رواية في ذمة الغريب الفصل السابع 7 بقلم الكاتبة كنوز

رواية في ذمة الغريب الفصل السابع 7 بقلم الكاتبة كنوز

يـ اله الكون هم ينزاح .. كرباي !

شكثر سيف الحزن بالآه .. كرباي

شلون يصير ع المزروع .. كرباي

كربته ولتركته اللوم بيه

━━━━━━━━━ ━━━━━━━━━

اسمع صوت رانيا صاحت بيه و ازاد يحجي عليه يلومه عبالك جبير انخبصوا و عافوني وحدي احجي ويا روحي

:: ازاد وينك ليش ساكت صدك أخذوا عروه وابوية شبي

:: ماكو شي هذا يسولف وحده

:: وين ابويه خل احجي وياه

:: طلع انتِ مو تدرين بيه ما يحب كعدة البيت

:: لعد صاير بيه شي وما تحجون الي

:: شريد يصير قابل تدرين شكد يحبج ومن خوفه عليج صعد ضغطه هاي كل السالفة

:: و عروه وينه انطينياه خل احاجي

:: بالشغل طلع من الصبح

:: شغله ورا الظهر تره يعني صاير شي ودا تجذبون عليه

عرفت ما راح يحجي اللي ع موبايل الا اروح بنفسي

القلق سرى بعروقي مثل سمّ بطيء نفضت الغطه عني اريد انهض رجليَّ تتراجف مدري نحلني المرض مدري من الخبر السمعته ، عقلي ، يصوّر لي أسوأ الاحتمالات، كل سيناريو جان أكثر رعب من اللي قبله.

گمت مثل اللي بعقله شي و مايعرف شنو يسوي من حرگة گلبه يمي شالي و صايتي شلتهن و طلعت الف بحجابي شلون ما جان و وسجدة طلعت وراي حافية ما لحكت حتى العباية لبستها بلا حجاب

سجدة :: اوكفيلي رحمة شبيج شسمعتي شبيهم اهلج

احس گلبي من جوه يوجعني يوم فقد امي مثل شريط و نعاد گدامي والخوف اخذني اسيرة اله لا افقد ابوية هم... سجدة مكمشة بيدي و تسئل

رحمة :: لحگيني سجدة اهلي راحوا كلهم عروه ماخذي و ابوية ماعرفه شصاير بيه

جرتني توكفني و عدلت شالي تغطي شعري وتنزل طرف الشال ع رگبتي

سجدة : مو سمعته گالج ماكو شي طالعين لشغل

:: يجذب عليَّه اني مربيته واعرفه من نبرة صوته اذا جذب

كلما اريد اتحرك خطوة توگفني

:: بس اوكفي شوية هسه اصيحن لـ غفار يروح الهم

:: لا.لا اني اريد اروحلهم الا اشوف بعيوني ياله

:: ولج شلون تروحين انتِ و عليج القـ...

قطعت كلامها واني ما ركزت جنت مخبوصة اجت براءة هم طلعت ورانه و عنبر ما تعرف تمشي ع سريع تركض وراها اجيت امشي لزمتني سجدة حيل وگالت

سجدة :: عنبر من يمج صيحي لـ غفار خل يجي بسااااع

ركضت عنبر ردت تركض بإتجاه الثاني و عبايتها مفتوحة وطايرة رجعت وكفت بنص الطريق وصاحت

عنبر :: هو وين

:سجدة :: بالورشة بسااااعج

تحرك خطوتين و وكفت مطنگرة

عنبر :: ما اروحن ذاك اليوم شافني بيها شحتني وغفل الباب

سجدة :: ولجحح عنبررر تمشين لو اهفج بطابوكة هسه اخلي دمج بطولج

:: تايهه الكم انا ياهو اليجي يطكني والله اخلي جراح يفلش بيوتكم ع روسكم

ضربت سجدة ع رجلها بعصبية وتعض بـ إصبعها تتوعد لـ عنبر... دارت وجهه لبراءة بعد عنبر قفلت ما تروح اله حقها والله

سجدة :: امشي انتِ صيحيله براءة وهاي اني اعلمها الغبرة

اجه ابو طالب ابوها لعنبر سيد مُعمم وعنبر ركضت اله مثل طفلة وفرحت بشوفته حاوط كتفها بيده واجه النه

