفع هيج مبلغ الابوها الطماع
وياخذها بالملابس الي عليها
بس حتى ينقذها مايريد منها شي
لايريد تكون زوجته ولا حتى خدامه بيته
هاي معجزه لو مو معجزه برائيك
جمانه السعيدي
الحجي...بس زمن المعجزات خلص
رنا....بس اني وياي ما خلص انتي معجزتي
اني لا انسانه عابده ولا عندي معلومات دينيه ولا مسوي اي عمل زين بحياتي اصلا حياتي مخربطه
مااعرف راسي من رجليه
ليش رب العالمين يرزقني وواحد مثلك يغير حياتي
الحجي....يجوز الخير بهذا الموضوع مو اللج
ايجوز الخير اليه ترا مساعدة الناس المحتاجه عمل
عظيم رب العالمين ذاكره بلقران
يكول من يقرضني قرضا حسنا
اضاعف له ااجره
ويكول ارحمو من في الأرض يرحمكم من في السماء
اني رب العالمين يحبني وخلاج بطريقي حتى يوسع عليه أبواب الخير والرحمه
تعرفين اني شهر كامل مابقى واحد ماعرضت علي
يزوجج والتكلفة عليه
لا اضوجين من كلامي مو قصدي اقلل منج
بس انت زغيره واذا تزوجين واحد زغير قريب من
عمرج راح تكونين مرتاحه ااكثر
المفاجئه الكل رفض مو رفضوج انتي لا رفضو ابوج
اني بعد تصرف ابوج الاخير والي شفته منه شلون يتحايل
حتى يحصل فلوس
عرفت عدهم حق وين اكو واحد يتحمل هاي التصرفات
رنا....ابوي اني اكبر مشكله بحياتي ابوي
شسوي الأسنان من ينولد مايختار اهله بكيفه
هو يجي للدنيا يلكاهم كدامه لازم يتقبلهم
الحجي...بس اني اليه عندج طلب
رنا...لا تكول طلب كووول أأمر انت تامرني واني انفذ
الحجي...استغفر الله شنو اامر
اني اريدج اصلين وتنتظمين على الصلا
انتي ما تعرفين التوفيق اللاهي الي يحصله الانسان
اذا يصلي
رنا...بس اني ماضابطه الصلا
الحجي...اني راح اعلمج شلون اصلين بس المهم الاستمرارية مو يوم يومين وتعوفيها
رنا...راح اصلي حتى الصلا الي فاتتني
الحجي...عفيه هيج انتي عرفتي الطريق الصح
جمانه السعيدي
رنا..خايفه ابوي يطلع ويرجع للمشاكل
الحجي...الشرطه راح تأخذ علي تعهد مايقرب عليج ابد
وانتي هم كوني حذره لا تفتحين الباب
وواكو كامره تصور بلباب
رنا...تمام من تكعد الصلاة الصبح كعدني حتى اصلي وياك
الحجي...اي عفيه هذا الكلام الحلو
كعدنا الصبح صلينا سوه ورجعنا نمنا
اني ماكدرت انام بقيت اتكلب بلفراش
طلعت شغلت سيارتي
رحت الام امير دخلت لكيتها كاعده تقرأ قرآن
الحجي...شنو هذا الصباح الحلو
ام أمير... صدق الله العظيم.........اني زعلانه
نزعت اسدال الصلا وخلت القرآن فوك الميز
الحجي...ليش زعلانه
ام أمير...بس احجي وياك وكلت لا تناقشين غير اخاف عليك
الحجي...تمددت على الجربايه
اني زغير ماافتهم مااعرف اتصرف
ام أمير...بس ابوها خبيث
الحجي...البارحه دخلته سجن حتى يتأدب
ام أمير...يااا سجنته
الحجي...حتى يعرف حدوده
ام أمير.. من يطلع راح يزيد خباثه
الحجي.... خل يولي مايطلع اله اخذ علي تعهد
ام أمير...بكيفك ماتشوف المشاكل دخلت حياتنا
من ازوجت رنا
الحجي...وينها المشاكل ترا هاي مو مشاكل
هاي روتين حياتنا الحياة بدون مشاكل تصير ممله
ام أمير.. هااا انت مكيف على المشاكل
الحجي...هيه وينها اكلها ااكل
هسه عندج ريوك لو اروح الرنا نتربك اني وياها
