رواية قلب لم يكن بالحسبان الفصل السادس 6 بقلم جمانه السعيدي
الحجي....طلعت للمحل شفت الشغل
والعصر رحت اشتريت ثلاجه حجم وسط وطباخ زغير وبلازمه وقنينة غاز واخذتهن كبل للبيت
نزلتهم بلبيت
لكيتها جاي تغسل بلبيت
دخلنا الغراض وخليتهم كلمن بمكانه
رنا...حجي اطبخ عشى
الحجي...لا اني راح اجيبلج جاهز واجيب مسواك من باجر تطبخين واني اروح اتعشى بيتنا وارجع عليج بليل
تخاف تبقين وحدج
رنا...لا مااخاف
الحجي...اقفلي الباب وممنوع تفتحين الباب الاي احد
اني عندي مفتاح من ارجع افتح وادخل
رنا...اي حجي صار
جبتلها عشى ورحت البيتنا
لكيت ام أمير مبدله ومتمكيجه مو على عادتها
من شفتها ابتسمت حاولت اضم الضحكه
ام أمير...هله حجي هله بيك اشتاقيتلك
الحجي...شنو هاي اليوم تخبلين
ام أمير.. اصلا اني من زمان اخبل بس انت ما منتبهلي
الحجي...انتي وين اكو منج
ام أمير...تعال نتعشى سويتلك عشى يخبل
كعدنا نتعشى اني وياها زوجت قصي منتظره زوجها
لمن يرجع يتعشون سووه
ام أمير...احلفك بلله تحجي الصدك انت نمت بمكان وهيه بمكان البارحه
الحجي...هههه صدكي اني نمت بمكان وهيه بمكان
ولج هاي طفله شلون أقرب عليها
اني معتبرها مثل بنتي
بس اللج عندي اخذج للسوك تشترين ملابس
لان اني اخذتها اشترت ملابس تخيلي طلعت من بيت ابوها بملابس مجروده
اخذ الفلوس ومهان علي يشتريلها ملابس بيهن خير
ام أمير....بس ملابس لو جبتلها ذهب
الحجي...لا ملابس وبس فلوس ذهبها يم ابوها
بس حقها عليه اجيبلها مسواك وملابس خوما تبقى بذني ملابسها
ام أمير...اني مااريد ملابس اريد محبس ذهب
الحجي..مو تدللين صار بس اليله ابات يمها مااكدر اعوفها وحدها لمن تتعود على البيت
ولو المنطقه هناك امان
ام أمير...البارحه يمها وليله يمي
الحجي...خلي عقلج جبير هاي طفله وبعدها ما متعوده
تكعد وحدها اسبوع هيج لمن تتعود على للبيت
واعوفها وحدها
المنطقه حيل امان شارع تجاري وبي حركه
والناس مخليه كامرات بس هم مااكدر اعوفها
لمن تتعود على المكان يله
ام أمير...خلي واحد من العمال حارس عليها
وانت تعال هنا
الحجي...تحجين صدك اخلي عليها حارس وواحد من العمال هذا شنو من تفكير طفله زغيره
واخلي واحد عليها حارس حاميها حراميها
شلون اامن عليها رنا صارت مسؤله مني اي شي يصير وياها اني اتحمل مسؤليته
جمانه السعيدي
ام أمير....اني البارحه مانمت ما متعوده تعوفني
اخذت حبابه منوم يله نمت منيين طلعتلي رنا
الحجي....لا اضوجين مسئله وكت لمن تكدر توكف على حيلها وتعتمد على نفسها اطلكها وكلمن يروح الحاله
ام أمير...شلون تعتمد على نفسها
الحجي...اريدها اول شويه تتقوى لان ضعيفه بسبب الجوع
بعدين راح اخليها تتعلم شغله اي شغله وتعتمد على نفسها
حتى من اعوفها مااخاف عليها
بعد محد يكدر يتحكم بيها
ام أمير...خاف بس حجي ولله خايفه لا تحلى بعينك وبعد ما تعوفه
الحجي....انتي ليش مجاي تقتنعين اني مالي نفس بيها
وجاي اساعدها لوجه الله
ام أمير...خوب ساعدني اني وابقى يمي بمكان ماكاعده اليل كله فكره اجيبني وفكره توديتي
ما مصدكه انت ازوجت عليه
الحجي...اني اروح لان عندي شغل من اكعد وياج مره ثانيه خليج فرفوشه احجي بمواضيع عامه
خليج صاحبة نكته
مو بس اجي يمج تشكين انتي ما ناقصج شي
حافظي على نعمتج تمام في امان الله
جمانه السعيدي
رجعت الرنا لكيتها متعشيه وسابحه ومبدله لابسه دشداشه ورافعه شعرها ليوره
الحجي...هااا عمو تعشيتي
رنا.. الحمد لله
الحجي...شبيج تعبانه ضايجه
رنا... لا مو تعبانه بس تغير الوضع عليه شويه
الحجي...شلون يعني للأحسن للأسوء
رنا.......اني قبل نص بطني جوع انتظرهم يكملون ااكل
وااكل الباقي منهم
كم ليله بليله انام بدون عشى لان كلشي مايرجع
من الاكل
وابوي مايقبل ااكلي بيضه لو طماطه
انام بدون ااكل
هاي صار يومين ااكل هوااي ااكل طيب بطني توجعني
ما متعوده على الاكل