ابو طالب :: خيرجن عمي ليش واكفات بالشارع

سجدة :: اجيت بوقتك عمي ما تنقع هاي تدخل البيت تنحرت هنا وما تتحرك بعد

ابو طالب :: ليش عمي شبيج

گبل لا ارد اجه هو يمشي بتجاهنه ملابسه كلها برادة مال حديد

غفار :: شلون بيج انتِ راح تظلين كل شوية لاگفة عباتج و طالعة

براءة تجر بردانه وتاشر ع كيفك

رحمة :: اريد اروح لـ أهلي يمكن الشرطة ماخذة أخوية عروة

غفار :: هسه انا اخابر واشوفن الج السالفة شني

منين ما اريد افوت يصير كدامي ويقطع طريقي علا صوتي من حرگتي ع أخوية

رحمة :: همه يردوني اني عوفني خل اروح

قطع كلامي بنبرة حادة يأشر ع بيت بيده بمعنى دخلي عاندت وهو حجة راص ع اسنانه بغيظ

غفار :: هسه غير تسمع الحجاية وتفوت جوه

قبل لا احجي اجه رجال جبير بالعمر لابس بشت و عگال عررفته جدهم الشبب غازي لحيته ضايف وقار اله صح جبير العمره بس بعده شامخ.. ملامحه تشع هيبة تجبر اي شخص يحترمه حتى من حجه وياي استحي ارفع عيني بعيونه

هاشم :: فوتي للبيت جدي والتردي يجرالج ومايكون خاطرج اله طيب

هزيت راسي اي رغم اريد أرفض بس بين الخوف و الاحترام لجمت لساني

رجع دار وجه ع ابو المحابس وبلهجة أمر گال

هاشم :: غفار شوفي البت شنهي تريد سوي

و اشرلي بيده بكل احترام حتى ادخل البيت طبيت وهو بقى بره يخابر ع اهلي بقيت اتحركص ما أكدر اكعد عبالك نار جواي دقايق و فتح الباب ركضت اله بلهفة

رحمة :: هاا شكالولك

غفار :: ماكو شي أبوج زين و عروة مطلعينه هسه اروحن لبيتكم اشوفنه الج هم

شفت الرجال الجبير ما دخل وياه راح للكاع دكيت ع رجليه و گلبي يكلي صاير شي مو زين بـ اهلي وكفت وهو عارض الي

:: دا اگلك ما حجوا وياي لا ابويه ولا عروه وازاد من صوته اعرف اذا جذب عليَّه

:: جاي اگلج اني رايح عليهم اشوفنهم الج طبي جوه

ما درت اله بال ولا كأن حجه وياي عدلت حجابي اخلي دنبوس وهو گال

غفار :: عمة

صاح ع إصالة واشر الها بعيونة هزت راسها بمعنى اي اله واجت لزمت أيدي بين اديها

::شو عاينيلي حبيبة اهدئي اخوج مابي شي والله لو صايرله شي غفار يكلج كعدي هنا وهو راح يشوفه ويجي يطمنج

اخذ مفاتيح السيارة واني اتوسل بيه

رحمة :: عفية حباب خل اروح وياك گلبي نار عليهم والله

غفار :: و روحه لأبوي اخوج طيب انتِ بس كعدي هسه وانا اردلج خبر

نار صايرة نار وهو بكل برود يحجي صحت ورا بنفاذ صبر

:: انت ليش ما بگلبك رحمة

صد براسه باوعلي بطرف عينه واستغفر بصوت غاضب

ركضت عنبر بساع گالتلي

عنبر :: حلاً لنزاع انا اروحن وياه حتى اشوفن اهلج و اطمنج

عافنه و طلع واني ركضت لعنبر انطيتها شالي حتى تلبس واستعجل بيها حتى النعال دنكت خليته كدام رجلها

رحمة :: ركضي وياه بساع قبل لا يروح شوفيهم ولا تضمين عليَّه شي

:: لا والله اصلاً ماعرف اضمن شي بگلبي ابد اتمرض ولك غفار انتظرني جايه

عنبر :: ركضت ورا صعدت السيارة انتبهت لابسة عباية جدة من ريحتها عرفتها ريحة عجايز مسج ما رضه يمشي تنهد ينقر بـ اصابعه ع جلد الستيرن

غفار :: نزلي عنبر مالي خلگج

بوزت شفايفي وانا اخلي حزام الأمان اهم شي اطبق القانون انا مواطنة ملتزمة كلش

غفار :: شمالك عبالك طالعة اتنوس انا غير البت دزتني تگول خاف اهلي بيهم شي وما يگول الي

صاح بصوت جفلني لطشت وياه باب السيارة

:: واذا بيهم شي انتِ راح تگولين الها يعني

:: اي چا شلون انا ما اجذب حاشاني

:: حرف واحدما تفتحين حلكج فهمتي

:: اي خوش خوش هاي هي

عيوني ع اعلانات المحلات أقرأ وافكر بالمدرسة اريدن انقل لغير مدرسة و اخوي جراح ما يقبل ينقلني

وصلنا المنطقة دخلنا شارع فرعي كله طسات احس مصارين بطني گامت تتحرك

:: شنهي ديالاب الهوى صاعدين

عاين الي بدون ما يحجي وگف السيارة نزل وانا ورا دگ الباب طلع ولد بعمري تقريبا سلم عليه وسئل بلهفة و عيونه مدمعة عباله صاير شي واجينه نگول الهم