ام أمير....اي عندي واحلى ريوك تدلل
طلعت للشغل قبل لا ارجع على رنا رحت اشتريت
اسدال صلا وسجاده حتى رنا تتحفز اتصلي
من رجعت لكيتها محضره الغده
رنا....هله هله وميت هله
الحجي...بيج ااكثر اليوم جبتلج هديه
رنا...هديه اليه
الحجي...اي شوفي
رنا...الله حلو احلى هديه
اني بعدني مامصليه منتظرتك اريد اصلي كدامك
حتى تصححلي الاخطاء
الحجي.. يله توضي وتعالي صلي
بيومها قررت لازم اخليها تتعلم شغله ااي شغله تكون بيها ضمان الها
العصر كعد يمي امير
الحجي...بابا امير برائيك شنو انسب شغله تتعلمها
رنا حتى تعتمد على نفسها
اريدها تطلع للمجتمع وتصير قويه تكدر ادافع عن نفسها
بس مو اي شغله
كون شغله محترمه ومابيها رجال وتكون تحت عيني
أمير...انسب شغلتين للنسوان لو خياطه لو ام صالون
يتعاملن بس ويا النسوان وشغلتين حلوات
الحجي...اي شغلة الصالون حلوه خوش شغله
ااكو معهد يعلمها على هاي الشغله
أمير...اني صديقي زوجته عدها معهد حلاقه نسائي
وعدها شهاده من الوزاره
تشتغل خير من الله
وناس محترمين تكدر اتامن عليها وياهم
الحجي..اتصل على صديقك اريد احجي وياا
جمانه السعيدي
اتصل أمير بعد السلام انطاني التليفون
الحجي...السلام عليكم
.ابو زهراء..هله هله حجي شلونك
الحجي..... الحمد لله تمام
.ابو زهراء ....هله بلحجي
الحجي...عندي طلب يمك
...شنو طلب حجي اامرني أأمر
الحجي.... تشكر عمو الله يحفظك عندي بنيه واريدها تتعلم حلاقه بس اريد تعليم ممتاز مو شلون مجان
والاجر الي اطلبو تاخذون من عيوني
....شنو ااجر حجي بس هاي بسيطه تدلل
الحجي...اسئل ام زهراء وشوف شنو رائيها واني مراح ااكل حقها اريدها فول شغل ماكو منه
ابو زهراء.. مو تدلل
الحجي...انتظر منك خبر
ابو زهراء.. اعتبرها شغله مكضيه
بليل رحت يم رنا كاعد نسولف اني وياها
رن التليفون
ابوزهراء.....شلونك حجي
الحجي.. تمام منو ماعرفتك
ابو زهراء....اني ابو زهراء اخذت رقمك من أمير
الحجي... اهلا وسهلا
ابو زهراء... حجي باجر خل تجي البنيه الضهر الساعه ثنتين ونص
الحجي..الف رحمه على اهلك مشكور ما قصرت
الحجي...حضري نفسح باجر ترحين تتعلمين حلاقه
رنا...تحجي صدك
الحجي...طبعا احجي صدك اريدج تفتحين عقلح
وعيونج وكل حواسج اريدج تطلعين من هاي الدوره
احسن من ام الصالون
اريدج تطلعين وحده ثانيه مو رنا الي اعرفها
اريد الي يشوف شغلج يكول هاي خبيره
فهمتي لو لا
رنا....ولله ما مصدكه اني راح اتعلم حلاقه
الحجي...صدكي اذا فعلا تريدين اجازيني وما ضيعين تعبي
اريدج تركزين اريد بعد فتره اشوف وحده ثانيه
الكل يتفاجئ بيها
رنا...الف رحمه على والديك
ثاني يوم اخذتها الضهر للمعهد وصلتها ورجعت الشغلي
وبليل رجعت رجعتها للبيت
الحجي...شلون جان اليوم الاول
رنا...حلو حلو كلش شكد ما تتصور
الحجي....يعني الشغله بسيطه ومفهومه عندج لو لا
رنا...كلش بسيطه وحلوه وحتى أجواء المكان حلوه
الحجي....عفيه بس كون تركزين مو عقلج ويا سوالف النسوان
رنا....ابد مااسولف بس عيني عل الشغل
الحجي....اي تمام هذا الي اريده اني
