رواية قلب لم يكن بالحسبان الفصل السابع 7 بقلم جمانه السعيدي
الحجي...شكد ضجت مو لان اخذ مسواك لو مواد غذائيه
بس لان عنده نيه يدخل بيتي ويبوكني
اصلا هو جاي للبيت وكل ضنه اني مخلي فلوسي
بغرفة النوم دخل يدور على الفلوس
وبطريقه اذا يلكه ذهب خاف اني مشتري ذهب الرنا
ياخذه ويااا
عباله اني غشيم اخلي فلوسي هنا
اني عبالي رجال عد كلمته اخذت على عهد مايقرب الرنا
ولا يجي يمها
بس هو جان مبيت النيه حتى يبوكني
بسيطه اني اعلمه
رنا....حجي انت زعلت عليه ولله خفت منه لا يضربني
اصلا حتلو يموتني ماعنده مانع
الحجي...انتي مالج ذنب
رنا...فدوه حجي خاف عبالك متفقه وياا ابوي
اني مستعده اقسملك قسم ماجنت اعرف هو راح يجي
ومااعرفت جاي يدور بيتنا
واذا على المسواك بعد لا اجيب اي مسواك
الحجي.....لا مو الهلدرجه شنو القصه قابل اني مااعرف ابوج
باجر اجيبلج تليفون واخلي بي رقمي
اذا ابوج اجا اتصلي عليه فورا
وممنوع منعا باتا تفتحين الباب الاي احد
ممنوع تفتحين الباب الاي احد واني عندي مفتاح افتهمتي لو لا حتلو واحد من ولدي لواحد من العمال يكلج دزني الحجي
ممنوع تفتحين الباب فهمتي لو أكرر بعد
رنا...لا فهمت بعد ماافتح الباب الاي مخلوق
اعذرني حجي انت جاي تساعدني واني ماكو وراي غير المشاكل
الحجي...اني اعرف اخلي حد الابوج وواكفه عد حده
ثاني يوم خليت كامره باب الشارع
وكامره باب المدخل
مرن اربع ايام بعد جيت ابو رنا البيتنا
اربع ايام ورنا ما ترفع راسها بوجهي
خجلانه من فعلة ابوها رغم اني كتلها ما زعلان عليك
حرامات هاي الملاك بت هذا الشيطان
اليوم الخامس الصبح الساعه ١١ ونص الصبح رنت عليه
رنا
الحجي... الووو
رنا.. الحك عليه حجي ابوي بلباب ومايقبل يروح
يدك بلباب ويكول افتحلي
راح أصيح بصوت عالي بنتي ما تقبل تفتحلي الباب
الحجي...اجيت اجيت لا تفتحين الباب
جمانه السعيدي
الحجي....صعدت سبارتي البيت كلش قريب
وصلت شفته واكف يدك بلباب
عبالكم من شافني خاف لو انهزم لا واكف ويدك
الحجي.....هااا خير شعندك هنا
ابو رنا.. اجيت اشوف بتي ليش قافل عليها الباب
انت ازوجتها مو اشتريتها
خليها تفتح الباب اريد اطمن عليها
شمعرفني انت جاي تعذبها تضربها مجوعها
الحجي...بقيت صافن بوجها لان كل عمري ماشايف هيج وقاحه
وواكف باب بيتي ويحجي عليه
الحجي...تروح منا لا اجيبلك الشرطه
ابو رنا....شنو جاي تهددني صاح بصوت عالي
ياناس ياعالم هذا الحجي حاج بيت الله
ويحجي بلدين قافل للباب على بنتي اخذها طفله من حظني وجاي يعذبها
حرمني شوفتها كلشي مااعرف عن بنتي
الحجي...الناس طلعت تباوع علينا وهو مستمر يحجي ويغلط
بعدين ابتسم بخباثه وكال
ابو رنا.. هااا هيج احسلك عبالك تخلص مني إذا
قفلت الباب
لو ابقى واكف هنا وأصيح لو تنطيني فلوس
الحجي...تريد فلوس
ابو رنا...اي المن ضامهن على كلبك اني كتلك عشره مليون