أزاد :: خو ما بيها شي رحمة

غفار :: ماكو شي جاي ع عروه طلع لو بعده

فتح الباب أكثر و أشر النا بمعنى دخلوا

:: اي طلعوا هاي قبل ما تجون بشوية اجوا من المستشفى تفضلوا

دخلنا طلع رجال بالخمسينات تقريبا شعره ابيض و السواد قليل بيه انتبهت ع ايده بجانب خاصرته ما تتحرك،، تلگه غفار يرحب بي بحفاوة

ابراهيم :: هلا بويه هلا تفضلوا

توي انتبهت لابسه نعال غفار يله محد شاف

دخلنا الديوانية ولد شاب بي شبه لرحمة كلش نفس لون العيون امدد ع فراش وحده من عيونه مورمة صايرة بنفسجي ما يگدر يفتحها و ايده ملفوفة بشاش طالعة بس اصابعة

مشلعة اظافره كلهن كزبر جلدي من منظرهن وحلكة بيه كطن ما يكدر يحجي دهر مكسرينه ما باقي بيه شي صاحي

من شاف غفار حاول ينهض راح عليه غفار بساع دنگ عليه سلم عليه

:: خلك مرتاح.. الحمد لله ع سلامتك تنذكر وما تنعاد

أشر اله براسه خطية ما يگدر يحجي

گعدنه اجت بنية حامل لابسة عباية قدمت النه مي و جاي وگعدت يمي تسئلني ع

رانيا ::شلونها رحمة زينة طمنيني عنها بالي كله يمها والله

عنبر ::يا خطية تمرضت من المطر و البرد هسه شويه احسن بس روحهالايب عليكم تكول حسها گلبها صاير شي بيكم

من سمع ابوها صد عليه بساع

ابراهيم ::شنو بويه شبيها رحمة

خزرني غفار زميت شفايفي من تذكرت ابوها مريض خطية رد هو بمكاني عليه

غفار :: مابيها شي عمي فلاونزة وصارت زينة

خنست بعدها لان ماعرف الم السالفة احجي الاكو و الماكو صفنت عليهم يحجون نطيت بنصهم

عنبر :: هي شنهي فالتو كلمن اله وينهي عليها ولو خوية انت هم صوجك شني ينهي ع اختك وتسكت والله بليلة ظلمة و تكضلك توثية زينة اول هيلة تهطره ع راسه تفشك نصين حتى لا ينهض ونوب ربده ربد خله حاير بزمانه ينامله بالكسور فد شهر هو يتوب من اختك ساعتها

كملت كلامي بحماس وانا اتخيل الموقف صوت و صورة من انتبهت كلهم صافنين عليَّ خزرني غفار و نطق بصوت حاد وخافت محد يسمعه بس انا ميشدد ع كل حرف من اسمي

غفار:: عنبررر

لطمت ع حلكي ابتعد عنه بحذر وهمست

عنبر :: سكتت والله التوبة اذا فتحت حلكي بعد

حجوا شويه وگام غفار گمت ورا و المره طلعت وراي

رانيا :: يا بنية

عنبر :: عنبر اسمي

:: عاشت الإسلامي... عينج ع رحمة فدوة لعينج حسبيها مثل اخيتج

:: بعيوني والله اصلا اموتن عليها كلش حبيتها

صعدنا السياره و بدأ غفار الرزالة شوية اليه و شوية لسواق يتعارك

عنبر :: هاي هي عمي يا كلمة ردي لمجانج

غفار :: حذرتج ما تفتحين حلكج وما يطلع الج حس لو ما حذرت

:: غير البيه ما يخليني يعني شنهي ينهي عليها وابوها موجود إذا يموت شيسون ينهشون لحمهم

:: هذا قانون العشائر بعد

:: لا والله لا قانون ولا شي الصوج بأهلها لو ابوها ساعة نهى ع بنته لاطه ع حلگه و مكسر سنونه بحلگة جا ما گدر بعد يفتح حلگه وينهي الفكاكة

هز راسه بياس يستغفر وصلنه بيتنا نزلت وهو بعد بالسيارة يريد يطبگها گبل لا ادخل البيت صاحني

::عود ما اوصيج گتيهن يمها كلهن أبوج ضاربته جلطة وايده واكفة واخوج مجنزينه بالتوقيف

صفنت بوجه دنكت احاجي من الجامة

:: عاينلي بله خل اشوف عيونك ترى ما عرفت قصدك يعني احجي الصدك لو اجذب

:: عنبررررر

:: يله سكتت شمالك تصبح ادري اسمي حلو بس موش لهل درجة كل شوية و جارة بحبل

رفع اصبع بوجهي و بلهجة تحذير كال

:: وحگ ربج اذا دريت بيج حاجية الها اربطنج وياه حصان فطرس لصبح اخلي يكسر ضلوعج

مشيت شويه و رجعت اله وكفت بعيد احجي وياه

:: هاااا قصدك اجذب عليها مو يله خوش ولو انا استحرم بس راح اجذب هالنوبة لأجلك وهاا لا عبالك خفت منك انا ما اخافن من احد ابد