الحجي...بعني يكعدون ياكلون وانتي تتفرجين عليهم منا لمن يخلصون ويبقى ااكل منهم
واذا مابقى ااكل
رنا...ابقى هيج اشرب ماي هواي حتى لا احس بلجوع
الحجي...وليش تنامين جوعانه جان تخليهم ينامون واروح ااكلي براحتج
رنا...نجاة تحسب كلشي قبل لا تنام
لو ااكو طماطه تحسبها خاف اكعد ااكل بليل
اذا اكلت شي غير ابوي يموتني تموت رغم اني الي اطبخ
بس ممنوع امد ايدي على اي شي
مرات اخذ من الاكل قبل لايستوي وااكل بسرعه
لو من ابوي يجيب مخضر للبيت واني اعزله قبل لا ينتبهون اضم طماطه خياره فلفله
اضمها بسرعه وارجع بعدين اكلها
الحجي...الله واكبر عليهم صدك جذب
رنا...صار يومين ااكل وااكول صدك هاي اني رنا
جاي ااكل كباب ودجاج وفواكه وحلويات
ما مصدكه نفسي
الحجي...ااكلي الف عافيه
باجر اجيبلج مسواك واطبخي وااكلي براحتج شكد ما تردين
رنا...خاف يصير بيه شي من الاكل
الحجي...كلشي مايصير بيج انشاء الله
صحه وعافيه
جمانه السعيدي
الحجي...نمنا كل واحد بغرفه والصبح بس كعدت وسمعتني اغسل كعدت كبل
رنا..صباح الخير
الحجي...ليش كعدتي روحي كملي نومتج اني اتريك واطلع
رنا...لا اني احضرلك الريوك من عيوني شجازي منك
فعلا حضرت الريوك والجاي
الحجي...تعاي نتريك سوه
اجت كعدت كبالي
الحجي...اذا اغيب عن البيت تخافين يعني مثلا مااجي
لو أبات برا عادي لو تخافين
رنا...لا مااخاف اصلا الشارع للصبح بي صوت وحركه
مااخاف حجي لا تشيل همي
يمكن اني جاي اخذ من وقتك وخربت حياتك
الحجي....لا بلعكس ليش خربتي حياتي
كلما اشوف وضعي يتحسن اني من يمي ارتاح ااكثر وااكثر
بهاي اليله رحت نمت بيتي بعد مااطمنت عليها وجبتلها شكو شي ناقص من مسواك ومواد غذائيه
الصبح من اجيت للمحل اطمنت عليها وطلعت الشغلي
والضهر اتغدينا اني وياها سوه
من كملت ااكل كلت ولله تعبان اريد انام شويه وارجع للمحل
جان تطفر تروح اجيب ماي دافي وملح
رنا...حجي خل اغسل رجليك حتى ترتاح
خلت رجليه باانجانه جبيره وفركتهن فرك
حسيت التعب كله راح
نمت نومه عبالك غيبوبه مو نوم من كعدت لكيتها كاعده
الحجي...ليش ما نمتي
رنا...منتظرتك خاف تحتاج شي قبل لا تطلع
الحجي...كلشي مااحتاج اخذي راحتج
بعد اسبوع واحد بدا شكلها يتغير نوم وراحه
وجها صار مثل التفاحه وجسمها صار مليان
وبشرتها صارت ورديه
قبل عبالك بيها ابو صفار
رحت جبتلها عصاره امريكيه توخر الاثار الي على جسمها
الصيدلاني ااكدلي هاي العصار تمحي الاثار حتلو صار الهن سنيبن
صار الجدول اليومي
اجيها الصبح اطمن عليها خاف محتاجه شي والضهر اتغده وياها
بس بليل اروح انام بيتي
كلما اشوف وضعها تحسن ااكثر ارتاح نفسيا
بعد اسبوعين تقريبا من زواجنا
رجعت عليها الضهر حسيتها خايفه متوتره
الحجي....شبيج صاير شي
رنا...لا ماصاير
الحجي.. ااحجي شكوووو ااحجي الصراحه
رنا....ابوي
الحجي...شبي ابوج
رنا...اجاني الصبح اني ماردت افتحله الباب بس بقى يلح
اريد اشوفج اريد اطمن عليج
فتحت الباب دخل للبيت بقا يباوع
بعدين سئلني هذا البيت باسمج
كتله لا
ردعليه خلي الحجي يسجله باسمج
سئلني... الحجي ينطيج مصرف كتله لا
ما صدكني دور البيت كله وغرفة النوم فتشها حتى الملابس طشرهن
يكلي اخذي منه فلوس لا تصيرين ثوله الفلوس نايمه على كلبه انت زوجته وزغيره اخذي شكد ما تكدرين منه فلوس ساعديني اني بعد مااكدر للشغل
اخذي منه وجمعيهن لخوانج واني من اجيج انطيني
بس لا تكولين ابوي اجا هنا
رنا....بعدين اخذ المسواك الي بلثلاجه والمواد الغذائبه
وطلع
فدوه لاتزعل عليه ولله مااكدرله خفت ااكوله لا
خاف يضربني مثل قبل
الحجي....اني مو كلت ممنوع تفتحين الباب الاي احد
رنا...بقا يلح عليه هوواي ويدك بلباب
توقعت فعلا جاي يطمن عليه
الحجي...بسيطه يصير خير
رنا.. انت زعلان عليه
الحجي...لا مازعلان بس بعد ممنوع تفتحين الباب
لو يدك من الصبح لليل مفهوم
رنا...اي مفهوم