من البدايه وانت ما وافقت
واني مراح اعوفك كل يوم اوكف هنا
واحجي عليك كدام الناس اذا ما افضحك فضيحه
لو تنطيني فلوس
مو بس هلمره لا اني اريد راتب كل شهر
وانت بكيفك ترا ما تخلص مني
الحجي....مو تدلل من عيوني الاثنين غالي والطلب رخيص
طلعت تليفوني واتصلت على النجده
ابو رنا.. شنو تخوفني ااكول اخذ بنتي قاصر
وحابسها بلبيت ويعذبوه وحتى حرمني اشوفها
الحجي.. اي هو اني اريدك تحجي هذا الكلام
رنيت على حاتم كتله عوف كلشي بايدك وتعال بسرعه
يم بيتي هذا
رجعت رنيت على ابو هادي جيرانه وكتله حضر نفسك
اريدك شاهد بلمركز
ابو رنا....ليش مصمم تكبر الموضوع انطيني ١٠٠ الف واروح
الحجي....لا اني اريد اكبر الموضوع
اريد اخليلك حد انت انسان لا تستحي ولا تخجل
شويه ووصل حاتم
ابو رنا واكف بس خايف يحس ورط نفسه
اجت النجده
نزل الضابط الضابط يعرفني دائما دوريته
تفوت من باب المحل بينا سلام وواجب
الضابط...خير حجي شكووو
الحجي...اريد اخذ هذا الرجال للمركز اشتكي علي
الضابط..تدلل
ابو رنا....اني مااريد اي شي اريد ارجع البيتي
الحجي...لا حضرت الضابط اني اريد اشتكي علي
كامرت البيت مصورته صار اكثر من ساعه يدك بابنا
اريد اشوف شيريد مني
لو اصيح عليك لو تنطيني فلوس
الضابط...هو شيقربلك
ابو رنا...احنا نسايب اخذ بتي صار ٣ اسابيع
وقافل عليها الباب وما نعها حتى توصل بيت ابوها
اني طالب اشوف بتي
اريد اشوف ليش حابسها ومانعها تفتح الباب حتى الابوها
جمانه السعيدي
الحجي....اي بس هاي بسيطه فتحت الباب
لكيت رنا واكفه ورا الباب وتبجي
الحجي. ليش تبجين روحي البسي وتعالي وياي
الضابط...احنا ناخذ ابو رنا ونروح للمركز كدامك
الحجي.. اخذو حاتم وياكم لان هو شاهد على هاي القضيه
واني راح احيب زوجتي واجي
سحبو ابو رنا صعدو بلسياره وصعد وياهم حاتم
طلعت رنا لا بسه رداء وشأل ولا فه نفسها
الحجي.. من نوصل للمركز احجي كلشي فهمتي لو لا
اذا تحجين الحقيقه نرجع البيتنا سوه
واذا تردين ابوج روحي ويااا واليوم توصل ورقة طلاكج
صعدنا بلسياره ومرينا على ابو هادي اخذنا ويانا لان هو الشاهد على العرس
ووصلنا هناك دخلت للمركز ورنا تمشي وراي
ابو رنا.. بويه رنا اني ابوج اوكفي وياي
هذا الحجي واحد ضالم ماكو بكلبه رحمه حابسج بلبيت
اني راح اوكف وياج
اطلكج وناخذ الغايب والغرفة منه كل حقوقج ناخذهن
الحجي....دخلت على الضابط سلمت علي وكعدت
الضابط...شنو القصه
الحجي...اني راح احجيلك القصه
هاي البنيه جيرانه ابوها يعذبها ويضربها كل يوم
كل يوم مفرج الناس عليها اخر شي كسر ايدها
كتلها اشتكي علي ماقبلت
اني حتى انقذها من هذا الوضع ازوجتها
ابوها طلب مهر سبع مليون وماصرف عليها فلس منهن
واني وافقت بس حتى انقذها
بس كان عندي شرط وحيد لا يشوفها ولا يقرب عليها
وهذا الحجي على شهود