طبك السيارة وهو يستغفر اول ما طبيت البيت شفت رحمة گاعدة ع قنفة الخشب بالحوش متلفلفة بالبطانية من البرد والبنات يمها من شافتني گامت بلهفة

رحمة ::ها شلونهم عليج الله لا تجذبين عليَّ عروه موجود مو ؟ابويه شلونه..؟

ذبيت عباتي و شالي شلت رجليَّ اربع ع قنفة وصحت اسوي حركات جدة عود

عنبر :: ولجن امشن جيبلي ماي يبس ريجي

صفنن بوجهي ما مقتنعات ركضت رحمة للمطبخ بس هي تحترمني مدري جي عدها مصلحة يمي جابتلي كلاص ماي واجت اخذت منها صگيته كله طلعت عشطانة وما ادري بروحي

:: هاااج بس احجي مو فرفح گلبي

:: زينين كلهم أبوج خطية نشدني عنج و وصاني هم و اخوج هم طالع بس طاگينه شوية بس هو خوش زلمه ابد ما گايل عن مجانج الهم

ما حسيت غير گرصة بخاصرتي براءة شلعت لحمة مني حتى اسكت وانا صرخت بوجع

عنبر :: يمااااا شبيج... سم سم عبالك گرصة حية شو خل اعاين يمكن شلعتي لحمه مني

ردت ارفع ثوبي اشوفن الگرصة جرتني براءة

براءة :: انتِ متجوزين من هاي تصرفاتج الرعنة ما تكولين احد فوك السطح منا منا و يشوفج

گالتها گدام رحمة استهضمت عفتهن و طبيت اجت رحمة وراي تنشد ع اهله تريد تتأكد وانا احس روحي تفشلت غطيت روحي بالبطانية وبعدني مستحية شالت طرف البطانية حبتني من راسي

:: حسبيها عليَّه فدوة اروحلج بس گليلي عروه شبي

:: مابي شي والله زين بس خطية روحه لايبة عليج

:: صدك عليج الله

:: اي والله

حمدت ربها گعدت تبجي شلت المخدة شمرتها عليها بعصبية

:: هم مخطت ،،اكللج بيه شي تبجين اكللج مابيه هم تبجين حتى رب العالمين احتار وياج انت شتردين ما تگليلي

طبت براءة الحجرة تنشد

براءة :: شمالج تصيحين ع البت ولج

عنبر :: انتِ لا تحجين وياي

فرت ايدها بسخرية رجعت غطيت راسي بالبطانية اسمع ونين رحمة يم راسي طلعت من بس عيوني

عنبر :: جيبي خبزة احلفلج عليها مابيهم شي ترى من العوي مالتج راح يصيبهم شي

هزت راسها مبتسمة تمسح دموعها بطرف ردنها اسمع صوت عمتي إصالة تطگطك تخبز و ريحة خبز حار كفخت خشمي اريدن اطلع اكل بس زعلانة شلون اطلع غطيت راسي حتى لا اشتم واضعف

ريحة الچاي و الهيل طبت الي من جوه البطانية بقيت ع موقفي صاحولي ع ريوك بس ضليت معتكفة سمعت صرير الباب نفتح و واحد شال الغطه عني مسح ع شعري وحباني من راسي

هاشم :: شمالها عزيزة هاشم بس لا مغتاظة مني جي صحت عليج امس

گمت اناشغ و ابجي رفع راسي خلى ع صدره وخر شعري منا ومنا

:: لا جدي موش منك انا ما ازعل منك .... هاي براءة فشلتني چدام رحمة تراضاها انت

عگد مابين حواجبة من سمع اسم رحمة

:: ياهي رحمة البت اليمنه

هزيت راسي بـ اي وهو

:: ليش شسويتي و فشلتج

:: عاين حتى انت ضدي اگلك هي فشلتني تگلي شسويتي شنهي قصدك انا الغلطانة مو

ابتعدت عنه ضايجة رجع جراني محاوطني بثنين اديه يضحك

:: نعتذر عمي و اسفين شسوت براءة شلون انطاها گلبها تبجي هل العيون الاحبهن

:: تگلي عرمة انا.. انا عرمة جدي احجي حظك بختك انا عرمة گول ما ازعل والله

عاينلي أحسنه يريد يضحك

:: لا حبابة انتِ يله گومي تريكي ما اعرف احطن بحلگي لگمة لو ما كلجن كاعدات جدامي وخاصة انتِ

:: زعلانة شلون اطلع خل تجي تعتذر مني

:: وازني كلامج جدي بنيت عمج أكبر منج ونصحتج حسبة اخيتج شلون ترضينها تجي تعتذر منج

:: چا شلون اطلع هيج شتگول عليَّ رحمة هاي المكفخة مال بيت ياهو يجي يرزلني و يطگني

صفن بوجهي محتار وانا گتله

عنبر :: عاين هسه راح نطلع وانت من نصير جدامهم حب راس عود انت راضيتني خوش

أشر ع عيونه ثنينهن بمعنى من عيوني

گبل لا تطلع اجه ابوي هم توه يريد ينزع عمامته صحت جفلته

عنبر :: اكف لا تنزعها... ارجع حطها ع راسك

ابو طالب :: شكو

نداريت ع جدي اخذت عگالة و الشماغ من الجنگال و حطيتهن ع راسه

عنبر :: انا راح اطلع وانتوا حبو راسي و راضون جدامهن عبن انا عزيزة و سيد و شيخ عشيرة جايين يراضوني

ابوي صافن حتى ما يرمش و جدي عدل عگالة ع راسه خزر ابوي

هاشم :: البس بوية البس

صدك طلعنه كلهم ملتمين ع ريوك حباني جدي من راسي وابوي هم بعد ما حب راسي كض أيدي كعدني يمه سوالي لفة بيده وصبالي جاي هم وكل شوية ادغة بـ أيدي وهو يحبني من راسي

للعصر كاضة كتابي اروحن و ارد اقرا اتصل رقم غريب ما اعرفنه بقيت صافنة وصلت رسالة انا فطرس ابن عمي كزار

عگدت جبيني هذا موش بالسجن منين جاي يخابر فتحت خط

عنبر :: ولك انت موش بالسجن منيلك نقال وتخابر

تجاهل سؤالي وكال

فطرس :: روحي شوفي ترفة شمالها اتصل عليها من امس ماترد

عود ليش ما يرد سؤالي بقيت ساكتة وهو صاح بنفاذ صبر

فطرس :: عنبر موش وكتج طكي نعالج و شوفيها واذا واحد منهم طاكها خلي عمتي و سجدة يطكنه حتى لو ابوي خل غفار يطگه

صوت واحد يمه يستعجله ينهي الاتصال وگبل لا يسده كال

:: وخل غفار يجيني باجر سمعتي

:: اسمعت شبيك تصيح شكالولك عليه طشرة

سدة بوجهي عاينت لـ رحمة كاعدة جنها الارملة السوداء لكفت عباتي و صحتها حشمتها وياي

عنبر :: كومي وياي ركضي

خطية فزت من فراشها تركض

رحمة :: شكو اهلي بيهم شي

:: شمالج اللي يسمع يكول الدنيا ماكو بيها غير اهلج

:: لعد شكو وين رايحين

جريت عباية جدة من الحبل كطفتها عليها

:: لبسي و امشي وراي بساع مسئلة حياة و موت

البنية نخطف لونها لبست العباية اجتها لركبها هي موش طويلة بس جدة من كبرت گصرت كلش طلعت للبستان عيوني ع كاع ادورلي عودة لجحت عودة ثخينة شلتها

:: شيليلج عودة،، خشبة بساع تسلحي

خطية تدوهنت شالت كربة مال نخل دكيت باب بيت عمي بالعودة وهي صفنت مستغربة

:: اخافن ادكها بيدي و اتنجس

:: ليش شبيها

:: غير كاضينها بديهم ... و ذولة بيت عمي مامش حرام ما مسوينه ماكلين مال اليتيم و اليتيم و سلب و نهب وگتل

نصيت صوتي اتلفت منا ومنا شفت ماكو احد همست الها

:: حتى..

گبل لا احجي طلعت رحاب الحقيرة طالعة صوفتها من طرف الشيلة جنها صوفة طلي النوبة مشيبة وحاطة حنة شعرها صاير لونة برتقال طالعة چنها الشمر بأخر أيامه

رحاب :: شتردين مو هجميتها للباب

عنبر :: ميلي ليغاد اريدن افوت واخافن اطخ بيج و اتنجس

:: مالي خلكج الزرگة شتردين ... وانت ياهي؟

:: ماعليج بيها لاتحجين وياها لاتنجسينها

عقجت وجهة مغتاظة رادت تطبك الباب خليت عودتي و دفتعها

:: وين ترفة شسويتوا بيها احجي لا اجيبن غفار عليج اخلي يزينج كرعة والله وانتِ شكثر يحبج

:: قليلة أدب تجاوزت عليَّه و ابوها ادبها

دفعتني و سدت الباب ولا چنها عجوز و رجلها بالگبر أقوى مني نداريت ع رحمة

عنبر :: شفتي شفتي السقاقية شلون سدت الباب بوجهي وانتِ الآخرة شمالج غير تساعديني ادفع الباب