الشهود اني جبتهم وياي واكفين برا
هو وافق على شرطي بس اتفاجئت قبل كم يوم
جاي مقحم بيتي يدور على فلوسي ياخذهن
اسمع شكايل البنته
احجي رنا
رنا...دور البيت عباله الحجي يخلي فلوسه بلبيت
دور غرفة النوم وطلع ملابسنا
لمن كلشي مالكه كال اخذي من زوجج فلوسي
وانطيني وخلي يسجل البيت باسمج
بعدين ماراد يطلع من البيت كلشي ما محصل
اخذ المسواك من الثلاجه والمواد الغذائيه
الضابط....شلون جان يعاملج قبل بيتكم صدك يضربج
رنا...يموتني تموت وكاتلني الجوع
الضابط...بس انتي هيج يعاملج لو اخوانج هم
رنا.. اني امي ميته وماعندي اخوان بس من زوجت ابوي
ذولاك يعاملهم احلى معامله واني يضربني ويجوعني
الضابط.. هسه شنو المطلوب مني حجي
الحجي....تاخذ علي تعهد اذا قرب علي بيتي
يدخل للسجن اني مااريد منه شي بس يعوفني بحالي
اني رجال معروف كل يوم وجاي يحجي عليه كدام الناس
اني شرطت على شرط
مايقرب على بيتي ولا يقرب على بنته
جمانه السعيدي
الضابط...جيبو ابوها
الضابط....انت ليش ما تستحي
ابو رنا...شمسوي حضرت الضابط رحت اشوف بنتي
اكو عقوبه بلقانون تعاقب الاب اذا سئل عن بنته
الضابط...لا اكو شهود عليك بعت بنتك وستلمت
الفلوس وشرط الزواج ما تقرب عليها
ابو رنا....كلب والد ماكدرت اعوف بنتي وما اسئل
عنها وخاصه من عرفت الحجي قافل عليها البيت
رنا....الحجي ما قافل عليه البيت اني عايشه احلى عيشه بيت ااحجي
الحجي رحمني منك ومن عذابك اني مااريد اشوف وجهك
اطلع من حياتي
ابو رنا...بت الكلب فوك مااادافع عنج غسل عقلج
الحجي بعتي ابوج الي رباج وتعب عليج
رنا...اي تربيه واي تعب واني بليوم انكتل اربع وخمس مرات
وانام حوعانه
انت مو ابوي اني متبريه منك ومااريد اشوف وجهك
الضابط...جيبو الشهود
دخلو حاتم وابو هادي
الضابط...انتم شاهدين على عقد الزواج
...نعم حضرت الضابط
الضابط.... صحيح الحجي شرط على ابو العروس
مايشوفها ولا يوصل يمها وابوها وافق
...نعم حضرت الضابط
الضابط.. هل ابوها فعلا كان يعذبها ويضربها
ابو هادي...ولله جان الشارع كل يوم يتفرج علي شلون يضربها لو ما الحجي جان ماتت من الضرب
الضابط.. اخذو للسجن راح اخليك بلسجن اسبوع
الحد ما تتادب وتحترم نفسك
ابو رنا. واني قابل شسويت ليش انسجن
اني ماسويت جريمه رحت اشوف بنتي
رنا...حضرت الضابط يصير اتبرا منه اكو إجراء يخليني اتبرا منه هذا مو ابوي
ابو رنا...الله ياخذج حيوانه
الضابط.. اخذو للسجن
الحجي...حضرت الضابط مايطلع من السجن اله تاخذون علي تعهد مايقرب على بيتي
الضابط...اني راح أعلمه الادب
الحجي...صعدنا كلنا بلسياره اني ورنا وابو هادي وحاتم
وصلت ابوهادي البيته واشكرت منه
ووصلت حاتم للمحل وأخير شي رجعت رنا للبيت
هلمره صدك كبرت بعيني
مو لان وكفت وياي ضد ابوها
لان دافعت عن حقها وما خافت اول مره بحياتها