:: مو انتِ گتيلي لا تتقربين

:: اوكفي هنا خل اجيبن صگارتها واجي

رجعت للبيت اركض وكفت بالباب وصحت سجدة نزلت تركض

سجدة :: شكو ولج كل شوية وداگة بوقي

:: طاكين ترفة و حاسبينها بالبيت ركضي

لبست عبايتها واجت وياي لاگتني عمتي إصالة من سمعت رايحين ع رحاب تحزمت بعبايتها و مشت جدامنه طكت سجدة الباب حيل وياه ما طلعت رحاب كضتها

عمتي إصالة مطلتها بالگاع و شلعت صوفتها ملختها تملخ و علياء حرمة عمي كزار الصغيرة واكفة هي وبنتها أزل تضحك بشماته

اخذت سجدة المفتاح فتحت حجرة ترفة متغطية ونايمة تگربت عليها سجدة رادت تشيل عنها بس الغطة جلبت بيه

سجدة :: ترفة شو خل اشوفنج

صوتها مخنوگ من البجي ما تقبل تطلع وجهه

ترفة :: عوفيني سجدة عليج الله روحوا كلكم و عوفوني

سجدة :: شلون اعوفنج ولج كومي والله گتلتها عمتي لرحاب و إذا تردين اخلي غفار يطگه لابوج هم بس خل اشوفنج

ترفة :: ما اريدن شي بس عوفوني عليج الله

رحمة من سمعت صوتها شلون تحجي و العبرة خانگتها گامت تبجي وياها كرفصت يم راسها تمسح عليه من فوگ الغطه

رحمة :: ترفة هاي اني رحمة اذا تردين يروحن وتحجين وياي و اشوفج خاف مجروحة بيج شي

ترفة :: مابيه شي اريدن ابقى لوحدي

حاولنه وياها ما قبلت ابد تطلع وجهة وهي من نوع عدها عزة نفس حتى لو يطگونها ما تطلع ولا تشكي لـ احد حتى عمتي أصالة توسلت بيها ماكو نتيجة گبل لا نطلع گالت

ترفة :: عمة احلفنج بدم اخيتج لا توصلين خبر لا لجدي ولا لـ غفار

براءة :: متت قهر ع ترفة من جان فطرس فنه واجد منهم يفتح حلگه وياها بس استغلوا دخلته لسجن نهشوها نهش

اجه علي يدور ع سجدة گعد يمها بالحجرة هي تكتب ع حاسبة وهو يگلب بالاوراق و عيونها اتابعه

سجدة :: هاا شمسوي واجيت تختل هنا

ضحك كمز ع جرباية مدد وخلى راسه بحجرها

علي :: اخوج يريد يطكني ترضينها عمة

:: اذا مسويلك مكسورة حتى انا اطكنك

:: هاي جي يتيم و وحيد هيج تسوون بيه

:: لا دك الناعم اعلي احجي شمصخم

فزينه من دفع غفار الباب و طب بيده توثية گمز علي فوگ الجرباية وختل ورا سجدة

غفار :: هاي تاليتك تتحامى بالنسوان هسه ازين شاربك واكعد بنصهن

تحمحم علي ما مهتم لان يعرف كلام غفار حتى يستفزه برجولته و يطلع و يطگه

علي :: لا عمي انا موش اتحامى بيها انا واگف وراها احميها ما سامع ورا كل امرأة رجل عظيم

غفار :: قصدك ورا كل حرمة خاتل زلمة جبان

:: ادري بيك تريد تستفزني حتى اطلع و اطكني وانا من مجاني هذا اكلك ما اطلع

:: راح الم السلف وواتبره منك ما اريدن ولد جبان

:: حتى لو تتبره مني انا طمغة و اجلب بيك تطردني من الباب اردن من الشباج الك

هز راسه غفار اله بتوعد عافه ونزل وهو ربع ع جرباية يجر نفس وكال لسجدة

علي :: اكول يمة ما تسويلنه مركة سمج

اعاين لسجدة عيونها تلمع لمن يصيح الها يمة حتى نبرة صوتها تختلف من تحجي وياه ذيج البت الگوية الخشنة تصير أم وجدامها طفلها لمن تشوفه... گامت بساع تلبي طلبه

سجدة :: روح جيب سمج واسويلك احسن مركة تلوك هل حلك هذا

علي :: جبت وخليته الج بالمطبخ

سجدة :: ها محضر امورك بس ما گتلي شنسوي وهل غفار شاايط عليك

ضحك علي يدور عيونه بكل مكان خجلانه

علي :: هيج سالفة بين وبينه بس تردين الصدك عمي فد واحد مغشغش انطاني الأمان خلاني اسولف واعترف ع روحي وما احس الا التوثية لعبت ع ضهري

فز بساع من سمع صوت غفار صاح من جوه

غفار :: : اليوم علكك بالنكارة واگصبنك علي

علي :: هاي شلون سمع

براءة :: صوتك ستريو السلف كله سمع موش غفار وبس

نزل جدامنه وكف ومد راسه من المحجر

علي :: غفار . اگصد عمي لا والله انت ابوي تاج راسي وراس العشيرة كلها أگولن ليش ما نگعد نتفاهم مثل البشر عندك لسان وعندي لسان نحجي بلاية طك خوش

:غفار :: لا موش خوش انزل لا اصعدلك اذبنك من فوك السطح

:: عمتي راح تسويلنه مركة سمج لا تشوطني عمي

:: جا انزل اطكك كبل لاتاكل

:: سمعتي يمه ترضين بهل حجي يريد يطكني وانا جوعان

سجدة :: عوفه غفار بس هالمرة بعد ما يعيدها

غفار :: خلج ع صفحة سجدة لا اطبكنج وياه

تحمس علي يحجي بلا ما يعرف معنى كلامه

علي :: يخسى شاربة اليطك عمتي وانا موجود

لطمت سجدة ع حلگها وسدت حلگه ما اشوفن الا غفار الدرج خطوتين وصعد النه و علي ركض لبد ورا سجدة رفعت سجدة اديها جدام غفار

سجدة :: خطة العباس عليك اذا تجيسه

شمر التوثية من ايده مغتاظ وميل راسه يحجي وياه علي الخاتل ويتعذر منه

:: الزمك موش ما الزمك اذا ما صبغت جلدك ازرك انا موش غفار

طلع علي راسه من ورا سجدة يقدم اعتراض

علي :: هذا عنف اسري تره اروحن اشتكي عليك بالمركز

غفار :: عفية ابني السبع عفية النجر يله انزل خل اوصلك بدربي للمركز

:: لا بطلت تبقى عمي و ابوي هن اخاف الله يعاقبني

:: لا لاتخاف انا مسامحك بحگي يله امشي

:: تتسمى ابوه عليه عيب وفشلة من الوادم شيگولون ذب ابوه بالسجن

:: مو عمك حاسب حساب للوادم حتى انت تحسب الهم

:: هو شنهي تريد تجبرني اصيرن عاق

مدري ياهو اتصل عليه طلع بره و سجدة جرت علي تريد يهدها وصاحت بيه

سجدة :: اطلع شمالك مو راح تشگه لثوبي

:: اوكفي خل يطلع هذا اخوج ما يتامن

وصدك أمن ياله نزل.. نزلت سجدة اخذت السمج وكعدت بره يم الحنفية تنظفه واني اگنس بالحوش يمها اجت امي تنشد

فضيلة :: وين اخوج طلع

براءة :: اي طلعوا كلهم

ذبت عبايتها و غسلت وجهة تعاين لسجدة و راحت همست الها

امي : كومي اريدن احجي وياج

شطفت اديها خلت سلة ع سمج حتى لاتاخذهن البزونة و مشت وراها اخذتها لحجرتها تعت بيها من معصم ايديها

استغربت تصرفها مادري شنهي خلاني امشي وراهن وگفت اعاين من شگ الباب تكربت امي كاضة ايد سجدة حيل وتحجي بصوت هامس

فضيلة :: طلعت انطي للهوش حشيش و سمعت عمج ابو طالب يحجي وياه اخوج

سجدة :: ع شني يحجي

:: ع اساس جراح گايل اله يحدد عرسكم ورا سنة أبوج

هي سمعت وخوى حيلها كعدت ع جربابتها صافنة صفنة الميتين يگلك حددوا ساعة موتها موش عرسها گعدت امي يمها تهمس

فضيلة :: شناطرة شوكت تحجين وياه حتى يطلكج

سجدة :: حجيت يمه حجيت لحد ما وكعت ع صفحة ما يرضه يطلك شسوي گليلي انطيني حل منج انا عجزت

:: جا تاخذينه و تفصحينه بالسلف و الشمات يا مكثرها علينا

لطمت ع وجهة بثنين اديها تحجي بگلب ملجومة

:: ادعي يمه ادعي الله ياخذني گبل العرس حتى انت ترتاحين وانا ارتاح ومحد يفصحج هم

:: احجي عدل وياي لا اطكنج ع حلكج هسه

:: شحجي يمه وانا من ما ندار الكه بوجهي نار

:: الحل بيدج اخوج ما يردلج طلب كعدي احجي كله انا ما اريدنه لجراح وجدي بوگتها جبرني عليه

:: وليش انا كل هذا يصير بيه ليش وحدي اشيلن الحمل وليش وحدي ادفع إثم ذنب موش ذنبي

واكفة مثل الأطرش بالزفة عقلي گام يجيب و يودي اريدن افتهم مغزى الكلام عقلي يگلي شي و گلبي يرفض يصدگه