توكف بوجه ابوها ودافع عن نفسها
جمانه السعيدي
دخلنا للبيت
رنا.. اني اسفه كل المشاكل تجي من وراي اني واهلي
الحجي.. اليوم عجبتيني لان دافعتي عن حقج
اليوم اول يوم توكفين بداية الطريق الصحيح
عفيه عليج
رنا..... ولله ياحجي لوما انت جان ضعت لوما انت تساعدني
جان الله العالم شصار بيه هسه
الحجي. عوفي هذا الحجي شنو الغده اليوم
رنا. مطبك سمج
الحجي. صار زمان ماماكل مطبك سمج
يله نتغده اريد انام وارتاح حتى ارجع الشغلي
تغدينا من كملنا جابتلي ماي فركت رجليه وغطتني وطلعت من الغرفه
نمت ساعه جان اسمع بابنا تكسر
طفرت من النوم الله يستر شكووو
الدكه قويه عبالك وواحد عنده عركه
اجت رنا وكفت بصفي خايفه تخاف تفتح الباب
رنا...حجي هاي شنوووو
كمت من مكاني ولدك مستمر الباب تفلش
فتحت الباب ووحده عمرها بداية لاربعين وواكفه
لابسه عبايه بدون حجاب
نص شعرها طالع وياها اطفال ثنيبن
وواحد.ست سنوات وواحد اربعه
رنا من شافتها كالت بتعجب نجاة
الحجي.. خير شكو ليش كسرتي بابنا
نجاة....يا ما تخاف من الله انت شلون حجي
ليش سجنت هذا المسكين
شرايد منك راد يشوف بنته
الحجي...تحجي وتاشر بايدها عبالها تخوفني بصوتها العالي
التفت على رنا منو هاي
رنا...زوجت ابوي
الحجي...قصدج الحيه
نجاة...ماكو حيايه غيرك انت ومرتك ليش سجنت الرجال
شسوالك بيش تطلبه
الحجي.... اسمعي لا تهوسين اذا زوتي كلام
اتصل على الشرطه ودخلين للسجن ويااا اذا اشتاقيتليه
نجاة...هسه اطلعه هسه هسه فهمت
ماكو افضحكم واشهركم شهيره
رجال جبير جاي يشوف بنته ليش تشتكي علي
الحجي...ترحين لو اتصل عل الشرطه اني ماخايف
من كلامج بس ااكول هاي مره عيب اغلط عليها
نجاة....اريد رجلي وانتي ما تحجين شو ساكته
مكيفه رجلج حبس ابوج
امداج ياعار هاي اخر تربيته اللج
الحجي...طلعت التليفون الو النجده
هاي وحده جاي تتهجم علينا بيتنا ممكن تجون بسرعه
الضابط...شنو القصه حجي اليوم شصاير
الحجي. تعال بسرعه وانت تفهم
من سمعتني اتصلت على النجده
اخذت جهالها ومشت
الحجي...ليش مشيتي مو تردين زوجج هسه تجي النجده
توصلج اله حتى تنامون ثنيبنكم بلسجن سوه
نجاة...الله لايوفقكم ولا يرزقكم كون تحتركون انتم وفلوسكم
الحجي...رجعت اتصلت على النجده اعتذرت منهم
دخلنا للبيت
رنا....اهلي لا يرحمون ولا يخلون رحمة الله تنزل
الحجي.. لا تخافين ما.دام اني موجود مراح يقربون عليج
رنا. حجي اليله لا تعوفني اخاف لا يرجعون عليه
الحجي.. راح ابقى اليله هنا لا تخافين
ذوله اهلج مايجون بلعيني واغاتي
اله عرك ومشاكل يله
رنا....وأنت شنو ذنبك تتحملهم
الحجي...الجهاد في سبيل الله اعتبره جهاد
واجري على رب العالمين
اخذت ايدي تبوسها بس اني ماقبلت
رنا.. ابوس رجلك مو بس ايدك فضلك ما انسا العمر كله
الحجي ..اريد جاي من ايدج الحلوه
رنا.. مو تدلل