گامت امي ما مهتمة الها ربعت يم البوفية ملتها طلعت ملابسها وناشت صندوك خشب صغير طلعت ذهبها منه خلته بعلاكة سودة مدري ع شنهي ناوية بيه

:: عبنج بنية و الولد ما ينعاب شما سور

:: غفار ماعنده بنية و ولد ياهو غلط يتحاسب و لو حجيت اله مايخلي صبح يطلع ع ابن اخوج اله وهو حاط جيلة براسه

:: ان سويتها يا سجدة و مات ابن اخوي اتبرى منج وحك هو علي و اغضب عليج ليوم الدين

بهتت سجدة بمكانها وامي تگربت يمها جرتها من شعرها تهزها وتحجي

:: حتى لو غفار وكف وياج عبالج كزار و جدج جبران يعوفنج عايشة لو موش غفار يذبحونج والله ذيج عمتج حاملة و بيدها بنتها و ما نكسرت گلوبوهم عليها ذبحوها وهي ابطنها جنينها وخلوا بنتها تتمرغل بدمها سجدة خل عقلج براسج و سمعي كلامي

كزبر كل جسمي من سمعت كلامها رغم اعرف قصة عمتي خميلة وشلون گتلوها و ضياع بنتها بس ليش امي جاي تربط مصير سجدة بيها... ليش تگلها نهايتج مثلها

حيلي كله مات وامي ما مهتمة مشت وكفت جدام المراية تعدل شيلتها ولبست عبايتها وأخذت بعلاكة الذهب وكبل لا تطلع كالت الها

فضيلة :: ماشية اودي الذهبات لخالج فالح معتاز فلوس يريد يزرع كاعة من ارجع اريدنج فاضة هل سالفة

مشيت للمطبخ ركض وياه ما طلعت ركضت لسجدة لگيتها ع نفس گعدتها جن روحها جمدت حتى عيونها ما ترمش

براءة :: سجدة شمالها امي وياج وشني هذا كلامها شتقصد بيه

ندارت عيونها عليَّه رفعت ايدها سدت حلگي وهمست

سجدة :: اشش ولا جنج سمعتي شي

رحمة :: لليل حاولت انام كثرة التفكير طير النوم من عيني شلت طرف البردة اباوع ظلام و وحيف الهوى بس بره البنات نايمات و براءة صلت صلاة الليل ونامت بجادر الصلاة

اخذت السجادة و جادر و طلعت اتسحب امشي ع أطراف اصابعي حتى لا يكعدن ردت أسد الباب طلع صوت صرير فتحت براءة عيونها من شافتني شالت راسها تسئل

:: رحمة ..!! وين رايحة محتاجة شي

:: لا اريد اصلي بره نامي

ابتسمت هزت راسها غطت عنبر عدل و رجعت نامت واني طلعت اتذكر من جنت ابيتنه من اشوف بليل هوى حلو اطلع اصلي بره

توضيت و صليت كعدت ع سجادة صافنة كلام هواي بصدري بس مثل خيوط بكرة متشابكة و ماكو طرف خيط الزمه و ابدي منه

الضياع محاوطني احس روحي واكفة بطريق لا أعرف بدايته وين ولا اعرف نهايته خليت أيدي ع صدري مثل اللي يدور ع روحه رفعت نظري لسمه همست

:: يارب انت اعلم بحالي انت تشوف تشتتي هذا وضياعي يااارب ساعدني

بقيت كاعدة اشوية احس بعد الصلاة شوية ارتاح گلبي أمان غريب تسلل لروحي مثل شخص بردان و تحضنه امه بصدرها بحنان هذا عطف رب العالمين احن من الوالدة ع ولدها

گمت لميت السجادة ونفضت الجادر كله ورق مال شجر مجلب بيه توي التفتت اريد اطب فزيت من شفته گاعد ع كرويتة حتى صوت ما سمعت اله من اجه

سميت بسم الله الرحمن الرحيم فتت من يمه قبل لا ادخل كال

:: اواشج

:: هاا

أشر بيده ع طرف الكرويتة بمعنى كعدي

:: تعاي ليجاي اريدن احجي وياج بموضوع

گلبي گمت اسمعه يدك بـ اذني اذا ابن عمه سلمه گبل للحجية يمكن اني لان غريبة و شوية يحترمني حيصارحني بالموضوع وياخذني

بلعت ريگي ومشيت اقدم رجل ووااخر الثانية و عظامي كله تطكطك مو برد خوف گعدت و السجادة بحضني شابگتها

:: هاا

بيده السبحة يگلب بخرزاتها ما رفع راسه اللي شوية وكال

:: ياهو من اولاد عمج ناهي عليج الجهال تمار و غزوان

رفع راسه صارت عينه بعيني وهو كمل كلامه

:: لو رائد اللي ما صارله شهر من تزوج .

الثامن من هنا

تعديل المقال